Inbase Technologies એ નવા Boom Party 210 અને Boom Party 110 સ્પીકર્સ લોન્ચ કરીને તેની પાર્ટી સ્પીકર લાઇનઅપમાં વિસ્તરણ કર્યું છે. કંપનીનો દાવો છે કે, આ બંને સ્પીકર્સ 100W નું પાવરફૂલ અને બેસ-હેવી સાઉન્ડ આઉટપુટ આપે છે, જે કોઈપણ પાર્ટી અથવા સંગીત સત્રનું વાતાવરણ બનાવી શકે છે. તેમની પાસે 8 કલાક સુધીનો બેકઅપ છે અને બંને મોડેલોમાં વાયરલેસ માઇક્રોફોન, રિમોટ કંટ્રોલ અને ગિટાર માટેનો પોર્ટ પણ સામેલ છે.
સ્પીકર્સની કિંમત
Inbase એ Boom Party 210 અને 110 ની શરૂઆતી કિંમત એટલે કે, 9,499 રૂપિયામાં છે. વપરાશકર્તાઓ આ સ્પીકર્સ Amazon, Flipkart અને કંપનીની સત્તાવાર વેબસાઇટ પરથી ખરીદી શકે છે. આ ઉપરાંત, તે ઑફલાઇન રિટેલ સ્ટોર્સ પર પણ ઉપલબ્ધ થશે. બંને મોડલોને ટ્રોલી-સ્ટાઇલ ડિઝાઇન સાથે રજૂ કરવામાં આવ્યા છે જેમાં વ્હીલ્સ અને પુલ હેન્ડલ પણ આપવામાં આવેલ છે, જેથી તેને સરળતાથી ગમે ત્યાં લઈ જઈ શકાય.
સ્પીકર્સના ફીચર્સ
સ્પીકર્સની ડિઝાઇનમાં LED Sense Light ફીચર પણ આપવામાં આવ્યું છે, જે મ્યુઝિક બીટ્સ સાથે સિંક થઈ શકે છે અને પાર્ટીનો મૂડ વધુ સારો બનાવી શકે છે. તેમાં આપેલા બે વાયરલેસ માઇકથી ડ્યુઅલ પર્ફોર્મન્સ કરી શકાય છે. માઇક્રોફોન માટે વોલ્યુમ અને ઇફેક્ટ્સ કંટ્રોલ પણ આપવામાં આવ્યા છે. આ ઉપરાંત, ગિટાર પ્લગ-ઇન માટે એક સમર્પિત પોર્ટ છે, જે બેસ, ઇકો અને વોલ્યુમ એડજસ્ટમેન્ટની સુવિધા પૂરી પાડે છે.
સ્પીકર્સના કનેક્ટિવિટી ઓપ્શન
કનેક્ટિવિટીની વાત કરીએ તો, Boom Party 210 અને Boom Party 110 માં Bluetooth, AUX, USB, SD કાર્ડ અને FM રેડિયો સપોર્ટ સાથે આવે છે. ઉપરાંત, તેને રિમોટ કંટ્રોલનો ઉપયોગ કરીને ઓપરેટ કરી શકાય છે. સ્પીકર્સમાં પ્રી-ટ્યુન કરેલ EQ મોડ્સ પણ છે.
