આજકાલ લોકો પોતાના ઘરની બારી, છત કે આંગણામાં કુંડામાં ફૂલો કે લીલા શાકભાજી રોપવાનું પસંદ કરે છે. પરંતુ શું તમે જાણો છો કે તમે ઘરે કુંડામાં બટાકાનો છોડ સરળતાથી ઉગાડી શકો છો? હા, આ બિલકુલ શક્ય છે અને નિષ્ણાતો અનુસાર, બટાકા 80 થી 130 દિવસમાં તૈયાર થઈ જાય છે. કુંડામાં ઉગાડવામાં આવતા બટાકા સંપૂર્ણપણે ઓર્ગેનિક હોય છે. જો તમે ગાયના છાણના ખાતરનો ઉપયોગ કરો છો, તો બટાકાનું ઉત્પાદન વધુ સારું થાય છે. સૌથી મોટી વાત એ છે કે આ માટે તમારે ખેતરની જરૂર નથી, તમારે ફક્ત થોડી ધીરજ અને યોગ્ય પધ્ધતિની જરૂર છે.
બટાકા ઉગાડવાની રીત
એક મોટું અને ઊંડું વાસણ લો. ત્યાર બાદ, ફણગાવેલા બટાકાના ટુકડા કરો અને તેને 4-6 ઇંચની ઊંડાઈએ જમીનમાં દાટી દો. જેમ જેમ છોડ વધતો જાય તેમ તેમ ઉપરથી માટીથી ઢાંકતા રહો. આનાથી વધુ બટાકા ઉત્પન્ન થશે. છોડને નિયમિતપણે પાણી આપો, પરંતુ ધ્યાન રાખો કે માટી ખૂબ ભીની ન હોવી જોઈએ અને વાસણને એવી જગ્યાએ રાખો જ્યાં ઓછામાં ઓછો 6 કલાક સૂર્યપ્રકાશ મળતો રહે. જ્યારે બટાકાના છોડના પાંદડા પીળા થવા લાગે, ત્યારે સમજો કે બટાકા તૈયાર છે. હવે તમે વાસણમાંથી માટી કાઢી નાખો અને તમારા પોતાના હાથે ઉગાડેલા તાજા બટાકા બહાર કાઢો.
નિષ્ણાતોની સલાહ
કૃષિ એકપર્ટ્સ અનુસાર, શાકભાજી અને છોડ ઉગાડવા એ એક શોખ છે અને સ્વાસ્થ્ય માટે પણ ફાયદાકારક છે. નિષ્ણાતો કહે છે કે બટાકાના છોડનો વિકાસ ત્યારે જ થશે જ્યારે તેને પૂરતો સૂર્યપ્રકાશ મળશે. જો છોડને દરરોજ 6 કલાક સૂર્યપ્રકાશ નહીં મળે, તો બટાકાનું ઉત્પાદન બંધ થઈ જશે. એટલા માટે, વાસણને હંમેશા તડકાવાળી જગ્યાએ રાખો. આ રીતે તમને ઘરેથી તાજા અને ઓર્ગેનિક બટાકા મળશે. ઝેરી રસાયણો કે જંતુનાશકોનો કોઈ ભય નથી.
