Asia Cup On Mobile: આજથી એશિયા કપ 2025 શરૂ થઈ રહ્યો છે, જેની પહેલી મેચ અફઘાનિસ્તાન અને હોંગકોંગ (Afghanistan vs Hong Kong) વચ્ચે રમાશે. અને ભારતીય ટીમ આવતીકાલે એટલે કે, 10 સપ્ટેમ્બરે UAE સાથે (Tomorrow Asia Cup Match) પોતાની પહેલી મેચ રમશે. એક તરફ, ટીમ ઈન્ડિયા પોતાના 9 મા એશિયા કપ ટાઇટલ તરફ આગળ વધશે. તો બીજી તરફ, ઓમાન એક એવી ટીમ છે જે પહેલીવાર એશિયા કપ રમશે. 8 ટીમો વચ્ચે અદ્ભુત ઉત્તેજના હશે, પરંતુ મોબાઇલ વપરાશકર્તાઓ એશિયા કપ મેચોના લાઇવ સ્ટ્રીમિંગનો આનંદ કેવી રીતે માણી શક્શે? જાણો સંપૂર્ણ માહિતી.
એશિયા કપ મેચો મોબાઇલ પર કેવી રીતે જોવી?
એશિયા કપ 2025 મેચોનું લાઇવ સ્ટ્રીમિંગ 'Sony Liv' એપ પર ઉપલબ્ધ થશે. એન્ડ્રોઇડ ફોન યુઝર્સ તેમના ફોન પર 'Sony Liv' એપ ડાઉનલોડ કરીને લાઇવ સ્ટ્રીમિંગનો આનંદ માણી શકે છે.
શું તમે મફતમાં મેચ જોઈ શકશો?
ના, મોબાઇલ વપરાશકર્તાઓ એશિયા કપની મેચો મફતમાં જોઈ શકશે નહીં. આ માટે તમારે 'Sony Liv' એપનું સબ્સ્ક્રિપ્શન પ્લાન ખરીદવો પડશે. એપ્લિકેશનમાં જઈને, તમે તમારી પસંદગી મુજબ સબ્સ્ક્રિપ્શન પ્લાન ખરીદી શકો છો, જેના માટે તમારે ઓછામાં ઓછા 399 રૂપિયા ખર્ચવા પડશે.
આજે અફઘાનિસ્તાન-હોંગકોંગ મેચ કેટલા વાગ્યે શરૂ થશે?
એશિયા કપ 2025 ની પ્રથમ મેચ અબુ ધાબીના Zayed Cricket Stadium ખાતે અફઘાનિસ્તાન અને હોંગકોંગ વચ્ચે રમાશે. આ મેચ ભારતીય સમય મુજબ રાત્રે 8 વાગ્યે શરૂ થશે.
ટીવી પર લાઈવ ટેલિકાસ્ટ કયા જોવા મળશે?
15 સપ્ટેમ્બરના રોજ ઓમાન વિરુદ્ધ યુએઈ મેચ સિવાય, એશિયા કપ 2025 ની બધી મેચો ભારતીય સમય મુજબ રાત્રે 8 વાગ્યે શરૂ થશે. જ્યારે 15 સપ્ટેમ્બરના રોજ ઓમાન વિરુદ્ધ UAE ની મેચ ભારતીય સમય મુજબ સાંજે 5:30 વાગ્યે શરૂ થશે. અને જે લોકો ટીવી પર લાઈવ મેચ જોવા ઈચ્છે છે, તેઓ Sony Sports Network પર લાઈવ ટેલિકાસ્ટ જોઈ શકે છે.
