RCB vs MI : IPL 2026 ની સિઝન અત્યારે તેના ચરમસીમા પર છે, પરંતુ રમતની સાથે સાથે વિવાદો પણ જોર પકડી રહ્યા છે. હાલમાં જ રોયલ ચેલેન્જર્સ બેંગલુરુ (RCB) અને મુંબઈ ઇન્ડિયન્સ (MI) વચ્ચે રમાયેલી મેચમાં મેદાન પર ભારે હંગામો જોવા મળ્યો હતો. આ મેચ માત્ર રન અને વિકેટ માટે જ નહીં, પરંતુ ખેલાડીઓના અસભ્ય વર્તનને કારણે પણ ચર્ચામાં આવી છે. ખાસ કરીને RCB ના ફિનિશર ટિમ ડેવિડની એક કરતૂતને કારણે સોશિયલ મીડિયા પર તેની ભારે ટીકા થઈ રહી છે અને તેના પર પ્રતિબંધ મુકવાની માંગ ઉઠી રહી છે.

મેચનો હાઇ-વોલ્ટેજ ડ્રામા અને વિજય

RCB અને મુંબઈ ઇન્ડિયન્સ વચ્ચેની આ મેચ શ્વાસ અધ્ધર કરી દે તેવી હતી. મેચ છેલ્લા બોલ સુધી ખેંચાઈ હતી, જેના કારણે બંને ટીમના ખેલાડીઓ અને ફેન્સ પર ભારે દબાણ હતું. અંતિમ ઓવરોમાં ભુવનેશ્વર કુમારે પોતાની અનુભવી બેટિંગથી મેચનું પાસું પલટી નાખ્યું અને RCB ને એક યાદગાર જીત અપાવી હતી. જોકે, આ જીતની ઉજવણી વચ્ચે મેદાન પરના ગરમાગરમ દ્રશ્યોએ સૌનું ધ્યાન ખેંચ્યું હતું. RCB ના કોચ એન્ડી ફ્લાવર અને અમ્પાયર વચ્ચે થયેલી બોલાચાલીએ મેચની ગરિમા પર સવાલ ઉભા કર્યા હતા, જેના માટે કોચને આકરો દંડ પણ કરવામાં આવ્યો છે.

ટિમ ડેવિડની વિવાદાસ્પદ હરકત

જ્યારે મેચ તેના સૌથી રોમાંચક તબક્કે હતી, ત્યારે રોયલ ચેલેન્જર્સ બેંગલુરુના ડગઆઉટમાં બેઠેલા ટિમ ડેવિડનો એક વીડિયો કેમેરામાં કેદ થયો હતો. આ વીડિયો ક્લિપ સોશિયલ મીડિયા પર આગની જેમ ફેલાઈ રહી છે, જેમાં ટિમ ડેવિડ કોઈ અસભ્ય અને અશ્લીલ ઈશારો કરતો સ્પષ્ટ દેખાય છે. વીડિયોમાં તેના ચહેરા પરનો ગુસ્સો અને હતાશા સાફ જોઈ શકાય છે. ફેન્સનું કહેવું છે કે, ભલે મેચમાં ટેન્શન હોય, પરંતુ એક ઇન્ટરનેશનલ ખેલાડી તરીકે આવું વર્તન જરા પણ સ્વીકાર્ય નથી. આ ઘટના કયા સમયે બની તે અંગે હજુ તપાસ ચાલી રહી છે, પણ સોશિયલ મીડિયા પર લોકો તેને ટ્રોલ કરી રહ્યા છે.

સૂર્યવંશીથી પણ ખતરનાક નીકળ્યો આ ગુજ્જુ ખેલાડી!: 8 બોલમાં 6 છગ્ગા મારી રચ્યો ઇતિહાસ, જાણો પછી ખિસ્સામાંથી ચીઠ્ઠી કાઢી એમાં શું હતું

IPL આચારસંહિતા અને સજાની જોગવાઈ

IPL માં ખેલાડીઓના વર્તન માટે ખૂબ જ કડક નિયમો બનાવવામાં આવ્યા છે. આચારસંહિતાની કલમ 2.6 ખાસ કરીને મેદાન પર કરવામાં આવતા અશ્લીલ કે અપમાનજનક ઈશારાઓ પર રોક લગાવે છે. જો કોઈ ખેલાડી આવું કૃત્ય કરે છે, તો તેને લેવલ 1 નો ગુનો માનવામાં આવે છે. આવા કિસ્સામાં ખેલાડીની 50 ટકા મેચ ફી કાપી લેવામાં આવે છે અને તેને ડિમેરિટ પોઈન્ટ આપવામાં આવે છે. આ પોઈન્ટ્સ ખેલાડીના રેકોર્ડમાં ત્રણ વર્ષ સુધી રહે છે. જો આ સમય દરમિયાન પોઈન્ટ્સ વધી જાય, તો ખેલાડી પર આપોઆપ પ્રતિબંધ લાગી જાય છે.

કોહલીની એક Like થી દુનિયાભરમાં થઈ ફેમસ આ યુવતી!: AI નો શિકાર બન્યા 'કિંગ કોહલી', ફોટો થયો વાયરલ

પ્રતિબંધની શક્યતા કેટલી?

ટિમ ડેવિડની આ હરકત જો ગંભીર ગણવામાં આવે, તો તેના પર મોટી કાર્યવાહી થઈ શકે છે. જો મેચ રેફરીને લાગે કે આ ઈશારો અમ્પાયર, વિરોધી ટીમ કે પ્રેક્ષકો તરફ કરવામાં આવ્યો હતો, તો તેને લેવલ 2 અથવા 3 નો ગુનો ગણી શકાય છે. આવા સંજોગોમાં ખેલાડીને માત્ર દંડ જ નહીં, પણ 2 થી 5 મેચ માટે સસ્પેન્ડ પણ કરવામાં આવી શકે છે. અત્યારે સમગ્ર મામલો મેચ રેફરીના હાથમાં છે અને આગામી દિવસોમાં ટિમ ડેવિડના ભવિષ્ય અંગે મોટો નિર્ણય લેવામાં આવી શકે છે.

IPL 2026 : IPL 2026 ની સિઝન ભારતીય ક્રિકેટ જગતને એક નવો 'વિસ્ફોટક' હીરો આપી રહી છે. લખનઉ સુપર જાયન્ટ્સ સામેની મેચમાં જ્યારે ચેન્નાઈ સુપર કિંગ્સ મુશ્કેલીમાં હતી, ત્યારે મહેસાણાના ઉર્વિલ પટેલે એવી બેટિંગ કરી કે સ્ટેડિયમમાં બેઠેલા હજારો દર્શકો અને ટીવી સામે બેઠેલા કરોડો લોકો દંગ રહી ગયા. માત્ર 13 બોલમાં અડધી સદી ફટકારીને આ ખેલાડીએ સાબિત કરી દીધું કે તે આવનારા સમયનો સુપરસ્ટાર છે. તેની આ રમત જોઈને બનાસકાંઠાના સાંસદ ગેનીબેન ઠાકોર પણ પોતે તેની પ્રશંસા કરતાં રોકી શક્યા નહીં.

લખનઉ સામે ઉર્વિલ પટેલનું તાંડવ : 13 બોલમાં ઇતિહાસ લખ્યો

IPL 2026 ની 53 મી મેચમાં ઉર્વિલ પટેલે જ્યારે મેદાનમાં એન્ટ્રી કરી ત્યારે કોઈએ વિચાર્યું નહોતું કે આગામી 15 મિનિટમાં રેકોર્ડ બુક બદલાઈ જશે. 204 રનના લક્ષ્યનો પીછો કરતાં ઉર્વિલ પટેલે પોતાની ઇનિંગના પહેલા 8 બોલમાં જ 6 છગ્ગા ફટકારી દીધા હતા. તેને દિગ્ગજ બોલર મોહમ્મદ શમીની ઓવરમાં વિસ્ફોટક બેટિંગ કરી 13 બોલમાં 50 રન પૂરા કર્યા. આ સાથે તેણે યશસ્વી જયસ્વાલના સૌથી ફાસ્ટેસ્ટ ફિફ્ટીના રેકોર્ડની બરાબરી કરી લીધી છે. ઉર્વિલની આ પારીમાં કુલ 23 બોલમાં 65 રન હતા, જેમાં 8 ગગનચુંબી છગ્ગા સામેલ હતા.

સંઘર્ષની ગાથા : પિતા પીટી ટીચર હતા, દીકરાને બનાવ્યો ચેમ્પિયન

ઉર્વિલની આ સફળતા પાછળ તેના પરિવારનો વર્ષોનો સંઘર્ષ છુપાયેલો છે. 17 ઓક્ટોબર 1998 ના રોજ મહેસાણામાં જન્મેલા ઉર્વિલના પિતા મુકેશ પટેલ એક પીટી ટીચર હતા. તેઓ પોતે સ્પોર્ટ્સમાં નામ કમાવવા માંગતા હતા પણ સંજોગોવશાત ન કરી શક્યા, તેથી તેમણે ઉર્વિલને માત્ર 4 વર્ષની ઉંમરથી ટ્રેનિંગ આપવાનું શરૂ કર્યું. ઉર્વિલની માતા રોજ સવારે વહેલા ઉઠી તેને અમદાવાદ પ્રેક્ટિસ માટે લઈ જવાની તૈયારી કરતી. પરિવારે કેટલાય સામાજિક પ્રસંગો અને રજાઓનો ભોગ આપ્યો જેથી ઉર્વિલ કોઈ પણ અડચણ વગર ક્રિકેટ રમી શકે. આજે ઉર્વિલની સફળતા એ તેના માતા-પિતાના બલિદાનનું ફળ છે.

IPL માં કરોડોની કમાણી કરતાં વિદેશી ખેલાડીઓ કેટલો ટેક્સ ચૂકવે છે?: જાણો કેવી રીતે કપાય છે ખેલાડીઓના કરોડો રૂપિયા

ખિસ્સામાંથી નીકળેલી એ ચિઠ્ઠી અને ભાવુક સેલિબ્રેશન

ફિફ્ટી પૂરી કર્યા પછી ઉર્વિલે જે રીતે સેલિબ્રેશન કર્યું તેને દરેક ગુજરાતીનું દિલ જીતી લીધું. તેને પોતાના ખિસ્સામાંથી એક ચિઠ્ઠી કાઢી જેમાં લખ્યું હતું - "This is for you Papa". આ સાથે જ તેમાં તેની આસ્થાના પ્રતિક સમાન "સધી, ચેહર, ગોગા, સિકોતર માંના આશીર્વાદ" પણ લખેલા હતા. સોશિયલ મીડિયા પર આ વીડિયો ખૂબ જ વાયરલ થયો છે. આ દર્શાવે છે કે, આટલી મોટી સફળતા મેળવ્યા પછી પણ ઉર્વિલ પોતાના સંસ્કાર અને પરિવારને ભૂલ્યો નથી.

સુર્યવંશી સિક્સર પર સિક્સર મારી રહ્યો હતો: નેહરાના એક ઇશારાને લીધે બદલાઈ ગઈ આખી બાજી, તરત તંબુ ભેગો થયો વૈભવ

કરિયરના આંકડા : ડોમેસ્ટિક ક્રિકેટનો પણ બેતાજ બાદશાહ

ઉર્વિલ પટેલ માત્ર IPL માં જ નહીં પણ ડોમેસ્ટિક ક્રિકેટમાં પણ ધમાકેદાર ફોર્મમાં રહ્યો છે. તેને સૈયદ મુશ્તાક અલી ટ્રોફીમાં માત્ર 28 બોલમાં સદી ફટકારીને ભારતીય બેટ્સમેન તરીકે સૌથી ઝડપી સદીનો રેકોર્ડ બનાવ્યો છે. અત્યાર સુધીમાં તેને 60 T20 મેચોમાં 1470 રન બનાવ્યા છે. વર્ષ 2023 માં તે ગુજરાત ટાઇટન્સની ટીમમાં હતો પણ તેને મેદાનમાં ઉતરવાની તક નહોતી મળી, પરંતુ ચેન્નાઈ સુપર કિંગ્સમાં આવતા જ ધોનીના માર્ગદર્શન હેઠળ તે એક ખતરનાક ફિનિશર તરીકે ઉભરી આવ્યો છે.

IPL 2026માં એક વધુ હાઈ-વોલ્ટેજ મુકાબલાએ ક્રિકેટ ચાહકોના દિલની ધડકન વધારી દીધી. રોયલ ચેલેન્જર્સ બેંગલુરુ (RCB)એ છેલ્લી બોલ સુધી ચાલેલા રોમાંચક મુકાબલામાં મુંબઈ ઇન્ડિયન્સ (MI)ને 2 વિકેટે હરાવી મોટી જીત નોંધાવી છે. આ જીત સાથે RCB પોઈન્ટ્સ ટેબલમાં ટોચ પર પહોંચી ગઈ છે અને પ્લેઓફ તરફ મજબૂત દાવેદારી રજૂ કરી છે. બીજી તરફ, આ હાર મુંબઈ ઇન્ડિયન્સ માટે ખૂબ ભારે સાબિત થઈ છે. પાંચ વખતની ચેમ્પિયન ટીમ હવે સત્તાવાર રીતે IPL 2026ની પ્લેઓફ રેસમાંથી બહાર થઈ ગઈ છે. મેચના સૌથી મોટા હીરો ક્રુણાલ પંડ્યા રહ્યા, જેમણે દબાણભરી પરિસ્થિતિમાં 73 રનની શાનદાર મેચ વિનિંગ ઇનિંગ રમી RCBને યાદગાર જીત અપાવી.

છેલ્લી બોલ સુધી અટકેલો શ્વાસ

મુકાબલો શરૂઆતથી જ ખૂબ જ ટક્કરભર્યો રહ્યો હતો. બંને ટીમો માટે આ મેચનું મહત્વ ખૂબ મોટું હતું, ખાસ કરીને મુંબઈ ઇન્ડિયન્સ માટે, કારણ કે પ્લેઓફમાં ટકી રહેવા માટે જીત જરૂરી હતી. RCBને અંતિમ ઓવરમાં જીત માટે જરૂરી રનોની જરૂર હતી અને મેચ આખરી બોલ સુધી પહોંચી ગઈ. સ્ટેડિયમમાં બેઠેલા દર્શકો હોય કે ટીવી સામે બેઠેલા ચાહકો — દરેકની નજર છેલ્લી બોલ ઉપર જ અટકી ગઈ હતી. અંતે RCBએ છેલ્લી બોલ પર જરૂરી રન મેળવી 2 વિકેટે જીત મેળવી લીધી અને સમગ્ર ટીમ તથા ચાહકોમાં ખુશીની લહેર ફરી વળી.

ક્રુણાલ પંડ્યાની મેચ વિનિંગ ઇનિંગ

આ મેચમાં સૌથી મોટી ભૂમિકા ક્રુણાલ પંડ્યાએ ભજવી હતી. દબાણની પરિસ્થિતિમાં તેમણે 73 રનની શાનદાર ઇનિંગ રમી હતી. જ્યારે RCB મુશ્કેલીમાં દેખાતી હતી ત્યારે ક્રુણાલે શાંતિપૂર્વક ઇનિંગ સંભાળી અને મહત્વપૂર્ણ બાઉન્ડરીઓ ફટકારી મેચનો રુખ બદલી નાખ્યો. ખાસ કરીને ડેથ ઓવર્સમાં તેમની બેટિંગે મુંબઈના બોલરો ઉપર ભારે દબાણ ઊભું કર્યું હતું. તેમણે માત્ર આક્રમક શોટ્સ જ નહીં પરંતુ સ્ટ્રાઈક રોટેશન દ્વારા પણ ટીમને લક્ષ્ય તરફ આગળ વધારી. ક્રિકેટ નિષ્ણાતોના મતે આ ઇનિંગ IPL 2026ની સૌથી મહત્વપૂર્ણ ઇનિંગ્સમાંથી એક ગણાઈ શકે છે.

RCB પોઈન્ટ્સ ટેબલમાં ટોચ પર

આ રોમાંચક જીત સાથે RCB પોઈન્ટ્સ ટેબલમાં ટોચના સ્થાને પહોંચી ગઈ છે. ટીમનું Net Run Rate અને સતત સારા પ્રદર્શન હવે તેને પ્લેઓફ માટે સૌથી મજબૂત દાવેદારોમાં સામેલ કરે છે. સીઝનની શરૂઆતમાં અસંગત દેખાતી RCB હવે સતત જીત સાથે Momentumમાં આવી ગઈ છે. ટીમના બેટર્સ અને બોલર્સ બંને મહત્વપૂર્ણ સમયે પ્રદર્શન કરી રહ્યા છે. ચાહકો માટે સૌથી ખુશીની વાત એ છે કે લાંબા સમયથી ટ્રોફીની રાહ જોતી RCB આ વખતે સંતુલિત અને આત્મવિશ્વાસભરી ટીમ તરીકે દેખાઈ રહી છે.

મુંબઈ ઇન્ડિયન્સ માટે નિરાશાજનક અંત

મુંબઈ ઇન્ડિયન્સ માટે IPL 2026નું અભિયાન નિરાશાજનક રહ્યું છે. ટીમે સીઝનમાં કેટલાક સારા મુકાબલા રમ્યા હોવા છતાં મહત્વપૂર્ણ મેચોમાં સતત દબાણ હેઠળ ભૂલો કરી. ખાસ કરીને Close Matchesમાં ટીમ જીત મેળવી શકી નહીં, જે આખરે પ્લેઓફની રેસમાંથી બહાર થવાનું મોટું કારણ બન્યું. આ હાર બાદ MIના ચાહકોમાં ભારે નિરાશા જોવા મળી રહી છે. સોશિયલ મીડિયા પર પણ ટીમની સ્ટ્રેટેજી, બોલિંગ અને મધ્યક્રમની બેટિંગ અંગે ચર્ચાઓ શરૂ થઈ ગઈ છે.

મેચમાં ક્યાં બદલાયો રમતનો રુખ?

મેચનો સૌથી મહત્વપૂર્ણ ટર્નિંગ પોઈન્ટ મધ્ય ઓવર્સમાં આવ્યો હતો. મુંબઈ ઇન્ડિયન્સે કેટલીક ઝડપી વિકેટ મેળવી RCB ઉપર દબાણ ઊભું કર્યું હતું. પરંતુ ક્રુણાલ પંડ્યા અને નીચલા ક્રમના બેટર્સે મહત્વપૂર્ણ પાર્ટનરશિપ બનાવી મેચ ફરી RCB તરફ ખેંચી લીધી. ડેથ ઓવર્સમાં મુંબઈના બોલર્સ યોર્કર અને લાઇન-લેન્થ જાળવી રાખવામાં નિષ્ફળ રહ્યા, જેનો RCBએ પૂરો લાભ લીધો. છેલ્લી ઓવર સુધી મેચ જતાં દબાણ સ્પષ્ટ દેખાતું હતું, પરંતુ અંતે RCB વધુ શાંત અને ક્લિનિકલ સાબિત થઈ.

સોશિયલ મીડિયા પર ફેન્સની જોરદાર પ્રતિક્રિયા

મેચ પૂર્ણ થયા બાદ સોશિયલ મીડિયા પર #RCBvsMI અને #KrunalPandya ટ્રેન્ડ થવા લાગ્યા હતા. RCBના ચાહકોએ આ જીતને “સીઝનની સૌથી મોટી જીત” ગણાવી હતી, જ્યારે મુંબઈ ઇન્ડિયન્સના ચાહકો માટે આ હાર ખૂબ ભાવનાત્મક રહી હતી. ઘણા યુઝર્સે ક્રુણાલ પંડ્યાની ઇનિંગને “કેરિયર ડિફાઇનિંગ Knock” કહી હતી.

IPL 2026 : ભારતમાં ક્રિકેટ એ માત્ર રમત નથી, પણ એક ઉત્સવ છે. IPL 2026 તેની ચરમસીમા પર છે અને ફિન એલન જેવા ખેલાડીઓ સેન્ચુરી ફટકારીને આકર્ષણનું કેન્દ્ર બન્યા છે. ઓક્શનમાં કરોડો રૂપિયામાં વેચાતા વિદેશી ખેલાડીઓ જ્યારે મેદાન પર ઉતરે છે, ત્યારે તેમની કમાણી જેટલી ચર્ચામાં હોય છે, તેટલી જ જટિલ તેમની ટેક્સ પ્રક્રિયા પણ હોય છે. ભારત સરકાર આ ખેલાડીઓની કમાણીમાંથી મોટો હિસ્સો ટેક્સ તરીકે મેળવે છે.

ખેલાડીઓની કમાણીના વિવિધ પાસાઓ

વિદેશી ખેલાડીની આવક માત્ર તેમની ઓક્શન પ્રાઇસ પૂરતી સીમિત નથી હોતી. તેમની કમાણી મુખ્ય ચાર ભાગમાં વહેંચાયેલી હોય છે:

• બેઝ સેલેરી : જે રકમમાં ફ્રેન્ચાઈઝીએ તેમને ઓક્શનમાં ખરીદ્યા હોય (જેમ કે કેમેરોન ગ્રીન માટે ₹25.20 કરોડ).

• મેચ ફી : ટુર્નામેન્ટની દરેક મેચ રમવા માટે ખેલાડીઓને નિર્ધારિત ફી આપવામાં આવે છે.

• ઈનામી રકમ : 'મેન ઓફ ધ મેચ', 'ઓરેન્જ કેપ', કે 'પર્પલ કેપ' જેવા એવોર્ડ્સ દ્વારા મળતી રોકડ રકમ.

• એન્ડોર્સમેન્ટ : ભારતમાં રહીને તેઓ જે જાહેરાતો, બ્રાન્ડ પ્રમોશન કે સોશિયલ મીડિયા કેમ્પેઈન કરે છે, તેમાંથી પણ મબલખ કમાણી થાય છે.

ટેક્સના કડક નિયમો : સેક્શન 211 ની ભૂમિકા

ભારતના ઇનકમ ટેક્સ એક્ટ 2025 હેઠળ, વિદેશી રમતવીરો જે ભારતના નિવાસી નથી, તેમના માટે ખાસ જોગવાઈઓ છે. સેક્શન 211 મુજબ, વિદેશી ખેલાડીઓની રમત દ્વારા થતી આવક પર 20% ફ્લેટ ટેક્સ વસૂલવામાં આવે છે. આ ટેક્સ સીધો તેમના પેમેન્ટમાંથી કાપી લેવામાં આવે છે (TDS). આ 20% ઉપરાંત, ખેલાડીએ 4% હેલ્થ અને એજ્યુકેશન સેસ પણ ચૂકવવો પડે છે. જો કમાણી કરોડોમાં હોય, તો તેના પર 10% થી 37% સુધીનો સરચાર્જ પણ લાગુ પડે છે, જે ટેક્સની રકમને નોંધપાત્ર રીતે વધારી દે છે.

આ સ્ટાર ખેલાડીની ગર્લફ્રેન્ડે બે વખત ‘ગેમ પ્લાન’ કર્યા લીક!: IPL માં ગર્લફ્રેન્ડની આવી હરકતથી મચ્યો હંગામો

ખર્ચમાં કોઈ રાહત નહીં : ગ્રોસ બેસિસ ટેક્સેશન

સામાન્ય કરદાતાઓને રોકાણ કે ખર્ચ પર જે કપાત (Deductions) મળે છે, તેવી કોઈ પણ સુવિધા વિદેશી ખેલાડીઓને મળતી નથી. તેમની કુલ કમાણી (Gross Income) પર જ ટેક્સ ગણાય છે. ઉદાહરણ તરીકે, જો કોઈ ખેલાડીએ ભારતમાં રહેવા કે મુસાફરી પાછળ ખર્ચ કર્યો હોય, તો તે તેની આવકમાંથી બાદ કરી શકાતો નથી. તેમને પૂરેપૂરી રકમ પર જ ટેક્સ ભરવો પડે છે.

BCCI એ અર્શદીપ સિંહ પર કેમ અચાનક લગાવ્યો પ્રતિબંધ?: IPL 2026 વચ્ચે કડક કાર્યવાહીથી ક્રિકેટ જગત ચોંક્યું!

DTAA : ડબલ ટેક્સથી બચવાનો માર્ગ

વિદેશી ખેલાડીઓ માટે સૌથી મોટી રાહત 'ડબલ ટેક્સ અવોઇડન્સ એગ્રીમેન્ટ' (DTAA) છે. ભારત અને ખેલાડીના વતન (જેમ કે ઓસ્ટ્રેલિયા કે ઈંગ્લેન્ડ) વચ્ચે થયેલા આ કરાર મુજબ, ખેલાડીએ એક જ આવક પર બે દેશોમાં ટેક્સ ભરવો પડતો નથી. જો ખેલાડી ભારતમાં 20% ટેક્સ ભરી દે છે, તો તે પોતાના દેશમાં ટેક્સ રિટર્ન ફાઇલ કરતી વખતે આ ટેક્સની 'ક્રેડિટ' મેળવી શકે છે, જેથી તેને આર્થિક નુકસાન ન થાય.

જયપુરના સવાઈ માનસિંહ સ્ટેડિયમમાં રમાયેલી IPL 2026ની મહત્વપૂર્ણ મેચમાં ગુજરાત ટાઇટન્સે રાજસ્થાન રોયલ્સને 77 રનથી હરાવી સતત ચોથી જીત નોંધાવી. રાજસ્થાને ટોસ જીતીને પહેલા બોલિંગ કરવાનો નિર્ણય લીધો હતો, પરંતુ ગુજરાતના બેટર્સે શરૂઆતથી જ આક્રમક રમત બતાવી હતી. શુભમન ગિલ અને સાઈ સુદર્શનની શાનદાર અડધી સદીના આધારે ગુજરાતે 20 ઓવરમાં 3 વિકેટે 229 રનનો વિશાળ સ્કોર ઉભો કર્યો હતો. બંને બેટર્સે ઝડપી રનગતિ જાળવી રાખીને રાજસ્થાનના બોલર્સ પર સતત દબાણ બનાવ્યું હતું.

230 રનના કઠિન લક્ષ્યાંકનો પીછો કરવા ઉતરેલી રાજસ્થાન રોયલ્સની શરૂઆત ખરાબ રહી હતી અને ટીમ નિયમિત અંતરે વિકેટ ગુમાવતી રહી હતી. રાજસ્થાન તરફથી કોઈ પણ બેટર મોટી ઇનિંગ રમી શક્યો નહોતો. રવીન્દ્ર જાડેજાએ સૌથી વધુ 38 રન બનાવ્યા હતા, પરંતુ તેમને અન્ય બેટર્સનો પૂરતો સાથ મળ્યો નહોતો. આખી ટીમ 16.3 ઓવરમાં માત્ર 152 રનમાં ઓલઆઉટ થઈ ગઈ હતી.

ગુજરાત માટે રાશિદ ખાને ઘાતક બોલિંગ કરતાં 33 રનમાં 4 વિકેટ ઝડપી હતી અને મેચને સંપૂર્ણપણે ગુજરાત તરફ ઝુકાવી દીધી હતી. જેસન હોલ્ડરે 3 અને કાગીસો રબાડાએ 2 વિકેટ મેળવી રાજસ્થાનની બેટિંગ લાઇનઅપને સંપૂર્ણ રીતે તોડી નાખી હતી. આ જીત સાથે ગુજરાત ટાઇટન્સે IPL 2026માં પોતાનું મજબૂત પ્રદર્શન યથાવત રાખ્યું છે અને ટીમ હવે પોઇન્ટ્સ ટેબલમાં વધુ મજબૂત સ્થિતિમાં પહોંચી ગઈ છે.

Krunal Pandya and Nicholas Pooran : IPL 2026 ની સિઝન અત્યારે તેના પૂરા જોશમાં છે. 7 મે ના રોજ લખનઉ સુપર જાયન્ટ્સ (LSG) અને રોયલ ચેલેન્જર્સ બેંગલુરુ (RCB) વચ્ચે રમાયેલી મેચમાં મેદાન પર ભારે હાઇ-વોલ્ટેજ ડ્રામા જોવા મળ્યો હતો. મેચ પૂરી થયા બાદ સોશિયલ મીડિયા પર એક વીડિયો વાવાઝોડાની જેમ ફેલાઈ રહ્યો છે, જેમાં લખનઉનો વિસ્ફોટક બેટ્સમેન નિકોલસ પૂરન RCB ના ઓલરાઉન્ડર કૃણાલ પંડ્યાનો કોલર પકડતો જોવા મળે છે. આ વીડિયો જોઈને ફેન્સમાં ચિંતા અને કુતૂહલ જાગ્યું છે કે શું આ બંને ખેલાડીઓ વચ્ચે ખરેખર કોઈ મોટો ઝઘડો થયો છે?

વાયરલ વીડિયોનું સત્ય

મેચ પૂરી થયા બાદ સામે આવેલા વીડિયોમાં જોવા મળે છે કે નિકોલસ પૂરન ખૂબ જ ગુસ્સામાં હોય તેમ કૃણાલ પંડ્યાનો કોલર પકડી રાખે છે. તેમની આસપાસ લખનઉના હેડ કોચ જસ્ટિન લેંગર પણ જોવા મળે છે, જે બંનેને કંઈક સમજાવતા હોય તેવું લાગે છે. આ દ્રશ્ય એટલું ગંભીર લાગતું હતું કે સોશિયલ મીડિયા પર ફેન્સે જાતજાતની અટકળો શરૂ કરી દીધી હતી. ઘણા લોકોએ તેને મેદાન પરની ગરમાગરમી ગણાવી હતી, તો ઘણાએ તેને જૂની દુશ્મનીનું પરિણામ ગણાવ્યું હતું. જોકે, આ આખી ઘટના પાછળનું કારણ કંઈક અલગ જ હતું.

કૃણાલ પંડ્યાનો ખુલાસો

જ્યારે સોશિયલ મીડિયા પર આ વીડિયોને લઈને વિવાદ વધવા લાગ્યો, ત્યારે કૃણાલ પંડ્યાએ પોતે જ આ મામલે સ્પષ્ટતા કરવાનું નક્કી કર્યું. તેણે પોતાના ઇન્સ્ટાગ્રામ હેન્ડલ પર નિકોલસ પૂરન સાથેનો એક હસતો ફોટો શેર કર્યો હતો. કૃણાલે કેપ્શનમાં લખ્યું કે, "કોઈ ઝઘડો નથી, માત્ર પ્રેમ છે." આ સાથે જ તેણે પૂરનને તેની IPL કારકિર્દીની 100 મી મેચ પૂર્ણ કરવા બદલ અભિનંદન પણ પાઠવ્યા હતા. કૃણાલે મજાકિયા અંદાજમાં પૂરનને પૂછ્યું કે, "મારો એ બાઉન્સર કેવો હતો?" આ પોસ્ટથી સાબિત થઈ ગયું કે તેમની વચ્ચે કોઈ કડવાશ નથી.

આ પણ ખાસ વાંચો : 6,6,6,6,6,6,6,6,6,6,6,6,6,6,6,6,6,6,6 : T20 નો આ વર્લ્ડ રેકોર્ડ તોડવો અસંભવ!

નિકોલસ પૂરનનો જવાબ

કૃણાલની પોસ્ટ પર નિકોલસ પૂરને પણ તાત્કાલિક પ્રતિક્રિયા આપી હતી. તેણે કોમેન્ટ સેક્શનમાં લખ્યું કે, "મિત્રો, આ માત્ર પ્રેમ છે, બીજું કંઈ નહીં. કૃણાલ મારો શ્રેષ્ઠ મિત્ર છે." પૂરનની આ કોમેન્ટ બાદ ચાહકોએ હાશકારો અનુભવ્યો હતો. પૂરને એ પણ સ્પષ્ટ કર્યું કે મેદાન પર જે કંઈ પણ દેખાયું તે માત્ર રમતનો એક ભાગ હતો અને તેમની અંગત મિત્રતા ઘણી ઊંડી છે. આ બંને ખેલાડીઓ 2023 અને 2024 માં લખનઉ સુપર જાયન્ટ્સ માટે સાથે રમી ચૂક્યા છે અને તેમની વચ્ચે ભાઈ જેવો સંબંધ છે.

આ પણ ખાસ વાંચો : BCCI એ અર્શદીપ સિંહ પર કેમ અચાનક લગાવ્યો પ્રતિબંધ? : IPL 2026 વચ્ચે કડક કાર્યવાહીથી ક્રિકેટ જગત ચોંક્યું!

બાઉન્સરનો અસલી કિસ્સો

આ આખી બબાલ મેચ દરમિયાન થયેલી એક ઘટનાને કારણે શરૂ થઈ હતી. જ્યારે પૂરન બેટિંગ કરી રહ્યો હતો, ત્યારે કૃણાલે તેને સતત બે ધારદાર બાઉન્સર નાખ્યા હતા. બીજા બાઉન્સર પર પૂરને સિંગલ લીધો અને જ્યારે તે નોન-સ્ટ્રાઇકર એન્ડ પર આવ્યો, ત્યારે બંને વચ્ચે ઉગ્ર ચર્ચા થતી જોવા મળી હતી. કેમેરામાં તેમના ચહેરા ખૂબ જ ગંભીર દેખાતા હતા, જેના કારણે લોકોને લાગ્યું કે મામલો ગરમાયો છે. પરંતુ વાસ્તવમાં તે બે મિત્રો વચ્ચેની હેલ્ધી કોમ્પિટિશન હતી. મેચ પછી પૂરને જે રીતે કોલર પકડ્યો તે માત્ર મજાકનો એક ભાગ હતો.

World record : T20 ક્રિકેટના ઈતિહાસમાં અત્યારે એક એવા ખેલાડીની ચર્ચા છે જે મેદાન પર ઉતરે એટલે બોલરો માટે મુસીબત બની જાય છે. ન્યૂઝીલેન્ડના વિસ્ફોટક ઓપનર ફિન એલને પોતાની આક્રમક બેટિંગથી ક્રિકેટ જગતમાં ખળભળાટ મચાવી દીધો છે. IPL 2026 માં કોલકાતા નાઈટ રાઈડર્સ (KKR) તરફથી રમતા તેને એવી બેટિંગ કરી છે કે, સોશિયલ મીડિયા પર ફેન્સ તેને 'નવો સિક્સર કિંગ' કહી રહ્યા છે. દિલ્હી કેપિટલ્સ સામેની તેની હાલની ઇનિંગે સાબિત કરી દીધું છે કે એલન જ્યારે ફોર્મમાં હોય ત્યારે દુનિયાનો કોઈ પણ બોલર તેને રોકી શકતો નથી.

કેવી રીતે થયો વિશ્વની સૌથી મોટી રાજકીય પાર્ટીનો ઉદય? : ભાજપ પૂર્વે શું હતું? જાણો જનસંઘથી શરૂ થયેલા ભાજપના સંઘર્ષની કહાની

IPL 2026 માં મચાવ્યો તરખાટ

8 મેની રાત્રે રમાયેલા IPL ના 51 માં મુકાબલામાં ફિન એલને દિલ્હી કેપિટલ્સના બોલરોને પરસેવે રેબઝેબ કરી દીધા હતા. તેને માત્ર 47 બોલનો સામનો કરતાં નોટઆઉટ 100 રન ફટકાર્યા હતા. આ ઇનિંગમાં તેને 10 સિક્સર અને 5 ચોગ્ગા ફટકારીને KKR ને એકતરફી જીત અપાવી હતી. એલનની બેટિંગની સૌથી મોટી તાકાત તેનો સ્ટ્રાઇક રેટ છે. દિલ્હી સામે 212.77 ના સ્ટ્રાઇક રેટથી રન બનાવીને તેને 143 રનનો ટાર્ગેટ માત્ર 14.2 ઓવરમાં જ ચેઝ કરી લીધો હતો. આ ઇનિંગે બતાવ્યું કે, તેને સેટ થવા માટે કોઈ સમયની જરૂર પડતી નથી, તે પહેલી જ ઓવરથી આક્રમક બેટિંગ કરી શકે છે.

ઐતિહાસિક વર્લ્ડ રેકોર્ડ

જોકે, IPL ની સેન્ચુરી તો માત્ર એક નાનકડું ટ્રેલર હતું. ફિન એલનના નામે T20 ફોર્મેટમાં એક એવો અનોખો વર્લ્ડ રેકોર્ડ નોંધાયેલો છે, જે તોડવો કોઈ પણ બેટ્સમેન માટે લોઢાના ચણા ચાવવા જેવું કામ છે. 12 જૂન 2025 ના રોજ મેજર લીગ ક્રિકેટ (MLC) માં 'સેન ફ્રાન્સિસ્કો યુનિકોર્ન્સ' તરફથી રમતા ફિન એલને વોશિંગ્ટન ફ્રીડમ સામે એક જ ઇનિંગમાં 19 સિક્સર ફટકારી હતી. તેને માત્ર 51 બોલમાં 151 રનની અદભૂત ઇનિંગ રમી હતી, જેમાં ચોગ્ગા તો માત્ર 5 જ હતા, બાકીનું કામ તેને સિક્સરથી જ પૂરું કર્યું હતું.

ગેલ અને ચૌહાણની બાદશાહત ખતમ

T20 ક્રિકેટની એક ઇનિંગમાં સૌથી વધુ સિક્સર ફટકારવાનો રેકોર્ડ લાંબા સમય સુધી 'યુનિવર્સ બોસ' ક્રિસ ગેલ અને સાહિલ ચૌહાણના નામે હતો. આ બંને ખેલાડીઓએ એક ઇનિંગમાં 18-18 સિક્સર ફટકારી હતી. પરંતુ ફિન એલને 19 સિક્સર ફટકારીને આ બંને દિગ્ગજોને પાછળ છોડી દીધા છે. 20 ઓવરની રમતમાં કોઈ એક બેટ્સમેન આટલી બધી સિક્સર મારે એ કોઈ ચમત્કારથી ઓછું નથી. આ પરાક્રમ બાદ ક્રિકેટ એક્સપર્ટ્સનું માનવું છે કે, આ રેકોર્ડ કદાચ આવનારા ઘણા વર્ષો સુધી અકબંધ રહેશે.

આ સ્ટાર ખેલાડીની ગર્લફ્રેન્ડે બે વખત ‘ગેમ પ્લાન’ કર્યા લીક!: IPL માં ગર્લફ્રેન્ડની આવી હરકતથી મચ્યો હંગામો

ન્યૂઝીલેન્ડનું 'સિક્સર મશીન'

ફિન એલન હવે માત્ર એક ખેલાડી નથી પણ રન બનાવવાનું અને સિક્સર ફટકારવાનું મશીન બની ગયો છે. રસપ્રદ વાત એ છે કે, તે એક કેલેન્ડર વર્ષમાં ત્રણ T20 સેન્ચુરી ફટકારનાર ન્યુઝીલેન્ડનો પ્રથમ બેટ્સમેન બન્યો છે. તેને BBL 2026 માં પર્થ સ્કોર્ચર્સ માટે 53 બોલમાં સેન્ચુરી કરી હતી, ત્યારબાદ T20 વર્લ્ડ કપ 2026 માં કિવિ ટીમ માટે 33 બોલમાં સેન્ચુરી ફટકારી હતી અને હવે KKR માટે આ પરાક્રમ કર્યું છે. એલન જ્યારે પણ મોટી ઇનિંગ રમે છે, ત્યારે સિક્સરની સંખ્યા હંમેશા ચોગ્ગા કરતાં વધુ હોય છે, જે તેને આજના યુગનો સૌથી ખતરનાક પાવર-હિટર બનાવે છે.

IPL 2026 : IPL 2026 ની સિઝન તેના અંતિમ પડાવ તરફ આગળ વધી રહી છે, પરંતુ મેદાન પરના રોમાંચ વચ્ચે એક એવા સમાચાર આવ્યા છે જેણે ક્રિકેટ જગતને હચમચાવી દીધું છે. સામાન્ય રીતે IPL વિવાદો માટે જાણીતી છે, પરંતુ આ વખતે મામલો સુરક્ષા અને ટીમની ગોપનીયતા સાથે જોડાયેલો છે. એક રિપોર્ટમાં સનસનીખેજ દાવો કરવામાં આવ્યો છે કે એક જાણીતા IPL સ્ટારની ગર્લફ્રેન્ડ ટીમની રણનીતિ અને આંતરિક વિગતો બહારના લોકો સુધી પહોંચાડતી હતી. આ ઘટના સામે આવ્યા બાદ ભારતીય ક્રિકેટ કંટ્રોલ બોર્ડ (BCCI) એ મોડું કર્યા વગર તાત્કાલિક એક્શન લીધા છે.

નવી ગાઇડલાઇન : 8 પેજના આદેશમાં શું છે ખાસ?

BCCI એ આ મામલે અત્યંત ગંભીર વલણ અપનાવતા તમામ 10 ફ્રેન્ચાઈઝી ટીમોને 8 પાનાની એક લાંબી અને કડક ગાઇડલાઇન મોકલી આપી છે. આ ગાઇડલાઇનમાં સ્પષ્ટ નિર્દેશ આપવામાં આવ્યો છે કે હવેથી કોઈ પણ ખેલાડી, સપોર્ટ સ્ટાફ કે ટીમ માલિકના સગા-સંબંધી કે મિત્રો મેનેજમેન્ટની લેખિત મંજૂરી વગર હોટલના રૂમમાં પ્રવેશી શકશે નહીં. આ પહેલા નિયમોમાં થોડી છૂટછાટ હતી, પરંતુ સુરક્ષામાં ગાબડું પડતા હવે દરેક વ્યક્તિએ કડક પ્રોટોકોલમાંથી પસાર થવું પડશે. આ ગાઇડલાઇનનો હેતુ ખેલાડીઓને ડિસ્ટ્રેક્શનથી બચાવવા અને ટીમની ગુપ્ત માહિતીને સુરક્ષિત રાખવાનો છે.

ગર્લફ્રેન્ડ પર આરોપ : કેવી રીતે ફૂટ્યો ભાંડો?

આ વિવાદનું મુખ્ય કારણ એક ક્રિકેટરની ગર્લફ્રેન્ડની શંકાસ્પદ હિલચાલ હોવાનું મનાય છે. રિપોર્ટ્સ અનુસાર, તપાસમાં જાણવા મળ્યું કે, એક ખેલાડીની ગર્લફ્રેન્ડ ટીમની મીટિંગ્સ અને પ્લેઇંગ ઇલેવન જેવી અત્યંત ગુપ્ત માહિતી બહારના લોકોને શેર કરી રહી હતી. આ કૃત્ય એકવાર નહીં પણ બે વખત પકડાયું હતું. ફ્રેન્ચાઈઝીએ આ અંગેની જાણકારી તાત્કાલિક BCCI ને આપી હતી, ત્યારબાદ બોર્ડની ભ્રષ્ટાચાર વિરોધી શાખા (ACU) સક્રિય થઈ હતી. જોકે, હજુ સુધી તે ખેલાડી કે તેની ગર્લફ્રેન્ડનું નામ સત્તાવાર રીતે જાહેર કરવામાં આવ્યું નથી.

યશસ્વી અને શેફાલીની એક ભૂલ પડી ભારે!: ટીમ ઈન્ડિયાનું ભવિષ્ય ગણાતા ખેલાડીઓ પર લાગી શકે છે પ્રતિબંધ

હની ટ્રેપનું જોખમ : ખેલાડીઓને કરવામાં આવ્યા સતર્ક

બોર્ડે માત્ર નિયમો જ નથી બનાવ્યા, પરંતુ ખેલાડીઓને એક મોટા જોખમ વિશે પણ સાવચેત કર્યા છે અને તે છે 'હની ટ્રેપ'. આજકાલ સોશિયલ મીડિયા અને અન્ય માધ્યમો દ્વારા ખેલાડીઓને ફસાવીને તેમની પાસેથી માહિતી કઢાવવાના પ્રયાસો વધી રહ્યા છે. BCCI એ ફ્રેન્ચાઈઝી માલિકોને કહ્યું છે કે, તેઓ ખેલાડીઓ સાથે પર્સનલ કાઉન્સેલિંગ કરે અને તેમને સમજાવે કે અજાણ્યા લોકો કે સોશિયલ મીડિયા પર મળતી ઓફરોથી દૂર રહે. ACU ના રિપોર્ટ મુજબ, પ્રોટોકોલ તોડવાની અનેક નાની-મોટી ઘટનાઓ બની છે જે ભવિષ્યમાં મોટી મુસીબત બની શકે છે.

BCCI એ અર્શદીપ સિંહ પર કેમ અચાનક લગાવ્યો પ્રતિબંધ?: IPL 2026 વચ્ચે કડક કાર્યવાહીથી ક્રિકેટ જગત ચોંક્યું!

રમતની ગરિમા જાળવવાનો પ્રયાસ

IPL એ વિશ્વની સૌથી મોટી ક્રિકેટ લીગ છે અને તેમાં પ્રતિષ્ઠા દાવ પર લાગેલી હોય છે. આવા સમયે જો ટીમની અંદરની માહિતી બહાર જાય તો તે રમતની નિષ્પક્ષતા પર સવાલ ઉભા થાય. BCCI દ્વારા લેવામાં આવેલા આ કડક પગલાં દર્શાવે છે કે, બોર્ડ રમતની ગરિમા અને ખેલાડીઓની સુરક્ષા સાથે કોઈ સમજૂતી કરવા માંગતું નથી. હવે આગામી મેચોમાં જોવાનું એ રહેશે કે ટીમો આ નવા સુરક્ષા પ્રોટોકોલનું કેટલું ચુસ્તપણે પાલન કરે છે.

કોલકાતા નાઈટ રાઈડર્સે IPL 2026માં પોતાની શાનદાર ફોર્મ ચાલુ રાખતાં દિલ્હી કેપિટલ્સને 8 વિકેટે હરાવ્યું છે. અરુણ જેટલી સ્ટેડિયમમાં રમાયેલી મેચમાં KKRએ સતત ચોથી જીત નોંધાવી અને પ્લેઓફની આશા વધુ મજબૂત બનાવી છે. બીજી તરફ દિલ્હીની ટીમ હવે ટૂર્નામેન્ટમાંથી લગભગ બહાર થવાની કગાર પર પહોંચી ગઈ છે.

મેચમાં કોલકાતાએ ટૉસ જીતીને પહેલા બોલિંગ કરવાનો નિર્ણય લીધો હતો. દિલ્હીની ટીમ 20 ઓવરમાં 8 વિકેટ ગુમાવીને માત્ર 142 રન બનાવી શકી હતી. ટીમ માટે પાથુમ નિસાંકાએ 29 બોલમાં 50 રનની શાનદાર ઇનિંગ રમી હતી, જ્યારે આશુતોષ શર્માએ 39 અને કેએલ રાહુલે 23 રનનું યોગદાન આપ્યું હતું.

કોલકાતાની બોલિંગ તરફથી અનુકૂલ રોય અને કાર્તિક ત્યાગીએ 2-2 વિકેટ ઝડપી હતી. ઉપરાંત વૈભવ અરોરા, સુનિલ નારાયણ અને કેમરોન ગ્રીનને પણ એક-એક સફળતા મળી હતી.

143 રનનો ટાર્ગેટ ચેઝ કરવા ઉતરેલી KKRની શરૂઆત સારી રહી નહોતી. ટીમે માત્ર 31 રન સુધીમાં અજિંક્ય રહાણે અને અંગકૃષ રઘુવંશીની વિકેટ ગુમાવી દીધી હતી. જોકે ત્યારબાદ ફિન એલન અને કેમરોન ગ્રીને મેચનો સંપૂર્ણ પલટો કર્યો હતો.

ફિન એલને તોફાની બેટિંગ કરતાં માત્ર 47 બોલમાં અણનમ 100 રન ફટકાર્યા હતા. તેની ઇનિંગમાં 5 ચોગ્ગા અને 10 લાંબા છગ્ગા સામેલ હતા. એલને છગ્ગો ફટકારીને પોતાની સેન્ચૂરી પૂર્ણ કરી અને ટીમને જીત પણ અપાવી હતી.

કેમરોન ગ્રીને પણ 33 રનની અણનમ ઇનિંગ રમી હતી. બંને ખેલાડીઓ વચ્ચે શતકીય ભાગીદારી થઈ હતી, જેના કારણે કોલકાતાએ માત્ર 14.2 ઓવરમાં 2 વિકેટ ગુમાવીને ટાર્ગેટ હાંસલ કરી લીધો હતો.

આ જીત સાથે KKRએ પોઈન્ટ્સ ટેબલમાં મહત્વપૂર્ણ સ્થાન મજબૂત કર્યું છે અને હવે ટીમ પ્લેઓફની રેસમાં ફરીથી મજબૂત દાવેદાર બની ગઈ છે.

LSG vs RCB : IPL 2026 ની સિઝનમાં ગુરુવારે રમાયેલી મેચ ક્રિકેટ ફેન્સ માટે ફૂલ એન્ટરટેઈનમેન્ટ પેકેજ સાબિત થઈ. લખનઉના એકાના સ્ટેડિયમમાં રમાયેલી આ મેચમાં લખનઉ સુપર જાયન્ટ્સ (LSG) એ રોયલ ચેલેન્જર્સ બેંગલુરુ (RCB) ને 9 રનથી હરાવીને પોઈન્ટ ટેબલમાં મહત્વના અંક મેળવ્યા છે. મિચેલ માર્શની વિસ્ફોટક સેન્ચુરી અને યુવા બોલર પ્રિન્સ યાદવની ઘાતક બોલિંગે આ મેચને યાદગાર બનાવી દીધી હતી.

કૃણાલ પંડ્યા અને નિકોલસ પૂરન વચ્ચે તણાવ

મેચ દરમિયાન હાઇ-વોલ્ટેજ ડ્રામા ત્યારે જોવા મળ્યો જ્યારે લખનઉનો એક્સ ખેલાડી કૃણાલ પંડ્યા અને લખનઉના બેટ્સમેન નિકોલસ પૂરન વચ્ચે થોડી બોલાચાલી થઈ ગઈ. RCB તરફથી કૃણાલ બોલિંગ કરી રહ્યો હતો ત્યારે તેણે પૂરન સામે એક તીખો બાઉન્સર નાખ્યો, જે પૂરન માટે એકદમ અણધાર્યો હતો. પૂરન આ બોલ પર માંડ માંડ બચ્યો અને તે સહજ દેખાયો નહીં. ઓવર પૂરી થયા પછી જ્યારે બંને ખેલાડીઓ આમને-સામને આવ્યા ત્યારે તેમની વચ્ચે શબ્દોની આપ-લે થઈ હતી. જોકે, ટીમના અન્ય સભ્યોએ દરમિયાનગીરી કરતાં મામલો તરત જ શાંત પડ્યો હતો.

વરસાદનું વિઘ્ન અને કેમેરામેન સાથે અકસ્માત

આ મેચમાં માત્ર ખેલાડીઓ જ નહીં પણ કુદરતે પણ પોતાની હાજરી પુરાવી હતી. પ્રથમ ઇનિંગ દરમિયાન વરસાદને કારણે મેચ ત્રણ અલગ-અલગ સમયે રોકવી પડી હતી, જેનાથી ખેલાડીઓની લય વારંવાર તૂટતી હતી. બીજી તરફ, મિચેલ માર્શ જ્યારે બેટિંગ કરી રહ્યો હતો ત્યારે તેને જોશ હેઝલવુડના બોલ પર એટલો જોરદાર છગ્ગો ફટકાર્યો કે બોલ સીધો બાઉન્ડ્રી પર ઉભેલા કેમેરામેનના માથા પર વાગ્યો. સદનસીબે કેમેરામેનને કોઈ મોટી ગંભીર ઈજા થઈ નહોતી અને પ્રાથમિક સારવાર બાદ મેચ ચાલુ રહી હતી.

રિષભ પંતનું બેટ હવામાં ઉડ્યું અને જીવનદાન મળ્યું

મેચની 17 મી ઓવરમાં અજીબોગરીબ નજારો જોવા મળ્યો. રિષભ પંતે હેઝલવુડના બોલ પર એટલી તાકાતથી શોટ માર્યો કે તેના હાથમાંથી બેટ છૂટીને લેગ સાઇડમાં દૂર જઈને પડ્યું. આશ્ચર્યની વાત એ હતી કે બેટ હાથમાં ન હોવા છતાં બોલ પોઈન્ટ બાઉન્ડ્રીની બહાર ચોગ્ગા માટે ગયો હતો. આ જ ઓવરમાં પંતને નવું જીવનદાન પણ મળ્યું હતું, જ્યારે ફિલ્ડર બેથેલે તેનો કેચ છોડ્યો હતો. જોકે, આ કેચ પકડવાના પ્રયાસમાં બેથેલની આંગળીમાં ગંભીર ઈજા થઈ હતી અને લોહી નીકળવા લાગતા તેને મેદાનની બહાર જવું પડ્યું હતું.

પ્રિન્સ યાદવે વિરાટ કોહલીને 'ઝીરો' પર કર્યો બોલ્ડ

બેંગલુરુની ઇનિંગની બીજી જ ઓવરમાં સૌથી મોટો ધડાકો થયો હતો. યુવા ફાસ્ટ બોલર પ્રિન્સ યાદવે વિરાટ કોહલીને ક્લીન બોલ્ડ કરીને પેવેલિયન ભેગા કર્યા હતા. 140 કિમીની સ્પીડે આવેલો બોલ કોહલીના ઓફ સ્ટમ્પને ઉખેડી નાખ્યો હતો. ખાસ વાત એ છે કે, આઉટ થવાની આ ઘટનાએ એક જૂનો ઈતિહાસ તાજો કરી દીધો છે. વિરાટ કોહલી IPL માં રન ચેઝ (બીજી ઇનિંગમાં બેટિંગ) દરમિયાન માત્ર બીજી વખત શૂન્ય પર આઉટ થયો છે. આ પહેલા વર્ષ 2017 માં જ્યારે RCB ની ટીમ KKR સામે માત્ર 49 રનમાં ઓલઆઉટ થઈ ગઈ હતી, ત્યારે કોહલી 'ડક' પર આઉટ થયો હતો. હવે આટલા વર્ષો પછી પ્રિન્સ યાદવે કોહલીને ફરીથી રન ચેઝમાં શૂન્ય રને આઉટ કરવાનું કારનામું કરી બતાવ્યું છે. કોહલી જેવા મોટા ખેલાડીની વિકેટ લીધા બાદ પ્રિન્સ યાદવનો ઉત્સાહ જોવા જેવો હતો. તેણે હવામાં ઉંચી છલાંગ લગાવીને ફૂટબોલ સ્ટાઇલમાં જબરદસ્ત સેલિબ્રેશન કર્યું હતું, જેનો વીડિયો સોશિયલ મીડિયા પર ફેન્સ દ્વારા ખૂબ શેર કરવામાં આવી રહ્યો છે.

સચિન તેંડુલકર સાથે ડેબ્યૂ કરનાર ખેલાડીની હાલત અત્યંત નાજુક!: હોસ્પિટલમાં જિંદગીની લડાઈ લડી રહ્યો છે 'ફાઇટર'

મિચેલ માર્શની ઐતિહાસિક અને સૌથી ઝડપી સેન્ચુરી

લખનઉ તરફથી મિચેલ માર્શે બેટિંગમાં પાયમાલી સર્જી હતી. તેને માત્ર 49 બોલમાં પોતાની સેન્ચુરી પૂરી કરી હતી, જે લખનઉ સુપર જાયન્ટ્સ (LSG) ના ઇતિહાસની સૌથી ઝડપી સદી છે. આ અગાઉ રિષભ પંતે 2025 માં 54 બોલમાં સદી ફટકારી હતી, જેનો રેકોર્ડ હવે માર્શે તોડી નાખ્યો છે. માર્શની આ ઇનિંગને કારણે જ લખનઉ મોટો સ્કોર બનાવી શક્યું હતું.

IPL ના અંતિમ તબક્કામાં BCCI નું મોટું એક્શન!: ખેલાડીઓ માટે ‘હની-ટ્રેપ એલર્ટ’, હોટલ રૂમમાં થશે સરપ્રાઈઝ ચેકિંગ

ભુવનેશ્વર કુમારનો નવો કીર્તિમાન

હાર છતાં બેંગલુરુના બોલર ભુવનેશ્વર કુમારે એક મોટો માઇલસ્ટોન હાંસલ કર્યો છે. તેઓ IPL ઇતિહાસમાં 200 મેચ રમનારા પ્રથમ ફાસ્ટ બોલર બની ગયા છે. આ લિસ્ટમાં એમ. એસ. ધોની, વિરાટ કોહલી અને રોહિત શર્મા જેવા દિગ્ગજો છે, પરંતુ એક ફાસ્ટ બોલર તરીકે આટલી લાંબી કારકિર્દી ભુવીની ફિટનેસ અને સાતત્યતા દર્શાવે છે.

IPL 2026 : ઈન્ડિયન પ્રીમિયર લીગ (IPL) 2026 ની સિઝન હવે તેના નિર્ણાયક તબક્કે પહોંચી ગઈ છે. અત્યાર સુધી ટુર્નામેન્ટની 50 મેચો પૂર્ણ થઈ ગઈ છે, પરંતુ મેદાન પરના રોમાંચની વચ્ચે ભારતીય ક્રિકેટ કંટ્રોલ બોર્ડ (BCCI) એ સુરક્ષાને લઈને મોટું પગલું ભર્યું છે. BCCI સચિવ દેવજીત સૈકિયાએ તમામ 10 ફ્રેન્ચાઈઝીઓને 7 પાનાની કડક એડવાઈઝરી મોકલી છે. ટૂર્નામેન્ટની અધવચ્ચે આટલો કડક નિર્ણય લેવા પાછળનું મુખ્ય કારણ ખેલાડીઓને 'હની-ટ્રેપ' અને અનધિકૃત વ્યક્તિઓના સંપર્કથી દૂર રાખવાનું છે. બોર્ડે સ્પષ્ટ કર્યું છે કે ટૂર્નામેન્ટ અંતિમ તબક્કા તરફ હોવાથી શિસ્તમાં કોઈ પણ બાંધછોડ ચલાવી લેવાશે નહીં.

હોટલ રૂમમાં સરપ્રાઈઝ ચેકિંગ અને ખાસ ટાસ્ક ફોર્સ

ટૂર્નામેન્ટ તેની ચરમસીમા પર છે ત્યારે ખેલાડીઓની ગતિવિધિઓ પર નજર રાખવી અનિવાર્ય બની છે. BCCI હવે કોઈપણ પૂર્વ સૂચના વિના ખેલાડીઓના હોટલ રૂમનું 'સરપ્રાઈઝ ચેકિંગ' કરશે. આ માટે BCCI અને IPL ઓપરેશન ટીમની એક ખાસ ટાસ્ક ફોર્સ મેદાનમાં ઉતારવામાં આવી છે. આ ટીમ એ વાતની ખાતરી કરશે કે રાત્રિના સમયે કે ફ્રી સમયમાં કોઈ અનધિકૃત વ્યક્તિ ખેલાડીના રૂમમાં પ્રવેશી ન શકે. જો કોઈ બહારની વ્યક્તિ રૂમમાં જોવા મળશે, તો તે પ્રોટોકોલનું ગંભીર ઉલ્લંઘન ગણાશે.

હની-ટ્રેપના વધતા જોખમો સામે લાલ આંખ

સિઝન જેમ જેમ આગળ વધે છે તેમ ખેલાડીઓની લોકપ્રિયતા અને તેમના સંપર્કો પણ વધતા હોય છે. આ સ્થિતિમાં હાઇ-પ્રોફાઇલ ખેલાડીઓને 'હની-ટ્રેપ' માં ફસાવવાનું જોખમ અનેકગણું વધી જાય છે. સચિવ દેવજીત સૈકિયાએ જણાવ્યું છે કે, આવી ઘટનાઓ ખેલાડીના ભવિષ્યની સાથે IPL ની પ્રતિષ્ઠા પર કાયમી દાગ લગાવી શકે છે. બોર્ડે તમામ ટીમોને સૂચના આપી છે કે તેઓ પોતાના ખેલાડીઓને સતર્ક રાખે અને કોઈપણ અજાણી વ્યક્તિ સાથે સોશિયલ મીડિયા કે વ્યક્તિગત રીતે સંપર્ક ટાળવા માટે સમજાવે.

મેનેજરોની જવાબદારી અને મહેમાનોનો રેકોર્ડ

નવી ગાઇડલાઇન મુજબ હવે ટીમ મેનેજરોએ અત્યંત કડક વલણ અપનાવવું પડશે. ખેલાડીને મળવા આવતા દરેક વ્યક્તિની એન્ટ્રી, ઓળખ કાર્ડ અને મળવાનો સમય એક રજીસ્ટરમાં નોંધવો ફરજિયાત કરવામાં આવ્યો છે. જો ખેલાડીનો નજીકનો સંબંધી પણ હોય, તો તેની વિગતો મેનેજમેન્ટ પાસે હોવી જોઈએ. BCCI ની એન્ટી-કરપ્શન ટીમ કોઈપણ સમયે આ રેકોર્ડ્સની ચકાસણી કરી શકે છે. રેકોર્ડમાં કોઈ પણ પ્રકારની ભૂલ જણાય તો તે માટે સીધેસીધા ટીમ મેનેજર જવાબદાર રહેશે.

હોટલ છોડવા માટે સખત પ્રોટોકોલ અને SLO ની મંજૂરી

મેચોના વ્યસ્ત શેડ્યૂલ વચ્ચે ખેલાડીઓ અંગત કામ માટે હોટલની બહાર જતાં હોય છે, પરંતુ હવે તે માટે 'સુરક્ષા સંપર્ક અધિકારી' (SLO) ની લેખિત મંજૂરી લેવી પડશે. ખેલાડીએ ક્યાં જવું છે, કોને મળવું છે અને પરત આવવાનો સમય અગાઉથી જણાવવો પડશે. આ કડક પ્રોટોકોલનો અમલ એટલા માટે કરવામાં આવ્યો છે જેથી ખેલાડીઓ અજાણતામાં પણ કોઈ શંકાસ્પદ વ્યક્તિના સંપર્કમાં ન આવે અને ટૂર્નામેન્ટની સુરક્ષા જળવાઈ રહે.

આ પણ ખાસ વાંચો : પ્રિન્સ યાદવે વિરાટ કોહલીને 'ઝીરો' પર આઉટ કરીને રચ્યો નવો કીર્તિમાન! : જાણો કેમ લખનઉના એક્સ ખેલાડી પર ભડક્યો નિકોલસ પૂરન

ભારે દંડ અને સસ્પેન્શનની જોગવાઈ

નિયમોના ભંગ બદલ BCCI એ 'ઝીરો ટોલરન્સ' ની નીતિ અપનાવી છે. જો કોઈ ખેલાડી પ્રોટોકોલ તોડતા પકડાશે તો તેને તાત્કાલિક અસરથી ટુર્નામેન્ટની બાકીની મેચોમાંથી સસ્પેન્ડ કરવામાં આવી શકે છે. આ ઉપરાંત, સંબંધિત ખેલાડી અને તેની ફ્રેન્ચાઈઝી પર કરોડો રૂપિયાનો દંડ પણ ફટકારવામાં આવી શકે છે. ગંભીર કિસ્સાઓમાં ખેલાડીને ભવિષ્યની સિઝન માટે અયોગ્ય જાહેર કરવાની સત્તા પણ બોર્ડે અનામત રાખી છે.

આ પણ ખાસ વાંચો : શું IPL માં હવે ક્યારેય નહીં દેખાય ‘થાલા’? : આ વર્ષે એક પણ મેચમાં નહીં જોવા મળે, જાણો કેમ

ટીમ માલિકો અને ડગઆઉટ માટેના નિયમો

માત્ર ખેલાડીઓ જ નહીં, પણ ટીમના માલિકો પર પણ નિયંત્રણો મૂકવામાં આવ્યા છે. મેચ દરમિયાન ફ્રેન્ચાઈઝી માલિકોએ ડગઆઉટમાં જઈને ખેલાડીઓ કે કોચિંગ સ્ટાફ સાથે બિનજરૂરી ચર્ચાઓ ટાળવી પડશે. રમતની વ્યૂહરચનામાં બહારની વ્યક્તિનો કોઈ પ્રભાવ ન પડે તે હેતુથી બોર્ડે આ નિર્ણય લીધો છે, જેથી IPL ની પવિત્રતા અને નિષ્પક્ષતા જળવાઈ રહે.

ઇન્ડિયન પ્રીમિયર લીગ માત્ર ક્રિકેટ ટૂર્નામેન્ટ નથી, પરંતુ ગ્લેમર, સેલિબ્રિટી અને હાઇ-પ્રોફાઇલ લાઇફસ્ટાઇલનું પણ કેન્દ્ર બની ગયું છે. જોકે હવે આ ગ્લેમર પર BCCI કડક બ્રેક લગાવવાની તૈયારીમાં દેખાઈ રહ્યું છે. IPL ટીમો સાથે ખેલાડીઓના નજીકના મિત્રો, ગર્લફ્રેન્ડ્સ અને ગેરઅધિકૃત લોકોની વધતી હાજરીને લઈને બોર્ડે ગંભીર ચિંતા વ્યક્ત કરી છે. આગામી સીઝનમાં ટીમ હોટેલ, બસ અને ડ્રેસિંગ રૂમ સુધીની એન્ટ્રી પર કડક નિયંત્રણ જોવા મળી શકે છે.

ભારતીય ક્રિકેટ નિયંત્રણ બોર્ડ એટલે કે BCCI હવે IPLમાં સુરક્ષા અને એન્ટી-કરપ્શન પ્રોટોકોલને વધુ મજબૂત બનાવવા માટે સખ્ત પગલાં ભરવાની તૈયારીમાં છે. મીડિયા રિપોર્ટ્સ મુજબ, IPL 2026 દરમિયાન અનેક એવી ઘટનાઓ સામે આવી હતી જેમાં ગેરઅધિકૃત લોકો ટીમોના સંવેદનશીલ વિસ્તારો સુધી પહોંચી ગયા હતા. આ મામલે બોર્ડે હવે સ્પષ્ટ સંકેત આપ્યા છે કે આગામી સમયમાં માત્ર અધિકૃત સ્ટાફ અને માન્યતા પ્રાપ્ત વ્યક્તિઓને જ ટીમ સાથે રહેવાની મંજૂરી મળશે.

BCCIને શું ચિંતા સતાવી રહી છે?

તાજેતરના IPL સીઝનમાં અનેક વખત સોશિયલ મીડિયા પોસ્ટ્સ, મેચ બ્રોડકાસ્ટ અને સ્ટેડિયમ ફૂટેજમાં ખેલાડીઓ સાથે તેમના નજીકના લોકો જોવા મળ્યા હતા. કેટલાક ખેલાડીઓની ગર્લફ્રેન્ડ્સ, મિત્રો અને વ્યક્તિગત ઓળખાણીઓ સતત ટીમ હોટેલ, ટ્રાવેલ મૂવમેન્ટ અને ફ્રેન્ચાઇઝી સેટઅપ આસપાસ નજરે પડ્યા હતા. રિપોર્ટ્સ અનુસાર, આ વધતી હાજરીએ BCCIની સુરક્ષા વ્યવસ્થાને લઈને પ્રશ્નો ઉભા કર્યા છે. બોર્ડનું માનવું છે કે IPL જેવી હાઇ-પ્રોફાઇલ લીગમાં કોઈપણ ગેરઅધિકૃત વ્યક્તિનું ખેલાડીઓ સુધી સરળતાથી પહોંચવું એન્ટી-કરપ્શન મિકેનિઝમ માટે જોખમી બની શકે છે.

BCCIના સચિવ દેવજીત સૈકિયાએ પણ આ મામલે ખુલ્લેઆમ ચિંતા વ્યક્ત કરી છે. તેમણે જણાવ્યું કે કેટલાક ગેરઅધિકૃત લોકો ટીમ હોટેલમાં ખેલાડીઓના રૂમ સુધી પહોંચતા હતા, જે નિયમોનું ગંભીર ઉલ્લંઘન છે. તેમણે સ્પષ્ટ કહ્યું કે આવી બાબતો હવે સહન કરવામાં આવશે નહીં.

ડ્રેસિંગ રૂમ અને ટીમ બસમાં હવે રહેશે કડક નજર

નવી એડવાઇઝરી લાગુ થયા બાદ IPL ટીમોની અંદરની વ્યવસ્થામાં મોટા ફેરફારો થઈ શકે છે. ખાસ કરીને નીચેના વિસ્તારોમાં વધુ કડક નિયંત્રણ લાગુ થવાની શક્યતા છે:

• ટીમ હોટેલમાં એન્ટ્રી માટે કડક ચેકિંગ

• ડ્રેસિંગ રૂમ એક્સેસ સંપૂર્ણપણે મર્યાદિત

• ટીમ બસ અને ટ્રાવેલ દરમિયાન સુરક્ષા વધારાશે

• માત્ર અધિકૃત સ્ટાફને જ ટીમ ઝોનમાં પ્રવેશ

• ખેલાડીઓના ખાનગી મુલાકાતીઓને નિયંત્રિત એન્ટ્રી

BCCIનું માનવું છે કે વધતી ગેરજરૂરી હાજરી ખેલાડીઓની પ્રાઇવસી પર અસર કરે છે અને ટીમની અંદરની માહિતી લીક થવાનો ખતરો પણ વધી શકે છે.

કેટલાક ખેલાડીઓના નામ ચર્ચામાં

આ સમગ્ર ચર્ચા દરમિયાન સોશિયલ મીડિયા પર કેટલાક જાણીતા ખેલાડીઓના નામ પણ ચર્ચામાં રહ્યા હતા. તેમાં હાર્દિક પંડ્યા, યશસ્વી જયસ્વાલ, અર્શદીપ સિંહ અને ઇશાન કિશન જેવા ખેલાડીઓનો ઉલ્લેખ થયો હતો. જોકે BCCIએ કોઈપણ ખેલાડીનું સત્તાવાર નામ જાહેર કર્યું નથી અને કોઈ વ્યક્તિગત આરોપ પણ મૂક્યા નથી. પરંતુ સતત દેખાતી ખાનગી હાજરીઓએ બોર્ડનું ધ્યાન જરૂર ખેંચ્યું છે. IPL જેવી મોટી લીગમાં દરેક ટીમ સાથે અનેક સુરક્ષા અને એન્ટી-કરપ્શન અધિકારીઓ જોડાયેલા હોય છે, તેથી આવી બાબતોને હવે ગંભીરતાથી લેવામાં આવી રહી છે.

ટીમ માલિકો અને અધિકારીઓ પર પણ નારાજગી

માત્ર ખેલાડીઓ સાથે જોડાયેલા લોકો જ નહીં, પરંતુ કેટલાક ટીમ માલિકો અને ફ્રેન્ચાઇઝી અધિકારીઓના વર્તન પર પણ BCCIએ અસંતોષ વ્યક્ત કર્યો છે. રિપોર્ટ મુજબ, કેટલાક અધિકારીઓ એવા વિસ્તારોમાં જોવા મળ્યા હતા જ્યાં તેમની એન્ટ્રી માટે મંજૂરી નહોતી.

દેવજીત સૈકિયાએ જણાવ્યું કે કેટલીક ટીમોએ પ્રોટોકોલમાં અનાવશ્યક છૂટછાટ આપી હતી. હવે બોર્ડ આવી ઢીલાશને સંપૂર્ણપણે બંધ કરવાની તૈયારીમાં છે.

આનો સીધો અર્થ એ છે કે IPLમાં આગામી સમયમાં દરેક ફ્રેન્ચાઇઝી માટે નિયમો વધુ સખ્ત બની શકે છે અને દરેક ટીમને કેન્દ્રિય માર્ગદર્શિકા મુજબ જ કામ કરવું પડશે.

IPLમાં એન્ટી-કરપ્શન સિસ્ટમ કેમ મહત્વની?

IPL દુનિયાની સૌથી મોંઘી અને લોકપ્રિય T20 લીગોમાંની એક છે. કરોડો રૂપિયાના સટ્ટા બજાર અને વૈશ્વિક ધ્યાનને કારણે BCCI અને ICC હંમેશાં સુરક્ષા અને એન્ટી-કરપ્શન મોનિટરિંગને ખૂબ ગંભીરતાથી લે છે.

અગાઉ પણ IPLમાં સ્પોટ-ફિક્સિંગ અને બેટિંગ સંબંધિત વિવાદો સામે આવી ચૂક્યા છે. તેથી ખેલાડીઓ સુધી કોણ પહોંચી શકે અને કોણ નહીં — તે બાબત અત્યંત મહત્વપૂર્ણ બની જાય છે.

ગેરઅધિકૃત લોકોની અવરજવર વધવાથી:

• ખેલાડીઓ પર બાહ્ય પ્રભાવ વધી શકે

• ખાનગી માહિતી લીક થવાનો ખતરો રહે

• સુરક્ષા પ્રોટોકોલ કમજોર પડી શકે

• એન્ટી-કરપ્શન યુનિટ માટે મોનિટરિંગ મુશ્કેલ બને

આ કારણોસર BCCI હવે કોઈપણ પ્રકારની ઢીલાશ રાખવા માંગતું નથી.

હવે IPLનું વાતાવરણ બદલાઈ શકે

જો નવી ગાઈડલાઈન સંપૂર્ણ રીતે અમલમાં આવે તો IPL ટીમોના હોટેલ અને ટ્રાવેલ વાતાવરણમાં મોટો બદલાવ જોવા મળી શકે છે. અગાઉ ખેલાડીઓ સાથે તેમના પરિવારજનો અથવા નજીકના લોકો ઘણીવાર ટીમની આસપાસ જોવા મળતા હતા, પરંતુ હવે આ હાજરી મર્યાદિત થઈ શકે છે. ક્રિકેટ નિષ્ણાતોનું માનવું છે કે આ નિર્ણયથી ખેલાડીઓનું ફોકસ વધુ ક્રિકેટ પર રહેશે અને ટીમ મેનેજમેન્ટ માટે પણ સુરક્ષા જાળવવી સરળ બનશે. બીજી તરફ, કેટલાક લોકો આને ખેલાડીઓની વ્યક્તિગત સ્વતંત્રતા પર કડક નિયંત્રણ તરીકે પણ જોઈ રહ્યા છે.

MS Dhoni : ક્રિકેટના ચાહકો માટે IPL એટલે માત્ર રમત નહીં પણ એક ઉત્સવ છે. હાલમાં IPL ની 19 મી સિઝન તેના પૂરા રોમાંચ સાથે આગળ વધી રહી છે અને 49 મુકાબલાઓ પૂર્ણ થઈ ચૂક્યા છે. આજે એટલે કે 7 મે 2026 ના રોજ 50 મી મેચ લખનઉ અને બેંગ્લોર વચ્ચે રમાવાની છે, જ્યારે રવિવારે ચેન્નઈ સુપર કિંગ્સ અને લખનઉ આમને-સામને ટકરાશે. જોકે, આ બધા સમાચારો વચ્ચે એક એવી ચર્ચા તેજ બની છે જે ધોનીના લાખો ફેન્સના દિલ તોડી શકે છે. એવી પ્રબળ શક્યતા જોવા મળી રહી છે કે, એમએસ ધોની આ આખી સિઝન દરમિયાન એક પણ મેચમાં મેદાન પર જોવા નહીં મળે.

CSK નું પરફોર્મન્સ અને ટીમ કોમ્બિનેશન

ટુર્નામેન્ટના શરૂઆતના તબક્કામાં એવું લાગતું હતું કે, ચેન્નઈ સુપર કિંગ્સ કદાચ પ્લેઓફમાં ક્વોલિફાય નહીં કરી શકે. તે સમયે એવી આશા જાગી હતી કે જો ટીમ મુશ્કેલીમાં હશે તો માહી ક્રીઝ પર ઉતરશે અને ટીમને સંભાળશે. પરંતુ છેલ્લા કેટલાક મુકાબલાઓમાં CSK એ શાનદાર વાપસી કરી છે અને ટીમ જીતના માર્ગે આગળ વધી રહી છે. ટીમના યુવા ખેલાડીઓ સતત પ્રશંસનીય પ્રદર્શન કરી રહ્યા છે, જેના કારણે ટીમમાં સ્થિરતા આવી છે. હવે જ્યારે ટીમ પ્લેઓફની રેસમાં મજબૂત રીતે આગળ વધી રહી છે, ત્યારે ધોની પોતે ઈચ્છતા નથી કે વિજેતા ટીમ કોમ્બિનેશન સાથે કોઈ છેડછાડ કરવામાં આવે.

ઉંમર અને ફિટનેસની સમસ્યા

એમએસ ધોની હાલ 44 વર્ષ અને 304 દિવસની ઉંમરના છે અને ટૂંક સમયમાં જ તેઓ 45 વર્ષના થશે. આ ઉંમરે IPL જેવી લાંબી ટુર્નામેન્ટમાં શારીરિક રીતે ફિટ રહેવું એક મોટો પડકાર છે. ટુર્નામેન્ટ શરૂ થતાં પહેલા પણ તેઓ ઈજાથી પીડાતા હતા અને તેમાંથી રિકવર થઈને પાછા ફરવામાં ઘણો સમય લાગ્યો છે. આ ઉંમરે ઈજા બાદ તરત જ લય પકડવી અને મેદાનમાં એ જ જૂની એનર્જી સાથે ઉતરવું મુશ્કેલ છે. આથી, ટુર્નામેન્ટની ગંભીરતા અને પોતાની શારીરિક મર્યાદાઓને ધ્યાનમાં રાખીને ધોની આ વર્ષે મેદાનથી દૂર રહી શકે છે.

ફિટ હોવા છતાં MS Dhoni કેમ નથી રમી રહ્યા?: IPL 2026 માં ન રમવા પાછળનું અસલી કારણ જાણીને ફેન્સ પણ હેરાન!

કરિયરના અંતના સંકેત

ક્રિકેટ જગતમાં એવી અટકળો ચાલી રહી છે કે ધોનીનું IPL કરિયર કોઈ પણ ફેરવેલ મેચ વગર જ સમાપ્ત થઈ શકે છે. સિઝનની શરૂઆત પહેલા જ એવી શક્યતા હતી કે, આ ધોનીની છેલ્લી IPL હશે. જો તેઓ આ વર્ષે એક પણ મેચ નહીં રમે, તો એનો સીધો અર્થ એ થાય કે તેમની ભવ્ય કારકિર્દીનો અંત શાંતિથી અને મેદાનની બહાર રહીને જ આવશે. ફેન્સ માટે આ સ્વીકારવું કદાચ કડવું હશે, પરંતુ આ જ વર્તમાન સત્ય દેખાઈ રહ્યું છે.

શું 'કેપ્ટન કૂલ' IPL માં એક પણ મેચ નહીં રમે?: કોચ માઈકલ હસીએ તોડી ચુપ્પી!

ધોનીનો ભવ્ય આઈપીએલ ઇતિહાસ

એમએસ ધોની આઈપીએલના ઈતિહાસમાં સૌથી સફળ અને લોકપ્રિય ખેલાડીઓમાંથી એક છે. તેમની કેપ્ટનશીપ હેઠળ ચેન્નઈ સુપર કિંગ્સે પાંચ વખત ખિતાબ જીત્યો છે, જે એક મોટો રેકોર્ડ છે. ધોનીના આઈપીએલ કરિયર પર નજર કરીએ તો તેમણે અત્યાર સુધી 278 મેચોમાં 38.3 ની એવરેજથી 5439 રન બનાવ્યા છે. જેમાં 24 હાફ-સેન્ચુરી પણ સામેલ છે. તેઓ આઈપીએલમાં સૌથી વધુ રન બનાવનારા સાતમા બેટ્સમેન તરીકે બિરાજમાન છે. તેમની આંકડાકીય સિદ્ધિઓ જ તેમની મહાનતાની સાક્ષી પૂરે છે.

Ishan Kishan : IPL 2026 માં સનરાઇઝર્સ હૈદરાબાદ (SRH) અને પંજાબ કિંગ્સ (PBKS) વચ્ચે રમાયેલી મેચમાં મેદાન પર રમત જેટલી રોમાંચક હતી, તેટલી જ ચર્ચા મેચ બાદ સોશિયલ મીડિયા પર જોવા મળી રહી છે. સનરાઇઝર્સની જીતના હીરો રહેલા ઇશાન કિશને પંજાબની નબળી ફિલ્ડિંગનો જે રીતે ફાયદો ઉઠાવ્યો અને ત્યારબાદ જે પોસ્ટ કરી, તેણે ચાહકોનું ધ્યાન ખેંચ્યું છે. તેમાં પણ તેની કથિત ગર્લફ્રેન્ડ અદિતિ હુંડિયાની કોમેન્ટે આ આખી ઘટનામાં રમૂજ ઉમેરી દીધી છે.

હૈદરાબાદની ધમાકેદાર બેટિંગ અને પંજાબની મુશ્કેલી

બુધવારે હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાયેલી આ મેચમાં સનરાઇઝર્સ હૈદરાબાદના બેટ્સમેનોએ પંજાબના બોલરોની બરાબરની ધોલાઈ કરી હતી. શ્રેયસ ઐયરની કેપ્ટનશીપ હેઠળ પંજાબની ટીમ દબાણમાં જોવા મળી હતી. SRH એ પ્રથમ બેટિંગ કરતાં 236 રનનો વિશાળ સ્કોર બનાવ્યો હતો. ઇશાન કિશન અને હેનરિક ક્લાસેને શાનદાર બેટિંગ કરી હતી. પંજાબની ટીમ આ પહાડ જેવા લક્ષ્યનો પીછો કરવામાં નિષ્ફળ રહી અને તેમને 33 રને હારનો સામનો કરવો પડ્યો. આ પંજાબની સતત ત્રીજી હાર હતી.

ઇશાન કિશનના ત્રણ જીવનદાનની કહાની

આ મેચમાં ઇશાન કિશનનું નસીબ જોર કરી રહ્યું હોય તેવું લાગતું હતું. પંજાબના ફિલ્ડરોએ ઇશાનને આઉટ કરવા માટે એક-બે નહીં પણ ત્રણ સોનેરી તકો ગુમાવી હતી. સૌથી પહેલા આઠમી ઓવરમાં કૂપર કોનોલીએ બાઉન્ડ્રી પર તેનો સાવ સરળ કેચ છોડ્યો હતો. ત્યારબાદ 11 મી ઓવરમાં લોકી ફર્ગ્યુસને પણ કેચ ટપકાવ્યો હતો. આટલું ઓછું હોય તેમ, પ્રભસિમરન સિંહે પણ સ્ટમ્પિંગની એક મોટી તક ગુમાવી દીધી હતી. આ ત્રણ જીવનદાનનો પૂરેપૂરો ફાયદો ઉઠાવીને ઇશાન કિશને માત્ર 32 બોલમાં 55 રન ફટકારી નાખ્યા હતા.

ઇન્સ્ટાગ્રામ પર ઇશાનનો જોરદાર કટાક્ષ

મેચ જીત્યા બાદ ઇશાન કિશને ઇન્સ્ટાગ્રામ પર પોતાની તસવીરો શેર કરી હતી, જેમાં તે ખૂબ જ ખુશ દેખાઈ રહ્યો હતો. જોકે, તસવીરો કરતાં તેના કેપ્શને વધારે વાહવાહી મેળવી હતી. ઇશાન કિશને લખ્યું, “Catch me if you can” (મને પકડી શકો તો પકડી જુઓ). આ પાંચ શબ્દોમાં તેણે પંજાબની નબળી ફિલ્ડિંગની આબરૂ ઉતારી દીધી હોય તેવું લાગતું હતું. આ પોસ્ટ સોશિયલ મીડિયા પર આગની જેમ ફેલાઈ ગઈ અને ચાહકોએ પંજાબની ટીમને ટ્રોલ કરવાનું શરૂ કરી દીધું.

