Suryakumar Yadav Press Conference: ભારત અને ઓસ્ટ્રેલિયા વચ્ચે T20I સીરિઝની પ્રથમ મેચ બુધવાર, 29 ઓક્ટોબરે રમાશે. આ સીરિઝ શરૂ થાય તે પહેલાં ભારતીય ટીમના કેપ્ટન સૂર્યકુમાર યાદવે પ્રેસ કોન્ફરન્સ કરી. પરંતુ ઓસ્ટ્રેલિયામાં થયેલી પ્રેસ કોન્ફરન્સમાં સૂર્યકુમાર યાદવને એવા પ્રશ્નોનો સામનો કરવો પડ્યો જે તેમના ખરાબ ફોર્મ તરફ ઈશારો કરી રહ્યા હતા. સૂર્યાકુમાર યાદવે આ વર્ષે T20I મેચોમાં કોઈ રન બનાવ્યા નથી. સૂર્યકુમાર યાદવે છેલ્લી 11 ઇનિંગ્સમાં ફક્ત 100 રન જ બનાવી શક્યો છે, જેનાથી આ 11 મેચોમાં સૂર્યાકુમાર યાદવની એવરેજ 9.09 છે, જે બેટિંગમાં ભારતીય કેપ્ટનનું ખરાબ પ્રદર્શન દર્શાવે છે.
સૂર્યકુમાર યાદવની પ્રેસ કોન્ફરન્સ
ઓસ્ટ્રેલિયા સામેની સીરિઝ પહેલા, સૂર્યકુમાર યાદવે પોતાની બેટિંગ વિશે કહ્યું, "મને લાગે છે કે, હું ખૂબ જ સખત મહેનત કરી રહ્યો છું. એવું નથી કે હું પહેલા મહેનત કરતો ન હતો; ત્યારે પણ હું એટલી જ સખત મહેનત કરી રહ્યો હતો. મેં ભારતમાં સારા સેશન પસાર કર્યા છે અને ઓસ્ટ્રેલિયામાં પણ કેટલાક સેશન માટે બેટિંગ કરી છે, જે મહત્વપૂર્ણ છે." સૂર્યકુમારે વધુમાં કહ્યું કે, "રન બનાવવા મહત્વપૂર્ણ છે, પરંતુ તેની સાથે ટીમના લક્ષ્ય પર ધ્યાન કેન્દ્રિત કરવું પણ મહત્વપૂર્ણ છે." સૂર્યકુમાર યાદવે વધુમાં કહ્યું, "ટીમ અલગ અલગ પરિસ્થિતિઓમાં શું ઇચ્છે છે તેના આધારે હું દરેક મેચને અલગ રીતે જોઈશ. જો આવું થાય તો તે સારી વાત હશે."
સૂર્યકુમાર યાદવની T20 કારકિર્દી
સૂર્યકુમાર યાદવે અત્યાર સુધીમાં 332 T20 મેચોમાં 8,692 રન બનાવ્યા છે, જેમાં 6 સેંચુરી અને 59 હાફ-સેંચુરીનો સમાવેશ થાય છે. T20I મેચોમાં, સૂર્યકુમાર યાદવે 90 મેચોમાં 85 ઇનિંગ્સમાં 37.08 ની એવરેજથી 2,670 રન બનાવ્યા છે, જેમાં 4 સેંચુરી અને 21 હાફ-સેંચુરી નો સમાવેશ થાય છે. સૂર્યકુમાર યાદવની કેપ્ટનશીપ હેઠળ, ટીમ ઇન્ડિયાએ હાલમાં T20 એશિયા કપ 2025 જીત્યો હતો. જોકે, સૂર્યકુમાર યાદવે તે ટુર્નામેન્ટમાં 6 ઇનિંગ્સમાં ફક્ત 72 રન બનાવ્યા હતા. હવે, સૂર્ય ઓસ્ટ્રેલિયા સામેની T20 સીરિઝમાં રન બનાવવાની અપેક્ષા રાખી શકાય છે.
