Toyota Land Cruiser FJ : ટોયોટાએ લેન્ડ ક્રુઝર FJ લોન્ચ કરી છે. ટોયોટા લેન્ડ ક્રુઝર FJ ને હાલમાં થાઇલેન્ડમાં લોન્ચ કરવામાં આવી હતી અને તેને ટોયોટા ફોર્ચ્યુનરના સસ્તા વર્ઝન તરીકે રજૂ કરવામાં આવી હતી, પરંતુ તેની કિંમતે બધાને આશ્ચર્યચકિત કર્યા છે. થાઇલેન્ડમાં તેની કિંમત ફોર્ચ્યુનર કરતાં વધારે છે. થાઇલેન્ડમાં ટોયોટા લેન્ડ ક્રુઝર FJ ની કિંમત 1.269 મિલિયન THB છે. ભારતીય ચલણમાં રૂપાંતરિત, આનો અર્થ ₹35.27 લાખ થાય છે. જાણો આ ટોયોટા લેન્ડ ક્રુઝર FJ ની કિંમત, ફીચર્સ અને પરફોર્મન્સ વિશેની માહિતી.
ભારતમાં કિંમત વધી શકે છે?
રિપોર્ટ્સ મુજબ, આ કાર ટૂંક સમયમાં ભારતમાં લોન્ચ થશે. આ કારની કિંમત ફોર્ચ્યુનર કરતાં ઓછી હશે અને કંપની આ કારને Thar Roxx જેવા જ સેગમેન્ટમાં લાવી શકે છે. આવી સ્થિતિમાં, સસ્તી લેન્ડ ક્રુઝરનો આનંદ માણવા માટે આ એક શ્રેષ્ઠ ઓપ્શન સાબિત થઈ શકે છે. ભારતમાં લોન્ચ કરાયેલ મોડલ ડીઝલ એન્જિન સાથે ઓફર કરવામાં આવે તેવી અપેક્ષા છે, જેના કારણે કંપની આ કારની કિંમત Thar Roxx કરતાં થોડીક વધુ રાખી શકે છે. ટોયોટાની નવી SUV, લેન્ડ ક્રુઝર FJ માં 2.7-લિટર પેટ્રોલ એન્જિન દ્વારા સંચાલિત છે, જે આશરે 163 થી 164 bhp અને 246 Nm ટોર્ક જનરેટ કરે છે. આ કાર 6-સ્પીડ ઓટોમેટિક ગિયરબોક્સ અને 4-વ્હીલ ડ્રાઇવ સિસ્ટમ સાથે આવે છે, જેનાથી આ કારને ખરાબ અને ઉબડખાબડ રસ્તાઓ પર સરળતાથી હેન્ડલ કરી શકાય છે.
આ કારના ફીચર્સ
આ કારના ફીચર્સની વાત કરીએ તો, આ કારમાં બોક્સી અને મજબૂત ડિઝાઇન આપવામાં આવી છે, જેમાં રાઉન્ડ હેડલાઇટ્સ, LED લાઇટિંગ, મોટા એલોય વ્હીલ્સ અને હાઇ ગ્રાઉન્ડ ક્લિયરન્સ છે, જે આ કારની રોડ-પ્રેઝન્સને દમદાર બનાવે છે. ઇન્ટિરિયરમાં મોટી ટચસ્ક્રીન ઇન્ફોટેનમેન્ટ સિસ્ટમ, ડિજિટલ ઇન્સ્ટ્રુમેન્ટ ક્લસ્ટર અને પ્રીમિયમ ડેશબોર્ડ આપવામાં આવ્યું છે. આ કારમાં મોડર્ન સેફટી ફીચર્સ, મલ્ટી-ફંક્શન સ્ટીયરિંગ અને ઓફ-રોડિંગ માટે ખાસ સેટઅપ સાથે પણ આપવામાં આવ્યું છે. નોંધનીય છે કે, આ ફીચર્સ થાઇલેન્ડના વેરિઅન્ટ મુજબ છે, ભારતમાં આ કાર કયા ફીચર્સ અને કેટલી કિંમત સાથે લોન્ચ થશે તે જોવાનું બાકી છે.