અદિતિ હુંડિયાની કોમેન્ટ અને ચાહકોની પ્રતિક્રિયા

ઇશાનની આ પોસ્ટ પર જ્યારે અદિતિ હુંડિયાએ કોમેન્ટ કરી ત્યારે મામલો વધુ રસપ્રદ બન્યો હતો. અદિતિએ રમુજી અંદાજમાં પૂછ્યું, "તમને આવા કેપ્શન કોણ લખી આપે છે?" આ સવાલ બાદ સોશિયલ મીડિયા પર એવી અટકળો શરૂ થઈ કે શું આ કેપ્શન અદિતિએ જ લખી આપ્યું હશે? ચાહકોએ આ કોમેન્ટ પર હજારોની સંખ્યામાં લાઇક્સ અને રિપ્લાય આપ્યા હતા. માત્ર ઇશાન જ નહીં, પણ ક્લાસેનનો કેચ છોડનાર શશાંક સિંહની ફિલ્ડિંગ પર પણ સવાલો ઉભા થયા હતા, જેણે આ સિઝનમાં પાંચ કેચ છોડ્યા છે.

T20 વર્લ્ડ કપ પછી Ishan Kishan લગ્નના બંધનમાં બંધાશે!: કોણ છે "Pocket Dynamo" ની ફ્યુચર વાઇફ?, પરિવારે કર્યો મોટો ખુલાસો

પોઈન્ટ ટેબલ પર સનરાઇઝર્સનો દબદબો

આ જીત સાથે સનરાઇઝર્સ હૈદરાબાદ હવે IPL 2026 ના પોઈન્ટ ટેબલમાં પ્રથમ ક્રમે પહોંચી ગયું છે. 11 મેચમાં 14 પોઈન્ટ સાથે તેમનું પ્લેઓફમાં સ્થાન લગભગ નિશ્ચિત માનવામાં આવે છે. તેમને હવે બાકીની ત્રણ મેચમાંથી માત્ર એક જ જીતની જરૂર છે. બીજી તરફ પંજાબ કિંગ્સ બીજા સ્થાને સરકી ગયું છે અને તેમને પ્લેઓફમાં પોતાની જગ્યા ટકાવી રાખવા માટે હવે પછીની મેચોમાં ફિલ્ડિંગમાં મોટો સુધારો કરવો પડશે.

IPLની રોમાંચક સિઝનમાં ચેન્નઈ સુપર કિંગ્સે ફરી એકવાર પોતાની તાકાત સાબિત કરી છે. દિલ્હી કેપિટલ્સ સામેની મેચમાં સંજુ સેમસનની તોફાની બેટિંગ અને કાર્તિકની સ્થિર ઇનિંગે ટીમને સરળ જીત અપાવી, જ્યારે બોલિંગમાં નૂર અહેમદે મહત્વની ભૂમિકા ભજવી.

દિલ્હીની ઇનિંગ: મધ્યમ સ્કોર છતાં પડકારજનક શરૂઆત

અરુણ જેટલી સ્ટેડિયમ ખાતે રમાયેલી આ મેચમાં દિલ્હી કેપિટલ્સે ટૉસ જીતીને પહેલા બેટિંગ કરવાનો નિર્ણય લીધો હતો. ટીમે 20 ઓવરમાં 6 વિકેટના નુકસાન પર 155 રન બનાવ્યા હતા.

દિલ્હીની શરૂઆત ખાસ મજબૂત રહી નહોતી, પરંતુ મધ્યક્રમમાં ટ્રિસ્ટન સ્ટબ્સે 38 રન અને સમીર રિઝવીએ અણનમ 40 રનની ઇનિંગ રમી ટીમને સંભાળી હતી. બંને વચ્ચે છઠ્ઠી વિકેટ માટે 65 રનની મહત્વપૂર્ણ ભાગીદારી થઈ હતી, જે ટીમને સન્માનજનક સ્કોર સુધી લઈ ગઈ.

આ ઉપરાંત પથુમ નિસાંકા (19), નીતિશ રાણા (15), આશુતોષ શર્મા (14), કરુણ નાયર (13) અને કેએલ રાહુલ (12)એ નાના પરંતુ ઉપયોગી યોગદાન આપ્યા હતા.

ચેન્નઈનો ચેઝ: સેમસન અને કાર્તિકનો ધમાકો

156 રનના લક્ષ્યાંકનો પીછો કરવા ઉતરેલી ચેન્નઈ સુપર કિંગ્સની શરૂઆત સ્થિર રહી હતી. શરૂઆતમાં થોડો સંભાળ રાખ્યા બાદ સંજુ સેમસન અને કાર્તિક શર્માએ મેચ પર સંપૂર્ણ કાબૂ મેળવી લીધો.

સેમસને માત્ર 52 બોલમાં અણનમ 87 રનની શાનદાર ઇનિંગ રમી હતી, જેમાં તેણે આક્રમક શોટ્સ સાથે દિલ્હીના બોલરોને દબાણમાં મૂકી દીધા. બીજી બાજુ કાર્તિક શર્માએ પણ અણનમ 41 રન બનાવીને સેમસનનો ઉત્તમ સાથ આપ્યો. બન્ને વચ્ચે 114 રનની અણનમ ભાગીદારી થઈ હતી, જે મેચનો ટર્નિંગ પોઇન્ટ સાબિત થઈ. ચેન્નઈએ માત્ર 17.3 ઓવરમાં 2 વિકેટ ગુમાવીને સરળતાથી લક્ષ્યાંક હાંસલ કરી લીધો.

બોલિંગમાં નૂર અહેમદનો પ્રભાવ

ચેન્નઈ માટે બોલિંગ વિભાગમાં નૂર અહેમદ સૌથી સફળ બોલર સાબિત થયો. તેણે 2 મહત્વપૂર્ણ વિકેટ ઝડપી દિલ્હીના સ્કોરને નિયંત્રણમાં રાખવામાં મહત્વની ભૂમિકા ભજવી.

ચેન્નઈના અન્ય બોલરોએ પણ કસોટીભર્યો પ્રદર્શન કરીને દિલ્હીના બેટ્સમેનને મોટા સ્કોર સુધી પહોંચતા અટકાવ્યા હતા.

મેચના મુખ્ય ટર્નિંગ પોઇન્ટ્સ

• સમીર રિઝવી અને ટ્રિસ્ટન સ્ટબ્સ વચ્ચેની 65 રનની ભાગીદારી

• સંજુ સેમસનની આક્રમક 87 રનની ઇનિંગ

• સેમસન-કાર્તિક વચ્ચેની 114 રનની અણનમ ભાગીદારી

• નૂર અહેમદની મહત્વપૂર્ણ વિકેટ્સ

Raghu Sharma: IPL 2026માં એક એવો પળ સામે આવ્યો છે જે માત્ર ક્રિકેટ નહીં પરંતુ ભાવનાઓ અને સંઘર્ષની કહાની પણ કહી જાય છે. Raghu Sharmaએ પોતાના IPL કરિયરની પહેલી વિકેટ લીધા બાદ જે રીતે સેલિબ્રેશન કર્યું, તે સોશિયલ મીડિયા પર ઝડપથી વાયરલ બની ગયું છે. લાંબા સમયથી તકની રાહ જોતા આ ખેલાડીએ પોતાના ખાસ પળને આધ્યાત્મિક ભાવના સાથે ઉજવીને સૌનું ધ્યાન ખેંચ્યું છે. મુંબઈના વાનખેડે સ્ટેડિયમમાં રમાયેલી IPL 2026ની મેચ દરમિયાન આ ઘટના બની હતી. Mumbai Indians અને Lucknow Super Giants વચ્ચેની મેચમાં રઘુ શર્માએ પોતાની પહેલી IPL વિકેટ મેળવી અને તરત જ ખિસ્સામાંથી એક હાથથી લખેલી ચિઠ્ઠી બહાર કાઢી કેમેરા સામે બતાવી. આ પળે સ્ટેડિયમમાં હાજર ખેલાડીઓ અને દર્શકો બંને ચકિત રહી ગયા હતા.

લાંબી પ્રતિક્ષા બાદ મળ્યું ડેબ્યૂ અને છવાઈ ગયો આ યુવા ખેલાડી

IPL 2024માં દરરોજ નવા રેકોર્ડ્સ અને નવા ખેલાડીઓ ઉભરી રહ્યા છે, પરંતુ પંજાબ કિંગ્સ તરફથી રમતા રઘુ શર્માએ પોતાની પ્રથમ મેચમાં જ કંઈક એવું કર્યું કે જેની ચર્ચા આખું ટ્વિટર અને ઈન્સ્ટાગ્રામ કરી રહ્યું છે. મુંબઈ ઈન્ડિયન્સ જેવી મજબૂત ટીમ સામે જ્યારે તેને પ્લેઈંગ ઈલેવનમાં તક મળી, ત્યારે તેણે આ તકને બંને હાથે ઝડપી લીધી હતી. રઘુ શર્મા લાંબા સમયથી ડોમેસ્ટિક ક્રિકેટમાં મહેનત કરી રહ્યો હતો અને આઈપીએલના મંચ પર તેણે પોતાની ફિરકીનો જાદુ ચલાવીને સૌના દિલ જીતી લીધા છે.

પ્રથમ વિકેટ અને 'જય શ્રી રામ'નું ખાસ સેલિબ્રેશન

મેચ દરમિયાન જ્યારે રઘુ શર્માએ મુંબઈ ઈન્ડિયન્સના મહત્વના બેટ્સમેનને આઉટ કર્યો, ત્યારે તેણે મેદાન પર દોડતા દોડતા પોતાના ગજવામાંથી એક નાની ચિઠ્ઠી કાઢી હતી. આ સફેદ રંગની ચિઠ્ઠી પર લાલ અક્ષરે 'જય શ્રી રામ' લખેલું હતું. તેણે કેમેરા સામે આ ચિઠ્ઠી બતાવીને પોતાની શ્રદ્ધા વ્યક્ત કરી હતી. સામાન્ય રીતે ખેલાડીઓ વિકેટ લીધા બાદ આક્રમક અંદાજમાં ડાન્સ કે એક્શન કરતા હોય છે, પરંતુ રઘુના આ શાંત અને ભક્તિમય સેલિબ્રેશને ચાહકોમાં એક અલગ જ ક્રેઝ ઉભો કર્યો છે.

IPL 2026: મુંબઈ ઈન્ડિયન્સ માટે વધુ એક માઠા સમાચાર: LSG સામેની મેચ પહેલા લાગ્યો મોટો ઝટકો!

સોશિયલ મીડિયા પર વીડિયો થયો વાયરલ

રઘુ શર્માના આ સેલિબ્રેશનનો વીડિયો સોશિયલ મીડિયા પર જોતજોતામાં વાયરલ થઈ ગયો છે. ક્રિકેટ ફેન્સ તેને 'રામ ભક્ત' ક્રિકેટર તરીકે સંબોધી રહ્યા છે. ઘણા લોકો કહી રહ્યા છે કે આ ખેલાડીએ સાબિત કર્યું છે કે રમતની સાથે સાથે સંસ્કાર અને આસ્થા પણ એટલી જ મહત્વની છે. પંજાબ કિંગ્સના કેમ્પમાં પણ રઘુના આ પર્ફોર્મન્સથી ખુશીનો માહોલ જોવા મળ્યો હતો.

PSL 2026: પાકિસ્તાની ક્રિકેટરે ભારતમાં જન્મેલા આ વ્યક્તિના નામે કર્યો પોતાનો અવોર્ડ, લાખો રૂપિયા સાથે જીત્યા લાખોના દિલ

કોણ છે રઘુ શર્મા?

રઘુ શર્મા એક પ્રતિભાશાળી સ્પિનર છે જેણે ડોમેસ્ટિક ક્રિકેટમાં સતત સારું પ્રદર્શન કરીને આઈપીએલ સુધીની સફર ખેડી છે. પંજાબ કિંગ્સે તેની ક્ષમતા પર ભરોસો મૂકીને તેને ટીમમાં સામેલ કર્યો હતો. તેની બોલિંગમાં ચોકસાઈ જોવા મળે છે, જે આવનારા સમયમાં પંજાબ માટે ટ્રમ્પ કાર્ડ સાબિત થઈ શકે છે. તેની પ્રથમ મેચના આ સેલિબ્રેશને તેને રાતોરાત સ્ટાર બનાવી દીધો છે.

IPL 2026: ખરાબ ફોર્મ સામે ઝઝૂમી રહેલી મુંબઈ ઈન્ડિયન્સે IPL 2026માં અત્યાર સુધી 9 મેચ રમી છે, જેમાંથી ટીમને માત્ર 2 મેચમાં જીત મળી છે, જ્યારે 7 મેચમાં હારનો સામનો કરવો પડ્યો છે. હવે લખનૌ સુપર જાયન્ટ્સ (LSG) સામેની મહત્વની મેચ પહેલા મુંબઈ માટે એક ચિંતાજનક સમાચાર સામે આવ્યા છે.

IPL 2026માં મુંબઈ ઈન્ડિયન્સનું પ્રદર્શન અત્યંત નિરાશાજનક રહ્યું છે. ટીમના મોટાભાગના ખેલાડીઓ આઉટ ઓફ ફોર્મ ચાલી રહ્યા છે. હાલમાં મુંબઈ ઈન્ડિયન્સ પોઈન્ટ ટેબલમાં 9મા ક્રમે છે. ટીમની પ્લે-ઓફની સફર લગભગ ખતમ થવાને આરે છે. 4 મેના રોજ મુંબઈ સીઝનની તેની 10મી મેચ લખનૌ સુપર જાયન્ટ્સ સામે રમવા મેદાનમાં ઉતરશે, પરંતુ તે પહેલા ટીમને મોટો ફટકો પડ્યો છે.

આ પણ વાંચો: PSL 2026 : પાકિસ્તાની ક્રિકેટરે ભારતમાં જન્મેલા આ વ્યક્તિના નામે કર્યો પોતાનો અવોર્ડ, લાખો રૂપિયા સાથે જીત્યા લાખોના દિલ

રોહિત શર્માને લઈને આવ્યું મોટું અપડેટ

લખનૌ સુપર જાયન્ટ્સ સામેની મેચમાં રોહિત શર્મા પ્લેઈંગ ઈલેવનમાં સામેલ થશે કે નહીં, તેના પર હજુ પણ સસ્પેન્સ યથાવત છે. 'ક્રિકબઝ'ના અહેવાલ મુજબ, રોહિત શર્માની ઉપલબ્ધતા હજુ અનિશ્ચિત છે. મેનેજમેન્ટે લખનૌ સામે રમવાનો નિર્ણય સંપૂર્ણપણે 'હિટમેન' પર છોડી દીધો છે.

પ્લેઈંગ 11 પર સસ્પેન્સ કેમ?

રોહિત શર્મા 12 એપ્રિલથી મુંબઈની પ્લેઈંગ ઈલેવનનો ભાગ બન્યા નથી. RCB સામેની મેચ દરમિયાન રોહિત શર્માને હેમસ્ટ્રિંગની ઈજા થઈ હતી, જેના કારણે તેઓ 'રિટાયર્ડ હર્ટ' થયા હતા. તેમની ઈજા ગંભીર હોવાથી તેઓ તે મેચમાં ફરી બેટિંગ કરવા આવી શક્યા નહોતા.

રોહિતે નેટ્સમાં કરી બેટિંગ

લખનૌ સામેની મેચ પહેલા રવિવારે જ્યારે મુંબઈ ઈન્ડિયન્સના ખેલાડીઓએ મુસાફરી કરવાની હતી, ત્યારે રોહિત શર્મા મુખ્ય કોચ મહેલા જયવર્ધને સાથે મેદાન પર જોવા મળ્યા હતા. તેમણે ત્યાં લાંબા સમય સુધી બેટિંગની પ્રેક્ટિસ પણ કરી હતી, જે ચાહકો માટે આશાનું કિરણ છે.

આ પણ વાંચો: 6 વર્ષ, કરોડો રૂપિયા, પણ માત્ર 775 રન! : પાવરહિટરનું નામ પણ મેદાન પર ફ્લોપ! છતાં કેમ આ ખેલાડી ટીમોનો 'પ્રિય'?

5 મેચમાં ગેરહાજર રહ્યા રોહિત

ઈજાના કારણે રોહિત શર્મા આ સીઝનમાં મુંબઈ ઈન્ડિયન્સ માટે 5 મેચ રમી શક્યા નથી. તેમની ગેરહાજરીમાં ટીમને 4 મેચમાં હારનો સામનો કરવો પડ્યો છે. રોહિત શાનદાર ફોર્મમાં હતા અને તેમણે રમેલી 4 મેચોમાં વિસ્ફોટક પ્રદર્શન કર્યું હતું.

હિટમેનનું અત્યાર સુધીનું પ્રદર્શન

KKR સામે 78 રનની શાનદાર ઈનિંગ, દિલ્હી સામે 35 રન, રાજસ્થાન રોયલ્સ સામે 5 રન અને RCB સામે 19 રન (અણનમ) બનાવ્યા છે.

IPL 2026માં રવિવારની બીજી મેચે ક્રિકેટપ્રેમીઓને રોમાંચનો ભરપૂર ડોઝ આપ્યો, જ્યાં ગુજરાત ટાઇટન્સે અંતિમ ક્ષણોમાં શાનદાર પ્રદર્શન કરીને ટેબલ ટોપર પંજાબ કિંગ્સને 4 વિકેટથી હરાવ્યું. આ જીત માત્ર એક મેચ જીત નથી, પરંતુ ગુજરાત માટે પ્લેઓફ તરફ વધતી મજબૂત દાવેદારીનો સંકેત છે.

મેચનો સંપૂર્ણ અહેવાલ

અમદાવાદના નરેન્દ્ર મોદી સ્ટેડિયમમાં રમાયેલી આ ટક્કરમાં ગુજરાત ટાઇટન્સે ટોસ જીતીને પહેલા બોલિંગ કરવાનો નિર્ણય લીધો, જે બાદમાં ખૂબ જ અસરકારક સાબિત થયો. પંજાબ કિંગ્સે પ્રથમ બેટિંગ કરતા 20 ઓવરમાં 9 વિકેટ ગુમાવી 163 રન બનાવ્યા, જે એક પડકારજનક પરંતુ ચેઝ કરી શકાય તેવો સ્કોર હતો.

ગુજરાતે આ લક્ષ્યાંકને 19.5 ઓવરમાં 6 વિકેટ ગુમાવીને હાંસલ કર્યો. અંતિમ ક્ષણે વોશિંગ્ટન સુંદરના છગ્ગાએ મેચને ગુજરાત તરફ ઝુકાવી દીધી અને ટીમને સતત ત્રીજી જીત અપાવી.

સાઈ સુદર્શન અને બટલરની ભાગીદારી બની ટર્નિંગ પોઈન્ટ

ચેઝ દરમિયાન ગુજરાતની શરૂઆત સારી રહી નહોતી. માત્ર 16 રન પર જ કેપ્ટન શુભમન ગિલ પેવેલિયન પરત ફર્યા હતા. તે સમયે ટીમ દબાણમાં આવી ગઈ હતી. પરંતુ સાઈ સુદર્શનએ જવાબદારી સંભાળી અને ઇનિંગને સંભાળ્યું.

સુદર્શનએ જોસ બટલર સાથે મળીને 50+ રનની મહત્વપૂર્ણ ભાગીદારી કરી, જેના કારણે ટીમ ફરીથી ટ્રેક પર આવી. બટલરની ઝડપી રનગતિ અને સુદર્શનની સ્થિરતા ટીમ માટે મજબૂત આધાર બની.

સુદર્શનએ શાનદાર અડધી સદી ફટકારી અને ટીમને 124 રન સુધી પહોંચાડી. ત્યારબાદ નિશાંત સિંધુએ પણ સહકાર આપ્યો, જ્યારે અંતમાં રાહુલ તેવટિયા અને વોશિંગ્ટન સુંદરએ શાંતિપૂર્વક મેચ પૂર્ણ કરી.

પંજાબ માટે શેડગેની લડાયક ઇનિંગ વ્યર્થ ગઈ

પંજાબ કિંગ્સની શરૂઆત ખૂબ જ ખરાબ રહી હતી. ટીમે માત્ર 47 રન પર 5 વિકેટ ગુમાવી દીધી હતી, જે બાદ ટીમ મોટા સ્કોર તરફ જઈ શકે તેવું લાગતું નહોતું.

પરંતુ સૂર્યાંશ શેડગેએ શાનદાર લડત આપી. તેણે માર્કસ સ્ટોઇનિસ સાથે મળીને 44 બોલમાં 79 રનની મહત્વપૂર્ણ ભાગીદારી કરી. શેડગેએ 29 બોલમાં 57 રન બનાવી પોતાની પ્રતિભા બતાવી, જ્યારે સ્ટોઇનિસે 40 રનની ઉપયોગી ઇનિંગ રમી.

તેમ છતાં, અંતિમ ઓવરોમાં વિકેટો પડતાં પંજાબનો સ્કોર 163 સુધી જ સીમિત રહ્યો.

બોલિંગમાં હોલ્ડરનો કહેર

ગુજરાત ટાઇટન્સ માટે બોલિંગમાં જેસન હોલ્ડર સૌથી સફળ રહ્યા. તેમણે 4 વિકેટ ઝડપીને પંજાબની ઇનિંગને મર્યાદિત રાખવામાં મહત્વપૂર્ણ ભૂમિકા ભજવી.

તેમજ મોહમ્મદ સિરાજ અને કાગિસો રબાડાએ પણ 2-2 વિકેટ લઈને ટીમને મજબૂત સપોર્ટ આપ્યો. બોલરોની સંયુક્ત મહેનતના કારણે ગુજરાતને સરળ લક્ષ્યાંક મળ્યો.

IPL 2026 Orange Cap: આઈપીએલ 2026નો 43મો મુકાબલો ખૂબ જ શાનદાર રહ્યો. દિલ્હીની ટીમે શાનદાર બેટિંગના દમ પર આ મેચ પોતાના નામે કરી લીધી છે. આ મુકાબલા બાદ ઓરેન્જ કેપની રેસમાં પણ મોટો ફેરફાર થયો છે. યુવા ખેલાડી વૈભવ સૂર્યવંશીના નિષ્ફળ જવાથી સમીકરણો બદલાયા છે.

રાજસ્થાન રોયલ્સ અને દિલ્હી કેપિટલ્સ વચ્ચે રમાયેલી મેચમાં બેટ્સમેનોનું વર્ચસ્વ જોવા મળ્યું હતું. બંને ટીમોએ 220 થી વધુ રનનો સ્કોર બનાવ્યો હતો. બોલરો માટે મેદાન પર કંઈ ખાસ જોવા મળ્યું નહોતું. આ મુકાબલા બાદ ઓરેન્જ કેપની રેસમાં મોટો ઉલટફેર જોવા મળ્યો છે. દિલ્હી કેપિટલ્સના સ્ટાર બેટ્સમેન કેએલ રાહુલે હવે આ રેસમાં પોતાનું વર્ચસ્વ મજબૂત કર્યું છે, જ્યારે વૈભવ સૂર્યવંશીને આ રેસમાં નુકસાન થયું છે.

ઓરેન્જ કેપની રેસમાં ટોપના ખેલાડીઓ

કેએલ રાહુલ

દિલ્હી કેપિટલ્સના સ્ટાર બેટ્સમેન કેએલ રાહુલે 9 મેચમાં 54.12ની એવરેજથી 433 રન બનાવ્યા છે. આ દરમિયાન તેણે એક સદી અને 3 અડધી સદી ફટકારી છે. રાહુલનો સ્ટ્રાઈક રેટ 185.84 રહ્યો છે.

અભિષેક શર્મા

સનરાઈઝર્સ હૈદરાબાદના ઓપનર અભિષેક શર્માએ 9 મેચમાં 53.12ની એવરેજથી અત્યાર સુધી 425 રન બનાવ્યા છે. આ દરમિયાન તેણે 1 સદી અને 3 અડધી સદી ફટકારી છે. અભિષેકનો સ્ટ્રાઈક રેટ 209.36 રહ્યો છે.

હેનરિક ક્લાસેન

હૈદરાબાદના સ્ટાર બેટ્સમેન હેનરિક ક્લાસેને 9 મેચમાં અત્યાર સુધી 59.14ની એવરેજથી 414 રન બનાવ્યા છે. આ દરમિયાન તેણે 4 શાનદાર અડધી સદી પણ ફટકારી છે. ક્લાસેનનો સ્ટ્રાઈક રેટ 157.41 રહ્યો છે.

वैભવ સૂર્યવંશી રાજસ્થાન રોયલ્સનો 15 વર્ષીય સ્ટાર ઓપનર વૈભવ સૂર્યવંશી હવે ચોથા સ્થાને પહોંચી ગયો છે. સૂર્યવંશીએ 10 મેચમાં 40.40ની એવરેજથી 404 રન બનાવ્યા છે. આ દરમિયાન સૂર્યવંશીનો સ્ટ્રાઈક રેટ 237.65 રહ્યો છે.

વિરાટ કોહલી

રોયલ ચેલેન્જર્સ બેંગલુરુના સ્ટાર બેટ્સમેન વિરાટ કોહલીએ અત્યાર સુધી 9 મેચમાં 54.14ની એવરેજથી 379 રન બનાવ્યા છે. આ દરમિયાન કોહલીનો સ્ટ્રાઈક રેટ 165.50 રહ્યો છે. કોહલીએ અત્યાર સુધી 3 અડધી સદી ફટકારી છે.

આઈપીએલની વર્તમાન સીઝનમાં સતત પરાજયનો સામનો કરી રહેલી દિલ્હી કેપિટલ્સની ટીમે આખરે વિજયનું ખાતું ખોલ્યું છે. શુક્રવારે રમાયેલી રોમાંચક મેચમાં દિલ્હીએ રાજસ્થાન રોયલ્સને તેમના જ ઘરઆંગણે 7 વિકેટથી પરાજય આપીને સીઝનની પ્રથમ જીત નોંધાવી છે. સવાઈ માનસિંહ સ્ટેડિયમમાં રમાયેલી આ મેચમાં દિલ્હીના બેટ્સમેનોએ શાનદાર પ્રદર્શન કરતા રાજસ્થાનના વિશાળ સ્કોરને પણ વામણો સાબિત કર્યો હતો.

રાહુલ અને નિસાંકાની તોફાની બેટિંગ

226 રનના કપરા લક્ષ્યાંકનો પીછો કરવા ઉતરેલી દિલ્હીની ટીમને ઓપનિંગ જોડીએ મજબૂત શરૂઆત અપાવી હતી. કેએલ રાહુલ અને પથુમ નિસાંકાએ પ્રથમ વિકેટ માટે 110 રનની ભાગીદારી કરીને જીતનો માર્ગ મોકળો કર્યો હતો. કેએલ રાહુલે પોતાની ક્લાસિક બેટિંગનો નમૂનો રજૂ કરતા માત્ર 40 બોલમાં 75 રન ફટકાર્યા હતા જેમાં 6 ચોગ્ગા અને 5 છગ્ગાનો સમાવેશ થાય છે. તેની સાથે નિસાંકાએ પણ આક્રમક વલણ અપનાવતા 33 બોલમાં 62 રનનું યોગદાન આપ્યું હતું. આ જોડીએ રાજસ્થાનના બોલરોને પાયમાલ કરી દીધા હતા જેના કારણે દિલ્હીએ 19.1 ઓવરમાં જ 3 વિકેટ ગુમાવીને લક્ષ્યાંક હાંસલ કરી લીધો હતો.

રિયાન પરાગની મહેનત એળે ગઈ

આ અગાઉ ટોસ જીતીને પ્રથમ બેટિંગ કરવા ઉતરેલી રાજસ્થાન રોયલ્સની શરૂઆત મધ્યમ રહી હતી પરંતુ કેપ્ટન રિયાન પરાગે શાનદાર ઇનિંગ રમીને ટીમને મજબૂત સ્થિતિમાં પહોંચાડી હતી. રિયાન પરાગે 50 બોલમાં 8 ચોગ્ગા અને 5 છગ્ગાની મદદથી 90 રન બનાવ્યા હતા જોકે તે પોતાની સદી પૂરી કરવામાં નિષ્ફળ રહ્યો હતો. તેણે ધ્રુવ જુરેલ સાથે મળીને 100 થી વધુ રનની મહત્વપૂર્ણ ભાગીદારી કરી હતી. જુરેલે 42 રનનું યોગદાન આપ્યું હતું. અંતિમ ઓવરોમાં ડોનેવાન ફરેરાએ તોફાની બેટિંગ કરતા માત્ર 14 બોલમાં 6 છગ્ગાની મદદથી અણનમ 47 રન ફટકારીને ટીમના સ્કોરને 20 ઓવરમાં 225 રન સુધી પહોંચાડ્યો હતો.

મિચેલ સ્ટાર્કની ધારદાર બોલિંગ

દિલ્હી કેપિટલ્સના બોલરોમાં મિચેલ સ્ટાર્ક સૌથી સફળ રહ્યો હતો. તેણે રાજસ્થાનની 3 મહત્વની વિકેટ ઝડપીને રન ગતિ પર અંકુશ મેળવવાનો પ્રયાસ કર્યો હતો. આ ઉપરાંત કાઇલ જેમીસન, અક્ષર પટેલ અને ટી નટરાજનને 1 1 સફળતા મળી હતી. રાજસ્થાનના બેટ્સમેનોએ મોટો સ્કોર બનાવ્યો હોવા છતાં દિલ્હીના બેટ્સમેનોના આક્રમણ સામે રાજસ્થાનના બોલરો પ્રભાવહીન સાબિત થયા હતા. આ જીત સાથે દિલ્હી કેપિટલ્સે પોઈન્ટ ટેબલમાં પોતાનું સ્થાન સુધારવા તરફ પ્રયાણ કર્યું છે.

IPL 2026માં એક રસપ્રદ અને અનોખી ટક્કર જોવા મળવાની છે જેમાં યુવા બેટ્સમેન વૈભવ સુર્યવંશી અને વિશ્વપ્રસિદ્ધ ફાસ્ટ બોલર મિચેલ સ્ટાર્ક આમને-સામને આવશે. રાજસ્થાન રોયલ્સ (RR) અને દિલ્હી કેપિટલ્સ (DC) વચ્ચે રમાનારી આ મેચ પહેલા જ ચાહકોમાં ભારે ઉત્સાહ જોવા મળી રહ્યો છે. આ ટક્કર ખાસ એ કારણે પણ મહત્વપૂર્ણ બની ગઈ છે કે IPLના ઈતિહાસમાં પ્રથમ વખત આ બંને ખેલાડીઓ એકબીજા સામે રમશે.

પ્રથમ બોલથી જ સિક્સ?

મેચ પહેલા જ સૌથી મોટો પ્રશ્ન એ ઉઠી રહ્યો છે કે શું વૈભવ સુર્યવંશી મિચેલ સ્ટાર્કના પ્રથમ બોલ પર જ સિક્સ ફટકારી શકશે? વૈભવ તેમના આક્રમક બેટિંગ સ્ટાઇલ માટે જાણીતા છે અને અગાઉની મેચોમાં પણ તેમણે ઝડપી રન બનાવી પોતાનું પ્રભાવશાળી પ્રદર્શન કર્યું છે. બીજી તરફ, મિચેલ સ્ટાર્ક જેવા અનુભવી બોલર સામે આક્રમક શરૂઆત કરવી સહેલી નથી. આ ચર્ચાએ સોશિયલ મીડિયા અને ક્રિકેટ વિશ્લેષકો વચ્ચે પણ ગરમાવો લાવ્યો છે.

આ પણ વાંચો: બેંગલુરુની ત્રીજી હાર : ગુજરાતે સરળતાથી ટાર્ગેટ ચેઝ કર્યો

અનુભવ સામે યુવાનીની પરીક્ષા

મિચેલ સ્ટાર્ક આંતરરાષ્ટ્રીય ક્રિકેટમાં લાંબા સમયથી પોતાની ગતિ અને સ્વિંગ માટે જાણીતા છે. તેમના સામે રમવું કોઈપણ યુવા બેટ્સમેન માટે પડકારરૂપ બને છે. બીજી તરફ, વૈભવ સુર્યવંશી IPLમાં ઉભરતા સ્ટાર તરીકે સામે આવ્યા છે અને તેમની નિડર બેટિંગ સ્ટાઇલ તેમને અલગ બનાવે છે. આ મુકાબલો માત્ર બે ખેલાડીઓ વચ્ચેનો નથી, પરંતુ અનુભવ સામે યુવાનીની ટક્કર તરીકે પણ જોવામાં આવી રહ્યો છે.

આ પણ વાંચો: IPL 2026: હાર્દિક પંડ્યાની એક ભૂલ મુંબઈ ઈન્ડિયન્સને કેમ પડી ભારે? : આ એક નિર્ણય પર ઉઠી રહ્યા છે સવાલ

મેચનું મહત્વ

RR અને DC બંને માટે આ મેચ મહત્વપૂર્ણ બની શકે છે, કારણ કે પોઇન્ટ ટેબલમાં આગળ વધવા માટે દરેક મેચ નિર્ણાયક બની રહી છે. વૈભવ સૂર્યવંશી જો આ મેચમાં સારી શરૂઆત કરે, તો તે ટીમને મજબૂત સ્કોર તરફ લઈ જઈ શકે છે. જ્યારે સ્ટાર્ક શરૂઆતમાં જ વિકેટ મેળવી લે તો મેચનું પલ્લું બદલાઈ શકે છે.

આ મુકાબલો IPL 2026ની યાદગાર ટક્કરોમાંની એક બની શકે છે. ચાહકો હવે આતુરતાથી રાહ જોઈ રહ્યા છે કે શું વૈભવ સુર્યવંશી સ્ટાર્ક સામે નિડર રીતે રમશે કે અનુભવ જીતશે. આ મેચ માત્ર પરિણામ માટે જ નહીં, પરંતુ એક નવી ક્રિકેટ સ્ટોરી લખવા માટે પણ મહત્વપૂર્ણ બની શકે છે.

IPL સીઝનમાં એક રસપ્રદ મુકાબલામાં ગુજરાત ટાઇટન્સે રોયલ ચેલેન્જર્સ બેંગલુરુને 4 વિકેટથી હરાવીને મહત્વપૂર્ણ જીત નોંધાવી છે. ખાસ વાત એ રહી કે આખી મેચમાં એક પણ ફિફ્ટી જોવા મળી નહીં, છતાં બંને ટીમ વચ્ચે કડક ટક્કર જોવા મળી.

ગુજરાતની મજબૂત જીત, બેંગલુરુને ત્રીજી હાર

Gujarat Titansએ ગુરુવારે રમાયેલી મેચમાં Royal Challengers Bangaloreને 4 વિકેટથી હરાવી દીધી. આ જીત સાથે ગુજરાતને સીઝનની પાંચમી જીત મળી છે, જ્યારે બેંગલુરુ માટે આ ત્રીજી હાર સાબિત થઈ છે. પોઈન્ટ્સ ટેબલમાં હાલ બેંગલુરુ 12 પોઈન્ટ સાથે બીજા સ્થાને છે, જ્યારે ગુજરાત 10 પોઈન્ટ સાથે પાંચમા ક્રમે આગળ વધી રહ્યું છે.

મેચનો ટર્નિંગ પોઇન્ટ: બોલિંગ અને ઝડપી ચેઝ

અમદાવાદમાં રમાયેલી આ મેચમાં ગુજરાતે ટૉસ જીતીને પહેલા બોલિંગ કરવાનો નિર્ણય લીધો હતો. બેંગલુરુની ટીમ 19.2 ઓવરમાં માત્ર 155 રન પર ઓલઆઉટ થઈ ગઈ. 156 રનના ટાર્ગેટનો પીછો કરતા ગુજરાતે 15.5 ઓવરમાં 6 વિકેટ ગુમાવીને મેચ પોતાના નામે કરી લીધી. અંતમાં Rashid Khanએ ચોગ્ગો ફટકારીને જીત પર મુહર મારી.

કોઈ ફિફ્ટી નહીં, છતાં ગિલ રહ્યો ટૉપ સ્કોરર

આ મેચમાં એક પણ બેટ્સમેન ફિફ્ટી સુધી પહોંચી શક્યો નહીં, જે IPL જેવી લીગમાં દુર્લભ ઘટના ગણાય છે. ગુજરાત તરફથી કેપ્ટન Shubman Gillએ સૌથી વધુ 43 રન બનાવ્યા અને ટીમને મજબૂત શરૂઆત આપી. બીજી તરફ બેંગલુરુ માટે દેવદત્ત પડિકલએ 40 રનની ઇનિંગ રમી, પરંતુ તે ટીમને મોટા સ્કોર સુધી લઈ જઈ શક્યો નહીં.

અરશદ ખાનની ઘાતક બોલિંગ

ગુજરાતની જીતમાં બોલર્સનો મોટો ફાળો રહ્યો. Arshad Khanએ 3 વિકેટ ઝડપીને મેચનો રુખ બદલી નાખ્યો. તેમજ Rashid Khan અને જેસન હોલ્ડરે 2-2 વિકેટ મેળવી મહત્વપૂર્ણ યોગદાન આપ્યું. આ પ્રદર્શનના કારણે બેંગલુરુ મોટી સ્કોર બનાવી શક્યું નહીં.

ભુવનેશ્વર કુમારનો પ્રભાવ છતાં ટીમ હારી

બેંગલુરુ તરફથી Bhuvneshwar Kumarએ શાનદાર બોલિંગ કરી. તેણે 3 મહત્વપૂર્ણ વિકેટ લીધી, જેમાં જોસ બટલર, શુભમન ગિલ અને સાઈ સુદર્શનનો સમાવેશ થાય છે. આ પ્રદર્શન સાથે ભુવનેશ્વર પર્પલ કેપ રેસમાં ટોચ પર પહોંચી ગયો છે. પરંતુ તેની મહેનત છતાં ટીમને જીત મળી શકી નહીં.

IPL 2026: હાર્દિક પંડ્યાની કેપ્ટન્સીમાં મુંબઈ ઈન્ડિયન્સની હાલત અત્યારે કફોડી દેખાઈ રહી છે. સનરાઈઝર્સ હૈદરાબાદ સામે મળેલી હાર બાદ પંડ્યાની કેપ્ટન્સીની આકરી ટીકા થઈ રહી છે. મુંબઈ ઈન્ડિયન્સની ટીમ આ સીઝનમાં ખૂબ જ ખરાબ લયમાંથી પસાર થઈ રહી છે. છેલ્લી મેચમાં 244 રનનો વિશાળ સ્કોર ખડક્યા બાદ પણ ટીમને હારનો સામનો કરવો પડ્યો હતો. આ મેચમાં મુંબઈએ પ્રથમ બેટિંગ કરતા રિયાન રિકલ્ટનની સદીના જોરે 20 ઓવરમાં 244 રન બનાવ્યા હતા. ત્યારબાદ બોલરોએ માત્ર સનરાઈઝર્સને આ લક્ષ્ય સુધી પહોંચતા રોકવાના હતા, જેમાં તેઓ નિષ્ફળ રહ્યા. હૈદરાબાદની ટીમે 19મી ઓવરમાં જ મેચ પોતાના નામે કરી લીધી હતી.

કેપ્ટન્સી પર ઉઠ્યા સવાલો

આ શરમજનક હાર બાદ હવે હાર્દિક પંડ્યાની રણનીતિ પર સવાલો ઉઠી રહ્યા છે. સૌથી મોટો વિવાદ શાર્દુલ ઠાકુરના ઉપયોગને લઈને છે. પંડ્યાએ શાર્દુલને 'ઈમ્પેક્ટ પ્લેયર' તરીકે મેદાનમાં તો ઉતાર્યો, પરંતુ તેની પાસે એક પણ ઓવર બોલિંગ કરાવી નહીં. જ્યારે ટીમના બાકીના બોલરો સનરાઈઝર્સના બેટ્સમેનોને આઉટ કરવામાં નિષ્ફળ જઈ રહ્યા હતા અને રન લુટાવી રહ્યા હતા, ત્યારે શાર્દુલ ઠાકુર કંઈક કમાલ કરી શક્યો હોત. પરંતુ હાર્દિકે તેને તક જ ન આપી, જે ટીમની હારનું મુખ્ય કારણ માનવામાં આવી રહ્યું છે.

ઇમ્પેક્ટ પ્લેયરનો નિર્ણય કેમ ચર્ચામાં?

આ મેચમાં મુંબઈ ઇન્ડિયન્સે શાર્દુલ ઠાકુરને ઇમ્પેક્ટ સબ તરીકે ટીમમાં સામેલ કર્યો હતો. પરંતુ સૌથી આશ્ચર્યજનક વાત એ રહી કે તેમને મેદાનમાં લાવવામાં આવ્યા પછી પણ બોલિંગ આપવામાં આવી નહીં. જ્યારે SRHના બેટર્સ સતત આક્રમક બેટિંગ કરી રહ્યા હતા અને MIના મુખ્ય બોલરો મોંઘા સાબિત થઈ રહ્યા હતા, ત્યારે વધારાના બોલિંગ વિકલ્પનો ઉપયોગ ન થવો ઘણા નિષ્ણાતોને સમજાયો નહીં. ક્રિકેટ વિશ્લેષકોનું માનવું છે કે જો શાર્દુલ ઠાકુરને યોગ્ય સમયે બોલિંગ આપવામાં આવી હોત, તો મેચનો પ્રવાહ થોડોક બદલાઈ શક્યો હોત. ખાસ કરીને મધ્ય ઓવરોમાં SRH ખૂબ ઝડપથી રન બનાવી રહ્યું હતું અને MI પાસે વિકેટ લેવા માટે અસરકારક વિકલ્પો ઓછા દેખાઈ રહ્યા હતા.

SRHના બેટર્સે MIના બોલિંગ આક્રમણને તોડી નાંખ્યું

મુંબઈ ઇન્ડિયન્સ માટે સૌથી ચિંતાજનક બાબત તેની બોલિંગ રહી. જસપ્રીત બુમરાહ જેવા અનુભવી બોલર પણ આ મેચમાં અસરકારક દેખાયા નહીં અને ચાર ઓવરમાં 54 રન આપી વિકેટ વિના રહ્યા. SRHના બેટર્સે શરૂઆતથી જ દબાણ બનાવ્યું અને મુંબઈના બોલરોને કોઈ તક આપી નહીં. ટ્રેવિસ હેડે તોફાની શરૂઆત આપી, જ્યારે હેનરિખ ક્લાસને અંત સુધી આક્રમક રમત ચાલુ રાખી. SRHએ માત્ર મોટા શોટ્સ જ નહીં, પરંતુ સ્ટ્રાઈક રોટેશન પણ શાનદાર રીતે કર્યું. MIના કેપ્ટન હાર્દિક પંડ્યા પણ બોલિંગ ફેરફારોમાં ખાસ અસર પાડી શક્યા નહીં.

હાર્દિક પંડ્યાનું નિવેદન પણ વાયરલ

મેચ બાદ હાર્દિક પંડ્યાએ પોતાના બોલરોને ખુલ્લેઆમ દોષ આપવાનો ઇનકાર કર્યો. તેમણે કહ્યું કે ટીમ તરીકે મુંબઈ ઇન્ડિયન્સ આ સીઝનમાં પોતાની ઓળખ પ્રમાણે પ્રદર્શન કરી શકી નથી અને તેઓ પોતાના બોલરોને “બસ નીચે ફેંકવા” માંગતા નથી. આ નિવેદન સોશિયલ મીડિયા પર ઝડપથી વાયરલ થયું. હાર્દિકના નિવેદનને કેટલાક લોકોએ સારા નેતૃત્વ તરીકે જોયું, જ્યારે કેટલાક ચાહકોનું માનવું હતું કે ટીમ મેનેજમેન્ટે ટેક્ટિકલ ભૂલો સ્વીકારવી જોઈએ. ખાસ કરીને ઇમ્પેક્ટ પ્લેયરના ઉપયોગ અંગે હવે વધુ ચર્ચા થઈ રહી છે.

શું ઇમ્પેક્ટ પ્લેયર નિયમ હવે ટીમો માટે પડકાર બની રહ્યો છે?

IPLમાં ઇમ્પેક્ટ પ્લેયર નિયમ શરૂ થયા બાદ ટીમોને વધારાનો ટેક્ટિકલ ફાયદો મળ્યો છે. પરંતુ ઘણી વખત આ જ નિયમ ગેરસમજ અને ખોટા નિર્ણયોનું કારણ પણ બને છે. ટીમ મેનેજમેન્ટને યોગ્ય સમયે યોગ્ય ખેલાડીનો ઉપયોગ કરવો પડે છે, નહીં તો આ સ્ટ્રેટેજી ઊલટી પણ પડી શકે છે. મુંબઈ ઇન્ડિયન્સ સામે SRHની મેચ એ જ પ્રકારનું ઉદાહરણ બની રહી છે. કારણ કે એક એવો બોલર મેદાનમાં હતો જેને તક જ આપવામાં આવી નહીં. આ બાબતે હવે ભૂતપૂર્વ ક્રિકેટરો પણ ચર્ચા કરી રહ્યા છે કે શું MIએ પોતાના બોલિંગ સંયોજનમાં ગડબડ કરી?

મુંબઈ ઇન્ડિયન્સ માટે આગળનો રસ્તો મુશ્કેલ

આ હાર બાદ મુંબઈ ઇન્ડિયન્સની સ્થિતિ પોઈન્ટ્સ ટેબલમાં વધુ મુશ્કેલ બની ગઈ છે. ટીમ સતત પ્રયોગ કરી રહી છે અને સીઝનમાં અનેક ખેલાડીઓ અજમાવી ચૂકી છે. રોઇટ શર્મા, બુમરાહ, સૂર્યકુમાર યાદવ જેવા સ્ટાર ખેલાડીઓ હોવા છતાં ટીમનું સંતુલન હજી સ્પષ્ટ દેખાતું નથી. હાર્દિક પંડ્યાની કેપ્ટન્સી પણ સતત દબાણ હેઠળ છે. દરેક હાર બાદ સોશિયલ મીડિયા પર તેમની સ્ટ્રેટેજી, બોડી લેંગ્વેજ અને નિર્ણયોની ચર્ચા શરૂ થઈ જાય છે. SRH સામેની મેચ બાદ આ ચર્ચા વધુ તેજ બની છે.

IPL 2026માં આજે ફરી એક વખત ગુજરાત ટાઇટન્સ અને રોયલ ચેલેન્જર્સ બેંગલુરુ વચ્ચે હાઈ-વોલ્ટેજ ટક્કર જોવા મળશે. અમદાવાદના નરેન્દ્ર મોદી સ્ટેડિયમમાં રમાનારી આ મેચ માત્ર બે પોઈન્ટ માટે નહીં પરંતુ પ્લેઓફ રેસ માટે પણ અત્યંત મહત્વપૂર્ણ બની ગઈ છે. થોડા દિવસ પહેલાં બેંગલુરુમાં RCBએ GTને હરાવી હતી અને હવે શુભમન ગિલની ટીમ પોતાના હોમ ગ્રાઉન્ડ પર બદલો લેવા ઉતરશે. બીજી તરફ વિરાટ કોહલીની આગેવાનીમાં RCB સતત જોરદાર ફોર્મમાં દેખાઈ રહી છે.

અમદાવાદની પિચ ફરી બેટરોને મદદ કરશે?

નરેન્દ્ર મોદી સ્ટેડિયમની પિચ IPLમાં મોટા સ્કોર માટે જાણીતી રહી છે. વિવિધ રિપોર્ટ મુજબ અહીં ખાસ કરીને રેડ સોઇલ પિચ પર બોલ સારી રીતે બેટ પર આવે છે અને બેટરોને શોટ રમવામાં સરળતા રહે છે. આ સિઝનમાં પણ અમદાવાદમાં ઘણી હાઈ-સ્કોરિંગ મેચો જોવા મળી છે. સરેરાશ પ્રથમ ઇનિંગ્સ સ્કોર 190ની આસપાસ રહ્યો છે અને જો શરૂઆત સારી મળે તો 200થી વધુ સ્કોર બનાવવો શક્ય બને છે. પેસરોને નવી બોલ સાથે થોડી સ્વિંગ અને બાઉન્સ મળી શકે છે, પરંતુ મેચ આગળ વધતાં સ્પિનરો માટે પણ મદદ ઊભી થઈ શકે છે. ખાસ કરીને રાશિદ ખાન અને કૃણાલ પંડ્યા જેવા સ્પિનરો મધ્ય ઓવરોમાં અસરકારક સાબિત થઈ શકે છે. સાથે જ, બીજા ઇનિંગ્સ દરમિયાન હળવો ડ્યૂ ફેક્ટર પણ જોવા મળી શકે છે, જેના કારણે ટોસ જીતનાર ટીમ ચેઝિંગ પસંદ કરે તેવી શક્યતા વધારે છે.

આ પણ વાંચો: Sim Racing India Open 2026 : ભારતમાં ફોર્મ્યુલા 1 સિમ રેસિંગનો ધમધમાટ, ક્રિકેટર શ્રેયસ ઐયર બન્યા બ્રાન્ડ એમ્બેસેડર

અમદાવાદનું હવામાન કેવું રહેશે?

મેચ દરમિયાન વરસાદની કોઈ મોટી શક્યતા નથી. હવામાન વિભાગ અને વિવિધ ક્રિકેટ રિપોર્ટ્સ મુજબ અમદાવાદમાં આજે આકાશ મોટાભાગે સ્વચ્છ રહેશે અને સંપૂર્ણ 40 ઓવરની મેચ થવાની પૂરી શક્યતા છે. સાંજે તાપમાન લગભગ 27થી 31 ડિગ્રી સેલ્સિયસ વચ્ચે રહી શકે છે. દિવસ દરમિયાન ભારે ગરમી હોવા છતાં રાત્રે પરિસ્થિતિ થોડી અનુકૂળ બનશે. પવનની ઝડપ 13થી 18 કિમી પ્રતિ કલાક વચ્ચે રહેવાની શક્યતા છે. આ પરિસ્થિતિમાં બેટિંગ માટે સારા કન્ડિશન્સ બનશે અને દર્શકોને હાઈ-સ્કોરિંગ થ્રિલર જોવા મળી શકે છે.

GT માટે સૌથી મોટો પડકાર શું?

ગુજરાત ટાઇટન્સ માટે સૌથી મોટો મુદ્દો ટોપ ઓર્ડર પર વધારે નિર્ભરતા છે. સાઈ સુદર્શન અને શુભમન ગિલ સતત રન બનાવી રહ્યા છે, પરંતુ મધ્યક્રમ ઘણી વખત દબાણ હેઠળ તૂટી પડ્યો છે. જોસ બટલર પાસે મેચ ફેરવી નાખવાની ક્ષમતા છે, પરંતુ તેમની ફોર્મમાં સતતતા જોવા મળી નથી. બોલિંગમાં કાગિસો રબાડા, મોહમ્મદ સિરાજ અને રાશિદ ખાન જેવી અનુભવી ત્રિપુટી GTને મેચમાં રાખી શકે છે. ખાસ કરીને પાવરપ્લેમાં સિરાજ અને રબાડાની શરૂઆત ખૂબ જ મહત્વપૂર્ણ બનશે. અમદાવાદની મોટી બાઉન્ડરીઝ GTના બોલરોને મદદરૂપ થઈ શકે છે, પરંતુ જો RCBનો ટોપ ઓર્ડર સેટ થઈ ગયો તો મેચ કાબૂ બહાર જઈ શકે છે.

આ પણ વાંચો: IPL 2026 બાદ બ્લૂ જર્સીમાં દેખાશે આ પાંચ દમદાર ખેલાડીઓ! : ટીમ ઈન્ડિયા માટે તૈયાર છે આ ઘાતક બોલરની ફોજ!

RCB શા માટે ફેવરિટ માનાઈ રહી છે?

RCB હાલમાં ટૂર્નામેન્ટની સૌથી સંતુલિત ટીમોમાંથી એક દેખાઈ રહી છે. વિરાટ કોહલી સતત રન બનાવી રહ્યા છે અને રાજત પાટીદારની કેપ્ટન્સી હેઠળ ટીમ આત્મવિશ્વાસથી ભરેલી લાગી રહી છે. જેકબ બેથેલ અને દેવદત્ત પડિકલ જેવી યુવા બેટિંગ લાઈનઅપ સાથે ટીમ પાસે ઊંડાઈ પણ છે. ફિનિશિંગમાં ટિમ ડેવિડ અને રોમારિયો શેફર્ડ મેચનો રંગ બદલી શકે છે. બોલિંગમાં જોશ હેઝલવુડ અને ભુવનેશ્વર કુમારે તાજેતરની મેચોમાં ઘાતક પ્રદર્શન કર્યું છે. ખાસ કરીને નવી બોલ સાથે બંને બેટરોને મુશ્કેલીમાં મૂકી શકે છે.

હેડ-ટુ-હેડ શું કહે છે?

GT અને RCB વચ્ચેની ટક્કર છેલ્લા કેટલાક વર્ષોમાં ખૂબ જ સ્પર્ધાત્મક રહી છે. બંને ટીમો વચ્ચે જીત-હારનો રેકોર્ડ લગભગ સમાન રહ્યો છે, પરંતુ હાલની ફોર્મ જોવામાં આવે તો RCBને થોડો માનસિક ફાયદો છે. થોડા દિવસ પહેલાં રમાયેલી મેચમાં પણ RCBએ 200થી વધુ સ્કોર સફળતાપૂર્વક ચેઝ કર્યો હતો, જેના કારણે તેમની બેટિંગ યુનિટ પર વિશ્વાસ વધુ મજબૂત બન્યો છે.

આ પણ વાંચો: પંજાબ-રાજસ્થાન મેચમાં સ્ટેન્ડમાં સર્જાઈ મોટી દુર્ઘટના! : સ્ટેડિયમમાં ફેનનો ચહેરો થયો લોહીથી લથબથ

આજની મેચમાં કોની જીતની શક્યતા વધારે?

ક્રિકેટમાં કંઈપણ શક્ય છે, પરંતુ હાલની ફોર્મ, બેટિંગ ડેપ્થ અને બોલિંગ બેલેન્સ જોતા RCB થોડું આગળ દેખાઈ રહી છે. અમદાવાદની બેટિંગ-ફ્રેન્ડલી પિચ પણ તેમના આક્રમક બેટરોને અનુકૂળ પડી શકે છે. બીજી તરફ GTને જીતવા માટે ટોપ ઓર્ડર ઉપરાંત મધ્યક્રમમાંથી પણ મોટું યોગદાન જોઈએ. જો શુભમન ગિલ અને સાઈ સુદર્શન સારી શરૂઆત અપાવે તો GT મેચમાં મજબૂત રીતે પરત આવી શકે છે. પરંતુ જો RCBના પેસરો શરૂઆતમાં વિકેટ લઈ જાય તો ગુજરાત માટે મુશ્કેલી વધી શકે છે.

આ મેચ શા માટે મહત્વપૂર્ણ છે?

IPL 2026 હવે મધ્ય તબક્કામાં પ્રવેશી ચૂક્યું છે અને દરેક જીત પ્લેઓફ રેસને અસર કરી શકે છે. RCB જીતે તો ટોપ સ્થાને પહોંચવાની શક્યતા મજબૂત બનશે, જ્યારે GT માટે હોમ ગ્રાઉન્ડ પર જીત આત્મવિશ્વાસ વધારવા માટે અત્યંત જરૂરી છે. આ કારણે આજે અમદાવાદમાં માત્ર સામાન્ય લીગ મેચ નહીં પરંતુ પ્લેઓફની દિશા નક્કી કરી શકે તેવી મોટી ટક્કર જોવા મળશે.

RR vs PBKS : IPL 2026 ની સિઝન તેના પૂરા જોશમાં ચાલી રહી છે ત્યારે મુલ્લાંપુરના મેદાન પર પંજાબ કિંગ્સ અને રાજસ્થાન રોયલ્સ વચ્ચે એક અત્યંત રોમાંચક મેચ રમાઈ હતી. આ મેચમાં રાજસ્થાન રોયલ્સે શાનદાર પરફોર્મન્સ કરતાં પંજાબ કિંગ્સને આ સિઝનમાં પ્રથમ હારનો સ્વાદ ચખાડ્યો હતો. મેચ દરમિયાન બંને ટીમોના બેટ્સમેનોએ ચોગ્ગા-છગ્ગાનો વરસાદ કરી દીધો હતો, જેમાં કુલ 26 સિક્સર જોવા મળી હતી. જોકે, આ રમતગમતના માહોલ વચ્ચે એક એવી ઘટના બની જેને સ્ટેડિયમમાં હાજર તમામ લોકોના શ્વાસ અધ્ધર કરી દીધા હતા. મેદાન પર લાગેલો એક પાવરફુલ શોટ સીધો સ્ટેન્ડમાં બેઠેલા એક નિર્દોષ ચાહકને વાગ્યો હતો.

વાયરલ વીડિયોની ભયાનકતા (સોશિયલ મીડિયા અપડેટ)

સોશિયલ મીડિયા પ્લેટફોર્મ પર હાલમાં એક વીડિયો વાવાઝોડાની જેમ વાયરલ થઈ રહ્યો છે. આ વીડિયો પંજાબ અને રાજસ્થાન વચ્ચે રમાયેલી મેચ દરમિયાનનો હોવાનું કહેવામાં આવી રહ્યું છે. વીડિયોમાં જોઈ શકાય છે કે સ્ટેન્ડમાં બેઠેલા એક યુવકના ચહેરા પર ગંભીર ઈજા થઈ છે અને તેની આંખની નીચેના ભાગમાંથી સતત લોહી વહી રહ્યું છે. ઈજા એટલી ગંભીર હતી કે, તે યુવકનો આખો સફેદ શર્ટ લોહીથી લથબથ થઈ ગયો હતો. આ દ્રશ્યો જોઈને આસપાસ બેઠેલા અન્ય દર્શકોમાં પણ ગભરાટ ફેલાઈ ગયો હતો અને લોકો તાત્કાલિક મદદ માટે બૂમો પાડવા લાગ્યા હતા.

પ્રિયાંશ આર્યનો પાવરફુલ શોટ (દુર્ઘટનાનું કારણ)

મેચની વિગતો મુજબ પંજાબ કિંગ્સના ઉભરતા બેટ્સમેન પ્રિયાંશ આર્યએ રાજસ્થાન રોયલ્સના બોલર સામે એક જોરદાર લોફ્ટેડ શોટ રમ્યો હતો. આ બોલ સીધો સ્ટેન્ડ તરફ હવામાં ઉછળ્યો હતો. સામાન્ય રીતે દર્શકો બોલને કેચ કરવા માટે ઉત્સાહિત હોય છે, પરંતુ આ વખતે બોલની સ્પીડ એટલી વધારે હતી કે સ્ટેન્ડમાં બેઠેલો યુવક પોતાની જાતને બચાવી શક્યો નહીં. બોલ સીધો જ તેની આંખ અને નાકની વચ્ચેના નાજુક ભાગ પર અથડાયો હતો. પ્રિયાંશ આર્યએ આ મેચમાં માત્ર 11 બોલમાં 29 રન ફટકાર્યા હતા જેમાં 5 ચોગ્ગા અને 1 છગ્ગો સામેલ હતો, પરંતુ આ એક છગ્ગો દર્શક માટે પીડાદાયક સાબિત થયો હતો.

આ પણ ખાસ વાંચો : 10 રનમાં જ આખી ટીમ થઈ ઓલઆઉટ! : માત્ર 2 જ બોલમાં મેચ જીતીને બનાવ્યો વિશ્વ વિક્રમ, જાણો કઈ ટીમે કર્યો આ ચમત્કાર

સ્ટેડિયમમાં મેડિકલ પ્રોટોકોલ અને સારવાર (તબીબી મદદ)

આ ઘટનાની જાણ થતાં જ ગ્રાઉન્ડ પર તૈનાત મેડિકલ ઇમરજન્સી ટીમ તાત્કાલિક સ્ટેન્ડ પર પહોંચી ગઈ હતી. લોહીને વહેતું અટકાવવા માટે ડોક્ટરોએ તરત જ યુવકની તપાસ કરી અને તેના ચહેરા પર પાટો બાંધ્યો હતો. નોંધનીય છે કે, IPL ટિકિટના નિયમો અને શરતો મુજબ આયોજકો સ્ટેડિયમની અંદર દર્શકોને થતી કોઈ પણ શારીરિક ઈજા માટે સીધી રીતે જવાબદાર હોતા નથી. જોકે, સુરક્ષાના ભાગરૂપે આયોજકો દ્વારા મેડિકલ પ્રોટોકોલનું પાલન કરવામાં આવે છે અને ઈજાગ્રસ્ત વ્યક્તિને પ્રાથમિક સારવારની સાથે સાથે જરૂર પડે તો નજીકની હોસ્પિટલ સુધી પહોંચાડવામાં સંપૂર્ણ મદદ પૂરી પાડવામાં આવે છે.

પંજાબ કિંગ્સની પ્રથમ હાર (મેચ પરિણામ)

જો મેચના પરિણામની વાત કરીએ, તો પંજાબ કિંગ્સ માટે આ મુકાબલો ઘણો નિરાશાજનક રહ્યો હતો. રાજસ્થાન રોયલ્સે શિસ્તબદ્ધ બોલિંગ અને આક્રમક બેટિંગના જોરે પંજાબને માત આપી હતી. પંજાબ કિંગ્સની આ સિઝનની આ પહેલી હાર હતી. પ્રિયાંશ આર્ય જેવા ખેલાડીઓએ રન તો બનાવ્યા પરંતુ તે ટીમને જીત અપાવવા માટે પૂરતા નહોતા. આ મેચ માત્ર રાજસ્થાનની જીત માટે જ નહીં, પરંતુ સ્ટેન્ડમાં બનેલી આ કમનસીબ ઘટનાને કારણે પણ ક્રિકેટ ચાહકોમાં લાંબા સમય સુધી ચર્ચામાં રહેશે.

RR vs PBKS : IPL 2026 માં અત્યાર સુધી અણનમ યોદ્ધા તરીકે આગળ વધી રહેલી પ્રીતિ ઝિન્ટાની પંજાબ કિંગ્સની ટીમને આખરે હારનો સામનો કરવો પડ્યો છે. મંગળવારે રમાયેલી હાઇ-વોલ્ટેજ મેચમાં રાજસ્થાન રોયલ્સના 6 ફૂટ 4 ઇંચ લાંબા સ્પિનર યશ રાજ પુંજાએ પોતાની ધારદાર બોલિંગથી આખી રમત બદલી નાખી હતી. પંજાબની વિજયી ટ્રેન પર રાજસ્થાને એવી બ્રેક લગાવી કે શ્રેયસ ઐયરની સેના આ સિઝનમાં પ્રથમ વખત પરાજિત થઈ છે.

ટોસ અને રિયાન પરાગની રણનીતિ

મેચની શરૂઆતમાં રાજસ્થાન રોયલ્સના કેપ્ટન રિયાન પરાગે ટોસ જીતીને પ્રથમ બોલિંગ કરવાનો આશ્ચર્યજનક નિર્ણય લીધો હતો. પરાગનો હેતુ પંજાબની આક્રમક બેટિંગ લાઇનઅપને શરૂઆતમાં જ પકડી રાખવાનો હતો. જોકે, શ્રેયસ ઐયરની ટીમે ફરી એકવાર પોતાની તાકાત બતાવી અને રાજસ્થાનના બોલરોનો સામનો કરતાં 20 ઓવરમાં 222/4 નો વિશાળ સ્કોર ખડકી દીધો હતો. આ સ્કોર જોતાં એક સમયે પંજાબની જીત નિશ્ચિત જણાતી હતી.

યશ રાજ પુંજાનો એન્ટ્રી અને કૂપરની વિકેટ

જ્યારે પંજાબના બેટ્સમેનો રનનો વરસાદ કરી રહ્યા હતા, ત્યારે કેપ્ટન રિયાન પરાગે યુવા સ્પિનર યશ રાજ પુંજાને બોલિંગ એટેક પર લગાવ્યો. પુંજાએ પોતાની ઉંમર કરતાં વધુ પરિપક્વતા બતાવી હતી. તેને 9 મી ઓવરના બીજા બોલ પર કૂપર કોનોલીને પોતાની જાળમાં ફસાવ્યો. પુંજાએ એક શાનદાર ફુલ-લેન્થ ગુગલી ફેંકી, જે જોઈને કોનોલી સિક્સર મારવા લલચાયો, પણ બોલ સીધો લોંગ ઓફ પર ઊભા રહેલા ડોનોવન ફેરેરાના હાથમાં ગયો. આ વિકેટથી પંજાબની રન ગતિ પર પહેલીવાર લગામ લાગી હતી.

મેચનો નિર્ણાયક ટર્નિંગ પોઇન્ટ

પંજાબની ટીમ હજુ પણ મજબૂત હતી કારણ કે, પ્રભસિમરન સિંહ 59 રન બનાવીને ક્રીઝ પર સેટ હતો. 14 મી ઓવરના છેલ્લા બોલ પર પુંજાએ ફરી કમાલ કરી. તેને પ્રભસિમરનના આક્રમક મૂડને પારખીને અત્યંત ચતુરાઈથી બોલની ગતિ ધીમી કરી અને ઓફ-સ્ટમ્પની બહાર લેગ-બ્રેક ફેંક્યો. પ્રભસિમરન મોટો શોટ મારવા જતાં બોલ હવામાં ઊંચો ગયો અને એક્સ્ટ્રા કવર પર કેપ્ટન રિયાન પરાગે આસાન કેચ પકડી લીધો. પુંજાની આ બે વિકેટોએ પંજાબને 250 ના સ્કોર સુધી પહોંચતા રોકી દીધું, જે અંતમાં હારનું કારણ બન્યું.

ટીમનું મનોબળ

યશ રાજ પુંજાના આ સ્પેલને કારણે પંજાબની લય તૂટી ગઈ હતી. સાતમાંથી છ મેચ જીતનારી પંજાબની ટીમ આ હાર સાથે પોઈન્ટ ટેબલમાં થોડી નીચે સરકી છે, જ્યારે રાજસ્થાન રોયલ્સ માટે આ જીત બુસ્ટર સાબિત થશે. યુવા સ્પિનરની આ કમાલ દર્શાવે છે કે, IPL માં લંબાઈ અને ટેકનિકનું મિશ્રણ બેટ્સમેનો માટે કેટલું જોખમી સાબિત થઈ શકે છે.

Punjab Kings : IPL 2026 ની સિઝનમાં અત્યાર સુધી અજેય રહેલી પંજાબ કિંગ્સની ટીમનો આખરે પરાજય થયો છે. અત્યાર સુધી રમાયેલી તમામ મેચોમાં શાનદાર પ્રદર્શન કરી સતત છ જીત નોંધાવનાર પંજાબને 28 એપ્રિલે રમાયેલી મેચમાં રાજસ્થાન રોયલ્સે હારનો સ્વાદ ચખાડ્યો હતો. રાજસ્થાન રોયલ્સે પંજાબ કિંગ્સને 6 વિકેટે હરાવીને આ સિઝનની તેની પહેલી હાર આપી છે. આ હાર બાદ પંજાબના કેપ્ટન શ્રેયસ ઐયર ઘણા નિરાશ જોવા મળ્યા હતા અને તેમણે હાર માટે ટીમના નબળા પરફોર્મન્સ પર ખુલીને વાત કરી હતી.

પંજાબનો વિશાળ સ્કોર

મેચની શરૂઆત પંજાબ કિંગ્સ માટે ઘણી સારી રહી હતી. પ્રથમ બેટિંગ કરતાં પંજાબની ટીમે નિર્ધારિત 20 ઓવરમાં 222 રનનો વિશાળ સ્કોર ખડક્યો હતો. ઓપનર પ્રભસિમરન સિંહે 44 બોલમાં 59 રનની શાનદાર ઈનિંગ રમી હતી, જ્યારે યુવા બેટ્સમેન પ્રિયાંશ આર્યએ માત્ર 11 બોલમાં 29 રન ફટકારીને ટીમને વેગ આપ્યો હતો. અંતિમ ઓવરોમાં માર્કસ સ્ટોઇનિસે માત્ર 22 બોલમાં નોટઆઉટ 62 રન બનાવીને સ્કોરને 222 સુધી પહોંચાડ્યો હતો. કૂપર કોનોલીએ પણ 14 બોલમાં 30 રનનું મહત્વનું યોગદાન આપ્યું હતું. આટલો મોટો સ્કોર હોવા છતાં પંજાબની હાર આશ્ચર્યજનક રહી હતી.

રાજસ્થાનની વળતી લડત

223 રનના વિશાળ લક્ષ્યાંકનો પીછો કરવા ઉતરેલી રાજસ્થાન રોયલ્સની ટીમે શરૂઆતથી જ આક્રમક વલણ અપનાવ્યું હતું. યશસ્વી જયસ્વાલે માત્ર 27 બોલમાં 51 રન ફટકારીને રાજસ્થાનને મજબૂત શરૂઆત અપાવી હતી. ત્યારબાદ વૈભવ સૂર્યવંશીએ 16 બોલમાં 43 રનની તોફાની ઈનિંગ રમી હતી. જોકે, મેચના અસલી હીરો ડોનોવન ફેરેરા અને શુભમ દુબે રહ્યા હતા. ફેરેરાએ 26 બોલમાં નોટઆઉટ 52 રન અને દુબેએ 12 બોલમાં નોટઆઉટ 31 રન બનાવીને રાજસ્થાનને 19.2 ઓવરમાં જ જીત અપાવી દીધી હતી. રાજસ્થાને 228 રન બનાવીને 6 વિકેટે આ મેચ પોતાના નામે કરી લીધી હતી.

આ પણ ખાસ વાંચો : 15 વર્ષની ઉંમરે વૈભવ કેવી રીતે બન્યો 'સિક્સર કિંગ'? : ફોન પર બાંગ્લાદેશી દિગ્ગજને જણાવ્યું તેનું રહસ્ય!

કેપ્ટન ઐયરનું વિશ્લેષણ

હાર બાદ વાત કરતાં કેપ્ટન શ્રેયસ ઐયરે જણાવ્યું હતું કે, "અમે બોર્ડ પર 224 રનનો સ્કોર મૂક્યો હતો જે આ પિચ પર પૂરતો હતો. પિચ થોડી સ્ટીકી હતી અને અમને લાગ્યું હતું કે, અમે આ સ્કોર બચાવી શકીશું." ઐયરે વધુમાં ઉમેર્યું કે, આ એવું ફોર્મેટ છે જ્યાં કોઈ પણ એક કે બે ખેલાડી રમતની દિશા બદલી શકે છે અને આજે રાજસ્થાનના બેટ્સમેનોએ તે કરી બતાવ્યું. તેમણે વધુમાં જણાવ્યું કે, ટીમ સતત મેચ રમવાના કારણે થોડી થાકેલી જરૂર હતી, પરંતુ તે હારનું મુખ્ય કારણ ન હોઈ શકે.

આ પણ ખાસ વાંચો : ખાલી બેટથી જ નહીં, હરકતોથી પણ ચર્ચામાં રિયાન પરાગ : ડ્રેસિંગ રૂમમાં 'વેપિંગ' કરતો ઝડપાયો કેપ્ટન, સોશિયલ મીડિયા પર ફેન્સનો ભારે રોષ

હારનું અસલી કારણ

શ્રેયસ ઐયરે પંજાબની હારનું સૌથી મોટું કારણ બોલિંગ વિભાગને ગણાવ્યું હતું. તેમણે સ્વીકાર્યું કે પંજાબના બોલરો રન પર રોકવામાં નિષ્ફળ રહ્યા હતા. ઐયરે કહ્યું, "અમારી બોલિંગમાં કમી રહી ગઈ હતી. સ્લો પિચ હોવા છતાં અમે રન રોકી શક્યા નહીં. ખાસ કરીને સ્પિનરો સામે રન બનાવવા મુશ્કેલ હતા, છતાં અમે તે લાભ ઉઠાવી શક્યા નહીં." કેપ્ટન મુજબ, બોલરોએ જે લાઇન અને લેન્થ પર બોલિંગ કરવાની જરૂર હતી તેમાં તેઓ નિષ્ફળ રહ્યા, જે હારનું મુખ્ય કારણ બન્યું. હવે ટીમે આ હારમાંથી શીખીને આગામી મેચમાં કમબેક કરશે.

IPL 2026ની સીઝનમાં મેદાન પર શાનદાર પ્રદર્શન કરી રહેલી રાજસ્થાન રોયલ્સ (RR) ટીમ માટે એક મોટા વિવાદના સમાચાર સામે આવ્યા છે. પંજાબ કિંગ્સ (PBKS) સામેની રોમાંચક મેચમાં જીત મેળવ્યા બાદ ટીમ ઉત્સાહમાં હતી, પરંતુ કેપ્ટન રિયાન પરાગનો એક વીડિયો સોશિયલ મીડિયા પર વાયરલ થતા ખળભળાટ મચી ગયો છે. આ વીડિયોમાં રિયાન પરાગ ટીમના ડ્રેસિંગ રૂમમાં 'વેપિંગ' (ઈ-સિગારેટ) કરતો જોવા મળી રહ્યો છે, જે રમતની શિસ્ત અને નિયમોનું ગંભીર ઉલ્લંઘન માનવામાં આવે છે.

મંગળવારે ન્યૂ ચંદીગઢના મુલ્લાનપુરમાં રમાયેલી મેચ દરમિયાન જ્યારે કેમેરો રાજસ્થાનના ડ્રેસિંગ રૂમ તરફ ગયો, ત્યારે રિયાન પરાગ તેના સાથી ખેલાડીઓ યશસ્વી જયસ્વાલ અને ધ્રુવ જુરેલની હાજરીમાં કથિત રીતે વેપિંગ કરતો ઝડપાયો હતો. આ ઘટનાનો વીડિયો વાયરલ થતા જ ચાહકોમાં રોષ જોવા મળી રહ્યો છે અને ઘણા લોકો તેને એક યુવા કેપ્ટન માટે બિનવ્યાવસાયિક વર્તન ગણાવી રહ્યા છે. ખાસ કરીને જ્યારે ટીમમાં વૈભવ સૂર્યવંશી જેવા 15 વર્ષીય યુવા ખેલાડીઓ પણ સામેલ હોય, ત્યારે આ પ્રકારનું કૃત્ય ખોટો સંદેશ આપે છે તેવી ટીકાઓ થઈ રહી છે.

શું છે સમગ્ર વિવાદ અને કેવી રીતે સામે આવી ઘટના?

રાજસ્થાન રોયલ્સ જ્યારે 223 રનના વિશાળ સ્કોરનો પીછો કરી રહી હતી, ત્યારે ઇનિંગની 16મી ઓવર દરમિયાન બ્રોડકાસ્ટ કેમેરા ટીમ ડ્રેસિંગ રૂમ તરફ વળ્યા હતા. તે ક્ષણે કેપ્ટન રિયાન પરાગ તેના હાથમાં ઈ-સિગારેટ જેવું ઉપકરણ પકડીને તેનો ઉપયોગ કરતો જોવા મળ્યો હતો. વીડિયોમાં તે ખૂબ જ સાવધાનીપૂર્વક વેપિંગ કરવાનો પ્રયાસ કરી રહ્યો હતો, પરંતુ તેની આ હરકત લાઈવ ટીવી પર કેદ થઈ ગઈ હતી. આ વીડિયો 'X' (અગાઉનું ટ્વિટર) પર વાયરલ થતા જ ક્રિકેટ પ્રેમીઓએ BCCI પાસે કડક કાર્યવાહીની માંગ કરી છે.

BCCI અને ભારત સરકારના કયા નિયમોનું થયું ઉલ્લંઘન?

રિયાન પરાગની આ હરકત તેને બેવડી મુશ્કેલીમાં મૂકી શકે છે. પ્રથમ તો, BCCI અને IPLના નિયમો મુજબ ડ્રેસિંગ રૂમ, ડગઆઉટ કે સ્ટેડિયમ પરિસરમાં (નક્કી કરેલા ઝોન સિવાય) ધૂમ્રપાન કરવું સખત પ્રતિબંધિત છે. બીજું, ભારતમાં 'ઇલેક્ટ્રોનિક સિગારેટ પ્રતિબંધ અધિનિયમ (PECA), 2019' હેઠળ વેપિંગ ઉપકરણોના ઉત્પાદન, વેચાણ અને ઉપયોગ પર પ્રતિબંધ છે. આ કાયદાના ઉલ્લંઘન બદલ દંડ અને જેલની સજાની પણ જોગવાઈ છે, જેના કારણે હવે પરાગ પર કાનૂની જોખમ પણ મંડરાઈ રહ્યું છે.

આ પણ વાંચો: IPL 2026માં પંજાબનો વિજય રથ રોકાયો : રાજસ્થાનની પંજાબ પર 6 વિકેટથી જીત

રાજસ્થાન રોયલ્સ પર વિવાદોનું ગ્રહણ

નોંધનીય છે કે આ સીઝનમાં રાજસ્થાન રોયલ્સ સાથે સંકળાયેલો આ બીજો વિવાદ છે. અગાઉ ટીમના મેનેજર રોમી ભીંડરને ડગઆઉટમાં મોબાઈલ ફોનનો ઉપયોગ કરવા બદલ (PMOA પ્રોટોકોલ ઉલ્લંઘન) 1 લાખ રૂપિયાનો દંડ ફટકારવામાં આવ્યો હતો. હવે ખુદ કેપ્ટન જ વિવાદમાં ફસાતા ફ્રેન્ચાઈઝીની છબીને પણ નુકસાન પહોંચ્યું છે. અત્યાર સુધી આ મામલે BCCI કે રાજસ્થાન રોયલ્સ તરફથી કોઈ સત્તાવાર નિવેદન આવ્યું નથી, પરંતુ સૂત્રોના જણાવ્યા અનુસાર બોર્ડ આ મામલે કડક વલણ અપનાવી શકે છે.

IPL 2026માં અત્યાર સુધી અપરાજિત રહેલી Punjab Kingsને અંતે હારનો સામનો કરવો પડ્યો. Rajasthan Royalsએ એક શાનદાર ચેઝ કરીને 223 રનનો ટાર્ગેટ માત્ર 19.2 ઓવરમાં હાંસલ કરી લીધો અને સીઝનની સૌથી રોમાંચક જીતોમાંથી એક નોંધાવી.

પંજાબે બનાવ્યો 222 રનનો મોટો સ્કોર

મેચ Maharaja Yadavindra Singh Stadium ખાતે રમાયો હતો, જ્યાં ટોસ હારીને પહેલા બેટિંગ કરતા પંજાબે 20 ઓવરમાં 4 વિકેટે 222 રન બનાવ્યા.

ટીમ માટે:

• Marcus Stoinis – 62 રન

• Prabhsimran Singh – 59 રન

• Shreyas Iyer – 30 રન

આ ત્રિપુટીએ ટીમને મજબૂત સ્કોર સુધી પહોંચાડ્યું, જે સામાન્ય રીતે જીત માટે પૂરતું માનવામાં આવે છે.

રાજસ્થાનનો તોફાની પાવરપ્લે

223 રનના ચેઝમાં Rajasthan Royalsએ શરૂઆતથી જ આક્રમક રમત દેખાડી. પાવરપ્લેમાં જ 84 રન બનાવી દીધા, જે મેચનું ટર્નિંગ પોઈન્ટ સાબિત થયું.

ઓપનિંગ જોડીએ જ મેચની દિશા બદલી દીધી.

વૈભવ સૂર્યવંશીનો વિસ્ફોટક કેમિયો

યુવા બેટ્સમેન Vaibhav Suryavanshiએ માત્ર 16 બોલમાં 43 રનની તોફાની ઇનિંગ રમી.

• 3 ચોગ્ગા

• 5 છગ્ગા

તેમની આ ઝડપી ઇનિંગે ટીમને મજબૂત શરૂઆત આપી અને દબાણ પંજાબ પર ફેરવી દીધું.

જયસ્વાલ અને ફરેરાનો મેચ વિજેતા પ્રદર્શન

Yashasvi Jaiswalએ 27 બોલમાં 51 રન બનાવીને પોતાની શાનદાર ફોર્મ જાળવી રાખી. પછી Donovan Ferreiraએ 52 રનની અણનમ ઇનિંગ રમી અને અંત સુધી ટીમને જીત અપાવી. સાથે જ Shubham Dubeyએ 31 રન બનાવીને મહત્વપૂર્ણ સહયોગ આપ્યો. બંનેએ પાંચમી વિકેટ માટે માત્ર 32 બોલમાં 77 રનની પાર્ટનરશિપ કરી, જે જીત માટે નિર્ણાયક સાબિત થઈ.

બોલિંગમાં રાજસ્થાનનું યોગદાન

બોલિંગમાં:

• Yashraj Poonia – 2 વિકેટ

• Jofra Archer – 1 વિકેટ

• Nandre Burger – 1 વિકેટ

ભલે પંજાબે મોટો સ્કોર બનાવ્યો, પરંતુ રાજસ્થાનના બોલર્સે મહત્વપૂર્ણ સમયે વિકેટ લઈને સ્કોરને કાબૂમાં રાખ્યો.

IPL 2026: ઈજાના કારણે લખનૌ સુપર જાયન્ટ્સના ફાસ્ટ બોલર મોહસિન ખાને આઈપીએલની ઘણી મેચો ગુમાવી છે. પરંતુ IPL 2026માં શાનદાર વાપસી કરીને મોહસિન ખાને પૂર્વ ભારતીય સ્ટાર ઈરફાન પઠાણને પ્રભાવિત કરી દીધા છે. જેના કારણે હવે પઠાણે એક મોટું નિવેદન આપ્યું છે.

લખનૌ સુપર જાયન્ટ્સના ફાસ્ટ બોલર મોહસિન ખાને IPL 2026માં અત્યાર સુધી 4 મેચ રમી છે, જેમાં તેણે અદભૂત પ્રદર્શન કર્યું છે. કોલકાતા નાઈટ રાઈડર્સ સામે તો તેણે 5 વિકેટ પણ ઝડપી હતી. તેની વાપસી બાદ લખનૌની બોલિંગ લાઇનઅપ ખૂબ જ મજબૂત દેખાઈ રહી છે. આ પ્રદર્શન જોઈને જ પૂર્વ ઓલરાઉન્ડર ઈરફાન પઠાણ આ યુવા બોલરથી પ્રભાવિત થયા છે અને તેના ભવિષ્યને લઈને મોટી આગાહી કરી છે.

આ પણ વાંચો: એક સમયે વિરાટ સાથે જીત્યો હતો વર્લ્ડ કપ! : ટીમ ઈન્ડિયાને જીતાવનાર ખેલાડી આજે કરી રહ્યો છે અમ્પાયરિંગ...

ઈરફાન પઠાણે મોહસિન ખાન વિશે શું કહ્યું?

IPL 2026માં મોહસિન ખાને 4 મેચમાં 11.33ની સરેરાશથી 9 વિકેટ ઝડપી છે. તેની પ્રશંસા કરતા પૂર્વ ભારતીય ખેલાડી ઈરફાન પઠાણે 'જિયોહોટસ્ટાર' પર જણાવ્યું હતું કે આ મોહસિન ખાનની 'હાઈ ક્વોલિટી' દર્શાવે છે. જો તે ફિટ રહી શકે, તો કોઈ પણ તેને ભારત માટે ઇન્ટરનેશનલ ક્રિકેટ રમતા રોકી શકશે નહીં. તેની ફિટનેસ જ એકમાત્ર અવરોધ છે કારણ કે તે લાંબા સમય સુધી ઈજાગ્રસ્ત રહે છે. તેના ડાબા હાથનો એંગલ ખૂબ મહત્વનો છે અને મોહસિનની સૌથી મોટી તાકાત તેની લંબાઈ (Height) છે, જેના કારણે તેને વધારાનો ઉછાળ મળે છે."

