અડાલજ વિસ્તારમાં આવેલી અમીયાપુર નજીકના કેનાલ ઉપર સર્જાયેલા હિંસક બનાવ સમગ્ર શહેરને હચમચાવી નાખ્યું છે. એક યુગલ જે સરદારનગર વિસ્તારના યુવકનો જન્મદિવસ ઉજવી રહ્યા હતા, ત્યારે તેમની કાર પર લૂંટારા તત્વોએ હુમલો કર્યો હતો. હુમલામાં યુવકની છરીના ઘાવથી ઘટના સ્થળે જ હત્યા થઈ ગઈ હતી, જ્યારે યુવતી અત્યંત ગંભીર હાલતમાં ઈજાગ્રસ્ત અવસ્થામાં મળી આવી હતી, તેમજ પોલીસ વર્દી પણ ઘટનાસ્થળેથી મળી આવી હતી.
નિર્વસ્ત્ર હાલતમાં યુવતી મળી આવી
યુવતીને નિર્વસ્ત્ર હાલતમાં મળતા આરોપીઓએ તેના પર અજુગતું કૃત્ય પણ કર્યું હોવાની આશંકા સેવાઈ રહી છે. હાલ યુવતીને તરત અમદાવાદ સિવિલ હોસ્પિટલ ખસેડવામાં આવી છે, જ્યાં તેનું ઓપરેશન ચાલી રહ્યું છે. યુગલમાંથી યુવક સરદારનગરનો રહેવાસી હોવાનું જાણવા મળ્યું છે અને યુવતી મોટેરા વિસ્તારની હોવાનું પોલીસ સૂત્રો જણાવી રહ્યાં છે.
પોલીસે 8 ટીમો બનાવી તપાસ હાથધરી
પોલીસે ઘટનાની ગંભીરતા જોતાં તપાસ માટે અલગ અલગ 8 ટીમો બનાવી છે અને ઘટનાની દરેક ભેદુ તપાસ શરૂ કરી છે. હાલ સુધીના પ્રાથમિક અનુમાન મુજબ આ ઘટના લૂંટના ઈરાદે અંજામ અપાઈ હોવાનું મનાઈ રહ્યું છે. હાલ યુવતી સબ કોન્સિયસ અવસ્થામાં હોવાથી તેનો હજુ સુધી કોઈ નિવેદન સામે આવ્યો નથી. યુવતીના નિવેદન બાદ સમગ્ર ઘટનામાં વધુ વિગત સામે આવી શકે છે.
આ ઘટના અડાલજ પોલીસ સ્ટેશનની હદમાં આવી હતી અને પોલીસ તંત્ર દ્વારા સમગ્ર વિસ્તારમાં સીસીટીવી ફૂટેજ, ફોરેન્સિક ટેક્નિકલ એનાલિસિસ સહિત તમામ દિશામાં તપાસ શરૂ કરી દેવામાં આવી છે.
