Jasprit Bumrah can create history in the T20I series: ભારતીય ટીમને ઓસ્ટ્રેલિયા સામેની ODI સીરિઝમાં જસપ્રીત બુમરાહની ખૂબ જ ખોટ પડી હતી, જ્યાં ટીમ 1-2 થી સીરિઝ હારી ગઈ હતી. હવે ઓસ્ટ્રેલિયા જ સામે ભારત 5 મેચની T20I સીરિઝ રમવાની છે. અને આ વખતે ભારતીય ટીમમાં વિશ્વનો સૌથી ઘાતક ફાસ્ટ બોલરોમાંના એક ગણાતા જસપ્રીત બુમરાહ આ સીરિઝનો ભાગ છે. પહેલી T20I બુધવારે કેનબેરા (મનુકા ઓવલ) ખાતે રમાશે. જસપ્રીત બુમરાહ પ્રથમ T20I મેચમાં ઇતિહાસ રચી શકે છે, તેને ફક્ત ચાર વિકેટની જરૂર છે. જો પહેલી મેચમાં આવું ન થાય તો આગામી મેચમાં શક્ય છે, જો કંઈ અનિચ્છનીય ન બને તો તે આ સીરિઝમાં જ 4 વિકેટ લઈને પોતાના નામે એક મોટો રેકોર્ડ બનાવશે તે ચોક્કસ છે.
આ સિદ્ધિ મેળવનાર પ્રથમ ભારતીય બોલર બનશે
31 વર્ષીય જસપ્રીત બુમરાહે 75 T20I મેચમાં 96 વિકેટ લીધી છે અને 100 વિકેટ સુધી પહોંચવા માટે તેને વધુ 4 વિકેટની જરૂર છે. બુમરાહે 50 ટેસ્ટમાં 226 વિકેટ અને 89 વનડેમાં 149 વિકેટ પણ લીધી છે. જો જસપ્રીત બુમરાહ T20I માં 100 વિકેટ સુધી પહોંચશે, તો તે ત્રણેય ફોર્મેટ (T20I, ODI અને ટેસ્ટ) માં ઓછામાં ઓછી 100 વિકેટ લેનાર પ્રથમ ભારતીય બોલર બનશે.
દુનિયામાં ફક્ત ચાર બોલરોએ આ સિદ્ધિ મેળવી
જસપ્રીત બુમરાહ આ સિદ્ધિ મેળવનાર પાંચમો બોલર બનશે. દરેક ફોર્મેટમાં ઓછામાં ઓછી 100 વિકેટ લેનારા બોલરોમાં લસિથ મલિંગા (શ્રીલંકા), ટિમ સાઉથી (ન્યુઝીલેન્ડ), શાકિબ અલ હસન (બાંગ્લાદેશ) અને શાહીન શાહ આફ્રિદી (પાકિસ્તાન)નો સમાવેશ થાય છે.
કઈ મેચ કેટલા વાગે અને ક્યાં સ્ટેડિયમમાં જોવા મળશે?
ભારત અને ઓસ્ટ્રેલિયા વચ્ચેની T20 સીરિઝમાં પાંચ મેચ રમાશે. બુધવારની મેચ પછીની બીજી મેચ 31 ઓક્ટોબરે રમાશે. ત્રીજી, ચોથી અને પાંચમી મેચ 2, 6 અને 8 નવેમ્બરે રમાશે. બધી મેચ ભારતીય સમય મુજબ બપોરે 1:45 વાગ્યે શરૂ થશે.
તારીખ | T20I | સ્થળ | સમય |
|---|---|---|---|
29 Oct 2025 | 1st T20I | મનુકા ઓવલ, કેનબેરા | 1:45 PM |
31 Oct 2025 | 2nd T20I | મેલબોર્ન ક્રિકેટ ગ્રાઉન્ડ, મેલબોર્ન | 1:45 PM |
2 Nov 2025 | 3rd T20I | બેલેરીવ ઓવલ, હોબાર્ટ | 1:45 PM |
6 Nov 2025 | 4th T20I | બિલ પીપેન ઓવલ, ગોલ્ડ કોસ્ટ, ક્વીન્સલેન્ડ | 1:45 PM |
8 Nov 2025 | 5th T20I | બ્રિસ્બેન ક્રિકેટ ગ્રાઉન્ડ, બ્રિસ્બેન | 1:45 PM |
ભારતીય T20I ટીમ: સૂર્યકુમાર યાદવ, શુભમન ગિલ, તિલક વર્મા, અભિષેક શર્મા, અક્ષર પટેલ, રિંકુ સિંહ, નીતીશ કુમાર રેડ્ડી, શિવમ દુબે, વોશિંગ્ટન સુંદર, જીતેશ શર્મા (વિકેટકીપર), સંજુ સેમસન (વિકેટકીપર), અર્શદીપ સિંહ, હર્ષિત રાણા, જસપ્રીત બુમરાહ, કુલદીપ યાદવ, વરુણ ચક્રવર્તી.
ઓસ્ટ્રેલિયા T20I ટીમ: મિશેલ માર્શ (કેપ્ટન), ટિમ ડેવિડ, ટ્રેવિસ હેડ, માર્કસ સ્ટોઈનિસ, મેથ્યુ શોર્ટ, મિશેલ ઓવેન, જોશ ઈંગ્લિસ (વિકેટકીપર), જોશ ફિલિપ (વિકેટકીપર), એડમ ઝામ્પા, જોશ હેઝલવુડ, મેથ્યુ કુહનેમેન, બેન દ્વારશુઈસ, નાથન એલિસ, સીન એબોટ, તનવીર સંઘા, ઝેવિયર બાર્ટલેટ.