પઠાણે વધુમાં ઉમેર્યું કે, "તે હંમેશા કરકસરયુક્ત સ્પેલ નાખે છે અને જ્યારે તે 'ગુડ લેન્થ' પર બોલિંગ કરે છે, ત્યારે બેટ્સમેનો માટે રન બનાવવા મુશ્કેલ બની જાય છે. આ સીઝનમાં મોહસિન ખાન એકમાત્ર એવો બોલર છે જેણે ગુડ લેન્થ પર બોલિંગ કરીને સૌથી ઓછા રન આપ્યા છે. રન આપવામાં તે ખૂબ જ કંજૂસ છે, અને તે જ તેની ખાસિયત છે."

આ પણ વાંચો: 11 મિનિટમાં ખેલાડીનો જીવ બચાવનાર ACP સંજય સિંહનો મોટો ખુલાસો : ખાખી વર્દીમાં છુપાયેલો વિરાટ કોહલીનો ખાસ મિત્ર!

ઈજાથી પ્રભાવિત રહી છે મોહસિનની કારકિર્દી

2022માં આઈપીએલ ડેબ્યૂ કરનાર મોહસિન ખાન ઈજાના કારણે કોઈ પણ સીઝનમાં 10થી વધુ મેચ રમી શક્યો નથી. છેલ્લા 5 વર્ષમાં તે માત્ર 28 મેચ રમી શક્યો છે, જ્યારે 2 સીઝન તો તેણે સંપૂર્ણપણે ગુમાવી હતી. આ બાબતે પઠાણે ચિંતા વ્યક્ત કરતા કહ્યું કે, "આ કમનસીબ છે, પરંતુ તેની બોલિંગ એક્શન તેના શરીર પર ઘણું દબાણ લાવે છે. થોડી સીઝન પહેલા હાથની ઈજાને કારણે તે લાંબો સમય બહાર રહ્યો હતો. જોકે, લખનૌ સુપર જાયન્ટ્સે તે મુશ્કેલ સમયમાં તેને ઘણો સપોર્ટ કર્યો અને તેની રિકવરીમાં મદદ કરી છે."

IPL 2026 : IPL 2026 ની સિઝન અત્યારે તેના રોમાંચક તબક્કે છે, જ્યાં દરરોજ નવા રેકોર્ડ બની રહ્યા છે. પરંતુ દિલ્હી કેપિટલ્સ અને રોયલ ચેલેન્જર્સ બેંગ્લોર વચ્ચેની 39 મી મેચે ક્રિકેટ જગતને સ્તબ્ધ કરી દીધું છે. આ સિઝનમાં બેટ્સમેનોના દબદબા વચ્ચે DC vs RCB ની મેચમાં એક 22 વર્ષીય યુવા લેગ-સ્પિનર સુયશ શર્માએ પોતાની જાદુઈ આંગળીઓના ટેરવે દિલ્હીના બેટ્સમેનોને નચાવ્યા હતા. સુયશે આ મેચમાં એક એવી સિદ્ધિ હાંસલ કરી છે, જે IPL ના 18 વર્ષના લાંબા ઇતિહાસમાં અગાઉ ક્યારેય કોઈ સ્પિનરે મેળવી નહોતી.

ઐતિહાસિક રેકોર્ડ અને ડોટ બોલની સુનામી

અરુણ જેટલી સ્ટેડિયમની પીચ સામાન્ય રીતે બેટ્સમેનોને મદદગાર સાબિત થતી હોય છે, પરંતુ સુયશ શર્માએ અહીં પોતાની સ્પિનનું જાળ બિછાવ્યું હતું. તેને પોતાના 4 ઓવરના ક્વોટામાં કુલ 24 બોલ ફેંક્યા, જેમાંથી આશ્ચર્યજનક રીતે 20 બોલ 'ડોટ' રહ્યા હતા. એટલે કે, દિલ્હીના બેટ્સમેનો તેની સામે 20 બોલમાં એક પણ રન બનાવી શક્યા નહોતા. આ સાથે જ તેને એક જ ઇનિંગમાં સૌથી વધુ ડોટ બોલ ફેંકવાના મામલે ભારતીય ફાસ્ટ બોલર દીપક ચહરના 2019 ના રેકોર્ડની બરાબરી કરી લીધી છે. કોઈપણ સ્પિનર માટે આ અત્યાર સુધીનું સર્વશ્રેષ્ઠ પ્રદર્શન છે.

સૌથી કરકસરયુક્ત અને ધારદાર સ્પેલ

સુયશ શર્માની બોલિંગ માત્ર ડોટ બોલ પૂરતી મર્યાદિત નહોતી, પરંતુ તેને રન આપવાના મામલે પણ અત્યંત કંજૂસી કરી હતી. તેને 4 ઓવરમાં માત્ર 7 જ રન ખર્ચ્યા હતા, જેમાંથી 3 રન તો વાઇડ બોલ દ્વારા આવ્યા હતા. તેની બોલિંગનો ઇકોનોમી રેટ માત્ર 1.75 ની હતી. IPL ઇતિહાસમાં 4 ઓવરની બોલિંગમાં આ સંયુક્ત રીતે બીજો સૌથી ઓછો ઇકોનોમી રેટ છે. આ લિસ્ટમાં પ્રથમ સ્થાને યુઝવેન્દ્ર ચહલ (1.5 ઇકોનોમી) છે, અને હવે સુયશે આ લિસ્ટમાં પોતાનું નામ સુવર્ણ અક્ષરે નોંધાવી દીધું છે.

ડેબ્યૂથી RCB સુધીની સફર

સુયશ શર્માના ટેલેન્ટની ઓળખ 2023 માં થઈ હતી જ્યારે તેને કોલકાતા નાઈટ રાઇડર્સ તરફથી ડેબ્યૂ કર્યું હતું. પોતાની પહેલી જ મેચમાં તેને RCB સામે 3 મહત્વની વિકેટો લઈને સનસનાટી મચાવી હતી. સંજોગોવશાત, 2025 માં RCB એ તેને પોતાની ટીમમાં સામેલ કર્યો અને ત્યારથી તે વિરાટ કોહલીની ટીમનો મુખ્ય હથિયાર બની ગયો છે. અત્યાર સુધીમાં રમાયેલી 34 IPL મેચોમાં તેને 24 વિકેટ ઝડપી છે, પરંતુ 2026 ની આ સિઝનમાં તેનો આત્મવિશ્વાસ સાતમા આસમાને જોવા મળી રહ્યો છે.

સુયશની બોલિંગની ખાસિયત અને ટેકનિક

ક્રિકેટ એક્સપર્ટ્સ સુયશની બોલિંગ શૈલીની સરખામણી રવિ બિશ્નોઈ સાથે કરે છે. તેની સૌથી મોટી ખાસિયત તેની હવામાં રહેલી ગતિ અને ઝડપી આર્મ એક્શન છે. સામાન્ય લેગ-સ્પિનરો બોલને ઘણો ઉછાળતા હોય છે, જ્યારે સુયશ બોલને નીચો અને ઝડપી રાખે છે, જેના કારણે બેટ્સમેનને શોટ રમવા માટે પગનો ઉપયોગ કરવાનો સમય મળતો નથી. તેની 'ગુગલી' પારખવી કોઈપણ મોટા બેટ્સમેન માટે લોઢાના ચણા ચાવવા જેવું કામ છે. આ જ કારણ છે કે, તે ડેથ ઓવર્સમાં પણ એટલો જ અસરકારક સાબિત થાય છે.

CSK : ઈન્ડિયન પ્રીમિયર લીગની પાંચ વખતની ચેમ્પિયન ટીમ ચેન્નાઈ સુપર કિંગ્સ (CSK) હંમેશા મેદાન પર પોતાની રણનીતિ અને નવા ખેલાડીઓને તક આપવા માટે જાણીતી છે. આ વર્ષે ટીમનું અત્યાર સુધીનું પરફોર્મન્સ શાનદાર રહ્યું છે અને પણ ખાસ કરીને બેટિંગ વિભાગમાં કેટલીક નબળાઈઓ સ્પષ્ટપણે જોવા મળી છે. આ નબળાઈને દૂર કરવા અને ભવિષ્ય માટે એક મજબૂત બેટ્સમેન તૈયાર કરવાના ઈરાદા સાથે મહેન્દ્ર સિંહ ધોનીની ટીમે મુંબઈના 21 વર્ષીય વિસ્ફોટક બેટ્સમેન આયુષ વર્તકને ટ્રાયલ માટે આમંત્રિત કર્યો છે. આયુષના ડોમેસ્ટિક રેકોર્ડ્સ જોતાં એવું લાગે છે કે, તે CSK ની બેટિંગ લાઇન-અપમાં નવી ઉર્જા ભરી શકે છે.

શા માટે CSK ને પડી આયુષની જરૂર

સિઝન જેમ જેમ આગળ વધી રહી છે, તેમ તેમ ચેન્નાઈ સુપર કિંગ્સની મુશ્કેલીઓ પણ વધી રહી છે. સ્ટાર બોલર ખલીલ અહેમદ ઈજાગ્રસ્ત થવાને કારણે ટીમમાં એક સ્થાન ખાલી પડ્યું છે. જોકે ટીમે આકાશ માધવાલને પોતાની ટીમમાં સામેલ કરી લીધો છે, પરંતુ ગુજરાત ટાઇટન્સ સામે ઘરઆંગણે મળેલી કારમી હાર બાદ મેનેજમેન્ટને સમજાયું છે કે, ટીમમાં એક આક્રમક યુવા બેટ્સમેનની ખૂબ જ આવશ્યક જરૂરિયાત છે. આયુષ વર્તક જે હાલમાં શાનદાર ફોર્મમાં છે, તે ઓક્શનમાં અનસોલ્ડ રહ્યો હતો પરંતુ તેના હાલના પરફોર્મન્સને જોતાં CSK એ તેને મંગળવારે ટ્રાયલ માટે બોલાવ્યો છે.

36 બોલમાં સેન્ચુરીનો ગજબનો રેકોર્ડ

આયુષ વર્તક કોઈ સામાન્ય ખેલાડી નથી, પરંતુ મુંબઈ ક્રિકેટનો એક ઉગતો સિતારો છે. તેને કાંગા લીગમાં મુંબઈ ઈન્ડિયન્સની જુનિયર ટીમ તરફથી રમતા માત્ર 36 બોલમાં સેન્ચુરી ફટકારીને ક્રિકેટ જગતમાં સનસનાટી મચાવી દીધી હતી. આટલું જ નહીં, તેની પ્રતિબદ્ધતા પણ કાબિલેદાદ છે કારણ કે, એક વર્ષ પહેલા પગમાં ઈજા હોવા છતાં તેને બેટિંગ ચાલુ રાખી હતી. તેની આ આક્રમક રમત અને દબાણ હેઠળ રમવાની ક્ષમતા જ તેને અન્ય યુવા ખેલાડીઓથી અલગ પાડે છે, જેના કારણે ચેન્નાઈની સ્કાઉટિંગ ટીમ તેના પર નજર રાખી રહી હતી.

ડોમેસ્ટિક ક્રિકેટમાં છગ્ગાની રમઝટ

વર્ષ 2025 ની મેન્સ સ્ટેટ એ ટ્રોફી આયુષ માટે ટર્નિંગ પોઈન્ટ સાબિત થઈ છે. તેને માત્ર 6 ઇનિંગ્સમાં 363 રન બનાવીને પોતાની તાકાત બતાવી હતી. આ ટુર્નામેન્ટ દરમિયાન તેને કુલ 26 છગ્ગા ફટકાર્યા હતા, જે આખી ટુર્નામેન્ટમાં કોઈપણ ખેલાડી દ્વારા ફટકારવામાં આવેલા બીજા ક્રમના સૌથી વધુ સિક્સર છે. તેને 132 અને નોટઆઉટ 92 રન જેવી ઇનિંગ્સ રમીને સાબિત કર્યું કે, તે લાંબી ઇનિંગ્સ પણ રમી શકે છે અને સ્ટ્રાઇક રેટ પણ જાળવી શકે છે. મુંબઈ તરફથી તે સૌથી વધુ રન બનાવનાર ખેલાડી રહ્યો હતો.

મુંબઈ ક્રિકેટનો સન્માનિત સિતારો

આયુષે માત્ર T20 ફોર્મેટમાં જ નહીં, પરંતુ CK ​​નાયડુ ટ્રોફી જેવી ફોર-ડે મેચોમાં પણ પોતાનો સિક્કો જમાવ્યો છે. 2024-26 ની સિઝનમાં તેને 9 મેચોમાં 770 રન બનાવ્યા હતા, જેમાં 192 રનનો સર્વોચ્ચ સ્કોર સામેલ છે. તેની આ સાતત્યપૂર્ણ રમતને કારણે મુંબઈ ક્રિકેટ એસોસિએશન (MCA) દ્વારા તેને 'આઉટસ્ટેન્ડિંગ પરફોર્મન્સ એવોર્ડ' થી નવાજવામાં આવ્યો હતો. આવા મજબૂત આંકડાઓ સાથે જ્યારે કોઈ ખેલાડી CSK જેવી ટીમમાં ટ્રાયલ માટે જાય છે, ત્યારે ચાહકોની અપેક્ષાઓ વધી જાય છે.

અશ્વિને કરી સ્કાઉટિંગ ટીમની પ્રશંસા

ભારતના દિગ્ગજ ખેલાડી રવિચંદ્રન અશ્વિને પણ CSK ના આ નિર્ણયને આવકાર્યો છે. અશ્વિને સોશિયલ મીડિયા પર લખ્યું કે, CSK પોતાની ટીમને મજબૂત કરવા માટે સિઝનની વચ્ચે પણ સતત મહેનત કરી રહી છે. તેણે આયુષ વર્તક જેવા ખેલાડીને ટ્રાયલ માટે બોલાવવાના નિર્ણયને 'સ્માર્ટ રિક્રુટમેન્ટ' ગણાવ્યું છે. જો આયુષ ટ્રાયલ્સમાં પાસ થઈ જાય છે, તો તે ધોનીના નેતૃત્વમાં IPL ના મેદાન પર ડેબ્યુ કરતો જોવા મળી શકે છે.

IPL 2026 : IPL 2026 ની સિઝનમાં પાંચ વખતની ચેમ્પિયન મુંબઈ ઈન્ડિયન્સની મુશ્કેલીઓ ઓછી થવાનું નામ નથી લઈ રહી. એક તરફ ટીમ મેદાન પર જીત મેળવવા માટે સંઘર્ષ કરી રહી છે, તો બીજી તરફ સ્ટાર ખેલાડીઓની ઈજાએ મેનેજમેન્ટની ચિંતામાં વધારો કર્યો છે. ટીમના પૂર્વ કેપ્ટન રોહિત શર્મા પહેલાથી જ ઈજાના કારણે બહાર છે, ત્યારે હવે ન્યુઝીલેન્ડના દિગ્ગજ ઓલરાઉન્ડર મિશેલ સેન્ટનર પણ આખી સિઝનમાંથી બહાર થઈ જતાં ટીમને મોટો ફટકો પડ્યો છે.

સેન્ટનરની ઈજા અને ટીમ પર અસર

મિશેલ સેન્ટનર મુંબઈ ઈન્ડિયન્સ માટે એક મહત્વના સ્પિન-ઓલરાઉન્ડર તરીકે ટીમમાં હતા. ચેન્નાઈ સુપર કિંગ્સ જેવી મોટી ટીમ સામેની મેચ દરમિયાન બાઉન્ડ્રી પર કેચ પકડવાના પ્રયાસમાં તેમને ઈજા થઈ હતી. તબીબી તપાસ બાદ જાણવા મળ્યું કે, તેમની ઈજા ગંભીર છે અને તેમને રિકવર થવામાં લાંબો સમય લાગશે. સેન્ટનર એક એવા ખેલાડી છે, જેના નામે T20 ફોર્મેટમાં 2,871 રન અને 271 વિકેટનો વિશાળ અનુભવ છે. તેમની ગેરહાજરીથી મુંબઈના સ્પિન વિભાગ અને લોઅર ઓર્ડરની બેટિંગમાં મોટી ખોટ વર્તાશે.

કેશવ મહારાજની એન્ટ્રી

સેન્ટનરના ઓપ્શન તરીકે મુંબઈ ઈન્ડિયન્સના મેનેજમેન્ટે સાઉથ આફ્રિકાના અનુભવી લેફ્ટ આર્મ સ્પિનર કેશવ મહારાજ પર ભરોસો મૂક્યો છે. કેશવ મહારાજ ₹75 લાખની બેઝ પ્રાઇસ પર મુંબઈની ટીમમાં જોડાયા છે. કેશવ મહારાજ વિશ્વના સૌથી શિસ્તબદ્ધ સ્પિનરોમાંના એક માનવામાં આવે છે. તેમની પાસે T20 ક્રિકેટમાં 191 વિકેટ લેવાનો અનુભવ છે. જોકે, બેટિંગમાં તેઓ સેન્ટનર જેટલા આક્રમક નથી, પરંતુ મિડલ ઓવરોમાં રન રોકવાની તેમની ક્ષમતા અદભૂત છે, જે મુંબઈને ટુર્નામેન્ટમાં કમબેક કરવામાં મદદરૂપ થઈ શકે છે.

IPL માં કેશવનો ઈતિહાસ

આ પહેલા કેશવ મહારાજ IPL 2024 માં રાજસ્થાન રોયલ્સની ટીમનો ભાગ હતા. જોકે, તે સિઝનમાં તેમને માત્ર 2 મેચ રમવાની તક મળી હતી, જેમાં તેમણે પોતાની બોલિંગથી પ્રભાવ પાડ્યો હતો. હવે હાર્દિક પંડ્યાની કેપ્ટન્સીમાં તેમને વધુ તક મળવાની આશા છે. મુંબઈના વાનખેડે સ્ટેડિયમ જેવી પીચ પર કેશવની સ્પિન જાદુ ચલાવી શકે છે કે કેમ, તેના પર હવે સૌની નજર રહેશે.

ટીમનું વર્તમાન સમીકરણ

મુંબઈ ઈન્ડિયન્સના સ્ક્વોડમાં થયેલા આ ફેરફાર બાદ હવે ટીમ પાસે જસપ્રિત બુમરાહ, ટ્રેન્ટ બોલ્ટ અને કેશવ મહારાજ જેવી ત્રિપુટી જોવા મળશે. બેટિંગમાં સૂર્યકુમાર યાદવ અને તિલક વર્મા પર મોટી જવાબદારી છે, કારણ કે રોહિત શર્માના કમબેક અંગે હજુ સુધી કોઈ સ્પષ્ટ માહિતી સામે આવી નથી. આ મુશ્કેલ સમયમાં નવો ખેલાડી ટીમની નૈયા પાર લગાડે છે કે, નહીં તે જોવું રસપ્રદ રહેશે.

નવું અને અપડેટેડ સ્ક્વોડ

હાર્દિક પંડ્યા (કેપ્ટન), ક્વિન્ટન ડી કોક (વિકેટકીપર), સૂર્યકુમાર યાદવ, તિલક વર્મા, નમન ધીર, જસપ્રિત બુમરાહ, ટ્રેન્ટ બોલ્ટ, કેશવ મહારાજ, દીપક ચહર, શાર્દુલ ઠાકુર, વિલ જેક્સ, મયંક માર્કન્ડે, શેરફેન રધરફર્ડ, અલ્લાહ ગઝનફર, દાનિશ માલેવાર, રોહિત શર્મા, રોબિન મિન્ઝ અને અન્ય.

IPL 2026માં એક એવી મેચ જોવા મળી જ્યાં એક ટીમે બીજી ટીમને સંપૂર્ણપણે ગભરાવી નાખી. રોયલ ચેલેન્જર્સ બેંગલુરુએ દિલ્હીની ટીમને માત્ર 75 રનમાં ઓલઆઉટ કરીને પછી માત્ર 6.3 ઓવરમાં લક્ષ્ય હાંસલ કરી લીધો. આ મેચ માત્ર જીત માટે જ નહીં, પરંતુ વિરાટ કોહલીના ઐતિહાસિક 9000 IPL રન માટે પણ યાદગાર બની ગઈ.

મેચનો સંપૂર્ણ રિપોર્ટ: શરૂઆતથી અંત સુધી RCBનો દબદબો

અરુણ જેટલી સ્ટેડિયમમાં રમાયેલી આ IPL 2026ની 39મી મેચમાં રોયલ ચેલેન્જર્સ બેંગલુરુએ ટોસ જીતીને પહેલા બોલિંગ કરવાનો નિર્ણય લીધો અને આ નિર્ણય એકદમ યોગ્ય સાબિત થયો. શરૂઆતથી જ બેંગલુરુના બોલર્સે દિલ્હી કેપિટલ્સને દબાણમાં મૂકી દીધું.

માત્ર 8 રનના સ્કોર પર જ દિલ્હીની 6 વિકેટ પડી ગઈ, જે IPL ઈતિહાસમાં સૌથી ખરાબ શરૂઆતમાંથી એક ગણાય. ટોપ ઓર્ડર સંપૂર્ણપણે નિષ્ફળ ગયું અને ટીમ પુનઃસ્થાપિત થઈ શકી નહીં. મધ્યક્રમમાં અભિષેક પોરેલે થોડો સંઘર્ષ કર્યો અને 30 રન બનાવ્યા, પરંતુ તે સિવાય કોઈ બેટ્સમેન ટકી શક્યો નહીં.

દિલ્હી આખી ટીમ માત્ર 75 રન પર ઓલઆઉટ થઈ ગઈ, જે આ સિઝનમાં સૌથી નાની સ્કોરમાંથી એક ગણાય છે.

બોલિંગમાં હેઝલવુડ અને ભુવનેશ્વરનો ત્રાસ

બેંગલુરુના બોલિંગ હુમલાએ દિલ્હીના બેટિંગ ઓર્ડરને તોડી નાખ્યો. જોશ હેઝલવુડે ઘાતક બોલિંગ કરતાં 4 વિકેટ ઝડપી અને દિલ્હીની કમર તોડી નાખી. તેમની લાઈન અને લેન્થ એટલી સચોટ હતી કે દિલ્હીના બેટ્સમેન એક પછી એક પેવિલિયન પરત જતા રહ્યા.

ભુવનેશ્વર કુમારે પણ શાનદાર સહયોગ આપ્યો અને 3 મહત્વપૂર્ણ વિકેટ મેળવી. પાવરપ્લે દરમિયાન બંને બોલર્સે જે દબાણ બનાવ્યું, તે દિલ્હીની ટીમ માટે પાછું આવવું અશક્ય બનાવી દીધું.

સરળ લક્ષ્ય, પણ આક્રમક પીછો

76 રનના નાના લક્ષ્યનો પીછો કરવા ઉતરેલી બેંગલુરુની ટીમે કોઈ પણ પ્રકારની ઢીલ રાખી નહીં. શરૂઆતમાં જેકબ બેથેલે ઝડપી રન બનાવીને ટીમને મજબૂત પાયો આપ્યો. ત્યારબાદ દેવદત્ત પડિક્કલે આક્રમક બેટિંગ ચાલુ રાખી.

પડિક્કલે માત્ર થોડા બોલમાં જ 34 રન બનાવીને મેચને એકતરફી બનાવી દીધી. વિરાટ કોહલીએ પણ 23 રનની ઉપયોગી ઈનિંગ્સ રમી. ટીમે માત્ર 6.3 ઓવરમાં 1 વિકેટ ગુમાવીને 77 રન બનાવી લીધા.

કોહલીનો ઐતિહાસિક માઈલસ્ટોન: IPLમાં 9000 રન

આ મેચમાં સૌથી મોટો હાઇલાઇટ વિરાટ કોહલીનું ઐતિહાસિક સિદ્ધિ હતું. કોહલી IPL ઈતિહાસમાં 9000 રન પૂરા કરનાર પ્રથમ બેટ્સમેન બન્યો. આ સિદ્ધિ તેમના સતત પ્રદર્શન અને લાંબા સમયથી લીગમાં આપેલા યોગદાનનું પ્રતિબિંબ છે.

મેચ દરમિયાન કોહલીએ 6.2 ઓવરમાં સતત બે શાનદાર સિક્સર ફટકારીને જીતનો અંત કર્યો. ખાસ કરીને બોલરની ઉપરથી મારેલો સિક્સર દર્શકો માટે યાદગાર ક્ષણ બની.

ક્રિકેટ ફેન્સ માટે માત્ર મેચનું પરિણામ જ નહીં, પરંતુ ખેલાડીઓની કમાણી પણ એક રસપ્રદ વિષય હોય છે. તાજેતરમાં Chennai Super Kings અને Gujarat Titans વચ્ચે રમાયેલી મેચ પછી ચર્ચા ફરીથી શરૂ થઈ છે શું Shubman Gill એક મેચ માટે વધુ કમાય છે કે Ruturaj Gaikwad? ચાલો આ સવાલનો સંપૂર્ણ અને સ્પષ્ટ જવાબ સમજીએ.

IPLમાં બંને ખેલાડીઓની કમાણી કેટલી?

Indian Premier League એટલે કે Indian Premier Leagueમાં બંને ખેલાડીઓ ટોચના બેટ્સમેન તરીકે ઓળખાય છે અને તેમની ફી પણ લગભગ સમાન છે. 2025-26 સીઝન માટે બંને ખેલાડીઓને તેમની ફ્રેન્ચાઇઝીએ ₹18 કરોડમાં રિટેન કરવાની યોજના બનાવી હતી. જોકે શુભમન ગિલે ટીમના બજેટને ધ્યાનમાં રાખીને પોતાની સેલેરી ઘટાડીને ₹16.50 કરોડ સ્વીકારી. આથી સ્પષ્ટ થાય છે કે IPLમાં બંને ખેલાડીઓ લગભગ સમાન સ્તરે છે અને મોટો ફરક જોવા મળતો નથી.

પ્રતિ મેચ ફી: IPLમાં શું છે નિયમ?

Board of Control for Cricket in Indiaના નિયમો અનુસાર, IPLમાં દરેક પ્લેઇંગ 11 અથવા ઇમ્પેક્ટ પ્લેયરને તેમની સેલેરી સિવાય પ્રતિ મેચ ₹7.5 લાખની ફી આપવામાં આવે છે. એટલે કે, ગિલ હોય કે ગાયકવાડ, બંનેને એક મેચ માટે સમાન ફી મળે છે. અહીં કોઈપણ ખેલાડી બીજા કરતાં વધુ કમાતો નથી.

ઇન્ટરનેશનલ ક્રિકેટમાં કેટલું મળે છે?

જ્યારે ઇન્ટરનેશનલ ક્રિકેટની વાત આવે છે, ત્યારે પણ બંને ખેલાડીઓની મેચ ફી સમાન હોય છે.

BCCIના સ્ટ્રક્ચર મુજબ:

• ટેસ્ટ મેચ: ₹15 લાખ

• વનડે મેચ: ₹6 લાખ

• T20 મેચ: ₹3 લાખ

આ નિયમ તમામ સેન્ટ્રલ કોન્ટ્રેક્ટ ધરાવતા ખેલાડીઓ માટે સમાન છે. એટલે કે પ્રતિ મેચ આવકમાં ગિલ અને ગાયકવાડ વચ્ચે કોઈ તફાવત નથી.

અસલી ફરક ક્યાં છે?

મોટો ફરક તેમની વાર્ષિક આવકમાં જોવા મળે છે, જે BCCIના કોન્ટ્રેક્ટ ગ્રેડ પર આધારિત છે. Shubman Gillને ઉચ્ચ ગ્રેડમાં સ્થાન મળ્યું છે, જેના કારણે તેમને વર્ષના આશરે ₹5 કરોડ મળે છે.

જ્યારે Ruturaj Gaikwad ગ્રેડ Cમાં છે, જ્યાં તેમને માત્ર ₹1 કરોડનો રિટેનર મળે છે. આ રીતે બંને વચ્ચે વર્ષના ₹4 કરોડનો મોટો તફાવત જોવા મળે છે, જે ગિલની ભારતીય ટીમમાં મજબૂત સ્થિતિ દર્શાવે છે.

સરળ ભાષામાં સમજીએ તો

જો તમે માત્ર “એક મેચની ફી” જુઓ તો બંને ખેલાડીઓ સમાન કમાય છે, IPL હોય કે ઇન્ટરનેશનલ ક્રિકેટ. પરંતુ જો કુલ વાર્ષિક કમાણીની વાત કરીએ, તો શુભમન ગિલ આગળ છે, કારણ કે તેમનો કોન્ટ્રેક્ટ ગ્રેડ વધુ ઊંચો છે.

કેમ મહત્વનો છે આ તફાવત?

આ માહિતી માત્ર ફેન્સ માટે જ રસપ્રદ નથી, પરંતુ તે ભારતીય ક્રિકેટના સ્ટ્રક્ચરને પણ સમજવામાં મદદ કરે છે. તે દર્શાવે છે કે ખેલાડીઓની કમાણી માત્ર તેમના પ્રદર્શન પર જ નહીં, પરંતુ તેમની ટીમમાં ભૂમિકા અને સતત પ્રદર્શન પર પણ આધારિત છે.

IPL 2026 : IPL 2026 ની સિઝન જેમ-જેમ આગળ વધી રહી છે, તેમ-તેમ કેટલાક દિગ્ગજ ખેલાડીઓના ભવિષ્ય પર પ્રશ્નાર્થ ચિહ્નો ઉભા થઈ રહ્યા છે. ભારતીય ક્રિકેટના સૌથી અનુભવી અને ક્લાસિક બેટ્સમેનોમાં ગણાતા અજિંક્ય રહાણે માટે આ સિઝન કદાચ તેના જીવનની છેલ્લી IPL સાબિત થઈ શકે છે. મેદાન પર રન બનાવવા માટે ઝઝૂમી રહેલા રહાણે માટે હવે રસ્તો મુશ્કેલ દેખાઈ રહ્યો છે. ક્રિકેટના જાણકારો માની રહ્યા છે કે, જો આ સ્થિતિ ચાલુ રહેશે, તો આગામી ઓક્શનમાં તેને કોઈ ખરીદદાર મળે તેવી શક્યતા નહિવત છે.

બેટિંગ મોરચે કેપ્ટનનો ફ્લોપ શો

કોલકાતા નાઈટ રાઈડર્સ (KKR) ફ્રેન્ચાઈઝીએ રહાણેના અનુભવ પર વિશ્વાસ મૂકીને તેને IPL 2026 માટે ₹1.5 કરોડમાં રિટેન કર્યો હતો. વર્ષ 2025 થી રહાણે ટીમની કેપ્ટનશીપ સંભાળી રહ્યો છે અને તેના નેતૃત્વમાં ટીમે સારું પ્રદર્શન પણ કર્યું છે, પરંતુ એક બેટ્સમેન તરીકે તે સાવ નિષ્ફળ સાબિત થયો છે. ટીમને ઓપનિંગમાં અથવા મિડલ ઓર્ડરમાં જે મજબૂતીની જરૂર હતી, તે આપવામાં રહાણે નિષ્ફળ રહ્યો છે. ખરાબ ફોર્મ માત્ર તેના આત્મવિશ્વાસને જ નહીં પરંતુ ટીમના સ્કોરબોર્ડને પણ અસર કરી રહ્યું છે.

નિરાશાજનક આંકડાની માયાજાળ

વર્તમાન સિઝનમાં રહાણેના પ્રદર્શન પર નજર કરીએ, તો તે કોઈ સામાન્ય બેટ્સમેન જેવું લાગી રહ્યું છે. અત્યાર સુધી રમાયેલી 8 મેચોમાં તે માત્ર 162 રન જ બનાવી શક્યો છે, જેમાં તેની એવરેજ 23.14 જેવી સામાન્ય રહી છે. આ સિઝનમાં તેના સ્કોર પર નજર કરીએ તો 67, 8, 8, 41, 28, 0, 0 અને 10 રન નોંધાયા છે. આ આંકડા સ્પષ્ટપણે દર્શાવે છે કે, એક મોટી ઇનિંગને બાદ કરતાં તે સતત મોટી ઇનિંગ રમવામાં નિષ્ફળ રહ્યો છે. ખાસ કરીને છેલ્લી કેટલીક મેચોમાં શૂન્ય પર આઉટ થવું તેની કરિયર માટે ખતરાની ઘંટી સમાન છે.

આ પણ ખાસ વાંચો : “એક ફોટા માટે 100 રૂપિયા ચાર્જ છે” : RR ના 15 વર્ષીય યુવા વૈભવ સૂર્યવંશીએ કેમ આવું કહ્યું?

આગામી સિઝનમાં ખરીદદારની મુશ્કેલી

IPL 2027 ના મેગા ઓક્શન પહેલા તમામ ટીમો યુવા અને આક્રમક ખેલાડીઓની શોધમાં હશે. રહાણેની વધતી ઉંમર અને તેનો ઘટતો સ્ટ્રાઇક રેટ કોઈપણ ટીમ માટે ચિંતાનો વિષય બની શકે છે. KKR જેવી ટીમો પણ હવે લોન્ગ ટર્મ પ્લાનિંગ પર ધ્યાન આપી રહી છે, તેથી તે રહાણેને રિલીઝ કરે તેવી પૂરેપૂરી સંભાવના છે. જ્યારે કોઈ ખેલાડી સતત બે સિઝન સુધી ફોર્મમાં ન હોય, ત્યારે અન્ય ફ્રેન્ચાઈઝીઓ પણ તેના પર બોલી લગાવતા અચકાય છે. નબળું ફોર્મ અને ફિટનેસના મુદ્દાઓ તેને અનસોલ્ડ રાખવા માટે પૂરતા કારણો બની શકે છે.

શાનદાર ઈતિહાસ અને અંતિમ મેચનો સંકેત

રહાણેનો IPL ઈતિહાસ ઘણો ગૌરવશાળી રહ્યો છે. તેને પોતાની કારકિર્દીમાં 206 મેચો રમીને 5,194 રન બનાવ્યા છે, જેમાં 2 સેન્ચુરી અને 34 હાફ-સેન્ચુરીનો સમાવેશ થાય છે. 105 રનનો તેનો સર્વોચ્ચ સ્કોર તેની ક્ષમતાની સાક્ષી પૂરે છે. જોકે, રવિવારે લખનઉ સુપર જાયન્ટ્સ સામેની મેચમાં 15 બોલમાં માત્ર 10 રન બનાવી આઉટ થવું એ સંકેત આપે છે કે, હવે તેની બેટિંગમાં તે જૂની ધાર રહી નથી. ભલે તેની ટીમે સુપર ઓવરમાં જીત મેળવી હોય, પરંતુ રહાણેની વ્યક્તિગત નિષ્ફળતા હવે તેના નિવૃત્તિના સમાચારોને વેગ આપી રહી છે.

IPL 2026 : IPL 2026 ની આ સિઝન અત્યંત રોમાંચક તબક્કે પહોંચી ગઈ છે. ચેન્નાઈ સુપર કિંગ્સ (CSK) ની ટીમ હંમેશા તેના પરફોર્મન્સ અને શાંત સ્વભાવ માટે જાણીતી છે પરંતુ આ સિઝનમાં મેદાનની બહાર પણ ઘણી હિલચાલ જોવા મળી રહી છે. હાર અને જીતની વચ્ચે હવે સોશિયલ મીડિયા પર એક ચોંકાવનારા સમાચાર વહેતા થયા છે. એવો દાવો કરવામાં આવી રહ્યો છે કે, પાંચ વખતની ચેમ્પિયન ટીમ CSK એ ગુજરાત ટાઇટન્સના કેપ્ટન શુભમન ગિલ વિરુદ્ધ BCCI માં ફરિયાદ નોંધાવી છે. આ સમાચાર આવતા જ ક્રિકેટ ચાહકોમાં ચર્ચાઓ શરૂ થઈ ગઈ છે કે શું ખરેખર કોઈ મોટી કાર્યવાહી થવા જઈ રહી છે?

આ પણ ખાસ વાંચો : ખરાબ ફોર્મ, ખરાબ ટ્રેક રેકોર્ડ છતાં કેમ LSG એ પૂરન પર લગાવ્યો દાવ? : કારણ જાણીને તમે પણ ચોંકી જશો

શું છે વાયરલ દાવાની હકીકત?

ઇન્ટરનેટ અને ખાસ કરીને સોશિયલ મીડિયા પ્લેટફોર્મ્સ પર કેટલાક દિવસોથી રિપોર્ટ્સ ફરી રહ્યા છે કે, શુભમન ગિલે ચેન્નાઈ વિરુદ્ધની જીત બાદ એક વાંધાજનક પોસ્ટ કરી હતી. આ પોસ્ટને કારણે CSK ની ફ્રેન્ચાઇઝી નારાજ થઈ છે અને તેને ગિલ વિરુદ્ધ સત્તાવાર ફરિયાદ કરી છે. જોકે જ્યારે આ દાવાની તપાસ કરવામાં આવી ત્યારે સત્ય કંઈક અલગ જ બહાર આવ્યું છે. હકીકતમાં CSK ફ્રેન્ચાઇઝી દ્વારા શુભમન ગિલ વિરુદ્ધ BCCI માં આવી કોઈ જ ફરિયાદ કરવામાં આવી નથી. આ માત્ર સોશિયલ મીડિયા પર ફેલાવવામાં આવેલી એક અફવા છે જેનો કોઈ આધાર નથી

આ પણ ખાસ વાંચો : SRH vs CSK મેચમાં શું 'બ્લેક મેજિક' થયું? : કાળા જાદુ સામે CSK એ કરી ફરિયાદ?, જાણો શું છે સત્ય

કેવી રીતે શરૂ થઈ આ અફવા?

ઘણીવાર સોશિયલ મીડિયા પર મજાક કરવા માટે બનાવવામાં આવેલા 'ટ્રોલ એકાઉન્ટ્સ' કોઈ સમાચારને ખોટી રીતે રજૂ કરે છે. આ કિસ્સામાં પણ એવું જ બન્યું હોય તેમ લાગે છે. શરૂઆતમાં કેટલાક ટ્રોલ પેજ દ્વારા ગિલની પોસ્ટને લઈને મજાક કરવામાં આવી હતી જેને બાદમાં અન્ય લોકોએ ગંભીરતાથી લઈ લીધી અને સમાચાર તરીકે ફેલાવવાનું શરૂ કર્યું. આ પ્રકારની ખોટી માહિતી ઝડપથી ફેલાય છે કારણ કે, તેમાં વિવાદનો તડકો હોય છે. પરંતુ સત્તાવાર રીતે CSK કે BCCI તરફથી આવી કોઈ પુષ્ટિ કરવામાં આવી નથી.

આ પણ ખાસ વાંચો : CSK એ RCB સામે BCCI ને કરી ફરિયાદ : ‘ઢોસા-સાંભાર-ચટણી’ ગીતથી ઊભો થયો વિવાદ!

શુભમન ગિલની પોસ્ટમાં શું હતું?

રવિવાર 26 એપ્રિલના રોજ ચેપોક સ્ટેડિયમમાં ગુજરાત ટાઇટન્સે ચેન્નાઈ સુપર કિંગ્સને હરાવ્યું હતું. આ શાનદાર વિજય બાદ શુભમન ગિલે ઇન્સ્ટાગ્રામ પર એક ફોટો શેર કર્યો હતો. આ ફોટામાં તે હસતો દેખાય છે અને તેના હાથમાં એક પીળી સીટી (Yellow Whistle) છે. આ ફોટો AI દ્વારા બનાવવામાં આવ્યો હોય તેવું લાગતું હતું. ગિલે આ પોસ્ટ દ્વારા CSK ના ફેમસ સૂત્ર "વ્હિસલ પોડુ" પર એક રમતિયાળ કટાક્ષ કર્યો હતો. જોકે આ પોસ્ટમાં કશું જ અપમાનજનક કે ઉશ્કેરણીજનક નહોતું પરંતુ કેટલાક લોકોએ તેને ટીમનું અપમાન ગણાવવાનો પ્રયાસ કર્યો હતો.

આ પણ ખાસ વાંચો : હોસ્પિટલ પહોંચવામાં સહેજ મોડું થયું હોત તો ના બચ્યો હોત ક્રિકેટર! : શોક મનાવતો હોત આખો દેશ, જીવના જોખમે 11 મિનિટમાં ACPએ બચાવ્યો જીવ!

ગઈ ફરિયાદનું અસલી કારણ શું હતું?

લોકો આ અફવા પર વિશ્વાસ કરી રહ્યા છે તેનું એક કારણ એ પણ છે કે, આ મહિનાની શરૂઆતમાં CSK એ ખરેખર એક ફરિયાદ નોંધાવી હતી. તે ફરિયાદ રોયલ ચેલેન્જર્સ બેંગ્લોર (RCB) ના સ્ટેડિયમ DJ વિરુદ્ધ હતી. એમ. ચિન્નાસ્વામી સ્ટેડિયમમાં રમાયેલી મેચ દરમિયાન ડીજેએ કેટલીક ઉશ્કેરણીજનક ટિપ્પણીઓ કરી હતી જેને લઈને CSK ના CEO કાસી વિશ્વનાથને BCCI માં વાંધો ઉઠાવ્યો હતો. આ સાચી ઘટનાને કારણે લોકોએ માની લીધું કે, ગિલ સામેની ફરિયાદ પણ સાચી જ હશે પરંતુ હાલમાં ગિલ વિરુદ્ધ કોઈ એક્શન લેવાયા નથી.

Nicholas Pooran : IPL 2026 માં લખનઉ સુપર જાયન્ટ્સ (LSG) અને કોલકાતા નાઈટ રાઈડર્સ (KKR) વચ્ચે રમાયેલી મેચે ક્રિકેટ પ્રેમીઓના શ્વાસ અધ્ધર કરી દીધા હતા. આ હાઇ-વોલ્ટેજ ડ્રામા જ્યારે સુપર ઓવર સુધી પહોંચ્યો ત્યારે ચાહકોને આશા હતી કે, લખનઉ કોઈ ફોર્મમાં રહેલા બેટ્સમેનને મોકલશે. પરંતુ, મેનેજમેન્ટે આઉટ-ઓફ-ફોર્મ નિકોલસ પૂરન પર દાવ રમ્યો, જે અંતે ટીમ માટે આત્મઘાતી સાબિત થયો. પૂરન પહેલા જ બોલે શૂન્ય રને આઉટ થયો અને લખનઉએ જીતેલી બાજી ગુમાવી દીધી.

પૂરનનું કથળતું ફોર્મ

વેસ્ટ ઈન્ડિઝનો આ વિસ્ફોટક બેટ્સમેન ગત સિઝનમાં બોલરો માટે કાળ સાબિત થયો હતો, પરંતુ IPL 2026 માં તેનું ભાગ્ય જાણે પલટાઈ ગયું છે. છેલ્લી 8 મેચોમાં પૂરનના બેટમાંથી માત્ર 82 રન જ નીકળ્યા છે. KKR સામેની આ મેચમાં પણ તે રન ચેઝ દરમિયાન માત્ર 9 રન બનાવીને પેવેલિયન ભેગો થયો હતો. જ્યારે સુપર ઓવર જેવી દબાણવાળી પરિસ્થિતિ આવી ત્યારે મિશેલ માર્શ કે, આયુષ બડોની જેવા ફોર્મમાં રહેલા ખેલાડીઓને બદલે પૂરનને મોકલવાના નિર્ણયે ક્રિકેટ જગતમાં આશ્ચર્ય ફેલાવ્યું હતું.

શા માટે પૂરનને પસંદ કરાયો?

મેચ પૂરી થયા બાદ પ્રેસ કોન્ફરન્સમાં મુખ્ય કોચ જસ્ટિન લેંગરે આ વિવાદાસ્પદ નિર્ણય પાછળનું તર્ક રજૂ કર્યું હતું. લેંગરે જણાવ્યું કે, "અમે જાણતા હતા કે, KKR તરફથી સુનીલ નરેન બોલિંગ કરશે. પૂરને નરેન સામે વિશ્વમાં કોઈપણ બેટ્સમેન કરતાં વધુ ક્રિકેટ રમી છે અને તે તેની બોલિંગ શૈલીથી પરિચિત છે." લેંગરના મતે, પૂરન ભલે ફોર્મમાં નથી પણ તેની પાવર-હિટિંગ ક્ષમતા પર ટીમને હજુ પણ વિશ્વાસ હતો. ટીમ મેનેજમેન્ટ ઈચ્છતું હતું કે, પૂરન આ મોટી તક ઝડપીને પોતાનું ખોવાયેલું ફોર્મ પાછું મેળવે અને આગામી મેચો માટે તેનું મનોબળ વધે.

આ પણ ખાસ વાંચો : સતત બે બીમર ફેંકવા છતાં કેમ આ બોલરને અમ્પાયરોએ આપી છૂટ? : જાણો શું છે આ પાછળનો રહસ્યમય IPL નિયમ

કેપ્ટનનો ખુલાસો અને ટીમનો ભરોસો

આ નિર્ણય અંગે વાત કરતાં કેપ્ટને સ્પષ્ટતા કરી હતી કે, પૂરનને મોકલવાનો નિર્ણય એક ટીમ ચર્ચા બાદ લેવામાં આવ્યો હતો. કેપ્ટને જણાવ્યું કે, "ટીમ મીટિંગમાં પૂરનનું નામ સામે આવ્યું હતું. ભલે તે અત્યારે તેના કરિયરના સર્વશ્રેષ્ઠ ફોર્મમાં નથી, પરંતુ આવી મુશ્કેલ પરિસ્થિતિમાં તમારે તમારા સિનિયર ખેલાડીઓ પર ભરોસો કરવો પડે છે. અમને ખાતરી છે કે, તે આગામી સમયમાં જરૂર સારું પ્રદર્શન કરશે." વધુમાં તેણે ઉમેર્યું કે, હાર માટે કોઈ બહાના નથી અને ટીમ હવે બ્રેક બાદ સકારાત્મક અભિગમ સાથે વાપસી કરશે.

આ પણ ખાસ વાંચો : રિંકુ અને નારાયણે એવું તો શું કર્યું કે LSG ના જબડામાંથી છીનવાઈ જીત? : લખનઉના હોમ ગ્રાઉન્ડ પર KKR ના ‘માસ્ટર પ્લાન’ એ બાજી પલટાવી!

સુપર ઓવરનો કડવો ઈતિહાસ

આંકડાકીય રીતે જોઈએ તો નિકોલસ પૂરનનો સુપર ઓવરમાં રેકોર્ડ અત્યંત નબળો રહ્યો છે. T20 ક્રિકેટમાં અત્યાર સુધી પૂરન 5 વખત સુપર ઓવરમાં બેટિંગ કરવા આવ્યો છે, જેમાંથી તે 4 વખત ડક (શૂન્ય) પર આઉટ થયો છે. કુલ 10 બોલમાં તેના નામે માત્ર 1 રન છે. આટલા ખરાબ ટ્રેક રેકોર્ડ અને નરેન સામેના નબળા આંકડા હોવા છતાં તેને મેદાનમાં ઉતારવાનો વ્યૂહાત્મક નિર્ણય લખનઉ માટે હારનું કારણ બન્યા.

આ પણ ખાસ વાંચો : હોસ્પિટલ પહોંચવામાં સહેજ મોડું થયું હોત તો ના બચ્યો હોત ક્રિકેટર! : શોક મનાવતો હોત આખો દેશ, જીવના જોખમે 11 મિનિટમાં ACPએ બચાવ્યો જીવ!

પ્લેઈંગ ઈલેવનમાં સ્થાન પર ખતરો

સતત નિષ્ફળતા બાદ હવે નિકોલસ પૂરનના ટીમમાં સ્થાન સામે સવાલો ઉઠી રહ્યા છે. મીડિયા રિપોર્ટ્સ મુજબ, LSG હવે પૂરનને પ્લેઈંગ ઈલેવનમાંથી પડતો મૂકી શકે છે. તેની જગ્યાએ વિકેટકીપર બેટ્સમેન જોશ ઈંગ્લિસ અથવા સાઉથ આફ્રિકાના યુવા પ્રતિભાશાળી બેટ્સમેન મેથ્યુ બ્રીટ્ઝકેને ટીમમાં સામેલ કરવામાં આવી શકે છે. ટીમ હવે પ્લેઓફની રેસમાં ટકી રહેવા માટે કોઈ પણ ભૂલ કરવા માંગતી નથી.

IPL 2026માં એક રોમાંચક અને દિલધડક મુકાબલો જોવા મળ્યો, જેમાં કોલકાતા નાઈટ રાઈડર્સે સુપર ઓવરમાં લખનઉ સુપર જાયન્ટ્સને હરાવીને યાદગાર જીત નોંધાવી. આ મેચમાં બેટિંગ, બોલિંગ અને ફિલ્ડિંગ ત્રણે ક્ષેત્રોમાં અસાધારણ પ્રદર્શન જોવા મળ્યું.

Kolkata Knight Riders અને Lucknow Super Giants વચ્ચે એકાના સ્ટેડિયમમાં રમાયેલી આ મેચ ખૂબ જ રોમાંચક રહી. પહેલા બેટિંગ કરતા કોલકાતાએ 20 ઓવરમાં 7 વિકેટે 155 રન બનાવ્યા. ટીમ માટે સૌથી મોટી ઇનિંગ Rinku Singhએ રમી, જેમણે 51 બોલમાં 83 રન ફટકાર્યા. જવાબમાં લખનઉએ પણ જોરદાર લડત આપી અને 20 ઓવરમાં 8 વિકેટે 155 રન બનાવી મેચ ટાઈ કરી દીધી. છેલ્લી બોલ પર Mohammed Shamiએ છગ્ગો ફટકારી મેચને સુપર ઓવર સુધી ખેંચી.

સુપર ઓવરમાં નારાયણનો જાદુ

સુપર ઓવરમાં કોલકાતાની તરફથી Sunil Narineએ બોલિંગ કરી અને અદ્ભુત પ્રદર્શન કર્યું. લખનઉની ટીમને તેમણે માત્ર 1 રન પર જ રોકી દીધી અને સાથે બે મહત્વપૂર્ણ વિકેટ પણ ઝડપી. આ પ્રદર્શન મેચનો ટર્નિંગ પોઈન્ટ સાબિત થયું. આટલો ઓછો સ્કોર ચેઝ કરવો કોલકાતા માટે સરળ બન્યો.

રિંકુ સિંહનો ઓલરાઉન્ડ શો

આ મેચનો સૌથી મોટો હીરો Rinku Singh રહ્યો.

• 51 બોલમાં 83 રન

• ફિલ્ડિંગમાં 5 કેચ

સુપર ઓવરમાં પણ તેમણે પહેલા જ બોલ પર ચોગ્ગો ફટકારીને ટીમને જીત અપાવી દીધી. આ પ્રદર્શન IPLના ઇતિહાસમાં એક યાદગાર ઓલરાઉન્ડ પ્રદર્શન તરીકે ગણાશે.

મેચમાં રોમાંચના પળો

આ મેચમાં અનેક પળો એવી હતી, જેણે દર્શકોને સીટના કિનારે બેસાડ્યા:

• કોલકાતાની મધ્યક્રમની સંભાળેલી બેટિંગ

• લખનઉનો અંતિમ ઓવરોમાં કમબેક

• છેલ્લી બોલ પર છગ્ગો

• સુપર ઓવરમાં માત્ર 1 રન

આ બધાએ મળીને આ મેચને IPL 2026ની સૌથી યાદગાર મેચોમાં સ્થાન અપાવ્યું.

Vaibhav Suryavanshi : IPL 2026 માં જો કોઈ એક નામ સૌથી વધુ ચર્ચામાં હોય તો તે છે, 15 વર્ષનો યુવા વૈભવ સૂર્યવંશી. રાજસ્થાન રોયલ્સ તરફથી રમતા આ લેફટી બેટ્સમેને ક્રિકેટ જગતના તમામ સમીકરણો બદલી નાખ્યા છે. વૈભવ માત્ર રન નથી બનાવી રહ્યો, પરંતુ તે સામે રહેલા બોલરનું નામ જોયા વગર પહેલે જ બોલથી આક્રમણ ક્રિકેટ રમી રહ્યો છે. ચાલો જોઈએ એ 7 દિગ્ગજ બોલરોની વિગતવાર યાદી, જેમના સ્પેલના પહેલા જ બોલને વૈભવે બાઉન્ડ્રીની બહાર મોકલી દીધો હતો.

1. જસપ્રીત બુમરાહ (મુંબઈ ઈન્ડિયન્સ) : બુમરાહના યોર્કર સામે સિક્સરનો જવાબ

રાજસ્થાન અને મુંબઈ વચ્ચેની હાઇ-વોલ્ટેજ મેચમાં જ્યારે જસપ્રીત બુમરાહ પોતાની પ્રથમ ઓવર ફેંકવા આવ્યો, ત્યારે સ્ટેડિયમમાં ભારે ઉત્તેજના હતી. બુમરાહ સામાન્ય રીતે બેટ્સમેનોને સેટ થવાનો મોકો નથી આપતા, પરંતુ વૈભવે કંઈક અલગ જ વિચાર્યું હતું. બુમરાહના પહેલા જ બોલને વૈભવે લોંગ-ઓન ઉપરથી સ્ટેન્ડમાં મોકલી દીધો. આ જોઈને મુંબઈના કેપ્ટન અને ખુદ બુમરાહ પણ સ્તબ્ધ થઈ ગયા હતા. તે ઓવરમાં વૈભવે વધુ એક સિક્સર ફટકારી સાબિત કર્યું કે, તે 'વર્લ્ડ ક્લાસ' બોલિંગ સામે ડરતો નથી.

2. ટ્રેન્ટ બોલ્ટ (મુંબઈ ઈન્ડિયન્સ) : સ્વિંગના માસ્ટર સામે નીડર બેટિંગ

ન્યૂઝીલેન્ડના લેફટી ફાસ્ટ બોલર ટ્રેન્ટ બોલ્ટ તેની શરૂઆતની ઓવરોમાં સ્વિંગ અને વિકેટ લેવા માટે જાણીતા છે. જોકે, વૈભવ સૂર્યવંશીએ બોલ્ટને સેટ થવાની એક પણ તક આપી નહીં. બોલ્ટે જેવો પહેલો બોલ ફેંક્યો, વૈભવે ક્રીઝનો ઉપયોગ કરીને ફાઇન લેગની દિશામાં પિક-અપ શૉટ રમીને શાનદાર સિક્સર ફટકારી હતી. આ શૉટ બતાવે છે કે, વૈભવ પાસે ગતિ (Pace) ને પારખવાની ગજબની ક્ષમતા છે.

3. શાર્દુલ ઠાકુર (મુંબઈ ઈન્ડિયન્સ) : લોર્ડ શાર્દુલ સામે આક્રમક વલણ

એ જ મેચમાં જ્યારે શાર્દુલ ઠાકુર બોલિંગમાં ફેરફાર તરીકે આવ્યા, ત્યારે વૈભવે પોતાની લય જાળવી રાખી હતી. શાર્દુલના પહેલા જ બોલને વૈભવે લોફ્ટેડ ડ્રાઇવ દ્વારા સીધો સાઈટ સ્ક્રીન તરફ સિક્સર માટે મોકલી આપ્યો હતો. વૈભવની આ ઇનિંગ એટલી વિસ્ફોટક હતી કે, તેને માત્ર 14 બોલમાં 39 રન ફટકારી દીધા, જેમાં 5 છગ્ગા સામેલ હતા.

4. પેટ કમિન્સ (સનરાઈઝર્સ હૈદરાબાદ) : વર્લ્ડ કપ વિજેતા કેપ્ટન સામે સદીનો શંખનાદ

25 એપ્રિલની એ સાંજ વૈભવના નામે રહી હતી. સનરાઈઝર્સ હૈદરાબાદ સામે રમતા વૈભવે ઓસ્ટ્રેલિયન દિગ્ગજ પેટ કમિન્સને નિશાન બનાવ્યા હતા. કમિન્સના પહેલા જ બોલને તેને લોંગ-ઓન પર સિક્સર માટે મોકલ્યો. આ મેચમાં વૈભવે માત્ર 37 બોલમાં 103 રનની ઐતિહાસિક ઇનિંગ રમી હતી. કમિન્સે મેચ બાદ સ્વીકાર્યું હતું કે, વૈભવ જેવી બેટિંગ તેમણે ઘણા સમય પછી જોઈ છે.

5. ભુવનેશ્વર કુમાર (સનરાઈઝર્સ હૈદરાબાદ) : નવા બોલ સામે ક્લાસિક બેટિંગ

ભુવનેશ્વર કુમાર તેની ચોકસાઈ અને સ્વિંગ માટે પ્રખ્યાત છે. મોટાભાગના ઓપનર્સ ભુવી સામે શરૂઆતમાં સાવચેતીથી રમે છે. પરંતુ વૈભવે ઇનિંગના પહેલા જ બોલે ભુવીની લેન્થનો ફાયદો ઉઠાવ્યો અને મિડ-વિકેટ તરફ એક કલાત્મક ચોગ્ગો ફટકારીને પોતાના ઈરાદા જાહેર કરી દીધા હતા.

6. અર્શદીપ સિંહ (પંજાબ કિંગ્સ) : ડેથ ઓવર સ્પેશિયાલિસ્ટ સામે સ્માર્ટ ક્રિકેટ

પંજાબ કિંગ્સ સામેની મેચમાં ભારતીય લેફ્ટ આર્મ પેસર અર્શદીપ સિંહ સામે વૈભવે અલગ રણનીતિ અપનાવી હતી. અર્શદીપના પહેલા જ બોલ પર વૈભવ ક્રીઝની બહાર નીકળી આવ્યો અને કવર્સની ઉપરથી બોલને બાઉન્ડ્રીની બહાર ધકેલી દીધો. આ ચોગ્ગાએ સાબિત કર્યું કે, વૈભવ માત્ર પાવર હિટિંગ જ નહીં પણ ફૂટવર્કનો પણ સારો ઉપયોગ કરે છે.

7. જોશ હેઝલવુડ (રોયલ ચેલેન્જર્સ બેંગલુરુ) : ઓસ્ટ્રેલિયન લેન્થ સામે પંચ શૉટ

રોયલ ચેલેન્જર્સ બેંગલુરુ સામેની મેચમાં જોશ હેઝલવુડ પોતાની સચોટ લાઇન-લેન્થથી બેટ્સમેનોને પરેશાન કરી રહ્યા હતા. વૈભવે હેઝલવુડના પહેલા જ બોલ પર બેકફૂટ પર જઈને પોઈન્ટ અને કવર વચ્ચેથી શાનદાર પંચ મારીને ચોગ્ગો વસૂલ્યો હતો. હેઝલવુડ જેવા બોલરની ગતિનો ઉપયોગ કરીને ફટકારેલો આ શૉટ જોઈને વિરાટ કોહલી પણ પ્રભાવિત થયો હતો.

IPL 2026 : IPL 2026 ની સિઝનમાં શનિવારની રાત ક્રિકેટના ઈતિહાસમાં સુવર્ણ અક્ષરે લખાઈ ગઈ છે. પંજાબ કિંગ્સે દિલ્હી કેપિટલ્સ સામે રમાયેલી હાઇ-વોલ્ટેજ મેચમાં અશક્ય લાગતો સ્કોર ચેઝ કરીને માત્ર મેચ જ નહીં, પણ ચાહકોના દિલ પણ જીતી લીધા છે. મેદાન પર રમતની સાથે સાથે ટીમની માલિક પ્રીતિ ઝિન્ટા અને યુવા ખેલાડી પ્રિયાંશ આર્ય વચ્ચેની હળવી પળોએ સોશિયલ મીડિયા પર ધૂમ મચાવી છે.

વર્લ્ડ રેકોર્ડ રન ચેઝ

દિલ્હી કેપિટલ્સ સામેની આ મેચમાં પંજાબ કિંગ્સે 265 રનનો વિશાળ લક્ષ્યાંક હાંસલ કરીને નવો કીર્તિમાન સ્થાપિત કર્યો છે. IPL ના ઇતિહાસમાં આ અત્યાર સુધીનો સૌથી સફળ રન ચેઝ છે. એટલું જ નહીં, વૈશ્વિક સ્તરે T20 ક્રિકેટમાં પણ પંજાબ કિંગ્સે આટલો મોટો સ્કોર ચેઝ કરીને ઇતિહાસ રચી દીધો છે. આ જીત સાથે પંજાબની ટીમ પોઈન્ટ ટેબલમાં મજબૂત સ્થિતિમાં પહોંચી ગઈ છે.

ઓપનરોનો તોફાની અંદાજ

મેચની શરૂઆતથી જ પંજાબના ઈરાદા સ્પષ્ટ હતા. ઓપનર પ્રભસિમરન સિંહે મેદાનની ચારેબાજુ ચોગ્ગા-છગ્ગાની રમઝટ બોલાવી હતી. તેને માત્ર 26 બોલમાં 76 રન ફટકારીને ટીમને મજબૂત પ્લેટફોર્મ પૂરું પાડ્યું હતું. તેની સાથે પ્રિયાંશ આર્યએ પણ માત્ર 17 બોલમાં 43 રન બનાવીને દિલ્હીના બોલરોને દબાણમાં લાવી દીધા હતા. આ જોડીએ માત્ર 6.5 ઓવરમાં 126 રન જોડીને જીતનો પાયો નાખ્યો હતો.

કેપ્ટનની ફિનિશિંગ ઇનિંગ

જ્યારે ઓપનરો આઉટ થયા ત્યારે જીતની જવાબદારી કેપ્ટન શ્રેયસ ઐયરના ખભા પર આવી હતી. શ્રેયસે ખૂબ જ શાંતિ અને આક્રમકતાનું મિશ્રણ બતાવ્યું હતું. શ્રેયસે 36 બોલમાં નોટઆઉટ 71 રન બનાવીને ટીમને વિજય રેખા સુધી પહોંચાડી હતી. પંજાબે 7 બોલ બાકી રહેતા આ લક્ષ્યાંક પૂરો કર્યો હતો. શ્રેયસની આ ઇનિંગે સાબિત કર્યું કે, શા માટે તે પંજાબ કિંગ્સ માટે સૌથી મહત્વનો ખેલાડી છે.

વાયરલ થયો મુક્કો અને મસ્તી

ટીમની આ ઐતિહાસિક જીત બાદ પંજાબ કિંગ્સની સહ-માલિક પ્રીતિ ઝિન્ટા મેદાન પર દોડી આવી હતી. તે દરેક ખેલાડીને ઉત્સાહપૂર્વક મળી રહી હતી. આ દરમિયાન જ્યારે તે પ્રિયાંશ આર્ય પાસે પહોંચી ત્યારે તેને મજાકમાં પ્રિયાંશને હળવો મુક્કો માર્યો હતો. આ જોઈને પ્રિયાંશ પણ હસવા લાગ્યો હતો. કોમેન્ટ્રી કરી રહેલા રવિ શાસ્ત્રીએ આ દ્રશ્ય જોઈને તરત જ પ્રતિક્રિયા આપી હતી કે "ઓહ તે એક સારો મુક્કો હતો." આ વીડિયો હાલ ખૂબ જ વાયરલ થઈ રહ્યો છે.

દિલ્હીની લડાયક બેટિંગ

દિલ્હી કેપિટલ્સે પ્રથમ બેટિંગ કરતાં 264 રન બનાવ્યા હતા, જે સામાન્ય રીતે કોઈપણ ટીમ માટે જીતવા માટે પૂરતા હોય છે. દિલ્હી તરફથી નીતિશ રાણાએ શાનદાર 91 રન બનાવ્યા હતા. તેને અને રાહુલે બીજી વિકેટ માટે 220 રનની રેકોર્ડ પાર્ટનરશીપ નોંધાવી હતી. જોકે, પંજાબના બેટ્સમેનોએ આ પહાડ જેવા સ્કોરને પણ નાનો સાબિત કરી દીધો હતો.

MS Dhoni : IPL 2026 ની સિઝન અત્યારે તેના રોમાંચક તબક્કે પહોંચી ગઈ છે. ચેન્નાઈ સુપર કિંગ્સના ચાહકો માટે આ સિઝન મિશ્ર લાગણીઓથી ભરેલી રહી છે. એક તરફ ટીમ જીત મેળવી રહી છે, તો બીજી તરફ દરેકના મનમાં એક જ સવાલ છે કે, 'થાલા' એટલે કે મહેન્દ્ર સિંઘ ધોની ક્યારે મેદાન પર બેટિંગ કરવા ઉતરશે? સિઝનની શરૂઆતમાં સ્નાયુઓની ઈજાના કારણે ધોની બહાર થઈ ગયા હતા, પરંતુ હવે તે સંપૂર્ણપણે ફિટ હોવાના રિપોર્ટ્સ છે. આમ છતાં, તે પ્લેઈંગ ઈલેવનમાં જોવા નથી મળી રહ્યા, જેની પાછળ એક મોટું અને સ્વાર્થ વગરનું કારણ છુપાયેલું છે.

ધોનીની વાપસી પર કેમ લાગી બ્રેક?

ધોની વિશે એવી ચર્ચા હતી કે, તે ગુજરાત ટાઇટન્સ સામેની મહત્વની મેચમાં વાપસી કરશે. નેટ્સમાં તેની પ્રેક્ટિસ જોઈને ફેન્સ ખુશ હતા, પરંતુ મેચના દિવસે તે મેદાનમાં ન દેખાયો. રિપોર્ટ્સના જણાવ્યા અનુસાર, ધોની અત્યારે માનસિક અને શારીરિક રીતે તૈયાર હોવા છતાં પોતે જ રમવાની ના પાડી રહ્યો છે. ધોનીનું માનવું છે કે, ટીમના હિત કરતાં તેનો વ્યક્તિગત રેકોર્ડ મોટો નથી. તે નથી ઈચ્છતો કે તેના કારણે કોઈ સેટ થયેલા ખેલાડીને અન્યાય થાય.

CSK નું વિજેતા કોમ્બિનેશન

ચેન્નાઈની શરૂઆત આ સિઝનમાં ખૂબ જ નબળી રહી હતી. ટીમે તેની શરૂઆતની સતત ત્રણ મેચો ગુમાવતા ફેન્સ નિરાશ થયા હતા. જોકે, ત્યારબાદ ટીમે શાનદાર કમબેક કરી અને છેલ્લી ચારમાંથી ત્રણ મેચ જીતીને પોઈન્ટ ટેબલમાં પોતાનું સ્થાન મજબૂત કર્યું છે. ખાસ કરીને મુંબઈ ઈન્ડિયન્સ સામેની મોટી જીત બાદ ટીમનું મનોબળ ઊંચું છે. અત્યારે ટીમમાં એક પરફેક્ટ બેલેન્સ જોવા મળી રહ્યું છે અને ધોની આ વિજેતા લયને તોડવા માંગતો નથી.

સંજુ સેમસનનું તોફાની ફોર્મ

CSK માટે આ વખતે સૌથી મોટી એસેટ સંજુ સેમસન છે. સેમસને આ સિઝનમાં અત્યાર સુધી બે શાનદાર સેન્ચુરી ફટકારીને સાબિત કરી દીધું છે કે, તે અત્યારે સર્વશ્રેષ્ઠ ફોર્મમાં છે. તે માત્ર બેટિંગ જ નહીં, પણ વિકેટકીપિંગમાં પણ ધોનીની ખોટ વર્તાવા દેતો નથી. સંજુ સેમસનની હાજરીથી મિડલ ઓર્ડર ખૂબ મજબૂત બન્યો છે, જેના કારણે ટીમ મેનેજમેન્ટ પર ધોનીને ઉતાવળમાં મેદાનમાં ઉતારવાનું કોઈ દબાણ નથી.

યુવા પ્રતિભાને પ્રાથમિકતા

મહેન્દ્ર સિંઘ ધોની હંમેશા યુવા ખેલાડીઓને પ્રોત્સાહન આપવામાં માને છે. અત્યારે ટીમમાં કાર્તિક શર્મા જેવા યુવા ખેલાડીને તક આપવામાં આવી રહી છે. ભલે કાર્તિક અત્યારે સંઘર્ષ કરી રહ્યો હોય, પણ તેની પાસે લાંબી રેસનો ઘોડો બનવાની ક્ષમતા છે. ધોની જાણે છે કે, જો તે પોતે પ્લેઈંગ ઈલેવનમાં આવશે, તો કોઈ યુવા ખેલાડીએ બેન્ચ પર બેસવું પડશે. ટીમના ભવિષ્યનું નિર્માણ કરવા માટે ધોની અત્યારે એક મેન્ટરની ભૂમિકામાં રહીને પડદા પાછળ કામ કરવાનું વધુ પસંદ કરી રહ્યો છે.

મેનેજમેન્ટ અને કોચનો અભિપ્રાય

ટીમના કોચ સ્ટીફન ફ્લેમિંગે ધોનીની સ્થિતિ પર ટિપ્પણી કરતા કહ્યું હતું કે, "એમએસ ખૂબ જ સારી રીતે રિકવર થઈ રહ્યો છે, પરંતુ અમે કોઈ પણ ઉતાવળ કરવા માંગતા નથી." બીજી તરફ બેટિંગ કોચ માઇક હસીએ સ્પષ્ટ કર્યું છે કે, ધોની એક પ્યોર વિકેટકીપર-બેટ્સમેન છે, તેથી તેને 'ઇમ્પેક્ટ પ્લેયર' તરીકે મેદાનમાં લાવવો મુશ્કેલ છે. આ નિર્ણય સંપૂર્ણપણે ધોની પર છોડવામાં આવ્યો છે કે, તે ક્યારે મેદાનમાં ઉતરીને ફેન્સને ફરી એકવાર હેલિકોપ્ટર શોટનો નજારો બતાવશે.

IPL 2026 : IPL 2026 માં દરરોજ નવા રેકોર્ડ બની રહ્યા છે અને નવા સિતારાઓ ઉભરી રહ્યા છે. જયપુરના સવાઈ માનસિંહ સ્ટેડિયમમાં રમાયેલી મેચમાં બિહારના યુવા બેટ્સમેન વૈભવ સૂર્યવંશીએ પોતાની વિસ્ફોટક બેટિંગથી ક્રિકેટ જગતને ચોંકાવી દીધું છે. સનરાઇઝર્સ હૈદરાબાદ (SRH) સામેની મેચમાં તેને એવી ઇનિંગ રમી કે, હરીફ ટીમના કેપ્ટન પેટ કમિન્સ પણ તેના મુરીદ બની ગયા છે.

કમિન્સ પર જોરદાર પ્રહાર

વૈભવ સૂર્યવંશીની નિર્ભયતાનો અંદાજ એ વાત પરથી લગાવી શકાય છે કે, તેને વિશ્વના દિગ્ગજ બોલર અને ઓસ્ટ્રેલિયાના કેપ્ટન પેટ કમિન્સના પહેલા જ બોલ પર શાનદાર સિક્સર ફટકારી હતી. આ મેચમાં તેને કમિન્સના માત્ર 4 બોલનો સામનો કર્યો અને 8 રન બનાવ્યા હતા. આ પહેલા તેને જસપ્રીત બુમરાહ અને જોશ હેઝલવુડ જેવા અનુભવી બોલરો સામે પણ આવી જ આક્રમક બેટિંગ કરી હતી.

માત્ર 37 બોલમાં સેન્ચુરી

હૈદરાબાદ સામે બેટિંગ કરતાં વૈભવે માત્ર 37 બોલમાં પોતાની સેન્ચુરી પૂરી કરી હતી. તેને પોતાની 103 રનની ઇનિંગ દરમિયાન 12 છગ્ગા અને 5 ચોગ્ગા ફટકાર્યા હતા. જોકે, તેની આ મહેનત વ્યર્થ ગઈ હતી કારણ કે, હૈદરાબાદે 228 રનનો મોટો સ્કોર ચેઝ કરીને રાજસ્થાન રોયલ્સને 5 વિકેટથી હરાવ્યું હતું.

પેટ કમિન્સે કર્યા વખાણ

મેચ બાદ પ્રેસ કોન્ફરન્સમાં પેટ કમિન્સે વૈભવ સૂર્યવંશીના વખાણ કર્યા હતા. કમિન્સે કહ્યું કે, "મને લાગે છે કે, તે મારો નવો ફેવરિટ ખેલાડી છે. તે જે રીતે બોલને ફટકારે છે તે જોવાની ખૂબ મજા આવે છે. એક બોલર તરીકે જો તમારી લાઇન-લેન્થ સચોટ ન હોય તો તે તમને બાઉન્ડ્રીની બહાર મોકલી દે છે. તેની રમવાની શૈલી એકદમ નિર્ભય છે."

ઓરેન્જ કેપની રેસમાં સ્પર્ધા

આ શાનદાર ઇનિંગની મદદથી વૈભવ સૂર્યવંશી થોડા સમય માટે ઓરેન્જ કેપની રેસમાં ટોપ પર પહોંચી ગયો હતો. જોકે, અભિષેક શર્માએ આ જ મેચમાં 57 રન બનાવીને ફરીથી નંબર વનનું સ્થાન મેળવી લીધું છે. હાલમાં આઠ મેચો બાદ અભિષેકના 380 રન છે, જ્યારે વૈભવ 357 રન સાથે બીજા ક્રમે છે.

IPL 2026 : IPL 2026 માં 25 એપ્રિલનો દિવસ ઇતિહાસના પાનામાં નોંધાઈ ગયો છે. નવી દિલ્હીના અરુણ જેટલી સ્ટેડિયમમાં રમાયેલી દિલ્હી કેપિટલ્સ અને પંજાબ કિંગ્સ વચ્ચેની મેચ માત્ર રનનો વરસાદ જ નહીં પરંતુ મેદાન પર ખેલાડીઓ વચ્ચેના તણાવ માટે પણ યાદ રાખવામાં આવશે. પંજાબ કિંગ્સે IPL ઇતિહાસનો સૌથી સફળ રન ચેઝ પૂર્ણ કરીને ક્રિકેટ જગતને ચોંકાવી દીધું છે. જોકે આ રોમાંચક જીતની સાથે જ કેપ્ટન શ્રેયસ ઐયર અને શશાંક સિંહ વચ્ચેની બોલાચાલીએ સોશિયલ મીડિયા પર ગરમાવો લાવી દીધો છે.

દિલ્હીની બેટિંગ : કેએલ રાહુલનું તોફાન અને વિરાટ સ્કોર

મેચની શરૂઆતમાં દિલ્હી કેપિટલ્સે ટોસ જીતીને પ્રથમ બેટિંગ કરવાનો સાહસિક નિર્ણય લીધો હતો. દિલ્હીના બેટ્સમેનોએ પંજાબના બોલરોની રીતસરની ધોલાઈ કરી હતી. વિકેટકીપર કેએલ રાહુલે મેદાનની ચારેબાજુ ચોગ્ગા-છગ્ગાની રમઝટ બોલાવતા માત્ર 67 બોલમાં નોટઆઉટ 152 રન બનાવ્યા હતા. આ ઇનિંગ્સમાં 16 ચોગ્ગા અને 9 ગગનચુંબી છગ્ગાનો સમાવેશ થાય છે જે હવે IPL માં કોઈ ભારતીય બેટ્સમેનનો સર્વોચ્ચ સ્કોર છે. કેએલ રાહુલને નીતિશ રાણાનો પૂરો સાથ મળ્યો જેને 44 બોલમાં 91 રન ફટકાર્યા હતા. બંને વચ્ચેની 220 રનની પાર્ટનરશીપને પ્રતાપે દિલ્હીએ 20 ઓવરમાં 264 રનનો વિશાળ સ્કોર બનાવ્યો હતો.

પંજાબનો વળતો પ્રહાર : રેકોર્ડબ્રેક ઇતિહાસની રચના

265 રનના અશક્ય લાગતા લક્ષ્યનો પીછો કરવા ઉતરેલી પંજાબ કિંગ્સે પ્રથમ ઓવરથી જ આક્રમક અભિગમ અપનાવ્યો હતો. પ્રભસિમરન સિંહે માત્ર 26 બોલમાં 76 રન બનાવીને પંજાબને આક્રમક શરૂઆત અપાવી હતી જ્યારે પ્રિયાંશ આર્યએ 17 બોલમાં 43 રનનું મહત્વનું યોગદાન આપ્યું હતું. અંતમાં કેપ્ટન શ્રેયસ ઐયરે જવાબદારી પૂર્વક બેટિંગ કરતાં 36 બોલમાં નોટઆઉટ 71 રન બનાવીને ટીમને 18.5 ઓવરમાં જ જીત અપાવી દીધી હતી. આ સાથે પંજાબે 2024 માં બનાવેલો પોતાનો જ 262 રનનો રન ચેઝનો રેકોર્ડ તોડી નાખ્યો છે.

મેદાન પરનો ડ્રામા : શ્રેયસ અને શશાંક વચ્ચે તણાવ

જ્યારે મેચ રોમાંચક વળાંક પર હતી ત્યારે 18 મી ઓવરના ડ્રિંક્સ બ્રેક દરમિયાન ટીવી કેમેરામાં કંઈક અલગ જ દ્રશ્યો કેદ થયા હતા. પંજાબના કેપ્ટન શ્રેયસ ઐયર સાથી ખેલાડી શશાંક સિંહ પર ભારે ગુસ્સે થતા જોવા મળ્યા હતા. શ્રેયસ ખૂબ જ આક્રમક રીતે શશાંકને કંઈક સમજાવી રહ્યો હતો અથવા ઠપકો આપી રહ્યો હતો. શશાંક સિંહ પણ પોતાની વાત રજૂ કરી રહ્યો હતો પરંતુ કેપ્ટનનો ગુસ્સો શાંત થવાનું નામ નહોતો લેતો. આ ઘટનાનો વીડિયો સોશિયલ મીડિયા પર વાયરલ થતાં ચાહકો પણ આશ્ચર્યમાં મુકાયા હતા.

શું હતું વિવાદનું કારણ? ફિલ્ડિંગની ખામી કે બીજું કંઈ?

જોકે આ બોલાચાલી પાછળનું સત્તાવાર કારણ જાહેર કરાયું નથી પણ નિષ્ણાતોનું માનવું છે કે, આ વિવાદ શશાંક સિંહની નબળી ફિલ્ડિંગને લઈને હતો. દિલ્હીની બેટિંગ દરમિયાન શશાંકે કેએલ રાહુલનો અત્યંત સરળ કેચ છોડ્યો હતો, જેના કારણે રાહુલે 152 રન બનાવી લીધા હતા. આ સિઝનમાં શશાંકનું પ્રદર્શન મિશ્ર રહ્યું છે તેને 7 મેચમાં 70 રન બનાવ્યા છે અને 3 વિકેટ લીધી છે પરંતુ મહત્વની ક્ષણે કેચ છોડવો કેપ્ટનને ગમ્યું ન હોય તેમ લાગે છે.

પોઈન્ટ ટેબલ પર પંજાબનું વર્ચસ્વ

આ ઐતિહાસિક જીત બાદ પંજાબ કિંગ્સ IPL 2026 ના પોઈન્ટ ટેબલમાં ટોચના સ્થાને મજબૂત રીતે આગળ વધી રહ્યું છે. ટીમ અત્યાર સુધી આ સિઝનમાં અજેય રહી છે. બીજી તરફ દિલ્હી કેપિટલ્સ આ હાર બાદ 7 મેચમાં 3 જીત સાથે છઠ્ઠા ક્રમે ધકેલાઈ ગયું છે. હવે પંજાબનો આગામી મુકાબલો 28 એપ્રિલે રાજસ્થાન રોયલ્સ સામે થશે જ્યારે દિલ્હી 27 એપ્રિલે RCB સામે ટકરાશે.

IPL 2026ની એક યાદગાર મેચમાં માત્ર 15 વર્ષના વૈભવ સૂર્યવંશીએ ધમાકેદાર સદી ફટકારીને સૌનું ધ્યાન ખેંચ્યું, પરંતુ ટીમને જીત અપાવવામાં નિષ્ફળ રહ્યા. હૈદરાબાદના બેટ્સમેનોએ આક્રમક રનચેઝ કરીને રાજસ્થાન રોયલ્સના મોટા સ્કોરને પણ પાર કરી નાખ્યો, જે મેચને એક રોમાંચક ટક્કર બનાવી ગઈ.

સવાઈ માનસિંહ સ્ટેડિયમમાં રનવર્ષા

જયપુરના સવાઈ માનસિંહ સ્ટેડિયમમાં રમાયેલી IPL 2026ની 36મી મેચમાં રનનો વરસાદ જોવા મળ્યો. રાજસ્થાન રોયલ્સે પ્રથમ બેટિંગ કરતા 20 ઓવરમાં 6 વિકેટે 228 રનનો વિશાળ સ્કોર ઉભો કર્યો હતો.

ટીમ માટે સૌથી મોટી હાઇલાઇટ રહી યુવા ખેલાડી વૈભવ સૂર્યવંશીની ઇનિંગ, જેણે માત્ર 37 બોલમાં 103 રનની ધમાકેદાર સદી ફટકારી. તેણે માત્ર 36 બોલમાં જ પોતાની સદી પૂર્ણ કરી, જેમાં 12 છગ્ગા અને 5 ચોગ્ગાનો સમાવેશ થાય છે.

સૂર્યવંશીની ઐતિહાસિક ઇનિંગ

15 વર્ષની ઉંમરે આવી ઇનિંગ રમવી એ પોતે જ એક મોટી સિદ્ધિ છે. વૈભવ સૂર્યવંશીની આ સદી IPL ઈતિહાસમાં સૌથી યુવા ખેલાડીઓમાંની એક ગણાશે. તેમણે બોલરો પર સંપૂર્ણ દબદબો જમાવ્યો અને મેદાનના દરેક ખૂણે શોટ્સ ફટકાર્યા. તેમની બેટિંગમાં આત્મવિશ્વાસ, ટાઈમિંગ અને પાવર એકસાથે જોવા મળ્યું. સાથે જ ધ્રુવ જુરેલે 51 રનની મહત્વપૂર્ણ ઇનિંગ રમી, જ્યારે ડોનોવન ફેરેરાએ ઝડપી 33 રન બનાવીને ટીમને મજબૂત સ્કોર સુધી પહોંચાડવામાં મદદ કરી.

હૈદરાબાદનો તોફાની રનચેઝ

229 રનના કઠિન લક્ષ્યનો પીછો કરતા સનરાઈઝર્સ હૈદરાબાદે શાનદાર પ્રદર્શન કર્યું. ટીમે માત્ર 18.3 ઓવરમાં 5 વિકેટ ગુમાવીને ટાર્ગેટ હાંસલ કરી લીધો. હૈદરાબાદ માટે ઈશાન કિશને 31 બોલમાં 74 રનની તોફાની ઇનિંગ રમી. તેમની આક્રમક શરૂઆતથી ટીમને મજબૂત પાયો મળ્યો. અભિષેક શર્માએ પણ 57 રનની મહત્વપૂર્ણ ઇનિંગ રમીને રનચેઝને સરળ બનાવ્યો. અંતમાં સલીલ અરોરાએ છગ્ગો ફટકારીને મેચ પૂર્ણ કરી.

બોલિંગ અને ફિલ્ડિંગમાં રાજસ્થાન નબળું પડ્યું

રાજસ્થાન માટે જોફ્રા આર્ચરે 2 વિકેટ લીધી, પરંતુ અન્ય બોલરો અસરકારક સાબિત થયા નહીં. સૌથી મોટી સમસ્યા રહી ફિલ્ડિંગમાં થયેલી ભૂલો. મેચ દરમિયાન ઘણા સરળ કેચ છોડવામાં આવ્યા, જેના કારણે હૈદરાબાદના બેટ્સમેનોએ તેનો પૂરો લાભ લીધો. કેપ્ટન રિયાન પરાગે પણ મેચ બાદ સ્વીકાર્યું કે આ ભૂલો ટીમને ભારે પડી.

હૈદરાબાદની સતત ચોથી જીત

આ જીત સાથે સનરાઈઝર્સ હૈદરાબાદે સતત ચોથી જીત નોંધાવી છે, જે ટીમના આત્મવિશ્વાસ માટે મહત્વપૂર્ણ છે. ટીમના બેટિંગ ઓર્ડરે સતત સારો દેખાવ કર્યો છે, જે તેમને પ્લેઓફની દિશામાં મજબૂત બનાવે છે.

