IND vs WI 1st Test: ભારત vs વેસ્ટ ઈન્ડિઝ વચ્ચેની પ્રથમ ટેસ્ટ મેચ 2 ઓક્ટોબરથી નરેન્દ્ર મોદી ક્રિકેટ સ્ટેડિયમ ખાતે રમાશે. આ પહેલા, ભારતીય કેમ્પ તરફથી કેટલાક ચિંતાજનક સમાચાર આવ્યા છે. જાણો સંપૂર્ણ માહિતી.
વોશિંગ્ટન સુંદર થયો ઈજાગ્રસ્ત
નરેન્દ્ર મોદી ક્રિકેટ સ્ટેડિયમમાં પ્રેક્ટિસ દરમિયાન વોશિંગ્ટન સુંદરને આંગળીમાં ઈજા થઈ હતી, જેના કારણે સુંદર કેચિંગ ડ્રીલમાં ભાગ લઈ શક્યો ન હતો. આ ઈજા મેચના એક દિવસ પહેલા જ થઈ છે. ભારત vs વેસ્ટ ઈન્ડિઝ વચ્ચેની પ્રથમ ટેસ્ટ 2 ઓક્ટોબરથી અમદાવાદમાં રમાશે. મીડિયા રિપોર્ટના જણાવ્યા અનુસાર, વોશિંગ્ટન સુંદર આંગળીમાં ઇજા બાદ અસ્વસ્થતામાં દેખાતા હતા અને ત્યારબાદ તેણે કેચિંગ ડ્રીલમાં ભાગ લીધો ન હતો. ત્યારબાદ કેપ્ટન શુભમન ગિલ સુંદર પાસે ગયા, જે હતાશ થઈને બેઠેલા હતા, અને તેમની સાથે વાત કરી. રવિન્દ્ર જાડેજા, નીતિશ કુમાર રેડ્ડી અને મોહમ્મદ સિરાજ પણ તેમની પાસે ગયા અને તેમના હાથની તપાસ કરી.
વોશિંગ્ટન સુંદર અસ્વસ્થ દેખાયો
રિપોર્ટમાં જણાવ્યા અનુસાર, વોશિંગ્ટન સુંદર લાંબા સમય સુધી બોલિંગ પ્રેક્ટિસ કરી રહ્યો હતો, પરંતુ તે અસ્વસ્થ લાગતો હતો. તેણે ટીમના ડોક્ટરને તેના બોલિંગ હાથમાં વધારાની ટેપ લગાવવાનું પણ કહ્યું. ગયા ઓક્ટોબરમાં ન્યૂઝીલેન્ડના ભારત પ્રવાસથી સુંદર ટેસ્ટ ટીમનો મુખ્ય ખેલાડી રહ્યો છે. તેણે ઇંગ્લેન્ડમાં પણ સારું પ્રદર્શન કર્યું.
ભારતીય ટીમની સ્ક્વાડ: શુભમન ગિલ (કેપ્ટન), રવિન્દ્ર જાડેજા (વાઇસ-કેપ્ટન), યશસ્વી જયસ્વાલ, કેએલ રાહુલ, દેવદત્ત પડિક્કલ, સાઈ સુદર્શન, ધ્રુવ જુરેલ (વિકેટકીપર), નારાયણ જગદીસન (વિકેટકીપર), અક્ષર પટેલ, નીતિશ કુમાર રેડ્ડી, વોશિંગ્ટન સુંદર, જસપ્રિત બુમરાહ, કુલદીપ યાદવ, મોહમ્મદ સિરાજ, પ્રસિદ્ધ ક્રિષ્ના.
વેસ્ટ ઈન્ડિઝ ટીમની સ્ક્વાડ: રોસ્ટન ચેઝ (કેપ્ટન), ટેવિન ઈમલાચ (વિકેટકીપર), શાઈ હોપ (વિકેટકીપર), એલિક એથેનાસે, બ્રાન્ડન કિંગ, જોન કેમ્પબેલ, કેવલોન એન્ડરસન, તેજનારીન ચંદ્રપોલ, જોહાન લાઈન, જસ્ટિન ગ્રીવ્સ, ખારી પિયર, એન્ડરસન ફિલિપ, જેડેન સીલ્સ, જેડિયા બ્લેડ્સ, જોમેલ વોરિકન.
ભારત vs વેસ્ટ ઈન્ડિઝની પ્રથમ ટેસ્ટ મેચ ક્યાં લાઈવ જોવી?
ભારત vs વેસ્ટ ઈન્ડિઝ પહેલી ટેસ્ટ મેચ 2 ઓક્ટોબરના રોજ ભારતીય સમય મુજબ સવારે 9:30 વાગ્યે શરૂ થશે. ટોસ સવારે 9 વાગ્યે થશે. મેચનું લાઈવ પ્રસારણ સ્ટાર સ્પોર્ટ્સ નેટવર્ક પર કરવામાં આવશે. અને લાઈવ સ્ટ્રીમિંગ JioHotstar એપ અને વેબસાઇટ પર ઉપલબ્ધ થશે.
