અમદાવાદમાં યોજાયેલા ઇન્ટરનેશનલ કાઇટ ફેસ્ટિવલ દરમિયાન બોલિવુડ સ્ટાર્સની એન્ટ્રીથી ઉત્સવનું માહોલ વધુ રંગીન બની ગયો હતો. કાઇટ ફેસ્ટિવલના બીજા દિવસે બોલિવુડ એક્ટ્રેસ રાની મુખર્જી અને એક્ટર ઇમરાન હાશ્મી હાજર રહેતા ચાહકોમાં ભારે ઉત્સાહ જોવા મળ્યો હતો અને બંનેને જોવા માટે લોકો પાગલ બની ગયા હતા.
મુખર્જી-ઇમરાન હાશ્મીને જોઈ ચાહકો પાગલ બન્યા
પ્રાપ્ત વિગતો મુજબ, અમદાવાદના રિવરફ્રન્ટ ખાતે યોજાયેલા ઇન્ટરનેશનલ કાઇટ ફેસ્ટિવલમાં રાની મુખર્જી અને ઇમરાન હાશ્મીએ ખાસ હાજરી આપી હતી. સીરિયલ કિસર તરીકે ઓળખાતા ઇમરાન હાશ્મી કાઇટ ફેસ્ટિવલની ખાસ પોળ થીમ પર ‘આફરિન’ થતાં જોવા મળ્યા હતા, જ્યારે ગ્લેમરસ અંદાજમાં રાની મુખર્જીએ પતંગ ચગાવીને ઉત્સવની મોજ માણી હતી. બંને સ્ટાર્સે પરંપરાગત રીતે કાઇટ ફેસ્ટિવલનો આનંદ લઈ કાર્યક્રમમાં ચાર ચાંદ લગાવી દીધા હતા.
'તસ્કરી'ની સ્ટારકાસ્ટનો જબરદસ્ત જલવો
સીરિયલ કિસર પોળ પર રાની મુખર્જી અને ઇમરાન હાશ્મીની હાજરીએ લોકોનું ધ્યાન ખેંચ્યું હતું. ‘તસ્કરી’ ફિલ્મની સ્ટારકાસ્ટ તરીકે બંનેના જબરદસ્ત જલવાએ ફેસ્ટિવલને વધુ યાદગાર બનાવી દીધો હતો. સ્ટાર્સને એક નજર જોવા માટે મોટી સંખ્યામાં ચાહકો ઉમટી પડ્યા હતા અને ઉત્સાહનો માહોલ સર્જાયો હતો. આ પ્રસંગે રાની મુખર્જી સાથે અમદાવાદ મ્યુનિસિપલ કોર્પોરેશનના મેયર પ્રતિભા જૈન અને સ્ટેન્ડિંગ કમિટીના ચેરમેન પણ હાજર રહ્યા હતા અને તેઓ રાની મુખર્જી સાથે રિવરફ્રન્ટ વિસ્તારમાં ફર્યા હતા. કાઇટ ફેસ્ટિવલના બીજા દિવસે બોલિવુડ સ્ટાર્સની એન્ટ્રીથી અમદાવાદના ઉત્સવનું વાતાવરણ વધુ ઝળહળતું બની ગયું હતું.
