આજે અમદાવાદ-ગાંધીનગરમાં અમિત શાહના વિવિધ કાર્યક્રમો : કરોડોના ખર્ચે અનેક વિકાસ કાર્યોનું લોકાર્પણ

Amit Shah: કેન્દ્રીય ગૃહ અને સહકારિતામંત્રી અમિત શાહ બે દિવસની ગુજરાત મુલાકાતે છે. જ્યાં તેમણે અમદાવાદ અને ગાંધીનગર શહેરમાં વિવિધ વિકાસ પરિયોજનાઓનું લોકાર્પણ કર્યું અને લોકસંપર્ક કર્યો. ગૃહમંત્રી અમિત શાહે અમદાવાદના નગરદેવી માતા ભદ્રકાળીના દર્શન કરીને આજના દિવસની શરૂઆત કરી હતી. અમદાવાદના લાલદરવાજા વિસ્તારમાં આવેલા પ્રાચીન નગરદેવી ભદ્રકાળી માતાજી મંદિર ખાતે દર્શન અને પૂજા અર્ચન કરીને અમિત શાહે માતાજીના આશીર્વાદ લઈ ગુજરાતની જનતાની કલ્યાણકામનાની પ્રાર્થના કરી હતી.

અર્બન ફોરેસ્ટમાં વૃક્ષારોપણ:

આ પછી તેમણે નવાવાડજ સ્થિત અર્બન ફોરેસ્ટમાં વૃક્ષારોપણ કર્યું. પર્યાવરણીય જાગૃતતા અને Every Tree Counts અભિયાન અંતર્ગત આયોજિત આ કાર્યક્રમમાં અમિત શાહે સ્થાનિક રહીશો સાથે ભલામણ કરી કે વધારે વૃક્ષો લગાવવું સમયની જરૂરિયાત છે.

આરોગ્ય ક્ષેત્રે નવી પહેલ:

શાહે અમદાવાદ મ્યુનિસિપલ કોર્પોરેશનના ગોતા અને ચાંદલોડિયા વોર્ડમાં નવા બનેલા અર્બન હેલ્થ સેન્ટર્સનું ઉદઘાટન કર્યું. અંદાજે ₹12 કરોડના ખર્ચે આ સુવિધાઓનું નિર્માણ થયું છે, જે સ્થાનિક લોકોને વધુ સસ્તું અને સરળ આરોગ્ય સેવાઓ પૂરી પાડી શકશે.

સરદાર બાગનું નવીનીકરણઃ

શહેરના મધ્યમાં આવેલા સરદાર બાગના નવીનીકરણ પછી તેનું પણ લોકાર્પણ અમિત શાહે કર્યું. આ બાગનો વિકાસ આધુનિક સેવાઓ સાથે કરવામાં આવ્યો છે અને 12 કરોડના ખર્ચે તેને હરિત, પર્યાવરણીય દ્રષ્ટિએ સમૃદ્ધ અને પારિવારિક આંગણું બનાવવામાં આવ્યું છે.

આજે કેન્દ્રિય ગૃહમંત્રી અમિત શાહના 8 મોટા કાર્યક્રમોઃ

1) ગોતા વોર્ડ ખાતે નવનિર્મિત ઓગણજ અર્બન હેલ્થ સેન્ટરનું લોકાર્પણ

સવારે 10:15 કલાકે

ગોતા અર્બન પ્રાઈમરી ડેલ્થ સેન્ટર, ગોતા વડસર રોડ, ઓગણજ ગામ, અમદાવાદ

2) ચાંદલોડિયા વોર્ડ ખાતે નવનિર્મિત વંદે માતરમ અર્બન ડેલ્થ સેન્ટરનું લોકાર્પણ

સવારે 10:35 કલાકે

વંદે માતરમ અર્બન હેલ્થ સેન્ટર, ઓશિયા હાયપરમાર્ટની સામે, ચાંદલોડિયા, અમદાવાદ

3) રાણીપ વોર્ડમાં વૃક્ષારોપણ કાર્યક્રમ

સવારે 10:45 કલાકે

ખુલ્લો પ્લોટ, અઠવાડિયા તળાવ પાસે, મેગ્રેટ આઈકોનની સામે, રાણીપ, અમદાવાદ

4) AMC દ્વારા સ્ટેડિયમ વોર્ડમાં તૈયાર થઈ રહેલ અર્બન ફોરેસ્ટ ખાતે વૃક્ષારોપણ કાર્યક્રમ

સવારે 11:05 કલાકે

ખુલ્લો પ્લોટ, સિમંધર શ્રી રંગ સોસાયટી પાસે, સૌરભ સ્કુલ રોડ, નવા વાડજ, અમદાવાદ

5) નગરદેવી શ્રી ભદ્રકાળી માતાજીના દર્શન અને પૂજન

સવારે 11:30 કલાકે

શ્રી ભદ્રકાળી માતાજી મંદિર, ભદ્ર કિલ્લા, લાલ દરવાજા, અમદાવાદ

6) ટોરેન્ટ ગ્રુપ-UNM ફાઉન્ડેશન દ્વારા પુનઃવિકસિત કરવામાં આવેલ સરદાર બાગનું લોકાર્પણ

સવારે 11:40 કલાકે

સરદાર બાગ, લાલ દરવાજા, અમદાવાદ

7) ઘાટલોડિયા વોર્ડ ખાતે વિવિધ સોસાયટીઓના ચેરમેન-સેક્રેટરીઓ સાથે વૃક્ષારોપણ કાર્યક્રમ

બપોરે 1:15 કલાકે

ખુલ્લો પ્લોટ, શટલોડિયા વોર્ડ ઓફિસ સામે, ચાણક્યપુરી બ્રિજ પાસે, ઘાટલોડિયા, અમદાવાદ

8) DIAL 112 અંતર્ગત શરૂ થઈ રહેલ "જનરક્ષક પ્રોજેક્ટ" ના લોકાર્પણ પ્રસંગે (જાહેર કાર્યક્રમો

સાંજે 4:30 કલાકે

રામકથા ગ્રાઉન્ડ હોટલ હવેલી ની સામે, સેક્ટર-૧૧, ગાંધીનગર

સામાજિક સંપર્કઃ

ઘાટલોડિયા વિસ્તારના સોસાયટી ચેરમેન અને સેક્રેટરીઓ સાથેની મુલાકાત પણ આજના દિવસના મહત્ત્વના કાર્યક્રમોમાં એક રહી. અહીં તેમણે સ્થાનિક શહેરી વ્યવસ્થાઓ, અવાસ, પાણી, સફાઈ વગેરે મુદ્દે ચર્ચા કરી અને નાગરિકોના અભિપ્રાય સાંભળ્યા.

ગાંધીનગરમાં પોલીસ અને જનરક્ષક વાહનોનું લોકાર્પણઃ

સાંજના સમયે તેઓ ગાંધીનગર પહોંચ્યા, જ્યાં જનરક્ષક અભિયાનનાં 500 જેટલાં વાહનો, ગુજરાત પોલીસના 534 નવા વાહનો અને ગુજરાત પોલીસ આવાસ નિગમ દ્વારા 217 કરોડના ખર્ચે બનેલા નવા રહેણાંક આવાસોનું લોકાર્પણ કર્યું. આ સમગ્ર કાર્યક્રમો વડે અમિત શાહે રાજ્યના વિકાસ અને સુરક્ષા ક્ષેત્રે સરકારની પ્રતિબદ્ધતા દર્શાવી છે.