Doug Bracewell: ન્યૂઝીલેન્ડના પૂર્વ ઓલરાઉન્ડર ડગ બ્રેસવેલને કોકેઈનનું સેવન કરવાના અપરાધમાં બે વર્ષ માટે સસ્પેન્ડ કરવામાં આવ્યા છે. સપ્ટેમ્બર 2025માં કાઉન્ટી ચેમ્પિયનશિપ મેચ દરમિયાન કોકેઈનનો ઉપયોગ કરવા બદલ પોઝિટિવ આવ્યા બાદ તેમના પર આ પ્રતિબંધ મૂકવામાં આવ્યો છે. નોંધનીય છે કે તેઓ પહેલાથી જ ઇન્ટરનેશનલ ક્રિકેટમાંથી નિવૃત્તિ લઈ ચૂક્યા હતા. ડગ બ્રેસવેલે ચેમ્સફોર્ડમાં સમરસેટ કાઉન્ટી ક્રિકેટ ક્લબ સામે એસેક્સ કાઉન્ટી ક્રિકેટ ક્લબ તરફથી રમતી વખતે કોકેઈનનું સેવન કર્યું હોવાની કબૂલાત કરી હતી.

કોકેઈન લેતા ઝડપાયો આ દિગ્ગજ ક્રિકેટર

ડગ બ્રેસવેલે જણાવ્યું હતું કે, પ્રથમ દિવસની રમત પૂરી થયા બાદ અને બીજા દિવસની રમત શરૂ થાય તે પહેલા તેમણે કોકેઈનનો ઉપયોગ કર્યો હતો. પ્રથમ દિવસે તેમણે બે વિકેટ ઝડપી હતી. 25 સપ્ટેમ્બરે લેવામાં આવેલા તેમના સેમ્પલનું પરિણામ પોઝિટિવ આવ્યું હતું અને આગામી મહિને તેમને આ અંગે જાણ કરવામાં આવી હતી. ડિસેમ્બરના અંત સુધીમાં, 35 વર્ષીય આ ખેલાડીએ પોતાની નિવૃત્તિની જાહેરાત કરી દીધી હતી. આમ છતાં, ડગ બ્રેસવેલ પર શિસ્તભંગની કાર્યવાહી આગળ વધારવામાં આવી અને 24 નવેમ્બર 2025 થી શરૂ કરીને 23 નવેમ્બર 2027 સુધી ચાલનારો બે વર્ષનો પ્રતિબંધ લાદવામાં આવ્યો છે. બ્રેસવેલે આ સજાનો સ્વીકાર કરી લીધો છે.

વિવાદો સાથે જૂનો નાતો

ડગ બ્રેસવેલ માટે આ પહેલો ગુનો નથી. વર્ષ 2024માં, ન્યૂઝીલેન્ડની ઘરેલું T20 ટુર્નામેન્ટ દરમિયાન આ જ પ્રકારના ઉલ્લંઘન બદલ તેમને એક મહિનાનું સસ્પેન્શન ભોગવવું પડ્યું હતું. બ્રેસવેલે 2025ની સીઝનની છેલ્લી ત્રણ મેચો માટે જ એસેક્સ સાથે કરાર કર્યો હતો. 2011 થી 2023 સુધીના તેમના આંતરરાષ્ટ્રીય કરિયરમાં, ડગ બ્રેસવેલે ન્યૂઝીલેન્ડ માટે 28 ટેસ્ટ, 21 વનડે અને 20 T20I મેચ રમી હતી, જેમાં તેમણે 100થી વધુ વિકેટ લીધી હતી અને અંદાજે 1,000 રન બનાવ્યા હતા. તેઓ એક જાણીતા ક્રિકેટિંગ પરિવારમાંથી આવે છે. તેમના પિતા બ્રેન્ડન અને કાકા જોન ન્યૂઝીલેન્ડનું પ્રતિનિધિત્વ કરી ચૂક્યા છે, જ્યારે તેમના પિતરાઈ ભાઈ માઈકલ બ્રેસવેલ હજુ પણ આંતરરાષ્ટ્રીય ક્રિકેટમાં સક્રિય છે.

નિવૃત્તિ સમયે શું કહ્યું હતું?

નિવૃત્તિ સમયે બ્રેસવેલે પોતાના કરિયર વિશે વાત કરતા કહ્યું હતું કે, "આ મારા જીવનનો એક ગૌરવપૂર્ણ ભાગ રહ્યો છે અને કંઈક એવું છે જેની મેં એક યુવા ક્રિકેટર તરીકે ઈચ્છા રાખી હતી. ક્રિકેટ દ્વારા મળેલી તકો અને મારા દેશની સાથે સાથે ઘરેલું કરિયર દરમિયાન સેન્ટ્રલ ડિસ્ટ્રિક્ટ્સ માટે રમવાની તક માટે હું હંમેશા આભારી રહીશ. ફર્સ્ટ-ક્લાસ અને ઇન્ટરનેશનલ ક્રિકેટ રમવું એ એક લ્હાવો છે, અને હું આભારી છું કે મેં આટલા લાંબા સમય સુધી આ રમત રમી અને તેનો આનંદ માણ્યો."

IPL 2026માં મુંબઈ ઈન્ડિયન્સની હાલત અત્યારે કફોડી દેખાઈ રહી છે. ટીમ માટે પ્લેઓફની રાહ હવે ઘણી મુશ્કેલ બની ગઈ છે. જોકે, આ મુશ્કેલ સમયમાં MI માટે એક રાહતના સમાચાર સામે આવ્યા છે. ટીમના પૂર્વ કેપ્ટન અને સ્ટાર બેટ્સમેન રોહિત શર્મા ટૂંક સમયમાં મેદાન પર પરત ફરી શકે છે.

સંઘર્ષ કરી રહી છે મુંબઈ ઈન્ડિયન્સ

IPL 2026 માં મુંબઈ ઈન્ડિયન્સ અત્યાર સુધી લય પકડવામાં નિષ્ફળ રહી છે. ટીમે અત્યાર સુધી રમાયેલી 7 મેચોમાંથી માત્ર 2 માં જીત મેળવી છે. રોહિત શર્મા છેલ્લા ત્રણ મેચથી ટીમની બહાર છે. ઈજાના કારણે 'હિટમેન'ને આરામ આપવામાં આવ્યો હતો, પરંતુ હવે તેમની વાપસીને લઈને મોટા સમાચાર આવ્યા છે. મુંબઈની ડૂબતી નૈયાને બચાવવા માટે રોહિત આગામી મેચમાં મેદાનમાં ઉતરે તેવી પૂરેપૂરી શક્યતા છે.

આ પણ વાંચો: શાળાના ડોક્યુમેન્ટમાં ભૂલ સુધારવાની સોનેરી તક! : જાણો કેવી રીતે કરશો નામ, અટક અને જન્મ તારીખમાં સુધારો

રોહિત શર્માની વાપસી પર મોટું અપડેટ

ચાહકો લાંબા સમયથી રોહિતની વાપસીની રાહ જોઈ રહ્યા છે. મીડિયા રિપોર્ટ્સ (ક્રિકબઝ) અનુસાર, રોહિત શર્મા 29 એપ્રિલના રોજ સનરાઈઝર્સ હૈદરાબાદ (SRH) સામે રમાનારી મેચમાં વાપસી કરી શકે છે. આ મહત્વની મેચ મુંબઈના હોમ ગ્રાઉન્ડ વાનખેડે સ્ટેડિયમમાં રમાશે.

ક્યારે અને કેવી રીતે ઈજાગ્રસ્ત થયા હતા રોહિત?

રોહિત શર્માને 12 એપ્રિલના રોજ રોયલ ચેલેન્જર્સ બેંગલુરુ (RCB) સામેની મેચ દરમિયાન ઈજા થઈ હતી. બેટિંગ કરતી વખતે તેમને હેમસ્ટ્રિંગમાં ખેંચાણ અનુભવાયું હતું, જેના કારણે તેઓ રિટાયર્ડ હર્ટ થઈને મેદાનની બહાર ગયા હતા. ત્યારબાદ તેમને થોડી મેચો માટે આરામ કરવાની સલાહ આપવામાં આવી હતી..

આ પણ વાંચો: સુરતમાં સગીરાની છેડતી બાદ ટોળું બેકાબૂ : વેનમાંથી વિધર્મી આરોપીને બહાર કાઢ્યો, પોલીસની હાજરીમાં જ કરી ધોલાઈ

વાપસી માટે કરી રહ્યા છે સખત મહેનત

રિપોર્ટ્સ મુજબ, રોહિત શર્મા હાલમાં મુંબઈ ઈન્ડિયન્સના ટ્રેનર્સ અને કોચની દેખરેખ હેઠળ પોતાની ફિટનેસ પર કામ કરી રહ્યા છે. ટીમ મેનેજમેન્ટને સંકેત મળ્યા છે કે રોહિત હવે મેદાનમાં ઉતરવા માટે લગભગ ફિટ છે.

IPL 2026 માં રોહિતનું અત્યાર સુધીનું પ્રદર્શન

રોહિત શર્માએ આ સીઝનની શરૂઆત શાનદાર અડધી સદી સાથે કરી હતી. એક સમયે ઓરેન્જ કેપ પણ તેમની પાસે હતી. આ સીઝનમાં રમાયેલી 4 મેચમાં તેમણે 137 રન બનાવ્યા છે.

આ પણ વાંચો: નળસરોવર પાસે ગમખ્વાર અકસ્માત : અજાણ્યા પીકઅપ ડાલાની ટક્કરે બાઈક સવાર એક જ પરિવારના 3 સભ્યોના મોત, 2 ઘાયલ

MI માટે પ્લેઓફનું સમીકરણ

મુંબઈ ઈન્ડિયન્સ માટે હવે દરેક મેચ 'કરો અથવા મરો' જેવી છે. કુલ મેચ 7 રમાઈસ, જીત 2, બાકી મેચ 7 અને ક્વોલિફાય થવા માટે બાકી રહેલી 7 મેચમાંથી ઓછામાં ઓછી 6 મેચ જીતવી અનિવાર્ય છે. મુંબઈના ફેન્સ આશા રાખી રહ્યા છે કે રોહિતની વાપસી સાથે ટીમ ફરી એકવાર જીતના ટ્રેક પર પરત ફરશે.

IPL 2026ની એક હાઈ-સ્કોરિંગ મેચમાં રોયલ ચેલેન્જર્સ બેંગલુરુએ શાનદાર ચેઝ કરીને ગુજરાત ટાઇટન્સને 5 વિકેટે હરાવી દીધું. 206 રનના ટાર્ગેટ સામે વિરાટ કોહલી અને દેવદત્ત પડિકલની જબરદસ્ત બેટિંગે મેચનો રંગ બદલી નાખ્યો.

IPL 2026ની 34મી મેચમાં ક્રિકેટપ્રેમીઓને રોમાંચથી ભરપૂર મુકાબલો જોવા મળ્યો, જ્યાં રોયલ ચેલેન્જર્સ બેંગલુરુએ ગુજરાત ટાઇટન્સ સામે શાનદાર જીત મેળવી. બેંગલુરુએ 206 રનનો મોટો લક્ષ્યાંક 18.5 ઓવરમાં 5 વિકેટ ગુમાવીને હાંસલ કરી લીધો, જે આ સીઝનની સૌથી અસરકારક ચેઝમાંથી એક ગણાય છે. મેચનું આયોજન બેંગલુરુના એમ. ચિન્નાસ્વામી સ્ટેડિયમમાં થયું હતું, જ્યાં બેટ્સમેનો માટે અનુકૂળ પિચ પર બંને ટીમોએ આક્રમક રમત દેખાડી.

કોહલી અને પડિકલની જોડી બની જીતનો આધાર

બેંગલુરુની જીતમાં સૌથી મોટો ફાળો વિરાટ કોહલીનો રહ્યો, જેમણે 30 બોલમાં પોતાની 66મી IPL ફિફ્ટી પૂર્ણ કરી. તેમણે કુલ 81 રનની મહત્વપૂર્ણ ઇનિંગ રમી, જેમાં ક્લાસિક કવર ડ્રાઇવ અને સ્ટ્રેટ શોટ્સથી મેદાન ગૂંજી ઉઠ્યું. તેની સાથે દેવદત્ત પડિકલએ પણ તોફાની અંદાજમાં બેટિંગ કરી. તેમણે માત્ર 20 બોલમાં પોતાની ફિફ્ટી પૂર્ણ કરી અને 55 રન બનાવી ટીમને જીતની નજીક લઈ ગયા. આ બંને બેટ્સમેનોએ મધ્ય ઓવરોમાં રન રેટને કાબૂમાં રાખીને ચેઝને સરળ બનાવ્યો.

આ પણ વાંચો : IPL 2026 પ્લેઓફ રેસ ગરમાઈ | એક હાર અને આ ટીમ સૌથી પહેલા થશે પ્લેઓફની રેસમાંથી બહાર! | Offbeat Stories

ગુજરાતનો મજબૂત સ્કોર, સુદર્શનની શાનદાર સદી

ટોસ જીતીને પહેલા બોલિંગ કરનાર બેંગલુરુ સામે ગુજરાત ટાઇટન્સે મજબૂત પ્રદર્શન કર્યું. ઓપનર સાઈ સુદર્શને 58 બોલમાં શાનદાર 100 રનની ઇનિંગ રમી અને ટીમને 206 રન સુધી પહોંચાડવામાં મહત્વપૂર્ણ ભૂમિકા ભજવી. આ IPLમાં તેમની ત્રીજી સદી હતી, જે તેમના સતત સારા ફોર્મને દર્શાવે છે. તેમના સિવાય મધ્યક્રમમાં પણ થોડા મહત્વપૂર્ણ યોગદાન મળ્યા, પરંતુ બોલિંગમાં ગુજરાત ટીમ દબાણ બનાવી શકી નહોતી.

કોહલીના નામે વધુ બે રેકોર્ડ

આ મેચ વિરાટ કોહલી માટે ખાસ બની રહી. તેમણે IPLમાં 800 ચોગ્ગા ફટકારનાર પ્રથમ બેટર બનવાનો અનોખો રેકોર્ડ બનાવ્યો. સાથે જ, તેઓ IPLમાં 300 સિક્સ ફટકારનાર ત્રીજા બેટર બન્યા છે.

આ પહેલાં આ સિદ્ધિ Rohit Sharma અને Chris Gayle મેળવી ચૂક્યા છે. કોહલીની આ સિદ્ધિઓ તેમને લીગના સૌથી સફળ બેટ્સમેનોમાં એક તરીકે મજબૂત બનાવે છે.

ચેઝ દરમિયાન બેંગલુરુનો કંટ્રોલ

206 રનનો ટાર્ગેટ સામાન્ય રીતે દબાણ ઊભું કરે છે, પરંતુ બેંગલુરુએ શાંતિપૂર્વક અને વ્યૂહાત્મક રીતે ચેઝ કર્યું. શરૂઆતથી જ આક્રમક બેટિંગ કરીને તેમણે પાવરપ્લેમાં મજબૂત પાયો નાખ્યો. મધ્ય ઓવરોમાં કોહલી અને પડિકલની ભાગીદારી નિર્ણાયક સાબિત થઈ. અંતિમ ઓવરોમાં જરૂરી રન રેટ કાબૂમાં રાખીને ટીમે સરળતાથી જીત મેળવી લીધી.

આ પણ વાંચો : IPL માં બની ચોંકાવનારી ઘટના! | એક ટીમના 13 ખેલાડીઓ ઉતર્યા મેદાનમાં! | Offbeat Stories

બોલિંગમાં ગુજરાતની નિષ્ફળતા

ગુજરાત ટાઇટન્સે ભલે મોટો સ્કોર ઉભો કર્યો હોય, પરંતુ બોલિંગમાં તેઓ અસરકારક રહી શક્યા નહોતા. ખાસ કરીને ડેથ ઓવરોમાં રન રોકવામાં નિષ્ફળતા તેમની હારનું મુખ્ય કારણ બની.

IPL 2026 : IPL 2026 ની સિઝન હવે તેના નિર્ણાયક તબક્કા તરફ આગળ વધી રહી છે. લીગ મેચોનો અડધો સફર પૂર્ણ થતાંની સાથે જ પ્લેઓફની રેસમાં રોમાંચક વળાંક આવ્યો છે. કેટલીક ટીમો મજબૂત સ્થિતિમાં છે, તો કેટલીક ટીમો માટે હવે દરેક મેચ ફાઇનલ જેવી બની ગઈ છે. ખાસ કરીને કોલકાતા નાઈટ રાઈડર્સ (KKR) માટે હવે પ્લેઓફનો રસ્તો અત્યંત કઠિન દેખાઈ રહ્યો છે.

KKR માટે કરો કે મરોની સ્થિતિ

કોલકાતા નાઈટ રાઈડર્સ હાલ પોઈન્ટ્સ ટેબલમાં સૌથી નીચે એટલે કે, તળિયે છે. અત્યાર સુધી રમાયેલી 7 મેચોમાં ટીમ માત્ર એક જ જીત મેળવી શકી છે, જ્યારે એક મેચ રદ થવાથી તેમને એક પોઈન્ટ મળ્યો હતો. ટીમનો નેટ રનરેટ (-0.879) ખૂબ જ નબળો છે. ઇતિહાસ ગવાહ છે કે, પ્લેઓફ માટે ઓછામાં ઓછા 16-18 પોઈન્ટ્સ જરૂરી હોય છે. આથી, હવે એક પણ હાર KKR ને સત્તાવાર રીતે પ્લેઓફની રેસમાંથી બહાર કરી શકે છે. બાકીની મેચોમાં તેમને માત્ર જીતવું જ નહીં, પણ મોટા અંતરથી જીતવું પડશે.

CSK નું ધમાકેદાર કમબેક

એક સમયે પોઈન્ટ્સ ટેબલમાં તળિયે રહેલી મહેન્દ્રસિંહ ધોનીની ચેન્નાઈ સુપર કિંગ્સે શાનદાર કમબેક કર્યું છે. પોતાની છેલ્લી 4 માંથી 3 મેચ જીતીને CSK એ પોતાની સ્થિતિ મજબૂત કરી છે. હાલમાં મુંબઈ ઈન્ડિયન્સ સામેની મેચમાં, CSK ના બેટ્સમેનોએ 208 રનનો સ્કોર ખડક્યો હતો, અને જવાબમાં તેમના બોલરોએ મુંબઈને માત્ર 104 રનમાં ઓલઆઉટ કરી દીધું હતું. આ 103 રનની જીતે CSK ને 6 પોઈન્ટ્સ સાથે પાંચમા સ્થાને પહોંચાડી દીધી છે, જે તેમનામાં નવો આત્મવિશ્વાસ ભરી રહી છે.

મુંબઈ અને લખનઉ માટે સંકટ

મુંબઈ ઈન્ડિયન્સ અને લખનઉ સુપર જાયન્ટ્સની હાલત પણ કોલકાતા જેવી જ ચિંતાજનક છે. બંને ટીમોએ 7 મેચ રમી છે અને માત્ર 2-2 જીત મેળવી છે. પ્લેઓફની રેસમાં ટકી રહેવા માટે આ ટીમોએ હવે સતત સારા પરફોર્મન્સની જરૂર છે. જો તેઓ આગામી મેચોમાં ભૂલોનું પુનરાવર્તન કરશે, તો તેમની પ્લેઓફની આશા પર પાણી ફરી વળશે. આ બંને ટીમો માટે દરેક મેચ હવે એક અગ્નિપરીક્ષા સમાન છે.

ટોપ-4 ટીમોનું વર્ચસ્વ

અત્યાર સુધીની લીગમાં પંજાબ કિંગ્સ સૌથી મજબૂત ટીમ સાબિત થઈ છે. PBKS એ 6 મેચમાં 5 જીત સાથે 11 પોઈન્ટ્સ મેળવીને પ્રથમ સ્થાન જાળવી રાખ્યું છે. રાજસ્થાન રોયલ્સ પણ 7 માંથી 5 જીત સાથે 10 પોઈન્ટ્સ મેળવીને બીજા સ્થાને મક્કમ છે. જ્યારે વિરાટ કોહલીની રોયલ ચેલેન્જર્સ બેંગ્લુરુ અને સનરાઈઝર્સ હૈદરાબાદ બંને 8-8 પોઈન્ટ્સ સાથે ત્રીજા અને ચોથા સ્થાને છે. આ ટીમોનું ક્વોલિફાય થવું લગભગ નિશ્ચિત માનવામાં આવે છે.

ગુજરાત અને દિલ્હી પાસે છે વધુ તકો

ગુજરાત અને દિલ્હીની ટીમો હાલ ટેબલમાં છઠ્ઠા અને સાતમા સ્થાને છે, પરંતુ તેમના ચાહકોએ નિરાશ થવાની જરૂર નથી. આ બંને ટીમોએ હજુ લીગ રાઉન્ડની 8 મેચ રમવાની બાકી છે. વધુ મેચો બાકી હોવાથી તેમને ટેબલની ઉપરની ટીમો સાથે સ્પર્ધા કરવાની અને વધુ પોઈન્ટ્સ એકત્રિત કરીને ટોપ-4 માં સ્થાન મેળવવાની વધુ તકો મળી છે. જો તેઓ આ બાકી રહેલી મેચોમાં સાતત્યપૂર્ણ પ્રદર્શન કરશે, તો પ્લેઓફનું તેમનું સપનું જરૂર પૂરું થઈ શકે છે.

IPL 2026 : IPL 2026 ની સૌથી ચર્ચિત મેચોમાંની એક મુંબઈ ઇન્ડિયન્સ અને ચેન્નઈ સુપર કિંગ્સ વચ્ચે વાનખેડે સ્ટેડિયમમાં રમાઈ હતી. આ મેચમાં ચેન્નઈ સુપર કિંગ્સે શાનદાર પ્રદર્શન કરતાં મુંબઈને તેના જ ઘરેલુ મેદાન પર મોટા અંતરથી હરાવ્યું છે. જોકે, આ મેચ માત્ર હાર-જીત માટે જ નહીં, પરંતુ એક એવી ઘટના માટે યાદ રાખવામાં આવશે જે IPL ના ઈતિહાસમાં ભાગ્યે જ જોવા મળે છે. મુંબઈની ટીમમાં નિયમ મુજબ 11 ખેલાડીઓ હોવા જોઈએ, પરંતુ આ મેચમાં 13 ખેલાડીઓ એક્શનમાં જોવા મળ્યા હતા.

મેદાનમાં 13 ખેલાડીઓનો અજીબ કિસ્સો

ગુરુવારે રમાયેલી IPL ની 33 મી મેચમાં ફેન્સ ત્યારે આશ્ચર્યચકિત થઈ ગયા જ્યારે શાર્દુલ ઠાકુર બેટિંગ કરવા મેદાનમાં ઉતર્યા. નવાઈની વાત એ હતી કે, શાર્દુલ ઠાકુર ન તો મુંબઈની શરૂઆતની 'પ્લેઈંગ ઈલેવન' નો ભાગ હતા, ન તો તેમને 'ઈમ્પેક્ટ પ્લેયર' તરીકે મેદાનમાં બોલાવવામાં આવ્યા હતા. મુંબઈએ અગાઉ જ અલ્લાહ ગઝનફરના સ્થાને દાનિશ માલેવરનો ઈમ્પેક્ટ સબ તરીકે ઉપયોગ કરી લીધો હતો. આમ છતાં શાર્દુલ ઠાકુર 13 મા ખેલાડી તરીકે મેદાનમાં આવતા નિયમોને લઈને ચર્ચાઓ શરૂ થઈ હતી.

શાર્દુલ ઠાકુરની એન્ટ્રી પાછળનું ટેકનિકલ કારણ

શાર્દુલ ઠાકુરના મેદાનમાં પ્રવેશવા પાછળનું મુખ્ય કારણ 'કન્કશન સબસ્ટિટ્યુટ' (Concussion Substitute) નિયમ હતો. મેચની પહેલી ઇનિંગમાં મિશેલ સેન્ટનર એક મુશ્કેલ કેચ પકડવાનો પ્રયાસ કરી રહ્યો હતો ત્યારે તેને ખભા અને માથાના ભાગે ઈજા થઈ હતી. સેન્ટનરે તે પહેલા 4 ઓવરમાં 44 રન આપી 1 વિકેટ લીધી હતી. પરંતુ ઈજા ગંભીર હોવાથી મેચ રેફરીની પરવાનગી સાથે શાર્દુલ ઠાકુરને તેમની જગ્યાએ સામેલ કરવામાં આવ્યો હતો. જોકે, શાર્દુલ બેટિંગમાં ખાસ કમાલ કરી શક્યો નહીં અને 12 બોલમાં માત્ર 6 રન બનાવી આઉટ થયો હતો.

સંજુ સેમસનનો સેન્ચુરી સાથે ધમાકો

મેચની શરૂઆત ચેન્નઈ સુપર કિંગ્સના બેટ્સમેનોના દબદબા સાથે થઈ હતી. ખાસ કરીને સંજુ સેમસને વાનખેડેના મેદાન પર ચોગ્ગા અને છગ્ગાની રમઝટ બોલાવી હતી. સંજુએ માત્ર 54 બોલનો સામનો કરતાં 101 રનની નોટઆઉટ ઇનિંગ રમી હતી. આ તેની IPL કારકિર્દીની 5 મી અને આ સિઝનની બીજી સેન્ચુરી હતી. સંજુની આ વિસ્ફોટક બેટિંગના સહારે ચેન્નઈએ નિર્ધારિત 20 ઓવરમાં 207 રનનો વિશાળ સ્કોર ઊભો કર્યો હતો, જે મુંબઈ માટે મુશ્કેલ લક્ષ્યાંક સાબિત થયો.

મુંબઈની બેટિંગ લાઇનઅપ પત્તાની જેમ વિખેરાઈ

208 રનના વિશાળ લક્ષ્યાંકનો પીછો કરવા ઉતરેલી મુંબઈ ઈન્ડિયન્સની શરૂઆત અત્યંત ખરાબ રહી હતી. નૂર અહેમદે તરખાટ મચાવતા હાર્દિક પંડ્યા અને શેરફેન રૂધરફોર્ડને સતત બે બોલ પર આઉટ કરીને મુંબઈની કમર તોડી નાખી હતી. તિલક વર્મા અને સૂર્યકુમાર યાદવ સિવાયનો કોઈ પણ બેટ્સમેન બે આંકડાના સ્કોર સુધી પણ પહોંચી શક્યો નહોતો. આખી ટીમ 19 ઓવરમાં માત્ર 104 રન બનાવીને ઓલઆઉટ થઈ ગઈ હતી. પરિણામે, ચેન્નઈ સુપર કિંગ્સે 103 રનના રેકોર્ડ બ્રેક માર્જિનથી જીત મેળવી પોઈન્ટ ટેબલમાં લાંબી છલાંગ લગાવી છે.

RCB vs GT : IPL 2026 ની રોમાંચક સિઝન હવે તેના અડધા પડાવ પર પહોંચી ગઈ છે. આજે શુક્રવારે રમાનારી સિઝનની 34 મી મેચમાં બે દિગ્ગજ ટીમો, રોયલ ચેલેન્જર્સ બેંગલુરુ અને ગુજરાત ટાઇટન્સ આમને-સામને ટકરાશે. આ હાઇ-વોલ્ટેજ મુકાબલો બેંગલુરુના પ્રસિદ્ધ એમ. ચિન્નાસ્વામી સ્ટેડિયમમાં સાંજે 7:30 વાગ્યાથી શરૂ થશે. પોઇન્ટ્સ ટેબલમાં પોતાનું સ્થાન મજબૂત કરવા માટે બંને ટીમો માટે આ મેચ જીતવી ખૂબ જ અનિવાર્ય છે. ખાસ કરીને રજત પાટીદાર અને શુભમન ગિલની કેપ્ટનશીપની કસોટી આજે આ મેદાન પર જોવા મળશે.

કેપ્ટન અને પોઇન્ટ્સ ટેબલની સ્થિતિ

RCB ની કમાન આ વખતે રજત પાટીદારના હાથમાં છે, જેને પોતાની બેટિંગ અને નેતૃત્વથી સૌને પ્રભાવિત કર્યા છે. પાટીદાર અત્યારે શાનદાર ફોર્મમાં છે અને સિઝનમાં સૌથી વધુ સિક્સર મારનારા ખેલાડીઓની લિસ્ટમાં બીજા સ્થાને છે. RCB અત્યાર સુધી 6 મેચ રમી છે, જેમાં 4 જીત અને 2 હાર સાથે 8 પોઇન્ટ્સ મેળવીને ટેબલમાં ત્રીજા સ્થાને છે. બીજી તરફ, ગુજરાત ટાઇટન્સની ટીમ શુભમન ગિલના નેતૃત્વમાં મિશ્ર પ્રદર્શન કરી રહી છે. GT એ 6 માંથી 3 મેચ જીતી છે અને 6 પોઇન્ટ્સ સાથે તેઓ ટેબલમાં સાતમા સ્થાને છે.

હેડ-ટુ-હેડ રેકોર્ડમાં કાંટાની ટક્કર

IPL ઇતિહાસની વાત કરીએ તો, ગુજરાત અને બેંગલુરુ વચ્ચે હંમેશા રસાકસીનો જંગ રહ્યો છે. અત્યાર સુધી બંને ટીમો કુલ 6 વખત ટકરાઈ છે, અને આશ્ચર્યજનક રીતે બંને ટીમોએ 3-3 મેચ જીતીને બરાબરી જાળવી રાખી છે. એટલે કે, આજે જે ટીમ જીતશે તે હેડ-ટુ-હેડ આંકડામાં સરસાઈ મેળવશે. ચિન્નાસ્વામીમાં આ બંને ટીમો જ્યારે પણ સામસામે આવી છે ત્યારે પ્રેક્ષકોને ચોગ્ગા-છગ્ગાની રમઝટ જોવા મળી છે.RCB માટે કોહલી અને ભુવી મહત્વના

બેંગલુરુના ફેન્સ માટે સૌથી મોટી ખુશીની વાત વિરાટ કોહલીનું ફોર્મ છે. કોહલીએ 6 મેચમાં 247 રન બનાવીને ઓરેન્જ કેપની રેસમાં પોતાની દાવેદારી મજબૂત કરી છે. તે 157 થી વધુના સ્ટ્રાઇક રેટથી રન બનાવી રહ્યો છે, જે ટીમને મજબૂત પાયો આપે છે. બોલિંગમાં અનુભવી ભુવનેશ્વર કુમારે મોરચો સંભાળ્યો છે. તેને અત્યાર સુધી 10 વિકેટ ઝડપી છે અને પાવરપ્લેમાં તે ગુજરાતના ઓપનરો માટે મોટો પડકાર સાબિત થઈ શકે છે.

ગુજરાતની તાકાત ગિલ અને પ્રસિદ્ધ

ગુજરાત ટાઇટન્સ માટે કેપ્ટન શુભમન ગિલ બેટિંગમાં પિલર સાબિત થઈ રહ્યો છે. તેને 5 મેચમાં 265 રન ફટકાર્યા છે, જેમાં ત્રણ અડધી સદી સામેલ છે. ગિલની બેટિંગ સ્ટાઇલ ચિન્નાસ્વામીની નાની બાઉન્ડ્રી પર વિરોધી ટીમના બોલરોને મુશ્કેલીમાં મૂકી શકે છે. બોલિંગ વિભાગમાં પ્રસિદ્ધ ક્રિષ્નાએ અત્યાર સુધી કમાલ કરી છે અને 12 વિકેટ સાથે પર્પલ કેપની રેસમાં છે. જોકે, તેની ઇકોનોમી થોડી ચિંતાનો વિષય છે, પરંતુ વિકેટ ટેકિંગ ક્ષમતા તેને ઘાતક બનાવે છે.

આ પણ ખાસ વાંચો : શું 'કેપ્ટન કૂલ' IPL માં એક પણ મેચ નહીં રમે? : કોચ માઈકલ હસીએ તોડી ચુપ્પી!

પિચ અને મેદાનના રસપ્રદ આંકડા

એમ. ચિન્નાસ્વામી સ્ટેડિયમની પિચ હંમેશા બેટર્સ માટે સ્વર્ગ ગણાય છે. અહીં રન બનાવવા ખૂબ જ સરળ છે કારણ કે, બાઉન્ડ્રી નાની છે અને આઉટફિલ્ડ વીજળી જેવી ફાસ્ટ છે. આ મેદાન પર અત્યાર સુધી 106 IPL મેચ રમાઈ છે, જેમાંથી બીજી ઇનિંગમાં બેટિંગ કરનારી ટીમ વધુ વખત (54%) જીતી છે. આંકડા મુજબ અહીંનો એવરેજ ફર્સ્ટ ઇનિંગ સ્કોર 170 રન છે, પરંતુ આજના યુગમાં અહીં 200 થી વધુ રન પણ સુરક્ષિત ગણાતા નથી.

આ પણ ખાસ વાંચો : લખનઉ સ્ટેડિયમમાં ફેન્સ વચ્ચે થઈ "બાકાજીકી" : મેચ કરતાં સ્ટેન્ડમાં ચપ્પલથી મારામારીનો વિવાદ ચર્ચામાં!

હવામાન અને ટોસનું મહત્વ

મેચ દરમિયાન બેંગલુરુનું વાતાવરણ ક્રિકેટ માટે સાનુકૂળ રહેશે. વરસાદની કોઈ સંભાવના નથી, પરંતુ રાત્રે ભેજ (Dew) નું પ્રમાણ વધવાની શક્યતા છે. જ્યારે મેદાન પર ઝાકળ પડે છે ત્યારે સ્પિનરો માટે બોલ ગ્રીપ કરવો મુશ્કેલ બને છે અને બેટર્સ માટે રન ચેઝ કરવા સરળ બની જાય છે. આથી, ટોસ જીતનારી ટીમ કોઈપણ ખચકાટ વગર પહેલા બોલિંગ કરવાનો નિર્ણય લેશે.

RCB vs GT ની સંભવિત પ્લેઇંગ-12

RCB : રજત પાટીદાર (કેપ્ટન), વિરાટ કોહલી, ફિલ સોલ્ટ, દેવદત્ત પડિકલ, ટીમ ડેવિડ, જિતેશ શર્મા (વિકેટકીપર), કૃણાલ પંડ્યા, રોમારિયો શેફર્ડ, ભુવનેશ્વર કુમાર, જોશ હેઝલવુડ, રાસિખ સલામ અને સુયશ શર્મા.

GT : શુભમન ગિલ (કેપ્ટન), સાઈ સુદર્શન, જોસ બટલર (વિકેટકીપર), ગ્લેન ફિલિપ્સ, શાહરૂખ ખાન, રાહુલ તેવતિયા, વોશિંગ્ટન સુંદર, રાશિદ ખાન, પ્રસિદ્ધ ક્રિષ્ના, મોહમ્મદ સિરાજ, કાગીસો રબાડા અને અશોક શર્મા.

IPL 2026 : ઈન્ડિયન પ્રીમિયર લીગ 2026 ની સિઝન અત્યારે તેના પૂરા જોશમાં ચાલી રહી છે, પરંતુ ચેન્નાઈ સુપર કિંગ્સના કરોડો ફેન્સના મનમાં એક જ સવાલ ચાલી રહ્યો છે કે, મહેન્દ્ર સિંહ ધોની મેદાન પર ક્યારે જોવા મળશે? મુંબઈના વાનખેડે સ્ટેડિયમમાં રમાયેલી હાઇ-વોલ્ટેજ મેચમાં જ્યારે ધોની પ્લેઈંગ ઈલેવનમાં ન દેખાયા, ત્યારે ફેન્સની ચિંતા વધી ગઈ હતી. જોકે, હવે ટીમના બેટિંગ કોચ માઈકલ હસીએ ધોનીની ઈજા અને ધોનીના કમબેક અંગે જે વિગતો આપી છે, તેનાથી ફેન્સને થોડી રાહત મળી છે.

વાનખેડેમાં ફેન્સને નસીબ ન થઈ માહીની ઝલક

ગુરુવારે મુંબઈ ઈન્ડિયન્સ અને ચેન્નાઈ સુપર કિંગ્સ વચ્ચે રમાયેલી મેચમાં એવી આશા રાખવામાં આવી હતી કે, ધોની મેદાનમાં ઉતરશે. જ્યારે ટોસ કરવા માટે ચેન્નાઈના કેપ્ટન ઋતુરાજ ગાયકવાડ આવ્યા, ત્યારે આખું સ્ટેડિયમ 'ધોની-ધોની' ના નાદથી ગુંજી ઉઠ્યું હતું. પરંતુ જેવી ગાયકવાડે પ્લેઈંગ-11 ની જાહેરાત કરી અને તેમાં ધોનીનું નામ નહોતું, ત્યારે સ્ટેડિયમમાં સન્નાટો છવાઈ ગયો હતો. ધોનીની ગેરહાજરીએ તેની ફિટનેસ અને આખી સિઝનમાં તેની ઉપલબ્ધતા વિશે અનેક તર્ક-વિતર્કો ઉભા કર્યા હતા.

બેટિંગ કોચ માઈકલ હસીની મહત્વની સ્પષ્ટતા

મેચ દરમિયાન જ્યારે બ્રોડકાસ્ટર્સ દ્વારા ધોનીની સ્થિતિ વિશે પૂછવામાં આવ્યું, ત્યારે CSK ના બેટિંગ કોચ માઈકલ હસીએ પરિસ્થિતિ સ્પષ્ટ કરી હતી. માઈકલ હસીએ જણાવ્યું કે, "ધોની હાલમાં નેટ્સમાં ખૂબ જ મહેનત કરી રહ્યો છે અને બેટિંગમાં તે સારા લયમાં દેખાય છે. પરંતુ, ક્રિકેટમાં માત્ર બેટિંગ જ નહીં, વિકેટો વચ્ચે ઝડપથી દોડવું પણ એટલું જ જરૂરી છે. ધોની અત્યારે 100 ટકા ફિટ નથી અને તેને દોડવામાં તકલીફ થઈ રહી છે. અમે કોઈ ઉતાવળ કરવા માંગતા નથી, કારણ કે, અમે ઈચ્છીએ છીએ કે, જ્યારે તે પાછો આવે ત્યારે પૂરી તાકાત સાથે આવે."

ઈજા પાછળનું અસલી કારણ અને રિકવરી

રિપોર્ટ્સ મુજબ, 44 વર્ષીય મહેન્દ્ર સિંહ ધોની અત્યારે 'કાફ મસલ' (પગની માંસપેશી) ની ઈજા સામે ઝઝૂમી રહ્યા છે. આ ઈજા તેમને IPL 2026 શરૂ થાય તે પહેલા પ્રી-સિઝન કેમ્પ દરમિયાન થઈ હતી. વધતી જતી ઉંમરને કારણે સ્નાયુઓની ઈજામાંથી બહાર આવવામાં થોડો વધુ સમય લાગે છે. ધોની અત્યારે ફિઝિયોથેરાપી અને હળવી પ્રેક્ટિસના તબક્કામાં છે, જેથી આગામી મેચો સુધીમાં તે ફિટ થઈ શકે.

કમબેકની સંભવિત તારીખ અને આગામી મેચો

CSK ના મેનેજમેન્ટ અને રિપોર્ટ્સના જણાવ્યા અનુસાર, ધોનીના કમબેક માટે હવે બહુ લાંબી રાહ જોવી નહીં પડે. એવી પ્રબળ શક્યતા છે કે, ધોની 26 એપ્રિલના રોજ ગુજરાત ટાઇટન્સ સામે રમાનારી મેચમાં ટીમનો ભાગ બની શકે છે. જો કોઈ કારણોસર તે મેચમાં વાપસી ન થાય, તો 2 મેના રોજ મુંબઈ ઈન્ડિયન્સ સામેની હોમ મેચમાં તે ચોક્કસપણે મેદાન પર પરત ફરી શકે છે. ચેન્નાઈના ચાહકો આ બે તારીખોની આતુરતાથી રાહ જોઈ રહ્યા છે.

IPL માં ધોનીનો પ્રભુત્વ અને CSK નો દબદબો

મહેન્દ્ર સિંહ ધોની માત્ર એક ખેલાડી નથી, પણ ચેન્નાઈ સુપર કિંગ્સની ઓળખ છે. તેમની કેપ્ટનશીપ હેઠળ ટીમે 5 વખત IPL ટ્રોફી જીતી છે. ધોનીએ અત્યાર સુધીની 278 મેચોમાં 39 થી વધુની એવરેજથી 5439 રન બનાવ્યા છે. આ દરમિયાન તેમનો સ્ટ્રાઇક રેટ પણ શાનદાર રહ્યો છે. ધોનીની ગેરહાજરીમાં પણ ચેન્નાઈએ મુંબઈને 103 રનથી હરાવીને ઇતિહાસ રચ્યો હતો, જે મુંબઈ ઈન્ડિયન્સની IPL ઇતિહાસની સૌથી મોટી હાર છે.

IPL 2026 : IPL 2026 ની સિઝન જેમ જેમ આગળ વધી રહી છે તેમ તેમ રોમાંચની સાથે વિવાદો પણ વધી રહ્યા છે. સામાન્ય રીતે સ્ટેડિયમમાં ફેન્સ પોતાની મનપસંદ ટીમને ચિયર કરવા આવતા હોય છે, પરંતુ લખનઉના ઈકાના સ્ટેડિયમમાં કઈક અલગ જ જોવા મળ્યું. અહીં રમતની મજા માણવા આવેલા બે ફેન્સ અચાનક દુશ્મન બની ગયા હતા અને તેમની વચ્ચે ભયંકર મારામારી થઈ હતી. આ શરમજનક ઘટનાનો વીડિયો સોશિયલ મીડિયા પર આગની જેમ ફેલાઈ રહ્યો છે અને લોકો આ વર્તનને લઈને અયોગ્ય ગણાવી રહ્યા છે.

ચપ્પલ અને લાતોથી થઈ ધોલાઈ

ગત બુધવારે 22 એપ્રિલ 2026 ના રોજ લખનઉ સુપર જાયન્ટ્સ અને રાજસ્થાન રોયલ્સ વચ્ચે રમાયેલી હાઇ-વોલ્ટેજ મેચ દરમિયાન આ વિવાદ થયો હતો. સ્ટેન્ડમાં બેઠેલા બે શખસો વચ્ચે કોઈ વાતને લઈને બોલાચાલી થઈ હતી જે જોતજોતામાં હિંસક બની ગઈ હતી. વાયરલ વીડિયોમાં જોઈ શકાય છે કે, એક શખસે બીજા વ્યક્તિને જોરથી ધક્કો મારીને નીચેની રો (લાઇન) માં પટકી દીધો હતો. નીચે પડ્યા બાદ તે યુવક તરત ઉપર આવ્યો અને વળતો હુમલો કર્યો હતો. આ ઝઘડો એટલો ઉગ્ર હતો કે, એક યુવકે પોતાના પગમાંથી ચપ્પલ કાઢીને બીજા પર વરસાવવાનું શરૂ કર્યું હતું. આસપાસ બેઠેલા અન્ય દર્શકો ડરના માર્યા દૂર ખસી ગયા હતા અને સિક્યુરિટી માટે બૂમો પાડવા લાગ્યા હતા.

મેદાનમાં રાજસ્થાનનો દબદબો

એક તરફ સ્ટેન્ડમાં મારામારી ચાલતી હતી, તો બીજી તરફ મેદાનમાં રાજસ્થાન રોયલ્સે પોતાનું વર્ચસ્વ જાળવી રાખ્યું હતું. રાજસ્થાનની ટીમે પ્રથમ બેટિંગ કરતાં નિર્ધારિત 20 ઓવરમાં 159 રનનો સન્માનજનક સ્કોર ઉભો કર્યો હતો. આ ઈનિંગમાં રવીન્દ્ર જાડેજાએ પરિપક્વતા બતાવી 43 રનની નોટઆઉટ ઇનિંગ રમી હતી, જેના કારણે ટીમ પડકારજનક સ્કોર સુધી પહોંચી શકી હતી. ઈકાનાની પિચ બોલરોને મદદ કરી રહી હોવાથી 160 રનનો લક્ષ્યાંક લખનઉ માટે મોટો પડકાર સાબિત થવાનો હતો.

લખનઉની બેટિંગ લાઇનઅપ ધરાશાયી

160 રનના ટાર્ગેટનો પીછો કરવા ઉતરેલી લખનઉ સુપર જાયન્ટ્સની શરૂઆત ખૂબ જ નબળી રહી હતી. ટીમના મધ્યમ ક્રમના ત્રણ મોટા સ્તંભો આયુષ બદોની, કેપ્ટન રિષભ પંત અને એડન માર્કરમ ખાતું ખોલાવ્યા વિના શૂન્ય રને પેવેલિયન ભેગા થઈ ગયા હતા. જોકે, મિશેલ માર્શે એક છેડો સાચવી રાખી 55 રનની લડાયક ઇનિંગ રમી હતી, પરંતુ સામે છેડેથી કોઈ સાથ ન મળતા આખી ટીમ માત્ર 119 રનમાં ઓલઆઉટ થઈ ગઈ હતી. આમ, રાજસ્થાન રોયલ્સે 40 રનથી શાનદાર જીત નોંધાવી હતી.

બોલિંગમાં આર્ચરનો કહેર

રાજસ્થાનની જીતમાં બોલરોનો ફાળો સૌથી વધુ રહ્યો હતો. જોફ્રા આર્ચરે પોતાની સ્પીડથી લખનૌના બેટ્સમેનોને હંફાવ્યા હતા અને 3 મહત્વની વિકેટ ઝડપી હતી. તેને સાથ આપતા બ્રિજેશ શર્મા અને નાન્દ્રે બર્ગરને પણ 2-2 સફળતા મળી હતી. ઓલરાઉન્ડ પ્રદર્શન કરનાર રવીન્દ્ર જાડેજાએ બેટિંગમાં 43 રન બનાવવાની સાથે નિકોલસ પૂરનની કિંમતી વિકેટ પણ લીધી હતી, જેના કારણે તેને 'પ્લેયર ઓફ ધ મેચ' જાહેર કરવામાં આવ્યો હતો.

CSK : ઈન્ડિયન પ્રીમિયર લીગ 2026 ની સિઝન હવે નિર્ણાયક તબક્કે પહોંચી રહી છે, ત્યારે પાંચ વખતની ચેમ્પિયન ટીમ ચેન્નાઈ સુપર કિંગ્સ (CSK) ના કેમ્પમાંથી મોટા સમાચાર આવી રહ્યા છે. છેલ્લા કેટલાક દિવસોથી ચાલી રહેલી અટકળો પર વિરામ મૂકતા, મેનેજમેન્ટે સત્તાવાર રીતે જાહેરાત કરી છે કે, આયુષ મ્હાત્રે હવે આ સિઝનનો ભાગ નથી. તેની જગ્યાએ મુંબઈ ઇન્ડિયન્સ માટે શાનદાર પરફોર્મન્સ કરી ચૂકેલા આકાશ માધવાલને ટીમમાં સ્થાન આપવામાં આવ્યું છે. આ નિર્ણય ટીમના બોલિંગ આક્રમણને વધુ સંતુલિત બનાવવા માટે લેવામાં આવ્યો હોવાનું મનાય છે.

આયુષ મ્હાત્રેની ગંભીર ઇજા અને CSK ને નુકસાન

ભારતની અંડર-19 ટીમના કેપ્ટન અને ચેન્નાઈના ઉભરતા બેટ્સમેન આયુષ મ્હાત્રે માટે આ સિઝન ખૂબ જ શાનદાર રહી હતી. જોકે, હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાયેલી મેચ તેના માટે કમનસીબ સાબિત થઈ. ફિલ્ડિંગ દરમિયાન તેને હેમસ્ટ્રિંગમાં ગંભીર ઈજા થઈ હતી. તબીબી તપાસ બાદ સ્પષ્ટ થયું કે, તેને સાજા થવામાં લાંબો સમય લાગશે, જેના કારણે તે IPL 2026 માંથી સંપૂર્ણપણે બહાર થઈ ગયો છે. મ્હાત્રેએ અત્યાર સુધી 6 મેચમાં 201 રન બનાવ્યા હતા અને ટીમની બેટિંગને મજબૂતી આપી હતી, તેથી તેની ગેરહાજરી ચેન્નાઈ માટે ચોક્કસપણે એક મોટો ફટકો છે.

કોણ છે આકાશ માધવાલ? રિપ્લેસમેન્ટ પાછળનું ગણિત

CSK એ આયુષ મ્હાત્રેના સ્થાને ઉત્તરાખંડના ફાસ્ટ બોલર આકાશ માધવાલને સાઈન કર્યો છે. આકાશ માધવાલ વર્ષ 2023 અને 2024 માં મુંબઈ ઇન્ડિયન્સ માટે રમીને લોકપ્રિયતા મેળવી ચૂક્યો છે. તેને ખાસ કરીને મુંબઈ માટે એક મેચમાં 5 વિકેટ ઝડપીને બધાનું ધ્યાન ખેંચ્યું હતું. 2025 માં તે રાજસ્થાન રોયલ્સ તરફથી રમ્યો હતો, પરંતુ ત્યાં તેને પૂરતી તક મળી નહોતી. હવે 30 લાખની બેઝ પ્રાઇસ પર તે ચેન્નાઈ સાથે જોડાયો છે. રસપ્રદ વાત એ છે કે, માધવાલ IPL ઇતિહાસનો 24 મો એવો ખેલાડી બની ગયો છે જેને IPL ની બે સૌથી સફળ ફ્રેન્ચાઈઝી - મુંબઈ અને ચેન્નાઈ બંને માટે રમવાનું ગૌરવ પ્રાપ્ત કર્યું હોય.

આ પણ ખાસ વાંચો : IPL 2026 માં 25 એપ્રિલે કંઈક મોટું થશે! : વૈભવ સૂર્યવંશીના કોચે પ્રફુલ હિંગેને આપી ચેતવણી

માધવાલની ક્ષમતા અને CSK ને ફાયદો

32 વર્ષીય આકાશ માધવાલ તેની સચોટ યોર્કર અને ડેથ ઓવરોમાં બોલિંગ કરવાની ક્ષમતા માટે જાણીતો છે. CSK અત્યારે બોલિંગ વિભાગમાં થોડી મુશ્કેલી અનુભવી રહી છે, ખાસ કરીને ખલીલ અહેમદની ઈજા બાદ ટીમ પાસે ડેથ ઓવર્સમાં અનુભવી ભારતીય બોલરની અછત હતી. જોકે, માધવાલનું આગમન અને સ્પેન્સર જોહ્ન્સનનું સંપૂર્ણ ફિટ થવું ચેન્નાઈ માટે રાહતના સમાચાર છે. માધવાલ પાવરપ્લેમાં પણ વિકેટ લેવાની ક્ષમતા ધરાવે છે. જો મહેન્દ્ર સિંહ ધોની અને કેપ્ટન રૂતુરજ ગાયકવાડ તેનો યોગ્ય ઉપયોગ કરે, તો તે હારી ગયેલી મેચ પણ જીતાડી શકે છે.

પ્લેઇંગ ઈલેવનમાં સંભવિત ફેરફારો

આયુષ મ્હાત્રે એક બેટ્સમેન હતો, જ્યારે આકાશ માધવાલ એક સ્પેશિયાલિસ્ટ બોલર છે. આવી સ્થિતિમાં CSK ની પ્લેઇંગ ઈલેવનનું સંતુલન જાળવવું પડકારજનક રહેશે. નિષ્ણાતોનું માનવું છે કે, બેટિંગ વિભાગમાં મ્હાત્રેની ખોટ પૂરવા માટે ટીમ ઉર્વિલ પટેલને મેદાનમાં ઉતારી શકે છે. ઉર્વિલ પટેલ એક આક્રમક બેટ્સમેન છે અને તે ટોપ ઓર્ડરમાં ઝડપથી રન બનાવવાની ક્ષમતા ધરાવે છે. બીજી તરફ, માધવાલને 'ઇમ્પેક્ટ પ્લેયર' તરીકે અથવા પિચની જરૂરિયાત મુજબ સીધો પ્લેઇંગ ઈલેવનમાં સામેલ કરવામાં આવી શકે છે.

IPL 2026 : IPL 2026 ની સિઝન અત્યારે તેના ચરમસીમા પર છે અને દરરોજ નવા રેકોર્ડ્સ સર્જાઈ રહ્યા છે. પરંતુ મેદાન પરની રમતની સાથે સાથે હવે ખેલાડીઓ અને કોચ વચ્ચેના વાકયુદ્ધે પણ સોશિયલ મીડિયા પર સનસનાટી મચાવી દીધી છે. ખાસ કરીને રાજસ્થાન રોયલ્સના યુવા સ્ટાર વૈભવ સૂર્યવંશી અને સનરાઇઝર્સ હૈદરાબાદના બોલર પ્રફુલ હિંગે વચ્ચેનો વિવાદ હવે એક નવા સ્તરે પહોંચ્યો છે, જેને આગામી 25 એપ્રિલની મેચને હાઇ-વોલ્ટેજ ડ્રામામાં ફેરવી દીધી છે.

વિવાદનું મુખ્ય કારણ

આ સમગ્ર વિવાદનું મૂળ 13 એપ્રિલના રોજ રમાયેલી રાજસ્થાન રોયલ્સ (RR) અને સનરાઇઝર્સ હૈદરાબાદ (SRH) વચ્ચેની પ્રથમ મેચમાં રહેલું છે. આ મેચમાં હૈદરાબાદ તરફથી ડેબ્યુ કરી રહેલા યુવા બોલર પ્રફુલ હિંગેએ બધાને ચોંકાવી દીધા હતા. તેને મેચના પહેલા જ બોલ પર રાજસ્થાનના મુખ્ય બેટ્સમેન વૈભવ સૂર્યવંશીને આઉટ કરીને પેવેલિયન ભેગો કરી દીધો હતો. એક ડેબ્યુટન્ટ બોલર દ્વારા આ રીતે લાઇમલાઇટમાં રહેલા બેટ્સમેનને પહેલા જ બોલે આઉટ કરવો એ મોટી ઘટના હતી, જેનાથી પ્રફુલ હિંગે રાતોરાત ચર્ચામાં આવી ગયો હતો.

કોચ મનીષ ઓઝાનો રોષ

વૈભવ સૂર્યવંશીની આ રીતે આઉટ થવાની ઘટના બાદ તેના કોચ મનીષ ઓઝા ભારે અકળાયેલા જોવા મળી રહ્યા છે. જ્યારે પ્રફુલ હિંગેએ એવો દાવો કર્યો કે, આ વિકેટ કોઈ નસીબ નહીં પણ તેની પૂર્વ-આયોજિત રણનીતિનું પરિણામ હતું, ત્યારે કોચ ઓઝાનો પિત્તો ગયો હતો. તેમણે પ્રફુલ હિંગેના આત્મવિશ્વાસભર્યા નિવેદન પર આકરા પ્રહારો કરતા જણાવ્યું કે, ક્રિકેટના મેદાન પર મોટી વાતો કરવા કરતાં પરફોર્મન્સ કરવું વધુ જરૂરી છે. ઓઝાએ સ્પષ્ટ કર્યું છે કે, 25 એપ્રિલના રોજ જયપુરના મેદાન પર કંઈક 'મોટું' થશે, જે સીધો સંકેત આપે છે કે, તેમનો શિષ્ય વૈભવ સૂર્યવંશી આ અપમાનનો બદલો લેવા માટે મેદાનમાં ઉતરશે.

25 એપ્રિલની રણનીતિ

આગામી 25 એપ્રિલના રોજ જ્યારે આ બંને ટીમો જયપુરના સવાઈ માનસિંહ સ્ટેડિયમ પર ફરી સામસામે આવશે, ત્યારે તે માત્ર બે ટીમો વચ્ચેની લડાઈ નહીં હોય. આ મેચ હવે વૈભવ અને પ્રફુલ વચ્ચેનો વ્યક્તિગત જંગ બની ગઈ છે. કોચ મનીષ ઓઝાએ જાહેરાત કરી છે કે, તેઓ આ મેચ જોવા માટે પોતાના તમામ અંગત કામ પડતા મૂકી દેશે. તેમને પૂરો ભરોસો છે કે, વૈભવ આ વખતે હિંગેની બોલિંગ પર આક્રમક શોટ્સ ફટકારીને પાછલી હારનો હિસાબ વ્યાજ સાથે બરાબર કરશે. ક્રિકેટના નિષ્ણાતો પણ આ મુકાબલાને જોવા માટે આતુર છે.

હોમ એડવાન્ટેજ અને જંગ

આ મેચ જયપુરમાં રમાવાની હોવાથી વૈભવ સૂર્યવંશીને 'હોમ ગ્રાઉન્ડ' નો મોટો ફાયદો મળશે. પોતાના ઘરના મેદાન પર અને સ્થાનિક પ્રેક્ષકોના સપોર્ટ વચ્ચે વૈભવ વધુ આત્મવિશ્વાસથી રમી શકશે. જો તે પ્રફુલ હિંગે સામે પ્રભુત્વ જમાવવામાં સફળ રહેશે, તો તે તેના કોચની વાતને સાચી સાબિત કરશે. બીજી તરફ, જો પ્રફુલ ફરી એકવાર વૈભવને જાળમાં ફસાવવામાં સફળ રહ્યો, તો તે સાબિત થઈ જશે કે, તેની પાસે માત્ર આત્મવિશ્વાસ જ નહીં પણ અદભૂત કૌશલ્ય પણ છે.

MI vs CSK : IPL 2026 માં આજે ક્રિકેટ પ્રેમીઓ માટે સૌથી મોટો દિવસ છે. ટૂર્નામેન્ટની બે સૌથી સફળ અને લોકપ્રિય ટીમો, મુંબઈ ઈન્ડિયન્સ (MI) અને ચેન્નઈ સુપર કિંગ્સ (CSK), આજે મુંબઈના ઐતિહાસિક વાનખેડે સ્ટેડિયમમાં આમને-સામને ટકરાશે. આ મેચને ક્રિકેટનો 'El Clásico' માનવામાં આવે છે કારણ કે, જ્યારે પણ આ બે ટીમો ટકરાય છે ત્યારે રોમાંચ તેની ચરમસીમાએ હોય છે. મેચ સાંજે 7:30 વાગ્યે શરૂ થશે, જ્યારે ટોસ પ્રક્રિયા સાંજે 7:00 વાગ્યે હાથ ધરવામાં આવશે.

દિગ્ગજોનું મેદાનમાં કમબેક

આજની મેચને લઈને ફેન્સમાં જબરદસ્ત ઉત્સાહ છે, કારણ કે લાંબા સમય બાદ બે દિગ્ગજ ખેલાડીઓ મેદાનમાં કમબેક કરી શકે છે. ચેન્નઈ સુપર કિંગ્સના પૂર્વ કેપ્ટન એમ.એસ ધોની, જે આ સિઝનની શરૂઆતની 6 મેચોમાં ફિટનેસના કારણે રમી શક્યા નહોતા, તે આજે પ્લેઈંગ-11 માં જોવા મળી શકે છે. બીજી તરફ, મુંબઈ ઈન્ડિયન્સનો સ્ટાર ઓપનર અને પૂર્વ કેપ્ટન રોહિત શર્મા પણ ઈજામાંથી સાજો થઈને પરત ફરવા તૈયાર છે. રોહિત શર્માએ છેલ્લી બે મેચો ગુમાવી હતી, પરંતુ તેની કમબેક મુંબઈના બેટિંગ લાઇનઅપને વધુ મજબૂત બનાવશે.

સિઝનનું અત્યાર સુધીનું પરફોર્મન્સ

ચાલુ IPL સિઝનમાં બંને ટીમોનું પરફોર્મન્સ ઘણું ઉતાર-ચઢાવવાળું રહ્યું છે. મુંબઈ અને ચેન્નઈ બંનેએ અત્યાર સુધી 6-6 મેચ રમી છે, જેમાંથી બંને ટીમો માત્ર 2-2 મેચ જીતી શકી છે અને 4-4 મેચમાં હારનો સામનો કરવો પડ્યો છે. પોઈન્ટ ટેબલની વાત કરીએ તો, મુંબઈ ઈન્ડિયન્સ સારા નેટ રન રેટને કારણે સાતમા સ્થાને છે, જ્યારે ચેન્નઈ આઠમા નંબરે ધકેલાયું છે. પ્લેઓફની રેસમાં ટકી રહેવા માટે બંને ટીમો માટે આજની જીત ખૂબ જ અનિવાર્ય બની ગઈ છે.

હેડ-ટુ-હેડ આંકડા અને ઇતિહાસ

IPL ના ઇતિહાસમાં આ બંને ટીમો વચ્ચે અત્યાર સુધી 41 મુકાબલા થયા છે. જેમાં મુંબઈ ઈન્ડિયન્સનો દબદબો જોવા મળ્યો છે. મુંબઈએ 22 મેચ જીતી છે, જ્યારે ચેન્નઈએ 19 મેચમાં જીત મેળવી છે. વાનખેડે સ્ટેડિયમની વાત કરીએ તો અહીં 13 મેચમાંથી મુંબઈએ 8 અને ચેન્નઈએ 5 મેચ જીતી છે. જોકે, 2023 પછીના આંકડા જોઈએ તો 5 મેચોમાંથી મુંબઈ માત્ર 1 જ વાર ચેન્નઈને હરાવી શક્યું છે, જે ચેન્નઈના વધતા વર્ચસ્વનો પુરાવો છે.

ટીમ ન્યૂઝ અને મોટા આંચકા

મેચ પહેલા ચેન્નઈ સુપર કિંગ્સના કેમ્પમાંથી માઠા સમાચાર આવ્યા છે. ટીમનો ફાસ્ટ બોલર મુકેશ ચૌધરી તેની માતા પ્રેમ દેવીને ગુમાવી ચૂક્યો છે. લાંબી બીમારી બાદ મુંબઈની ટાટા હોસ્પિટલમાં તેમનું નિધન થયું છે. આ સિવાય યુવા ખેલાડી આયુષ મ્હાત્રે પણ ઈજાને કારણે આખી ટુર્નામેન્ટમાંથી બહાર થઈ ગયો છે. મ્હાત્રેનું આખી સિઝન ગુમાવવું એ ટીમના પ્લાનિંગ માટે મોટો ફટકો સાબિત થઈ શકે છે.મુંબઈના કી-પ્લેયર્સ

મુંબઈ માટે આ સિઝનમાં તિલક વર્મા આશાનું કિરણ સાબિત થયો છે. તિલક વર્માએ 6 મેચમાં 144 રન બનાવ્યા છે અને ગત મેચમાં જ તેને શાનદાર સેન્ચુરી ફટકારીને પોતાની ફોર્મ સાબિત કરી દીધી છે. તેનો 187.01 નો સ્ટ્રાઇક રેટ વિરોધી બોલરો માટે ચિંતાનો વિષય છે. બોલિંગ વિભાગમાં શાર્દૂલ ઠાકુર પર જવાબદારી રહેશે. ભલે તેનો ઈકોનોમી રેટ 13.57 જેવો ઊંચો રહ્યો હોય, પરંતુ તેને મહત્વની 6 વિકેટો ઝડપીને ટીમને મુશ્કેલ સમયમાં બ્રેકથ્રુ અપાવ્યા છે.

ચેન્નઈના સ્ટાર પરફોર્મર

ચેન્નઈ તરફથી સંજુ સેમસન શાનદાર લયમાં બેટિંગ કરી રહ્યો છે. તેને 6 મેચમાં 192 રન બનાવ્યા છે, જેમાં એક આક્રમક સેન્ચુરીનો પણ સમાવેશ થાય છે. સંજુ 174.54 ના સ્ટ્રાઇક રેટથી રન બનાવી રહ્યો છે. બોલિંગમાં અંશુલ કંબોજે બધાનું ધ્યાન ખેંચ્યું છે. તેને 6 મેચમાં 13 વિકેટ ઝડપીને પર્પલ કેપની રેસમાં પોતાનું નામ નોંધાવ્યું છે. તેનો 9.73 નો ઈકોનોમી રેટ અને 3/22નું સર્વશ્રેષ્ઠ પ્રદર્શન ચેન્નઈ માટે પ્લસ પોઈન્ટ છે.

વાનખેડેની પિચ અને વાતાવરણ

વાનખેડેની પિચ હંમેશાથી હાઇ-સ્કોરિંગ રહી છે અને અહીં બેટર્સને ઘણો ફાયદો મળે છે. અહીં અત્યાર સુધી રમાયેલી 126 IPL મેચોમાં ચેઝ કરનારી ટીમો 68 વાર સફળ રહી છે, જે દર્શાવે છે કે, ટોસ જીતીને પ્રથમ બોલિંગ કરવાનો નિર્ણય ફાયદાકારક રહી શકે છે. હવામાનની વાત કરીએ તો મુંબઈમાં આજે પ્રચંડ ગરમી રહેશે. તાપમાન 39 ડિગ્રી સુધી જઈ શકે છે, જોકે વરસાદની કોઈ શક્યતા નથી, જે મેચ પૂરી થવામાં મદદરૂપ થશે.

MI vs CSK ની સંભવિત પ્લેઇંગ-12

MI : રોહિત શર્મા, ક્વિન્ટન ડી કોક, નમન ધીર, સૂર્યકુમાર યાદવ, હાર્દિક પંડ્યા (કેપ્ટન), તિલક વર્મા, શેરફન રધરફોર્ડ, મિચેલ સેન્ટનર, ક્રિષ ભગત, જસપ્રીત બુમરાહ, અલ્લાહ ગઝનફર અને અશ્વની કુમાર.

CSK : સંજુ સેમસન, ઋતુરાજ ગાયકવાડ (કેપ્ટન), સરફરાઝ ખાન, શિવમ દુબે, મહેન્દ્ર સિંહ ધોની (વિકેટકીપર), ડેવાલ્ડ બ્રેવિસ, જેમી ઓવરટન, મેથ્યુ શોર્ટ, અંશુલ કંબોજ, નૂર અહેમદ, મુકેશ ચૌધરી અને ગુરજપનીત સિંહ.

Rajasthan Royals : IPL 2026 ની 32 મી રોમાંચક મેચ 22 એપ્રિલના રોજ રાજસ્થાન રોયલ્સ અને લખનઉ સુપર જાયન્ટ્સ વચ્ચે રમાઈ હતી. આ હાઇ-વોલ્ટેજ મુકાબલામાં રાજસ્થાન રોયલ્સે લખનઉને તેમના જ હોમ ગ્રાઉન્ડ પર 40 રનના મોટા અંતરથી હરાવીને પોઈન્ટ ટેબલમાં બીજા સ્થાને કબજો જમાવી લીધો છે. આ જીતના ખરા હીરો અનુભવી ઓલરાઉન્ડર રવીન્દ્ર જાડેજા રહ્યા હતા, જેમણે પોતાની ઓલરાઉન્ડ ક્ષમતાથી મેચનું પાસું પલટી નાખ્યું હતું.

રાજસ્થાનની શાનદાર જીત

રાજસ્થાન રોયલ્સની ટીમે આ મેચમાં પ્રથમ બેટિંગ કરતાં એક પડકારજનક સ્કોર ઉભો કર્યો હતો. લખનઉની ટીમ જ્યારે લક્ષ્યનો પીછો કરવા ઉતરી ત્યારે રાજસ્થાનના બોલરોએ શિસ્તબદ્ધ બોલિંગ કરીને રન ગતિ પર અંકુશ મેળવ્યો હતો. અંતે રાજસ્થાનની ટીમે 40 રને વિજય મેળવીને ટુર્નામેન્ટમાં પોતાની પકડ મજબૂત બનાવી છે. આ જીત બાદ ટીમનો આત્મવિશ્વાસ સાતમા આસમાને પહોંચી ગયો છે.

જાડેજાની સંઘર્ષપૂર્ણ બેટિંગ

37 વર્ષીય રવીન્દ્ર જાડેજાએ સાબિત કરી દીધું કે, "Age is just a number" છે. જ્યારે ટીમ મુશ્કેલીમાં હતી ત્યારે તેમણે જવાબદારીપૂર્વક બેટિંગ કરી હતી. જાડેજાએ માત્ર 29 બોલમાં 148.28 ના સ્ટ્રાઇક રેટ સાથે 43 રન ફટકાર્યા હતા. રવીન્દ્ર જાડેજાની આ ઇનિંગમાં સંતુલન જોવા મળ્યું હતું, જેમાં જાડેજાએ શરૂઆતમાં વિકેટ બચાવી અને અંતિમ ઓવરોમાં આક્રમક શોર્ટ્સ રમીને ટીમનો સ્કોર સન્માનજનક સ્થિતિમાં પહોંચાડ્યો હતો.

બોલિંગમાં પણ જાડેજાનો જાદુ

બેટિંગ બાદ જ્યારે બોલિંગનો વારો આવ્યો ત્યારે પણ જાડેજાએ પોતાની ફિરકીનો જાદુ ચલાવ્યો હતો. રવીન્દ્ર જાડેજાએ પોતાના 4 ઓવરના સ્પેલમાં માત્ર 29 રન ખર્ચીને લખનઉના વિસ્ફોટક બેટ્સમેન નિકોલસ પૂરનની મહત્વની વિકેટ ઝડપી હતી. જાડેજાની કરકસરયુક્ત બોલિંગને કારણે લખનઉના બેટ્સમેનો પ્રેશરમાં આવ્યા હતા અને સતત અંતરે વિકેટ ગુમાવી હતી. રવીન્દ્ર જાડેજાના આ શાનદાર પરફોર્મન્સ માટે તેમને 'મેન ઓફ ધ મેચ' જાહેર કરવામાં આવ્યા હતા.

આ પણ ખાસ વાંચો : રાજસ્થાન રોયલ્સના નાન્દ્રે બર્ગરને આ ભૂલ પડી ભારે! : મેચ જીત્યા પછી BCCI એ લીધા કડક પગલાં

પત્ની રિવાબાને સમર્પિત એવોર્ડ

એવોર્ડ સ્વીકારતી વખતે રવીન્દ્ર જાડેજાએ એક ખૂબ જ સુંદર વાત કહી હતી. તેમણે પ્લેયર ઓફ ધ મેચનો એવોર્ડ પોતાની પત્ની રિવાબા જાડેજાને ડેડિકેટ કર્યો હતો, જેઓ ગુજરાતના શિક્ષણ રાજ્યમંત્રી છે. જાડેજાએ ભાવુક થતા કહ્યું કે, મેચના એક દિવસ પહેલા જ રિવાબાએ વિશ્વાસ વ્યક્ત કર્યો હતો કે, મારું પરફોર્મન્સ સારું રહેશે. પત્નીના આ પ્રોત્સાહનને કારણે જ તેઓ મેદાન પર શ્રેષ્ઠ પ્રદર્શન કરી શક્યા હોવાનું તેમણે જણાવ્યું હતું.

પિચ અને મેચની રણનીતિ

મેચ બાદ જાડેજાએ લખનઉની પિચ વિશે મહત્વની વિગતો શેર કરી હતી. તેમણે જણાવ્યું કે, બેટિંગ માટે પિચ શરૂઆતમાં ખૂબ જ મુશ્કેલ હતી, બોલ સતત સીમ અને સ્વિંગ થઈ રહ્યો હતો. આવી સ્થિતિમાં તેમણે ક્રીઝ પર સમય વિતાવવાનું નક્કી કર્યું હતું. બોલિંગમાં પિચ પર બોલ ગ્રીપ થતો હોવાથી સ્લો બોલનો ઉપયોગ કરીને તેમણે બેટ્સમેનોને મુંઝવણમાં મૂક્યા હતા, જે રણનીતિ સફળ રહી હતી.

IPL 2026 : ઈન્ડિયન પ્રીમિયર લીગ 2026 માં રાજસ્થાન રોયલ્સનો વિજય રથ અટકવાનું નામ નથી લઈ રહ્યો. જોકે, લખનઉ સુપર જાયન્ટ્સ સામેની શાનદાર જીત બાદ ટીમના કેમ્પમાં એક માઠા સમાચાર આવ્યા છે. રાજસ્થાનના સ્ટાર ફાસ્ટ બોલર નાન્દ્રે બર્ગરને મેદાન પર શિસ્તભંગ કરવા બદલ BCCI દ્વારા સજા ફટકારવામાં આવી છે. મેચ જીત્યાના ગણતરીના કલાકોમાં જ બોર્ડે સત્તાવાર નિવેદન જાહેર કરીને આ કાર્યવાહીની પુષ્ટિ કરી છે.

રાજસ્થાન રોયલ્સનો શાનદાર વિજય

22 એપ્રિલના રોજ લખનઉના એકાના ક્રિકેટ સ્ટેડિયમમાં રમાયેલી આ મેચમાં રાજસ્થાન રોયલ્સે ટોસ હાર્યા બાદ પ્રથમ બેટિંગ કરી હતી. યુવા વિસ્ફોટક ઓપનર યશસ્વી જયસ્વાલ અને વૈભવ સૂર્યવંશીએ ઇનિંગની શરૂઆત કરી હતી, પરંતુ મોહમ્મદ શમીની ઘાતક બોલિંગને કારણે રાજસ્થાને મુશ્કેલીનો સામનો કરવો પડ્યો હતો. રવિન્દ્ર જાડેજાની 29 બોલમાં 43 રનની લડાયક ઇનિંગની મદદથી ટીમે 159 રનનો સન્માનજનક સ્કોર બનાવ્યો હતો. જવાબમાં રાજસ્થાનના બોલરોએ શિસ્તબદ્ધ પ્રદર્શન કરતાં લખનઉની ટીમને માત્ર 119 રનમાં ઓલઆઉટ કરી દીધી હતી અને 40 રનથી મેચ જીતી લીધી હતી.

નાન્દ્રે બર્ગર સામે BCCI ની કાર્યવાહી

આ મેચમાં નાન્દ્રે બર્ગરે પોતાની બોલિંગથી પ્રભાવિત કર્યા હતા. તેને 4 ઓવરમાં માત્ર 27 રન આપીને 2 મહત્વની વિકેટ ઝડપી હતી. જોકે, બોલિંગ દરમિયાન તેણે વિરોધી ટીમના ખેલાડી સામે અયોગ્ય ભાષા અથવા ઉશ્કેરણીજનક હાવભાવ કર્યા હોવાનું સામે આવ્યું છે. BCCI ના નિવેદન મુજબ, બર્ગરે IPL આચારસંહિતાની કલમ 2.5 હેઠળ 'લેવલ 1' નો ગુનો કર્યો છે. આ નિયમ ખેલાડીના ગેરવર્તણૂક અને ખેલદિલી વિરુદ્ધના કૃત્યો સાથે સંબંધિત છે.

દંડ અને શિસ્તભંગની સજાની વિગત

આ ભૂલના પરિણામ સ્વરૂપે મેચ રેફરીએ નાન્દ્રે બર્ગર પર મેચ ફીના 10 ટકા રકમનો દંડ ફટકાર્યો છે. આટલું જ નહીં, તેના શિસ્ત રેકોર્ડમાં એક 'ડિમેરિટ પોઈન્ટ' પણ ઉમેરવામાં આવ્યો છે. જો ભવિષ્યમાં કોઈ ખેલાડીના ડિમેરિટ પોઈન્ટ્સ વધે છે, તો તેના પર પ્રતિબંધ પણ લાગી શકે છે. બર્ગરે મેચ રેફરી સામે પોતાની ભૂલનો સ્વીકાર કરી લીધો છે, જેના કારણે હવે આ મામલે કોઈ વધારાની સુનાવણી કરવામાં આવશે નહીં.

આ પણ ખાસ વાંચો : જાડેજાનું ઓલરાઉન્ડર પરફોર્મન્સ : લખનઉ સામે રાજસ્થાનનો ધમાકેદાર વિજય

પોઈન્ટ ટેબલમાં રાજસ્થાનની સ્થિતિ

બર્ગર પરના દંડ સિવાય રાજસ્થાન રોયલ્સ માટે આ જીત ઘણી મહત્વની રહી છે. આ જીત બાદ રાજસ્થાનની ટીમ પોઈન્ટ ટેબલમાં બીજા સ્થાને મજબૂત રીતે આગળ વધી છે. ટીમના નેટ રન રેટમાં પણ મોટો ઉછાળો જોવા મળ્યો છે, જે હવે 0.599 થી વધીને 0.790 થયો છે. હાલમાં તેઓ ટેબલ ટોપર પંજાબ કિંગ્સથી માત્ર એક પોઈન્ટ પાછળ છે. રાજસ્થાનની હવે પછીની ટક્કર 25 એપ્રિલે સનરાઇઝર્સ હૈદરાબાદ સામે થશે.

IPL 2026માં એકાના સ્ટેડિયમમાં રમાયેલી મેચમાં રાજસ્થાન રોયલ્સે ફરી એકવાર પોતાની મજબૂતી સાબિત કરી છે. કઠિન પરિસ્થિતિમાંથી બહાર આવી ટીમે લખનઉ સુપર જાયન્ટ્સને 40 રનથી હરાવીને ટુર્નામેન્ટમાં પોતાની પાંચમી જીત નોંધાવી. આ જીત પાછળ સૌથી મોટો હીરો રહ્યો ઓલરાઉન્ડર રવીન્દ્ર જાડેજા, જેમણે બેટ અને બોલ બંનેથી મેચનો રુખ બદલી નાખ્યો.

રાજસ્થાનની સંઘર્ષપૂર્ણ શરૂઆત છતાં મજબૂત સ્કોર

Rajasthan Royalsએ પ્રથમ બેટિંગ કરતા 20 ઓવરમાં 6 વિકેટ ગુમાવીને 159 રન બનાવ્યા. શરૂઆતમાં ટીમ મુશ્કેલીમાં દેખાઈ રહી હતી. માત્ર 62 રન પર 4 વિકેટ પડી જતા ટીમ પર દબાણ વધ્યું હતું.

ખાસ કરીને યુવા ખેલાડી વૈભવ સૂર્યવંશી માત્ર 8 રન બનાવીને પેવેલિયન પરત ફર્યો, જે ટીમ માટે શરૂઆતમાં ઝટકો હતો. લખનઉ તરફથી મોહમ્મદ શમી, મોહસિન ખાન અને પ્રિન્સ યાદવે અસરકારક બોલિંગ કરીને રાજસ્થાનને દબાણમાં રાખ્યું.

પરંતુ મધ્યક્રમમાં આવીને Ravindra Jadejaએ પરિસ્થિતિને સંભાળી. તેમણે 29 બોલમાં અણનમ 43 રન બનાવ્યા, જેમાં 2 ચોગ્ગા અને 1 સિક્સનો સમાવેશ થાય છે. તેમની આ ઇનિંગ્સે ટીમને સંમાનજનક સ્કોર સુધી પહોંચાડવામાં મહત્વની ભૂમિકા ભજવી.

લખનઉની બેટિંગ સંપૂર્ણ રીતે નિષ્ફળ

જવાબમાં Lucknow Super Giantsની ટીમ 18 ઓવરમાં માત્ર 119 રન પર ઓલઆઉટ થઈ ગઈ. ટીમ તરફથી Mitchell Marshએ 55 રનની લડાયક ઇનિંગ્સ રમી, પરંતુ અન્ય બેટર્સ તરફથી કોઈ સહકાર મળ્યો નહીં.

કેપ્ટન Rishabh Pant, આયુષ બદોની અને એડન માર્કરમ ખાતું પણ ખોલાવી શક્યા નહીં, જે લખનઉ માટે સૌથી મોટી નિષ્ફળતા રહી. ટોપ ઓર્ડરનું આ રીતે તૂટી પડવું ટીમના પરાજયનું મુખ્ય કારણ બન્યું.

જાડેજાનો ઓલરાઉન્ડ શો: મેચનો ટર્નિંગ પોઇન્ટ

આ મેચમાં Ravindra Jadejaનો પ્રભાવ બંને વિભાગમાં જોવા મળ્યો. બેટિંગમાં મહત્વપૂર્ણ 43 રન બનાવ્યા પછી બોલિંગમાં તેમણે સેટ બેટર Nicholas Pooranની મહત્વપૂર્ણ વિકેટ ઝડપી.

જાડેજાની આ પ્રભાવશાળી કામગીરી માટે તેમને પ્લેયર ઑફ ધ મેચનો એવોર્ડ આપવામાં આવ્યો. તેમણે સાબિત કર્યું કે મુશ્કેલ પરિસ્થિતિમાં પણ કેવી રીતે ટીમને જીત અપાવી શકાય.

Vaibhav Suryavanshi : ઈન્ડિયન પ્રીમિયર લીગ (IPL) હંમેશા તેના હાઇ-વોલ્ટેજ ડ્રામા અને મેદાન પરના મુકાબલા માટે જાણીતી છે. પરંતુ, આ રમતની બીજી સુંદર બાજુ ખેલાડીઓ વચ્ચેની મિત્રતા છે. હાલમાં રાજસ્થાન રોયલ્સના યુવા વિસ્ફોટક ઓપનર વૈભવ સૂર્યવંશી અને લખનઉ સુપર જાયન્ટ્સના ઓલરાઉન્ડર અર્શિન કુલકર્ણી વચ્ચેનો એક અત્યંત રમુજી વીડિયો સોશિયલ મીડિયા પર વાયરલ થઈ રહ્યો છે. જેમાં સિનિયર ખેલાડીઓ કેવી રીતે 14 વર્ષના આ બાળક સાથે મસ્તી કરે છે તે જોવા મળે છે.

નાની ઉંમર અને મોટી મસ્તી

વૈભવ સૂર્યવંશીએ ગત સિઝનમાં માત્ર 14 વર્ષની વયે IPL ડેબ્યૂ કરીને ઇતિહાસ રચી દીધો હતો. તે મેદાન પર ભલે પ્રોફેશનલ ક્રિકેટરની જેમ લાંબા છગ્ગા ફટકારતો હોય, પણ ડ્રેસિંગ રૂમ અને પ્રેક્ટિસ સેશન દરમિયાન તે સાથી ખેલાડીઓ માટે હજુ પણ એક નાનો ભાઈ જ છે. ગત વર્ષે પણ અર્શિન અને વૈભવની મસ્તીના ઘણા વીડિયો સામે આવ્યા હતા, અને આ વર્ષે પણ આ જોડીએ પોતાની જૂની પરંપરા જાળવી રાખી છે.

"કપડાં ફાટી જશે ભાઈ" - શું છે સમગ્ર મામલો?

IPL 2026 માં આજે રાજસ્થાન રોયલ્સ અને લખનઉ સુપર જાયન્ટ્સ વચ્ચે ટક્કર થવાની છે. આ મેચ પહેલા બંને ટીમો જ્યારે પ્રેક્ટિસ માટે મેદાન પર હતી, ત્યારે અર્શિન કુલકર્ણીએ વૈભવને જોતાં જ તેની મસ્તી કરવાનું શરૂ કર્યું હતું. અર્શિને પહેલા તો વૈભવ સાથે વાત કરી અને પછી અચાનક તેનો ગાલ ખેંચવાની કોશિશ કરી. વૈભવ ત્યાંથી ભાગવાનો પ્રયત્ન કરવા લાગ્યો, ત્યારે અર્શિને તેને પાછળથી જોરથી પકડી લીધો હતો. આ ઝપાઝપીમાં વૈભવના કપડાં ખેંચાવા લાગ્યા, જેનાથી ગભરાઈને વૈભવે મસ્તીમાં બૂમ પાડી કે, "અરે કપડાં ફાટી જશે ભાઈ!" આ દ્રશ્ય જોઈ આસપાસ ઉભેલા તમામ લોકો હસી પડ્યા હતા.

