આજથી 8 સપ્ટેમ્બર સુધી ભારે વરસાદની આગાહી : આવતીકાલથી ગુજરાતમાં રેડ એલર્ટ, જાણો કયા જિલ્લાઓમાં તૂટી પડશે વરસાદ

ગુજરાતમાં ફરી એકવાર સાર્વત્રિક વરસાદી રાઉન્ડ શરૂ થવાનો છે. બંગાળની ખાડીમાં બનેલી મજબૂત સિસ્ટમ રાજ્ય તરફ આગળ વધી રહી છે, જેના કારણે 4 થી 8 સપ્ટેમ્બર દરમ્યાન ભારેથી અતિભારે વરસાદ પડવાની આગાહી હવામાન વિભાગે કરી છે.

દક્ષિણ ગુજરાત અને સૌરાષ્ટ્રમાં સૌથી વધારે અસર
હવામાન વિભાગે ખાસ કરીને દક્ષિણ ગુજરાત અને સૌરાષ્ટ્ર માટે ભારે વરસાદની ચેતવણી આપી છે. માછીમારોને દરિયો ન ખેડવા સૂચના આપવામાં આવી છે.

મોન્સૂન ટ્રફનું પ્રભાવ
હવામાન વિભાગના વૈજ્ઞાનિક રામાશ્રય યાદવે જણાવ્યું કે, મોન્સૂન ટ્રફના કારણે રાજ્યમાં વરસાદી માહોલ બન્યો છે અને આવતા દિવસોમાં વરસાદનું જોર વધશે.

આજે (4 સપ્ટેમ્બર) નીચેના જિલ્લાઓમાં ભારે વરસાદની શક્યતા:

• નવસારી, વલસાડ, દમણ, દાદરા-નગર હવેલી

• તાપી, ડાંગ, નર્મદા, છોટાઉદેપુર

• અરવલ્લી, મહીસાગર, સાબરકાંઠા, દાહોદ

• સુરત અને પંચમહાલ

રેડ એલર્ટ જાહેર

• આવતીકાલે નર્મદા અને તાપી જિલ્લામાં ભારેથી અતિભારે વરસાદની આગાહી છે.

• દક્ષિણ ગુજરાતના અન્ય વિસ્તારોમાં પણ અતિભારે વરસાદ ચાલુ રહેશે.

સૌરાષ્ટ્રમાં ઓરેન્જ એલર્ટ જાહેર કરવામાં આવ્યું છે કારણ કે ત્યાં પણ ભારે વરસાદ પડવાની સંભાવના છે.