TVS Apache: ભારતની પ્રખ્યાત બાઇક બ્રાન્ડ TVS Apache એ 20 વર્ષ પૂર્ણ કર્યા છે. આ ખાસ પ્રસંગે, કંપનીએ લિમિટેડ એડિશન મોડલ્સ અને નવા ટોપ-એન્ડ વેરિયન્ટ્સ લોન્ચ કર્યા છે. હવે Apache માત્ર પર્ફોર્મન્સ સાથે જ નહીં પરંતુ ટેકનોલોજી અને પ્રીમિયમ ફીચર્સ સાથે પણ પહેલા કરતાં વધુ એટ્રેક્ટિવ બની ગઈ છે.
લિમિટેડ એડિશન Apache નો ખાસ લુક અને ફીચર
લિમિટેડ એડિશનમાં RTR 160, RTR 180, RTR 200 4V, Apache RTR 310 અને RR 310 જેવા મોડલ્સનો સમાવેશ થાય છે. આ બાઇક્સને ખાસ બનાવવા માટે, તેમને બ્લેક-એન્ડ-શેમ્પેન-ગોલ્ડ લિવરી, ડ્યુઅલ-ટોન એલોય વ્હીલ્સ, USB ચાર્જિંગ પોર્ટ અને 20 મી વર્ષગાંઠનો લોગો આપવામાં આવ્યો છે. તેમની કિંમતો 1,37,990 રૂપિયાથી શરૂ થાય છે અને 3,37,000 રૂપિયા સુધી જાય છે.
નવા ટોપ-એન્ડ વેરિઅન્ટ્સના દમદાર ફીચર
TVS એ RTR 160 4V અને RTR 200 4V માં પણ નવા અપડેટ આપ્યા છે. આમાં LED DRL સાથે ક્લાસ-D પ્રોજેક્ટર હેડલેમ્પ્સ, સંપૂર્ણપણે LED સેટઅપ, 5-ઇંચ TFT ડિસ્પ્લે (Bluetooth અને વૉઇસ આસિસ્ટ સપોર્ટ સાથે), ટ્રેક્શન કંટ્રોલ સિસ્ટમ, આસિસ્ટ અને સ્લિપર ક્લચ જેવા આધુનિક ફીચર્સ સામેલ છે. કલર ઓપ્શનમાં Racing Red, Marine Blue, Matte Black અને Granite gray નો સમાવેશ થાય છે. તેમની કિંમતો રૂ. 1,28,490 થી શરૂ થઈને રૂ. 1,59,990 સુધીની છે.
Apache ની 20 વર્ષની સફર
Apache બાઇક 2005 માં લોન્ચ કરવામાં આવી હતી અને અત્યાર સુધીમાં 65 લાખથી વધુ યુનિટનું વેચાણ કર્યું છે. આ બાઇકનું વેચાણ 80 થી વધુ દેશોમાં થાય છે અને TVS તેની રેસિંગ ટેકનોલોજી માટે જાણીતી છે. આ જ કારણ છે કે, Apache ભારતમાં સૌથી લોકપ્રિય પરફોર્મન્સ બાઇકની બ્રાન્ડ્સમાંની એક બની ગઈ છે.
