જ્યારે ભારતની સૌથી મોટી બેંકની વાત આવે છે ત્યારે સ્ટેટ બેંક ઓફ ઇન્ડિયા (SBI) નું નામ સૌપ્રથમ આવે છે. પરંતુ વિશ્વની સૌથી ભારે અને સૌથી વધુ સંપત્તિ ધરાવતી બેંકની ચર્ચા કરીએ ત્યારે આ યાદીમાં કોઈ અમેરિકન અથવા યુરોપિયન બેંક શિરમોર નથી. વિશ્વની સૌથી મોટી નાણાકીય સંસ્થા આપણા પડોશી દેશ ચીનમાં સ્થિત છે—Industrial and Commercial Bank of China (ICBC).
આ બેંકનું કદ એવું વિશાળ છે કે તેની કુલ સંપત્તિ અનેક દેશોની કુલ GDP કરતાં પણ વધુ છે.
ICBC બેંક કેટલી વિશાળ છે?
ઇન્ડસ્ટ્રીયલ એન્ડ કોમર્શિયલ બેંક ઓફ ચાઇના (ICBC) હાલમાં કુલ સંપત્તિના આધારે વિશ્વની સૌથી મોટી બેંક તરીકે સ્થાન ધરાવે છે. તાજા આર્થિક આંકડા મુજબ ICBC પાસે:
કુલ એસેટ્સ: લગભગ $6.9 ટ્રિલિયન
ભારતીય રૂપિયોમાં: આશરે ₹612.25 લાખ કરોડ
આ આંકડો એટલો વિશાળ છે કે તેની સરખામણી કોઈ અન્ય વૈશ્વિક બેંક સાથે કરવી મુશ્કેલ છે. ખાસ વાત એ છે કે ICBC 2012 થી સતત વિશ્વની નંબર-વન બેંકનું સ્થાન જાળવી રાખી છે, અને હજુ સુધી કોઈ અમેરિકન કે યોરોપિયન બેંક તેને પાછળ ધકેલી શકી નથી.
SBI સામે ICBC કેટલી મોટી?
ભારતની સૌથી મોટી બેંક SBIની કુલ સંપત્તિ હાલમાં:
₹67 લાખ કરોડની આસપાસ છે.
જો તેની સરખામણી ICBC સાથે કરીએ તો:
ICBC = SBI કરતાં લગભગ 9 ગણી મોટી
SBI પોતાના પાયે વિશાળ બેંક છે, પરંતુ ચીનની આ બેંકની સામે તે કદમાં ખૂબ નાની ગણાય છે. આ સરખામણી બે દેશોની બેંકિંગ સિસ્ટમોની તાકાતનું સ્પષ્ટ દ્રશ્ય આપે છે.
ICBC કેવી રીતે બની વિશ્વની સૌથી મોટી બેંક?
ICBC ની શરૂઆત ચીનના આર્થિક સુધારાના ઐતિહાસિક સમય સાથે જોડાયેલી છે.
1978: ચીને નાણાકીય અને આર્થિક સુધારાઓ શરૂ કર્યા.
1983: નક્કી કરવામાં આવ્યું કે People’s Bank of China ફક્ત સેન્ટ્રલ બેંક તરીકે કામ કરશે.
ઔદ્યોગિક અને વાણિજ્યિક વ્યવહારો માટે એક અલગ વ્યાપારી બેંકની જરૂરિયાત ઉભી થઈ.
1 જાન્યુઆરી 1984: ICBCનું સત્તાવાર રીતે નિર્માણ અને કામગીરી શરૂ.
ચીનની અર્થવ્યવસ્થા જેમ મોટી બનતી ગઈ, ICBC પણ તેને અનુરૂપ ગતિએ વધી અને આજે વિશ્વની સૌથી મોટી બેંક બની છે.
વૈશ્વિક સ્તરે ICBCનું પ્રભુત્વ
ICBC ફક્ત સંપત્તિના આધાર પર જ નહીં, પરંતુ તેના નેટવર્કની દ્રષ્ટિએ પણ વિશ્વમાં સૌથી આગળ છે.
કુલ શાખાઓ: 16,456
ચીનમાં: 16,040
વિદેશોમાં: 416 થી વધુ શાખાઓ
હાજરી: એશિયા, યુરોપ, ઉત્તર અમેરિકા, દક્ષિણ અમેરિકા, ઓશનિયા સહિત વિશ્વના મોટાભાગના ખંડોમાં
તે સિંગાપોર અને હોંગકોંગ સ્ટોક એક્સચેન્જમાં લિસ્ટેડ છે, પરંતુ તેનો મહત્તમ હિસ્સો ચીની સરકાર પાસે છે.