જુની યાદો: 2025 નો એ કિસ્સો

આ બંને ખેલાડીઓ વચ્ચેની આ નોકઝોક વર્ષ 2025 થી ચાલી આવે છે. લખનઉ સુપર જાયન્ટ્સના સત્તાવાર પેજ પર અગાઉ પણ એક વીડિયો શેર કરાયો હતો, જેમાં અર્શિન મજાકમાં કહેતો જોવા મળ્યો હતો કે, "આ 14 વર્ષનો છોકરો આપણને પાગલ બનાવી રહ્યો છે." તે સમયે વૈભવના શાનદાર ફોર્મને લઈને અર્શિને આ ટિપ્પણી કરી હતી. ચાહકોને આ બંને વચ્ચેની 'બ્રોમાન્સ' ખૂબ જ પસંદ આવી રહી છે.

બેટની અદલાબદલીની મજેદાર વાત

વૈભવ અને અર્શિન વચ્ચે માત્ર ખેંચતાણ જ નહીં, પણ રમતને લગતી પણ મજેદાર વાતો થાય છે. ગત સીઝનમાં અર્શિને વૈભવના બેટના ખૂબ વખાણ કર્યા હતા અને તેને પૂછ્યું હતું કે તારી પાસે આટલા સારા બેટ ક્યાંથી આવે છે? ત્યારે માસૂમ વૈભવે જવાબ આપ્યો હતો કે, "હાલ મારી પાસે પોતાના બેટ નથી, હું તો સંજુ ભાઈ (સંજુ સેમસન) ના બેટથી રમી રહ્યો છું." તેણે અર્શિનને વચન પણ આપ્યું હતું કે, તે મેચ પૂરી થયા પછી તેને બેટ મોકલાવી દેશે.

Gujarat Titans : IPL 2026 માં ગુજરાત ટાઇટન્સની સફર અત્યારે મુશ્કેલ તબક્કામાંથી પસાર થઈ રહી છે. ખાસ કરીને મુંબઈ ઈન્ડિયન્સ સામે મળેલી કારમી હાર બાદ ટીમની સિલેક્શન પ્રક્રિયા પર અનેક સવાલો ઉભા થયા છે. આ ચર્ચાઓના કેન્દ્રમાં છે વેસ્ટ ઈન્ડિઝના અનુભવી ઓલરાઉન્ડર જેસન હોલ્ડર, જેમને 7 કરોડ રૂપિયાની મોટી કિંમતે ખરીદવા છતાં હજુ સુધી એક પણ મેચ રમવાની તક આપવામાં આવી નથી. ફેન્સ અને નિષ્ણાતો હવે સોશિયલ મીડિયા પર મેનેજમેન્ટના આ નિર્ણયની ટીકા કરી રહ્યા છે.

ચર્ચાઓને ગણાવી બિનજરૂરી

જેસન હોલ્ડરે પ્લેઇંગ ઇલેવનમાં તેના સ્થાનને લઈને ચાલી રહેલી તમામ અટકળો પર પોતાનું મૌન તોડ્યું છે. તેમણે ખૂબ જ ગંભીરતાથી કહ્યું કે, "પ્લેઇંગ ઇલેવન વિશેની ચર્ચાઓમાં ભાગ લેવો એ માત્ર બિનજરૂરી ઊર્જાનો બગાડ છે." હોલ્ડરના મતે, એક વ્યાવસાયિક ક્રિકેટર તરીકે તેનું કામ માત્ર પોતાની ફિટનેસ અને પ્રેક્ટિસ પર ધ્યાન આપવાનું છે. તેણે સ્પષ્ટ કર્યું કે, તે કોઈપણ પ્રકારના વિવાદમાં પડવાને બદલે માત્ર પોતાના તકની રાહ જોઈ રહ્યો છે અને જ્યારે પણ મોકો મળશે ત્યારે તે પોતાને સાબિત કરવા તૈયાર છે.

7 કરોડનું રોકાણ છતાં બેન્ચ પર સ્થાન

34 વર્ષીય જેસન હોલ્ડર બે સિઝનના લાંબા વિરામ બાદ IPL માં પરત ફર્યો છે. ગુજરાત ટાઇટન્સે ઓક્શનમાં તેના અનુભવ અને ઓલરાઉન્ડ ક્ષમતાને ધ્યાનમાં રાખીને 7 કરોડ રૂપિયા જેવી માતબર રકમ ખર્ચ કરી હતી. જોકે, સિઝનની ઘણી મેચો વીતી ગઈ હોવા છતાં તેને પ્લેઇંગ 11 માં સ્થાન મળ્યું નથી. ટીમ મેનેજમેન્ટ હાલમાં જોશ બટલર, રાશિદ ખાન, ગ્લેન ફિલિપ્સ અને કાગીસો રબાડા જેવા વિદેશી ખેલાડીઓ પર વધુ નિર્ભર છે, જેના કારણે હોલ્ડર જેવા મેચ વિનર ખેલાડીએ અત્યારે ડ્રેસિંગ રૂમમાં બેસવું પડી રહ્યું છે.

મુંબઈ સામેની હાર બાદ વધ્યું દબાણ

હાલમાં અમદાવાદના નરેન્દ્ર મોદી સ્ટેડિયમમાં મુંબઈ ઈન્ડિયન્સ સામે રમાયેલી મેચમાં ગુજરાત ટાઇટન્સનો 99 રને પરાજય થયો હતો. 200 રનના લક્ષ્યનો પીછો કરતાં ટીમ માત્ર 100 રનમાં ઓલઆઉટ થઈ ગઈ હતી. આ હાર બાદ શુભમન ગિલની કેપ્ટન્સી અને ટીમ કોમ્બિનેશન પર પ્રશ્નો ઉઠી રહ્યા છે. નિષ્ણાતોનું માનવું છે કે, મધ્યક્રમમાં હોલ્ડર જેવો એક્સપિરિયન્સ બેટ્સમેન અને ડેથ ઓવર્સમાં ચોકસાઈપૂર્વક બોલિંગ કરી શકે તેવો બોલર ટીમ માટે ગેમ ચેન્જર સાબિત થઈ શકે છે.

આગામી મેચમાં કમબેકની આશા

પોઈન્ટ ટેબલમાં પાંચમા સ્થાનથી નીચે સરકી ગયેલી ગુજરાત ટાઇટન્સ માટે હવે દરેક મેચ 'કરો યા મરો' જેવી છે. ટીમનો નેટ રન રેટ પણ અત્યંત ખરાબ (-0.821) થઈ ગયો છે. આવી સ્થિતિમાં, આગામી 24 એપ્રિલે રોયલ ચેલેન્જર્સ બેંગ્લોર (RCB) સામેની મેચમાં ટીમ મેનેજમેન્ટ મોટા ફેરફાર કરી શકે છે. હોલ્ડરની પાવરપ્લે અને ડેથ ઓવરની બોલિંગ ક્ષમતા ગુજરાતને ફરીથી જીતના પાટા પર લાવી શકે છે. હોલ્ડરે પણ વિશ્વાસ વ્યક્ત કર્યો છે કે, ટીમ ગભરાયા વગર પોતાની ભૂલો સુધારીને મજબૂત કમબેક કરશે.

IPL 2026ની 31મી મેચમાં Sunrisers Hyderabadનો વિજયી રથ અવિરત આગળ વધી રહ્યો છે. ઘરઆંગણે રમાયેલી મેચમાં હૈદરાબાદે Delhi Capitals સામે 47 રનથી શાનદાર જીત મેળવી છે. Abhishek Sharmaની વિસ્ફોટક સદી અને ત્યારબાદ Ishan Malingaની ધારદાર બોલિંગની મદદથી હૈદરાબાદે આ સિઝનમાં જીતની હેટ્રિક પૂર્ણ કરી છે. વિશાળ સ્કોરનો પીછો કરવા ઉતરેલી દિલ્હીની ટીમ એક તબક્કે મજબૂત સ્થિતિમાં હોવા છતાં મધ્યક્રમ તૂટી પડતા હારનો સામનો કરવો પડ્યો હતો.

Abhishek Sharmaની સદીથી હૈદરાબાદનો સ્કોર 242 રન:

મેચમાં પ્રથમ બેટિંગ કરવા ઉતરેલી Sunrisers Hyderabadની ટીમે નિર્ધારિત 20 ઓવરમાં માત્ર 2 વિકેટના નુકસાને 242 રનનો ડુંગર જેવો સ્કોર ખડકી દીધો હતો. હૈદરાબાદની આ ઈનિંગનો અસલી હીરો Abhishek Sharma રહ્યો હતો, જેણે દિલ્હીના બોલરોની બરાબરની ધોલાઈ કરીને શાનદાર સદી ફટકારી હતી. તેની આક્રમક બેટિંગના કારણે હૈદરાબાદે વિરોધી ટીમ પર શરૂઆતથી જ દબાણ બનાવી દીધું હતું.

દિલ્હીની આશાસ્પદ શરૂઆત છતાં પરાજય:

243 રનના લક્ષ્યાંકનો પીછો કરવા ઉતરેલી Delhi Capitalsની શરૂઆત નબળી રહી હતી. Pathum Nissanka માત્ર 08 રન બનાવી આઉટ થયો હતો. જોકે, ત્યારબાદ Nitish Rana અને KL Rahul વચ્ચે બીજી વિકેટ માટે 45 બોલમાં 86 રનની તોફાની ભાગીદારી થઈ હતી. દિલ્હીએ 9.1 ઓવરમાં 100 રન પૂરા કરીને મેચમાં પકડ જમાવી હતી, પરંતુ 107 રનના સ્કોર પર KL Rahul 37 રન બનાવી પેવેલિયન ભેગો થતા જ વિકેટોની ઝડી વરસી હતી.

મિડલ ઓર્ડર થયો ફેઈલ:

Nitish Ranaએ 30 બોલમાં 57 રન ફટકારીને પ્રતિકાર કર્યો હતો, પરંતુ અન્ય બેટર્સ તેને સાથ આપી શક્યા નહોતા. David Miller શૂન્ય રને આઉટ થતા દિલ્હી મુશ્કેલીમાં મુકાયું હતું. Tristan Stubbs અને Sameer Rizvi વચ્ચે પાંચમી વિકેટ માટે 59 રનની ભાગીદારી નોંધાઈ હતી, પરંતુ તે જીત માટે પૂરતી નહોતી. Tristan Stubbs 27 રન બનાવી આઉટ થયા બાદ દિલ્હીની ઈનિંગ વેરવિખેર થઈ ગઈ હતી.

Ishan Malinga અને Harsh Dubeyનો બોલિંગમાં તરખાટ:

હૈદરાબાદની જીતમાં બોલરોએ પણ મહત્વની ભૂમિકા ભજવી હતી. Ishan Malingaએ શાનદાર સ્પેલ નાખતા 4 મહત્વની વિકેટો ઝડપી હતી. જ્યારે Harsh Dubeyએ 3 વિકેટ લઈને દિલ્હીની હાર નિશ્ચિત કરી દીધી હતી. દિલ્હીની ટીમ 20 ઓવરમાં 9 વિકેટ ગુમાવીને માત્ર 195 રન સુધી જ પહોંચી શકી હતી. આ જીત સાથે હૈદરાબાદે પોતાના હોમ ગ્રાઉન્ડ પર સતત ત્રીજી જીત હાંસલ કરી છે.

SRH vs DC : ઈન્ડિયન પ્રીમિયર લીગ 2026 માં આજે એક રોમાંચક મુકાબલો જોવા મળશે. સનરાઇઝર્સ હૈદરાબાદ (SRH) પોતાના હોમ ગ્રાઉન્ડ પર દિલ્હી કેપિટલ્સ (DC) સામે ટકરાશે. પોઈન્ટ ટેબલમાં બંને ટીમો અત્યારે સમાન સ્થિતિમાં છે, જેના કારણે આ મેચ પ્લેઓફની રેસ માટે ખૂબ જ મહત્વની સાબિત થઈ શકે છે.

બંને વચ્ચેની જંગ

IPL ઇતિહાસમાં અત્યાર સુધી હૈદરાબાદ અને દિલ્હી વચ્ચે કુલ 26 મેચો રમાઈ છે. આ આંકડાઓમાં હૈદરાબાદનું પલ્લું થોડું ભારે દેખાય છે. હૈદરાબાદે 13 મેચમાં જીત મેળવી છે, જ્યારે દિલ્હીના ફાળે 11 જીત આવી છે. એક મેચ ટાઈ રહી હતી અને એકનું પરિણામ આવ્યું નહોતું.

કમિન્સની ગેરહાજરી

હૈદરાબાદ માટે આ મેચમાં સૌથી મોટો પડકાર તેમના નિયમિત કેપ્ટન પેટ કમિન્સની ગેરહાજરી છે. કમિન્સ ટીમ સાથે હોવા છતાં આ મેચ રમી શકશે નહીં, તેથી ઈશાન કિશન ટીમનું નેતૃત્વ કરશે. જોકે, ટીમ માટે રાહતના સમાચાર એ છે કે, પ્રફુલ હિંગે અને ઈશાન મલિંગા જેવા યુવા બોલરો શાનદાર ફોર્મમાં છે.બેટિંગ લાઇનઅપની કસોટી

સનરાઇઝર્સ હૈદરાબાદની બોલિંગ લાઇનઅપ મજબૂત દેખાય છે, પરંતુ બેટિંગમાં હજુ સાતત્યનો અભાવ છે. ટ્રેવિસ હેડ અને અભિષેક શર્મા જેવી ઓપનિંગ જોડી મોટી ઈનિંગ રમવામાં નિષ્ફળ રહી છે. હેનરિક ક્લાસેન અત્યારે શાનદાર ફોર્મમાં છે અને ટીમની બેટિંગનો મુખ્ય આધાર સ્તંભ બનેલો છે.

દિલ્હીની રણનીતિ

બીજી તરફ, દિલ્હી કેપિટલ્સની ટીમ આ સિઝનમાં મિશ્ર પરફોર્મન્સ કરી રહી છે. કે. એલ રાહુલ અને ટ્રિસ્ટન સ્ટબ્સ જેવા એક્સપિરિયન્સ ખેલાડીઓ પાસેથી ટીમને મોટી ઈનિંગની અપેક્ષા છે. બોલિંગમાં લુંગી એન્ગિડી સારું પ્રદર્શન કરી રહ્યો છે, પરંતુ સ્પિનર કુલદીપ યાદવનું ફોર્મ ટીમ માટે થોડી ચિંતા જગાવી રહ્યું છે.

આ પણ ખાસ વાંચો : 14 મી ઓવરમાં હાર્દિકે તિલકને એવું તો શું કહ્યું કે આખી ગેમ બદલાઈ? : કેપ્ટનની એક બૂમથી તિલક વર્માએ મેદાનમાં મચાવ્યો તરખાટ!

પિચ અને હવામાન

હૈદરાબાદના રાજીવ ગાંધી સ્ટેડિયમની પિચ હંમેશા બેટરો માટે સ્વર્ગ સમાન રહી છે. અહીં મોટા સ્કોર જોવા મળે છે. હવામાનની વાત કરીએ તો આજે આકાશ સાફ રહેશે અને વરસાદની કોઈ શક્યતા નથી, જેથી ચાહકોને આખી મેચનો આનંદ માણવા મળશે.

SRH vs DC ની સંભવિત પ્લેઇંગ-12

SRH : અભિષેક શર્મા, ટ્રેવિસ હેડ, ઈશાન કિશન (કેપ્ટન), હેનરિક ક્લાસેન, સલિલ અરોરા, અનિકેત વર્મા, નીતિશ કુમાર રેડ્ડી, લિયામ લિવિંગસ્ટન, શિવાંગ કુમાર, પ્રફુલ પ્રફુલ્લ હિંગે, સાકિબ હુસૈન. (ઇમ્પેક્ટ પ્લેયર: ઈશાન મલિંગા).

DC : કે. એલ રાહુલ, પથુમ નિસાંકા, નીતિશ રાણા, ડેવિડ મિલર, ટ્રિસ્ટન સ્ટબ્સ, અક્ષર પટેલ (કેપ્ટન), વિપરાજ નિગમ, કુલદીપ યાદવ, લુંગી એન્ગિડી, મુકેશ કુમાર, ટી. નટરાજન. (ઇમ્પેક્ટ પ્લેયર: સમીર રિઝવી).

GT vs MI : IPL 2026 ની 30 મી મેચમાં મુંબઈ ઇન્ડિયન્સે જબરદસ્ત કમબેક કર્યું છે. સતત ચાર હારના આઘાત બાદ મુંબઈ ઈન્ડિયન્સે ગુજરાત ટાઇટન્સને તેમના જ ઘર આંગણે 99 રને હરાવી દીધું. આ મેચમાં મુંબઈ ઈન્ડિયન્સની જીત જેટલી ચર્ચામાં રહી, તેટલી જ ચર્ચા કેપ્ટન હાર્દિક પંડ્યા અને યુવા બેટ્સમેન તિલક વર્મા વચ્ચેના મેદાન પરના દ્રશ્યોની થઈ રહી છે. મેચ દરમિયાન હાર્દિક પંડ્યા તિલક વર્મા પર બૂમો પાડતો દેખાયો હતો, જેનો ખુલાસો હવે પોતે કેપ્ટન હાર્દિક પંડ્યાએ જ કર્યો છે.

મુશ્કેલ સમયમાં તિલક વર્માની ધીમી શરૂઆત

મુંબઈ ઈન્ડિયન્સની ઇનિંગ્સની શરૂઆત સારી રહી નહોતી. મુંબઈની ટીમે માત્ર 48 રનમાં પોતાની 3 મહત્વની વિકેટ ગુમાવી દીધી હતી. આ સમયે તિલક વર્મા મેદાનમાં હતો, પરંતુ તે શરૂઆતમાં ઘણો ધીમો રમી રહ્યો હતો. એક તબક્કે તિલક 22 બોલમાં માત્ર 19 રન બનાવીને રમી રહ્યો હતો. તેનો સ્ટ્રાઇક રેટ 100 થી નીચે હતો, જેના કારણે ટીમ પર પ્રેશર વધી રહ્યું હતું. આ જોઈને કેપ્ટન હાર્દિક પંડ્યા અકળાયો હતો.

14 મી ઓવર અને હાર્દિક પંડ્યાનો એ ગુસ્સો

મેચમાં જ્યારે બીજી ટાઇમ-આઉટ લેવામાં આવ્યો, ત્યારે હાર્દિક પંડ્યા ખૂબ જ આક્રમક અંદાજમાં તિલક વર્મા પાસે પહોંચ્યો હતો. સોશિયલ મીડિયા પર વાયરલ થયેલા વીડિયોમાં જોઈ શકાય છે કે, હાર્દિક પંડ્યા જોરજોરથી તિલક વર્માને કંઈક સમજાવી રહ્યો હતો અને તેના પર બૂમો પાડી રહ્યો હતો. હાર્દિક પંડ્યાએ મેચ બાદ જણાવ્યું કે, "હું તેને બૂમ પાડીને કહી રહ્યો હતો કે, બોલ જોઈને ફટકારી દે! મારો મેસેજ સ્પષ્ટ હતો કે તારામાં પ્રતિભા છે, ડર્યા વગર રમ."

તિલક વર્માનું મેદાનમાં તાંડવ

હાર્દિક પંડ્યાના આ 'ડોઝ' પછી તિલક વર્માનો અંદાજ સાવ બદલાઈ ગયો. તેને નરેન્દ્ર મોદી સ્ટેડિયમમાં ચોગ્ગા-છગ્ગાનો વરસાદ કરી દીધો. તિલક વર્માએ માત્ર 45 બોલમાં પોતાની સેન્ચુરી પૂરી કરી અને 101 રન બનાવી નોટઆઉટ રહ્યો. તેની આ ઇનિંગમાં 8 ચોગ્ગા અને 7 છગ્ગા સામેલ હતા. હાર્દિક પંડ્યા હસતા હસતા કહ્યું કે, "હું એટલી જોરથી બૂમો પાડી રહ્યો હતો કે, મને ચક્કર આવવા લાગ્યા હતા, પણ ટીમ માટે એ જરૂરી હતું."

આ પણ ખાસ વાંચો : 4 હાર બાદ મુંબઈનું ધમાકેદાર કમબેક : તિલક વર્માની સદીએ ગુજરાતને અમદાવાદમાં હરાવ્યું

જસપ્રીત બુમરાહને પહેલી ઓવર આપવાનું કારણ

સામાન્ય રીતે જસપ્રીત બુમરાહ પહેલી ઓવર નાખતો નથી, પણ આ મેચમાં તે બોલિંગની શરૂઆત કરતો દેખાયો. આ અંગે હાર્દિક પંડ્યાએ કહ્યું કે, લોકો કહે છે કે 'જસ્સી' પહેલી ઓવર કેમ નથી નાખતો, પણ તેની કારકિર્દીમાં તેને બહુ ઓછી વાર આવું કર્યું છે. આજે અમને લાગ્યું કે, નવા બોલથી વિરોધી ટીમ પર અટૈક કરવો જરૂરી છે અને જસપ્રીત બુમરાહથી શ્રેષ્ઠ કોઈ ઓપ્શન નહોતો. જેના કારણે મુંબઈ ઈન્ડિયન્સના બોલરોએ ગુજરાતને માત્ર 100 રનમાં જ ઓલઆઉટ કરી દીધું હતું.

અમદાવાદમાં ઐતિહાસિક જીત

મુંબઈ ઇન્ડિયન્સ માટે આ જીત મનોવૈજ્ઞાનિક રીતે ખૂબ મોટી છે. હાર્દિક પંડ્યાએ કહ્યું કે, અમદાવાદમાં મુંબઈ માટે રમવું હંમેશા પડકારજનક રહ્યું છે, પરંતુ આ વખતે અમે મજબૂત ક્રિકેટ રમ્યા. આ જીતથી ટીમમાં ફરીથી આત્મવિશ્વાસ પાછો આવ્યો છે અને આગામી મેચોમાં પણ મુંબઈ આ જ લય જાળવી રાખવા માંગશે.

અમદાવાદના Narendra Modi Stadiumમાં રમાયેલી IPL મેચમાં Mumbai Indiansએ આખરે જીતનો સ્વાદ ચાખ્યો છે. સતત ચાર હાર પછી ટીમે ધમાકેદાર કમબેક કરતા Gujarat Titansને 99 રનથી પરાજિત કરી ઐતિહાસિક જીત નોંધાવી છે.

તિલક વર્માની સદીથી મુંબઈનો મજબૂત સ્કોર

મુંબઈ ઇન્ડિયન્સે પ્રથમ બેટિંગ કરતાં 20 ઓવરમાં 5 વિકેટ ગુમાવી 199 રનનો મોટો સ્કોર બનાવ્યો. શરૂઆતમાં ટીમ મુશ્કેલીમાં હતી, કારણ કે પાવરપ્લે દરમિયાન 3 વિકેટ ગુમાવી દીધી હતી. પરંતુ ત્યારબાદ ક્રિઝ પર આવેલા Tilak Varmaએ શાનદાર બેટિંગ કરીને મેચનો પલડો ફેરવી દીધો. તિલક વર્માએ માત્ર 45 બોલમાં 101 રન ફટકારીને પોતાની કારકિર્દીની યાદગાર સદી નોંધાવી. તેમની આ ઇનિંગમાં 8 ચોગ્ગા અને 7 છગ્ગા સામેલ હતા. નમન ધીરે પણ 45 રનનો મહત્વપૂર્ણ ફાળો આપ્યો, જેનાથી મુંબઈ 200ની નજીક પહોંચી શક્યું.

ગુજરાત ટાઇટન્સની ખરાબ શરૂઆત

200 રનના ટાર્ગેટનો પીછો કરવા ઉતરેલી Gujarat Titansની શરૂઆત ખૂબ જ નબળી રહી. પહેલા જ બોલ પર Sai Sudharsan આઉટ થતાં ટીમ દબાણમાં આવી ગઈ. પાવરપ્લે દરમિયાન ગુજરાતે 45 રનમાં 3 વિકેટ ગુમાવી દીધી, જેમાં Jos Buttler (5 રન) અને કેપ્ટન Shubman Gill (14 રન) પણ સસ્તામાં આઉટ થયા.

અશ્વિની કુમારનો ઘાતક સ્પેલ

મુંબઈની જીતમાં બોલિંગનો પણ મોટો ફાળો રહ્યો. Ashwani Kumarએ શાનદાર બોલિંગ કરતા 4 વિકેટ ઝડપી અને ગુજરાતની ટીમને પાછી આવવાની કોઈ તક જ ન આપી. તેમણે Rahul Tewatia, Shahrukh Khan અને Rashid Khan જેવી મહત્વપૂર્ણ વિકેટ ઝડપી મેચ સંપૂર્ણપણે મુંબઈ તરફ ઝૂકાવી દીધી. ગુજરાતની ટીમ આખરે માત્ર 100 રન પર ઓલઆઉટ થઈ ગઈ.

મુંબઈ માટે ઐતિહાસિક જીત

આ જીત મુંબઈ ઇન્ડિયન્સ માટે અનેક કારણોથી ખાસ છે:

• IPL સીઝનમાં સતત 4 હાર બાદ પહેલી જીત

• અમદાવાદના Narendra Modi Stadiumમાં પહેલી જીત

• મોટા અંતરથી જીત મેળવી નેટ રન રેટમાં સુધારો

આ જીતથી ટીમનો આત્મવિશ્વાસ પણ વધશે.

મેચનો ટર્નિંગ પોઈન્ટ

મેચનો સૌથી મોટો ટર્નિંગ પોઈન્ટ તિલક વર્માની સદી અને પાવરપ્લે પછીનું સ્ટેબલ પાર્ટનરશિપ રહ્યું. તેમજ ગુજરાતની શરૂઆતમાં પડેલી વિકેટો અને અશ્વિની કુમારનો સ્પેલ પણ નિર્ણાયક સાબિત થયો.

GT vs MI : IPL 2026 ની 30 મી મેચમાં આજે ક્રિકેટ પ્રેમીઓને એક હાઇ-વોલ્ટેજ ડ્રામા જોવા મળશે. અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ (GT) અને મુંબઈ ઇન્ડિયન્સ (MI) સામસામે ટકરાશે. એક તરફ ગુજરાતની ટીમ પોતાની જીતની લય જાળવી રાખવા મેદાનમાં ઉતરશે, તો બીજી તરફ સતત ચાર હાર બાદ મુંબઈ ઈન્ડિયન્સની ટીમ કમબેક કરવા માટે સંઘર્ષ કરશે.

સ્થિરતા વિરુદ્ધ ફોર્મની લડાઈ

ગુજરાત ટાઇટન્સ માટે આ સિઝન અત્યાર સુધી ખૂબ જ સ્થિર રહી છે. કેપ્ટન શુભમન ગિલની આગેવાનીમાં ટીમે માત્ર 13 ખેલાડીઓનો ઉપયોગ કર્યો છે, જે બતાવે છે કે, ટીમ પોતાના કોમ્બિનેશન પર કેટલો વિશ્વાસ રાખે છે. તેની સામે મુંબઈ ઇન્ડિયન્સની હાલત થોડી નબળી છે. MI એ અત્યાર સુધીમાં 17 ખેલાડીઓ અજમાવ્યા છે, છતાં તેમને યોગ્ય લય મળી રહી નથી.

ગિલ અને પ્રસિદ્ધ પર નજર

ગુજરાતનો કેપ્ટન શુભમન ગિલ અત્યારે શાનદાર ફોર્મમાં છે. તે ઓરેન્જ કેપ મેળવવાથી માત્ર થોડાક જ રન દૂર છે. આ ઉપરાંત બોલિંગમાં પ્રસિદ્ધ ક્રિષ્ના પર્પલ કેપની રેસમાં આગળ છે. બીજી તરફ, મુંબઈ માટે રોહિત શર્મા સૌથી વધુ રન બનાવનાર ખેલાડી છે, પરંતુ તેની ઈજાને કારણે ટીમના કોમ્બિનેશન પર અસર પડી શકે છે.અમદાવાદની પિચ અને હવામાન

નરેન્દ્ર મોદી સ્ટેડિયમની પિચ બેટિંગ અને બોલિંગ બંને માટે અનુકૂળ રહે છે. જોકે, હાલના આંકડા મુજબ પ્રથમ બેટિંગ કરનાર ટીમને અહીં થોડો ફાયદો મળે છે. અમદાવાદની કાળઝાળ ગરમી (40 ડિગ્રીથી વધુ) ખેલાડીઓ માટે પડકારજનક રહેશે, જોકે સાંજની મેચમાં ઝાકળ (Dew) મહત્વનો ભાગ ભજવી શકે છે.

અમદાવાદમાં આંકડાકીય સરસાઈ

નરેન્દ્ર મોદી સ્ટેડિયમમાં ગુજરાત ટાઇટન્સનો રેકોર્ડ મુંબઈ ઇન્ડિયન્સ સામે અત્યંત શાનદાર રહ્યો છે. 20 એપ્રિલ 2026 સુધીના આંકડા મુજબ આ મેદાન પર રમાયેલી તમામ 4 મેચોમાં ગુજરાતે મુંબઈ પર પ્રભુત્વ જમાવીને જીત મેળવી છે. આ સ્ટેડિયમ હાઇ-સ્કોરિંગ ગેમ માટે જાણીતું છે જ્યાં પ્રથમ ઇનિંગ્સનો અવરેજ સ્કોર 180 રનથી વધુ રહે છે. રેકોર્ડ્સ મુજબ અહીં રનનો પીછો કરતી ટીમ માટે જીતવાની તકો વધુ રહેતી હોય છે, જે ટોસ જીતનાર ટીમ માટે મહત્વનો નિર્ણય બની શકે છે.

આ પણ ખાસ વાંચો : IPL 2026 માં પંજાબ કિંગ્સની સતત જીત પાછળ શું છે સિક્રેટ? : આ ખેલાડીએ ખોલી નાખ્યું શ્રેયસ ઐયરની લીડરશિપનું મોટું રહસ્ય!

રોહિત શર્માના રમવા પર સવાલ

મુંબઈના ફેન્સ માટે ચિંતાના સમાચાર એ છે કે, રોહિત શર્માના રમવા પર સસ્પેન્સ છે. હેમસ્ટ્રિંગની ઈજાને કારણે કેપ્ટન હાર્દિક પંડ્યાએ તેને આરામ આપવાની વાત કહી છે. જો રોહિત શર્મા નહીં રમે, તો મુંબઈના બેટિંગ લાઇન-અપમાં ફરી મોટા ફેરફારો જોવા મળી શકે છે.

GT vs MI ની સંભવિત પ્લેઈંગ-12

GT : સાઈ સુદર્શન, શુભમન ગિલ (કેપ્ટન), જોસ બટલર, વોશિંગ્ટન સુંદર, ગ્લેન ફિલિપ્સ, રાહુલ તેવતિયા, રાશિદ ખાન, કાગિસો રબાડા, અશોક શર્મા, મોહમ્મદ સિરાજ અને પ્રસિદ્ધ ક્રિષ્ના. (ઇમ્પેક્ટ પ્લેયર : શાહરૂખ ખાન)

MI : ક્વિન્ટન ડી કોક, રોહિત શર્મા/રાયન રિકેલ્ટન, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), શેરફન રધરફોર્ડ, નમન ધીર, શાર્દૂલ ઠાકુર, દીપક ચહર અને જસપ્રીત બુમરાહ. (ઇમ્પેક્ટ પ્લેયર : ટ્રેન્ટ બોલ્ટ)

Punjab Kings : IPL 2026 માં પંજાબ કિંગ્સનો વિજય રથ અટકવાનું નામ નથી લઈ રહ્યો. પ્રીતિ ઝીન્ટાની માલિકીની આ ટીમ આ સિઝનમાં એક અલગ જ અંદાજમાં જોવા મળી રહી છે. શ્રેયસ ઐયરના નેતૃત્વમાં પંજાબે અત્યાર સુધી રમાયેલી 6 મેચોમાંથી એક પણ મેચ ગુમાવી નથી. આ શાનદાર પરફોર્મન્સ પાછળ શું રહસ્ય છુપાયેલું છે, તેનો ખુલાસો ટીમના કેપ્ટન અને ખેલાડીઓએ કર્યો છે.

અજેય પંજાબનો દબદબો

પંજાબ કિંગ્સ આ સિઝનમાં અત્યારસુધી 6 મેચ રમીને અજેય રહી છે, જેમાં 5 મેચમાં જીત મેળવી છે અને એક મેચ વરસાદને કારણે રદ થઈ હતી. 11 પોઈન્ટ સાથે ટીમ હાલમાં ટેબલમાં ટોપ પર છે. ગત સિઝનમાં રનર-અપ રહેલી આ ટીમ આ વર્ષે ચેમ્પિયન બનવાના ઈરાદા સાથે મેદાનમાં ઉતરી છે અને મેદાન પર તેમનો આત્મવિશ્વાસ સ્પષ્ટપણે દેખાઈ રહ્યો છે.

કેપ્ટન શ્રેયસ ઐયરનું નેતૃત્વ

ટીમની આ સફળતામાં કેપ્ટન શ્રેયસ ઐયરનો મોટો ફાળો છે. લખનઉ સુપર જાયન્ટ્સ સામેની ભવ્ય જીત બાદ શ્રેયસ ઐયરે જણાવ્યું કે, ડ્રેસિંગ રૂમમાં ઉભું કરવામાં આવેલું સકારાત્મક વાતાવરણ જ મેદાન પર પરિણામ આપી રહ્યું છે. શ્રેયસ ઐયર પોતે ખેલાડીઓ માટે ઉદાહરણ પૂરું પાડે છે અને દરેક ખેલાડીને પોતાની નેચરલ રમત રમવા માટે પ્રોત્સાહિત કરે છે.

ડ્રેસિંગ રૂમનું વાતાવરણ

ઓસ્ટ્રેલિયન બેટ્સમેન કૂપર કોનોલીએ જણાવ્યું કે, ટીમમાં એકબીજા પાસેથી શીખવાની ક્ષમતા જ તેમને મજબૂત બનાવી રહી છે. કૂપર કોનોલીના મતે, ટીમમાં એવું વાતાવરણ છે જ્યાં દરેક ખેલાડી એકબીજાને મદદ કરે છે અને નાની-નાની બાબતો પર ધ્યાન આપે છે. આ સકારાત્મકતાને કારણે જ ખેલાડીઓ મેદાન પર પ્રેશર વગર રમી શકે છે.

લખનઉ સામે ઐતિહાસિક જીત

હાલમાં જ પંજાબ કિંગ્સે લખનઉ સુપર જાયન્ટ્સ સામે 54 રને શાનદાર જીત નોંધાવી હતી. આ મેચમાં કૂપર કોનોલીના 87 રન અને પ્રિયાંશ આર્યના વિસ્ફોટક 93 રનની મદદથી પંજાબ કિંગ્સે 254 રનનો વિશાળ સ્કોર બનાવ્યો હતો. બંને વચ્ચે થયેલી 182 રનની પાર્ટનરશીઓએ વિરોધી ટીમને મેચમાંથી બહાર કરી દીધી હતી.

આ પણ ખાસ વાંચો : SRH vs CSK મેચમાં શું 'બ્લેક મેજિક' થયું? : કાળા જાદુ સામે CSK એ કરી ફરિયાદ?, જાણો શું છે સત્ય

યુવા ખેલાડીઓનો તરખાટ

પંજાબ કિંગ્સની ટીમમાં એક્સપિરિયન્સ ખેલાડીઓની સાથે યુવા ખેલાડીઓ પણ જોરદાર પરફોર્મન્સ કરી રહ્યા છે. પ્રિયાંશ આર્ય ગત વર્ષથી જે રીતે રમી રહ્યો છે, તેની પ્રશંસા આખી ટીમ કરી રહી છે. નબળા બોલનો ફાયદો ઉઠાવવો અને સતત વિરોધી ટીમ પર પ્રેશર બનાવી રાખવું એ પંજાબ કિંગ્સની નવી રણનીતિ છે, જે તેમને 2014 અને 2025 બાદ ફરી એકવાર ફાઇનલ સુધી લઈ જઈ શકે છે.

IPL 2026 : IPL 2026 ની સિઝન અત્યારે પૂરા જોશમાં ચાલી રહી છે, પરંતુ હાલમાં ચેન્નાઈ સુપર કિંગ્સ (CSK) અને સનરાઇઝર્સ હૈદરાબાદ (SRH) વચ્ચેની મેચમાં રમત સિવાય એક વિચિત્ર વિવાદે જોર પકડ્યું છે. સોશિયલ મીડિયા પર 'બ્લેક મેજિક' ના દાવાઓ સાથે એક વીડિયો વાયરલ થઈ રહ્યો છે, જેના પર હવે IPL ના પૂર્વ ચેરમેન લલિત મોદીએ પણ પ્રતિક્રિયા આપી છે.

મેદાન પરની વિચિત્ર ઘટના

હૈદરાબાદના રાજીવ ગાંધી સ્ટેડિયમમાં રમાયેલી આ મેચમાં જ્યારે ચેન્નાઈની ટીમ લક્ષ્યનો પીછો કરી રહી હતી, ત્યારે સ્ટેન્ડમાં બેઠેલો એક હૈદરાબાદનો ફેન હાથમાં લીંબુ લઈને કંઈક મંત્ર બોલતો હોય તેવો વીડિયો કેમેરામાં કેદ થયો હતો. નવાઈની વાત એ છે કે, આ ઘટનાની થોડી જ ક્ષણોમાં સેટ બેટ્સમેન શિવમ દુબે આઉટ થઈ ગયો, જેનાથી સોશિયલ મીડિયા પર ચર્ચા જાગી કે શું આ બધું જાદુના કારણે થયું?

સાકિબ હુસૈનની બોલિંગ અને દુબેની વિકેટ

મેચની 17 મી ઓવરમાં શિવમ દુબે શાનદાર બેટિંગ કરી રહ્યો હતો. હૈદરાબાદના બોલર સાકિબ હુસૈને એક ફુલ લેન્થ બોલ ફેંક્યો જે દુબે સંપૂર્ણપણે ચૂકી ગયો અને બોલ્ડ થઈ ગયો. આ વિકેટ પડતાની સાથે જ સ્ટેડિયમમાં હોબાળો મચી ગયો અને સોશિયલ મીડિયા પર લોકો આ વિકેટને પેલા 'લીંબુવાળા ફેન' સાથે જોડવા લાગ્યા.

લલિત મોદીનો ચોંકાવનારો દાવોઆ વિવાદ વચ્ચે સોશિયલ મીડિયા પર CSK નો એક કથિત પત્ર વાયરલ થયો, જેમાં BCCI ને ફરિયાદ કરવામાં આવી હતી. જોકે, લલિત મોદીએ આ પત્રને નકલી ગણાવ્યો છે. પરંતુ તેમણે એક મોટો ખુલાસો કરતાં લખ્યું કે, "આ વખતે ભલે પત્ર ખોટો હોય, પણ 2011 માં એક ટીમના માલિકે વિરોધી ટીમના ડ્રેસિંગ રૂમમાં આવી જ રીતે જાદુ-ટોણા કરવાનો પ્રયાસ કર્યો હતો, જેના પુરાવા પણ મારી પાસે છે."

આ પણ ખાસ વાંચો : ગુજરાત ટાઇટન્સને લાગ્યો મોટો ઝટકો! : સ્ટાર ખેલાડી IPL 2026 માંથી બહાર, તાત્કાલિક રિપ્લેસમેન્ટની કરી જાહેરાત

શું ખરેખર કોઈ ફરિયાદ થઈ છે?

સોશિયલ મીડિયા પર વાયરલ થયેલો ચેન્નાઈ સુપર કિંગ્સનો ફરિયાદ પત્ર સંપૂર્ણપણે એડિટ કરેલો અને નકલી સાબિત થયો છે. ફ્રેન્ચાઈઝી કે, BCCI તરફથી આવી કોઈ જ સત્તાવાર ફરિયાદ કરવામાં આવી નથી. આ મેચમાં હૈદરાબાદે ચેન્નાઈને 10 રનથી હરાવીને શાનદાર જીત નોંધાવી હતી, પરંતુ ચર્ચા રમત કરતા આ 'બ્લેક મેજિક' ની વધુ થઈ રહી છે.

IPL 2026 ની રોમાંચક મેચમાં પંજાબ કિંગ્સે લખનૌ સુપર જાયન્ટ્સને 54 રનના મોટા અંતરથી હરાવી દીધું છે. આ મેચમાં પંજાબના બેટરોએ શરૂઆતથી જ આક્રમક વલણ અપનાવ્યું હતું અને ટૂર્નામેન્ટનો સૌથી હાઈએસ્ટ સ્કોર ખડકી દીધો હતો. આ વિશાળ લક્ષ્ય સામે લખનૌની બેટિંગ લાઈનઅપ વેરવિખેર થઈ ગઈ હતી. લખનૌની પૂરી ટીમ નિર્ધારિત 20 ઓવરમાં માત્ર 200 રન જ બનાવી શકી હતી. પંજાબની આ જીતમાં પ્રિયાંશ આર્યા અને કૂપર કોનોલીની તોફાની અડધી સદીઓએ મહત્વની ભૂમિકા ભજવી હતી.

રેકોર્ડબ્રેક સ્કોર સામે લખનૌના ઘૂંટણિયા

મેચમાં પ્રથમ બેટિંગ કરવા ઉતરેલી પંજાબ કિંગ્સની ટીમે નિર્ધારિત ઓવરોમાં 254 રનનો પહાડ જેવો સ્કોર ઉભો કર્યો હતો. IPL 2026 ની આ સિઝનમાં અત્યાર સુધીનો આ સૌથી સર્વોચ્ચ સ્કોર છે. આ સાથે પંજાબે RCB ના 250 રનના રેકોર્ડને પણ પાછળ છોડી દીધો છે.

લક્ષ્યનો પીછો કરવા ઉતરેલી લખનૌ સુપર જાયન્ટ્સની શરૂઆત સારી રહી હતી. મિચેલ માર્શ અને આયુષ બડોનીએ પાવરપ્લેમાં આક્રમક રમત રમીને 61 રન જોડ્યા હતા. જોકે, લખનૌનો રન રેટ સતત 10 ની આસપાસ જ રહ્યો હતો. અંતિમ ઓવરોમાં રન રેટ વધારવાના દબાણમાં લખનૌની ટીમ સતત વિકેટો ગુમાવતી રહી જે હારનું મુખ્ય કારણ સાબિત થયું હતું.

પ્રિયાંશ અને કોનોલીનો કહેર

પંજાબ કિંગ્સને આ ઐતિહાસિક સ્કોર સુધી પહોંચાડવામાં યુવા ખેલાડી પ્રિયાંશ આર્યા અને કૂપર કોનોલીએ પાયાની ભૂમિકા ભજવી હતી. બંને બેટરોએ મેદાનની ચારેબાજુ ચોગ્ગા અને છગ્ગાની રમઝટ બોલાવીને લખનૌના બોલરોને લાચાર કરી દીધા હતા. આ તોફાની બેટિંગના કારણે જ પંજાબ કિંગ્સ આ વર્ષનો સૌથી મોટો સ્કોર બનાવવામાં સફળ રહી હતી.

IPL 2026 Double Header : IPL 2026 માં આજે ક્રિકેટ પ્રેમીઓ માટે એક્શનથી ભરેલો દિવસ છે. ડબલ હેડર મેચોમાં પ્રથમ મુકાબલો રોયલ ચેલેન્જર્સ બેંગલુરુ અને દિલ્હી કેપિટલ્સ વચ્ચે છે, જ્યારે બીજી મેચમાં સનરાઇઝર્સ હૈદરાબાદ અને ચેન્નઈ સુપર કિંગ્સ આમને-સામને આવશે. બંને મેચો પ્લેઓફ રેસને સીધી અસર કરશે, એટલે આજેનો દિવસ ટુર્નામેન્ટ માટે ટર્નિંગ પોઇન્ટ સાબિત થઈ શકે છે.

પ્રથમ મેચ : RCB vs DC, બેંગલુરુમાં કોહલીની ટીમ ફેવરિટરોયલ ચેલેન્જર્સ બેંગલુરુ હાલમાં IPL 2026 ની સૌથી સંતુલિત ટીમ તરીકે સામે આવી છે. ખાસ કરીને પોતાના હોમ ગ્રાઉન્ડ એમ. ચિન્નાસ્વામી સ્ટેડિયમમાં ટીમ અજેય રહી છે અને આજે સતત ચોથી જીતનો પ્રયાસ કરશે. વિરાટ કોહલી શાનદાર ફોર્મમાં છે અને ઓરેન્જ કેપની રેસમાં વિરાટ કોહલી હાલમાં બીજા નંબરે છે. પરંતુ આ વખતે RCB ની ખાસિયત એ છે કે, ટીમ માત્ર કોહલી પર નિર્ભર નથી. રજત પાટીદાર, ફિલ સોલ્ટ, દેવદત્ત પડિકલ અને ટિમ ડેવિડ જેવા ખેલાડીઓ સતત યોગદાન આપી રહ્યા છે. દિલ્હી કેપિટલ્સ માટે સ્થિતિ વિપરીત છે. ટીમ પાસે કે. એલ રાહુલ, પથુમ નિસાંકા અને ડેવિડ મિલર જેવા એક્સપિરિયન્સ ખેલાડીઓ હોવા છતાં તેમનું પરફોર્મન્સ અયોગ્ય રહ્યું છે. યુવા સમીર રિઝવી એકલા જ લડત આપી રહ્યો છે, જ્યારે કેપ્ટન અક્ષર પટેલ અને કુલદીપ યાદવનું ફોર્મ પણ ચિંતાજનક છે. બેંગલુરુની પિચ બેટર્સ માટે અનુકૂળ હોવાથી આ મેચ હાઇ-સ્કોરિંગ બની શકે છે. જો DC બોલિંગમાં સુધારો નહીં કરે, તો મેચ એકતરફી બની શકે છે.

બીજી મેચ : SRH vs CSK, હૈદરાબાદમાં ટક્કર સમાનદિવસની બીજી મેચમાં સનરાઇઝર્સ હૈદરાબાદ અને ચેન્નઈ સુપર કિંગ્સ વચ્ચે રસપ્રદ ટક્કર જોવા મળશે. બંને ટીમો હાલમાં જીતની લયમાં છે. SRH એ પોતાની છેલ્લી મેચમાં રાજસ્થાન રોયલ્સને હરાવીને આત્મવિશ્વાસ મેળવ્યો છે. હેનરિક ક્લાસેન 200+ રન સાથે ટીમ માટે સૌથી મોટો મૅચ-વિનર બની રહ્યો છે. યુવા બોલરો પણ શાનદાર પ્રદર્શન કરી રહ્યા છે. CSK તરફથી સંજુ સેમસન બેટિંગમાં ચમકી રહ્યો છે, જ્યારે અંશુલ કંબોજ બોલિંગમાં વિકેટ લઈ રહ્યો છે. જોકે, એમ.એસ. ધોનીની ગેરહાજરી ટીમ માટે મોટું નુકસાન બની શકે છે. હેડ-ટુ-હેડમાં CSK આગળ છે, પરંતુ હૈદરાબાદના મેદાન પર SRH વધુ મજબૂત દેખાય છે. એટલે આ મેચ ખૂબ જ ક્લોઝ અને રોમાંચક બની શકે છે.

પિચ અને પરિસ્થિતિ : બંને મેચમાં રનવર્ષાની સંભાવના

બેંગલુરુ અને હૈદરાબાદ બંને મેદાનો બેટિંગ માટે જાણીતા છે. ચિન્નાસ્વામીમાં નાના બાઉન્ડરીને કારણે છગ્ગા-ચોગ્ગાની વરસાદ થાય છે, જ્યારે હૈદરાબાદમાં ફ્લેટ પિચ સાથે મોટા સ્કોર જોવા મળે છે. હવામાન પણ બંને શહેરોમાં મેચ માટે અનુકૂળ છે. વરસાદની શક્યતા ખૂબ ઓછી છે, એટલે બંને મેચ સંપૂર્ણ જોવા મળશે.

આ પણ ખાસ વાંચો : ગુજરાતની જીતની હેટ્રિક : ગિલની શાનદાર 86 રનની ઇનિંગ્સ

કેમ આજનો દિવસ ખાસ છે?

આજનો ડબલ હેડર IPL 2026 ના પરિપ્રેક્ષ્યમાં ખૂબ જ મહત્વપૂર્ણ છે:

• RCB જીતે તો ટોપમાં પોતાની સ્થિતિ મજબૂત કરશે.

• DC માટે હારનો અર્થ વધુ દબાણ.

• SRH જીતે તો ટોપ-4 માં પહોંચશે.

• CSK માટે જીત જરૂરી છે ટેબલમાં આગળ વધવા.

• એક દિવસમાં ચાર ટીમો માટે ભાગ્ય બદલવાની તક છે.

મેચ પર નજર રાખવા જેવા ખેલાડીઓ

વિરાટ કોહલી : સતત રન અને ઓરેન્જ કેપ

રજત પાટીદાર : પાવર હિટિંગમાં ટોચ પર

હેનરિક ક્લાસેન : SRH નો મિડલ ઓર્ડર હીરો

સંજુ સેમસન : CSK માટે મૅચ વિનર

અંશુલ કંબોજ : બોલિંગમાં સતત વિકેટ

RCB vs DC ની સંભવિત પ્લેઇંગ-12

RCB : વિરાટ કોહલી, ફિલ સોલ્ટ, દેવદત્ત પડિકલ, રજત પાટીદાર (કેપ્ટન), જિતેશ શર્મા (વિકેટકીપર), ટિમ ડેવિડ, રોમારિયો શેફર્ડ, કૃણાલ પંડ્યા, ભુવનેશ્વર કુમાર, જોશ હેઝલવુડ, અભિનંદન સિંહ. ઇમ્પેક્ટ પ્લેયર: વેંકટેશ અય્યર.

DC : કે. એલ રાહુલ (વિકેટકીપર), પથુમ નિસાંકા, નીતીશ રાણા, ડેવિડ મિલર, ટ્રિસ્ટન સ્ટબ્સ, અક્ષર પટેલ (કેપ્ટન), વિપરાજ નિગમ, કુલદીપ યાદવ, લુંગી એન્ગિડી, મુકેશ કુમાર, ટી. નટરાજન. ઇમ્પેક્ટ પ્લેયર: સમીર રિઝવી.

CSK vs SRH ની સંભવિત પ્લેઇંગ-12

SRH : ટ્રેવિસ હેડ, અભિષેક શર્મા, ઈશાન કિશન (કેપ્ટન, વિકેટકીપર), હેનરિક ક્લાસેન, સલિલ અરોરા, અનિકેત વર્મા, નીતિશ કુમાર રેડ્ડી, હર્ષ દુબે, શિવાંગ કુમાર, ઈશાન મલિંગા અને પ્રફુલ્લ હિંગે. ઈમ્પેક્ટ પ્લેયર: લિયામ લિવિંગસ્ટન.

CSK : સંજુ સેમસન (વિકેટકીપર), ઋતુરાજ ગાયકવાડ (કેપ્ટન), આયુષ મ્હાત્રે, સરફરાઝ ખાન, ડેવાલ્ડ બ્રેવિસ, શિવમ દુબે, જેમી ઓવરટન, નૂર અહમદ, અંશુલ કંબોજ, ખલીલ અહમદ, ગુરજપનીત સિંહ. ઇમ્પેક્ટ પ્લેયર: અકીલ હુસૈન.

IPL 2026માં ગુજરાત ટાઇટન્સ ફરી એકવાર પોતાની જબરદસ્ત ફોર્મમાં દેખાઈ રહી છે. અમદાવાદના નરેન્દ્ર મોદી સ્ટેડિયમમાં રમાયેલા મુકાબલામાં કેપ્ટન શુભમન ગિલની શાનદાર બેટિંગે ટીમને 5 વિકેટે જીત અપાવી. બીજી તરફ, કોલકાતા નાઇટ રાઇડર્સની મુશ્કેલીઓ વધી રહી છે.

ગિલનો ગજબ પ્રદર્શન: અર્ધશતકની હેટ્રિક

ગુજરાત ટાઇટન્સના કેપ્ટન શુભમન ગિલે ફરી એકવાર પોતાના બેટથી જાદુ સર્જ્યો.

• આ મેચમાં 86 રનની મેચ વિનિંગ ઇનિંગ્સ

• 8 ચોગ્ગા અને 4 છગ્ગા

• સતત ત્રીજો અર્ધશતક (હેટ્રિક)

આ પહેલાં ગિલે દિલ્હી કેપિટલ્સ સામે 70 અને લખનૌ સુપર જાયન્ટ્સ સામે 56 રન બનાવ્યા હતા. આ શાનદાર પ્રદર્શનના કારણે ગિલે IPL 2026માં ઓરેન્જ કેપ પણ પોતાના નામે કરી લીધી છે.

ગુજરાતની જીતની હેટ્રિક

ગુજરાત ટાઇટન્સ માટે આ જીત ખૂબ મહત્વપૂર્ણ રહી.

• શરૂઆતના બે મેચમાં હાર

• ત્યારબાદ સતત ત્રણ જીત

આ જીત સાથે ટીમે પોઈન્ટ્સ ટેબલમાં ચોથા સ્થાન પર કબજો જમાવ્યો છે. ટીમનું કમબેક દર્શાવે છે કે તેઓ ટુર્નામેન્ટમાં મજબૂત દાવેદાર બની શકે છે.

KKRની હાલત ખરાબ: સતત હારનો સિલસિલો

કોલકાતા નાઇટ રાઇડર્સ માટે આ સીઝન ખૂબ નિરાશાજનક રહી છે.

• સતત 7મી હાર (IPL ઇતિહાસમાં ખરાબ રેકોર્ડ)

• 6 મેચમાંથી 5 હાર

• એક મેચ વરસાદને કારણે રદ્દ

આ સીઝનમાં KKR હજુ સુધી એકપણ જીત મેળવી શકી નથી, જે ટીમ માટે ગંભીર ચિંતાનો વિષય છે.

મેચનું સંપૂર્ણ વિશ્લેષણ

KKRની ઇનિંગ્સ

પ્રથમ બેટિંગ કરતા KKRએ 180 રનનો સ્કોર ઉભો કર્યો. આ સ્કોર સ્પર્ધાત્મક હતો, પરંતુ બોલર્સ તેને બચાવી શક્યા નહીં.

ગુજરાતનો ચેઝ

ગુજરાત ટાઇટન્સે શાનદાર બેટિંગ સાથે ટાર્ગેટ ચેઝ કર્યો.

• છેલ્લી ઓવરમાં જીત હાંસલ

• 5 વિકેટથી મેચ જીતી

ટીમના બેટ્સમેનોએ દબાણ વચ્ચે શાંત રહીને રમત પૂરી કરી.

Gujarat Titans : IPL 2026 ની શરૂઆત બેંગલુરુમાં થઈ તેને હવે ત્રણ અઠવાડિયાનો સમય વીતી ગયો છે. અત્યાર સુધીની આ સિઝનમાં ઘણી ટીમોના ખેલાડીઓ ઈજાગ્રસ્ત થયા છે, જેના કારણે ટીમોના આયોજનમાં મુશ્કેલી પડી રહી છે. હવે આ લિસ્ટમાં ગુજરાત ટાઇટન્સનું નામ પણ જોડાઈ ગયું છે, જેમને આજની મેચ (17 માર્ચ કોલકાતા સામેની મેચ) પહેલા મોટો ફટકો પડ્યો છે.

સ્ટાર ઓલરાઉન્ડર ટીમની બહાર

ગુજરાત ટાઇટન્સના કેપ્ટન શુભમન ગિલ માટે મુશ્કેલીના સમાચાર આવ્યા છે. ટીમના સ્ટાર ઈંગ્લિશ ઓલરાઉન્ડર ટોમ બેન્ટન ઈજાના કારણે આખી ટૂર્નામેન્ટમાંથી બહાર થઈ ગયા છે. આજે અમદાવાદના નરેન્દ્ર મોદી સ્ટેડિયમમાં કોલકાતા નાઈટ રાઈડર્સ સામેની મેચના દિવસે જ આ સમાચાર સામે આવ્યા છે. સત્તાવાર માહિતી મુજબ, 27 વર્ષીય બેન્ટનને આંગળીમાં ઈજા થતાં તે આ IPL માં રમી શકશે નહીં.

કોણ છે નવો ખેલાડી કોનર એસ્ટરહુઇઝન

ગુજરાત ટાઇટન્સે સમય બગાડ્યા વગર રિપ્લેસમેન્ટની જાહેરાત કરી દીધી છે. સાઉથ આફ્રિકાના 24 વર્ષીય યુવા ખેલાડી કોનર એસ્ટરહુઇઝનને બાકીની સિઝન માટે ટીમમાં સામેલ કરાયો છે. કોનરને 75 લાખ રૂપિયામાં ટીમમાં સ્થાન મળ્યું છે. તેને હાલમાં જ ન્યૂઝીલેન્ડ સામેની સિરીઝમાં શાનદાર પરફોર્મન્સ કર્યું હતું, જેના કારણે તેને પ્લેયર ઓફ ધ સિરીઝનો એવોર્ડ પણ મળ્યો હતો.

ગુજરાત ટાઇટન્સનું અત્યાર સુધીનું પરફોર્મન્સ

આ સિઝનમાં ગુજરાત ટાઇટન્સની શરૂઆત થોડી નબળી રહી હતી અને શરૂઆતની બે મેચમાં હારનો સામનો કરવો પડ્યો હતો. જોકે, હવે ટીમ ફોર્મમાં પરત ફરી છે અને સતત બે મેચ જીતી છે. કેપ્ટન શુભમન ગિલ શાનદાર ફોર્મમાં છે અને બોલિંગમાં પ્રસિદ્ધ કૃષ્ણા વિકેટ ઝડપીને તરખાટ મચાવી રહ્યો છે. હાલમાં પ્રસિદ્ધ કૃષ્ણા પાસે પર્પલ કેપ પણ છે.

આજનો પડકાર અને લક્ષ્ય

આજે 17 એપ્રિલે અમદાવાદમાં ગુજરાત ટાઇટન્સ અને કોલકાતા નાઈટ રાઈડર્સ વચ્ચે જંગ જામશે. વર્ષ 2022 માં પોતાની પ્રથમ જ સિઝનમાં ચેમ્પિયન બનેલી ગુજરાતની ટીમ આ વર્ષે બીજી વખત ટ્રોફી જીતવાના મજબૂત ઇરાદા સાથે મેદાનમાં ઉતરી રહી છે. નવા ખેલાડીના આવવાથી ટીમનું મનોબળ વધશે તેવી આશા છે.

Mumbai Indians : IPL 2026 ની સિઝન મુંબઈ ઈન્ડિયન્સ માટે અત્યાર સુધી ખૂબ જ નિરાશાજનક રહી છે. ટીમ અત્યાર સુધી રમાયેલી પાંચ મેચોમાંથી માત્ર એક જ જીત મેળવી શકી છે અને પોઈન્ટ ટેબલમાં નીચલા ક્રમે છે. પંજાબ કિંગ્સ સામે મળેલી કારમી હાર બાદ કેપ્ટન હાર્દિક પંડ્યાએ ટીમના પરફોર્મન્સ પર નારાજગી વ્યક્ત કરી છે અને આગામી સમયમાં મોટા ફેરફારો કરવાની ચેતવણી આપી છે.

વાનખેડેમાં પંજાબનો દબદબો

ગુરુવારે વાનખેડે સ્ટેડિયમમાં રમાયેલી મેચમાં મુંબઈ ઈન્ડિયન્સને સતત ચોથી હારનો સામનો કરવો પડ્યો હતો. મુંબઈએ પંજાબ કિંગ્સને 196 રનનો પડકાર આપ્યો હતો, પરંતુ પંજાબની ટીમે શાનદાર બેટિંગ કરીને આ લક્ષ્યાંક માત્ર 16.3 ઓવરમાં જ હાંસલ કરી લીધો હતો. મુંબઈના બોલરો આ મેચમાં બિલકુલ નિષ્ફળ સાબિત થયા હતા, જેના કારણે હારનો આંકડો મોટો બન્યો છે.

હાર્દિક પંડ્યાની કડક ટિપ્પણી

હાર બાદ હાર્દિક પંડ્યાએ સ્પષ્ટ શબ્દોમાં કહ્યું કે, હવે બેસીને આશા રાખવાનો સમય પૂરો થઈ ગયો છે. હાર્દિક પંડ્યાએ જણાવ્યું કે, ટીમમાં કઈ ખામી છે તે શોધવા માટે ડ્રોઈંગ બોર્ડ પર પરત ફરવું પડશે. હાર્દિક પંડ્યાના મતે, હવે એવા કડક પ્રશ્નો પૂછવાનો સમય આવી ગયો છે કે, શું આપણે પ્લેઈંગ ઈલેવનમાં ફેરફાર કરવો જોઈએ કે જૂની પદ્ધતિથી જ રમતા રહેવું જોઈએ.

આ પણ ખાસ વાંચો : T20 વર્લ્ડ કપ 2026 માં મેચ ફિક્સિંગનું કૌભાંડ! : કેપ્ટન પર લાગ્યા ગંભીર આરોપ, લીક ઓડિયોએ વધારી શંકા

સ્ટાર ખેલાડીઓના ફોર્મ પર સવાલ

ટીમના મુખ્ય આધારસ્તંભ ગણાતા જસપ્રીત બુમરાહ અને સૂર્યકુમાર યાદવનું ફોર્મ ચિંતાનો વિષય બન્યું છે. જસપ્રીત બુમરાહ આ સિઝનમાં હજુ સુધી એક પણ વિકેટ ઝડપી શક્યો નથી, જ્યારે સૂર્યાના બેટથી પણ રન નીકળી રહ્યા નથી. હાર્દિક પંડ્યાના 'કડક નિર્ણય' વાળા નિવેદન બાદ એવી અટકળો તેજ થઈ છે કે, શું આ સ્ટાર ખેલાડીઓને પ્લેઈંગ ઈલેવનમાંથી પડતા મૂકવામાં આવશે અથવા તેમને રેસ્ટ આપવામાં આવશે.

આ પણ ખાસ વાંચો : શું ટીમ ઈન્ડિયામાંથી સૂર્યાનું પત્તું કપાશે? : ફોર્મ અને ફ્યુચર વચ્ચે ફસાયો કેપ્ટન, જાણો કેમ BCCI લઈ શકે છે આ કઠિન નિર્ણય

આગામી રણનીતિ

મુંબઈ ઈન્ડિયન્સ હવે પોતાની પ્લાનિંગ અને ખેલાડીઓની વ્યક્તિગત ભૂલો પર કામ કરશે. હાર્દિક પંડ્યાએ કોઈ ચોક્કસ ખેલાડીનું નામ લીધું નથી, પરંતુ સમગ્ર ટીમને જવાબદારી લેવા જણાવ્યું છે. જો ટીમ સમયસર લયમાં નહીં આવે, તો IPL 2026 ની પ્લેઓફની રેસ મુંબઈ માટે અત્યંત મુશ્કેલ બની જશે.

IPL 2026ની રોમાંચક સિઝનમાં આજે અમદાવાદના ઐતિહાસિક Narendra Modi Stadium ખાતે Gujarat Titans અને Kolkata Knight Riders વચ્ચે મહત્વપૂર્ણ મુકાબલો રમાવાનો છે. પરંતુ મેચ પહેલાં સૌથી મોટો સવાલ એ છે કે શું હવામાન મેચમાં વિલન બનશે કે ફેન્સને પૂરા 40 ઓવરની મેચ જોવા મળશે?

અમદાવાદનું હવામાન: વરસાદ નહીં, પણ ગરમી મોટી ચિંતાનો વિષય

અમદાવાદમાં 17 એપ્રિલના દિવસે હવામાન સંપૂર્ણપણે સુકું રહેવાની શક્યતા છે. હવામાન વિભાગના અનુમાન મુજબ દિવસનું મહત્તમ તાપમાન 42થી 43°C સુધી જઈ શકે છે, જ્યારે રાત્રે પણ તાપમાન 25–26°C આસપાસ રહેશે. આકાશ સાફ રહેશે અને તડકો તીવ્ર રહેશે, જેના કારણે દિવસ દરમિયાન ખેલાડીઓ માટે પરિસ્થિતિ પડકારજનક બની શકે છે. સારા સમાચાર એ છે કે વરસાદની કોઈ શક્યતા નથી, એટલે મેચ સંપૂર્ણ રીતે રમાવાની આશા છે. જોકે, ગરમી અને ડ્યૂ (રાત્રે ભેજ) મેચના પરિણામ પર અસર કરી શકે છે. ખાસ કરીને બીજી ઇનિંગમાં બોલિંગ ટીમ માટે ડ્યૂ ફેક્ટર મહત્વપૂર્ણ બની શકે છે.

પિચ રિપોર્ટ: બેટિંગ માટે સ્વર્ગ કે બોલર્સ માટે પડકાર?

Narendra Modi Stadiumની પિચ સામાન્ય રીતે બેટિંગ-ફ્રેન્ડલી માનવામાં આવે છે. અહીં સારો બાઉન્સ અને પેસ મળતો હોવાથી બેટર્સ સરળતાથી શોટ રમી શકે છે. આ સીઝનમાં અહીં રમાયેલી એક મેચમાં Rajasthan Royalsએ 210 રન બનાવ્યા હતા, જ્યારે Gujarat Titans 204 રન સુધી જ પહોંચી શકી હતી. આથી સ્પષ્ટ થાય છે કે હાઈ-સ્કોરિંગ મુકાબલો જોવા મળી શકે છે. ટોસ જીતનાર ટીમ પહેલા બોલિંગ કરવાનું પસંદ કરી શકે છે, કારણ કે રાત્રે ડ્યૂનો ફાયદો ચેઝ કરતી ટીમને મળી શકે છે.

હેડ-ટુ-હેડ: GTનું પલડું ભારે

IPL ઈતિહાસમાં Gujarat Titans અને Kolkata Knight Riders વચ્ચે અત્યાર સુધી 4 મુકાબલા રમાયા છે.

GTએ જીત્યા: 3

KKRએ જીત્યા: 1

પાછલા સિઝનમાં GTએ KKRને 39 રનથી હરાવ્યું હતું, જે ટીમના આત્મવિશ્વાસને વધારશે.

ખેલાડીઓ પર નજર: કોણ બદલશે મેચનું રુખ?

ગુજરાત ટાઇટન્સનો મજબૂત ફોર્મ

Gujarat Titans માટે Jos Buttler શાનદાર ફોર્મમાં છે. તેણે 4 મેચમાં 176 રન બનાવ્યા છે, જેમાં 2 અડધી સદી સામેલ છે.

બોલિંગમાં Prasidh Krishnaએ 10 વિકેટ લઈને ટીમ માટે મહત્વપૂર્ણ યોગદાન આપ્યું છે.

ટીમે છેલ્લી બે મેચમાં Delhi Capitals અને Lucknow Super Giantsને હરાવીને મોમેન્ટમ મેળવ્યું છે.

કોલકાતા માટે ચિંતાનો વિષય

Kolkata Knight Riders આ સીઝનમાં સંઘર્ષ કરી રહી છે. 5 મેચમાં 4 હાર અને એક મેચ વરસાદથી રદ રહી છે.

ટીમના સ્ટાર ખેલાડીઓ જેમ કે Rinku Singh, Cameron Green અને કેપ્ટન Ajinkya Rahane ફોર્મમાં નથી.

હાલમાં Angkrish Raghuvanshi ટોપ સ્કોરર છે, જેણે 5 મેચમાં 182 રન બનાવ્યા છે. બોલિંગમાં Vaibhav Aroraએ 6 વિકેટ લીધી છે.

સંભવિત પ્લેઇંગ 11

ગુજરાત ટાઇટન્સ:

સાઈ સુદર્શન, શુભમન ગિલ (કેપ્ટન), જોસ બટલર (વિકેટકીપર), વોશિંગ્ટન સુંદર, ગ્લેન ફિલિપ્સ, રાહુલ તેવતિયા, રાશિદ ખાન, કાગિસો રબાડા, અશોક શર્મા, મોહમ્મદ સિરાજ, પ્રસિદ્ધ કૃષ્ણા

ઇમ્પેક્ટ પ્લેયર: શાહરુખ ખાન

કોલકાતા નાઇટ રાઇડર્સ:

અજિંક્ય રહાણે (કેપ્ટન), અંગક્રિશ રઘુવંશી, કેમરૂન ગ્રીન, રિંકુ સિંહ, રમણદીપ સિંહ, રોવમેન પોવેલ, સુનીલ નારાયણ, અનુકૂલ રોય, વરુણ ચક્રવર્તી, કાર્તિક ત્યાગી, વૈભવ અરોરા

ઇમ્પેક્ટ પ્લેયર: ફિન એલન

આ મુકાબલો બંને ટીમ માટે ખૂબ મહત્વનો છે. Gujarat Titans જીત મેળવીને પોઈન્ટ્સ ટેબલમાં પોતાની સ્થિતિ મજબૂત બનાવવા માંગશે, જ્યારે Kolkata Knight Riders માટે આ જીત ‘ડુ ઓર ડાઈ’ જેવી છે. જો KKR ફરી હારે છે, તો પ્લેઓફ્સ માટેની તેની શક્યતાઓ વધુ મુશ્કેલ બની શકે છે. બીજી તરફ GT માટે આ જીત સતત મોમેન્ટમ જાળવવા માટે જરૂરી છે.

IPL 2026 : IPL 2025 ની ચેમ્પિયન રહ્યા બાદ રોયલ ચેલેન્જર્સ બેંગલુરુ (RCB) ની ટીમ 19 મી સિઝનમાં પણ ધમાકેદાર પ્રદર્શન કરી રહી છે. મેદાન પર વિરાટ કોહલી અને અન્ય ખેલાડીઓ જ્યારે ચોગ્ગા-છગ્ગા ફટકારે છે, ત્યારે તેની પાછળ એક મજબૂત સપોર્ટ સ્ટાફની મહેનત હોય છે. હાલમાં સોશિયલ મીડિયા પર RCB ની એક મહિલા સભ્યની તસવીર ખૂબ વાયરલ થઈ રહી છે, જે ખેલાડીઓની ફિટનેસનું ધ્યાન રાખે છે. આ મહિલાનું નામ નવનીતા ગૌતમ છે.

કોણ છે નવનીતા ગૌતમ?

નવનીતા ગૌતમ ભારતીય મૂળની કેનેડિયન નાગરિક છે. તેને કેનેડાના વાનકુવરથી ફિઝિયોથેરાપીમાં ઉચ્ચ અભ્યાસ કર્યો છે. નવનીતા હાલમાં RCB ટીમની મુખ્ય ફિઝિયોથેરાપિસ્ટ ટીમનો મહત્વનો હિસ્સો છે. ખેલાડીઓને ઈજા મુક્ત રાખવા અને તેમની રિકવરી ઝડપી બનાવવાની જવાબદારી નવનીતાના ખભા પર છે.

નવનીતાનો એક્સપિરિયન્સ અને કારકિર્દી

RCB સાથે જોડાતા પહેલા પણ નવનીતાએ રમતગમતની દુનિયામાં મોટું નામ બનાવ્યું છે. તે કેનેડાની ગ્લોબલ T20 લીગમાં 'ટોરંટો નેશનલ' ટીમ સાથે કામ કરી ચૂકી છે. આ સિવાય તેને એશિયા અને યુરોપના ગોલ્ફ ટૂર્સમાં પણ સેવાઓ આપી છે. ભારતીય મહિલા બાસ્કેટબોલ ટીમ સાથે એશિયા કપ દરમિયાન પણ તે ફિઝિયો તરીકે જોડાયેલી હતી.

IPL ઇતિહાસમાં રચ્યો છે રેકોર્ડ

નવનીતા ગૌતમ વર્ષ 2020 માં પ્રથમ વખત RCB સાથે જોડાઈ હતી. આ સાથે જ તે IPL ના ઇતિહાસમાં કોઈપણ ટીમ સાથે જોડાનાર પ્રથમ મહિલા સપોર્ટ સ્ટાફ મેમ્બર બની હતી. એટલું જ નહીં, તે આ લીગની પ્રથમ મહિલા મસાજ થેરેપિસ્ટ પણ છે. હાલમાં તે પુરુષ ટીમની સાથે વૂમેન્સ પ્રીમિયર લીગ (WPL) માં પણ RCB ની મહિલા ખેલાડીઓને ફિટ રાખવામાં મદદ કરે છે.

આ પણ ખાસ વાંચો : CSK એ RCB સામે BCCI ને કરી ફરિયાદ : ‘ઢોસા-સાંભાર-ચટણી’ ગીતથી ઊભો થયો વિવાદ!

ટીમ સાથેના સંબંધો અને વિચારધારા

પુરુષોની ક્રિકેટ ટીમમાં એકમાત્ર મહિલા હોવા અંગે નવનીતાનું માનવું છે કે, કામમાં જેન્ડર (જાતિ) ક્યારેય અવરોધ બનતું નથી. તે કહે છે કે, "ટીમમાં રહેલા 20 થી 22 પુરુષ ખેલાડીઓ મારા ભાઈ સમાન છે. જ્યારે તમે તમારા કામમાં પ્રોફેશનલ અને સહજ હોવ, ત્યારે માત્ર તમારું પ્રદર્શન જ મેટર કરે છે."

CSK vs RCB : IPL 2026 માં ક્રિકેટના મેદાન પર તો રસાકસી જોવા મળી જ રહી છે, પરંતુ હવે મેદાનની બહાર પણ વિવાદો શરૂ થયા છે. ચેન્નાઈ સુપર કિંગ્સ (CSK) અને રોયલ ચેલેન્જર્સ બેંગલુરુ (RCB) વચ્ચે રમાયેલી હાલની મેચ બાદ એક નવો વિવાદ ઉભો થયો છે. CSK મેનેજમેન્ટે RCB ના હોમ ગ્રાઉન્ડ પર DJ દ્વારા વગાડવામાં આવેલા ગીત અને કરવામાં આવેલી ટિપ્પણીઓ સામે સત્તાવાર રીતે BCCI ને ફરિયાદ કરી છે.

વિવાદનું મુખ્ય કારણ

5 એપ્રિલના રોજ બેંગલુરુના એમ. ચિન્નાસ્વામી સ્ટેડિયમમાં રમાયેલી મેચ દરમિયાન સ્થાનિક DJ એ 'ઢોસા, ઈડલી, સાંભાર, ચટણી-ચટણી' ગીત વગાડ્યું હતું. CSK ના જણાવ્યા અનુસાર, જ્યારે તેમની ઈનિંગ શરૂ થવાની હતી ત્યારે આ ગીત વગાડવામાં આવ્યું હતું. આ ગીત સોશિયલ મીડિયા પર મીમ્સ માટે જાણીતું છે, પરંતુ CSK ને લાગે છે કે, આ ગીત વગાડવાનો સમય યોગ્ય ન હતો અને તેના દ્વારા ટીમનું અપમાન કરવાનો પ્રયાસ કરવામાં આવ્યો હતો.

CSK ના CEO નું નિવેદન

CSK ના મેનેજિંગ ડિરેક્ટર કાસી વિશ્વનાથને આ બાબતે ગંભીરતા દર્શાવતા કહ્યું છે કે, સામાન્ય રીતે સ્ટેડિયમમાં DJ હોમ ટીમને સપોર્ટ કરવા માટે હોય છે, પરંતુ અહીં સ્થિતિ અલગ હતી. તેમણે આરોપ લગાવ્યો કે, સ્ટેડિયમમાં CSK ના ખેલાડીઓ વિરુદ્ધ કેટલીક વાંધાજનક કોમેન્ટ્સ પણ કરવામાં આવી હતી. આ ઘટનાને ધ્યાનમાં રાખીને CSK એ BCCI ની ગવર્નિંગ કાઉન્સિલને પત્ર લખીને આ મામલાની ઊંડી તપાસ કરવા વિનંતી કરી છે. BCCI ના એક અધિકારીએ પણ પુષ્ટિ કરી છે કે, તેમને ફરિયાદ મળી છે અને તપાસ ચાલુ છે.

મેચની સ્થિતિ અને પરિણામ

જો મેચની વાત કરીએ તો, બેંગલુરુના મેદાન પર રમાયેલી આ રોમાંચક મેચમાં RCB એ CSK ને 43 રનથી હાર આપી હતી. છેલ્લા કેટલાક સમયથી આ બંને ટીમો વચ્ચેની સ્પર્ધા 'સધર્ન ડર્બી' તરીકે જાણીતી બની છે. જોકે હેડ-ટુ-હેડ રેકોર્ડમાં ચેન્નાઈ આગળ છે, પરંતુ હાલની સિઝનમાં બેંગલુરુનું પલડું ભારે રહ્યું છે.

આ પણ ખાસ વાંચો : વિરાટ કોહલીને ફિટ રાખતી આ યુવતી કોણ? : RCB ની નવનીતા ગૌતમ બની ચર્ચાનું કેન્દ્ર!

CSK નું આ સિઝનમાં પ્રદર્શન

IPL 2026 માં ચેન્નાઈ સુપર કિંગ્સની શરૂઆત ઘણી નબળી રહી હતી. ટીમે તેની શરૂઆતની સતત ત્રણ મેચ ગુમાવી દીધી હતી. જોકે, ત્યારબાદ ટીમે શાનદાર વાપસી કરીને સતત બે મેચ જીતી છે. હાલમાં ચેન્નાઈ 6 મેચમાં 2 જીત અને 4 પોઈન્ટ સાથે પોઈન્ટ ટેબલમાં આઠમા સ્થાને છે. મહત્વની વાત એ છે કે, આ અત્યાર સુધી CSK ની ટીમ એમએસ ધોનીની ગેરહાજરીમાં રમી રહી છે.

MI vs PBKS : ઈન્ડિયન પ્રીમિયર લીગ (IPL) 2026 ની 24 મી મેચમાં આજે ક્રિકેટ ચાહકોને એક રોમાંચક મુકાબલો જોવા મળશે. આજે મુંબઈ ઈન્ડિયન્સ (MI) અને પંજાબ કિંગ્સ (PBKS) વચ્ચે કાંટાની ટક્કર થવાની છે. આ શાનદાર મેચ મુંબઈના હોમ ગ્રાઉન્ડ એટલે કે વાનખેડે સ્ટેડિયમમાં સાંજે 7:30 વાગ્યે શરૂ થશે, જ્યારે ટૉસ સાંજે 7:00 વાગ્યે ઉછાળવામાં આવશે. આ સિઝનમાં બંને ટીમો પહેલીવાર એકબીજાની સામે રમવા જઈ રહી છે, ત્યારે કોણ બાજી મારશે તે જોવું રસપ્રદ રહેશે.

પંજાબ પાસે નંબર-1 બનવાની તક

જો આપણે ગઈ સિઝનની વાત કરીએ તો, મુંબઈ અને પંજાબ વચ્ચે બે મેચ રમાઈ હતી અને બંને મેચમાં પંજાબની ટીમે શાનદાર જીત મેળવી હતી. આ સિઝનમાં પણ પંજાબ કિંગ્સ ખૂબ જ સારા ફોર્મમાં છે. અત્યાર સુધી રમાયેલી 4 મેચમાંથી પંજાબે 3 મેચ જીતી છે અને તેઓ પોઇન્ટ્સ ટેબલમાં ત્રીજા ક્રમે છે. જો પંજાબ આજની મેચ જીતે છે, તો તેઓ પોઇન્ટ્સ ટેબલમાં પહેલા નંબરે પહોંચી જશે. બીજી બાજુ, મુંબઈ ઈન્ડિયન્સનું અત્યાર સુધીનું પરફોર્મન્સ નિરાશાજનક રહ્યું છે અને તેમને 4 માંથી માત્ર 1 જ મેચમાં જીત મળી છે.

વાનખેડેમાં બંને ટીમોનો રેકોર્ડ

IPL ના ઈતિહાસમાં મુંબઈ અને પંજાબ વચ્ચે હંમેશા રસાકસીભરી મેચો જોવા મળી છે. બંને ટીમો અત્યાર સુધી 34 વખત એકબીજા સામે આવી છે, જેમાં મુંબઈ 17 મેચ જીત્યું છે અને પંજાબ 16 મેચ જીત્યું છે. જ્યારે એક મેચ ટાઈ રહી હતી. જો વાનખેડે સ્ટેડિયમની વાત કરીએ તો, અહીં બંને ટીમો 10 વખત ટકરાઈ છે અને બંનેએ 5-5 મેચ જીતીને બરાબરીનો રેકોર્ડ જાળવી રાખ્યો છે.

મુંબઈને મોટો ફટકો : રોહિત શર્મા બહાર

IPL 2026 માં અત્યાર સુધી રોહિત શર્મા અને શાર્દૂલ ઠાકુરે મુંબઈ માટે ખૂબ જ સારું પરફોર્મન્સ કર્યું છે. રોહિત શર્માએ 4 મેચમાં 165.06 ના શાનદાર સ્ટ્રાઇક રેટથી 137 રન બનાવ્યા છે. પરંતુ, મુંબઈના ફેન્સ માટે એક માઠા સમાચાર છે. હેમસ્ટ્રિંગની ઈજાના કારણે રોહિત શર્મા આજની મેચ રમી શકશે નહીં. ગત રવિવારે રમાયેલી બેંગલુરુ સામેની મેચમાં રોહિત શર્મા રિટાયર્ડ હર્ટ થઈને મેદાનની બહાર ગયો હતો. બોલિંગમાં શાર્દૂલ ઠાકુરે અત્યાર સુધી 4 મેચમાં 5 વિકેટ પોતાના નામે કરી છે.પંજાબનો સ્ટાર ખેલાડી : શ્રેયસ ઐયર

પંજાબ કિંગ્સ તરફથી શ્રેયસ ઐયર શાનદાર ફોર્મમાં ચાલી રહ્યો છે અને તે ટીમનો સૌથી વિશ્વસનીય બેટ્સમેન બની ગયો છે. શ્રેયસ ઐયરે માત્ર 4 મેચમાં 187.67 ના વિસ્ફોટક સ્ટ્રાઇક રેટથી 137 રન ફટકાર્યા છે, જેમાં 2 શાનદાર હાફ-સેન્ચુરી પણ સામેલ છે. બોલિંગ વિભાગમાં વિજયકુમાર વૈશાકે શાનદાર પરફોર્મન્સ કરતાં 4 મેચમાં 5 વિકેટ ઝડપી છે.

આ પણ ખાસ વાંચો : ચાલુ IPL માં જ ચેન્નાઈ સુપર કિંગ્સની મુસીબત વધી! : આ દિગ્ગજ ખેલાડી ઈજાને કારણે IPL માંથી બહાર

વાનખેડેની પીચ રિપોર્ટ અને હવામાનની સ્થિતિ

વાનખેડે સ્ટેડિયમની પીચ હંમેશા બેટ્સમેનો માટે સ્વર્ગ સમાન માનવામાં આવે છે. જોકે શરૂઆતમાં ફાસ્ટ બોલરોને થોડી મદદ મળી શકે છે. આ સિઝનમાં અહીં રમાયેલી બંને મેચોમાં 200 થી વધુનો સ્કોર બન્યો છે. આ મેદાન પર ચેઝ કરવું ફાયદાકારક રહે છે, કારણ કે અત્યાર સુધી રમાયેલી 125 મેચમાંથી 67 વખત લક્ષ્યાંકનો પીછો કરનારી ટીમ જીતી છે. હવામાનની વાત કરીએ તો, આજે મુંબઈમાં આકાશ એકદમ સાફ રહેશે અને વરસાદની કોઈ જ શક્યતા નથી. તાપમાન 24 થી 35 ડિગ્રી સેલ્સિયસ વચ્ચે રહી શકે છે.

MI vs PBKS ની સંભવિત પ્લેઇંગ-12

MI : રાયન રિકલ્ટન (વિકેટકીપર), રોબિન મિન્ઝ, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, મિચેલ સેન્ટનર, શાર્દૂલ ઠાકુર, ટ્રેન્ટ બોલ્ટ, મયંક માર્કન્ડે અને જસપ્રીત બુમરાહ. ઇમ્પેક્ટ પ્લેયર: શેરફન રધરફોર્ડ.

