વિધિની વક્રતા કહો કે કરમની કઠિનાઈ, આજે ફરી એકવાર રોડ-રસ્તાના અભાવને કારણે એક પ્રસૂતાનું મોત નિપજ્યું છે. ડબલ એન્જિન સરકાર વાળા ગુજરાતમાં આવી સ્થિતિ ઊભી થાય એ ખુબ શરમજનક અને દુઃખદ બાબત છે. રાજ્યના છોટા ઉદેપુર જિલ્લાના તુરખેડા ગામના ખૈડી ફળિયામાં રસ્તાના અભાવે એક પ્રસૂતા મહિલાનું મોત નિપજ્યું છે. 35 વર્ષીય મહિલાને ગઈકાલે સાંજે 4 વાગ્યે પ્રસવ પીડા શરૂ થઈ હતી.
ખૈડી ફળિયાથી સાવદા ફળિયા સુધી રસ્તો ન હોવાથી કોઈ વાહન પહોંચી શકતું નથી. મહિલાને 15 સપ્ટેમ્બરનાં સાંજના સમયે પ્રસવ પીડા શરૂ થઈ હતી, પરંતુ ખૈડી ફળિયાથી સાવદા ફળિયા સુધી કોઈ સારો રસ્તો ન હોવાથી એમ્બ્યુલન્સ તકે પહોંચી શકી નહીં. બાળકીની જેમ ઉંચકીને લઈ જવાયેલી આ મહિલાને ભારે તકલીફ વચ્ચે પરિવારે સાવદા ફળિયા સુધી પહોચાડી, ત્યાંથી 108 એમ્બ્યુલન્સ દ્વારા પ્રથમ કવાંટ, પછી છોટા ઉદેપુર અને ત્યારબાદ વડોદરા લઈ જવામાં આવી રહી હતી, પરંતુ રસ્તામાં જ તેમનું મૃત્યુ થઈ ગયું.
મૃતક મહિલાને પહેલેથી જ ચાર દીકરીઓ હતી અને આ તેમની પાંચમી પ્રસૂતિ હતી. પરિવારજનોનો આક્રોશ અને દુઃખ સ્પષ્ટ છે — એ માત્ર એક જીવ ગુમાવવાનો મુદ્દો નથી, એ વિકાસથી વંચિત રહેલા જીવંત તાત્થિકોનો પીડાદાયક પ્રતિનિધિત્વ છે.
પાછલા વર્ષના 1 ઓક્ટોબરનાં પણ તુરખેડામાં આવી જ એક ઘટના બની હતી, જેમાં પ્રસૂતા રસ્તામાં જ બાળકને જન્મ આપ્યા બાદ મૃત્યુ પામી હતી. એ ઘટનાને ધ્યાનમાં લઈને ગુજરાત હાઈકોર્ટે સુઓમોટો કાર્યવાહી કરીને તુરખેડાના ચાર ફળિયાઓમાં રસ્તા મંજૂર કર્યા હતા. છતાં ખૈડી અને તેતરકુંડી ફળિયાને હજુ સુધી યોગ્ય માર્ગ સુવિધા પ્રાપ્ત થઈ નથી.
વિકાસના વચનોથી જીવનનું શું?
આ દુઃખદ ઘટના એ development અને ground reality વચ્ચેના ખાઈને ઉજાગર કરે છે. જ્યારે નીતિ નિર્માતા પરિવર્તનના વચન આપે છે, ત્યારે તુરખેડાના લોકો સામે આજે પણ જીવનનાં મૂળભૂત હકો માટે સંઘર્ષ કરવો પડે છે.
સ્થાનિક લોકોના જણાવ્યા પ્રમાણે વરસાદી ઋતુમાં તો સમસ્યા બમણી થઈ જાય છે. શાળામાં જવાનું હોય કે હોસ્પિટલે, દરેક કામમાં રસ્તાના અભાવે મુશ્કેલીઓનો સામનો કરવો પડે છે.
