The final match will be held in one of these two stadiums: ICC મેન્સ T20 વર્લ્ડ કપ 2026 ફેબ્રુઆરી-માર્ચમાં ભારત અને શ્રીલંકામાં યોજાવાનો છે. આ મેગા ટુર્નામેન્ટ શરૂ થવામાં હજુ વધુ સમય બાકી નથી, પરંતુ ICC એ હજુ સુધી શેડ્યૂલ જાહેર કર્યો નથી. જોકે, સંપૂર્ણ શેડ્યૂલ આ અઠવાડિયે જાહેર થવાની શક્યતા છે.
ભારતના 5 સ્ટેડિયમ અને શ્રીલંકાના 3 સ્ટેડિયમ
મીડિયા રિપોર્ટ્સ અનુસાર, T20 વર્લ્ડ કપ કુલ આઠ વેન્યુએ યોજાશે. ભારતમાં, અમદાવાદ (Narendra Modi Stadium), કોલકાતા (Eden Gardens), મુંબઈ (Wankhede Stadium), દિલ્હી (Arun Jaitley Stadium), અને ચેન્નાઈ (M. A. Chidambaram Stadium) ને વર્લ્ડ કપ મેચો માટે શોર્ટલિસ્ટ કરવામાં આવ્યા છે. શ્રીલંકામાં, મેચો ત્રણ વેન્યુએ યોજાશે: કોલંબોમાં બે (R. Premadasa International Cricket Stadium, SSC Cricket Ground) અને કેન્ડી (Pallekele International Cricket Stadium).
ફાઇનલ મેચ ક્યાં યોજાશે?
જો પાકિસ્તાન T20 વર્લ્ડ કપ 2026 ની ફાઇનલમાં પહોંચે છે, તો ફાઇનલ મેચ કોલંબોના R. Premadasa International Cricket Stadium માં યોજાઈ શકે છે. જો પાકિસ્તાન ફાઇનલમાં ન પહોંચે તો, અમદાવાદના Narendra Modi Stadium માં ફાઇનલનું આયોજન થઈ શકે છે. અમદાવાદે ODI વર્લ્ડ કપ 2023 ની ફાઇનલનું પણ આયોજન કર્યું હતું.
કુલ 20 ટીમો વર્લ્ડ કપ 2026 માટે થઈ ક્વાલિફાય
2026 ના T20 વર્લ્ડ કપમાં કુલ 20 ટીમો ભાગ લેશે. આ 20 ટીમોને પાંચ-પાંચના ચાર ગ્રુપમાં વહેંચવામાં આવશે. દરેક ગ્રુપમાંથી બે ટીમો સુપર 8 માં જશે. સુપર 8 પછી, સેમિફાઇનલ અને પછી ફાઇનલ રમાશે. ટેસ્ટ રમનારી તમામ 13 ટીમો ચોક્કસપણે T20 વર્લ્ડ કપમાં ભાગ લેશે. આ ઉપરાંત કેનેડા, નેધરલેન્ડ, યુએઈ, નેપાળ, ઓમાન, નામિબિયા અને ઇટાલી પણ મેગા ટુર્નામેન્ટ માટે ક્વોલિફાય થયા છે. ઇટાલી પહેલીવાર T20 વર્લ્ડ કપમાં રમશે. ભારત ડિફેન્ડિંગ ચેમ્પિયન છે, જેણે જૂન 2024 માં સાઉથ આફ્રિકાને હરાવીને T20 વર્લ્ડ કપ જીત્યો હતો.
BCCI અને PCB મી મીટિંગ
હાલમાં, ભારતીય ક્રિકેટ કંટ્રોલ બોર્ડ (BCCI) ના સચિવ દેવજીત સૈકિયા અને પાકિસ્તાન ક્રિકેટ બોર્ડ (PCB) ના અધ્યક્ષ મોહસીન નકવી વચ્ચે એક બેઠક યોજાઈ હતી. આ બેઠક ઓફિશિયલ ICC મીટિંગનો ભાગ ન હતી, પરંતુ અલગ અને અનૌપચારિક રીતે યોજાઈ હતી. આ બેઠકનો હેતુ એશિયા કપ ટ્રોફી વિવાદને ઝડપથી ઉકેલવાનો હતો. ભારતીય ટીમે એશિયા કપ 2025 જીત્યો હતો, પરંતુ હજુ સુધી તેને ટ્રોફી મળી નથી. ભારતીય ટીમે મોહસીન નકવી પાસેથી ટ્રોફી સ્વીકારવાનો ઇનકાર કર્યો હતો, અને ત્યારથી આ વિવાદ ચાલી રહ્યો છે.
