Will the Indian team score more than 200 runs in Brisbane: ભારત અને ઓસ્ટ્રેલિયા વચ્ચેની T20I સીરિઝમાં હાલ ભારતીય ટીમ 2-1 ની લીડથી આગળ છે, અને આ સીરિઝની અંતિમ અને પાંચમી મેચ બ્રિસ્બેનમાં રમાશે. આ મેદાન પર T20 આંતરરાષ્ટ્રીય ક્રિકેટમાં ફક્ત એક જ વાર કોઈ ટીમે 200 રનથી વધુ ફટકાર્યા છે.
બ્રિસ્બેનમાં 200 રનનો રેકોર્ડ
આ મેચ 9 જાન્યુઆરી 2006 ના રોજ ઓસ્ટ્રેલિયા અને સાઉથ આફ્રિકા વચ્ચે રમાઈ હતી, જેમાં ઓસ્ટ્રેલિયાએ પ્રથમ બેટિંગ કરતા 3 વિકેટ ગુમાવીને 209 રન બનાવ્યા હતા. ઓસ્ટ્રેલિયન ટીમ તરફથી Damien Martyn એ સૌથી વધુ 56 બોલમાં 96 રન બનાવ્યા. તેમણે ઇનિંગ્સમાં 5 છગ્ગા અને 7 ચોગ્ગાનો સમાવેશ થતો હતો. Andrew Symonds એ માત્ર 26 બોલમાં નોટઆઉટ 54 રન બનાવ્યા હતા. તે મેચમાં ચેસ કરવા આવેલ સાઉથ આફ્રિકા 18.3 ઓવરમાં માત્ર 114 રનમાં જ ઓલઆઉટ થઈ ગઈ. સાઉથ આફ્રિકન ટીમ તરફથી Mark Boucher એ 29 રન બનાવ્યા, જ્યારે Shaun Pollock એ 24 રન બનાવ્યા હતા, પરંતુ સુઆઠ આફ્રિકાને જીત ન અપાવી શક્યા અને ઓસ્ટ્રેલિયાએ આ મેચ 95 રનથી મેચ જીતી લીધી હતી.
બ્રિસ્બેનમાં ભારતીય ટીમનો સર્વોચ્ચ સ્કોર
બ્રિસ્બેનમાં ભારતીય ટીમનો સર્વોચ્ચ સ્કોર 169/7 છે, જે 21 નવેમ્બર 2018 ના રોજ ઓસ્ટ્રેલિયા સામે બનાવ્યો હતો. વરસાદથી પ્રભાવિત આ મેચમાં પ્રથમ બેટિંગ કરતા ઓસ્ટ્રેલિયાએ 17 ઓવરમાં 4 વિકેટ ગુમાવીને 158 રન બનાવ્યા હતા. જવાબમાં, ભારતીય ટીમે 17 ઓવરમાં 7 વિકેટ ગુમાવીને 169 રન બનાવ્યા, પરંતુ ડકવર્થ લુઇસ નિયમ હેઠળ ભારતીય ટીમ તે મેચ 4 રનથી મેચ હારી ગઈ હતી.
ઈન્ડિયા-ઓસ્ટ્રેલિયા T20I સીરિઝની સ્થિતિ
ઓસ્ટ્રેલિયા સામેની 5 મેચની T20 સીરિઝની પહેલી મેચ વરસાદને કારણે રદ થઈ ગઈ હતી. ત્યારબાદ ઓસ્ટ્રેલિયાએ બીજી મેચ ચાર વિકેટથી જીતીને લીડ મેળવી હતી. ટીમ ઈન્ડિયાએ હોબાર્ટમાં ત્રીજી મેચ 5 વિકેટથી જીતીને સીરિઝની બરાબરી કરી હતી. ચોથી મેચ ક્વીન્સલેન્ડમાં રમાઈ હતી, જ્યાં ટીમ ઈન્ડિયાએ 48 રનથી જીત મેળવીને સીરિઝમાં 2-1 ની લીડ મેળવી હતી. પાંચમી મેચ હવે નિર્ણાયક મેચ બની ગઈ છે.
