Kuldeep Yadav World Record: ભારતીય ટીમના 'ચાઇનામેન' સ્પિનર કુલદીપ યાદવે ઇતિહાસ રચ્યો છે. તે વિશ્વ ક્રિકેટમાં સૌથી વધુ વખત પાંચ વિકેટ લેનાર વિશ્વનો પ્રથમ લેફ્ટ હેન્ડેડ સ્પિનર બન્યો છે. તેમના પહેલા આ મોટી સિદ્ધિ પૂર્વ ઇંગ્લિશ ક્રિકેટર જોની વોર્ડલના નામે નોંધાઈ હતી. જેમને લેફ્ટ હેન્ડેડ સ્પિનર તરીકે 28 મેચમાં 5 વખત 5 વિકેટ લીધી હતી. પરંતુ દિલ્હીમાં વેસ્ટ ઇન્ડીઝ સામેની બીજી ટેસ્ટ મેચમાં કુલદીપ યાદવે પહેલી ઇનિંગમાં ફાઇવ-વિકેટ હૉલ લઈને જોની વોર્ડલને પાછળ છોડી દીધો છે. 30 વર્ષીય ભારતીય સ્ટાર ખેલાડીએ અત્યાર સુધીમાં 15 ટેસ્ટ મેચમાં 5 વખત ફાઇવ-વિકેટ હૉલ લીધી છે.
ટેસ્ટ ક્રિકેટમાં સૌથી ઝડપી પાંચ વિકેટ લેનાર લેફ્ટ હેન્ડેડ સ્પિનરો:
5 વખત - કુલદીપ યાદવ (ભારત) - 15 ટેસ્ટ
5 વખત - જોની વોર્ડલ (ઇંગ્લેન્ડ) - 28 ટેસ્ટ
4 વખત - પોલ એડમ્સ (દક્ષિણ આફ્રિકા) - 45 ટેસ્ટ
પ્રથમ ઇનિંગમાં પાંચ વિકેટ
અરુણ જેટલી સ્ટેડિયમ ખાતે ભારત અને વેસ્ટ ઇન્ડીઝ વચ્ચે રમાયેલી બીજી ટેસ્ટની પ્રથમ ઇનિંગમાં કુલદીપ યાદવ શાનદાર ફોર્મમાં હતો. તેના શાનદાર બોલિંગ પ્રદર્શનનો અંદાજ એ વાત પરથી લગાવી શકાય છે કે, તેને કુલ 26.5 ઓવર ફેંકી હતી, અને તેણે સૌથી વધુ વિકેટ લીધી. 3.05 ના ઇકોનોમી રેટથી 82 રન આપીને 5 વિકેટ લીધી. કુલદીપ યાદવે એલિક એથેનાઝને 41 રનમાં, શાઈ હોપને 36 રનમાં, વિકેટકીપર-બેટ્સમેન ટેવિન ઇમલાચને 21 રનમાં, જસ્ટિન ગ્રીવ્સને 17 રનમાં અને જેડેન સીલ્સને 13 રનમાં આઉટ કર્યા હતા.
કુલદીપ યાદવના વેસ્ટ ઇન્ડીઝ સામેના સ્ટૅટસ
ટેસ્ટ: 4 મેચ-19 વિકેટ-એવરેજ 33.8
ODI: 19 મેચ-33 વિકેટ-એવરેજ 27.3
T20I: 9 મેચ-17 વિકેટ-એવરેજ 12.7
