Yash Rathod Overtakes Vijay Hazare and Vinod Kambli: વિદર્ભના બેટ્સમેન યશ રાઠોડનો ડોમેસ્ટિક ક્રિકેટમાં શાનદાર પ્રદર્શન રણજી ટ્રોફીના ત્રીજા રાઉન્ડમાં તમિલનાડુ સામેની ધમાકેદાર સેંચુરી સાથે ચાલુ રહ્યો. યશ રાઠોડએ ઓછામાં ઓછા 2,000 રન સાથે કોઈપણ ભારતીય બેટ્સમેન માટે સૌથી વધુ ફર્સ્ટ-ક્લાસ એવરેજની યાદીમાં વિજય હજારે અને વિનોદ કાંબલીને પાછળ છોડી દીધા.
નચિકેત ભૂટેએ 65 રનમાં 5 વિકેટ
કોઈમ્બતુરના શ્રી રામકૃષ્ણ કોલેજ ઓફ આર્ટ્સ એન્ડ સાયન્સ ગ્રાઉન્ડ ખાતે વિદર્ભ અને તમિલનાડુ વચ્ચે મુકાબલો થયો. પ્રદોષ પોલ 275 બોલમાં 113 રન બનાવ્યા. અને બાબા ઇન્દ્રજીતે 163 બોલમાં 96 રન બનાવ્યા અને બંને ખેલાડીઓ વચ્ચે ચોથી વિકેટ માટે 179 રનની ભાગીદારી છતાં, તમિલનાડુ 291 રનમાં ઓલઆઉટ થઈ ગયું. વિદર્ભના ફાસ્ટ બોલર નચિકેત ભૂટેએ 65 રનમાં 5 વિકેટ લીધી, જેનાથી તમિલનાડુની હારમાં નોંધપાત્ર ફાળો મળ્યો.
વિદર્ભ ટીમનું પ્રદર્શન
અમન મોખાડે 134 બોલમાં 80 રન, ધ્રુવ શોરે 207 બોલમાં 82 રન અને આર. સમર્થ 127 બોલમાં 56 રને તમિલનાડુના બોલિંગ આક્રમણ અને ફિલ્ડિંગ સેટઅપને પડકાર્યા પછી, યશ રાઠોડ બેટિંગ પર આવ્યો. લેફ્ટ હેન્ડેડ બેટ્સમેને 61 બોલમાં પોતાની હાફ-સેંચુરી અને બીજા સેશમાં તેની નવમી ફર્સ્ટ ક્લાસ સેંચુરી પૂરી કરી.
વિનોદ કાંબલી અને વિજય હજારેનો રેકોર્ડ તોડ્યો
60 ની સરેરાશથી 2,280 રન બનાવનાર યશ રાઠોડ ઓછામાં ઓછા 2,000 રન બનાવનારા કોઈપણ ભારતીય બેટ્સમેન માટે છઠ્ઠા ક્રમે સૌથી વધુ ફર્સ્ટ ક્લાસ સરેરાશ ધરાવે છે. તેણે વિજય હજારે (58.38) અને વિનોદ કાંબલી (59.67) ને પાછળ છોડી દીધા. તે 60 કે તેથી વધુની એવરેજથી 2,000 રન બનાવનાર 12 મો ખેલાડી પણ બન્યો. આ 12 ખેલાડીઓમાંથી, યશ રાઠોડ એકમાત્ર એવા ખેલાડી છે, જેને ડબલ-સેંચુરી ફટકાર્યા વગર આ સિદ્ધિ હાંસલ કરી છે.
3 મેચમાં 324 રન
યશ રાઠોડે 133 રન ફટકારીને આઉટ થયો જેમા તેને 189 બોલમાં 15 ચોગ્ગા ફટકાર્યા હતા. અને વર્તમાન સિઝનમાં તેમના કુલ રન 7 મેચમાં 110.7 ની એવરેજથી 775 રન ફટકાર્યા છે. લાસ્ટ સિઝનમાં, તેને રણજી ટ્રોફીમાં 10 મેચમાં 960 રન સાથે સૌથી વધુ રન બનાવનાર ખેલાડી હતો. યશ રાઠોડે પોતાની સિઝનની શરૂઆત 3 મેચમાં 324 રનથી કરી હતી, જેમાં તેને દુલીપ ટ્રોફીમાં સેન્ટ્રલ ઝોનનું પ્રતિનિધિત્વ કર્યું હતું.
ઝારખંડ સામે 101 અને નાગાલેન્ડ સામે 71 રન બનાવ્યા
રાઠોડે એકમાત્ર ઈરાની કપ મેચમાં રેસ્ટ ઓફ ઈન્ડિયા સામે વિદર્ભની 93 રનની જીતમાં 91 અને 5 રન બનાવ્યા હતા. તેને સિઝનની પ્રથમ 2 રણજી ટ્રોફી મેચમાં, નાગાલેન્ડ અને ઝારખંડ સામે, 71 અને 101* રન બનાવ્યા હતા.