PBKS : પ્રભસિમરન સિંહ (વિકેટકીપર), પ્રિયાંશ આર્ય, શ્રેયસ અય્યર (કેપ્ટન), કૂપર કોનોલી, શશાંક સિંહ, માર્કસ સ્ટોઈનિસ, માર્કો યાન્સેન, ઝેવિયર બાર્ટલેટ, વિજયકુમાર વૈશાક, અર્શદીપ સિંહ અને યુઝવેન્દ્ર ચહલ. ઇમ્પેક્ટ પ્લેયર: શશાંક સિંહ.

ઇન્ડિયન પ્રીમિયર લીગની તીવ્ર સ્પર્ધામાં એક વધુ રોમાંચક મુકાબલો જોવા મળ્યો, જ્યાં રોયલ ચેલેન્જર્સ બેંગલુરુએ શાનદાર પ્રદર્શન કરતાં લખનઉ સુપર જાયન્ટ્સને 5 વિકેટે હરાવીને પોઇન્ટ ટેબલમાં પોતાનું પ્રભુત્વ જાળવી રાખ્યું. ખાસ વાત એ રહી કે આ મેચમાં કોઈ પણ ખેલાડી અડધી સદી નોંધાવી શક્યો નહોતો, છતાં મેચમાં તણાવ અને ઉત્સાહ ભરપૂર રહ્યો.

RCBની ગણતરીયુક્ત ચેઝ, કોહલી માત્ર એક રનથી ચૂક્યા

બેંગલુરુના હોમગ્રાઉન્ડ પર રમાયેલી આ મેચમાં 147 રનનો ટાર્ગેટ મોટો નહોતો, પરંતુ શરૂઆતમાં થોડા વિકેટ પડતા મેચ રસપ્રદ બની ગઈ હતી. તેમ છતાં, વિરાટ કોહલીએ સંયમભરી બેટિંગ કરતાં 49 રનની મહત્વપૂર્ણ ઇનિંગ રમી અને ટીમને જીતની નજીક લઈ ગયા.

કોહલી માત્ર એક રન માટે પોતાની ફિફ્ટી ચૂકી ગયા, પરંતુ તેમની ઇનિંગ ટીમ માટે મજબૂત આધાર સાબિત થઈ. રજત પાટીદારે 27 રન સાથે સહકાર આપ્યો, જ્યારે જિતેશ શર્માએ 23 રન બનાવીને અંતમાં મેચ પૂરી કરી.

RCBએ માત્ર 15.1 ઓવરમાં જ ટાર્ગેટ હાંસલ કરી લીધો, જે તેમની આક્રમક અને આત્મવિશ્વાસભરી બેટિંગ દર્શાવે છે.

રાસિખ સલામની ઘાતક બોલિંગથી LSGનું પતન

ટોસ જીતીને પહેલા બોલિંગ કરવાનો નિર્ણય RCB માટે સંપૂર્ણ રીતે ફાયદાકારક રહ્યો. ટીમના બોલરો ખાસ કરીને રાસિખ સલામે મેચનું પલડું પોતાની તરફ ઝુકાવી દીધું.

રાસિખ સલામે 4 વિકેટ લઈને લખનઉની બેટિંગ લાઇનઅપને ઝટકો આપ્યો. તેમની સચોટ લાઇન અને લેન્થ સામે LSGના બેટ્સમેનો લાંબા સમય સુધી ટકી શક્યા નહોતા.

ભુવનેશ્વર કુમારે પણ 3 મહત્વપૂર્ણ વિકેટ ઝડપી અને ટીમને મજબૂત સ્થિતિમાં રાખી. કૃણાલ પંડ્યાએ 2 વિકેટ લઈને મધ્ય ઓવરમાં દબાણ વધાર્યું.

લખનઉ તરફથી મિચેલ માર્શે 40 રન બનાવીને લડત આપી, પરંતુ અન્ય બેટ્સમેન ખાસ યોગદાન આપી શક્યા નહોતા. આખી ટીમ 20 ઓવરમાં 146 રન પર ઓલઆઉટ થઈ ગઈ.

મેચમાં એક પણ ફિફ્ટી નહીં – છતાં રોમાંચ ભરપૂર

આ મેચની સૌથી રસપ્રદ વાત એ રહી કે કોઈ પણ ખેલાડી 50 રનની સિદ્ધિ સુધી પહોંચી શક્યો નહીં. આ IPL જેવી મોટી લીગમાં દુર્લભ ઘટના માનવામાં આવે છે.

તેમ છતાં, નાના-નાના યોગદાન અને બોલિંગમાં શાનદાર પ્રદર્શનને કારણે મેચમાં રોમાંચ કાયમ રહ્યો. કોહલીની 49 રનની ઇનિંગ સૌથી મોટી રહી, જે બતાવે છે કે ટીમ ગેમમાં સહકાર કેટલો મહત્વનો છે.

Noor Ahmad : IPL 2026 ની રોમાંચક મેચમાં ચેન્નઈ સુપર કિંગ્સે (CSK) કોલકાતા નાઈટ રાઈડર્સ (KKR) ને હરાવીને આ સિઝનની પોતાની બીજી જીત નોંધાવી છે. આ જીતમાં અફઘાનિસ્તાનના યુવા સ્પિનર નૂર અહેમદની ભૂમિકા અત્યંત મહત્વની રહી હતી. નૂર અહેમદે માત્ર પોતાની ધારદાર બોલિંગથી જ નહીં, પરંતુ વિકેટ લીધા પછીના પોતાના અનોખા સેલિબ્રેશનથી પણ બધા લોકોનું ધ્યાન ખેંચ્યું હતું. હાલમાં સોશિયલ મીડિયા પર તેના આ અંદાજની ભારે ચર્ચા થઈ રહી છે.

શું હતું ખાસ હતું નૂર અહેમદના સેલિબ્રેશનમાં?

મેચની 11 મી ઓવરમાં જ્યારે નૂર અહેમદ બોલિંગ કરી રહ્યો હતો, ત્યારે તેની સામે KKR ના કેપ્ટન અજિંક્ય રહાણે બેટિંગમાં હતા. ઓવરના પાંચમા બોલ પર અજિંક્ય રહાણે કેચ આઉટ થયા અને તે જ ક્ષણે નૂર અહેમદે પોતાની બંને હથેળીઓ આંખ પાસે રાખીને એક ખાસ 'સલામી' મુદ્રામાં ઉજવણી કરી હતી. આ અનોખો અંદાજ જોઈને સ્ટેડિયમમાં હાજર ચાહકો પણ આશ્ચર્યચકિત થઈ ગયા હતા અને હવે આ સેલિબ્રેશન ઇન્ટરનેટ પર જોરદાર વાયરલ થઈ રહ્યું છે.

મેચમાં નૂર અહેમદનો જાદુઈ સ્પેલ

નૂર અહેમદે આ મેચમાં શાનદાર લાઇન-લેન્થ સાથે બોલિંગ કરી હતી. તેને પોતાના સ્પેલમાં માત્ર 21 રન આપીને 3 મહત્વની વિકેટ ઝડપી હતી. નૂર અહેમદે 11 મી ઓવરના અંતિમ બે બોલ પર રમત પલટી નાખી હતી, પહેલા રહાણેને આઉટ કર્યો અને ત્યારબાદ કેમરૂન ગ્રીનને ક્લીન બોલ્ડ કર્યો હતો. આ સિવાય તેને રિંકુ સિંહની મોટી વિકેટ પણ લીધી હતી, જેના કારણે નૂર અહેમદને 'પ્લેયર ઓફ ધ મેચ' જાહેર કરવામાં આવ્યો હતો.

જીત બાદ શું બોલ્યો નૂર અહેમદ?

મેચ પૂરી થયા બાદ નૂર અહેમદે પોતાની સફળતાનું રહસ્ય શેર કરતા જણાવ્યું હતું કે, "હું ટીમની જીતમાં યોગદાન આપીને ખૂબ જ ખુશ છું. મેં હંમેશા મારી આંગળીઓને કોરી રાખવાનો પ્રયાસ કર્યો હતો, જેથી બોલ પર સારી પકડ મળી રહે. પીચ પર બોલ બેટ પર બરાબર આવી રહ્યો ન હતો, જેનાથી મારો આત્મવિશ્વાસ વધ્યો અને હું ચોક્કસ લાઇન પર બોલ નાખી શક્યો."

ચેન્નઈની શાનદાર જીતનું ગણિત

મેચની વાત કરીએ તો, ચેન્નઈ સુપર કિંગ્સે પ્રથમ બેટિંગ કરતાં 5 વિકેટના નુકસાને 195 રનનો વિશાળ સ્કોર બનાવ્યો હતો. જેમાં સંજૂ સેમસને ફરી એકવાર શાનદાર બેટિંગ કરતાં 48 રનનું યોગદાન આપ્યું હતું. લક્ષ્યનો પીછો કરવા ઉતરેલી કોલકાતાની ટીમ 20 ઓવરમાં 7 વિકેટ ગુમાવીને માત્ર 160 રન જ બનાવી શકી હતી. પરિણામે ચેન્નઈનો 32 રને ભવ્ય વિજય થયો હતો.

RCB vs LSG : ઈન્ડિયન પ્રીમિયર લીગ 2026 ની સિઝન હવે રોમાંચક ચરણમાં પ્રવેશી ગઈ છે અને આજે રમાનારી રોયલ ચેલેન્જર્સ બેંગલુરુ અને લખનઉ સુપર જાયન્ટ્સ વચ્ચેની ટક્કર ખાસ મહત્વ ધરાવે છે. એક તરફ RCB પાસે પોતાના હોમગ્રાઉન્ડ પર ઇતિહાસ બદલવાનો મોકો છે, તો બીજી તરફ LSG ફરી એકવાર ચિન્નાસ્વામીમાં પોતાની દાદાગીરી જાળવી રાખવા ઉતરશે.

ચિન્નાસ્વામીમાં RCB માટે ‘અનસોલ્વ્ડ ચેલેન્જ’

બેંગલુરુનું એમ. ચિન્નાસ્વામી સ્ટેડિયમ IPL માં હાઇ-સ્કોરિંગ મેચો માટે વિશ્વભરમાં જાણીતું છે. પરંતુ આ જ ગ્રાઉન્ડ RCB માટે લખનઉ સામે એક અજાણ્યો પડકાર બની ગયું છે. અત્યાર સુધી અહીં રમાયેલી તમામ મેચોમાં LSG એ RCB ને હરાવ્યું છે. આજની મેચ RCB માટે માત્ર 2 પોઈન્ટ્સ મેળવવાની નથી, પરંતુ ‘હોમ જિન્ક્સ’ તોડવાની પણ છે. જો ટીમ આજે જીતે છે, તો તે પોઈન્ટ્સ ટેબલમાં ટોપ પર પહોંચી શકે છે, જે RCB ને પ્લેઓફ માટે મજબૂત દાવેદાર બનાવશે.

હેડ-ટુ-હેડ અને ભૂતકાળનો ઈતિહાસ

બન્ને ટીમો વચ્ચે અત્યાર સુધી કુલ 6 મુકાબલા રમાયા છે. જેમાં RCB એ 4 મેચ જીતી છે, જ્યારે LSG એ 2 જીત મેળવી છે. પરંતુ આ આંકડામાં એક રસપ્રદ બાબત છે, લખનઉની બંને જીત બેંગલુરુના હોમગ્રાઉન્ડ પર આવી છે. એટલે કે, આ મેદાન પર માનસિક રીતે LSG આગળ છે. ગયા સિઝનમાં જ્યારે બંને ટીમો લખનઉમાં ભીડાઈ હતી, ત્યારે RCB એ 230 રનનો વિશાળ ટાર્ગેટ માત્ર 18.4 ઓવરમાં ચેઝ કરીને પોતાની બેટિંગ પાવરનો પરિચય આપ્યો હતો.

RCBની બેટિંગ ફાયરપાવર અને પાટીદારનો ફોર્મ

RCB આ સિઝનમાં ખાસ કરીને બેટિંગમાં અત્યંત મજબૂત દેખાઈ રહી છે. કેપ્ટન રજત પાટીદાર હાલમાં ટીમ માટે સૌથી મોટું હથિયાર બની રહ્યો છે. પાટીદાર 195 રન સાથે ટુર્નામેન્ટના ટોપ સ્કોરર્સમાં ચોથા ક્રમે છે. રજત પાટીદાર આ મેચમાં માત્ર 30 રન બનાવતા જ તે ટોપ રન સ્કોરર્સમાં નંબર-1 બની જશે. વિરાટ કોહલી અને ફિલ સોલ્ટ પણ શાનદાર ફોર્મમાં છે જે RCB ને પાવરપ્લેમાં દમદાર શરૂઆત અપાવી શકે છે. આ બેટિંગ લાઇનઅપ ચિન્નાસ્વામી જેવી બેટિંગ ફ્રેન્ડલી પિચ પર કોઈ પણ સ્કોરને પાર કરી શકે છે. બોલિંગમાં જેકબ ડફી 6 વિકેટ સાથે ટીમ માટે મહત્વપૂર્ણ સાબિત થયો છે.LSG માટે ચિંતા : બેટિંગમાં સંઘર્ષ

લખનઉ માટે સૌથી મોટી સમસ્યા તેની બેટિંગ રહી છે. અત્યાર સુધી ટીમનો કોઈ પણ બેટર 110 રન પાર કરી શક્યો નથી. એડન માર્કરમ ટીમનો ટોપ સ્કોરર છે, પરંતુ કુલ લિસ્ટમાં ખૂબ પાછળ. કેપ્ટન રિષભ પંતે માત્ર એક ફિફ્ટી નોંધાવી છે. અન્ય બેટર્સ સતત નિષ્ફળ જઈ રહ્યા છે. જોકે, બોલિંગ વિભાગમાં મોહમ્મદ શમી અને પ્રિન્સ યાદવે ટીમને ટકી રાખી છે. ખાસ કરીને પાવરપ્લેમાં શમીની બોલિંગ મેચનું દિશા બદલી શકે છે.

આ પણ ખાસ વાંચો : વિરાટ કોહલીને આ શું થયું? : રિષભ પંત સાથેના ફોટોમાં કંઈક એવું દેખાયું કે ચાહકોની ચિંતા વધી, શું આજે મેદાનમાં ઉતરશે કિંગ કોહલી?

પિચ રિપોર્ટ અને હવામાન

ચિન્નાસ્વામી સ્ટેડિયમમાં આ સિઝનમાં રમાયેલી બન્ને મેચોમાં ચારેય ઇનિંગ્સમાં 200 થી વધુ રન બન્યા છે. ચિન્નાસ્વામી સ્ટેડિયમની નાના બાઉન્ડરી અને ફ્લેટ પિચ બેટર્સ માટે અનુકૂળ હોય છે. ડ્યૂ ફેક્ટરને કારણે ચિન્નાસ્વામી સ્ટેડિયમમાં સેકન્ડ ઇનિંગ્સમાં ચેઝ સરળ રહે છે. હવામાન સંપૂર્ણપણે અનુકૂળ છે, વરસાદની કોઈ શક્યતા નથી. તાપમાન મેચ દરમિયાન લગભગ 28 ડિગ્રી આસપાસ રહેશે. ટોસ જીતનાર ટીમ પહેલા બોલિંગ પસંદ કરે તેવી શક્યતા છે.

આ પણ ખાસ વાંચો : રીલનો ક્રેઝ બન્યો માથાનો દુખાવો! : સ્ટેડિયમમાં ટ્રેન્ડ ફોલો કરતાં મહિલાને લાગ્યો 70 હજાર રૂપિયાનો ફટકો!

RCB vs LSG ની સંભવિત પ્લેઇંગ-12

RCB : ફિલ સોલ્ટ, વિરાટ કોહલી, દેવદત્ત પડિકલ, રજત પાટીદાર (કેપ્ટન), જિતેશ શર્મા, ટિમ ડેવિડ, રોમારિયો શેફર્ડ, કૃણાલ પંડ્યા, ભુવનેશ્વર કુમાર, રાસિખ સલામ/મંગેશ યાદવ, જેકબ ડફી, સુયશ શર્મા.

LSG : એડન માર્કરમ, મિચેલ માર્શ, રિષભ પંત (કેપ્ટન અને વિકેટકીપર), આયુષ બદોની, નિકોલસ પૂરન, અબ્દુલ સમદ, મુકુલ ચૌધરી, દિગ્વેશ રાઠી, મોહમ્મદ શમી, પ્રિન્સ યાદવ, આવેશ ખાન, જ્યોર્જ લિન્ડે.

Virat Kohli : રોયલ ચેલેન્જર્સ બેંગ્લુરુ આજે IPL 2026 ની 23 મી મેચમાં લખનઉ સુપર જાયન્ટ્સ સામે ટકરાશે. જોકે, આ મહત્વની મેચ પહેલાં સ્ટાર બેટ્સમેન વિરાટ કોહલીની ફિટનેસને લઈને મોટા સમાચાર સામે આવ્યા છે. સોશિયલ મીડિયા પર વાયરલ થયેલા કેટલાક ફોટા અને વીડિયોએ ફેન્સના ધબકારા વધારી દીધા છે, કારણ કે પ્રેક્ટિસ દરમિયાન વિરાટ કોહલીના પગમાં પાટો બાંધેલો જોવા મળ્યો છે.

પ્રેક્ટિસ સેશન અને વાયરલ ફોટો

લખનઉ સુપર જાયન્ટ્સ દ્વારા સોશિયલ મીડિયા પર શેર કરવામાં આવેલી એક પોસ્ટમાં વિરાટ કોહલી એમ. ચિન્નાસ્વામી સ્ટેડિયમની પિચ પર જોવા મળી રહ્યો છે. આ દરમિયાન તે વિરોધી ટીમના કેપ્ટન રિષભ પંત અને કેન વિલિયમસન સાથે વાતચીત કરતો દેખાયો હતો. પરંતુ આ ફોટોમાં ફેન્સનું ધ્યાન વિરાટ કોહલીના પગ પર ગયું હતું, જ્યાં પાટો બાંધેલો હતો. આ જોઈને એવી અટકળો તેજ થઈ છે કે, વિરાટ કોહલી હજુ પણ સંપૂર્ણ રીતે ફિટ નથી.

ઈજાનું કારણ અને પાછલી મેચ

RCB એ તેની છેલ્લી મેચ મુંબઈ ઈન્ડિયન્સ સામે રમી હતી, જેમાં ટીમે જીત મેળવી હતી. આ મેચમાં વિરાટ કોહલીએ શાનદાર 50 રન બનાવ્યા હતા, પરંતુ તે જ મેચ દરમિયાન તેને ઈજા થઈ હતી. મેદાન પર તેની ગેરહાજરી અથવા ઓછી ફિટનેસ ટીમ માટે મુશ્કેલી ઊભી કરી શકે છે. જોકે, વિરાટ કોહલી પ્રેક્ટિસ સેશનમાં નેટ્સમાં જોવા મળ્યો હતો, જે એક સકારાત્મક સંકેત પણ ગણી શકાય.

ઇમ્પેક્ટ પ્લેયર તરીકેની શક્યતા

શું વિરાટ કોહલી આજની મેચમાં રમશે? આ સવાલનો જવાબ મેચના ટોસ સમયે જ મળી શકે છે. જોકે, નિષ્ણાતોનું માનવું છે કે, 'ઇમ્પેક્ટ પ્લેયર' નિયમ વિરાટ કોહલી માટે વરદાન સાબિત થઈ શકે છે. આ નિયમ હેઠળ તે માત્ર બેટિંગ કરી શકે છે અને ફિલ્ડિંગ દરમિયાન આરામ કરી શકે છે. જો તે મેદાન પર નહીં ઉતરે તો RCB ના નેતૃત્વમાં અનુભવની કમી જોવા મળી શકે છે.

આ પણ ખાસ વાંચો : રીલનો ક્રેઝ બન્યો માથાનો દુખાવો! : સ્ટેડિયમમાં ટ્રેન્ડ ફોલો કરતાં મહિલાને લાગ્યો 70 હજાર રૂપિયાનો ફટકો!

RCB માટે આજનો પડકાર

બેંગ્લુરુના હોમ ગ્રાઉન્ડ પર પરત ફરેલી RCB ની ટીમ માટે લખનઉ સામેની મેચ આસાન નહીં હોય. લખનઉ પાસે દિગ્વેશ રાઠી અને મોહમ્મદ શમી જેવા ઘાતક બોલરો છે. ડિફેન્ડિંગ ચેમ્પિયન્સ RCB સામે જીતવા માટે LSG એ તેમનું સર્વશ્રેષ્ઠ પરફોર્મન્સ કરવું પડશે. હવે જોવાનું એ રહેશે કે, શું કિંગ કોહલી મેદાનમાં ઉતરીને ફેન્સની ચિંતા દૂર કરે છે કે નહીં.

CSK : IPL 2026 માં ચેન્નાઈ સુપર કિંગ્સે (CSK) ફરી એકવાર સાબિત કરી દીધું છે કે, તેમને તેમના ઘરઆંગણે એટલે કે, ચેપોક સ્ટેડિયમમાં હરાવવા લોઢાના ચણા ચાવવા સમાન છે. 14 એપ્રિલે રમાયેલી રોમાંચક મેચમાં ચેન્નાઈએ કોલકાતા નાઈટ રાઈડર્સ (KKR) સામે શાનદાર વિજય મેળવ્યો છે. હારની હેટ્રિક બાદ આ સતત બીજી જીત મેળવીને ચેન્નાઈએ પોઈન્ટ ટેબલમાં પોતાની સ્થિતિ મજબૂત કરી છે. આ જીત બાદ કેપ્ટન ઋતુરાજ ગાયકવાડે મેચની રણનીતિને લઈને કેટલાક ચોંકાવનારા ખુલાસા કર્યા છે.

પ્લાન કેવી રીતે બદલાયો?

મેચ બાદ ઋતુરાજે જણાવ્યું હતું કે, શરૂઆતમાં ટીમનો ટાર્ગેટ 210 થી 220 રન બનાવવાનો હતો. પરંતુ 7-8 ઓવર પછી વિકેટનો મિજાજ બદલાઈ ગયો હતો. બોલ થોડો અટકીને અને સ્પીન થઈને આવતો હતો. આ પરિસ્થિતિ જોઈને ટીમે અધવચ્ચે જ પોતાનો પ્લાન બદલી નાખ્યો અને નક્કી કર્યું કે 180-190 નો સ્કોર પણ ડિફેન્ડ કરવા માટે પૂરતો રહેશે. આ રણનીતિ સફળ રહી અને ચેન્નાઈએ 192 રનનો સ્કોર સફળતાપૂર્વક ડિફેન્ડ કર્યો.

બોલરોનું શાનદાર પ્રદર્શન

કેપ્ટને બોલરોની પ્રશંસા કરતા કહ્યું કે, હવે દરેક બોલરને પોતાની ભૂમિકાની સ્પષ્ટ ખબર છે. કઈ પરિસ્થિતિમાં કઈ લેન્થ પર બોલિંગ કરવી તેનું સચોટ આયોજન હતું. નૂર અહમદ અને અકીલ હુસૈન જેવા ખેલાડીઓના ઉપયોગ વિશે પણ ઋતુરાજે સ્પષ્ટતા કરી હતી કે વિરોધી ટીમની બેટિંગ લાઇનઅપને ધ્યાનમાં રાખીને તેમને મેદાનમાં ઉતારવામાં આવ્યા હતા, જેનો ફાયદો ટીમને મળ્યો.

ફીલ્ડિંગમાં સુધારાની જરૂર

મેચ દરમિયાન કેટલાક કેચ ડ્રોપ થયા હતા તે બાબતે કેપ્ટને સ્વીકાર્યું કે હ્યુમિડિટી (ભેજ) ને કારણે પરસેવો થતો હોવાથી મુશ્કેલી પડી હતી. જોકે, તેણે ઉમેર્યું કે જ્યાં સુધી ખેલાડીઓમાં જીતવાનો જુસ્સો અને એનર્જી છે, ત્યાં સુધી નાની ભૂલો સુધારી શકાય છે. ટીમ આગામી મેચોમાં ફિલ્ડિંગમાં ચોક્કસપણે સુધારો કરવા માંગશે.

આ પણ ખાસ વાંચો : CSKનો ચેપોકમાં દબદબો યથાવત : KKR ફરી હારના ચક્રમાં ફસાઈ

પોતાના ફોર્મ પર શું કહ્યું?

ઋતુરાજ ગાયકવાડે પોતાના વ્યક્તિગત ફોર્મ વિશે વાત કરતા કહ્યું કે, લાંબા સમય પછી વિનિંગ સાઈડમાં હોવું એક સકારાત્મક અનુભવ છે. તે અત્યારે ઘણો રિલેક્સ અનુભવી રહ્યો છે. તેણે આત્મવિશ્વાસ સાથે જણાવ્યું કે તે એક મોટી ઇનિંગ રમવાથી હવે બહુ દૂર નથી. હાલમાં અન્ય ખેલાડીઓ સારું પ્રદર્શન કરી રહ્યા છે જે ટીમ માટે સારી નિશાની છે.

Vaibhav Suryavanshi : IPL 2026 માં સોમવારે રમાયેલી મેચમાં મેદાન પર ક્રિકેટના રોમાંચની સાથે સાથે સ્ટેન્ડમાં રહેલા માલિકોના રિએક્શન પણ ચર્ચાનું કેન્દ્ર બન્યા છે. સનરાઇઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચેની ટક્કરમાં 15 વર્ષના યુવા ખેલાડી વૈભવ સૂર્યવંશીની વિકેટ એવી રીતે પડી કે હૈદરાબાદની માલિક કાવ્યા મારનની ખુશીનો પાર રહ્યો નહીં.

વૈભવનો ખૌફ અને કાવ્યાનું રિએક્શન

15 વર્ષીય બેટિંગ સેન્સેશન વૈભવ સૂર્યવંશી આ સિઝનમાં વિરોધી ટીમો માટે આતંક બની ગયો છે. હૈદરાબાદ સામેની મેચમાં જ્યારે પ્રફુલ હિંગેના બોલ પર વૈભવે શોટ માર્યો અને બોલ હવામાં ગયો, ત્યારે કાવ્યા મારન પોતાની સીટ પરથી ઉભી થઈ ગઈ હતી. બોલ હવામાં હતો ત્યાં સુધી તેનું મોં ખુલ્લું રહી ગયું હતું અને તે મનોમન પ્રાર્થના કરી રહી હતી કે, કેચ છૂટી ન જાય. જેવો સલિલ અરોરાએ કેચ પકડ્યો, કાવ્યા ખુશીથી નાચવા લાગી હતી.

મેચનો ટૂંકો અહેવાલ

રાજીવ ગાંધી ઇન્ટરનેશનલ સ્ટેડિયમમાં રમાયેલી આ મેચમાં સનરાઇઝર્સ હૈદરાબાદે પ્રથમ બેટિંગ કરતાં 216 રન બનાવ્યા હતા. કેપ્ટન ઈશાન કિશને 91 રનની ધમાકેદાર ઇનિંગ રમી હતી. લક્ષ્યનો પીછો કરવા ઉતરેલી રાજસ્થાન રોયલ્સની ટીમ માત્ર 159 રનમાં ઓલઆઉટ થઈ ગઈ હતી. હૈદરાબાદે આ મેચ 57 રનથી જીતી લીધી હતી.

આ પણ ખાસ વાંચો : એક જ મેચમાં IPL સ્ટાર બન્યો પ્રફુલ હિંગે! : ‘પહેલા જ બોલે આઉટ કરીશ...’, વૈભવની વિકેટ પર આપ્યું મોટું નિવેદન

નવા ખેલાડીઓનો કમાલ

હૈદરાબાદની જીતમાં ડેબ્યુ કરનારા ખેલાડીઓ પ્રફુલ હિંગે અને સાકિબ હુસૈને મહત્વની ભૂમિકા ભજવી હતી. હિંગેએ પહેલી જ ઓવરમાં ત્રણ વિકેટ ઝડપીને રાજસ્થાનની બેટિંગ લાઇન-અપને વેરવિખેર કરી નાખી હતી. બીજી તરફ સાકિબ હુસૈને પણ 4 ઓવરમાં માત્ર 24 રન આપીને 4 વિકેટ ઝડપી હતી.

આ પણ ખાસ વાંચો : ભારતીય સેનામાં જોડાવાનું હતું સપનું, પણ બની ગયો ક્રિકેટર! : માતાએ ઘરેણાં વેચ્યા અને દીકરાએ IPL માં રચ્યો ઇતિહાસ

રાજસ્થાનની વિજયકૂચ અટકી

રિયાન પરાગની કેપ્ટન્સીમાં અત્યાર સુધી અપરાજિત રહેલી રાજસ્થાન રોયલ્સની આ સિઝનની આ પહેલી હાર છે. વૈભવ સૂર્યવંશી પહેલા જ બોલે શૂન્ય રને આઉટ થતાં ટીમ પ્રેશરમાં આવી ગઈ હતી અને અંતે હૈદરાબાદે આસાન જીત મેળવી આ સિઝનમાં પોતાની બીજી જીત નોંધાવી હતી.

IPL 2026 : IPL 2026 ની 22 મી મેચમાં આજે એક રોમાંચક મુકાબલો જોવા મળશે. ચેન્નઈના હોમ ગ્રાઉન્ડ MA ચિદમ્બરમ સ્ટેડિયમ (ચેપોક) ખાતે ચેન્નઈ સુપર કિંગ્સ (CSK) અને કોલકાતા નાઈટ રાઈડર્સ (KKR) સામસામે ટકરાશે. ચેન્નાઈ અને કોલકાતા વચ્ચેની મેચ આજે સાંજે 7:30 વાગ્યે શરૂ થશે, જ્યારે મેચનો ટોસ 7:00 વાગ્યે થશે.

ટીમની સ્થિતિ

આ સિઝનમાં બંને ટીમો માટે અત્યાર સુધીનો પ્રવાસ સંઘર્ષમય રહ્યો છે. CSK પોતાની 5 મી મેચ રમવા ઉતરશે, જેમાં CSK એ અત્યાર સુધી માત્ર એક જ મેચ જીતી છે અને પોઈન્ટ ટેબલમાં 9 માં ક્રમે છે. બીજી તરફ, KKR હજુ પણ પોતાની પહેલી જીતની શોધમાં છે. KKR પોતાની 4 માંથી 3 મેચ હારી ચૂક્યું છે, જ્યારે એક મેચ વરસાદના કારણે ધોવાઈ ગઈ હતી.

શું મહેન્દ્ર સિંઘ ધોની આજે રમશે?

CSK ના ચાહકો માટે માઠા સમાચાર એ છે કે, પૂર્વ કેપ્ટન એમ.એસ. ધોની આ મેચમાં પણ કદાચ જોવા નહીં મળે. કેપ્ટન ઋતુરાજ ગાયકવાડના જણાવ્યા અનુસાર, મહેન્દ્ર સિંઘ ધોની હાલ હોટલમાં રહીને ટીમનું મનોબળ વધારી રહ્યા છે. જોકે, ફેન્સ આશા રાખી રહ્યા છે કે, તેઓ ટૂંક સમયમાં મેદાન પર પરત ફરશે.ચેન્નાઈ અને કોલકાતા વચ્ચેનો હેડ-ટૂ-હેડ રેકોર્ડ

ઈતિહાસ પર નજર કરીએ, તો CSK ની સાઇડ ભારે દેખાય છે. બંને વચ્ચે રમાયેલી 33 મેચોમાંથી 21 મેચમાં ચેન્નઈ અને 12 મેચમાં કોલકાતાનો વિજય થયો છે. ચેપોક સ્ટેડિયમમાં પણ ચેન્નઈનો રેકોર્ડ શાનદાર છે, જ્યાં ચેન્નાઈએ 12 માંથી 8 મેચ જીતી છે.

CSK અને KKR ના સ્ટાર પરફોર્મર્સ

ચેન્નઈ માટે સંજુ સેમસન અત્યારે શાનદાર ફોર્મમાં છે, જેને 4 મેચમાં એક સેન્ચુરી સાથે 137 રન બનાવ્યા છે. બોલિંગમાં અંશુલ કંબોજ 8 વિકેટ સાથે અગ્રેસર છે. KKR માટે અંગક્રિશ રઘુવંશીએ 155 રન બનાવીને લડત આપી છે, જ્યારે બોલિંગમાં વૈભવ અરોરા મહત્વનો ખેલાડી સાબિત થયો છે.

આ પણ ખાસ વાંચો : ભારતીય સેનામાં જોડાવાનું હતું સપનું, પણ બની ગયો ક્રિકેટર! : માતાએ ઘરેણાં વેચ્યા અને દીકરાએ IPL માં રચ્યો ઇતિહાસ

પીચ અને વેધર રિપોર્ટ

ચેપોકની પીચ હવે બેટર્સ માટે અનુકૂળ બની રહી છે. અહીં છેલ્લી બે મેચોમાં 200 થી વધુ રન બન્યા છે. ઝાકળ (Dew) ના કારણે ટૉસ જીતનાર ટીમ પહેલા બોલિંગ કરવાનું પસંદ કરી શકે છે. હવામાનની વાત કરીએ તો આજે વરસાદની કોઈ શક્યતા નથી, જે ક્રિકેટ પ્રેમીઓ માટે સારા સમાચાર છે.

આ પણ ખાસ વાંચો : એક જ મેચમાં IPL સ્ટાર બન્યો પ્રફુલ હિંગે! : ‘પહેલા જ બોલે આઉટ કરીશ...’, વૈભવની વિકેટ પર આપ્યું મોટું નિવેદન

CSK vs KKR ની સંભવિત પ્લેઈંગ-12

CSK : સંજુ સેમસન, ઋતુરાજ ગાયકવાડ (C), આયુષ મ્હાત્રે, સરફરાઝ ખાન, ડેવાલ્ડ બ્રેવિસ, શિવમ દુબે, જેમી ઓવરટન, નૂર અહમદ, અંશુલ કંબોજ, ખલીલ અહમદ, ગુરજપનીત સિંહ. (ઇમ્પેક્ટ પ્લેયર : અકીલ હુસૈન).

KKR : અજિંક્ય રહાણે (C), ફિન એલન, કેમરૂન ગ્રીન, અંગક્રિશ રઘુવંશી, રિંકુ સિંહ, રમણદીપ સિંહ, સુનીલ નારાયણ, અનુકૂલ રોય, નવદીપ સૈની, કાર્તિક ત્યાગી. (ઇમ્પેક્ટ પ્લેયર : વૈભવ અરોરા).

Praful Hinge : IPL 2026 માં સનરાઇઝર્સ હૈદરાબાદ (SRH) ને એક નવો મેચ વિનર મળી ગયો છે. વિદર્ભના 24 વર્ષીય યુવા ફાસ્ટ બોલર પ્રફુલ હિંગેએ પોતાની ડેબ્યૂ મેચમાં જ રાજસ્થાન રોયલ્સ સામે જે પ્રદર્શન કર્યું, તેનાથી આખું ક્રિકેટ જગત સ્તબ્ધ છે. પ્રફુલ્લે માત્ર વિકેટો જ ન ઝડપી પરંતુ IPL ના ઇતિહાસમાં ક્યારેય ન બન્યો હોય તેવો રેકોર્ડ પણ પોતાના નામે કર્યો છે.

પ્રફુલ હિંગેએ પહેલા બોલ પર સૂર્યવંશીનો કર્યો

મેચ બાદ પ્રફુલ્લ હિંગેએ એક ચોંકાવનારો ખુલાસો કર્યો હતો. તેણે જણાવ્યું કે, તે વૈભવ સૂર્યવંશીને પહેલા જ બોલે આઉટ કરવા માંગતો હતો. પ્રફુલ હિંગેના શબ્દોમાં, "વૈભવ સૂર્યવંશી અત્યારે જબરદસ્ત ફોર્મમાં છે. મેં નક્કી કર્યું હતું કે, તેને પહેલા જ બોલે બાઉન્સર નાખીને પેવેલિયન ભેગો કરીશ. મારો પ્લાન સફળ રહ્યો અને તેમાં વરુણ એરોને પણ મને ઘણી મદદ કરી."

પ્રફુલ હિંગેની મેનિફેસ્ટેશનની શક્તિ

પોતાના આત્મવિશ્વાસ વિશે વાત કરતા પ્રફુલ હિંગેએ કહ્યું કે, તેને પહેલાથી જ લખી રાખ્યું હતું કે, તે પોતાની ડેબ્યૂ મેચમાં 4 થી 5 વિકેટ ઝડપશે. તે 'મેનિફેસ્ટેશન' એટલે કે, મનની ઈચ્છાશક્તિમાં અતૂટ વિશ્વાસ રાખે છે. તેને પાવરપ્લેમાં પોતાની બોલિંગથી રાજસ્થાન રોયલ્સના બેટ્સમેનોને ઘૂંટણિયે લાવી દીધા હતા.

પ્રફુલ હિંગેના સંઘર્ષથી સફળતા સુધી

નાગપુરના રહેવાસી પ્રફુલ હિંગેએ પોતાની સફળતાનો શ્રેય પરિવારને આપ્યો છે. 13 વર્ષની ઉંમરે લેધર બોલ ક્રિકેટની શરૂઆત કરનાર પ્રફુલ હિંગે માટે અહીં સુધી પહોંચવું આસાન નહોતું. તેના પિતાએ તેને હંમેશા સપોર્ટ કર્યો અને આજે તે સફળતા મેળવીને આ જીત પોતાના પરિવારને સમર્પિત કરે છે.

પ્રફુલ હિંગેની ઐતિહાસિક પ્રથમ ઓવર

પ્રફુલ હિંગે IPL ના ઇતિહાસમાં પ્રથમ ઓવરમાં 3 વિકેટ લેનાર પ્રથમ બોલર બની ગયો છે. તેને પોતાની ઓવરના બીજા બોલે વૈભવ સૂર્યવંશીને, ચોથા બોલે ધ્રુવ જુરેલને અને છેલ્લા બોલે પ્રોટેરિયસને આઉટ કરીને રાજસ્થાન રોયલ્સના ટોપ ઓર્ડરના ફૂરચા ઉડાવી દીધા હતા.

આ પણ ખાસ વાંચો : ભારતીય સેનામાં જોડાવાનું હતું સપનું, પણ બની ગયો ક્રિકેટર! : માતાએ ઘરેણાં વેચ્યા અને દીકરાએ IPL માં રચ્યો ઇતિહાસ

પ્રફુલ હિંગેએ વિદેશમાં લીધી ટ્રેનિંગ

પ્રફુલ હિંગે 2022 થી MRF પેસ ફાઉન્ડેશન સાથે જોડાયેલો છે. તેને 2024 માં બ્રિસ્બેન જઈને જોશ હેઝલવુડ જેવા દિગ્ગજ બોલરો સાથે પ્રેક્ટિસ કરી હતી. આ ઇન્ટરનેશનલ એક્સપિરિયન્સ પ્રફુલ હિંગેની બોલિંગમાં સ્પષ્ટપણે જોવા મળી રહ્યો છે. SRH એ તેને માત્ર 30 લાખની બેઝ પ્રાઈઝમાં ખરીદ્યો હતો, જે હવે ટીમ માટે સોનાની લગડી સમાન સાબિત થઈ રહ્યો છે.

IPL 2026 : IPL 2026 માં બિહારના ક્રિકેટરોનો દબદબો વધી રહ્યો છે. ઇશાન કિશન અને વૈભવ સૂર્યવંશી બાદ હવે ગોપાલગંજનો સાકિબ હુસૈન ચર્ચાના કેન્દ્રમાં છે. સનરાઇઝર્સ હૈદરાબાદ તરફથી રમતા આ યુવા ફાસ્ટ બોલરે પોતાના ડેબ્યૂમાં જ એવો કમાલ કર્યો છે કે, આખા દેશની નજર તેના પર ટકી ગઈ છે. માત્ર 30 લાખની બેઝ પ્રાઈઝ પર ખરીદાયેલા આ ખેલાડીએ કરોડોનું મૂલ્ય સાબિત કર્યું છે.

સાકિબ હુસૈન ઐતિહાસિક પ્રદર્શન

13 એપ્રિલના રોજ હૈદરાબાદના મેદાન પર રાજસ્થાન રોયલ્સ સામે શાકિબે અદ્ભુત બોલિંગ કરી. જેમાં સાકિબ હુસૈને 4 ઓવરમાં માત્ર 24 રન આપીને 4 મહત્વની વિકેટો ઝડપી હતી. આ પરફોર્મન્સ સાથે તેને IPL ડેબ્યૂમાં સર્વશ્રેષ્ઠ ભારતીય બોલિંગ આંકડાના રેકોર્ડની બરાબરી કરી લીધી છે. તેને મુંબઈ ઈન્ડિયન્સના અશ્વિની કુમારના રેકોર્ડની બરાબરી કરી, જેને ગયા વર્ષે KKR સામે આ સિદ્ધિ મેળવી હતી.

સાકિબ હુસૈનની સેનામાં જવાની ઈચ્છા

સાકિબ હુસૈનની સ્ટોરી ફિલ્મી પડદા જેવી જ રોમાંચક છે. 21 વર્ષનો આ યુવાન હંમેશા દેશ માટે રાયફલ પકડવાનું સપનું જોતો હતો અને ભારતીય સેનામાં જોડાવા માંગતો હતો. પરંતુ કુદરતને કંઈક બીજું જ મંજૂર હતું. નસીબ તેને ક્રિકેટના મેદાન પર ખેંચી લાવ્યું અને આજે તે પોતાની સ્પીડથી બેટ્સમેનોને ડરાવી રહ્યો છે.

સાકિબ હુસૈનની માતાનો ત્યાગ

સાકિબ હુસૈનના પિતા એક ખેડૂત છે, પરંતુ ઘૂંટણની તકલીફને કારણે તેઓ ખેતી કરી શકતા નહોતા. પરિવારમાં આર્થિક તંગી એટલી હતી કે, ખાવાના પણ ફાંફા હતા. જ્યારે સાકિબ હુસૈનને ક્રિકેટ રમવા માટે સ્પાઇક્સ (શૂઝ) ની જરૂર હતી, ત્યારે તેની માતાએ અચકાયા વગર પોતાના સોનાના ઘરેણાં વેચી દીધા હતા જેથી તેનો દીકરો પોતાના સપના પૂરા કરી શકે.

આ પણ ખાસ વાંચો : એક જ મેચમાં IPL સ્ટાર બન્યો પ્રફુલ હિંગે! : ‘પહેલા જ બોલે આઉટ કરીશ...’, વૈભવની વિકેટ પર આપ્યું મોટું નિવેદન

સાકિબ હુસૈનની બોલિંગની વિશેષતા

સાકિબ હુસૈનની સૌથી મોટી તાકાત તેની સ્પીડ અને તેનાથી પણ વધુ ખતરનાક તેની 'સ્લોઅર બોલ' છે. તેની સ્લો સ્પીડના બોલને ઓળખવા બેટ્સમેન માટે મુશ્કેલ છે. રાજસ્થાન રોયલ્સ સામેની મેચમાં પણ સાકિબ હુસૈને ડોનોવન ફરેરાને આવી જ રીતે ફસાવ્યો હતો. ડોમેસ્ટિક ક્રિકેટમાં પણ તેનું પરફોર્મન્સ ઘણું શાનદાર રહ્યું છે.

IPL 2026ની 19મી સીઝનમાં અત્યાર સુધી અજેય રહેલી રાજસ્થાન રોયલ્સને આખરે પહેલી હારનો સામનો કરવો પડ્યો છે. હૈદરાબાદના રાજીવ ગાંધી સ્ટેડિયમમાં રમાયેલી આ હાઇ-સ્કોરિંગ મેચમાં સનરાઈઝર્સ હૈદરાબાદે તમામ ક્ષેત્રોમાં પ્રભુત્વ બતાવી 57 રનથી જીત મેળવી, જેનાથી ટૂર્નામેન્ટ વધુ રસપ્રદ બની ગઈ છે.

SRHની બેટિંગમાં કિશન-ક્લાસનનો તોફાન

સોમવારે રમાયેલી આ મેચમાં રાજસ્થાન રોયલ્સે ટૉસ જીતીને પહેલા બોલિંગ કરવાનો નિર્ણય લીધો, પરંતુ આ નિર્ણય SRHના બેટ્સમેનો સામે ભારે પડ્યો. સનરાઈઝર્સ હૈદરાબાદે 20 ઓવરમાં 6 વિકેટ ગુમાવીને 216 રનનો વિશાળ સ્કોર ઉભો કર્યો.

આ ઇનિંગનો મુખ્ય આધાર કેપ્ટન ઈશાન કિશન રહ્યો, જેણે 91 રનની શાનદાર ઇનિંગ રમી. તેની આ ઇનિંગમાં ટાઈમિંગ, આક્રમકતા અને સ્માર્ટ શોટ સિલેક્શનનું ઉત્તમ સંયોજન જોવા મળ્યું. બીજી તરફ હેનરિક ક્લાસને 40 રનની ઝડપી ઇનિંગ રમીને ટીમને મજબૂત ફિનિશ અપાવી.

રાજસ્થાન તરફથી જોફ્રા આર્ચરે 2 વિકેટ ઝડપી, પરંતુ અન્ય બોલર્સ SRHના બેટિંગ હુમલા સામે અસરકારક સાબિત થયા નહીં.

ડેબ્યુ પેસરોનો કહેર, RRની બેટિંગ ધ્વસ્ત

216 રનના ટાર્ગેટનો પીછો કરતા રાજસ્થાન રોયલ્સની શરૂઆત નબળી રહી. ટોચના ક્રમના બેટ્સમેન ઝડપથી પેવિલિયન પરત ફરતા ટીમ પર દબાણ વધતું ગયું.

SRH તરફથી ટુર્નામેન્ટમાં ડેબ્યુ કરનારા પેસર પ્રફુલ્લ હિંગે અને સાકિબ હુસૈને ગજબનું પ્રદર્શન કર્યું. બંને બોલર્સે 4-4 વિકેટ લઈને રાજસ્થાનની બેટિંગ લાઇનઅપને સંપૂર્ણપણે ખેરવી નાખી.

મધ્યક્રમમાં ડોનોવન ફરેરા (69) અને રવિન્દ્ર જાડેજા (45)એ સારો પ્રતિકાર કર્યો અને બંને વચ્ચે મહત્વપૂર્ણ ભાગીદારી પણ થઈ, પરંતુ તે ટીમને જીત તરફ લઈ જવામાં નિષ્ફળ રહી. આખરે રાજસ્થાન 19 ઓવરમાં 159 રન પર ઓલઆઉટ થઈ ગયું.

પોઇન્ટ્સ ટેબલ પર અસર અને ટીમોની હાલત

આ જીત સાથે સનરાઈઝર્સ હૈદરાબાદે ટૂર્નામેન્ટમાં પોતાનો આત્મવિશ્વાસ પાછો મેળવ્યો છે. અગાઉ ટીમને RCB, PBKS અને LSG સામે હાર મળી હતી, પરંતુ હવે KKR પછી RRને હરાવીને મજબૂત કમબેક કર્યું છે.

બીજી તરફ રાજસ્થાન રોયલ્સે આ પહેલા RCB, MI, GT અને CSK જેવી ટીમોને હરાવી હતી, પરંતુ આ હાર તેમના માટે ચેતવણીરૂપ સાબિત થઈ શકે છે. છતાં, ટીમ હાલમાં પોઇન્ટ્સ ટેબલમાં ટોચ પર યથાવત છે.

શું કારણ બન્યું RRની હારનું?

આ મેચમાં રાજસ્થાનની હાર પાછળ કેટલાક મુખ્ય કારણો રહ્યા:

• બોલિંગમાં કંટ્રોલનો અભાવ, ખાસ કરીને ડેથ ઓવર્સમાં

• ટોચના ક્રમના બેટ્સમેનોની નિષ્ફળતા

• SRHના ડેબ્યુ બોલર્સ સામે તૈયારીઓનો અભાવ

• મોટી ચેઝ દરમિયાન પ્રેશરને હેન્ડલ ન કરી શકવી

  આ તમામ પાસાઓએ મળીને ટીમને પ્રથમ હાર તરફ ધકેલી.

IPL 2026 : IPL 2026 ની આતુરતાથી રાહ જોઈ રહેલા ક્રિકેટ પ્રેમીઓ માટે એક મહત્વના સમાચાર સામે આવ્યા છે. ભારતીય ક્રિકેટ કંટ્રોલ બોર્ડ (BCCI) એ Tata IPL 2026 ના સમયપત્રકમાં મોટો સુધારો જાહેર કર્યો છે. ખાસ કરીને ગુજરાત ટાઇટન્સ (GT) અને ચેન્નાઈ સુપર કિંગ્સ (CSK) વચ્ચે રમાનારી બે મહત્વની મેચોના સ્થળ અને તારીખમાં ફેરફાર કરવામાં આવ્યો છે. આ ફેરફાર ગુજરાતમાં યોજાનારી સ્થાનિક સ્વરાજ્યની ચૂંટણીઓને ધ્યાનમાં રાખીને લેવામાં આવ્યો છે.

મેચના સ્થળમાં ફેરફાર

મૂળ શિડ્યુલ મુજબ, 26 એપ્રિલ 2026 ના રોજ અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ અને ચેન્નાઈ સુપર કિંગ્સ વચ્ચે બપોરની મેચ રમાવાની હતી. હવે આ મેચ અમદાવાદને બદલે ચેન્નાઈના એમ. એ ચિદમ્બરમ સ્ટેડિયમમાં રમાશે. આ મેચ ભારતીય સમય અનુસાર બપોરે 03:30 વાગ્યે શરૂ થશે.

અમદાવાદમાં રમાશે મેચ

સામે પક્ષે, 21 મે 2026 ના રોજ જે મેચ ચેન્નાઈમાં રમાવાની હતી, તે હવે અમદાવાદના નરેન્દ્ર મોદી સ્ટેડિયમમાં યોજાશે. આ મેચ સાંજે 07:30 વાગ્યે શરૂ થશે. આ ફેરફારથી અમદાવાદના ક્રિકેટ પ્રેમીઓને હવે મે મહિનામાં ધોમધખતા તાપ વચ્ચે સાંજના સમયે હાઇ-વોલ્ટેજ મેચ જોવાનો લ્હાવો મળશે.

ચૂંટણીના કારણે નિર્ણય

BCCI એ સ્પષ્ટતા કરી છે કે, 26 એપ્રિલ 2026 ના રોજ અમદાવાદ સહિત ગુજરાતના અન્ય ભાગોમાં મ્યુનિસિપલ કોર્પોરેશનની ચૂંટણીઓ યોજાવાની છે. ચૂંટણીના કારણે સુરક્ષા અને વ્યવસ્થા જાળવવી પડકારજનક બની શકે તેમ હોવાથી, વહીવટી તંત્રની સરળતા માટે મેચનું સ્થળ બદલવાનો નિર્ણય લેવામાં આવ્યો છે. BCCI ના સચિવ દેવજીત સૈકિયાએ આ સત્તાવાર જાહેરાત કરી છે.

Arshdeep Singh: ભારતીય ક્રિકેટ ટીમ અને IPLમાં પંજાબ કિંગ્સના મુખ્ય ફાસ્ટ બોલર અર્શદીપ સિંહ હાલમાં પોતાની રમતની સાથે સાથે પોતાની અંગત જીવન (Personal Life) ને લઈને પણ ચર્ચાના કેન્દ્રમાં છે. સોશિયલ મીડિયા પર અર્શદીપના ડેટિંગ અફવાઓએ જોર પકડ્યું છે, અને આ ચર્ચાના કેન્દ્રમાં છે પંજાબી એક્ટ્રેસ અને મોડલ સમરીન કૌર.

સ્નેપચેટના એક ફોટોથી શરૂ થઈ અફવા

આ સમગ્ર અફવાની શરૂઆત અર્શદીપ સિંહ દ્વારા શેર કરવામાં આવેલા એક સ્નેપચેટ ફોટોથી થઈ હતી. આ તસવીરમાં અર્શદીપ એક 'મિસ્ટ્રી ગર્લ'નો હાથ પકડીને જોવા મળ્યો હતો, પરંતુ તેણે તે છોકરી કોણ છે તેનો કોઈ ખુલાસો કર્યો નહોતો. જોકે, ફેન્સની બાજ નજર છોકરીના હાથ પર રહેલા ટેટૂ પર ગઈ. ઈન્ટરનેટ યુઝર્સે તરત જ આ ટેટૂની સરખામણી પંજાબી એક્ટ્રેસ સમરીન કૌરના હાથ પરના ટેટૂ સાથે કરી અને દાવો કર્યો કે આ છોકરી સમરીન જ છે.

એરપોર્ટ પરનો વીડિયો થયો વાયરલ

ત્યારબાદ, હવે એક નવો વીડિયો સામે આવ્યો છે, જેમાં અર્શદીપ અને સમરીન કૌર બંને એરપોર્ટ પર સાથે જોવા મળી રહ્યા છે. આ વીડિયો સોશિયલ મીડિયા પર આગની જેમ ફેલાઈ ગયો છે. ચાહકો હવે આ વીડિયો પર મજેદાર કોમેન્ટ્સ કરી રહ્યા છે. એક યુઝરે તો વીડિયો પર લખ્યું છે કે, "પકડાઇ ગયો શેર... બંને એકસાથે ખૂબ સારા લાગે છે."

સ્ટેડિયમમાં સમરીનની હાજરી

એટલું જ નહીં, IPL 2026 દરમિયાન સમરીન કૌરને પંજાબ કિંગ્સની ઘણી મેચોમાં સ્ટેડિયમમાં જોવા મળી છે. તાજેતરમાં જ્યારે પંજાબ કિંગ્સે સનરાઈઝર્સ હૈદરાબાદને હરાવીને સીઝનની ત્રીજી જીત મેળવી હતી, ત્યારે પણ સમરીન સ્ટેડિયમમાં હાજર હતી અને તેણે સોશિયલ મીડિયા પર ફોટો પણ શેર કર્યો હતો. ફેન્સ આ હાજરીને અર્શદીપ સાથેના તેમના ખાસ કનેક્શન તરીકે જોઈ રહ્યા છે.

કોણ છે સમરીન કૌર?

સમરીન કૌર પંજાબી ફિલ્મ ઈન્ડસ્ટ્રીનો એક ઉભરતો ચહેરો છે. તેણે અનેક મ્યુઝિક વીડિયો અને ફિલ્મોમાં પોતાના અભિનય અને સ્ટાઇલથી પ્રેક્ષકોનું દિલ જીત્યું છે. ખાસ વાત એ છે કે, સમરીન કબીર ખાનની ફિલ્મ '83' માં પણ જોવા મળી હતી, જે 1983ના વર્લ્ડ કપ વિજય પર આધારિત હતી.

શું અર્શદીપ અને સમરીને કંઈ કહ્યું?

જોકે, અર્શદીપ સિંહ અને સમરીન કૌર બંનેમાંથી કોઈએ પણ સોશિયલ મીડિયા પર ચાલી રહેલી આ અટકળો કે રિલેશનશિપની વાતો પર અત્યાર સુધી કોઈ સત્તાવાર નિવેદન આપ્યું નથી. ફેન્સ હવે બંને તરફથી કોઈ સ્પષ્ટતાની રાહ જોઈ રહ્યા છે.

SRH vs RR : ઈન્ડિયન પ્રીમિયર લીગ 2026 ની 19 મી સિઝન હવે રોમાંચક તબક્કે પહોંચી છે. આજે સિઝનની 21 મી મેચમાં સનરાઇઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચે ટક્કર થશે. આ મેચ હૈદરાબાદના હોમ ગ્રાઉન્ડ રાજીવ ગાંધી ઈન્ટરનેશનલ સ્ટેડિયમમાં સાંજે 7:30 કલાકે શરૂ થશે, જ્યારે ટોસ 7:00 વાગ્યે થશે.

બંને ટીમોનું અત્યાર સુધીનું પરફોર્મન્સ

પોઈન્ટ ટેબલ પર નજર કરીએ તો, રાજસ્થાન રોયલ્સ અત્યારે શાનદાર ફોર્મમાં છે. રાજસ્થાને તેની ચારેય મેચ જીતીને 8 પોઈન્ટ સાથે પ્રથમ સ્થાન જાળવી રાખ્યું છે. બીજી તરફ, હૈદરાબાદ માટે આ સિઝન થોડી મુશ્કેલ રહી છે, જેમાં તેઓ 4 માંથી માત્ર 1 મેચ જીતી શક્યા છે અને 3 મેચમાં હારનો સામનો કરવો પડ્યો છે. આજે હૈદરાબાદ પોતાના હોમ ગ્રાઉન્ડ પર કમબેક કરવાના ઈરાદા સાથે ઉતરશે.

હેડ-ટૂ-હેડ આંકડા

ઈતિહાસની વાત કરીએ તો હૈદરાબાદનું પલડું થોડું ભારે છે. બંને ટીમો વચ્ચે અત્યાર સુધી 21 મેચ રમાઈ છે, જેમાંથી હૈદરાબાદે 12 અને રાજસ્થાને 9 મેચ જીતી છે. હૈદરાબાદના હોમ ગ્રાઉન્ડ પર રમાયેલી 6 મેચમાંથી 5 હૈદરાબાદે જીતી છે, જે રાજસ્થાન માટે ચિંતાનો વિષય બની શકે છે.સ્ટાર ખેલાડીઓ પર નજર

રાજસ્થાન રોયલ્સના ખેલાડીઓ અત્યારે ફોર્મમાં છે. વૈભવ સૂર્યવંશી 200 રન સાથે ઓરેન્જ કેપ ધરાવે છે. અને યશસ્વી જયસ્વાલ 183 રન સાથે ઓરેન્જ કેપની રેસમાં ચોથા નંબરે છે. જ્યારે રવિ બિશ્નોઈ 9 વિકેટ સાથે પર્પલ કેપની રેસમાં બીજા સ્થાને છે. હૈદરાબાદ તરફથી હેનરિક ક્લાસેન શાનદાર બેટિંગ કરી રહ્યો છે, જેને 4 મેચમાં 184 રન બનાવ્યા છે. બોલિંગમાં હર્ષ દુબે ટીમ માટે મહત્વની વિકેટો ઝડપી રહ્યો છે.

પિચ અને હવામાન

હૈદરાબાદની પિચ હંમેશા બેટ્સમેનો માટે સ્વર્ગ સમાન રહી છે. અહીં હાઇ-સ્કોરિંગ મેચો જોવા મળે છે, તેથી ફેન્સને આજે ચોગ્ગા-છગ્ગાની રમઝટ જોવા મળી શકે છે. હવામાનની વાત કરીએ તો સાંજ ગરમ રહેશે અને વરસાદની કોઈ શક્યતા નથી.

આ પણ ખાસ વાંચો : કોણ છે સમરીન કૌર જેની સાથે દેખાયો અર્શદીપ? : આ પહેલાં હાથમાં હાથ નાંખેલો ફોટો થયો હતો વાયરલ

SRH vs RR ની સંભવિત પ્લેઇંગ-12

SRH : ટ્રેવિસ હેડ, અભિષેક શર્મા, ઈશાન કિશન (કેપ્ટન), હેનરિક ક્લાસેન, સલિલ અરોરા, અનિકેટ વર્મા, નીતિશ કુમાર રેડ્ડી, હર્ષ દુબે, શિવાંગ કુમાર, હર્ષલ પટેલ, જયદેવ ઉનડકટ. (ઇમ્પેક્ટ પ્લેયર: ઈશાન મલિંગા).

RR : યશસ્વી જાયસ્વાલ, ધ્રુવ જુરેલ, રિયાન પરાગ (કેપ્ટન), શિમરોન હેટમાયર, ડોનોવન ફરેરા, રવીન્દ્ર જાડેજા, જોફ્રા આર્ચર, નાન્દ્રે બર્ગર, બ્રિજેશ શર્મા, સંદીપ શર્મા, રવિ બિશ્નોઈ. (ઇમ્પેક્ટ પ્લેયર: વૈભવ સૂર્યવંશી).

IPLની એક અત્યંત રોમાંચક અને હાઈ-પ્રોફાઈલ મેચમાં રોયલ ચેલેન્જર્સ બેંગલુરુએ મુંબઈ ઈન્ડિયન્સ પર 18 રને વિજય મેળવ્યો છે. મુંબઈના હોમ ગ્રાઉન્ડ Wankhede Stadium પર રમાયેલી આ મેચમાં રનનો પહાડ જોવા મળ્યો હતો. પ્રથમ બેટિંગ કરતા RCBએ 240 રનનો વિશાળ સ્કોર ખડક્યો હતો, જેના જવાબમાં મુંબઈ ઈન્ડિયન્સની ટીમ નિર્ધારિત 20 ઓવરમાં 215 રન જ બનાવી શકી હતી. બેંગલુરુ તરફથી Phil Salt એ 78 રનની આક્રમક ઈનિંગ રમીને મોટા સ્કોરનો પાયો નાખ્યો હતો.

ચોગ્ગા અને છગ્ગાનો વરસાદ

આ મેચમાં બેટ્સમેનોનું વર્ચસ્વ એટલું હતું કે બંને ટીમોનો સ્કોર મળીને કુલ 462 રન થયા હતા. આખી મેચ દરમિયાન ચાર બેટ્સમેનોએ અર્ધશતક ફટકાર્યા હતા, જેના કારણે મેદાનમાં ચોગ્ગા અને છગ્ગાની હેલી જોવા મળી હતી. સમગ્ર મુકાબલામાં કુલ 29 છગ્ગા અને 36 ચોગ્ગા વાગ્યા હતા. મુંબઈ તરફથી Sherfane Rutherford એ માત્ર 31 બોલમાં 71 રનની વિસ્ફોટક ઈનિંગ રમી હતી, જેમાં તેમણે 9 સિક્સર ફટકારી ટીમને કારમી હારમાંથી ઉગારી હતી.

રધરફોર્ડે મુંબઈની લાજ બચાવી

એક સમયે 17 ઓવરના અંતે મુંબઈ ઈન્ડિયન્સે 5 વિકેટ ગુમાવીને 166 રન કર્યા હતા. જો આ સ્થિતિ ચાલુ રહી હોત તો મુંબઈ વાનખેડે સ્ટેડિયમ પર રનની દૃષ્ટિએ પોતાની સૌથી મોટી હારનો સામનો કરી રહ્યું હોત. અગાઉ મુંબઈની ઘરઆંગણે સૌથી મોટી હાર 39 રનની રહી છે. જોકે, રધરફોર્ડે અંતિમ 3 ઓવરમાં આક્રમક બેટિંગ કરી ટીમનો સ્કોર 200ને પાર પહોંચાડ્યો હતો. અંતિમ ઓવરોમાં મુંબઈએ 56 રન બનાવ્યા હતા, જે હારનું અંતર ઘટાડવામાં અને નેટ રન રેટ જાળવવામાં Hardik Pandya ની ટીમ માટે ખૂબ જ મહત્વના સાબિત થયા.

ક્રુણાલ પંડ્યાની ઘાતક બોલિંગ

બીજી ઈનિંગ દરમિયાન મેદાન પર ઝાકળ (Due) એક મોટું પરિબળ હતું, જેના કારણે ભીના બોલ સાથે બોલિંગ કરવી બોલરો માટે પડકારજનક હતી. તેમ છતાં, Krunal Pandya એ શાનદાર પ્રદર્શન કરતા પોતાની 4 ઓવરમાં માત્ર 26 રન આપ્યા અને Suryakumar Yadav જેવી મહત્વની વિકેટ ઝડપી હતી. ક્રુણાલનો આ સ્પેલ જ અંતે બંને ટીમો વચ્ચે જીત અને હારનું મુખ્ય કારણ બન્યો હતો.

અગાઉ બેંગલુરુ માટે Virat Kohli એ 50 રન અને Rajat Patidar એ 53 રનની તોફાની ઈનિંગ રમીને ટીમના સ્કોરને 240 સુધી પહોંચાડવામાં મહત્વનું યોગદાન આપ્યું હતું. મુંબઈ માટે આ લક્ષ્યાંકનો પીછો કરવો અત્યંત કઠિન સાબિત થયો હતો.

CSK vs DC : ચેન્નાઈના એમ.એ. ચિદમ્બરમ સ્ટેડિયમમાં રમાયેલી મેચમાં જ્યારે દિલ્હી કેપિટલ્સ લક્ષ્યનો પીછો કરી રહી હતી, ત્યારે મેદાન પર અચાનક ગરમાગરમી જોવા મળી. દિલ્હીના બેટ્સમેન ટ્રિસ્ટન સ્ટબ્સે રમતની મહત્વની ક્ષણે પોતાના ગ્લોવ્સ બદલવાની માંગ કરી હતી. જોકે, ચોથા અમ્પાયરે આ વિનંતી ફગાવી દીધી હતી. આ નિર્ણયથી દિલ્હીનો કેમ્પ નારાજ થયો અને ડગઆઉટમાં રહેલા કોચ હેમાંગ બદાણી, નીતિશ રાણા અને કરુણ નાયર અમ્પાયર સાથે દલીલ કરતાં જોવા મળ્યા હતા.

ગ્લોવ્સ બદલવાનો ઇનકાર અને હાર

જ્યારે આ વિવાદ થયો ત્યારે દિલ્હીને જીતવા માટે 10 બોલમાં 29 રનની જરૂર હતી. ટ્રિસ્ટન સ્ટબ્સે ગ્લોવ્સ બદલવા માટે વિનંતી કરી પણ તેને મંજૂરી ન મળી. નવાઈની વાત એ છે કે, આ ઘટનાના તરત જ પછીના બોલ પર સ્ટબ્સ આઉટ થઈ ગયો. ટ્રિસ્ટન સ્ટબસે 38 બોલમાં 60 રનની લડાયક ઇનિંગ રમી હતી, પરંતુ તેના આઉટ થતાં જ દિલ્હીની જીતની આશા ધૂંધળી થઈ ગઈ. દિલ્હી 213 રનના ટાર્ગેટ સામે માત્ર 183 રન જ બનાવી શક્યું.

CSK ની રણનીતિ અને જીત

આ જીત સાથે ચેન્નાઈ સુપર કિંગ્સે આ સિઝનમાં પોતાનું ખાતું ખોલાવ્યું છે. ચેન્નાઈએ આપેલા 213 રનના મોટા લક્ષ્ય સામે દિલ્હીએ કે. એલ રાહુલ અને પથુમ નિસાન્કાની મદદથી 5 ઓવરમાં 61 રન બનાવીને શાનદાર શરૂઆત કરી હતી. પરંતુ મિડલ ઓવરોમાં ચેન્નાઈના બોલરો ઓવરટન, ખલીલ અને કંબોજે ધારદાર બોલિંગ કરી. લાલ માટીની પીચ પર મળતા ઉછાળાનો ફાયદો ઉઠાવીને ચેન્નાઈએ દિલ્હીના બેટ્સમેનોને રન કરતાં રોકી રાખ્યા હતા.

આ પણ ખાસ વાંચો : ડગઆઉટમાં ફોન વાપરતા ઝડપાયા RR ના મેનેજર! : મોબાઇલ ઉપયોગથી રાજસ્થાનની ટીમ પર BCCI લેશે એક્શન?

ફાફ ડુ પ્લેસિસનો ખુલાસો

પૂર્વ CSK ખેલાડી ફાફ ડુ પ્લેસિસે આ વિવાદ અંગે સ્પષ્ટતા કરતા જણાવ્યું કે, દિલ્હી કેપિટલ્સનો કેમ્પ એટલે ગુસ્સે હતો કારણ કે, સ્ટબ્સને સમયસર ગ્લોવ્સ બદલવા દેવામાં આવ્યા નહોતા. આ ઘટના સોશિયલ મીડિયા પર પણ ખૂબ વાયરલ થઈ રહી છે અને ક્રિકેટ ફેન્સ અમ્પાયરના નિર્ણય પર સવાલો ઉઠાવી રહ્યા છે.

Rajasthan Royals : IPL 2026 માં મેદાન પર તો રાજસ્થાન રોયલ્સ (RR) શાનદાર પરફોર્મન્સ કરી રહી છે, પરંતુ હવે મેદાનની બહાર એક વિવાદે ટીમની મુશ્કેલી વધારી દીધી છે. સતત ચાર મેચ જીતીને પોઈન્ટ ટેબલમાં આગળ વધી રહેલી આ ટીમ હવે BCCI ના નિયમોના ભંગ બદલ તપાસના ઘેરામાં આવી શકે તેમ છે. રોયલ ચેલેન્જર્સ બેંગલુરુ સામેની મેચ દરમિયાન ડગઆઉટમાં મોબાઈલ ફોનનો ઉપયોગ થતાં સોશિયલ મીડિયા પર હોબાળો મચી ગયો છે.

ડગઆઉટમાં મોબાઈલ વાપરતા ઝડપાયા મેનેજર

10 એપ્રિલના રોજ ગુવાહાટીમાં રમાયેલી મેચમાં રાજસ્થાન રોયલ્સના મેનેજર રોમી ભિંડર ડગઆઉટમાં બેસીને મોબાઈલ ફોન વાપરતા કેમેરામાં ઝડપાઈ ગયા હતા. આ વીડિયો સોશિયલ મીડિયા પર વાયરલ થયો છે, જેમાં તેમની બાજુમાં યુવા ખેલાડી વૈભવ સૂર્યવંશી પણ બેઠેલો જોવા મળે છે. આ ઘટના ત્યારે બની જ્યારે વૈભવ આઉટ થઈને ડગઆઉટમાં પરત ફર્યો હતો.

શું છે BCCI ના કડક નિયમો?

IPL ના 'પ્લેયર એન્ડ મેચ ઓફિશિયલ એરિયા' (PMOA) પ્રોટોકોલ મુજબ, ડગઆઉટ અને ડ્રેસિંગ રૂમ જેવા એરિયામાં ખેલાડીઓ કે સ્ટાફ મોબાઈલ ફોન અથવા કોઈ પણ ઈલેક્ટ્રોનિક ગેજેટ્સનો ઉપયોગ કરી શકતા નથી. નિયમ મુજબ, સ્ટેડિયમ પહોંચતા જ દરેક ખેલાડીએ પોતાના ફોન સિક્યુરિટી ઓફિસર પાસે જમાં કરાવવાના હોય છે. જોકે, ટીમ વિશ્લેષકોને ટેબલ પર મર્યાદિત ઉપયોગની છૂટ હોય છે, પરંતુ મેનેજર માટે ડગઆઉટમાં ફોન વાપરવો એ નિયમોનું સ્પષ્ટ ઉલ્લંઘન છે.

એન્ટી કરપ્શન યુનિટની નજર

આ મામલાને BCCI નું ભ્રષ્ટાચાર વિરોધી અને સુરક્ષા એકમ (ACSU) ખૂબ જ ગંભીરતાથી લઈ રહ્યું છે. PMOA વિસ્તારમાં ફોનનો ઉપયોગ મેચની પ્રામાણિકતા પર સવાલ ઉભા કરી શકે છે. રિપોર્ટ્સ અનુસાર, રોમી ભિંડરને આ મામલે પૂછપરછ માટે મેચ રેફરી સમક્ષ બોલાવવામાં આવી શકે છે. જો દોષિત સાબિત થાય, તો ટીમ અને મેનેજર સામે કડક શિસ્તભંગની કાર્યવાહી થઈ શકે છે.

આ પણ ખાસ વાંચો : દિગ્ગજ ઈન્ડિયા ખેલાડીની ભવિષ્યવાણી! : IPL માં તરખાટ મચાવનાર 15 વર્ષનો આ છોકરો હવે ટીમ ઈન્ડિયામાં દેખાશે!

લલિત મોદીની પ્રતિક્રિયા અને તપાસ

IPL ના પૂર્વ ચેરમેન લલિત મોદીએ પણ આ ઘટના પર નારાજગી વ્યક્ત કરી છે અને તરત પગલાં લેવાની માંગ કરી છે. રાજસ્થાન રોયલ્સ અત્યારે ખૂબ જ સારા ફોર્મમાં છે, પરંતુ આ પ્રકારના વિવાદથી ટીમની છબી ખરડાઈ શકે છે. હવે જોવાનું એ રહેશે કે, IPL ગવર્નિંગ કાઉન્સિલ આ બાબતે શું નિર્ણય લે છે.

IPL 2026 : ઇન્ડિયન પ્રીમિયર લીગની આ સિઝન વધુ જ રસપ્રદ બની રહી છે અને આજે ક્રિકેટપ્રેમીઓ માટે ડબલ મજા છે. એક તરફ લખનઉના એકાના સ્ટેડિયમમાં લખનઉ સુપર જાયન્ટ્સ અને ગુજરાત ટાઇટન્સ વચ્ચે જંગ જોવા મળશે, તો બીજી તરફ મુંબઈના વાનખેડેમાં મુંબઈ ઇન્ડિયન્સ અને રોયલ ચેલેન્જર્સ બેંગલુરુ વચ્ચે હાઇ-વોલ્ટેજ ટક્કર થશે. બંને મેચોમાં ટીમોની ફોર્મ, પિચ અને હેડ-ટુ-હેડ રેકોર્ડ પરિણામને રસપ્રદ બનાવે છે.

લખનઉ vs ગુજરાત : પંતની ટીમનો હેટટ્રિક વિજયનો લક્ષ્ય

લખનઉ સુપર જાયન્ટ્સ અને ગુજરાત ટાઇટન્સ વચ્ચેની મેચ બપોરે 3:30 વાગ્યે રમાશે. આ મુકાબલો માત્ર પોઇન્ટ્સ માટે જ નહીં, પરંતુ મોમેન્ટમ માટે પણ મહત્વપૂર્ણ છે.હેડ-ટુ-હેડમાં ટક્કર

બંને ટીમો વચ્ચે અત્યાર સુધી 7 મેચ રમાઈ છે જેમાં ગુજરાતે 4 જીત મેળવી છે, જ્યારે લખનઉએ છેલ્લી 3 મેચમાં સતત જીત મેળવીને દબદબો બનાવ્યો છે. એકાના સ્ટેડિયમમાં પણ લખનઉનું પ્રદર્શન મજબૂત રહ્યું છે.

બેટ્સમેન અને બોલર પર રહેશે નજર

લખનઉ માટે કેપ્ટન રિષભ પંત મહત્વપૂર્ણ ખેલાડી બની ગયો છે. તેની 68 રનની ઇનિંગ ટીમ માટે ટર્નિંગ પોઇન્ટ સાબિત થઈ હતી. મિડલ ઓર્ડરમાં તેની ભૂમિકા આજે પણ નિર્ણાયક રહેશે. બીજી તરફ ગુજરાત માટે જોશ બટલર ફોર્મમાં છે અને તે મેચનો ગેમ-ચેન્જર બની શકે છે. બોલિંગમાં લખનઉના પ્રિન્સ યાદવ અને ગુજરાતના પ્રસિદ્ધ કૃષ્ણા વચ્ચે રસપ્રદ મુકાબલો જોવા મળશે.

પિચ અને પરિસ્થિતિ

લખનઉની પિચ સ્પિનરો માટે અનુકૂળ માનવામાં આવે છે. અહીં મોટાભાગે લો-સ્કોરિંગ મેચ જોવા મળે છે, એટલે બેટર્સ માટે સાવધાની જરૂરી રહેશે. ટોસ જીતનાર ટીમ પહેલા બોલિંગ પસંદ કરી શકે છે.

LSG અને GT ની સંભવિત પ્લેઇંગ-12

LSG : એડન માર્કરમ, મિચેલ માર્શ, રિષભ પંત (કેપ્ટન અને વિકેટકીપર), નિકોલસ પૂરન, અબ્દુલ સમદ, મુકુલ ચૌધરી, એમ સિદ્ધાર્થ, આવેશ ખાન, દિગ્વેષ રાઠી, પ્રિન્સ યાદવ અને મોહમ્મદ શમી.

ઇમ્પેક્ટ પ્લેયર : આયુષ બદોની.

GT : સાઈ સુદર્શન, શુભમન ગિલ (કેપ્ટન), જોસ બટલર (વિકેટકીપર), વોશિંગ્ટન સુંદર, ગ્લેન ફિલિપ્સ, શાહરૂખ ખાન, રાહુલ તેવતિયા, રાશિદ ખાન, કગિસો રબાડા, અશોક શર્મા, મોહમ્મદ સિરાજ.

ઇમ્પેક્ટ પ્લેયર : પ્રસિદ્ધ ક્રિષ્ના.

મુંબઈ vs બેંગલુરુ : વાનખેડેમાં જોવા મળશે રનની આતશબાજી!

સાંજે 7:30 વાગ્યે મુંબઈ ઇન્ડિયન્સ અને રોયલ ચેલેન્જર્સ બેંગલુરુ વચ્ચેની મેચ શરૂ થશે. બંને ટીમો માટે આ મેચ જીતવી ખૂબ જ જરૂરી છે.હેડ-ટુ-હેડમાં મુંબઈ આગળ

મુંબઈ ઇન્ડિયન્સ અને RCB વચ્ચે કુલ 36 મેચ રમાઈ છે જેમાં મુંબઈએ 21 જીત મેળવી છે. આ આંકડો મુંબઈના આત્મવિશ્વાસને વધારશે, ખાસ કરીને ઘરઆંગણે રમતી વખતે.

આ પણ ખાસ વાંચો : દિગ્ગજ ઈન્ડિયા ખેલાડીની ભવિષ્યવાણી! : IPL માં તરખાટ મચાવનાર 15 વર્ષનો આ છોકરો હવે ટીમ ઈન્ડિયામાં દેખાશે!

કોહલી vs રોહિત : સૌથી મોટી ટક્કર

બેંગલુરુ માટે રજત પાટીદાર ટોપ સ્કોરર છે, પરંતુ RCB માટે વિરાટ કોહલીની ભૂમિકા પણ એટલી જ મહત્વપૂર્ણ રહેશે. બીજી તરફ મુંબઈ માટે રોહિત શર્મા જબરદસ્ત ફોર્મમાં છે અને ટીમને મજબૂત શરૂઆત અપાવે છે. બોલિંગમાં શાર્દૂલ ઠાકુર મુંબઈ માટે મહત્વપૂર્ણ સાબિત થયો છે, જ્યારે RCB માટે જોશ હેઝલવુડ અને ભુવનેશ્વર કુમાર અસરકારક બની શકે છે.

વાનખેડેની પિચ અને વેધર

વાનખેડે સ્ટેડિયમ બેટિંગ માટે અનુકૂળ છે. અહીં મોટા સ્કોર બનવાની સંભાવના વધારે છે. ડ્યુ ફેક્ટર મેચમાં મહત્વનો રોલ ભજવી શકે છે, એટલે ટોસ જીતનાર ટીમ ચેઝ પસંદ કરી શકે છે.

MI vs RCB ની પોસિબલ પ્લેઇંગ-12

MI : રોહિત શર્મા, રાયન રિકેલ્ટન (વિકેટકીપર), સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, શેરફન રધરફોર્ડ, મિચેલ સેન્ટનર, દીપક ચહર, શાર્દૂલ ઠાકુર, જસપ્રીત બુમરાહ, ટ્રેન્ટ બોલ્ટ.

RCB : વિરાટ કોહલી, ફિલ સોલ્ટ, દેવદત્ત પડિકલ, રજત પાટીદાર (કેપ્ટન), જિતેશ શર્મા (વિકેટકીપર), કૃણાલ પંડ્યા, ટીમ ડેવિડ, રોમારિયો શેફર્ડ, ભુવનેશ્વર કુમાર, જોશ હેઝલવુડ, રાસિખ સલામ/અભિનંદન સિંહ, સુયશ શર્મા.

કેમ આજની મેચ મહત્વપૂર્ણ છે?

આજે રમાનારી બંને મેચ IPL ના પોઇન્ટ્સ ટેબલ માટે ખૂબ જ મહત્વપૂર્ણ છે. લખનઉ જીતે તો તે ટોપ-4 માં પોતાની સ્થિતિ મજબૂત બનાવી શકે છે, જ્યારે ગુજરાત માટે જીત જરૂરી છે જેથી તે પ્લેઓફ ની રેસમાં બની રહી શકે. મુંબઈ અને બેંગલુરુ વચ્ચેની મેચમાં બંને ટીમો માટે મોમેન્ટમ મેળવવાની સારો તક છે. ખાસ કરીને મુંબઈ માટે ઘરઆંગણે જીત ટીમના આત્મવિશ્વાસને વધારશે, જ્યારે RCB ફરી જીતની લયમાં આવવા માગશે. આજેના દિવસની બંને મેચ IPL ના આગામી સપ્તાહ માટે ટ્રેન્ડ સેટ કરી શકે છે.

IPL 2026માં સતત હારોથી દબાણમાં આવેલી ચેન્નઈ સુપર કિંગ્સ માટે આ મેચ માત્ર જીત નહીં, પણ આત્મવિશ્વાસની નવી શરૂઆત સાબિત થઈ. ચેપોક સ્ટેડિયમમાં રમાયેલી રોમાંચક ટક્કરમાં CSKએ દિલ્હી કેપિટલ્સને 23 રનથી હરાવી સીઝનમાં પહેલી જીત મેળવી, જ્યારે કેપ્ટન ઋતુરાજ ગાયકવાડ માટે આ જીત ખાસ યાદગાર બની.

ચેન્નઈનો વિસ્ફોટક બેટિંગ પ્રદર્શન

ચેન્નઈ સુપર કિંગ્સે ટોસ જીતીને પહેલા બેટિંગ પસંદ કરી અને શરૂઆતથી જ આક્રમક અભિગમ અપનાવ્યો. ટીમે 20 ઓવરમાં 212 રનનો મજબૂત સ્કોર ઉભો કર્યો. આ સ્કોર પાછળનો સૌથી મોટો હીરો સંજુ સેમસન રહ્યો, જેણે અણનમ 115 રનની શાનદાર સદી ફટકારી.

સેમસનનો આ શતક IPL 2026નો પ્રથમ શતક રહ્યો, જેનાથી ટીમને મજબૂત આધાર મળ્યો. તેણે મેદાનના દરેક ખૂણે શોટ્સ રમ્યા અને દિલ્હીના બોલરોને દબાણમાં મૂકી દીધા.

યુવા ખેલાડી આયુષ મ્હાત્રેએ પણ 59 રનની મહત્વપૂર્ણ ઇનિંગ રમી, જોકે ટીમ મેનેજમેન્ટે સ્ટ્રેટેજી હેઠળ તેને રિટાયર્ડ આઉટ કર્યું. અંતમાં શિવમ દુબેએ માત્ર 10 બોલમાં 20 રન બનાવીને સ્કોરને 200 પાર પહોંચાડવામાં યોગદાન આપ્યું.

દિલ્હીની ઝડપી શરૂઆત છતાં ધરાશાયી

212 રનના ટાર્ગેટનો પીછો કરવા ઉતરેલી દિલ્હી કેપિટલ્સે શરૂઆતમાં જ આક્રમક રમત બતાવી. પથુમ નિસાંકાએ માત્ર 24 બોલમાં 41 રન ફટકારી અને કે.એલ. રાહુલ સાથે મળીને પ્રથમ 5 ઓવરમાં જ 61 રનની પાર્ટનરશિપ બનાવી.

પરંતુ આ જ સમયે મેચનો ટર્નિંગ પોઇન્ટ આવ્યો. CSKના બોલરોએ અચાનક જ મેચમાં વાપસી કરી અને માત્ર 15 રનના અંતરમાં દિલ્હીના 4 વિકેટ પડી ગયા. આ ઝટકાએ દિલ્હીની ઇનિંગને હચમચાવી નાખી.

ડેવિડ મિલર અને આશુતોષ શર્માએ થોડું યોગદાન આપ્યું, પરંતુ ટીમને સ્થિરતા આપી શક્યા નહીં.

