Highest resale value : આજના સમયમાં જ્યારે આપણે નવું ટુ-વ્હીલર ખરીદીએ છીએ, ત્યારે માત્ર તેની કિંમત, માઇલેજ કે ફીચર્સ જ નથી જોતા, પણ એ પણ વિચારીએ છીએ કે ભવિષ્યમાં તેને વેચતી વખતે કેટલા રૂપિયા પાછા મળશે. આને જ 'રિસેલ વેલ્યુ' કહેવામાં આવે છે. ભારત જેવા માર્કેટમાં અમુક બાઇક અને સ્કૂટર એવા છે, જે વર્ષો જૂના થયા પછી પણ સારી કિંમતે વેચાય જાય છે. જો તમારી પાસે નીચે જણાવેલ મોડલ્સ છે, તો સમજી લો કે તમને માર્કેટમાં તેની સારી કિંમત મળવાની શક્યતા રહેલી છે.
Hero Splendor : માર્કેટની સૌથી લોકપ્રિય બાઇક
આ લિસ્ટમાં પ્રથમ સ્થાને હીરો સ્પ્લેન્ડર છે, જે રિસેલ વેલ્યુમાં મોખરે રહે છે. આ બાઇક લાંબા સમયથી વિશ્વસનીય માનવામાં આવે છે અને આ બાઇકને ઓછા મેન્ટેનન્સની જરૂર પડે છે, તેથી લોકો તેને જૂની હોવા છતાં પણ ખરીદવાનું પસંદ કરે છે. આ જ કારણ છે કે, 2 થી 3 વર્ષ પછી પણ સ્પ્લેન્ડરની સારી કિંમત મળે છે.
Honda Activa : દરેક ઘરની પહેલી પસંદ
બીજી એક ટુ-વ્હીલર જેની રિસેલમાં ખૂબ જ લોકપ્રિયતા છે તે છે હોન્ડા એક્ટિવા. આ સ્કૂટરનો ઉપયોગ લગભગ દરેક ઘરમાં થાય છે, અને તેની કિંમતને કારણે, સેકન્ડ હેન્ડ માર્કેટમાં તેની માંગ પણ વધુ રહે છે. આ જ કારણ છે કે, તે જૂનું થાય છે છતાં તેની કિંમતમાં નોંધપાત્ર ઘટાડો થતો નથી અને રિસેલ વેલ્યુ સારી મળે છે.
Honda Shine : પરફોર્મન્સ અને પાવરનું કોમ્બિનેશન
આ લિસ્ટમાં ત્રીજી બાઇક હોન્ડા શાઇન છે, જે તેની માઇલેજ અને સ્મૂધ પરફોર્મન્સ માટે ખૂબ જ લોકપ્રિય છે. આ બાઇકની ખાસ વાત એ છે કે, તેનો ઉપયોગ શહેર અને લાંબા અંતરની મુસાફરી બંને માટે થઈ શકે છે, તેથી આ બાઇક જૂની થયા પછી પણ તેને ખરીદદારો સરળતાથી મળી જાય છે.
Bajaj Platina : માઇલેજમાં નંબર 1
આ લિસ્ટમાં છેલ્લા નંબરે છે બજાજ પ્લેટિના. આ બાઇક ખાસ કરીને તેની માઇલેજ માટે જાણીતી છે અને દૈનિક મુસાફરી માટે તે ખૂબ લોકપ્રિય છે. ઓછી કિંમત અને સરળ મેન્ટેનન્સને કારણે, તેની રિસેલ વેલ્યુ પણ સારી રહે છે.
