Ahmedabad Crime News: અમદાવાદ શહેરના પાલડી પોલીસ સ્ટેશન વિસ્તારમાં આવેલી ગંગારામ ચાની કીટલી પાસે થયેલી હત્યા હત્યા મામલે પોલીસે બે આરોપીને દબોચી લીધા છે. ક્રાઈમ બ્રાન્ચ દ્વારા ક્રૂર પાલડી મર્ડર કેસના બે આરોપીઓની ધરપકડ કરવામાં આવી છે.
આરોપીઓના નામ
મહેશ ઉર્ફે ટાટા
સુરેશ ચૌહાણ
શૈલેષ ઠાકોર
સૌરભ ઠાકોર
સગીર
રોહન ઠાકોર
સંજય ઠાકોર (મર્ડરમાં ગાડીનો ઉપયોગ કર્યો હતો તેનો માલિક)
આ મર્ડરનું પ્લાનિંગ અજય દ્વારા 3-4 દિવસથી કરવામાં આવી રહ્યું હતું. તેના માટે આ આરોપીઓ 11 તારીખની રાત્રે શૈલેષ ઠાકોર (ST) ના ઘરે મળીને હત્યાનું પ્લાનિંગ કરીને 2-3 લોકોને રેકી કરવા માટે મોકલવામાં આવે છે. મૃતકની તમામ માહિતી લઈને તેનો પીછો કરે છે અને આખરે 4:30 આસપાસ મોકો જોઈને બધા લોકો તેની હત્યા કરી નાખે છે. આ બાધ તમામ આરોપીઓ મકરબા આવી જાય છે અને ગ્રુપ બનાવીને અલગ અલગ જગ્યા ભાગી જાય છે.
7 આરોપીઓની અટકાયત કરી
આ ઘટનામાં પોલીસે 7 આરોપીઓની અટકાયત કરી છે, જેમાંથી બે મુખ્ય આરોપીઓ છે. ખાસ વાત એ છે કે, આ આરોપીઓમાંથી ત્રણને રાજસ્થાનના આબુમાંથી ઝડપી લેવાયા છે, જ્યારે બાકીના ચાર આરોપીઓ અમદાવાદ અને ગાંધીનગરમાંથી પકડાયા છે. પોલીસે આ તમામની પૂછપરછ કરતા હત્યા કેસનો ખુલાસો થયો છે.
પોલીસે CCTV કેમેરાની તપાસ હાથધરી હતી
પાલડી વિસ્તારમાં આવેલા CCTV કેમેરાના ફૂટેજ મેળવી પોલીસે તપાસ હાથ ધરી હતી. જેથી આરોપીઓ સુધી પહોંચવામાં પોલીસને મદદ મળી હતી. પોલીસે આરોપીઓની ધરપકડ કરી વધુ કાર્યવાહી હાથ ધરી છે.
તીક્ષ્ણ હથિયારો વડે યુવકની હત્યા કરાઈ હતી
સ્થળ પર હાજર લોકોના જણાવ્યા મુજબ, લગભગ છથી સાત અજાણ્યા શખ્સોએ તીક્ષ્ણ હથિયારો સાથે યુવક પર આકસ્મિક હુમલો કર્યો હતો. હુમલાની ગંભીરતા એટલી વધારે હતી કે, યુવક નેશલભાઈ પરેશભાઈ ઠાકોર ગંભીર રીતે ઘાયલ થયો અને તેની ઘટનાસ્થળે જ મોત નિપજ્યું છે.