સ્ટબ્સનો સંઘર્ષ વ્યર્થ ગયો

દિલ્હી માટે ટ્રિસ્ટન સ્ટબ્સે એકલા હાથે લડત આપી. તેણે 38 બોલમાં 60 રનની અર્ધશતકીય ઇનિંગ રમી અને એક સમયે ટીમને જીત તરફ લઈ જતો દેખાયો.

પરંતુ જેઇમી ઓવરટને સ્ટબ્સનો મહત્વપૂર્ણ વિકેટ લઈને મેચનો રૂખ ફરી વાળ્યો. આ વિકેટ પછી દિલ્હીની જીતની આશા લગભગ સમાપ્ત થઈ ગઈ.

ચેન્નઈ માટે ઓવરટન સૌથી સફળ બોલર રહ્યો, જેણે 4 વિકેટ ઝડપી. તેની સાથે અંશુલ કંબોજે પણ 3 વિકેટ લઈને ટીમની જીતમાં મહત્વપૂર્ણ ભૂમિકા ભજવી.

SRH vs PBKS : IPL 2026 માં શનિવારે રમાયેલી રોમાંચક મેચમાં સનરાઇઝર્સ હૈદરાબાદના બેટ્સમેનોએ પંજાબ કિંગ્સના બોલરોની કસોટી કરી નાખી હતી. મુલ્લાનપુરના મેદાન પર રમાયેલી આ મેચમાં હૈદરાબાદે નિર્ધારિત 20 ઓવરમાં 6 વિકેટ ગુમાવીને 219 રન બનાવ્યા છે. આ આક્રમક સ્કોરના પાયામાં ઓપનર અભિષેક શર્માની વિસ્ફોટક ઇનિંગ મુખ્ય રહી હતી.

અભિષેક શર્માનો તરખાટ

હૈદરાબાદના યુવા વિસ્ફોટક ઓપનર અભિષેક શર્માએ શરૂઆતથી જ પંજાબના બોલરો પર આક્રમણ કર્યું હતું. અભિષેક શર્માએ માત્ર 28 બોલમાં 74 રનની ધમાકેદાર ઇનિંગ રમી હતી, જેમાં તેને 5 ચોગ્ગા અને 8 ગગનચુંબી છગ્ગા ફટકાર્યા હતા. જેમાં અભિષેક શર્માનો સ્ટ્રાઇક રેટ 264.29 રહ્યો હતો. આ ઇનિંગ દરમિયાન અભિષેકે પાવરપ્લેમાં 7 સિક્સર ફટકારીને સનથ જયસૂર્યા, જોશ બટલર અને જોની બેયરસ્ટો જેવા દિગ્ગજોના રેકોર્ડની બરાબરી કરી લીધી છે.

રેકોર્ડબ્રેક પાર્ટનરશિપ

અભિષેક શર્મા અને ટ્રેવિસ હેડની જોડીએ ઇનિંગની શરૂઆત એવી રીતે કરી કે, જાણે ચોગ્ગા-છગ્ગાનો વરસાદ થઈ રહ્યો હોય. બંનેએ મળીને માત્ર 49 બોલમાં 120 રનની ઓપનિંગ પાર્ટનરશિપ કરી હતી. ટ્રેવિસ હેડે 23 બોલમાં 38 રન બનાવ્યા હતા. હૈદરાબાદે પાવરપ્લેની 6 ઓવરમાં 105 રન ફટકાર્યા હતા, જે IPL ઇતિહાસના સર્વોચ્ચ પાવરપ્લે સ્કોર્સમાં સ્થાન પામ્યો છે. જોકે, શશાંક સિંહે એક જ ઓવરમાં બંને ઓપનરોને આઉટ કરીને પંજાબને મેચમાં પરત લાવવાનો પ્રયાસ કર્યો હતો.

આ પણ ખાસ વાંચો : ટીમ ઈન્ડિયાના સ્ટાર પ્લેયરના પ્રેમમાં પડી આ સુંદર હસીના : ક્રિકેટર અભિષેક શર્માની ડેટિંગ લાઈફ આ વાયરલ ફોટો પછી ચર્ચાના ચકડોળે ચડી

મિડલ ઓર્ડરનું યોગદાન

ઓપનિંગ જોડી આઉટ થયા બાદ કેપ્ટન ઈશાન કિશને 17 બોલમાં 27 રનનું મહત્વનું યોગદાન આપ્યું હતું. હેનરિક ક્લાસને પણ સંયમપૂર્વક બેટિંગ કરતાં 33 બોલમાં 39 રન બનાવ્યા હતા. અંતિમ ઓવરોમાં અનિકેત વર્માએ માત્ર 9 બોલમાં 18 રન ફટકારીને ટીમના સ્કોરને 200 રનની પાર પહોંચાડવામાં મદદ કરી હતી. પંજાબ તરફથી અર્શદીપ સિંહ અને શશાંક સિંહે 2-2 વિકેટ ઝડપી હતી, જ્યારે ઝેવિયર બાર્ટલેટને એક સફળતા મળી હતી.

IPL 2026 : IPL 2026 હવે એવી સ્ટેજ પર આવી ગયો છે જ્યાં દરેક દિવસ, દરેક મેચ અને દરેક બોલ ટૂર્નામેન્ટની દિશા નક્કી કરી શકે છે. આજે ક્રિકેટ ફેન્સ માટે ડબલ ધમાકો છે. એક તરફ પંજાબ કિંગ્સ (PBKS) સામે સનરાઇઝર્સ હૈદરાબાદ (SRH) છે તો બીજી તરફ ચેન્નઈ સુપર કિંગ્સ (CSK) સામે દિલ્હી કેપિટલ્સ (DC). બંને મેચ પ્લેઓફની રેસ માટે અત્યંત મહત્વપૂર્ણ છે અને ટોપના ખેલાડીઓ વચ્ચેની ટક્કર મેચને વધુ રોમાંચક બનાવશે.

PBKS vs SRH : ઐયર vs અભિષેક, મોહાલીમાં થશે હાઇસ્કોરિંગ મેચપંજાબ કિંગ્સ અને સનરાઇઝર્સ હૈદરાબાદ વચ્ચેનો મુકાબલો મોહાલી ખાતે રમાઈ રહ્યો છે, જ્યાં પિચ બેટિંગ માટે અનુકૂળ માનવામાં આવે છે. PBKS માટે શ્રેયસ ઐયર બેટિંગનું મુખ્ય કેન્દ્ર છે, જ્યારે SRH માટે અભિષેક શર્મા અને ઈશાન કિશન પાવરપ્લેમાં આક્રમક શરૂઆત આપી શકે છે. મિડલ ઓવર્સમાં સ્પિન બોલિંગ મેચનો ટર્નિંગ પોઇન્ટ બની શકે છે. જો PBKS ટોપ ઓર્ડરથી સારી શરૂઆત કરે, તો તેઓ મોટો સ્કોર ઉભો કરી શકે છે. બીજી તરફ SRH માટે શરૂઆતમાં વિકેટ લેવી અત્યંત મહત્વપૂર્ણ રહેશે. આ મેચમાં ડ્યૂ ફેક્ટર પણ મહત્વનો બની શકે છે, જેના કારણે ટોસ જીતનાર ટીમ પહેલા બોલિંગ પસંદ કરે તેવી શક્યતા છે.

CSK vs DC : ચેપોકમાં સ્પિનનો ખેલ, ગાયકવાડ-સેમસનચેન્નઈના ચેપોક સ્ટેડિયમમાં બીજી મોટી ટક્કર CSK અને DC વચ્ચે છે. આ પિચ ધીમી અને સ્પિનર્સને મદદરૂપ હોવાથી, અહીંની મેચ સ્ટ્રેટેજી પર આધારિત રહેવાની છે. CSK માટે ઋતુરાજ ગાયકવાડ અને સંજુ સેમસનનું ફોર્મ ચિંતાનો વિષય છે અને CSK ની ટીમને આ બંને ખેલાડીઓથી મજબૂત શરૂઆતની આશા છે. બીજી તરફ દિલ્હી માટે કે. એલ રાહુલ અને અક્ષર પટેલ મેચના ગેમચેન્જર બની શકે છે. ડેવાલ્ડ બ્રેવિસ જેવા યુવા ખેલાડી પણ મેચમાં એક્સ-ફેક્ટર બની શકે છે. જો DC ના બેટ્સમેન સ્પિન સામે સારી બેટિંગ કરે, તો તેઓ CSK ને ટક્કર આપી શકે છે.

બંને મેચમાં મુખ્ય ખેલાડીઓનો ફેક્ટર

આજે રમાનારી બંને મેચોમાં કેટલીક કોમન બાબતો છે:

• ટોપ ઓર્ડર બેટ્સમેનોનો પ્રદર્શન મેચનો રિઝલ્ટ નક્કી કરશે.

• સ્પિન બોલર્સ ખાસ કરીને ચેપોકમાં મહત્વપૂર્ણ રહેશે.

• ડેથ ઓવર્સમાં બોલિંગ બંને મેચમાં ટર્નિંગ પોઇન્ટ બની શકે છે.

ખાસ કરીને ઐયર, અભિષેક, ગાયકવાડ અને કે. એલ રાહુલ જેવા ખેલાડીઓ પર બધાની નજર રહેશે.

ટીમ સ્ટ્રેટેજી : કોણ આગળ?

PBKS vs SRH

PBKS : બેટિંગ સ્ટ્રેન્થ, મોટા સ્કોર પર ફોકસ

SRH : બોલિંગ દ્વારા વીક, પાવરપ્લેમાં હીટિંગ

CSK vs DC

CSK : સ્પિનનો ઉપયોગ, હોમ એડવાન્ટેજ

DC : ઓલરાઉન્ડ પરફોર્મન્સ, મિડલ ઓવર્સમાં કંટ્રોલ

આ બંને મેચ કેમ મહત્વપૂર્ણ છે?

IPL 2026 માં પ્લેઓફની રેસ હવે વધુ તેજ બની રહી છે. આજની બંને મેચનો સીધો અસર પોઈન્ટ્સ ટેબલ પર પડશે:

• જીતનાર ટીમ ટોપ-4 માં સ્થાન મજબૂત કરશે.

• હારનાર ટીમ માટે આગળની મેચો “મસ્ટ-વિન” બની જશે.

• નેટ રન રેટ પણ આગળ વધારવા માટે મહત્વપૂર્ણ બની શકે છે.

આજે માત્ર બે મેચ નથી, આ પ્લેઓફ માટેનો મોટો ટર્નિંગ પોઇન્ટ બની શકે છે.

PBKS vs SRH ની સંભવિત-12

PBKS : પ્રભસિમરન સિંહ (વિકેટકીપર), શ્રેયસ અય્યર (કેપ્ટન), કૂપર કોનોલી, નેહલ વઢેરા, શશાંક સિંહ, માર્કસ સ્ટોઈનિસ, માર્કો યાન્સેન, ઝેવિયર બાર્ટલેટ, વિજયકુમાર વૈશાખ, અર્શદીપ સિંહ, યુઝવેન્દ્ર ચહલ, પ્રિયાંશ આર્ય.

SRH : ટ્રેવિસ હેડ, અભિષેક શર્મા, ઈશાન કિશન (કેપ્ટન, વિકેટકીપર), હેનરિક ક્લાસેન, લિયામ લિવિંગસ્ટન, અનિકેત વર્મા, નીતિશ કુમાર રેડ્ડી, હર્ષ દુબે, શિવાંગ કુમાર, હર્ષલ પટેલ, જયદેવ ઉનડકટ, ઈશાન મલિંગા.

CSK vs DC ની સંભવિત-12

CSK : સંજુ સેમસન (વિકેટકીપર), ઋતુરાજ ગાયકવાડ, આયુષ મ્હાત્રે, સરફરાઝ ખાન, શિવમ દુબે, કાર્તિક શર્મા/ડેવાલ્ડ બ્રેવિસ, પ્રશાંત વીર/અકીલ હોસૈન, જેમી ઓવરટન, ખલીલ અહેમદ, અંશુલ કંબોજ, મેટ હેનરી, નૂર અહેમદ.

DC : કે. એલ રાહુલ (વિકેટકીપર), પથુમ નિસાંકા, નીતિશ રાણા, સમીર રિઝવી, ટ્રિસ્ટન સ્ટબ્સ, ડેવિડ મિલર, અક્ષર પટેલ (કેપ્ટન), વિપરાજ નિગમ, કુલદીપ યાદવ, લુંગી એન્ગિડી, ટી. નટરાજન, મુકેશ કુમાર.

RR vs RCB : IPL 2026 માં શુક્રવારે રમાયેલી રોમાંચક મેચમાં રાજસ્થાન રોયલ્સે (RR) રોયલ ચેલેન્જર્સ બેંગલુરુ (RCB) ને 6 વિકેટે હરાવીને ટૂર્નામેન્ટમાં પોતાની જીતનો સિલસિલો જાળવી રાખ્યો છે. ગુવાહાટીના બરસાપારા સ્ટેડિયમમાં રમાયેલી આ મેચમાં અનેક રેકોર્ડ્સ બન્યા અને તૂટ્યા હતા. વૈભવ સૂર્યવંશીની વિસ્ફોટક બેટિંગ અને બોલરોની ચતુર રમત સામે બેંગલુરુના 200 થી વધુ રનનો ટાર્ગેટ પણ ઓછો પડ્યો હતો.

વૈભવ સૂર્યવંશીનું પાવર પેક પરફોર્મન્સ

રાજસ્થાનની જીતનો અસલી હીરો વૈભવ સૂર્યવંશી રહ્યો હતો. તેને માત્ર 15 બોલમાં પોતાની ફિફ્ટી પૂરી કરીને મેદાનમાં સનસનાટી મચાવી દીધી હતી. વૈભવ સૂર્યવંશીનો સ્ટ્રાઇક રેટ 300 ની આસપાસ રહ્યો હતો, જેમાં વૈભવ સૂર્યવંશીએ 8 ચોગ્ગા અને 7 છગ્ગા ફટકાર્યા હતા. તેની આક્રમક બેટિંગને કારણે રાજસ્થાને ટાર્ગેટને સરળતાથી ચેઝ કરી લીધો હતો.

વિરાટ કોહલી અને બિશ્નોઈનો જંગ

RCB માટે વિરાટ કોહલીએ સારી શરૂઆત કરી હતી અને આર્ચરની ઓવરમાં સતત ત્રણ ચોગ્ગા પણ ફટકાર્યા હતા. જોકે, રવિ બિશ્નોઈની સ્પિન સામે વિરાટ કોહલી થાપ ખાઈ ગયો હતો. રવિ બિશ્નોઈની એક શાનદાર ગુગલી બોલ પર વિરાટ કોહલી ક્લીન બોલ્ડ થયો હતો અને 32 રન બનાવીને પેવેલિયન ભેગો થયો હતો. આ વિકેટ મેચનો ટર્નિંગ પોઈન્ટ સાબિત થઈ હતી.

RCB ના નામે શરમજનક અને ગર્વના રેકોર્ડ્સ

આ મેચમાં RCB એ IPL ઈતિહાસમાં 37 મી વખત 200+ રન બનાવવાનો રેકોર્ડ CSK સાથે શેર કર્યો છે. પરંતુ, સિક્કાની બીજી બાજુ એ પણ છે કે, RCB હવે 7 મી વખત 200 થી વધુ રન બનાવીને મેચ હારી છે, જે પંજાબ કિંગ્સ સાથે સંયુક્ત રીતે સૌથી વધુ છે. RCB ટીમના કેપ્ટન રજત પાટીદારે તેના 3000 T20 રન પૂરી કરવાની સિદ્ધિ પણ મેળવી હતી.

આ પણ ખાસ વાંચો : IPLના નવા સ્ટાર મુકુલ ચૌધરી વિશે અર્જુન તેંડુલકરની સાચી પડી ભવિષ્યવાણી : જૂનો VIDEO સોશિયલ મીડિયામાં વાયરલ

રાજસ્થાનના બોલરો અને ફિલ્ડિંગનો જાદુ

બોલિંગમાં સંદીપ શર્માએ પોતાની 150 મી IPL વિકેટ ઝડપીને એક નવો માઈલસ્ટોન સ્થાપિત કર્યો છે. બીજી તરફ જોફ્રા આર્ચરે મેચના પહેલા જ બોલ પર વિકેટ લઈને RCB ને ફટકો આપ્યો હતો. ફિલ્ડિંગમાં શિમરોન હેટમાયરે બે શાનદાર ડાઈવિંગ કેચ પકડીને બેંગલુરુના બેટ્સમેનોને પ્રેશરમાં રાખ્યા હતા. રવીન્દ્ર જાડેજાની બોલિંગમાં બ્રિજેશ શર્માએ પણ બે પ્રયાસમાં કેચ પકડીને પ્રેક્ષકોને ચોંકાવી દીધા હતા.

IPL 2026: ગુરુવારે ઈડન ગાર્ડન્સમાં કોલકાતા નાઈટ રાઈડર્સ (KKR) સામે રમેલી મેચ વિનિંગ ઈનિંગ બાદ લખનૌ સુપર જાયન્ટ્સ (LSG) ના નવા ખેલાડી મુકુલ ચૌધરીની સોશિયલ મીડિયા પર જોરદાર ચર્ચા થઈ રહી છે. આ યુવા બેટરના શાનદાર પ્રદર્શનને કારણે તે રાતોરાત IPLમાં ઉભરતા નામોમાં સામેલ થઈ ગયો છે. રસપ્રદ વાત એ છે કે, અર્જુન તેંડુલકરની પણ ટેલેન્ટ પારખવાની શક્તિ માટે પ્રશંસા થઈ રહી છે. અર્જુનનો એક જૂનો પોડકાસ્ટ વીડિયો ફરી સામે આવ્યો છે, જેમાં તેણે મુકુલની સફળતા પહેલા જ તેના વિશે ખૂબ જ વખાણ કર્યા હતા.

અર્જુન તેંડુલકરે શુભંકર મિશ્રા સાથેના પોડકાસ્ટમાં જણાવ્યું હતું કે, "મુકુલ ચૌધરી અદ્ભુત છગ્ગા મારે છે. ગઈકાલે એક પ્રેક્ટિસ મેચમાં મેં તેની બેટિંગ જોઈ હતી અને હું ખરેખર પ્રભાવિત થયો હતો. તે મેદાનની ચારે બાજુ - સ્ક્વેર લેગ, પોઈન્ટ, અપર કટ અને બોલરની પાછળ પણ ફટકા મારે છે. તેની બેટિંગ શૈલી ગજબની છે,"

આ પણ વાંચો: LSG એ વાનિંદુ હસરંગાના સ્થાને સાઉથ આફ્રિકાના સ્ટારને કર્યો સાઇન : માત્ર 1 કરોડમાં જોડાયો આફ્રિકન સ્ટાર ઓલરાઉન્ડર!

KKR સામે મુકુલનો તરખાટ

મુકુલ ચૌધરીએ KKR સામે 27 બોલમાં અણનમ 54 રન બનાવીને સાબિત કરી દીધું કે તે એક નીડર ફિનિશર છે. જ્યારે LSGને 42 બોલમાં 78 રનની જરૂર હતી ત્યારે તે મેદાનમાં આવ્યો હતો. શરૂઆતમાં સુનીલ નરેન સામે તે થોડો સંઘર્ષ કરતો દેખાયો, પરંતુ અંતિમ ઓવરોમાં તેણે કાર્તિક ત્યાગી, વૈભવ અરોરા અને કેમેરોન ગ્રીન જેવા બોલરોની બરાબરની ધોલાઈ કરીને યાદગાર જીત અપાવી હતી. મુકુલની બેટિંગમાં ચાહકોને એમ.એસ. ધોનીની ઝલક જોવા મળી હતી, કારણ કે તેણે મેદાનમાં હેલિકોપ્ટર શોટ્સ પણ ફટકાર્યા હતા. તેણે પોતાની ઈનિંગમાં 7 છગ્ગા અને 2 ચોગ્ગા માર્યા હતા. જ્યારે છેલ્લી બે ઓવરમાં 30 રનની જરૂર હતી, ત્યારે મુકુલે કોઈ પણ માન્યતા પ્રાપ્ત બેટરની મદદ વગર એકલા હાથે સિક્સરો ફટકારીને ટીમને જીત અપાવી હતી.

આ પણ વાંચો: IPL 2026; વિજય રથ પર સવાર RR અને RCB વચ્ચે ગુવાહાટીમાં મેચ! : વૈભવની પાવર હીટિંગ કે વિરાટનો ક્લાસ, કોણ મારશે બાજી?

LSG સેટઅપમાં ઉભરતો સિતારો

મુકુલની આ ઈનિંગે તેને LSG માટે એક મહત્વની સંપત્તિ બનાવી દીધો છે. ટીમના કોચ જસ્ટિન લેંગરે પણ તેની એથ્લેટિસિઝમ અને રમત પ્રત્યેની સમજની પ્રશંસા કરી છે. જસ્ટિન લેંગરે જણાવ્યું હતું કે “મને તેના વિશે સૌથી વધુ જે ગમે છે તે એ છે કે તે એક સાચો એથ્લેટ છે. વિરાટ કોહલીની જેમ તેની વિકેટો વચ્ચે દોડવાની ક્ષમતા શાનદાર છે. તેની ગેમ સેન્સ પણ અદ્ભુત છે. પ્રેક્ટિસ ગેમ્સમાં તે જે રીતે વાત કરે છે, એવું લાગે છે કે જાણે તે 300 મેચ રમી ચૂક્યો હોય. તેની પાસે પાવર છે અને ગ્રેસ પણ છે.” હવે LSGની આગામી મેચ 12 એપ્રિલે એકાના ક્રિકેટ સ્ટેડિયમમાં ગુજરાત ટાઇટન્સ સામે છે. ચાહકોની નજર ફરી એકવાર મુકુલ ચૌધરી પર રહેશે કે શું તે આ શાનદાર ફોર્મ જાળવી રાખવામાં સફળ થાય છે કે નહીં.

RR vs RCB : IPL 2026 માં આજે એક અત્યંત રસપ્રદ મુકાબલો જોવા મળશે, જે ખરા અર્થમાં 'યુવા પ્રતિભા vs અનુભવ' ની લડાઈ બનશે. એક તરફ રાજસ્થાન રોયલ્સ પાસે યશસ્વી જયસ્વાલ, વૈભવ સૂર્યવંશી, રવિ બિશ્નોઈ અને રિયાન પરાગ જેવા જોશીલા યુવા ખેલાડીઓ છે, જેઓ પોતાના દમદાર ફોર્મથી વિરોધી ટીમોને હંફાવી રહ્યા છે. તો બીજી તરફ, રોયલ ચેલેન્જર્સ બેંગલુરુમાં વિરાટ કોહલી, ફિલ સોલ્ટ, ભુવનેશ્વર કુમાર, જીતેશ શર્મા, જેકબ ડફી અને ટિમ ડેવિડ જેવા મહારથીઓ છે, જેઓ પાસે વર્ષોનો અનુભવ અને મેચ પલટાવવાની ક્ષમતા છે. ગુવાહાટીના બરસાપારા સ્ટેડિયમમાં આજે સાંજે આ યુવા જોશ અને અનુભવની તાકાત વચ્ચે શ્રેષ્ઠતાની જંગ જામશે.

હેડ ટુ હેડ રેકોર્ડ

આંકડાની દૃષ્ટિએ જોઈએ તો અત્યાર સુધી રમાયેલી 34 મેચોમાંથી બેંગલુરુએ 17 મેચ જીતીને પોતાનું વર્ચસ્વ જાળવી રાખ્યું છે, જ્યારે રાજસ્થાનના ફાળે 14 વિજય આવ્યા છે. જોકે, વર્તમાન સિઝનમાં બન્ને ટીમો જે રીતે અજેય રહી છે, તે જોતા આંકડા ગમે તે હોય પણ મેદાન પર કાંટાની ટક્કર થવાની પૂરેપૂરી શક્યતા છે.

રાજસ્થાનની યુવા બ્રિગેડ

રાજસ્થાન રોયલ્સ આ વખતે મેદાનમાં નવી ઉર્જા સાથે ઉતરી છે. રિયાન પરાગની કેપ્ટનશીપ હેઠળ યુવા ખેલાડીઓ આક્રમક ક્રિકેટ રમી રહ્યા છે. યશસ્વી જયસ્વાલ અને વૈભવ સૂર્યવંશીની વિસ્ફોટક બેટિંગ અને રવિ બિશ્નોઈ અને રવીન્દ્ર જાડેજાની ફિરકી રાજસ્થાન માટે હથિયાર સાબિત થઈ રહી છે. જેના કારણે રાજસ્થાન ટીમનો આત્મવિશ્વાસ સાતમા આસમાને છે કારણ કે, તેઓ પોઈન્ટ ટેબલમાં પણ પ્રથમ સ્થાને બિરાજમાન છે.બેંગલુરુની એક્સપિરિયન્સ ગેંગ

બેંગલુરુની ટીમ આ સિઝનમાં તેના અનુભવી ખેલાડીઓના જોરે મજબૂત દેખાઈ રહી છે. વિરાટ કોહલીનું બેટ રન ફટકારી રહ્યું છે, જ્યારે ભુવનેશ્વર કુમારની સ્વિંગ બોલિંગ સામે બેટ્સમેનો સંઘર્ષ કરી રહ્યા છે. જેકબ ડફી અને ટિમ ડેવિડ જેવા વિદેશી ખેલાડીઓ પણ ટીમને મજબૂતી આપી રહ્યા છે. અનુભવી ખેલાડીઓની આ ફૌજ આજે રાજસ્થાનના યુવા જોશને રોકવા માટે તૈયાર છે.

આ પણ ખાસ વાંચો : કોણ છે આ ધુરંધર? : આ ખેલાડીની ઇનિંગે બદલી મેચની દિશા અને દશા!

પિચ અને હવામાનનો મિજાજ

ગુવાહાટીની પિચ બેટ્સમેનો માટે સ્વર્ગ સમાન માનવામાં આવે છે. અહીં રનનો મોટો સ્કોર જોવા મળી શકે છે. જોકે, ક્રિકેટ ચાહકો માટે એક ચિંતાના સમાચાર પણ છે. આજે ગુવાહાટીમાં વરસાદની 56% શક્યતા છે. જો વરસાદ વિઘ્ન બને તો મેચની ઓવરમાં કાપ મૂકવામાં આવી શકે છે. મેચ દરમિયાન તાપમાન 17 થી 29 ડિગ્રીની વચ્ચે રહેશે.

બન્ને ટીમની સંભવિત પ્લેઇંગ 12

RR : યશસ્વી જયસ્વાલ, વૈભવ સૂર્યવંશી, ધ્રુવ જુરેલ, રિયાન પરાગ (કેપ્ટન), શિમરોન હેટમાયર, ડોનોવન ફરેરા, રવીન્દ્ર જાડેજા, જોફ્રા આર્ચર, નાન્દ્રે બર્ગર, તુષાર દેશપાંડે, સંદીપ શર્મા. (ઇમ્પેક્ટ પ્લેયર : રવિ બિશ્નોઈ)

RCB : વિરાટ કોહલી, ફિલ સોલ્ટ, દેવદત્ત પડિકલ, રજત પાટીદાર (કેપ્ટન), જીતેશ શર્મા, ટિમ ડેવિડ, રોમારિયો શેફર્ડ, કૃણાલ પંડ્યા, ભુવનેશ્વર કુમાર, અભિનંદન સિંહ, જેકબ ડફી. (ઇમ્પેક્ટ પ્લેયર : સુયશ શર્મા)

Who is this player : 9 એપ્રિલ, 2026 ની એ સાંજ કોલકાતાના ઐતિહાસિક ઈડન ગાર્ડન્સ મેદાન પર IPL ના ઇતિહાસની સૌથી રોમાંચક મેચોમાંની એક મેચ રમાઈ હતી. લખનઉ સુપર જાયન્ટ્સ (LSG) અને કોલકાતા નાઈટ રાઈડર્સ (KKR) વચ્ચેની આ 15 મી મેચ માત્ર હાઇ-વોલ્ટેજ ડ્રામા ન હતો, પરંતુ ભારતીય ક્રિકેટના જગતમાં એક નવા સિતારાનો ઉદય હતો. 21 વર્ષીય યુવા બેટર મુકુલ ચૌધરીએ જે રીતે અશક્યને શક્ય કરી બતાવ્યું, તેને સમગ્ર ક્રિકેટ જગતને સ્તબ્ધ કરી દીધું છે. એક તબક્કે લખનઉની હાર નિશ્ચિત જણાતી હતી, પરંતુ મુકુલ ચૌધરી કોલકાતાની જીત વચ્ચે મજબૂત દીવાલ બનીને ઊભો રહ્યો. પોતાની વિસ્ફોટક બેટિંગના દમ પર તેને લખનઉને 3 વિકેટે રોમાંચક વિજય અપાવ્યો, ક્રિકેટ જગતને હવે મુકુલના રૂપમાં એક નવો આક્રમક 'ફિનિશર' મળી ગયો છે.

KKR સામે રમી તોફાની ઈનિંગ

મેચની વાત કરીએ તો, KKR એ પહેલા બેટિંગ કરતાં 181 રન બનાવ્યા હતા. લખનઉની ટીમ જ્યારે લક્ષ્યનો પીછો કરવા ઉતરી ત્યારે એક સમયે ટીમ 128 રનમાં 7 વિકેટ ગુમાવી ચૂકી હતી. બધાને લાગ્યું કે, આ સ્થિતિમાંથી લખનઉ હારી જશે, પણ મુકુલ ચૌધરીએ હિંમત ન હારી. તેને માત્ર 27 બોલમાં 54 રન ફટકાર્યા, જેમાં 7 ગગનચુંબી સિક્સર અને 2 ચોગ્ગા સામેલ હતા. 200 ના સ્ટ્રાઇક રેટથી રમીને તેને KKR ના બોલરોને લાચાર કરી દીધા હતા.

આ પણ ખાસ વાંચો : CSK એ Prashant Veer પર કેમ ખર્ચ્યા ₹14.20 કરોડ?

કોણ છે મુકુલ ચૌધરી?

મુકુલ ચૌધરી રાજસ્થાનના ઝુંઝુનુ જિલ્લાના વતની છે. તેમનો અહીં સુધી પહોંચવાનો રસ્તો ઘણો મુશ્કેલ હતો. તેમના પિતા દલીપ ચૌધરી એક શિક્ષક હતા. દીકરાને ક્રિકેટર બનાવવા માટે પિતાએ દિવસ-રાત મહેનત કરી અને આર્થિક સ્થિતિ સુધારીને જયપુર શિફ્ટ થયા. મુકુલે સીકરની SBS ક્રિકેટ એકેડમીમાં 5-6 વર્ષ સુધી સખત ટ્રેનિંગ લીધી અને ત્યારબાદ તે ઉચ્ચ સ્તરે રમવા માટે આગળ વધ્યો.

ભાવુક થયા મુકુલ ચૌધરી

આ મેચમાં પ્લેયર ઓફ ધ મેચ બન્યા બાદ મુકુલ ભાવુક થઈ ગયો હતો. તેને જણાવ્યું કે, તેના પિતાનું સપનું હતું કે, તેમનો દીકરો દેશ માટે ક્રિકેટ રમે. પરિવારની આર્થિક સ્થિતિ નબળી હોવા છતાં મુકુલે 12-13 વર્ષની ઉંમરે ક્રિકેટ રમવાનું શરૂ કર્યું હતું. આજે તેની મહેનત રંગ લાવી છે અને તેને સાબિત કરી દીધું છે કે, જો મનમાં જીતવાનો ઈરાદો હોય તો ગમે તેવા મુશ્કેલ સંજોગોમાં પણ સફળતા મેળવી શકાય છે.

KKR vs LSG : IPL 2026 માં આજે એક મોટો મુકાબલો જોવા મળશે. કોલકાતા નાઈટ રાઈડર્સ (KKR) પોતાના હોમ ગ્રાઉન્ડ ઈડન ગાર્ડન્સમાં લખનઉ સુપર જાયન્ટ્સ (LSG) સામે ટકરાશે. જોકે, ક્રિકેટ પ્રેમીઓ માટે ચિંતાના સમાચાર એ છે કે, આજે કોલકાતામાં વરસાદની 90% શક્યતા છે, જેના કારણે મેચમાં વિઘ્ન આવી શકે છે.

ઈડન ગાર્ડન્સમાં વરસાદનું મોટું સંકટ

હવામાન વિભાગની આગાહી મુજબ આજે કોલકાતામાં વરસાદ પડવાની પૂરેપૂરી શક્યતા છે. અગાઉની મેચ પણ અહીં વરસાદને કારણે રદ કરવી પડી હતી. જો આજે પણ વરસાદ પડે છે, તો પોઈન્ટ ટેબલ પર તેની અસર જોવા મળશે. દિવસ દરમિયાન તાપમાન 36 ડિગ્રી સુધી રહી શકે છે, પરંતુ સાંજ પડતા વાદળછાયું વાતાવરણ અને વરસાદી માહોલ રહેશે.

ટીમનું અત્યાર સુધીનું પ્રદર્શન

KKR માટે આ સિઝનની ચોથી મેચ છે. ટીમે 3 માંથી 2 મેચ હારી છે, જ્યારે એક મેચ વરસાદમાં ધોવાઈ ગઈ હતી. બીજી તરફ લખનઉ સુપર જાયન્ટ્સની વાત કરીએ, તો LSG ની ટીમમાં અત્યાર સુધી મિશ્ર પ્રતિસાદ જોવા મળ્યો છે. LSG એ રમેલી બે મેચમાંથી એકમાં જીત અને એકમાં હારનો સ્વાદ ચાખ્યો છે.

KKR અને LSG નો હેડ-ટૂ-હેડ રેકોર્ડ

બંને ટીમોના હેડ-ટૂ-હેડ રેકોર્ડ્સ પર નજર કરીએ, તો લખનઉનું પલડું ભારે જણાય છે. અત્યાર સુધી રમાયેલી 6 મેચોમાંથી LSG એ 4 મેચ જીતી છે, જ્યારે KKR ને માત્ર 2 મેચમાં સફળતા મળી છે. ખાસ કરીને કોલકાતાના મેદાન પર પણ લખનઉએ 3 માંથી 2 મેચોમાં જીત મેળવી છે.આજની મેચના મુખ્ય ખેલાડીઓ

KKR તરફથી અંગક્રિશ રઘુવંશી શાનદાર ફોર્મમાં છે, જેને 3 માંથી 2 મેચમાં ફિફ્ટી ફટકારી છે. બોલિંગમાં બ્લેસિંગ મુઝરાબાની મહત્વના સાબિત થઈ શકે છે. જ્યારે લખનઉ તરફથી કેપ્ટન રિષભ પંત પર નજર રહેશે, જેને ગત મેચોમાં સારી બેટિંગ કરી છે. બોલિંગમાં પ્રિન્સ યાદવ લખનઉ માટે ટ્રમ્પ કાર્ડ સાબિત થઈ શકે છે.

આ પણ ખાસ વાંચો : “મારા સામે એજન્ડા ચાલી રહ્યો છે!” : IPLની ટીમના આ દિગ્ગજ કેપ્ટને આપ્યો જડબાતોડ જવાબ!

ઈડન ગાર્ડન્સની પીચ રિપોર્ટ અને રણનીતિ

ઈડન ગાર્ડન્સની પીચ બેટિંગ માટે સ્વર્ગ સમાન માનવામાં આવે છે. અહીં રન બનાવવા સરળ છે અને હાઇ-સ્કોરિંગ મેચો જોવા મળે છે. જોકે, વરસાદી માહોલ અને ભેજને કારણે ફાસ્ટ બોલરોને શરૂઆતની ઓવરોમાં મદદ મળી શકે છે. આ સિઝનમાં રમાયેલી બંને મેચોમાં અહીં 200 થી વધુનો સ્કોર બન્યો છે.

સંભવિત પ્લેઈંગ-12

KKR : અજિંક્ય રહાણે (કેપ્ટન), ફિન એલન, કેમરૂન ગ્રીન, અંગક્રિશ રઘુવંશી (વિકેટકીપર), રિંકુ સિંહ, રમણદીપ સિંહ, અનુકુલ રોય, સુનીલ નારાયણ, વૈભવ અરોરા, બ્લેસિંગ મુઝરાબાની, કાર્તિક ત્યાગી.

LSG : એડન માર્કરમ, મિચેલ માર્શ, રિષભ પંત (કેપ્ટન અને વિકેટકીપર), આયુષ બદોની, નિકોલસ પૂરન, અબ્દુલ સમદ, મુકુલ ચૌધરી, આવેશ ખાન, દિગ્વેશ રાઠી, પ્રિન્સ યાદવ, મોહમ્મદ શમી, મણિમરણ સિદ્ધાર્થ.

IPL 2026 : IPL 2026 માં બુધવારે દિલ્હીના અરુણ જેટલી સ્ટેડિયમમાં એક અત્યંત રોમાંચક મુકાબલો જોવા મળ્યો હતો. આ મેચમાં ગુજરાત ટાઇટન્સે દિલ્હી કેપિટલ્સને માત્ર 1 રનથી હરાવીને સિઝનની પ્રથમ જીત નોંધાવી હતી. જોકે, આ જીત કરતા પણ વધુ ચર્ચા ગુજરાતના કોચ આશિષ નેહરાના ગુસ્સાની થઈ રહી છે, જે કેપ્ટન શુભમન ગિલની એક ભૂલ પર મેદાનની બહારથી જ બૂમો પાડવા લાગ્યા હતા.

ગુજરાતનો પહાડ જેવો સ્કોર

ટોસ હાર્યા બાદ પ્રથમ બેટિંગ કરવા ઉતરેલી ગુજરાત ટાઇટન્સની શરૂઆત શાનદાર રહી હતી. કેપ્ટન શુભમન ગિલે 70 રન, જોસ બટલરે 52 રન અને વોશિંગ્ટન સુંદરે 55 રનની શાનદાર ઇનિંગ રમી હતી. આ ત્રણેય બેટ્સમેનોના દમ પર ગુજરાતે 20 ઓવરમાં 210 રનનો વિશાળ સ્કોર બનાવ્યો હતો. દિલ્હી માટે આ લક્ષ્યાંક મુશ્કેલ હતો પરંતુ અશક્ય ન હતો.

દિલ્હીની વળતી લડત

211 રનના લક્ષ્યાંકનો પીછો કરવા ઉતરેલી દિલ્હી કેપિટલ્સને કે. એલ રાહુલ અને પથુમ નિસાન્કાએ મજબૂત શરૂઆત અપાવી હતી. નિસાન્કાએ 41 રન બનાવ્યા જ્યારે કે. એલ રાહુલે 92 રનની શાનદાર ઇનિંગ રમી હતી. એક સમયે એવું લાગતું હતું કે, દિલ્હી આરામથી આ મેચ જીતી જશે, પરંતુ સતત વિકેટ પડવાને કારણે મેચ ફરી ગુજરાતના પક્ષમાં ઝૂકી ગઈ હતી.

શુભમન ગિલ પર આશિષ નેહરાનો ગુસ્સો

મેચ જ્યારે નાજુક મોડ પર હતી ત્યારે 16 મી ઓવરમાં ટ્રિસ્ટન સ્ટબ્સ રન લેવા દોડ્યા હતા. ફિલ્ડિંગ કરી રહેલા શુભમન ગિલે બહાદુરી બતાવીને સ્ટ્રાઈકર એન્ડ પર બોલ ફેંક્યો, પણ કમનસીબે બોલ સ્ટમ્પને વાગીને બાઉન્ડ્રીની બહાર જતો રહ્યો. આ ઓવરથ્રોને કારણે દિલ્હીને ફ્રીના 4 રન મળી ગયા. આ જોઈને બાઉન્ડ્રી લાઈનની બહાર પર ઉભેલા ગુજરાતના કોચ આશિષ નેહરા લાલચોળ થઈ ગયા અને જોરજોરથી બૂમો પાડી પોતાનો ગુસ્સો વ્યક્ત કર્યો હતો.

DC vs GT મેચની છેલ્લી ઓવરનો હાઈ-વોલ્ટેજ ડ્રામા

દિલ્હી તરફથી ડેવિડ મિલરે 41 રન બનાવીને મેચને અંતિમ ઓવર સુધી ખેંચી હતી. છેલ્લી ઓવરના ત્રીજા બોલ પર સિક્સર ફટકારીને મિલરે દિલ્હીને જીતની નજીક પહોંચાડ્યું હતું. જોકે, પાંચમા બોલ પર રન લેવાની ના પાડીને મિલરે મોટી ભૂલ કરી હતી. જો તે રન લીધો હોત તો સ્કોર બરાબર થઈ શક્યો હોત. અંતિમ બોલ પર કુલદીપ રનઆઉટ થયો અને ગુજરાત 1 રનથી મેચ જીતી ગયું.

IPL 2026માં રાજસ્થાન રોયલ્સનો વિજય રથ અટકવાનું નામ નથી લઈ રહ્યો. વરસાદથી પ્રભાવિત રોમાંચક મુકાબલામાં રાજસ્થાન રોયલ્સ દ્વારા મુંબઈ ઇન્ડિયન્સના દિગ્ગજ ખેલાડીઓને પરાજય આપી 27 રને શાનદાર જીત હાંસલ કરવામાં આવી છે. યશસ્વી જાયસ્વાલની તોફાની બેટિંગ અને બોલર્સના શાનદાર પ્રદર્શનના જોરે રાજસ્થાન દ્વારા જીતની હેટ્રિક લગાવવામાં આવી છે.

રાજસ્થાન રોયલ્સ અને મુંબઈ ઇન્ડિયન્સ વચ્ચે રમાયેલી મેચમાં વરસાદને કારણે ઓવરોની સંખ્યા ઘટાડીને 11 કરવામાં આવી હતી. પ્રથમ બેટિંગ કરતા રાજસ્થાન રોયલ્સે નિર્ધારિત 11 ઓવરમાં 150 રનનો વિશાળ સ્કોર ખડક્યો હતો. જેના જવાબમાં મુંબઈ ઇન્ડિયન્સની ટીમ માત્ર 123 રન જ બનાવી શકી હતી. આ જીત સાથે રાજસ્થાન રોયલ્સ પોઈન્ટ ટેબલમાં મજબૂત સ્થિતિમાં પહોંચી ગયું છે.

યશસ્વી અને વૈભવની આક્રમક બેટિંગ ટોસ હાર્યા બાદ પ્રથમ બેટિંગ કરવા ઉતરેલી રાજસ્થાન રોયલ્સની ટીમે મુંબઈના બોલર્સની લાઇન લેન્થ બગાડી નાખી હતી. સ્ટાર બેટર યશસ્વી જાયસ્વાલે માત્ર 32 બોલમાં 77 રનની આક્રમક ઇનિંગ રમી હતી. બીજી તરફ યુવા ખેલાડી વૈભવ સૂર્યવંશીએ પણ તેને પૂરો સાથ આપતા માત્ર 14 બોલમાં 39 રન ફટકાર્યા હતા. આ જોડીએ મુંબઈ ઇન્ડિયન્સના બોલિંગ આક્રમણને ધ્વસ્ત કરીને ટીમને 150 ના મજબૂત સ્કોર સુધી પહોંચાડી હતી.

મુંબઈના દિગ્ગજો ફરી એકવાર નિષ્ફળ 151 રનના મોટા લક્ષ્યાંકનો પીછો કરવા ઉતરેલી મુંબઈ ઇન્ડિયન્સની શરૂઆત અત્યંત નબળી રહી હતી. ટીમનો સ્કોર 46 રન સુધી પહોંચ્યો ત્યાં સુધીમાં ટોચના 5 બેટર્સ પેવેલિયન ભેગા થઈ ગયા હતા. અનુભવી રોહિત શર્મા માત્ર 5 રન બનાવી શક્યો હતો જ્યારે સૂર્યકુમાર યાદવ 6 રન પર આઉટ થયો હતો. તિલક વર્માએ 14 રનનું યોગદાન આપ્યું હતું. બીમારી બાદ વાપસી કરનાર કેપ્ટન હાર્દિક પંડ્યા બેટિંગમાં માત્ર 9 રન બનાવી શક્યો અને બોલિંગમાં પણ તેને કોઈ સફળતા મળી નહોતી.

લોઅર ઓર્ડરની લડત એળે ગઈ મુંબઈ તરફથી નમન ધીરે 13 બોલમાં 25 રન અને શેરફાન રધરફોર્ડે 8 બોલમાં 25 રન ફટકારીને જીતની થોડી આશા જગાડી હતી. જોકે રાજસ્થાનના બોલર્સ સામે મુંબઈના 10 માંથી માત્ર 3 ખેલાડીઓ જ બે આંકડાના સ્કોર સુધી પહોંચી શક્યા હતા. અંતે મુંબઈ ઇન્ડિયન્સ લક્ષ્યાંકથી 27 રન દૂર રહી ગયું હતું અને રાજસ્થાન રોયલ્સે સતત ત્રીજી જીત સાથે ઇતિહાસ રચ્યો હતો.

IPL 2026 : IPL માં આજની મેચ મુંબઈ ઈન્ડિયન્સ અને રાજસ્થાન રોયલ્સ વચ્ચે રમાવાની છે. આ મેચ ગુવાહાટીના બરસાપારા સ્ટેડિયમમાં રમાશે. મેચમાં ટૉસ સાંજે 7:00 વાગ્યે કરવામાં આવશે અને રમતની શરૂઆત 7:30 વાગ્યે થશે. ક્રિકેટ રસિયાઓ આ રોમાંચક મેચની આતુરતાથી રાહ જોઈ રહ્યા છે.

હાર્દિકની ફિટનેસ અને ટીમની સ્થિતિ

મુંબઈની ટીમ અત્યારે કેપ્ટન હાર્દિક પંડ્યાની ફિટનેસને લઈને થોડી ચિંતિત છે. ગત મેચમાં બીમારીના કારણે તે રમી શક્યો ન હતો અને સૂર્યકુમાર યાદવે કેપ્ટનશીપ સંભાળી હતી. જોકે, હાર્દિક પંડ્યા અત્યારે ટીમ સાથે ગુવાહાટી પહોંચી ગયો છે અને નેટ્સમાં પ્રેક્ટિસ પણ કરી રહ્યો છે. બીજી તરફ, રાજસ્થાનની ટીમ પોઈન્ટ ટેબલમાં ત્રીજા સ્થાને હોવાથી ઉત્સાહમાં છે.

બંને ટીમોનો ઈતિહાસ

જો હેડ-ટૂ-હેડ રેકોર્ડની વાત કરીએ, તો બંને ટીમો વચ્ચે અત્યાર સુધી 30 મેચો રમાઈ છે. જેમાંથી મુંબઈએ 16 અને રાજસ્થાન રોયલ્સે 14 મેચોમાં જીત મેળવી છે. એટલે કે, બંને વચ્ચેની મેચો લગભગ બરાબરી રહે છે. ગત સિઝનમાં મુંબઈએ રાજસ્થાન સામે 100 રનથી મોટી જીત નોંધાવી હતી.

મુંબઈની બોલિંગ અને ચિંતા

મુંબઈ માટે બોલિંગ વિભાગ અત્યારે માથાનો દુખાવો બન્યો છે. જસપ્રીત બુમરાહ રન તો ઓછા આપી રહ્યો છે, પરંતુ આ સિઝનમાં બુમરાહે હજુ સુધી એક પણ વિકેટ લીધી નથી. શાર્દૂલ ઠાકુર પણ છેલ્લી મેચમાં થોડો મોંઘો સાબિત થયો હતો. સ્પિન બોલર મિચેલ સેન્ટનર પાસેથી મુંબઈની ટીમને મિડલ ઓવરમાં વિકેટની આશા રહેશે.રાજસ્થાનનું શાનદાર પરફોર્મન્સ

રાજસ્થાન રોયલ્સનો ટોપ ઓર્ડર અત્યારે ખૂબ જ સારા ફોર્મમાં છે. યશસ્વી જયસ્વાલ અને વૈભવ સૂર્યવંશીએ ટીમને સારી શરૂઆત અપાવી છે. બોલિંગમાં રવિ બિશ્નોઈ 5 વિકેટ સાથે પર્પલ કેપની રેસમાં છે. રિયાન પરાગની કેપ્ટનશીપની પણ અત્યાર સુધી ખૂબ પ્રશંસા કરવામાં આવી રહી છે.

આ પણ ખાસ વાંચો : વર્લ્ડ કપ 2027 માટે હાર્દિક પંડ્યાને મળી મોટી જવાબદારી! : મિશન ક્રિકેટ વર્લ્ડ કપ માટે BCCI નો ખાસ પ્લાન!

મેદાનની પિચનો મિજાજ

ગુવાહાટીના સ્ટેડિયમની પિચ બેટિંગ માટે અનુકૂળ માનવામાં આવે છે. અહીં રન સરળતાથી બને છે અને બોલ બેટ પર સારી રીતે આવે છે. રાત્રે ઝાકળ (Dew) પડવાની શક્યતા હોવાથી ટોસ જીતીને પ્રથમ બોલિંગ કરનાર ટીમને ફાયદો થઈ શકે છે. અહીં હાઇ-સ્કોરિંગ મેચ જોવા મળી શકે છે.

આ મેચ કેમ મહત્વપૂર્ણ છે?

IPL 2026 ના શરૂઆતના તબક્કામાં જ દરેક મેચ પોઈન્ટ ટેબલ માટે મહત્વપૂર્ણ બની જાય છે. આ મેચ બંને ટીમો માટે મોમેન્ટમ સેટ કરનાર સાબિત થઈ શકે છે. રાજસ્થાન જીતે તો ટોપ પર પોતાની સ્થિતિ મજબૂત કરશે. જ્યારે મુંબઈ જીતે તો ટૂર્નામેન્ટમાં કમબેક કરવા માટેનો આત્મવિશ્વાસ મળશે. ફેન્સને આ મેચથી હાઇ-વોલ્ટેજ એન્ટરટેઇનમેન્ટ મળી શકે છે.

બન્ને ટીમની સંભવિત પ્લેઇંગ-12

RR : યશસ્વી જયસ્વાલ, વૈભવ સૂર્યવંશી, ધ્રુવ જુરેલ (વિકેટકીપર), રિયાન પરાગ (કેપ્ટન), શિમરોન હેટમાયર, ડોનોવન ફરેરા, રવીન્દ્ર જાડેજા, જોફ્રા આર્ચર, નાન્દ્રે બર્ગર, તુષાર દેશપાંડે, સંદીપ શર્મા અને રવિ બિશ્નોઈ.

MI : રોહિત શર્મા, રાયન રિકલ્ટન (વિકેટકીપર), તિલક વર્મા, સૂર્યકુમાર યાદવ (કેપ્ટન), નમન ધીર, શેરફન રધરફોર્ડ, મિચેલ સેન્ટનર, હાર્દિક પંડ્યા, શાર્દીલ ઠાકુર, દીપક ચહર, જસપ્રીત બુમરાહ અને ટ્રેન્ટ બોલ્ટ.

IPLમાં ચાહકોને એક રસપ્રદ મુકાબલાની અપેક્ષા હતી, પરંતુ વરસાદે તમામ ગણિત બગાડી નાખ્યું. Kolkata Knight Riders અને Punjab Kings વચ્ચેની મેચ માત્ર 22 બોલ પછી જ બંધ થઈ ગઈ, જેના કારણે બંને ટીમોને એક-એક પોઈન્ટથી સંતોષ માનવો પડ્યો.

ઈડન ગાર્ડન્સમાં વરસાદનો ખલેલ

Eden Gardens ખાતે રમાતી આ મેચમાં શરૂઆતથી જ વરસાદનો ભય હતો. સોમવાર સાંજથી કોલકાતામાં અટકી-અટકીને હળવો વરસાદ પડી રહ્યો હતો, જે અંતે મેચને અસર કરતો ગયો. ટોસ જીતીને હોમ ટીમ Kolkata Knight Ridersએ પ્રથમ બેટિંગ કરવાનો નિર્ણય લીધો હતો. ટીમે ઝડપી શરૂઆત કરવાનો પ્રયાસ કર્યો, પરંતુ વરસાદે આ યોજનાને અધવચ્ચે અટકાવી દીધી.

માત્ર 3.4 ઓવર બાદ રમત બંધ

મેચમાં માત્ર 3.4 ઓવર જ ફેંકાઈ શક્યા હતા. આ દરમિયાન કોલકાતાએ 2 વિકેટ ગુમાવીને 25 રન બનાવ્યા હતા.

• કેપ્ટન Ajinkya Rahane 8 રન પર નોટઆઉટ રહ્યા

• Angkrish Raghuvanshi 7 રન પર અણનમ રહ્યા

પંજાબ તરફથી Xavier Bartlettએ શરૂઆતમાં જ બે મહત્વની વિકેટ લીધી:

• Cameron Green (4 રન)

• Finn Allen (6 રન)

આ રસપ્રદ શરૂઆત બાદ જ સાંજે લગભગ 7:46 વાગ્યે વરસાદ તેજ બનતા રમત રોકવી પડી.

IPL સીઝનમાં પ્રથમ વરસાદથી રદ મેચ

આ સીઝનમાં આ પ્રથમ એવી મેચ છે જે વરસાદના કારણે પૂર્ણ થઈ શકી નથી. IPL જેવી ટૂર્નામેન્ટમાં દરેક મેચ મહત્વપૂર્ણ હોય છે, કારણ કે પોઈન્ટ ટેબલમાં નાની ફરક પણ પ્લેઓફની રેસને અસર કરી શકે છે.

મેચ રદ થતાં બંને ટીમોને એક-એક પોઈન્ટ આપવામાં આવ્યો, જે તેમની સ્થિતિને થોડો લાભ આપી શકે છે પરંતુ જીત જેટલો ફાયદો નહીં આપે.

ચાહકો માટે નિરાશાજનક ક્ષણ

સ્ટેડિયમમાં હાજર હજારો ચાહકો માટે આ ક્ષણ નિરાશાજનક રહી. ઘણા ચાહકો લાંબા સમયથી આ મેચની રાહ જોઈ રહ્યા હતા, પરંતુ વરસાદે તેમની આશાઓ પર પાણી ફેરવી દીધું. ટીવી પર જોતા દર્શકોને પણ માત્ર થોડા જ સમય માટે રમત જોવા મળી, જેના કારણે સોશિયલ મીડિયા પર પણ મિશ્ર પ્રતિક્રિયા જોવા મળી.

આગળના મુકાબલાઓ પર અસર?

આ પ્રકારના વિક્ષેપો IPLના શેડ્યૂલને પણ અસર કરી શકે છે. જો આગળ પણ વરસાદ ચાલુ રહે, તો અન્ય મેચો પર પણ અસર પડી શકે છે. ખાસ કરીને કોલકાતા જેવા શહેરોમાં આ સમયગાળા દરમિયાન વરસાદ સામાન્ય બાબત છે. ટીમ મેનેજમેન્ટ અને આયોજકો માટે હવે હવામાન એક મહત્વપૂર્ણ ફેક્ટર બની શકે છે.

IPL 2026 Sanju Samson: બેંગલુરુના એમ. ચિન્નાસ્વામી સ્ટેડિયમમાં રમાયેલી IPL 2026ની એક હાઈ-વોલ્ટેજ મેચમાં રોયલ ચેલેન્જર્સ બેંગલુરુ (RCB) એ ચેન્નાઈ સુપર કિંગ્સ (CSK) ને 43 રને કારમી હાર આપી છે. આ મેચમાં RCBએ પ્રથમ બેટિંગ કરતા 250 રનનો વિશાળ સ્કોર ખડક્યો હતો, જે આ સીઝનનો અત્યાર સુધીનો સૌથી મોટો સ્કોર છે. ઋતુરાજ ગાયકવાડના નેતૃત્વ હેઠળની ચેન્નાઈની ટીમ આ પહાડ જેવા લક્ષ્યનો પીછો કરવામાં સંપૂર્ણપણે નિષ્ફળ રહી અને ટૂર્નામેન્ટમાં સતત ત્રીજી હારનો સામનો કરવો પડ્યો.

સંજુ સેમસનનું ખરાબ ફોર્મ ચિંતાનો વિષય

ચેન્નાઈ સુપર કિંગ્સ માટે આ સીઝનના સૌથી મોટા 'ટ્રેડ' રહેલા સંજુ સેમસનનું બેટ ફરી એકવાર શાંત રહ્યું. સંજુ સતત ત્રીજી મેચમાં ડબલ ડિજિટ (બે આંકડા) સુધી પણ પહોંચી શક્યો નહીં અને સિંગલ ડિજિટ સ્કોર પર આઉટ થઈને પેવેલિયન ભેગો થયો. માત્ર એક મહિના પહેલા T20 વર્લ્ડ કપમાં શાનદાર પ્રદર્શન કરનાર સંજુના ફોર્મમાં આવેલા આ અચાનક ઘટાડાએ ચાહકો અને નિષ્ણાતોને હેરાન કરી દીધા છે. નવી બોલ સામે તેની નબળાઈ ટીમ માટે મોટી સમસ્યા બની રહી છે.

શું જાડેજા અને સેમ કરનનો ત્યાગ મોંઘો પડ્યો?

ચેન્નાઈ સુપર કિંગ્સે રાજસ્થાન રોયલ્સ પાસેથી સંજુ સેમસનને પોતાની ટીમમાં સામેલ કરવા માટે તેના બે સૌથી મહત્વપૂર્ણ ખેલાડીઓ રવીન્દ્ર જાડેજા અને સેમ કરનને છોડવાનું મોટું જોખમ ઉઠાવ્યું હતું. ટીમ મેનેજમેન્ટ તેને મહેન્દ્ર સિંહ ધોનીના લાંબા ગાળાના ઉત્તરાધિકારી તરીકે જોઈ રહ્યું હતું, પરંતુ અત્યાર સુધી આ નિર્ણય સાચો સાબિત થતો દેખાઈ રહ્યો નથી. સંજુની સતત નિષ્ફળતા બાદ હવે સવાલો ઉઠી રહ્યા છે કે શું બે મેચ વિનર ઓલરાઉન્ડરોને ગુમાવીને એક વિકેટકીપર-બેટ્સમેનને લેવો એ ટીમના સંતુલનને બગાડી ચૂક્યું છે?

કોચ સ્ટીફન ફ્લેમિંગે શું કહ્યું?

મેચ બાદ પ્રેસ કોન્ફરન્સમાં મુખ્ય કોચ સ્ટીફન ફ્લેમિંગે સંજુ સેમસનનો બચાવ કરતા કહ્યું કે કોઈપણ ખેલાડી માટે નવી ફ્રેન્ચાઈઝીમાં સેટ થવું સરળ હોતું નથી, ખાસ કરીને જ્યારે તે વર્ષો સુધી બીજી ટીમનો હિસ્સો રહ્યો હોય. સંજુ અત્યારે ટીમની પ્રક્રિયા સાથે જોડાઈ રહ્યો છે અને તેને થોડા સમયની જરૂર છે." કોચે એ પણ સ્પષ્ટ કર્યું કે ટીમ મેનેજમેન્ટ સંપૂર્ણપણે સંજુની સાથે છે અને તેને પોતાનો આત્મવિશ્વાસ પાછો મેળવવા માટે શક્ય તમામ સહયોગ આપવામાં આવી રહ્યો છે.

શું છેલ્લી 5 ઓવરોએ મેચનો પલટો ફેરવી નાખ્યો?

નવાઈની વાત એ છે કે CSK એ શરૂઆતની 15 ઓવર સુધી RCB ના બેટ્સમેનો પર લગામ કસી રાખી હતી, પરંતુ છેલ્લી 5 ઓવરમાં મેચ તેમના હાથમાંથી નીકળી ગઈ. આ છેલ્લી 30 બોલમાં ચેન્નાઈના બોલરોએ 97 રન લૂંટાવ્યા હતા. હવે સતત ત્રણ હાર બાદ ચેન્નાઈ સુપર કિંગ્સ પાંચ દિવસના બ્રેક પર રહેશે. ટીમની આગામી મેચ 11 એપ્રિલે ચેન્નાઈના એમએ ચિદમ્બરમ સ્ટેડિયમમાં દિલ્હી કેપિટલ્સ સામે રમાશે. કોચ ફ્લેમિંગને આશા છે કે આગામી મેચ સુધીમાં મધ્યમ ક્રમનો બેટ્સમેન ડેવાલ્ડ બ્રેવિસ ફિટ થઈને ટીમમાં પરત ફરશે, જેનાથી ટીમની બેટિંગ મજબૂત થશે.

IPL 2026: ઇન્ડિયન પ્રીમિયર લીગની આ સીઝનમાં શરૂઆતથી જ સ્પર્ધા ખૂબ જ તીવ્ર બની ગઈ છે અને દરેક ટીમ પ્લેઓફ માટે મજબૂત દાવેદારી દાખવી રહી છે. આવી સ્થિતિમાં Gujarat Titans માટે હાલની પરિસ્થિતિ થોડું ચિંતાજનક બની છે. તાજા પોઈન્ટ્સ ટેબલ મુજબ ટીમ હજુ સુધી કોઈ પોઈન્ટ મેળવી શકી નથી અને મધ્યમથી નીચલા સ્થાને છે.

આ શરૂઆત GT માટે એલાર્મિંગ છે, કારણ કે IPL જેવી ટૂર્નામેન્ટમાં શરૂઆતનો મોમેન્ટમ આખી સીઝનને અસર કરે છે. હવે ટીમ માટે દરેક મેચનું મહત્વ ઘણી ગણી વધી ગયું છે.

 

પોઈન્ટ્સ ટેબલનો દબાણ: સ્પર્ધામાં GT કેમ પાછળ પડી રહી છે

જો હાલની સ્થિતિ પર નજર કરીએ તો Punjab Kings, Rajasthan Royals, Royal Challengers Bangalore અને Delhi Capitals જેવી ટીમોએ મજબૂત શરૂઆત કરી છે અને ટેબલમાં ટોચના સ્થાને છે.

તેની સરખામણીએ ગુજરાત ટાઇટન્સ એક મેચ હારીને જ દબાણ હેઠળ આવી ગઈ છે. ખાસ કરીને નેટ રન રેટ નકારાત્મક હોવાને કારણે ટીમ માટે આગળનો રસ્તો વધુ કઠિન બની રહ્યો છે. આ પરિસ્થિતિમાં માત્ર જીત જ નહીં, પરંતુ સારા માર્જિનથી જીતવાની જરૂર પડશે.

 

આજની મેચ છે ‘મસ્ટ વિન’

ગુજરાત ટાઇટન્સ માટે આજનો મુકાબલો સામાન્ય લીગ મેચ નથી. આ મેચ ટીમ માટે ટર્નિંગ પોઈન્ટ બની શકે છે. IPLમાં સામાન્ય રીતે પ્લેઓફ માટે 14થી 16 પોઈન્ટ્સ જરૂરી હોય છે, અને તે માટે સતત જીત અનિવાર્ય બને છે.

જો આજે જીત મળે, તો ટીમ પોઈન્ટ્સ ટેબલમાં આગળ વધવાની શરૂઆત કરી શકે છે અને આત્મવિશ્વાસ પણ વધશે. બીજી તરફ, હાર મળે તો ટીમ વધુ દબાણમાં આવી જશે અને આગળની મેચોમાં જીતનો દબાણ વધી જશે. આથી આજની મેચ GT માટે ‘ડૂ ઓર ડાઈ’ જેવી બની ગઈ છે.

 

ટીમના પ્રદર્શન પર નજર: ક્યાં છે ખામી?

ગુજરાત ટાઇટન્સ માટે સૌથી મોટો મુદ્દો બેટિંગમાં સતતતા ન હોવાનો છે. ટોપ ઓર્ડર ઘણી વખત ઝડપથી આઉટ થઈ જાય છે, જેના કારણે મધ્યક્રમ પર વધુ દબાણ આવી જાય છે. આવી સ્થિતિમાં મોટો સ્કોર ઉભો કરવો મુશ્કેલ બને છે.

બોલિંગ વિભાગે કેટલીક મેચોમાં સારી ઝલક બતાવી છે, પરંતુ ડેથ ઓવર્સમાં રન રોકવામાં ટીમ નિષ્ફળ રહી છે. આ એક એવી ખામી છે, જે મહત્વપૂર્ણ ક્ષણોમાં મેચનો રુખ બદલી શકે છે.

જો ટીમ આ બંને ક્ષેત્રોમાં સુધારો કરે, તો જીતની શક્યતાઓ ઘણી વધી શકે છે.

 

કઠિન સ્પર્ધા: અન્ય ટીમો કેમ બની રહી છે પડકાર

આ સીઝનમાં લગભગ દરેક ટીમ મજબૂત દેખાઈ રહી છે. Mumbai Indians અને Sunrisers Hyderabad જેવી ટીમો સારી લયમાં છે. સાથે સાથે Chennai Super Kings અને Kolkata Knight Riders જેવી અનુભવી ટીમો કોઈપણ સમયે કમબેક કરી શકે છે.

આથી GT માટે હવે દરેક મેચ સીધી ટક્કર સમાન બની ગઈ છે, જ્યાં એક નાની ભૂલ પણ ભારે પડી શકે છે.

આ પણ વાંચો: “મારા સામે એજન્ડા ચાલી રહ્યો છે!” : IPLની ટીમના આ દિગ્ગજ કેપ્ટને આપ્યો જડબાતોડ જવાબ!

 

કમબેક હજુ શક્ય છે

હાલની સ્થિતિ મુશ્કેલ જરૂર છે, પરંતુ અશક્ય નથી. ગુજરાત ટાઇટન્સ પાસે મજબૂત ખેલાડીઓ અને યોગ્ય અનુભવ છે. જો ટીમ સતત જીત મેળવી શકે અને નેટ રન રેટ સુધારી શકે, તો તેઓ ફરીથી ટોપ-4માં સ્થાન મેળવી શકે છે.

આજની મેચ અહીંથી આગળનો માર્ગ નક્કી કરી શકે છે. જીત ટીમને નવી ઊર્જા આપશે, જ્યારે હાર સ્થિતિ વધુ મુશ્કેલ બનાવી દેશે.

 

ગુજરાત ટાઇટન્સ IPLની એવી ટીમ છે, જેને છેલ્લા કેટલાક વર્ષોમાં મજબૂત પ્રદર્શનથી પોતાની ઓળખ બનાવી છે. આવી ટીમ માટે શરૂઆતમાં જ આવી સ્થિતિ સર્જાવું ફેન્સ માટે ચિંતાનો વિષય છે.

આજની મેચ માત્ર બે પોઈન્ટ્સ માટે નથી, પરંતુ આખી સીઝન માટેનો મોમેન્ટમ નક્કી કરશે. પ્લેઓફની રેસ હવે વધુ રસપ્રદ બની રહી છે, અને GT માટે આ મુકાબલો અત્યંત મહત્વપૂર્ણ બની ગયો છે.

 

SRH : IPL 2026 નો ખુમાર અત્યારે પૂરા ભારત પર છવાયેલો છે. ફેન્સ માટે આ મેચો 'ફૂલ-પૈસા-વસૂલ' સાબિત થઈ રહી છે. મેદાન પર ચોગ્ગા-છગ્ગાની રમઝટ વચ્ચે સ્ટેન્ડમાં બેઠેલી એક સુંદર યુવતીએ બધાનું ધ્યાન ખેંચ્યું છે. સોશિયલ મીડિયા પર અત્યારે એક 'મિસ્ટ્રી ગર્લ' ની ચર્ચાઓએ વેગ પકડ્યો છે, જેને પ્રશંસકો અભિષેક શર્માની ટીમ માટે 'લકી ચાર્મ' માની રહ્યા છે.

કોણ છે આ મિસ્ટ્રી ગર્લ

પંજાબ કિંગ્સ અને સનરાઇઝર્સ હૈદરાબાદ વચ્ચેની મેચ બાદ આ યુવતીના ફોટા સોશિયલ મીડિયા પર ખૂબ વાયરલ થયા છે. આ મિસ્ટ્રી ગર્લનું નામ સરીફા નાઝ છે. સરીફા વ્યવસાયે એક પ્રોફેશનલ મોડલ છે અને તેની અદાઓ સામે બોલિવૂડની અભિનેત્રીઓ પણ ઝાંખી લાગે તેવો તેનો લુક છે. સોશિયલ મીડિયા પ્લેટફોર્મ પર સરીફાના અંદાજે 2 લાખ જેટલા ફોલોઅર્સ છે.

હૈદરાબાદની જીત અને લકી ચાર્મ

સનરાઇઝર્સ હૈદરાબાદની જીત બાદ સરીફાએ સોશિયલ મીડિયા પર 'માત્ર ઓરેન્જ આર્મી' લખીને પોસ્ટ શેર કરી હતી, જેના પર લાખો લાઈક્સ આવી રહી છે. ખાસ કરીને 2 એપ્રિલના રોજ KKR સામે હૈદરાબાદની શાનદાર જીત બાદ ફેન્સ તેને ટીમની કિસ્મત બદલનારી ગણાવી રહ્યા છે. એક પ્રશંસકે તો કોમેન્ટમાં લખ્યું કે, "આ જ કારણ હતું કે હૈદરાબાદની ટીમ જીતી ગઈ."

મેચનો રોમાંચ

KKR સામેની મેચમાં હૈદરાબાદે પહેલા બેટિંગ કરતાં 226 રનનો વિશાળ સ્કોર બનાવ્યો હતો. જેની સામે KKR ની ટીમ માત્ર 161 રન પર જ સમેટાઈ ગઈ હતી. આ જીત સાથે હૈદરાબાદે ટૂર્નામેન્ટમાં જોરદાર વાપસી કરી છે. પ્રથમ મેચમાં RCB સામે હાર્યા બાદ આ બીજી મેચમાં ટીમે જે પ્રદર્શન કર્યું છે, તેનાથી ચાહકો ખુશ છે.

આ પણ ખાસ વાંચો : હૈદરાબાદની જીત બાદ પણ અભિષેક શર્માને લાગ્યો ઝટકો! : અમ્પાયરના નિર્ણય સામે નારાજગી વ્યક્ત કરવી પડી ભારે!

પોઈન્ટ ટેબલની સ્થિતિ

અત્યાર સુધી IPL 2026 માં SRH, CSK, KKR અને PBKS એ 2-2 મેચ રમી છે. હાલમાં પંજાબ કિંગ્સ ટેબલમાં ટોપ પર છે કારણ કે, તેમણે પોતાની બંને મેચો જીતી લીધી છે. જોકે, હૈદરાબાદની આ વાપસીએ અન્ય ટીમો માટે ખતરા સમાન છે.

CSK : IPL 2026 માં ચેન્નાઈ સુપર કિંગ્સ (CSK) માટે રમી રહેલા સંજુ સેમસનનું ફોર્મ હાલ ચિંતાનો વિષય બન્યું છે. શરૂઆતની મેચોમાં સસ્તામાં આઉટ થવાને કારણે સોશિયલ મીડિયા પર તેની ટીકા થઈ રહી છે. જોકે, આ મુશ્કેલ સમયમાં ટીમના હેડ કોચ સ્ટીફન ફ્લેમિંગે સંજુ સેમસન પર એક નિવેદન આપ્યું છે, જે હાલમાં સોશિયલ મીડિયા પર વાયરલ થઈ રહ્યું છે.

કોચનું સૂચક નિવેદન

CSK ના હેડ કોચ સ્ટીફન ફ્લેમિંગે સ્પષ્ટ કર્યું છે કે, 'તે દરેક મેચમાં રન બનાવી શકતો નથી. આ T20 ક્રિકેટ છે. પંજાબ સામે તે કેચ આઉટ થયો હતો. પરંતુ તે સારા ફોર્મમાં છે, પ્રેક્ટિસ પણ શાનદાર કરી રહ્યો છે. જ્યારે તે ફોર્મમાં આવે છે, ત્યારે તે મેચ વિનર સાબિત થાય છે. માત્ર બે ઇનિંગ્સથી કોઈ ખેલાડીને જજ કરી શકાય નહીં.'

શરૂઆતની મેચોમાં પ્રદર્શન

CSK માટેની ડેબ્યૂ સિઝન સંજુ સેમસન માટે અત્યાર સુધી ખાસ રહી નથી. સંજુ સેમસનને પ્રથમ બે મેચમાં અનુક્રમે 6 અને 7 રન જ બનાવ્યા છે. તેની પૂર્વ ટીમ રાજસ્થાન રોયલ્સ સામે તે નાન્દ્રે બર્ગરનો શિકાર બન્યો હતો, જ્યારે પંજાબ સામેની મેચમાં ઝેવિયર બાર્ટલેટના બોલ પર આઉટ થયો હતો. T20 વર્લ્ડ કપ 2026 ના શાનદાર ફોર્મ પછી IPL માં તેની આવી શરૂઆત આશ્ચર્યજનક છે.

કેપ્ટન ગાયકવાડ પણ સંઘર્ષમાં

માત્ર સંજુ સેમસન જ નહીં, પરંતુ CSK ના કેપ્ટન ઋતુરાજ ગાયકવાડ પણ રન બનાવવા માટે સંઘર્ષ કરી રહ્યો છે. ઋતુરાજ ગાયકવાડ રાજસ્થાન સામે માત્ર 6 રન બનાવીને આઉટ થયો જ્યારે પંજાબ સામે 28 રન બનાવી આઉટ થયો હતો. ટીમના બંને મુખ્ય બેટ્સમેનોનું ફોર્મમાં ન હોવું એ ચેન્નાઈ માટે ચિંતાનો વિષય છે.

યુવા બેટર આયુષનો દબદબો

જ્યાં સિનિયર ખેલાડીઓ ફ્લોપ રહ્યા છે, ત્યાં યુવા બેટર આયુષ મ્હાત્રેએ શાનદાર પ્રદર્શન કર્યું છે. પ્રથમ મેચમાં શૂન્ય પર આઉટ થયા બાદ, આયુષે પંજાબ સામે જબરદસ્ત કમબેક કર્યું અને 43 બોલમાં 73 રન ફટકારી દીધા હતા. તેની આ ઈનિંગમાં 6 ચોગ્ગા અને 5 ગગનચુંબી છગ્ગા સામેલ હતા.

આ પણ ખાસ વાંચો : CSK એ 19 વર્ષમાં પહેલીવાર લીધો આ નિર્ણય! : MS Dhoni ની ગેરહાજરીમાં બનાવ્યો આ અનોખો રેકોર્ડ

આગામી મેચ RCB સામે

હવે CSK ની આગામી મેચ આવતીકાલે 5 એપ્રિલે બેંગલુરુના એમ. ચિન્નાસ્વામી સ્ટેડિયમમાં RCB સામે રમાવવાની છે. RCB નું નેતૃત્વ રજત પાટીદાર કરી રહ્યો છે. સંજુ સેમસન માટે આ મેચ ખૂબ મહત્વની છે કારણ કે, બેંગલુરુ સામે તેનો ટ્રેક રેકોર્ડ મિશ્ર રહ્યો છે. જો સંજુ આ મેચમાં મોટી ઈનિંગ રમે છે, તો સંજુ સેમસન ટીકાકારોના મોઢા બંધ કરી દેશે.

CSK : IPL 2026 ની સિઝનમાં ચેન્નાઈ સુપર કિંગ્સની શરૂઆત ખૂબ જ નબળી રહી છે. ટીમે તેની શરૂઆતની બંને મેચો ગુમાવી દીધી છે. રાજસ્થાન રોયલ્સ બાદ હવે પંજાબ કિંગ્સ સામે પણ હારનો સામનો કરવો પડ્યો છે. સૌથી ચિંતાની વાત એ છે કે, મહેન્દ્ર સિંહ ધોની ઈજાના કારણે ટીમની સાથે નથી અને તેની ગેરહાજરીમાં ટીમ મેદાન પર રણનીતિ બનાવવામાં નિષ્ફળ રહી હોય તેવું લાગે છે. ચેન્નાઈએ તેના હોમ ગ્રાઉન્ડ પર સતત છઠ્ઠી હારનો સામનો કર્યો છે.

19 વર્ષમાં પહેલીવાર બન્યું આવું

પંજાબ સામેની મેચમાં CSK એ એક અનોખો નિર્ણય લીધો હતો. IPL ના 19 વર્ષના ઈતિહાસમાં પહેલીવાર ચેન્નાઈએ તેની પ્લેઈંગ ઈલેવનમાં માત્ર બે જ વિદેશી ખેલાડીઓનો સમાવેશ કર્યો હતો. સામાન્ય રીતે દરેક ટીમ ચાર વિદેશી ખેલાડીઓ સાથે મેદાનમાં ઉતરે છે, પરંતુ CSK એ આ વખતે નવ ભારતીય ખેલાડીઓ પર ભરોસો મૂક્યો હતો. આખા IPL ઈતિહાસની 1,154 મેચોમાં આવું માત્ર સાતમી વાર બન્યું છે જ્યારે કોઈ ટીમે બે કે તેથી ઓછા વિદેશી ખેલાડી રમાડ્યા હોય.

ટીમમાં કરાયેલા ફેરફાર

રુતુરાજ ગાયકવાડની કેપ્ટનશીપ હેઠળની આ મેચમાં રાહુલ ચહરને ચેન્નાઈ માટે ડેબ્યૂ કરવાની તક મળી હતી. રાજસ્થાન સામેની હાર બાદ ચેન્નાઈની ટીમે બે મહત્વના ફેરફાર કર્યા હતા. મેથ્યુ શોર્ટની જગ્યાએ પ્રશાંત વીરને લેવામાં આવ્યો અને રાહુલ ચહરને ઈમ્પેક્ટ સબ તરીકે ટીમમાં સામેલ કરાયો. આ ફેરફારોને કારણે જેમી ઓવરટન જેવા ખેલાડીએ પોતાની જગ્યા ગુમાવવી પડી હતી.

યુવા ખેલાડીઓનો દબદબો

CSK એ આ મેચમાં યુવા ખેલાડીઓ પર વધુ ભાર મૂક્યો હતો. પ્લેઈંગ ઈલેવનમાં 21 વર્ષથી ઓછી ઉંમરના ચાર ખેલાડીઓને લત આપી હતી. જેમાં આયુષ મ્હાત્રે, પ્રશાંત વીર, કાર્તિક શર્મા અને નૂર અહેમદ જેવા સ્ટાર ખેલાડીઓનો સમાવેશ કરવામાં આવ્યો હતો. આ ઉપરાંત, IPL ના ઈતિહાસમાં આ બીજી એવી મેચ હતી જેમાં MS ધોની અને સુરેશ રૈના બંને ટીમનો ભાગ ન હતા.

આ પણ ખાસ વાંચો : MS Dhoni ની નંબર 7 જર્સીનું ઇમોશન શું હવે નંબર 8 માં બદલાશે? : સોશિયલ મીડિયા પોસ્ટથી ફેન્સમાં હલચલ

ઈજા બની મોટું કારણ

ટીમમાં આટલા મોટા ફેરફારો પાછળનું મુખ્ય કારણ ખેલાડીઓની ઈજા છે. ધોની સિવાય ડેવાલ્ડ બ્રેવિસ પણ સાઈડ સ્ટ્રેનને કારણે બહાર છે. આ સિવાય નાથન એલિસ ટૂર્નામેન્ટમાંથી બહાર થઈ ગયો છે, જેના રિપ્લેસમેન્ટ તરીકે આવેલ સ્પેન્સર જોહ્ન્સન પણ ઈજાગ્રસ્ત છે. જેક ફોક્સ અને એકીલ હોસીન જેવા વિદેશી ખેલાડીઓ બેન્ચ પર હોવા છતાં ટીમે ભારતીય ખેલાડીઓ સાથે રમવાનું પસંદ કર્યું હતું.

IPL 2026 Double Header : IPL 2026 ની 19 મી સિઝનની આજે પહેલી ડબલ હેડર રમાવા જઈ રહી છે. આજે ક્રિકેટ પ્રેમીઓને એક જ દિવસમાં બે રોમાંચક મેચો જોવા મળશે. દિવસની પ્રથમ મેચ મુંબઈ ઈન્ડિયન્સ અને દિલ્હી કેપિટલ્સ વચ્ચે રમાશે, જ્યારે સાંજની બીજી મેચમાં ગુજરાત ટાઇટન્સ અને રાજસ્થાન રોયલ્સ આમને-સામને ટકરાશે.

મુંબઈ અને દિલ્હી વચ્ચે મુકાબલો

આજની પહેલી મેચ દિલ્હીના અરુણ જેટલી સ્ટેડિયમમાં બપોરે 3:30 વાગ્યે શરૂ થશે. આ મેચમાં મુંબઈ ઈન્ડિયન્સ માટે સારા સમાચાર એ છે કે, ન્યૂઝીલેન્ડના કેપ્ટન મિશેલ સેન્ટનર ટીમમાં જોડાઈ ગયા છે. અને તે પ્લેઇંગ XI માં અલ્લાહ ગઝનફરને રિપ્લેસ કરી શકે છે. બંને ટીમો પોતાની છેલ્લી મેચ જીતીને આવી છે, તેથી આ મુકાબલો રસપ્રદ રહેશે.

રેકોર્ડમાં કોણ છે આગળ?

જો બંને ટીમોના ઈતિહાસ પર નજર કરીએ તો મુંબઈ ઈન્ડિયન્સનું પલડું ભારે દેખાય છે. અત્યાર સુધી રમાયેલી 37 મેચોમાંથી મુંબઈએ 21 અને દિલ્હીએ 16 મેચ જીતી છે. દિલ્હીના હોમ ગ્રાઉન્ડ પર પણ મુંબઈએ હંમેશા કડક ટક્કર આપી છે. ગત સિઝનમાં પણ મુંબઈએ દિલ્હી સામેની બંને મેચ જીતી લીધી હતી.

દિલ્હીમાં વરસાદની આશંકા

ક્રિકેટ ચાહકો માટે ચિંતાના સમાચાર એ છે કે, આજે દિલ્હીમાં વરસાદની 55% શક્યતા છે. જો વરસાદ પડે તો મેચની મજા બગડી શકે છે. અરુણ જેટલી સ્ટેડિયમની બાઉન્ડ્રી નાની હોવાથી અહીં હાઇ-સ્કોરિંગ મેચ જોવા મળી શકે છે. જોકે દિવસની મેચ હોવાથી ઝાકળ (Dew) જોવા મળશે નહીં.બન્ને ટીમની સંભવિત પ્લેઇંગ-12

દિલ્હી કેપિટલ્સ (DC) : કે. એલ રાહુલ (વિકેટકીપર), પથુમ નિસાંકા, નીતિશ રાણા, ટ્રિસ્ટન સ્ટબ્સ, અક્ષર પટેલ (કેપ્ટન), ડેવિડ મિલર, વિપરાજ નિગમ, કુલદીપ યાદવ, લુંગી એન્ગિડી, મુકેશ કુમાર, ટી નટરાજન, સમીર રિઝવી/આશુતોષ શર્મા .

મુંબઈ ઈન્ડિયન્સ (MI) : રોહિત શર્મા, રાયન રિકેલ્ટન (વિકેટકીપર), તિલક વર્મા, હાર્દિક પંડ્યા (કેપ્ટન), શેરફન રધરફોર્ડ, નમન ધીર, શાર્દૂલ ઠાકુર, મયંક માર્કંડે, અલ્લાહ ગઝનફર/મિશેલ સેન્ટનર, ટ્રેન્ટ બોલ્ટ, જસપ્રીત બુમરાહ, સૂર્યકુમાર યાદવ.

