Will Kohli Overtake Sachin Tendulkar 100 Centuries: વિરાટ કોહલી ઓસ્ટ્રેલિયા સામેની વનડે સીરિઝમાં રમશે. આ સીરિઝ વિરાટ કોહલીનું ભવિષ્ય નક્કી કરી શકે છે. વિરાટ કોહલીના ભવિષ્ય અંગે ઘણી અટકળો ફેલાઈ રહી છે. ઘણા મીડિયા રિપોર્ટ્સમાં દાવો કરવામાં આવ્યો છે કે, આ સીરિઝ માત્ર વિરાટ કોહલી માટે જ નહીં પરંતુ રોહિત શર્મા માટે પણ છેલ્લી આંતરરાષ્ટ્રીય સીરિઝ હોઈ શકે છે. જો આવું થાય, તો કોહલી સચિનનો 100 સેંચુરીનો રેકોર્ડ તોડી શકશે નહીં. જોકે, જો વિરાટ કોહલી 2027 ના વર્લ્ડ કપ સુધી રમે છે, તો તેની પાસે માસ્ટર-બ્લાસ્ટર સચિન તેંડુલકરનો 100 સેંચુરીનો રેકોર્ડને તોડવાની તક હશે.
સચિન તેંડુલકરે 13 વર્ષ પહેલાં કરી ભવિષ્યવાણી
13 વર્ષ પહેલાં સચિન તેંડુલકરે ભવિષ્યવાણી કરી હતી કે, તેનો રેકોર્ડ વિરાટ કોહલી અથવા રોહિત શર્મા તોડી શકે છે. વિરાટ કોહલી આવતા મહિને 37 વર્ષનો થશે અને 2027 ના વર્લ્ડ કપ સુધીમાં તે 39 વર્ષનો થઈ જશે. જોકે, વિરાટ કોહલી તેની ફિટનેસ માટે જાણીતો છે. તે આજે પણ સૌથી ફિટ ક્રિકેટરોમાંનો એક છે. જો વિરાટ કોહલી 2027 સુધી વનડે રમવાનું ચાલુ રાખે છે, તો તેની પાસે સચિન તેંડુલકરની ભવિષ્યવાણી પૂરી કરવાની તક છે.
વિરાટ કોહલીને 100 સેંચુરી સુધી પહોંચવા માટે હજુ 18 સેંચુરીની જરૂર
કોહલી પાસે હાલમાં 82 આંતરરાષ્ટ્રીય સેંચુરી છે. 100 સેંચુરી સુધી પહોંચવા માટે તેને હજુ 18 સેંચુરીની જરૂર છે. વિરાટ કોહલી પાસે હાલમાં 51 વનડે સેંચુરી છે. વિરાટ કોહલી ટેસ્ટ અને T20I માંથી નિવૃત્તિ લઈ ચૂક્યો છે. આનો અર્થ એ થયો કે, જો વિરાટ કોહલી સચિન તેંડુલકરના રેકોર્ડ સુધી પહોંચવા ઈચ્છે છે, તો તેણે ફક્ત વનડે દ્વારા જ આ સિદ્ધિ હાંસલ કરવી પડશે.
આ રીતે વિરાટ કોહલી 100 સેંચુરી સુધી પહોંચી શકે
ભારતીય ટીમે 2027 ના ODI વર્લ્ડ કપ સુધી કુલ 24 વનડે મેચ રમવાની છે. ત્યારબાદ, જો ભારતીય ટીમ ફાઇનલમાં પહોંચે છે, તો તેણે 11 મેચ રમવાની રહેશે. પરિણામે, વિરાટ કોહલીએ 2027 ના વર્લ્ડ કપ સુધી કુલ 35 મેચ રમવાની રહેશે. આ 35 મેચોમાં, વિરાટ કોહલીને સચિન તેંડુલકરની 100 સેંચુરી સુધી પહોંચવા માટે 18 સેંચુરી ફટકારવાની જરૂર પડશે.
આ રીતે 100 સેંચુરીનો મહારેકોર્ડ તોડી શક્શે
હવે, વિરાટ કોહલીએ પોતાનું ફોર્મ જાળવી રાખવું પડશે અને કુલ 35 મેચમાં 18 સેંચુરી ફટકારવી પડશે. આનો અર્થ એ થયો કે, કિંગ કોહલીએ દરેક બીજી મેચમાં સેંચુરી ફટકારવાનો પ્રયાસ કરવો પડશે. આ પછી પણ, વિરાટ કોહલી હજુ પણ સચિન તેંડુલકરના 100 સેંચુરીના રેકોર્ડની બરાબરી કરી શકે છે અથવા તોડી શકે છે. જોકે આમ કરવું એ કોઈ ચમત્કારથી ઓછું નહીં હોય. પરંતુ ક્રિકેટ અનિશ્ચિતતાઓનો ખેલ છે, અને અહીં કંઈપણ શક્ય છે.
2027 વર્લ્ડ કપ સુધી ભારતનો ODI શેડ્યૂલ
વર્ષ | ટીમ vs ટીમ | કેટલી મેચો? | ક્યાં દેશમાં? |
|---|---|---|---|
ઓક્ટોબર 2025 | IND vs AUS | 3 ODI | ઓસ્ટ્રેલિયા (વિદેશ પ્રવાસ) |
નવેમ્બર 2025 | IND vs SA | 3 ODI | ભારત (ઘરઆંગણે) |
જાન્યુઆરી 2026 | IND vs NZ | 3 ODI | ભારત (ઘરઆંગણે) |
જૂન 2026 | IND vs AFG | 3 ODI | ભારત (ઘરઆંગણે) |
જુલાઈ 2026 | IND vs ENG | 3 ODI | ઈંગ્લેન્ડ (વિદેશ પ્રવાસ) |
સપ્ટેમ્બર 2026 | IND vs WI | 3 ODI | ભારત (ઘરઆંગણે) |
નવેમ્બર 2026 | IND vs NZ | 3 ODI | ન્યુઝીલેન્ડ (વિદેશ પ્રવાસ) |
ડિસેમ્બર 2026 | IND vs SL | 3 ODI | ભારત (ઘરઆંગણે) |
