PM Narendra Modi એ Deepti Sharma ને પૂછ્યો એક અનોખો પ્રશ્ન : ભારતીય મહિલા ટીમ અને પીએમ મોદી વચ્ચેની વાતચીત ચર્ચાનો વિષય બની

Prime Minister Narendra Modi asked all-rounder Deepti Sharma a question: ICC મહિલા વર્લ્ડ કપની ચેમ્પિયન ભારતીય ટીમની વડા પ્રધાન નરેન્દ્ર મોદી સાથે એક ખૂબ જ ખાસ મુલાકાત કરી હતી. આ મુલાકાત દરમિયાન પીએમ નરેન્દ્ર મોદીએ મહિલા ખેલાડીઓને અનેક પ્રશ્નો પૂછ્યા હતા. વડા પ્રધાન નરેન્દ્ર મોદીએ ઓલરાઉન્ડર દીપ્તિ શર્માને એક એવો પ્રશ્ન પૂછ્યો, જેણે આખી ભારતીય ટીમને ચોંકાવી દીધી.

હનુમાનજી કેવી રીતે મદદ કરે છે?પીએમ નરેન્દ્ર મોદીએ દીપ્તિ શર્માને પૂછ્યું, "તમારા હનુમાનજીના ટેટૂથી તમને શું મદદ મળે છે?" પીએમ નરેન્દ્ર મોદીના આ પ્રશ્નથી હાજર બધા ખેલાડીઓ ચોંકી ગયા. પીએમ નરેન્દ્ર મોદીની બાજુમાં બેઠેલી સ્મૃતિ મંધાના પણ ચોંકી ગઈ. પ્રધાનમંત્રીના પ્રશ્નના જવાબમાં દીપ્તિ શર્માએ કહ્યું, "મને લાગે છે કે, તે મને મુશ્કેલીઓ દૂર કરવામાં મદદ કરે છે." ત્યારપછી પીએમ નરેન્દ્ર મોદીએ દીપ્તિ શર્માને પૂછ્યું કે, શું તમે ઇન્સ્ટાગ્રામ પર "જય શ્રી રામ" પણ લખો છો? દીપ્તિ શર્માએ કહ્યું, "હા, તેના પર પણ લખ્યું છે." નોંધનીય છે કે, દીપ્તિને પ્લેયર ઓફ ધ ટુર્નામેન્ટ જાહેર કરવામાં આવી હતી. તેમણે વર્લ્ડ કપ દરમિયાન રમેલી બધી મેચોમાં 22 વિકેટ લીધી અને 215 રન બનાવ્યા હતા.

ટીમ ઈન્ડિયા પીએમ નરેન્દ્ર મોદીના નિવાસસ્થાને

ટીમ ઈન્ડિયાના ખેલાડીઓ 5 નવેમ્બરની સાંજે પીએમ નરેન્દ્ર મોદીને મળ્યા હતા. ટીમ ઈન્ડિયા, કેપ્ટન હરમનપ્રીત કૌર સાથે, ઉજવણી કરતા 7 લોક કલ્યાણ માર્ગ સ્થિત પીએમ નરેન્દ્ર મોદીના નિવાસસ્થાને પહોંચી હતી. વિશ્વ ચેમ્પિયન ટીમ હસતાં હસતાં પીએમ નરેન્દ્ર મોદીને મળવા પહોંચી હતી. કેપ્ટન હરમનપ્રીત કૌર હાથમાં ટ્રોફી લઈને પીએમ નરેન્દ્ર મોદીના નિવાસસ્થાનમાં પ્રવેશ કર્યો હતો. હરમનપ્રીત કૌરની બાજુમાં જેમિમાહ રોડ્રિગ્સ હતી, જેણે સેમિફાઇનલ મેચમાં સેંચુરી ફટકારી હતી. પીએમ નરેન્દ્ર મોદીએ આ જીત માટે વિશ્વ ચેમ્પિયન ટીમને અભિનંદન આપ્યા અને તેમની સાથે ઘણી રસપ્રદ વાતો પણ કરી.