ગુજરાત અને રાજસ્થાન વચ્ચે ટક્કર

આજની બીજી મેચ અમદાવાદના નરેન્દ્ર મોદી સ્ટેડિયમમાં સાંજે 7:30 વાગ્યે શરૂ થશે. ગુજરાત ટાઇટન્સ માટે આ મેચ મહત્વની છે કારણ કે, તેઓ છેલ્લી મેચ હારી ગયા હતા. બીજી તરફ રાજસ્થાન રોયલ્સ જીત સાથે મેદાનમાં ઉતરશે. અત્યાર સુધીના રેકોર્ડમાં ગુજરાતની ટીમ રાજસ્થાન પર ભારે પડી છે, જેમાં ગુજરાતે 6 અને રાજસ્થાને 2 મેચ જીતી છે.

યુવા સ્ટાર વૈભવ પર નજર

રાજસ્થાન રોયલ્સના 15 વર્ષના યુવા બેટર વૈભવ સૂર્યવંશી પર સૌની નજર રહેશે. કારણ કે, તેને છેલ્લી મેચમાં માત્ર 15 બોલમાં હાફ-સેન્ચુરી ફટકારીને બધાને ચોંકાવી દીધા હતા. જોકે આજે તેનો સામનો ગુજરાતના ઘાતક બોલરો જેવા કે, રબાડા અને મોહમ્મદ સિરાજ સામે થશે, જે તેના માટે મોટી કસોટી હશે.

આ પણ ખાસ વાંચો : અમદાવાદમાં IPL 2026 મેચો દરમિયાન મોટું ટ્રાફિક ડાયવર્ઝન! : મેચ જોવા જતાં પહેલાં જાણી લો ડાયવર્ઝન અને વૈકલ્પિક રસ્તા

અમદાવાદની પિચ અને હવામાન

અમદાવાદમાં આજે હવામાન ગરમ રહેશે અને વરસાદની કોઈ શક્યતા નથી. પિચ બેટ્સમેન અને બોલર બંને માટે સમાન તક પૂરી પાડે છે. સાંજની મેચ હોવાથી બીજી ઇનિંગમાં ઝાકળ (Dew) ની અસર જોવા મળી શકે છે, જેના કારણે ટૉસ જીતનાર ટીમ પહેલા ફિલ્ડિંગ પસંદ કરી શકે છે.બન્ને ટીમની સંભવિત પ્લેઇંગ-12

ગુજરાત ટાઇટન્સ (GT) : શુભમન ગિલ (કેપ્ટન), સાઈ સુદર્શન, જોશ બટલર (વિકેટકીપર), ગ્લેન ફિલિપ્સ, વોશિંગ્ટન સુંદર, શાહરૂખ ખાન, રાહુલ તેવતિયા, રાશિદ ખાન, કાગિસો રબાડા, મોહમ્મદ સિરાજ, પ્રસિદ્ધ ક્રિષ્ના અને અશોક શર્મા.

રાજસ્થાન રોયલ્સ (RR) : યશસ્વી જયસ્વાલ, વૈભવ સૂર્યવંશી, ધ્રુવ જુરેલ (વિકેટકીપર), રિયાન પરાગ (કેપ્ટન), શિમરન હેટમાયર, રવીન્દ્ર જાડેજા, રવિ બિશ્નોઈ, જોફ્રા આર્ચર, નાન્દ્રે બર્ગર, સંદીપ શર્મા અને દાસુન શનાકા.

Photo of all captains of ipl 2026 : IPL 2026 માં કોલકાતા નાઇટ રાઈડર્સ (KKR) ના કેપ્ટન અજિંક્ય રહાણે હાલમાં મેદાન પરના પરફોર્મન્સ કરતાં મેદાનની બહારના નિવેદનોને કારણે વધુ ચર્ચામાં છે. છેલ્લા કેટલાક સમયથી અજિંક્ય રહાણેના સ્ટ્રાઇક રેટને લઈને સતત ટીકાઓ થઈ રહી હતી, જેના પર હવે રહાણેએ મૌન તોડ્યું છે. રહાણેએ આ ટીકાઓને માત્ર રમતનો હિસ્સો ગણાવવાને બદલે તેને એક સુનિયોજિત "એજન્ડા" ગણાવીને ક્રિકેટ જગતમાં સનસનાટી મચાવી દીધી છે.

મુશ્કેલ સમય

IPL 2026 ની સીઝન KKR માટે ધાર્યા મુજબની રહી નથી. ટીમની સતત હાર અને બેટિંગમાં જોવા મળતી નબળાઈને કારણે રહાણે સોશિયલ મીડિયા અને ક્રિકેટ વિશ્લેષકોના નિશાના પર આવ્યા છે. ખાસ કરીને T20 જેવા ફોર્મેટમાં તેનો ધીમો સ્ટ્રાઇક રેટ હારનું મુખ્ય કારણ હોવાનું માનવામાં આવી રહ્યું છે, જેના કારણે અજિંક્ય રહાણે પર સતત દબાણ વધી રહ્યું છે.

રહાણેનો પલટવાર

વધતી જતી ટીકાઓ વચ્ચે રહાણેએ સ્પષ્ટ શબ્દોમાં કહ્યું કે, "મારી સામે એક ચોક્કસ એજન્ડા ચલાવવામાં આવી રહ્યો છે." તેમણે આરોપ લગાવ્યો કે, ઘણા લોકો ઈર્ષાના કારણે તેમના પ્રદર્શનને ખોટી રીતે રજૂ કરી રહ્યા છે. રહાણેના મતે, આ માત્ર આંકડાઓની રમત નથી પરંતુ તેમના વ્યક્તિત્વને નિશાન બનાવવાનો પ્રયાસ છે. આ નિવેદને સાબિત કર્યું છે કે, રહાણે હવે ટીકાઓ સહન કરવાના મૂડમાં નથી.

સ્થિતિ અને સમજ

પોતાના બેટિંગ અભિગમનો બચાવ કરતાં રહાણેએ જણાવ્યું કે, ક્રિકેટમાં પરિસ્થિતિ મુજબ રમવું વધુ મહત્વનું છે. ઘણીવાર ટીમને સ્થિરતા આપવા માટે ધીમી રમત જરૂરી હોય છે. તેમણે એમ પણ ઉમેર્યું કે, ટીમ મેનેજમેન્ટ તેમના પ્રદર્શનથી સંતુષ્ટ છે અને તેઓ પોતાની ભૂમિકા સારી રીતે નિભાવી રહ્યા છે. તેમના મતે સ્ટ્રાઇક રેટ કરતાં ટીમની જીત વધુ મહત્વની છે.

ટીમની સ્થિતિ

હાલમાં KKR ના કેમ્પમાં ચિંતાનું મોજું છે. માત્ર કેપ્ટન જ નહીં, પણ આખી બેટિંગ લાઇનઅપ સંઘર્ષ કરી રહી છે. મધ્યક્રમમાં વારંવાર થતાં ફેરફારો અને નબળી બોલિંગને કારણે ટીમ પોઈન્ટ ટેબલમાં પાછળ ધકેલાઈ રહી છે. આવી સ્થિતિમાં રહાણે પર એક કેપ્ટન તરીકે બેવડી જવાબદારી આવી ગઈ છે, જ્યાં તેમને રન પણ બનાવવાના છે અને ટીમને જીતાડવાની પણ છે.

આ પણ ખાસ વાંચો : IPL માં ‘ક્લાસ’ vs ‘ડ્રામા’ : ગોયંકા-પંત વિવાદ પર લલિત મોદીની તીખી ટિપ્પણી

મોટી ચર્ચા

આ વિવાદે એક નવી ચર્ચાને જન્મ આપ્યો છે કે, શું આધુનિક T20 ક્રિકેટમાં 'એન્કર' એટલે કે ઇનિંગ્સ સંભાળનાર ખેલાડીની જરૂર છે? કેટલાક નિષ્ણાતો માને છે કે, માત્ર આક્રમકતા જ કામ આવે છે, જ્યારે રહાણે જેવા ખેલાડીઓ માને છે કે, એક્સપિરિયન્સ અને સ્થિરતા પણ એટલી જ જરૂરી છે. આ સંઘર્ષ હવે પરંપરાગત ક્રિકેટ અને આધુનિક રમત વચ્ચેની લડાઈ બની ગયો છે. અજિંક્ય રહાણેનું આ નિવેદન IPL 2026 ને એક નવો વળાંક આપી શકે છે. મેદાનની બહાર ચાલતી આ લડાઈની અસર મેદાન પર રહાણેના પ્રદર્શન પર કેવી પડશે, તે જોવું રસપ્રદ રહેશે. જોકે, આ વિવાદે ચાહકો અને નિષ્ણાતોને બે ભાગમાં વહેંચી દીધા છે, જેનાથી આગામી મેચોમાં રોમાંચ વધવાની પૂરી શક્યતા છે.

Sanjiv Goenka and Rishabh Pant : IPL 2026 ની શરૂઆત શાનદાર રહી છે, પરંતુ હાલમાં મેદાન પરના ક્રિકેટ કરતાં મેદાનની બહારનો એક વિવાદ વધુ ચર્ચામાં છે. લખનઉ સુપર જાયન્ટ્સના માલિક સંજીવ ગોયંકા અને કેપ્ટન રિષભ પંત વચ્ચેની વાતચીતનો વીડિયો સોશિયલ મીડિયા પર આગની જેમ ફેલાઈ રહ્યો છે. આ મામલે હવે IPL ના પૂર્વ કમિશનર લલિત મોદીએ ઝંપલાવ્યું છે અને ગોયંકા સામે આકરા પ્રહારો કર્યા છે.

શું છે આખો વિવાદ?

IPL 2026 માં લખનઉ સુપર જાયન્ટ્સ (LSG) અને દિલ્હી કેપિટલ્સ વચ્ચેની મેચ બાદ આ વિવાદ શરૂ થયો હતો. લખનઉની હાર બાદ માલિક સંજીવ ગોયંકા અને કેપ્ટન રિષભ પંત મેદાન પર ગંભીર ચર્ચા કરતાં જોવા મળ્યા હતા. વીડિયોમાં ગોયંકા પંતને કંઈક કહી રહ્યા હોય તેવું દેખાઈ રહ્યું હતું, જેનાથી ફેન્સને લાગ્યું કે, તે જાહેર માધ્યમોની હાજરીમાં કેપ્ટન રિષભ પંતને ઠપકો આપી રહ્યા છે. આ ઘટના બાદ સોશિયલ મીડિયા પર ગોયંકાના વર્તનની ટીકા થવા લાગી હતી.

લલિત મોદીનો કડક પ્રહાર

આ ઘટના પર પ્રતિક્રિયા આપતા લલિત મોદીએ સ્પષ્ટ શબ્દોમાં કહ્યું કે, આવું વર્તન સ્વીકાર્ય નથી. તેમણે ટિપ્પણી કરી કે, જો તેઓ આજે પણ IPL ના હોદ્દા પર હોત, તો સંજીવ ગોયંકા પર તાત્કાલિક પ્રતિબંધ લગાવી દેત. લલીત મોદીના મતે ટીમ માલિકોએ ખેલાડીઓ સાથે જાહેરમાં આ પ્રકારનો વ્યવહાર ન કરવો જોઈએ, કારણ કે આનાથી IPL ની બ્રાન્ડ વેલ્યુને નુકસાન પહોંચે છે. તેમણે લીગમાં વધુ પ્રોફેશનલિઝમ લાવવાની સલાહ આપી હતી.

LSG એ આપી સત્તાવાર સ્પષ્ટતા

વિવાદ ખૂબ વધતા લખનઉ સુપર જાયન્ટ્સ ફ્રેન્ચાઇઝીએ મેદાન પરનો આખો વીડિયો જાહેર કર્યો હતો. ટીમે દાવો કર્યો છે કે સોશિયલ મીડિયા પર જે ક્લિપ વાયરલ થઈ રહી છે તે અધૂરી છે. ફ્રેન્ચાઇઝીના જણાવ્યા અનુસાર, માલિક અને કેપ્ટન વચ્ચે સામાન્ય વાતચીત ચાલી રહી હતી અને તેમની વચ્ચે કોઈ તણાવ નથી. LSG એ સ્પષ્ટ કર્યું કે, ગેરસમજને કારણે આ વિવાદ ઊભો થયો છે.

માલિકોની ભૂમિકા પર પ્રશ્નો

આ સમગ્ર મામલે ફરી એકવાર ટીમ માલિકોની ભૂમિકા પર ચર્ચા છેડી દીધી છે. ઘણા ક્રિકેટ નિષ્ણાતોનું માનવું છે કે, હાર કે જીત બાદ માલિકોએ ડ્રેસિંગ રૂમમાં અથવા ખાનગીમાં ચર્ચા કરવી જોઈએ. મેદાન પર જાહેરમાં થતી આવી ચર્ચાઓ ખેલાડીઓ પર વધારાનું દબાણ ઉભું કરે છે. લલિત મોદીએ પણ આ મામલે વિદેશી ફૂટબોલ લીગનું ઉદાહરણ આપીને ભારતીય ફ્રેન્ચાઇઝીઓને પ્રોફેશનલ બનવા જણાવ્યું છે.

આ પણ વાંચો : “મારા સામે એજન્ડા ચાલી રહ્યો છે!” : IPLની ટીમના આ દિગ્ગજ કેપ્ટને આપ્યો જડબાતોડ જવાબ!

ભવિષ્ય પર શું થશે અસર?

IPL વિશ્વની સૌથી મોટી T20 લીગ છે અને તેની ઇમેજ ખૂબ મહત્વની છે. જો આવા વિવાદો વધતા રહેશે, તો તે લીગની વિશ્વસનીયતા પર અસર કરી શકે છે. હાલમાં તો LSG એ સ્પષ્ટતા કરી દીધી છે, પરંતુ BCCI કે IPL મેનેજમેન્ટ આ મામલે કોઈ પગલાં લે છે કે નહીં તે જોવું રહ્યું.

CSK vs PBKS : IPL 2026 ની રોમાંચક સફરમાં આજે સિઝનની સાતમી મેચમાં ચેન્નઈ સુપર કિંગ્સ (CSK) અને પંજાબ કિંગ્સ (PBKS) એકબીજા સામે ટકરાશે. આ મેચ ચેન્નઈના પ્રતિષ્ઠિત MA ચિદમ્બરમ સ્ટેડિયમ એટલે કે ચેપોક ખાતે રમાવાની છે. જ્યાં એક તરફ પંજાબ પોતાની જીતનો સિલસિલો જાળવી રાખવા માંગશે, ત્યાં બીજી તરફ ચેન્નઈ પોતાની પહેલી જીતની શોધમાં મેદાનમાં ઉતરશે.

ચેપોકમાં પંજાબનો દબદબો

ઐતિહાસિક રીતે જોઈએ, તો ચેપોક સ્ટેડિયમમાં પંજાબ કિંગ્સનો રેકોર્ડ શાનદાર રહ્યો છે. અહીં બંને ટીમો વચ્ચે રમાયેલી 9 મેચોમાંથી પંજાબ 5-4 ની લીડથી આગળ છે. ખાસ કરીને 2019 પછી રમાયેલી છેલ્લી ત્રણેય મેચમાં પંજાબે ચેન્નઈના જ હોમ ગ્રાઉન્ડ પર જીત મેળવી છે.

ટીમનું હાલનું પરફોર્મન્સ

પંજાબ કિંગ્સે આ સિઝનની શરૂઆત શાનદાર રીતે કરી છે, જેમાં તેમણે ગુજરાત ટાઇટન્સને હરાવીને આત્મવિશ્વાસ મેળવ્યો છે. તેનાથી વિપરીત, ચેન્નઈ સુપર કિંગ્સને તેમની છેલ્લી મેચમાં રાજસ્થાન રોયલ્સ સામે હારનો સામનો કરવો પડ્યો હતો, જેના કારણે રુતુરાજ ગાયકવાડની ટીમ પર દબાણ રહેશે.

સ્ટાર ખેલાડીઓની ગેરહાજરી

ચેન્નઈના ચાહકો માટે માઠા સમાચાર એ છે કે, દિગ્ગજ ખેલાડી એમએસ ધોની અને ડેવાલ્ડ બ્રેવિસ આ મેચમાં પણ રમી શકશે નહીં. ધોની હાલમાં સ્નાયુ ખેંચાવાને કારણે રિહેબમાં છે, જ્યારે બ્રેવિસ સાઈડ સ્ટ્રેનથી પીડાઈ રહ્યો છે. આ બંને ખેલાડીઓ આગામી 2-3 મેચો માટે બહાર રહે તેવી શક્યતા છે.પંજાબના કી-પ્લેયર્સ

પંજાબ માટે કૂપર કોનેલી ટ્રમ્પ કાર્ડ સાબિત થઈ રહ્યો છે, જેને છેલ્લી મેચમાં શાનદાર 72 રન બનાવ્યા હતા. બોલિંગમાં યુઝવેન્દ્ર ચહલ અને વિજયકુમાર વૈશાખની જોડી ચેન્નઈના બેટ્સમેનો માટે મુશ્કેલી ઉભી કરી શકે છે.

આ પણ ખાસ વાંચો : શું ખાઈને મેદાનમાં બેટિંગ કરવા ઉતર્યો હતો વૈભવ સૂર્યવંશી? : CSK સામેની ધમાકેદાર ઇનિંગ પછી પોતે જ કર્યો ખુલાસો

ચેન્નઈનો પડકાર

CSK માટે સંજુ સેમસન અને સરફરાઝ ખાનનું ફોર્મ ચિંતાનો વિષય છે. છેલ્લી મેચમાં બોલિંગમાં પણ મેટ હેનરી અને નૂર અહેમદ મોંઘા સાબિત થયા હતા. હોમ ગ્રાઉન્ડ પર અંશુલ કંબોજ પાસેથી ટીમને ફરી સારા પ્રદર્શનની આશા રહેશે.

પીચ અને હવામાનનો મિજાજ

ચેપોકની પીચ હંમેશા સ્પિનરોની મદદગાર રહી છે. અહીં જેમ મેચ આગળ વધે તેમ બેટિંગ કરવી મુશ્કેલ બને છે. હવામાનની વાત કરીએ તો ચેન્નઈમાં કાળઝાળ ગરમી અને ભેજનું પ્રમાણ વધારે રહેશે, જોકે વરસાદની કોઈ શક્યતા નથી.

બંને ટીમની સંભવિત પ્લેઈંગ-12

CSK : ઋતુરાજ ગાયકવાડ (C), સંજુ સેમસન, આયુષ મ્હાત્રે, મેટ શોર્ટ, શિવમ દુબે, કાર્તિક શર્મા, જેમી ઓવરટન, નૂર અહેમદ, મેટ હેનરી, અંશુલ કંબોજ, ખલીલ અહેમદ, સરફરાઝ ખાન.

PBKS : શ્રેયસ અય્યર (C), પ્રભસિમરન સિંહ, કૂપર કોનેલી, નેહલ વાઢેરા, શશાંક સિંહ, માર્કસ સ્ટોઇનિસ, માર્કો યાન્સેન, ઝેવિયર બાર્ટલેટ, વિજયકુમાર વૈશાક, અર્શદીપ સિંહ, યુઝવેન્દ્ર ચહલ, પ્રિયાંશ આર્યા.

SRH vs KKR : IPL 2026 માં સનરાઈઝર્સ હૈદરાબાદ (SRH) અને કોલકાતા નાઈટ રાઈડર્સ (KKR) વચ્ચે રમાયેલી રોમાંચક મેચમાં હૈદરાબાદે ભલે વિજય મેળવ્યો હોય, પરંતુ હૈદરાબાદના સ્ટાર ઓપનર અભિષેક શર્મા માટે આ મેચ વિવાદિત સાબિત થઈ છે. મેદાન પર પોતાની બેટિંગથી ધૂમ મચાવનાર અભિષેક શર્મા પર IPL આચાર સંહિતાના ઉલ્લંઘન બદલ કડક કાર્યવાહી કરવામાં આવી છે.

દંડની વિગત

કોલકાતાના ઈડન ગાર્ડન્સ સ્ટેડિયમમાં રમાયેલી આ હાઇ-વોલ્ટેજ મેચ દરમિયાન અભિષેક શર્માએ IPL કોડ ઓફ કન્ડક્ટની કલમ 2.3 હેઠળ લેવલ 1 નો ગુનો કર્યો છે. આ ભૂલ બદલ મેચ રેફરીએ તેના પર મેચ ફીના 25 ટકાનો દંડ ફટકાર્યો છે. આ સાથે જ તેના શિસ્તના રેકોર્ડમાં એક ડિમેરિટ પોઈન્ટ પણ ઉમેરવામાં આવ્યો છે. અભિષેક શર્માએ પોતાની ભૂલ સ્વીકારી લેતા હવે આ મામલે આગળ કોઈ સુનાવણી હાથ ધરવામાં આવશે નહીં.

શું હતો વિવાદ?

જોકે IPL દ્વારા સત્તાવાર રીતે દંડનું ચોક્કસ કારણ જાહેર કરવામાં આવ્યું નથી, પરંતુ મેદાન પર બનેલી ઘટના મુજબ આ વિવાદ તેના કેચ સાથે જોડાયેલો હોવાનું મનાય છે. 21 બોલમાં 48 રનની તોફાની ઈનિંગ રમી રહેલા અભિષેકનો કેચ વરુણ ચક્રવર્તીએ ઝડપ્યો હતો. આ કેચને લઈને શંકા હોવા છતાં જ્યારે થર્ડ અમ્પાયરે તેને આઉટ જાહેર કર્યો, ત્યારે અભિષેકે મેદાન પર જ અમ્પાયરના નિર્ણય સામે ભારે નારાજગી વ્યક્ત કરી હતી.

આ પણ ખાસ વાંચો : IPL 2026 માં રમવા માટે RCBનો આ બોલર પહોંચ્યો કોર્ટ : જાણો શું છે સમગ્ર મામલો?

મેચનો અહેવાલ

આ વિવાદ વચ્ચે પણ હૈદરાબાદની ટીમે શાનદાર રમત બતાવી હતી. SRH એ પ્રથમ બેટિંગ કરતાં 20 ઓવરમાં 226 રનનો વિશાળ સ્કોર બનાવ્યો હતો, જેમાં હેનરિક ક્લાસેને 52 અને ટ્રેવિસ હેડે 46 રનનું યોગદાન આપ્યું હતું. જવાબમાં KKR ની ટીમ માત્ર 161 રનમાં જ ઓલઆઉટ થઈ ગઈ હતી. હૈદરાબાદ તરફથી જયદેવ ઉનડકટે 3 વિકેટ ઝડપી હતી, જ્યારે નીતિશ કુમાર રેડ્ડીને તેના ઓલરાઉન્ડ પ્રદર્શન બદલ પ્લેયર ઓફ ધ મેચ જાહેર કરવામાં આવ્યો હતો.

શિસ્તનો પાઠ

IPL ના નિયમો મુજબ આર્ટિકલ 2.3 સામાન્ય રીતે મેદાન પર અભદ્ર ભાષાનો ઉપયોગ અથવા અમ્પાયરના નિર્ણય સામે અયોગ્ય પ્રતિક્રિયા આપવા બદલ લાગુ કરવામાં આવે છે. એક ઉભરતા સ્ટાર તરીકે અભિષેક શર્મા માટે આ દંડ એક મોટો બોધપાઠ સમાન છે.

IPL 2026, KKR vs SRH Live, 02 April 2026: ઇન્ડિયન પ્રીમિયર લીગ (IPL) 2026ની છઠ્ઠી મેચમાં આજે કોલકાતા નાઈટ રાઈડર્સ (KKR) અને સનરાઈઝર્સ હૈદરાબાદ (SRH) આમને-સામને ટકરાશે. કોલકાતાના ઐતિહાસિક ઈડન ગાર્ડન્સ સ્ટેડિયમમાં સાંજે 7:30 કલાકે શરૂ થનારો આ મુકાબલો બંને ટીમો માટે અત્યંત મહત્વનો છે, કારણ કે બંને ટીમો પોતાની પ્રથમ મેચમાં હારનો સ્વાદ ચાખી ચૂકી છે. અજિંક્ય રહાણેની આગેવાની હેઠળની KKRને મુંબઈ ઈન્ડિયન્સ સામે પરાજય મળ્યો હતો, જ્યારે ઈશાન કિશનની કેપ્ટનશીપ હેઠળની હૈદરાબાદની ટીમને RCB સામે હારનો સામનો કરવો પડ્યો હતો.

આજના મુકાબલામાં આંકડાકીય રીતે કોલકાતાનું પલ્લું ભારે દેખાઈ રહ્યું છે. અત્યાર સુધી રમાયેલી 30 મેચોમાંથી 19માં KKR એ બાજી મારી છે, જ્યારે હૈદરાબાદ માત્ર 10 મેચ જીતી શક્યું છે. ખાસ કરીને ઈડન ગાર્ડન્સમાં KKRનો દબદબો રહ્યો છે, જ્યાં તેમણે 11 માંથી 8 મુકાબલા જીત્યા છે. આજે બંને ટીમો પોતાની નબળાઈઓ સુધારીને પોઈન્ટ ટેબલ પર ખાતું ખોલાવવાના ઈરાદા સાથે મેદાનમાં ઉતરશે.

કોલકાતા માટે બોલિંગ માથાનો દુખાવો: 220 રન પણ ન બચાવી શક્યા

કોલકાતા નાઈટ રાઈડર્સ માટે આ સીઝનમાં બોલિંગ વિભાગ સૌથી મોટી ચિંતાનો વિષય બન્યો છે. પ્રથમ મેચમાં મુંબઈ ઈન્ડિયન્સ સામે 220 રનનો વિશાળ સ્કોર ખડક્યા છતાં KKRના બોલરો તેને ડિફેન્ડ કરી શક્યા નહોતા. હર્ષિત રાણા અને આકાશ દીપ જેવા મુખ્ય ફાસ્ટ બોલરોની ઈજા અને મથીશ પથિરાનાની ગેરહાજરીએ ટીમની મુશ્કેલી વધારી છે. વળી, સ્ટાર સ્પિનર વરુણ ચક્રવર્તી પણ રન રોકવામાં નિષ્ફળ રહ્યો હતો. બેટિંગમાં કેમરૂન ગ્રીન અને રિંકુ સિંહ શાનદાર ફોર્મમાં છે, પરંતુ જો બોલરો શિસ્તબદ્ધ પ્રદર્શન નહીં કરે તો હોમ ગ્રાઉન્ડ પર પણ જીત મુશ્કેલ બની શકે છે.

કેપ્ટન કમિન્સ વગર હૈદરાબાદનો સંઘર્ષ

બીજી તરફ સનરાઈઝર્સ હૈદરાબાદની હાલત પણ કંઈક અંશે સમાન છે. પેટ કમિન્સની ગેરહાજરીમાં ઈશાન કિશન ટીમનું સુકાન સંભાળી રહ્યો છે. હૈદરાબાદ પાસે ટ્રેવિસ હેડ અને અભિષેક શર્મા જેવો વિસ્ફોટક ટોપ ઓર્ડર હોવા છતાં, પ્રથમ મેચમાં બેટિંગ યુનિટ ધરાશાયી થયું હતું. બોલિંગમાં હર્ષલ પટેલ અને જયદેવ ઉનડકટ જેવા અનુભવી નામો હોવા છતાં ટીમ 201 રનનો સ્કોર બચાવી શકી નહોતી. જોકે, કમિન્સે નેટ્સમાં પ્રેક્ટિસ શરૂ કરી હોવાથી ટૂંક સમયમાં તેની વાપસીની આશા છે, પરંતુ આજની મેચમાં હૈદરાબાદે પોતાના પાયાના બોલરો પાસેથી વધુ સારા સ્પેલની આશા રાખવી પડશે.

આ પણ વાંચો: રિઝવી–સ્ટબ્સની અણનમ ભાગીદારી : દિલ્હીએ હારેલી મેચ જીતમાં ફેરવી

ઈડન ગાર્ડન્સનો પિચ રિપોર્ટ અને હવામાન

કોલકાતાનું ઈડન ગાર્ડન્સ બેટર્સ માટે સ્વર્ગ સમાન માનવામાં આવે છે. નાની બાઉન્ડ્રી અને આઉટફિલ્ડ તેજ હોવાને કારણે અહીં હાઈ-સ્કોરિંગ મેચ જોવા મળે તેવી પૂરેપૂરી શક્યતા છે. અત્યાર સુધી રમાયેલી 100 આઈપીએલ મેચોમાં 57 વખત ચેઝ કરનારી ટીમ જીતી છે, જે દર્શાવે છે કે ટોસ જીતીને પ્રથમ બોલિંગ કરવાનો નિર્ણય ફાયદાકારક રહી શકે છે. હવામાનની વાત કરીએ તો, કોલકાતામાં આજે ગરમીનો પારો 36 ડિગ્રી સુધી રહી શકે છે અને વરસાદની કોઈ શક્યતા નથી.

બંને ટીમોની સંભવિત 'સ્ટાર્ટિંગ-12'

• કોલકાતા નાઈટ રાઈડર્સ (KKR): ફિન એલન, અજિંક્ય રહાણે (કેપ્ટન), કેમરૂન ગ્રીન, અંગકૃષ રઘુવંશી (WK), રિંકુ સિંહ, રમણદીપ સિંહ, અનુકૂલ રોય, સુનિલ નરેન, વરુણ ચક્રવર્તી, વૈભવ અરોરા, બ્લેસિંગ મુઝરબાની, મનીષ પાંડે.

• સનરાઈઝર્સ હૈદરાબાદ (SRH): અભિષેક શર્મા, ટ્રેવિસ હેડ, ઈશાન કિશન (WK/કેપ્ટન), હેનરિક ક્લાસેન, અનિકેત વર્મા, નીતિશ કુમાર રેડ્ડી, સલિલ અરોરા, હર્ષ દુબે, હર્ષલ પટેલ, જયદેવ ઉનડકટ, ઈશાન મલિંગા, ડેવિડ પેન.

CSK vs RR : ઈન્ડિયન પ્રીમિયર લીગ (IPL) 2026 માં ફરી એકવાર એક નવો સિતારો ચમક્યો છે. માત્ર 15 વર્ષની ઉંમરે દિગ્ગજ બોલરોને હંફાવનાર વૈભવ સૂર્યવંશીએ પોતાની વિસ્ફોટક બેટિંગથી ક્રિકેટ જગતમાં ખળભળાટ મચાવી દીધો છે. ચેન્નઈ સુપર કિંગ્સ (CSK) જેવી મજબૂત ટીમ સામે તેને જે રીતે બેટિંગ કરી, તે જોઈને સોશિયલ મીડિયા પર તેની જ ચર્ચા થઈ રહી છે.

મેદાન પર મચાવ્યું તોફાન

રાજસ્થાન રોયલ્સ તરફથી રમતા વૈભવ સૂર્યવંશીએ આ મેચમાં માત્ર 15 બોલમાં હાફ-સેન્ચુરી પૂરી કરી હતી. તેની આ આક્રમક ઇનિંગે આખા સ્ટેડિયમમાં બેઠેલા પ્રેક્ષકોને મંત્રમુગ્ધ કરી દીધા હતા. ચેન્નઈના મેટ હેનરી અને નૂર અહેમદ જેવા એક્સપિરિયન્સ ઇન્ટરનેશનલ બોલરો હતા, પરંતુ વૈભવની બેટિંગ આગળ કોઈનું કંઈ ચાલ્યું નહીં. વૈભવ સૂર્યવંશીએ ચારેબાજુ ચોગ્ગા-છગ્ગાનો વરસાદ કરીને ધૂમ મચાવી હતી.

જીતનું મજેદાર રહસ્ય

મેચ પૂરી થયા બાદ રાજસ્થાન રોયલ્સની ટીમ બસમાં એક ખૂબ જ રમુજી નજારો જોવા મળ્યો હતો. ટીમના સાથી ખેલાડી ધ્રુવ જુરેલે જ્યારે વૈભવની મજાક કરતા પૂછ્યું કે, તારી આ તોફાની ઇનિંગ પાછળનું રહસ્ય શું છે, ત્યારે વૈભવે હસતા હસતા જવાબ આપ્યો, "હું આજે રાજભોગ મીઠાઈ ખાઈને મેચમાં ગયો હતો." આ સાંભળીને આખી ટીમ હસવા લાગી હતી.

બર્થડે સેલિબ્રેશનનું જોરદાર બહાનું

વૈભવ સૂર્યવંશીએ મેચના 3 દિવસ પહેલા જ પોતાનો જન્મદિવસ ઉજવ્યો હતો. જોકે, તેને મેચ પછી પ્રેઝેન્ટેશનમાં જણાવ્યું કે, તે બર્થડે પર કેક કાપવાનું ટાળ્યું હતું. તેણે મજાકમાં કહ્યું કે, "મારે કેક કાપવી હતી, પણ હું જલ્દી ઊંઘી ગયો હતો જેથી કોઈ મારા મોઢા પર કેક ન લગાવી શકે." ખરેખર તો તેને મેદાન પર રનનો વરસાદ કરી પોતાની જાતને સૌથી મોટી બર્થડે ગિફ્ટ આપી છે.

ટીમની શાનદાર શરૂઆત

રાજસ્થાન રોયલ્સે આ મેચમાં ચેન્નઈ સુપર કિંગ્સને આઠ વિકેટથી હરાવીને ટૂર્નામેન્ટમાં દમદાર શરૂઆત કરી છે. વૈભવની આ ઇનિંગને કારણે રાજસ્થાન માટે જીત મેળવવી ખૂબ જ સરળ બની ગઈ હતી. સોશિયલ મીડિયા પર ફેન્સ હવે તેને ભારતનો નવો સુપરસ્ટાર માની રહ્યા છે.

LSG vs DC : IPL 2026 ની પાંચમી મેચમાં આજે લખનઉ સુપર જાયન્ટ્સ (LSG) અને દિલ્હી કેપિટલ્સ (DC) વચ્ચે જોરદાર ટક્કર જોવા મળશે. લખનઉના હોમ ગ્રાઉન્ડ Bharat Ratna Shri Atal Bihari Vajpayee Ekana Cricket Stadium માં સાંજે 7:30 વાગ્યે આ મેચ શરૂ થશે. બંને ટીમો હજુ સુધી પોતાના પ્રથમ ટાઇટલની શોધમાં છે, ત્યારે આ બંને ટીમો સિઝનમાં મજબૂત શરૂઆત કરવાના ઈરાદા સાથે મેદાને ઉતરશે. ખાસ કરીને ગત સિઝનમાં દિલ્હીના દબદબા સામે લખનઉ આજે કમબેક કરવાનો પ્રયત્ન કરશે.

આમને-સામનેનો રેકોર્ડ

IPL ના ઇતિહાસમાં અત્યાર સુધી લખનઉ અને દિલ્હી વચ્ચે કુલ 7 મેચ રમાઈ છે. આ 7 મેચોમાં દિલ્હીનો દબદબો જોવા મળ્યો છે. દિલ્હીએ 4 મેચમાં જીત મેળવી છે, જ્યારે લખનઉને 3 જીત મળી છે. ખાસ કરીને ગત સિઝન (2025) માં દિલ્હીએ બંને મેચમાં લખનઉને હરાવ્યું હતું, જે માનસિક રીતે દિલ્હીને મજબૂત બનાવે છે.

દિલ્હી કેપિટલ્સમાં મોટા ફેરફાર

ટીમ અપડેટની વાત કરીએ તો ઈંગ્લેન્ડના બેન ડકેટે ટુર્નામેન્ટમાંથી નામ પાછું ખેંચી લીધું છે. જેના કારણે દિલ્હી કેપિટલ્સના ઓપનર તરીકે કે. એલ રાહુલની સાથે કરુણ નાયર, પથુમ નિસાંકા અથવા પૃથ્વી શો જોવા મળી શકે છે. મિડલ ઓર્ડરમાં ડેવિડ મિલર અને નીતિશ રાણાના આવવાથી ટીમ ઘણી સંતુલિત થઈ છે. જોકે, ઓસ્ટ્રેલિયન ફાસ્ટ બોલર મિશેલ સ્ટાર્ક શરૂઆતની કેટલીક મેચોમાં ઉપલબ્ધ નથી.લખનઉનો મજબૂત પેસ એટેક

લખનઉ સુપર જાયન્ટ્સ માટે કેપ્ટન રિષભ પંતનું ફોર્મ ખૂબ જ મહત્વનું છે. ટીમ પાસે મિચેલ માર્શ અને એડન માર્કરમ જેવા વિસ્ફોટક બેટ્સમેનો છે. બોલિંગ વિભાગમાં મોહમ્મદ શમી, આવેશ ખાન અને મયંક યાદવ જેવા ખતરનાક ફાસ્ટ બોલરો છે, જે કોઈપણ બેટિંગ લાઇનઅપને મુશ્કેલીમાં મૂકી શકે છે. સ્પિનની જવાબદારી દિગ્વેશ રાઠી સંભાળશે.

પિચ અને ટોસ ફેક્ટર

લખનઉના એકાના સ્ટેડિયમમાં ઝાકળ (Dew) એક મોટી ભૂમિકા ભજવી શકે છે. આ મેદાન પર અત્યાર સુધી રમાયેલી 22 મેચોમાં 12 વાર ચેઝ કરનારી ટીમ જીતી છે. આથી ટોસ જીતનાર કેપ્ટન પહેલા બોલિંગ કરવાનું પસંદ કરી શકે છે. હવામાનની વાત કરીએ તો મેચ દરમિયાન ભારે ગરમી રહેવાની શક્યતા છે.

બન્ને ટીમની સંભવિત સ્ટાર્ટિંગ-12

લખનઉ સુપર જાયન્ટ્સ (LSG) : રિષભ પંત (કેપ્ટન અને વિકેટકીપર), મિચેલ માર્શ, એડન માર્કરમ, નિકોલસ પૂરન, આયુષ બદોની, અબ્દુલ સમદ, શાહબાઝ અહમદ, વાનિન્દુ હસરંગા, દિગ્વેશ રાઠી, મોહમ્મદ શમી, મોહસિન ખાન, મયંક યાદવ.

દિલ્હી કેપિટલ્સ (DC) : અક્ષર પટેલ (કેપ્ટન), કે. એલ રાહુલ (વિકેટકીપર), કરુણ નાયર/પથુમ નિસાંકા/પૃથ્વી શો, નીતિશ રાણા, ટ્રિસ્ટન સ્ટબ્સ, ડેવિડ મિલર, આશુતોષ શર્મા, વિપરાજ નિગમ, લુંગી એન્ગિડી, કુલદીપ યાદવ, આકિબ નબી, ટી નટરાજન.

GT vs PBKS : IPL 2026 ની ગઈકાલે રમાયેલી રોમાંચક મેચમાં પંજાબ કિંગ્સે ગુજરાત ટાઇટન્સને 3 વિકેટે પરાજય આપી શાનદાર જીત મેળવી છે. ન્યૂ ચંદીગઢમાં રમાયેલી આ મેચમાં માત્ર ચોગ્ગા-છગ્ગા જ નહીં, પણ અણધાર્યા રેકોર્ડ્સ અને મેદાન પરનો ડ્રામા પણ આકર્ષણનું કેન્દ્ર બન્યા હતા. ડેબ્યૂન્ટ કૂપર કોનોલીની શાનદાર બેટિંગ અને બોલરોની લડાયક કામગીરીને કારણે પંજાબે આ સફળતા મેળવી છે.

યુઝવેન્દ્ર ચહલે રચ્યો ઇતિહાસ

આ મેચમાં અનુભવી સ્પિનર યુઝવેન્દ્ર ચહલે ઇતિહાસ રચ્યો છે. તેમણે શુભમન ગિલ અને જોશ બટલરની મહત્વની વિકેટ ઝડપી હતી. આ સાથે જ યુઝવેન્દ્ર ચહલ હવે IPL ના મિડલ ઓવર્સ (7 થી 16 ઓવર) માં સૌથી વધુ વિકેટ લેનાર બોલર બની ગયા છે. યુઝવેન્દ્ર ચહલે રવીન્દ્ર જાડેજાના 136 વિકેટના રેકોર્ડને તોડીને IPL ની મિડલ ઓવર્સમાં 138 વિકેટ સાથે લઈને નવો ઇતિહાસ રચ્યો છે.

અર્શદીપની 11 બોલની ઓવર

પંજાબના ફાસ્ટ બોલર અર્શદીપ સિંહે એક અણધાર્યો રેકોર્ડ પોતાના નામે કર્યો છે. ગુજરાતની ઇનિંગની છેલ્લી ઓવરમાં અર્શદીપે 4 વાઈડ અને 1 નો બોલ ફેંક્યો, જેના કારણે આ એક ઓવર પૂરી કરવા માટે અર્શદીપ સિંહે કુલ 11 બોલ ફેંકવા પડ્યા હતા. આ સાથે તેને IPL ની સૌથી લાંબી ઓવર ફેંકનારા બોલરોની લિસ્ટમાં સ્થાન મેળવ્યું છે. અર્શદીપ સિંહ પહેલાં મોહમ્મદ સિરાજ અને તુષાર દેશપાંડેએ 2023 માં, જ્યારે શાર્દૂલ ઠાકુર, સંદીપ શર્મા અને હાર્દિક પંડ્યાએ 2025 માં 11-11 બોલની ઓવર ફેંકી આ અણધાર્યા રેકોર્ડની લિસ્ટમાં સ્થાન મેળવ્યું હતું. હવે 2026 માં અર્શદીપ સિંહ પણ આ ક્લબમાં જોડાઈ ગયો છે.

રાહુલ તેવટિયા અને બેટ ડ્રામા

મેચ દરમિયાન 18 મી ઓવરમાં અજીબ ઘટના બની હતી. જ્યારે રાહુલ તેવટિયા બેટિંગ કરવા આવ્યા ત્યારે અમ્પાયરોએ તેને રોકીને તેનું બેટ ચેક કર્યું હતું. આ ટેસ્ટમાં તેનું બેટ નિયમો મુજબ યોગ્ય ન ઠરતા, રાહુલ તેવટિયાએ મેદાન પર જ પોતાનું બેટ બદલવું પડ્યું હતું. આંતરરાષ્ટ્રીય ક્રિકેટનો આ નિયમ હવે IPL માં પણ કડક રીતે લાગુ કરવામાં આવ્યો છે.

આ પણ ખાસ વાંચો : CSK ને એક જ મેચમાં 2.58 કરોડનું થયું નુકસાન! : સંજુ-જાડેજાની ટ્રેડ ચેન્નાઈને પડી ભારે, જાણો કેવી રીતે

ડેબ્યૂ સ્ટાર કૂપર કોનોલી

પંજાબ કિંગ્સ માટે ડેબ્યૂ કરી રહેલા ઓસ્ટ્રેલિયન ખેલાડી કૂપર કોનોલી મેચના અસલી હીરો રહ્યો હતો. તેને રાશિદ ખાનના બોલ પર 103 મીટર લાંબો વિશાળ છગ્ગો ફટકાર્યો હતો. કોનોલીએ માત્ર 34 બોલમાં પોતાની ફિફ્ટી પૂરી કરી અને નોટઆઉટ 72 રન બનાવીને ટીમને પંજાબબી ટીમને શાનદાર જીત અપાવી હતી.

કેપ્ટન શ્રેયસ ઐયરને થયો દંડ

ગુજરાત સામે જીત મળ્યા પછી પણ પંજાબના કેપ્ટન શ્રેયસ ઐયર માટે માઠા સમાચાર આવ્યા છે. BCCI એ સ્લો ઓવર રેટ માટે ઐયર પર ₹12 લાખનો દંડ ફટકાર્યો છે. જો ટીમ આ ભૂલ ફરીથી કરશે, તો દંડની રકમ વધશે અને કેપ્ટન પર એક મેચનો પ્રતિબંધ પણ લાગી શકે છે.

CSK vs RR : IPL 2026 માં સોમવારે ગુવાહાટીના મેદાનમાં ચેન્નાઈ સુપર કિંગ્સ (CSK) અને રાજસ્થાન રોયલ્સ (RR) વચ્ચે એક હાઇ-વોલ્ટેજ મેચ રમાઈ હતી. આ મેચ માત્ર હાર-જીત પૂરતી મર્યાદિત ન હતી, પરંતુ તેમાં બે દિગ્ગજ ખેલાડીઓ સંજુ સેમસન અને રવિન્દ્ર જાડેજાના પરફોર્મન્સ પર સૌની નજર હતી. આ બંને ખેલાડીઓ આ સિઝનમાં જ ટ્રેડિંગ દ્વારા પોતાની જૂની ટીમો બદલીને મેદાનમાં ઉતર્યા હતા. જોકે, આ મેચનું પરિણામ CSK માટે આર્થિક અને રમતની દ્રષ્ટિએ મોટો ઝટકો સાબિત થયું છે.

હાઇ-પ્રોફાઈલ ટ્રેડિંગનું ગણિત

આ સિઝન પહેલા એક મોટી ટ્રેડિંગ ડીલ થઈ હતી, જેમાં સંજુ સેમસન 18 કરોડ રૂપિયામાં RR માંથી CSK માં જોડાયો હતો, જ્યારે રવિન્દ્ર જાડેજા 14 કરોડ રૂપિયાની ફી સાથે CSK માંથી RR માં ગયો હતો. ફ્રેન્ચાઈઝીઓ જ્યારે આવા મોટા ખેલાડીઓ પર કરોડોનો ખર્ચ કરે છે, ત્યારે તેમની અપેક્ષા માત્ર રન કે વિકેટની જ નહીં, પણ મેચ વિનિંગ ઈમ્પેક્ટની હોય છે.

સંજુ સેમસનનું નિરાશાજનક પ્રદર્શન

CSK ને આશા હતી કે, સંજુ સેમસન તેમના વીક ટોપ-ઓર્ડરને મજબૂતી આપશે. જોકે, આ મહત્વની મેચમાં સંજુ માત્ર 7 બોલમાં 6 રન બનાવીને પેવેલિયન ભેગો થયો હતો. પાવરપ્લેમાં જ્યારે ટીમને આક્રમક શરૂઆતની જરૂર હતી, ત્યારે નાન્દ્રે બર્ગરના બોલ પર આઉટ થઈને તેને CSK ની ટીમને મુશ્કેલીમાં મૂકી દીધી હતી. સંજુના આ આઉટ થવાથી CSK ની આખી બેટિંગ લાઈનઅપ દબાણમાં આવી ગઈ હતી.

જાડેજાએ ગુલાબી જર્સીમાં જમાવ્યો રંગ

બીજી તરફ, રવિન્દ્ર જાડેજાએ રાજસ્થાન રોયલ્સ માટે શાનદાર ઓલરાઉન્ડ પ્રદર્શન કર્યું. જ્યારે CSK ની ટીમ 38 રનમાં 4 વિકેટ ગુમાવીને સંઘર્ષ કરી રહી હતી, ત્યારે જાડેજાએ સરફરાઝ ખાન અને શિવમ દુબે જેવી મહત્વની વિકેટો ઝડપીને ચેન્નાઈની કમર તોડી નાખી હતી. જાડેજાએ 3 ઓવરમાં માત્ર 18 રન આપી 2 વિકેટ ઝડપીને સાબિત કર્યું કે, તે કેમ મેચ વિનર ગણાય છે.

શું છે આ ઈમ્પેક્ટ લેજર મોડલ?

એક રિપોર્ટ મુજબ, 'ઈમ્પેક્ટ લેજર મોડલ' દ્વારા ખેલાડીના પરફોર્મન્સની આર્થિક અસર માપવામાં આવી છે. સંજુ સેમસન પર CSK દરેક મેચ દીઠ અંદાજે 1.286 કરોડ રૂપિયા ખર્ચ કરી રહી છે, પરંતુ તેના ખરાબ પરફોર્મન્સથી ટીમને 1.81 કરોડનું 'કાલ્પનિક નુકસાન' થયું છે. બીજી તરફ, જાડેજાએ પોતાની 1 કરોડની પ્રતિ મેચ ફી સામે રાજસ્થાનને 77 લાખનો વધારાનો ફાયદો કરાવ્યો છે.

આ પણ ખાસ વાંચો : CSKને ધોનીની ખોટ ખૂંચી : RR સામે શરમજનક હાર. 15 વર્ષના બેટરનો તોફાની શો

CSK ને કેવી રીતે થયું 2.58 કરોડનું નુકસાન?

આ આંકડાકીય માયાવી જાળને સમજીએ તો, સંજુ સેમસનના નબળા પ્રદર્શનથી થયેલું 1.81 કરોડનું નુકસાન અને સામે પક્ષે જાડેજાના શાનદાર પ્રદર્શનથી રાજસ્થાનને થયેલો 77 લાખનો ફાયદો (જે CSK માટે તુલનાત્મક નુકસાન છે) ભેગા મળીને કુલ 2.58 કરોડ રૂપિયા થાય છે. આમ, એક જ મેચમાં ટ્રેડિંગ ડીલના પરિણામે CSK ને કરોડોનો ફટકો પડ્યો છે.

PBKS vs GT : IPL 2026 ની ચોથી મેચમાં આજે પંજાબ કિંગ્સ (PBKS) અને ગુજરાત ટાઇટન્સ (GT) સામસામે ટકરાશે. આ મેચ પંજાબના હોમ ગ્રાઉન્ડ ન્યૂ ચંદીગઢના મહારાજા યાદવેન્દ્ર સિંહ સ્ટેડિયમમાં સાંજે 7:30 વાગ્યે શરૂ થશે. ગુજરાત ટાઇટન્સ તેના પહેલી સિઝન એટલે કે, 2022 માં ચેમ્પિયન બની ગયું હતું, આ GT ની પાંચમી સિઝન છે, જ્યારે પંજાબ કિંગ્સ હજુ પણ તેના પ્રથમ ટાઇટલની શોધમાં છે. ગયા વર્ષે પંજાબની ટીમ ફાઇનલમાં પહોંચી હતી પણ ટાઇટલ જીતવામાં નિષ્ફળ રહી.

બંને ટીમના હેડ-ટુ-હેડ આંકડા

IPL ઇતિહાસમાં પંજાબ અને ગુજરાત વચ્ચે અત્યાર સુધી કુલ 6 મેચ રમાઈ છે. રસપ્રદ વાત એ છે કે, બંને ટીમોએ 3-3 મેચ જીતીને સંતુલન જાળવી રાખ્યું છે. છેલ્લી સિઝનમાં પંજાબે ગુજરાતને 11 રને માત આપી હતી, જ્યારે ન્યૂ ચંદીગઢમાં રમાયેલી એકમાત્ર મેચમાં ગુજરાતનો 3 વિકેટે વિજય થયો હતો. આજે આ મેદાન પર બંને ટીમો બીજી વખત એકબીજા સામે ટકરાશે.

ટીમ ન્યૂઝ અને મોટા ફેરફાર

પંજાબ કિંગ્સ માટે લોકી ફર્ગ્યુસનની ગેરહાજરી ચિંતાનો વિષય છે, જે પેટર્નિટી લીવ પર હોવાથી શરૂઆતની મેચો ગુમાવશે. તેમની જગ્યાએ ઝેવિયર બાર્ટલેટ અથવા બેન ડ્વારશુઇસને તક મળી શકે છે. બેટિંગમાં પ્રિયાંશ આર્યા અને પ્રભસિમરન સિંહ ઓપનિંગ કરશે, જ્યારે મિડલ ઓર્ડરમાં શ્રેયસ ઐયર અને નેહલ વાઢેરા જવાબદારી સંભાળશે. જ્યારે ફિનિશિંગ શશાંક સિંહ, ઓલરાઉન્ડર સ્ટોઇનિસ અને માર્કો યાન્સેન કરશે.ગુજરાત ટાઇટન્સની તાકાત અને નબળાઈ

ગુજરાત માટે શુભમન ગિલ અને સાઈ સુદર્શન ફરી એકવાર મુખ્ય હથિયાર સાબિત થશે. જોકે, જોશ બટલરનું ખરાબ ફોર્મ ટીમ માટે ચિંતાનો વિષય છે. બોલિંગમાં રાશિદ ખાન અને સાઈ કિશોર સ્પિન વિભાગ સંભાળશે, જ્યારે કાગિસો રબાડા અને મોહમ્મદ સિરાજ પેસ એટેકને મજબૂતી આપશે. વોશિંગ્ટન સુંદર અને રાહુલ તેવટિયા ફિનિશર તરીકે મહત્વની ભૂમિકા ભજવી શકે છે.

ખેલાડીઓ માટે પર્સનલ કમબેકની તક

આ મેચ શ્રેયસ ઐયર અને શુભમન ગિલ માટે ખૂબ મહત્વની છે. ઐયર ભારતીય T20I ટીમમાં જગ્યા બનાવવા શાનદાર પરફોર્મન્સ કરી રહ્યો છે, જ્યારે ગિલને ખરાબ ફોર્મને કારણે T20 વર્લ્ડ કપ 2026 ની સ્ક્વાડમાંથી બહાર કરવામાં આવ્યો હતો. ઈશાન કિશને જે રીતે સૈયદ મુશ્તાક અલી ટ્રોફીમાં પરફોર્મન્સ કરીને ભારતીય ટીમમાં કમબેક કર્યું, તે જ રીતે આ બંને ખેલાડીઓએ પણ IPL 2026 માં શાનદાર પરફોર્મન્સ કરીને ભારતીય ટીમ ફરીથી પોતાની જગ્યા કમાવી પડશે.

આ પણ ખાસ વાંચો : IPL 2026 ના ટેલિકાસ્ટમાં બાંગ્લાદેશનો મોટો યુ-ટર્ન! : માત્ર બે દિવસમાં બદલાયો નિર્ણય!

પિચ રિપોર્ટ અને હવામાનની આગાહી

મુલ્લાનપુરની પિચ બેટ્સમેન અને બોલરો બંને માટે પરફેક્ટ છે. શરૂઆતમાં ફાસ્ટ બોલરોને મદદ મળી શકે છે, પરંતુ પછીથી બેટિંગ સરળ બની શકે છે. અહીં રમાયેલી 11 મેચોમાં મોટે ભાગે ચેઝ કરનાર ટીમ જીતી છે. હવામાનની વાત કરીએ તો, મંગળવારે વરસાદની 25% શક્યતા છે, જે મેચમાં વિલંબ કરી શકે છે.

બંને ટીમની સંભવિત પ્લેઇંગ-12

પંજાબ કિંગ્સ (PBKS) : શ્રેયસ ઐયર (કેપ્ટન), પ્રભસિમરન સિંહ (વિકેટકીપર), પ્રિયાંશ આર્યા, મિચેલ ઓવેન, શશાંક સિંહ, નેહલ વાઢેરા, માર્કસ સ્ટોઇનિસ, માર્કો યાન્સેન, હરપ્રીત બ્રાર, અર્શદીપ સિંહ, યુઝવેન્દ્ર ચહલ અને બેન ડ્વારશુઇસ.

ગુજરાત ટાઇટન્સ (GT) : શુભમન ગિલ (કેપ્ટન), સાઈ સુદર્શન, જોશ બટલર (વિકેટકીપર), વોશિંગ્ટન સુંદર, ગ્લેન ફિલિપ્સ, શાહરૂખ ખાન, રાહુલ તેવટિયા, રાશિદ ખાન, સાઈ કિશોર, કાગિસો રબાડા, મોહમ્મદ સિરાજ, પ્રસિદ્ધ ક્રિષ્ના.

IPL 2026 : IPL 2026 ની ત્રીજી મેચ આજે ચેન્નઈ સુપર કિંગ્સ (CSK) અને રાજસ્થાન રોયલ્સ (RR) વચ્ચે રમાશે. આ મુકાબલો રાજસ્થાનના બીજા હોમ ગ્રાઉન્ડ ગુવાહાટીના બરસાપારા સ્ટેડિયમમાં યોજાવાની છે. રમત પ્રેમીઓ માટે આ મેચ ખાસ છે કારણ કે, આ મેચ સાંજે 7:30 વાગ્યે શરૂ થશે અને ટૉસ 7:00 વાગ્યે કરવામાં આવશે.

ધોનીની ગેરહાજરી

ચેન્નઈના ચાહકો માટે થોડા નિરાશાજનક સમાચાર છે કે, પૂર્વ કેપ્ટન MS ધોની આ મેચમાં રમશે નહીં. માંસપેશીઓમાં ખેંચાણને કારણે તેઓ હાલ રિહેબમાં છે અને આગામી બે અઠવાડિયા સુધી મેદાનથી દૂર રહી શકે છે. ધોની વગર ચેન્નઈની ટીમ કેવું પરફોર્મન્સ કરે છે તે જોવું રસપ્રદ રહેશે.

જૂનું પ્રદર્શન અને આંકડા

બંને ટીમો માટે છેલ્લી સીઝન સારી રહી ન હતી. ચેન્નઈ પોઈન્ટ ટેબલમાં 10 મા અને રાજસ્થાન 9 મા સ્થાને રહ્યું હતું. જોકે, હેડ-ટુ-હેડ રેકોર્ડની વાત કરીએ તો બંને વચ્ચે રસાકસી છે. અત્યાર સુધી રમાયેલી 32 મેચોમાં બંને ટીમે 16-16 મેચ જીતી છે, જે બતાવે છે કે આજે પણ આ મેચમાં જબરદસ્ત ફાઇટબેક જોવા મળશે.

ટીમમાં મોટા ફેરફાર

આ સીઝન પહેલા બંને ટીમો વચ્ચે એક મોટી ટ્રેડ થઈ હતી. રવીન્દ્ર જાડેજા અને સેમ કરન ચેન્નાઈની ટીમમાંથી રાજસ્થાનમાં જોડાયા હતા, જ્યારે સંજુ સેમસન હવે ચેન્નઈની જર્સીમાં જોવા મળશે. જોકે, રાજસ્થાનના સેમ કરન ઈજાના કારણે બહાર થતાં તેમની જગ્યાએ દશુન શનાકાને લેવામાં આવ્યા છે. બીજી તરફ, ચેન્નઈના નાથન એલિસ પણ ઈજાને કારણે બહાર થતાં તેમની જગ્યાએ સ્પેન્સર જોનસનને ટીમમાં સામેલ કર્યો છે.

પિચ અને હવામાન

ગુવાહાટીની પિચ બેટિંગ માટે અનુકૂળ માનવામાં આવે છે, તેથી અહીં હાઈ સ્કોરિંગ મેચની અપેક્ષા છે. રાત્રે ઝાકળ (Dew) ના કારણે ચેઝ કરનારી ટીમને ફાયદો થઈ શકે છે. હવામાનની વાત કરીએ તો આજે ગુવાહાટીમાં વાદળછાયું વાતાવરણ રહેશે અને વરસાદની પણ થોડી શક્યતા છે.

આ પણ ખાસ વાંચો : 13 વર્ષ બાદ પ્રથમ મેચમાં જીત : મુંબઈ ઇન્ડિયન્સે KKRને આપી યાદગાર હાર

સંભવિત પ્લેઈંગ-12રાજસ્થાન રોયલ્સ : વૈભવ સૂર્યવંશી, યશસ્વી જયસ્વાલ, રિયાન પરાગ (C), રવીન્દ્ર જાડેજા, ધ્રુવ જુરેલ, શિમરોન હેટમાયર, ડોનોવન ફરેરા, દશુન શનાકા, રવિ બિશ્નોઈ, જોફ્રા આર્ચર, સંદીપ શર્મા, તુષાર દેશપાંડે.

ચેન્નઈ સુપર કિંગ્સ : સંજુ સેમસન, ઋતુરાજ ગાયકવાડ (C), આયુષ મ્હાત્રે, સરફરાઝ ખાન, પ્રશાંત વીર, કાર્તિક શર્મા, શિવમ દુબે, અકીલ હોસૈન, નૂર અહેમદ, મેટ હેનરી, અંશુલ કંબોજ, ખલીલ અહેમદ.

IPL 2026 : IPL 2026 ની બીજી મેચ આજે મુંબઈના પ્રખ્યાત વાનખેડે સ્ટેડિયમમાં રમાવા જઈ રહી છે. આ મેચમાં પાંચ વખતની ચેમ્પિયન મુંબઈ ઇન્ડિયન્સ (MI) અને ત્રણ વખતની વિજેતા કોલકાતા નાઈટ રાઈડર્સ (KKR) સામસામે ટકરાશે. મુંબઈ માટે સૌથી મોટા સમાચાર જસપ્રીત બુમરાહની વાપસી છે, જે ટીમને મજબૂતી આપશે.

બુમરાહ ટીમ સાથે જોડાયો

ટીમનો મુખ્ય ફાસ્ટ બોલર જસપ્રીત બુમરાહ શુક્રવારે સાંજે મુંબઈ પહોંચ્યો હતો અને ટીમ હોટલમાં જોડાયો હતો. બુમરાહ છેલ્લા પાંચ દિવસથી બેંગલુરુમાં BCCI ના સેન્ટર ઓફ એક્સેલન્સમાં પોતાની ફિટનેસ પર કામ કરી રહ્યો હતો. જે આજે KKR સામેની મેચમાં પ્લેઈંગ ઈલેવનનો ભાગ બની શકે છે.

જૂનો રેકોર્ડ તોડવા પર નજર

મુંબઈ ઇન્ડિયન્સ માટે એક ચિંતાનો વિષય તેમનો ઓપનિંગ મેચનો રેકોર્ડ છે. ટીમ 2012 પછી ક્યારેય પોતાની સિઝનની પ્રથમ મેચ જીતી શકી નથી. છેલ્લા 13 વર્ષથી ચાલી રહેલા આ હારના સિલસિલાને હાર્દિક પંડ્યાની કેપ્ટનસી હેઠળ ટીમ આજે તોડવા માંગશે. બીજી તરફ KKR નો પ્રથમ મેચમાં રેકોર્ડ ઘણો સારો રહ્યો છે.વાનખેડેનો પિચ રિપોર્ટ

વાનખેડે સ્ટેડિયમની પિચ હંમેશા બેટરો માટે અનુકૂળ રહી છે. અહીંની લાલ માટીની પિચ પર સારો ઉછાળો મળે છે, જેના કારણે બોલ બેટ પર સરળતાથી આવે છે. મેદાન નાનું હોવાથી અહીં રનનો વરસાદ થવાની પૂરી શક્યતા છે. સાંજની મેચ હોવાથી ઝાકળ (Dew) મહત્વનો ભાગ ભજવશે, તેથી ટોસ જીતનાર ટીમ પહેલા બોલિંગ કરવાનું પસંદ કરી શકે છે.

બંને ટીમોની તાકાત

મુંબઈ પાસે રોહિત શર્મા, સૂર્યકુમાર યાદવ અને હાર્દિક પંડ્યા જેવી મજબૂત બેટિંગ લાઈનઅપ છે. જ્યારે કોલકાતા પાસે અજિંક્ય રહાણેનો એક્સપિરિયન્સ અને રિંકુ સિંહ અને ફિન એલેન જેવા વિસ્ફોટક પ્લેયર સામેલ છે. KKR નો સ્પિન વિભાગ પણ સુનીલ નારાયણ અને વરુણ ચક્રવર્તીના કારણે ઘણો મજબૂત દેખાય છે.

આ પણ ખાસ વાંચો : વિરાટ-અનુષ્કાની રોમેન્ટિક ક્ષણ વચ્ચે કોણ આવ્યું? : RCB ની જીત બાદ 'વિરુષ્કા' ની આ ખાસ ક્ષણનો વીડિયો સોશિયલ મીડિયા પર વાઈરલ

સંભવિત પ્લેઈંગ XI: મુંબઈ ઈન્ડિયન્સ

રોહિત શર્મા, રિયાન રિકલ્ટન (વિકેટકીપર), સૂર્યકુમાર યાદવ, તિલક વર્મા, નમન ધીર, હાર્દિક પંડ્યા (કેપ્ટન), શેરફેન રૂથરફોર્ડ, કોર્બિન બોસ્ચ, મયંક માર્કન્ડે, ટ્રેન્ટ બોલ્ટ, જસપ્રીત બુમરાહ, ઇમ્પેક્ટ પ્લેયર: અશ્વિની કુમાર/ દીપક ચાહર

સંભવિત પ્લેઈંગ XI : કોલકાતા નાઈટ રાઈડર્સ

અજિંક્ય રહાણે (કેપ્ટન), ફિન એલન, અંગક્રિશ રઘુવંશી, કેમ રૂન ગ્રીન, તેજસ્વી સિંહ (વિકેટકીપર), રિંકુ સિંહ, રમનદીપ સિંહ, સુનીલ નારાયણ, ઉમરાન મલિક, વરૂણ ચક્રવર્તી, બ્લેસિંગ મુઝરબાની, ઇમ્પેક્ટ પ્લેયર: વૈભવ અરોરા

IPL 2026ની શરૂઆત માત્ર બેટિંગ માટે જ નહીં પરંતુ ફિલ્ડિંગ માટે પણ યાદગાર બની રહી છે. Phil Saltએ Royal Challengers Bengaluru માટે રમતા Sunrisers Hyderabad સામે એવા બે અદ્ભુત કેચ લીધા કે સ્ટેડિયમમાં બેઠેલા દર્શકો સહિત સોશિયલ મીડિયા પણ આશ્ચર્યચકિત થઈ ગયું.

પ્રથમ કેચ: બાઉન્ડરી પર કમાલ

મેચની પ્રથમ ઇનિંગમાં 14મો ઓવર Romario Shepherd બોલિંગ કરી રહ્યા હતા. ઓવરની પ્રથમ જ બોલ પર Heinrich Klaasen એ મિડ-વિકેટ તરફ જોરદાર શોટ માર્યો.

એક ક્ષણ માટે એવું લાગ્યું કે બોલ સીધો છગ્ગા માટે જશે, પરંતુ બાઉન્ડરી લાઇન નજીક ઉભેલા ફિલ સોલ્ટે અદભૂત એથ્લેટિઝમ બતાવી બોલને પકડી લીધો.

આ કેચ એટલો નજીકનો હતો કે થર્ડ અમ્પાયર પાસે નિર્ણય માટે મોકલાયો. રીપ્લે ચેક કર્યા બાદ અમ્પાયરે તેને ક્લીન કેચ જાહેર કર્યો. ક્લાસેને 22 બોલમાં 31 રન બનાવ્યા હતા અને તે સમયે ટીમ માટે મહત્વપૂર્ણ ઇનિંગ રમી રહ્યા હતા.

‘સુપરમેન’ કેચ: ઈશાન કિશનને મોકલ્યા પેવેલિયન

મેચનો સૌથી યાદગાર પળ 16મા ઓવરમાં આવ્યો. Ishan Kishan એ પોઈન્ટ તરફ શોટ મારવાનો પ્રયાસ કર્યો.

બોલ હવામાં જતા જ ફિલ સોલ્ટ દોડ્યા અને એક હાથથી એવો અદ્ભુત કેચ લીધો કે તે ‘કેચ ઓફ ધ ટુર્નામેન્ટ’નો મજબૂત દાવેદાર બની ગયો.

આ કેચ જોઈને બધા જ આશ્ચર્યચકિત થઈ ગયા. સોલ્ટે પોતાના ઝડપ અને રિફ્લેક્સથી આ કેચને યાદગાર બનાવી દીધો.

ઈશાન કિશને 38 બોલમાં 80 રનની તોફાની ઇનિંગ રમી હતી, જેમાં 8 ચોગ્ગા અને 5 છગ્ગા સામેલ હતા. તેમની આ ઇનિંગને કારણે જ ટીમ 200થી વધુ સ્કોર સુધી પહોંચી શકી.

ફિલ્ડિંગનું વધતું સ્તર: IPLમાં નવો ટ્રેન્ડ

IPLમાં છેલ્લા કેટલાક વર્ષોમાં ફિલ્ડિંગનું સ્તર ખૂબ જ ઊંચું થયુ છે. ખેલાડીઓ હવે માત્ર બેટિંગ અને બોલિંગ જ નહીં, પરંતુ ફિલ્ડિંગમાં પણ મેચનો રુખ બદલી રહ્યા છે.

ફિલ સોલ્ટના આ બંને કેચ તેનું જીવંત ઉદાહરણ છે કે કેવી રીતે એક ફિલ્ડર મેચના પરિણામ પર સીધી અસર કરી શકે છે.

IPL 2026ની શરૂઆત જ ધમાકેદાર રહી છે. Royal Challengers Bengaluru એ પોતાના પ્રથમ મેચમાં Sunrisers Hyderabad સામે એકતરફી જીત મેળવી છે. 200થી વધુનો મોટો લક્ષ્યાંક હોવા છતાં ટીમે માત્ર 15.4 ઓવરમાં જ મેચ જીતીને સ્પષ્ટ સંદેશ આપ્યો છે કે આ સીઝનમાં તેઓ ટાઇટલ માટે મજબૂત દાવેદાર છે.

મેચનો સારાંશ: SRHનો મોટો સ્કોર પણ પડ્યો નબળો

મેચમાં પહેલા બેટિંગ કરતાં Sunrisers Hyderabad એ 20 ઓવરમાં 201/9 રન બનાવ્યા. આ સ્કોર સામાન્ય રીતે ડિફેન્ડ કરી શકાય તેવો માનવામાં આવે છે, પરંતુ RCBના બેટ્સમેનોએ આ પડકારને ખૂબ સરળ બનાવી દીધો.

જવાબમાં Royal Challengers Bengaluru એ માત્ર 15.4 ઓવરમાં 203/4 રન બનાવીને 6 વિકેટથી શાનદાર જીત નોંધાવી.

કોહલી અને પડિકલની જોડી: મેચનો ટર્નિંગ પોઈન્ટ

RCBની શરૂઆત સારી રહી નહોતી. ટીમે માત્ર 9 રન પર પ્રથમ વિકેટ ગુમાવી દીધી જ્યારે Phil Salt સસ્તામાં આઉટ થયા.

પરંતુ ત્યારબાદ Virat Kohli અને Devdutt Padikkalએ મેચનો રુખ જ બદલી નાખ્યો. બંનેએ બીજા વિકેટ માટે 101 રનની જબરદસ્ત ભાગીદારી કરી, જે માત્ર 45 બોલમાં આવી હતી.

કોહલીએ પોતાની ઇનિંગમાં 38 બોલમાં 69 નોટઆઉટ રન બનાવ્યા, જેમાં 5 ચોગ્ગા અને 5 છગ્ગા સામેલ હતા. બીજી તરફ પડિકલએ માત્ર 26 બોલમાં 61 રનની તોફાની ઇનિંગ રમી, જેમાં 7 ચોગ્ગા અને 4 છગ્ગા સામેલ હતા.

મધ્યક્રમનો યોગદાન અને ઝડપી અંત

પડિકલ આઉટ થયા પછી કેપ્ટન Rajat Patidar એ કોહલી સાથે મળીને 53 રનની ઝડપી ભાગીદારી કરી. પાટીદારે 12 બોલમાં 31 રનની અગત્યની ઇનિંગ રમી.

જોકે ત્યારબાદ સતત બે વિકેટ પડતાં થોડું દબાણ આવ્યું, જેમાં Jitesh Sharma ગોલ્ડન ડક પર આઉટ થયા, પરંતુ તે સમયે મેચ લગભગ RCBના હાથમાં જ હતી.

અંતે Tim David અને કોહલીએ શાંત રીતે ઇનિંગ પૂર્ણ કરીને ટીમને સહેલાઈથી જીત અપાવી.

આંકડાઓ શું કહે છે?

• 201 રનનો ટાર્ગેટ માત્ર 15.4 ઓવરમાં ચેઝ

• 13 ઓવરમાં જ 164/4 સ્કોર

• જરૂરી રનરેટ માત્ર 5.42 સુધી ઘટ્યો

• કોહલી અને પડિકલની સદી જેવી ભાગીદારી

આ આંકડાઓ બતાવે છે કે RCBએ કેટલી આક્રમક અને આત્મવિશ્વાસપૂર્ણ રમત રમી.

IPL 2026 : IPL ની 19 મી સીઝનનો આજથી ધમાકેદાર શુભારંભ થવા જઈ રહ્યો છે. પ્રથમ મેચમાં ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB) અને સનરાઇઝર્સ હૈદરાબાદ (SRH) સામસામે ટકરાશે. આ મેચ બેંગલુરુના એમ. ચિન્નાસ્વામી સ્ટેડિયમમાં સાંજે 7:30 વાગ્યે શરૂ થશે, જ્યારે ટૉસ 7:00 વાગ્યે ઉછાળવામાં આવશે.

હેડ ટુ હેડ રેકોર્ડ

આંકડાની દ્રષ્ટિએ જોઈએ તો હૈદરાબાદનું પલ્લું થોડું ભારે છે. બંને વચ્ચે રમાયેલી 25 મેચોમાંથી 13 મેચ હૈદરાબાદે જીતી છે, જ્યારે 11 મેચમાં બેંગલુરુનો વિજય થયો છે. જોકે, બેંગલુરુના હોમ ગ્રાઉન્ડ પર RCB વધુ મજબૂત છે, જ્યાં તેમણે 8 માંથી 5 મેચમાં જીત મેળવી છે.બેંગલુરુની ટીમ મજબૂત

RCB ની ટીમ આ વખતે ખૂબ જ સંતુલિત દેખાઈ રહી છે. વિરાટ કોહલી અને ફિલ સોલ્ટ જેવા વિસ્ફોટક ઓપનર્સ ટીમ પાસે છે. મિડલ ઓર્ડરમાં રજત પાટીદાર, ટિમ ડેવિડ અને જીતેશ શર્મા જેવા એક્સપિરિયન્સ ખેલાડીઓ રન બનાવવાની જવાબદારી સંભાળશે. જોકે, ટીમ પાસે આ વખતે તેમના મુખ્ય બોલર જોશ હેઝલવુડ આજની મેચમાંથી બહાર છે, જ્યારે યશ દયાલ અંગત કારણોસર IPL 2026 માંથી બહાર થઈ ગયો છે, જે રજત પાટીદારની ટીમ માટે ચિંતાનો વિષય બની શકે છે.

આ પણ ખાસ વાંચો : IPL 2026 પહેલા CSK ને મોટો ઝટકો! : MS Dhoni ઈજાને કારણે થયા બહાર, નહીં રમતા જોવા મળે 'થાલા'

હૈદરાબાદની રણનીતિ

સનરાઇઝર્સ હૈદરાબાદની ટીમ તેના ટોપ ઓર્ડર પર વધુ નિર્ભર છે. અભિષેક શર્મા અને ટ્રેવિસ હેડ જેવા આક્રમક બેટ્સમેન પાવરપ્લેમાં ટીમને આક્રમક શરૂઆત અપાવશે. જ્યારે ટીમના કેપ્ટન પેટ કમિન્સ ઈજાગ્રસ્ત હોવાને કારણે ઈશાન કિશન ટીમનું નેતૃત્વ કરશે. પેટ કમિન્સની ગેરહાજરીમાં હૈદરાબાદની ટીમનું બોલિંગ યુનિટ થોડું નબળું જણાય છે, હૈદરાબાદ માટે હર્ષલ પટેલ અને જયદેવ ઉનડકટ મુખ્ય ફાસ્ટ બોલરની ભૂમિકા ભજવશે.

પીચ અને હવામાન

ચિન્નાસ્વામી સ્ટેડિયમની પીચ બેટર્સ માટે સ્વર્ગ સમાન માનવામાં આવે છે. અહીં બાઉન્ડ્રી નાની હોવાથી હાઇ-સ્કોરિંગ મેચ જોવા મળી શકે છે. હવામાનની વાત કરીએ તો વરસાદની શક્યતા માત્ર 3% છે, જેથી ફેન્સને આખી મેચ જોવાનો આનંદ મળશે.

બન્ને ટીમની પોસિબલ પ્લઇંગ-12 (ઇમ્પેક્ટ પ્લેયર સહિત)

રોયલ ચેલેન્જર્સ બેંગલુરુ (RCB) : રજત પાટીદાર (કેપ્ટન) વિરાટ કોહલી, ફિલ સોલ્ટ, વેંકટેશ અય્યર, કૃણાલ પંડ્યા, જીતેશ શર્મા (વિકેટકીપર), ટિમ ડેવિડ, રોમારિયો શેફર્ડ, સુયશ શર્મા, ભુવનેશ્વર કુમાર, રાસિખ સલામ, જેકોબ ડફી.

સનરાઈઝર્સ હૈદરાબાદ (SRH) : ઈશાન કિશન (કેપ્ટન), ટ્રેવિસ હેડ, અભિષેક શર્મા, હેનરિક ક્લાસેન (વિકેટકીપર), નીતિશ કુમાર રેડ્ડી, લિયામ લિવિંગસ્ટન, અનિકેત વર્મા, હર્ષલ પટેલ, હર્ષ દુબે, ઝીશાન અંસારી અને જયદેવ ઉનડકટ.

MS Dhoni : T20 વર્લ્ડ કપ 2026 ના રોમાંચ બાદ હવે આખું ભારત IPL 2026 ના રંગમાં રંગાઈ જવા તૈયાર છે. આજે ટુર્નામેન્ટની પ્રથમ મેચ RCB અને SRH વચ્ચે રમાવાની છે, પરંતુ આ ઉત્સાહ વચ્ચે ચેન્નઈ સુપર કિંગ્સના કેમ્પમાંથી ચિંતાજનક સમાચાર આવ્યા છે. ટીમના પૂર્વ કેપ્ટન અને દિગ્ગજ ખેલાડી MS ધોની ઈજાના કારણે શરૂઆતની મેચોમાં રમી શકશે નહીં.

ચેન્નઈ સુપર કિંગ્સના સોશિયલ મીડિયા પર જાહેરાત

ચેન્નઈ સુપર કિંગ્સે 28 માર્ચે સોશિયલ મીડિયા પર એક સત્તાવાર પોસ્ટ શેર કરીને ફેન્સને આ જાણકારી આપી છે. CSK ના જણાવ્યા અનુસાર, ધોની અત્યારે 'calf strain' (પિંડીના સ્નાયુ ખેંચાવા) ની સમસ્યાનો સામનો કરી રહ્યો છે. ડોક્ટરોએ તેને ગંભીરતાથી લેતા ધોનીને આગામી બે સપ્તાહ સુધી સંપૂર્ણ આરામ કરવાની સલાહ આપી છે.

થાલા કઈ મેચો ગુમાવશે?

ધોનીને બે સપ્તાહનો આરામ આપવામાં આવ્યો હોવાથી તે ટુર્નામેન્ટના પ્રથમ 14 દિવસમાં રમાનારી 3 મહત્વની મેચોમાં જોવા મળશે નહીં. જેમાં 30 માર્ચે રાજસ્થાન રોયલ્સ સામેની મેચ, 3 એપ્રિલે હોમ ગ્રાઉન્ડ પર પંજાબ કિંગ્સ સામેની ટક્કર અને 5 એપ્રિલે બેંગલુરુ સામે રમાનારી હાઈ-વોલ્ટેજ મેચનો સમાવેશ થાય છે. આ ત્રણ મોટી મેચોમાં CSK એ ધોની વગર મેદાનમાં ઉતરવું પડશે.

આ પણ ખાસ વાંચો : IPL 2026; 4 એપ્રિલે અમદાવાદમાં જામશે હાઇ-વોલ્ટેજ મેચ! : સ્ટેડિયમમાં જઈને માણો IPL નો રોમાંચ, જાણો ટિકિટના ભાવ

ક્યારે કરશે કમબેક?

ક્રિકેટ પ્રેમીઓ માટે રાહતના સમાચાર એ છે કે, એમ. એસ ધોની સંપૂર્ણ ટુર્નામેન્ટમાંથી બહાર થયો નથી. અત્યારની મેડિકલ સ્થિતિ જોતાં એવી આશા રાખવામાં આવી રહી છે કે, ધોની 11 એપ્રિલના રોજ દિલ્હી કેપિટલ્સ સામેની મેચમાં મેદાન પર પરત ફરી શકે છે. જોકે, ત્યાં સુધી તેની ગેરહાજરીમાં વિકેટકીપિંગ અને મિડલ ઓર્ડરમાં ફિનિશરની જવાબદારી કોણ સંભાળશે તે CSK માટે મોટો પડકાર રહેશે.

GT vs RR : IPL 2026 ની શરૂઆતમાં હવે માત્ર ગણતરીના કલાકો બાકી રહ્યા છે. આ સીઝનની 9 મી મેચમાં રાજસ્થાન રોયલ્સ અને ગુજરાત ટાઇટન્સ વચ્ચે જોરદાર મુકાબલો થવા જઈ રહ્યો છે. આ મેચ 4 એપ્રિલ, શનિવારના રોજ અમદાવાદના નરેન્દ્ર મોદી સ્ટેડિયમ ખાતે રમાશે. ક્રિકેટ રસિયાઓ આ મેચની આતુરતાથી રાહ જોઈ રહ્યા છે.

સમય અને ટિકિટની વિગત

ગુજરાત ટાઇટન્સ અને રાજસ્થાન રોયલ્સ વચ્ચેની આ મેચ ભારતીય સમય મુજબ સાંજે 7:30 વાગ્યે શરૂ થશે. જો તમે સ્ટેડિયમમાં બેસીને મેચ જોવા ઈચ્છો છો, તો ટિકિટ BookMyShow પર ઉપલબ્ધ છે. ટિકિટના ભાવ 1,000 રૂપિયાથી શરૂ થઈને 25,000 રૂપિયા સુધીના રાખવામાં આવ્યા છે. 2 વર્ષથી ઉપરના બાળકો માટે પણ ટિકિટ લેવી ફરજિયાત છે.

ટીમની જૂની હરીફાઈ

ગુજરાત ટાઇટન્સ પોતાની પાંચમી સીઝન રમી રહી છે અને અત્યાર સુધીમાં રાજસ્થાન રોયલ્સ સાથે તેમની હરીફાઈ ખૂબ જ રસપ્રદ રહી છે. 2022 ની ફાઇનલમાં ગુજરાત ટાઇટન્સે રાજસ્થાનને હરાવીને ટાઇટલ જીત્યું હતું, જ્યારે 2023 માં રાજસ્થાન રોયલ્સે શાનદાર વાપસી કરી હતી.

આમને-સામને આંકડા

અત્યાર સુધી બંને ટીમો કુલ 8 વખત સામસામે ટકરાઈ છે. જેમાં ગુજરાત ટાઇટન્સનો દબદબો જોવા મળ્યો છે, ગુજરાતે 6 મેચ જીતી છે જ્યારે રાજસ્થાન રોયલ્સે 2 મેચમાં જીત મેળવી છે. ગયા વર્ષે જયપુરમાં રમાયેલી મેચમાં વૈભવ સૂર્યવંશીએ માત્ર 38 બોલમાં 101 રન ફટકારીને રાજસ્થાનને જીત અપાવી હતી.

આ પણ ખાસ વાંચો : 15 વર્ષના વૈભવ સૂર્યવંશી પર RR ને હતો અતૂટ વિશ્વાસ! : IPL ઓક્શન પર RR ટીમનો મોટો ખુલાસો

વિશ્વનું સૌથી મોટું સ્ટેડિયમ

અમદાવાદનું નરેન્દ્ર મોદી સ્ટેડિયમ 1,32,000 ની ક્ષમતા સાથે વિશ્વનું સૌથી મોટું ક્રિકેટ સ્ટેડિયમ છે. આ મેદાન પર અગાઉ 2023 વનડે વર્લ્ડ કપ અને 2026 T20 વર્લ્ડ કપની ફાઇનલ મેચો પણ રમાઈ ચૂકી છે, જે તેને ઐતિહાસિક બનાવે છે.

આગામી મેચ

અમદાવાદમાં મેચ રમ્યા બાદ રાજસ્થાન રોયલ્સની ટીમ ગુવાહાટી જશે. ત્યાં 7 એપ્રિલના રોજ તેમનો મુકાબલો મુંબઈ ઈન્ડિયન્સ સામે થશે. રાજસ્થાનની હોમ મેચોની ટિકિટ તેમના ઓફિશિયલ પાર્ટનર 'ડિસ્ટ્રિક્ટ' પરથી મેળવી શકાશે.

આ પણ ખાસ વાંચો: IPL 2026 પહેલા CSK ને મોટો ઝટકો! : MS Dhoni ઈજાને કારણે થયા બહાર, નહીં રમતા જોવા મળે 'થાલા'