Gujarat Police Recruitment Board : ગુજરાત પોલીસ ભરતી બોર્ડ દ્વારા પોલીસ વિભાગના વર્ગ-3 સંવર્ગ હેઠળ પોલીસ સબ ઇન્સ્પેક્ટર (PSI) અને લોકરક્ષક દળ (LRD) કેડરની ભરતી પ્રક્રિયામાં મહત્વપૂર્ણ રીતે આગળ વધારી છે. બોર્ડે કુલ 13,591 ખાલી જગ્યાઓ માટે યોજાનારી શારીરિક કસોટીની તારીખો જાહેર કરી છે, જેને લઈને ઉમેદવારોમાં ઉત્સાહ જોવા મળી રહ્યો છે.
ફિઝિકલ ટેસ્ટ આગામી 21 જાન્યુઆરીથી શરૂ થશે
ભરતી બોર્ડની જાહેરાત મુજબ PSI અને LRD ભરતી માટેની ફિઝિકલ ટેસ્ટ આગામી 21 જાન્યુઆરીથી શરૂ થશે. રાજ્યના વિવિધ કેન્દ્રો પર ઉમેદવારોની દોડ, ઊંચાઈ અને છાતીનું માપ તેમજ અન્ય જરૂરી શારીરિક કસોટીઓ લેવામાં આવશે. આ પરીક્ષા માટેના કોલ લેટર ઉમેદવારો 9 જાન્યુઆરીથી ઓનલાઈન ડાઉનલોડ કરી શકશે.
13,591 જગ્યાઓ માટે ભરતી
ઉલ્લેખનીય છે કે, ગુજરાત પોલીસ ભરતી બોર્ડ દ્વારા આ ભરતી અભિયાન અંતર્ગત PSI અને LRD કેડરની કુલ 13,591 જગ્યાઓ ભરવામાં આવનાર છે. ભરતી પ્રક્રિયાનો આ મહત્વપૂર્ણ તબક્કો શરૂ થવા જઈ રહ્યો હોવાથી ઉમેદવારોને સમયસર કોલ લેટર ડાઉનલોડ કરી જરૂરી તૈયારીઓ કરવા બોર્ડ દ્વારા સૂચના આપવામાં આવી છે.
શારીરિક કસોટીમાં કેટલા સમયમાં કેટલી દોડ જરૂરી?
પરૂષ ઉમેદવાર માટે 5 હજાર મીટર 25 મિનિટ સમયમર્યાદા
મહિલા ઉમદેવાર માટે 1600 મીટર 9.30 મિનિટની સમયમર્યાદા
માજી સૈનિકો માટે 2400 મીટર 12.30 મિનિટની સમયમર્યાદા
