CSK CEO Kashi Vishwanathan on Prashant Veer's Record Bid: ચેન્નાઈ સુપર કિંગ્સ (CSK) ના CEO કાશી વિશ્વનાથને IPL મિની-ઓક્શનમાં અનકેપ્ડ ઓલરાઉન્ડર પ્રશાંત વીરને ટીમ દ્વારા ખરીદવા અંગે ખુલાસો કરતા કહ્યું કે, તેમણે કહ્યું કે રવિન્દ્ર જાડેજાને રાજસ્થાન રોયલ્સ સાથે ટ્રેડ કર્યા પછી, તેઓ નવા નંબર 7 ખેલાડીની શોધમાં હતા. રોયલ્સ તરફથી શરૂઆતની રુચિ અને સનરાઇઝર્સ હૈદરાબાદ તરફથી મોડી બોલી લગાવીને 20 વર્ષીય લેફટી સ્પિનર અને મિડલ ઓર્ડર બેટ્સમેનને રેકોર્ડ 14.20 કરોડ રૂપિયામાં ખરીદવા માટે CSK એ તેની શરૂઆતની કિંમત કરતાં 47.3 ગણી વધી ગઈ.
CEO એ કેમેરોન ગ્રીનને સાઇન કરવા પર શું કહ્યું
ફ્રેન્ચાઇઝના CEO એ જણાવ્યું હતું કે, તેઓ કેમેરોન ગ્રીનને સાઇન કરવાની આશા રાખતા હતા પરંતુ બિડ 25 કરોડ રૂપિયાથી વધુ થઈ જતાં તેમને પાછળ હટવું પડ્યું, કારણ કે તેઓ એક ખેલાડી પર તેમના પર્સના 50 ટકાથી વધુ ખર્ચ કરી શકતા નથી કારણ કે તે તેમની આગામી ખરીદીઓને અસર કરી શકે છે. "ટૂંકમાં, પહેલા રાઉન્ડમાં તે ખૂબ જ મુશ્કેલ હતું. અમે કેમેરોન ગ્રીનને લેવાની આશા રાખતા હતા. પરંતુ જો અમે અમારા પર્સમાંથી 50% થી વધુ તેના માટે જ આપ્યા હોત, તો અન્ય ખેલાડીઓ, ખાસ કરીને યુવાનોને લેવાનું મુશ્કેલ બન્યું હોત. અમે ઘણા યંગ ખેલાડીઓને ઓળખી કાઢ્યા હતા. અમને ડર હતો કે, અમને તેઓ નહીં મળે. તેથી જ અમે ગ્રીન માટે ફક્ત 25 કરોડ રૂપિયા સુધી જ જઈ શક્યા. પરંતુ, અમે ઇચ્છતા યુવાનોને મેળવવામાં સફળ રહ્યા," તેમણે ફ્રેન્ચાઇઝ દ્વારા શેર કરાયેલા એક વીડિયોમાં કહ્યું.
CEO એ પ્રશાંત વીર પર શું કહ્યું
ફ્રેન્ચાઇઝના CEO કાસી વિશ્વનાથે કહ્યું, "પ્રશાંત વીર એક નવો ખેલાડી છે. તમે જાણો છો કે અમે જડ્ડુ (જાડેજા) ને RR ની સાથે ટ્રેડ કરી દીધો હતો. તેથી અમને નંબર 7 ની જરૂર હતી જે બેટિંગ અને બોલિંગ કરી શકે, અને જે એક સારો ફિલ્ડર પણ હોય. અમારી સ્કાઉટ ટીમે અમને ઘણા પ્રતિભાવો આપ્યા હતા કે, કયા યુવાનો સારું પ્રદર્શન કરી રહ્યા છે. ટેલેન્ટ સ્કાઉટ ટીમે ઓળખેલા પ્રશાંત વીર નંબર વન ખેલાડી હતા. "જ્યારે અમે HPC ખાતે ટ્રાયલ કર્યા હતા, ત્યારે તે CSK ટ્રાયલ માટે પણ આવ્યો હતો, તેથી અમને તેની પ્રતિભા વિશે જાણવા મળ્યું. અમે ઓળખી શક્યા કે, તેની પાસે કંઈક વધારાનું છે. (AR) શ્રીકાંત, (શ્રીધરન) શ્રીરામ, તેઓ બધા ત્યાં હતા. તેમણે અમને કહ્યું કે, પ્રશાંત વીર પાસે એક ખાસ પ્રતિભા છે. તેમણે અમને તેના પર નજર રાખવા કહ્યું. તેમણે અમને કહ્યું કે, તે એક સારો ઓપ્શન હશે. તેથી, અમને લાગ્યું કે, તે અમારા માટે એક સારો ઓપ્શન હશે," તેમણે ઉમેર્યું.
