લાઈફ અને હેલ્થ ઈન્સ્યોરન્સથી GST દૂર કરવાના આ ઐતિહાસિક નિર્ણય સાબિત થયો છે. આ સ્પષ્ટ સંદેશ આપે છે કે આરોગ્ય અને જીવન વીમો અર્થતંત્ર માટે મહત્વપૂર્ણ ઉત્પાદનો છે અને તેથી, તે હવે GST ફ્રી છે. ખાસ કરીને, ટર્મ વીમો ખૂબ જ મહત્વપૂર્ણ પ્રોડક્ટ છે. આ પગલાની સમગ્ર ઈન્સ્યોરન્સ સેક્ટર પર અભૂતપૂર્વ પોઝિટિવ અસર પડશે. એવા સમયે જ્યારે હેલ્થ કેયર ખર્ચ સતત વધી રહ્યો છે, ત્યારે આર્થિક બોજ ઘટાડીને, આ નિર્ણય લાખો ભારતીયો માટે તેમના સુખાકારી અને નાણાકીય ભવિષ્યને સુરક્ષિત કરવામાં અવરોધો ઘટાડે છે.
સરકારના આ પગલાનો હેતુ નાણાકીય સમાવેશને પ્રોત્સાહન આપવાનો, આર્થિક રીતે નબળા પરિવારોનું રક્ષણ કરવા અને તેમને લાંબા ગાળાની સુરક્ષા પૂરી પાડવાનો છે. તેને એક પ્રગતિશીલ સુધારા તરીકે યાદ રાખવામાં આવશે જે અસંખ્ય પરિવારોને વિશ્વાસ આપે છે, તમામ ક્ષેત્રોમાં પ્રોડક્ટ ઇનોવેશન સુનિશ્ચિત કરે છે અને વીમા ઉદ્યોગને ભારતના લોકોની નજીક જવા માટે પ્રેરણા આપે છે.
આ રીતે થશે બચત
બેઠક બાદ નાણામંત્રીએ કહ્યું કે વીમા પર GST નાબૂદ કરવાથી સામાન્ય માણસ માટે તે વધુ સસ્તું બનશે. આનાથી દેશભરમાં વીમા કવરેજનો વિસ્તાર કરવામાં મદદ મળશે. જો કોઈ ગ્રાહક હાલમાં 11,800 રૂપિયા પ્રીમિયમ તરીકે ચૂકવવા પડે છે, તો હવે તેણે 10,000 રૂપિયા પ્રીમિયમ તરીકે ચૂકવવા પડશે. પ્રીમિયમમાં 1800 રૂપિયાની સીધી બચત થશે.