Daddy's Army થી Young Army
આ વખતે, CSK ની ઓક્શનની વ્યૂહરચનામાં ફેરફાર જોવા મળ્યો, કારણ કે ફ્રેન્ચાઇઝીએ ઘણા યુવાનો માટે બોલી લગાવી હતી, જેનો ઉદ્દેશ્ય ભવિષ્યવાદી ટીમ બનાવવા અને ભૂતકાળની ભૂલોમાંથી શીખવાનો હતો. એક સમયે "Daddy's Army" તરીકે ઓળખાતી, ટીમ તેની ટીમને મજબૂત બનાવવા માટે યુવાનો અને ઉભરતા ખેલાડીઓને ઓળખવા ઇચ્છતી હતી. "2018 ના ઓક્શન દરમિયાન લંચ સમયે, અમારા બોસ, શ્રીનિવાસન સાહેબે અમને ઠપકો આપ્યો, 'તમે ખેલાડીઓ પસંદ કરી રહ્યા છો? તમે શું કરી રહ્યા છો?' બધા ફેન્સ કહેવા લાગ્યા, 'તમે ડેડી'સ આર્મી જેવી ટીમ પસંદ કરી છે.' પરંતુ અમે બે વર્ષ પછી પાછા આવ્યા અને ટ્રોફી જીતી. ત્યારથી, તમે IPL માં જોશો, કેવા પ્રકારનું ક્રિકેટ રમાઈ રહ્યું છે, તે બદલાઈ ગયું છે. પાવર ક્રિકેટ આવી રહ્યું છે. આપણે તેની સાથે એડજસ્ટ થવું પડશે. તે એડજસ્ટમેન્ટમાં થોડો સમય લાગશે."
અકીલ હુસૈન અંગે શું કહ્યું
"ગયા વર્ષે, અમે સિઝનના મધ્યમાં યુવાનોને ટીમમાં સામેલ કર્યા હતા. આયુષ મ્હાત્રે, ઉર્વિલ પટેલ, ડેવાલ્ડ બ્રેવિસ બધા ટીમમાં આવ્યા હતા. અમે સંજુ સેમસનની ટ્રેડ કરી હતી. તેથી, અમે બેટિંગ મજબૂત બનાવી છે. અમે કેટલાક બોલરોને ઓળખી રહ્યા છીએ જે સારા હશે. અકીલ હુસૈન કદાચ શ્રેષ્ઠ T20 પાવરપ્લે બોલર છે."
CSK ફેન્સને ચેપોકમાં મેચ જોવાની મજા આવશે
તેમણે કહ્યું, "એ જ રીતે, અમારી પાસે એવા બોલરો છે જે ખરેખર ઉપયોગી થઈ શકે છે. અમારી પાસે જેમી ઓવરટન છે, અને હવે મેટ હેનરી અને ફોલ્કેસ છે, જેઓ બધા નવા બોલ સાથે ખૂબ સારા છે. તેથી, મને લાગે છે કે અમારી પાસે ખૂબ સારી ટીમ છે." કાસી વિશ્વનાથને ચાહકોને ખાતરી આપી હતી કે તેઓ તેમના હોમ ગ્રાઉન્ડ, ચેપોકમાં CSK ની મેચો જોવાનો આનંદ માણશે, અને કહ્યું કે, કેપ્ટન રુતુરાજ ગાયકવાડ અને અનુભવી એમએસ ધોની 'ટીમ માટે ખૂબ સારું કામ કરશે.'
અમે ટ્રોફી જીતવાનો પ્રયત્ન કરીશું
"અને તમે જાણો છો, રૂતુ (રુતુરાજ ગાયકવાડ), તે ખૂબ જ શાંત છે. ફ્લેમિંગ (સ્ટીફન ફ્લેમિંગ) અને થાલા (એમએસ ધોની) સાથે, ટીમ પાછી આવશે. અને અમે આ વર્ષે ચોક્કસપણે સારું પ્રદર્શન કરીશું." "ફેન્સને સંદેશ, જેમ હું હંમેશા કહું છું, થાલા અને રૂતુ ટીમ માટે શાનદાર કાર્યો કરશે. ચાહકો, તમને આ વર્ષે એમ.એ. ચિદમ્બરમ સ્ટેડિયમમાં CSK ને જોવાની ખરેખર મજા આવશે. અને આશા છે કે, અમે ટ્રોફી જીતીશું," તેમણે અંતમાં કહ્યું.
