EV Cars : ભારતમાં પેટ્રોલ અને ડીઝલના ભાવ સતત વધી રહ્યા છે, જેના કારણે ઘણા લોકો ફ્યુલવાળી ગાડીઓને છોડીને ઇલેક્ટ્રિક વાહનો (EV) તરફ વળી રહ્યા છે. હવે બજારમાં ઘણી બધી ઇલેક્ટ્રિક વ્હીકલ ઉપલબ્ધ છે જે સસ્તી છે અને સારી રેન્જ આપે છે. જો તમે પેટ્રોલના ખર્ચથી બચવા માંગો છો, તો કેટલીક સસ્તી અને લાંબી રેન્જની ઇલેક્ટ્રિક કાર એક સારો ઓપ્શન બની શકે છે. જાણો આ ઇલેક્ટ્રિક કારના ફીચર્સ અને કિંમતો વિશેની માહિતી.
Tata Punch EV : મધ્યમ વર્ગની ફેવરિટ SUV
Tata Motors ની Punch EV અત્યારે ભારતીય બજારમાં સૌથી સસ્તી અને મજબૂત ઇલેક્ટ્રિક SUV પૈકીની એક માનવામાં આવે છે. ફેસલિફ્ટેડ મોડલ લગભગ ₹9.69 લાખથી શરૂ થાય છે. નવી પંચ EV માં મોટું બેટરી પેક આપવામાં આવે છે, જે લગભગ 468km ની રેન્જ ઓફર કરે છે. આ કાર એવા લોકો માટે વધુ સારો ઓપ્શન છે, જેઓ પેટ્રોલ સબ-4 મીટર SUV ને બદલે ઇલેક્ટ્રિક ઓપ્શન ઇચ્છે છે. તેમાં 'બેટરી એઝ અ સર્વિસ' (BaaS) નો ઓપ્શન પણ મળે છે, જેના કારણે કારની શરૂઆતની કિંમતમાં વધુ ઘટાડો થાય છે.
MG Windsor EV : કમ્ફર્ટેબલ અને વ્યવહારુ
MG Windsor EV ને પણ એક સારો અને વ્યવહારુ ઓપ્શન માનવામાં આવે છે. તેની કિંમત ₹12 લાખથી ઓછી છે, જ્યારે BaaS મોડલની કિંમત ₹10 લાખથી ઓછી હોઈ શકે છે. આ ઇલેક્ટ્રિક કાર પૂરતી જગ્યા પ્રદાન કરે છે. તેની રેન્જ સ્ટાન્ડર્ડ મોડલ માટે આશરે 331 કિલોમીટર અને મોટા બેટરી પેક સાથે પ્રો મોડલ માટે 449 કિલોમીટર સુધી હોવાનો અંદાજ છે. જો તમે પ્રીમિયમ ફીચર્સ અને વધુ સ્પેસ વાળી ઇલેક્ટ્રિક કાર શોધી રહ્યા છો, તો MG Windsor EV એક ઉત્તમ ઓપ્શન છે.
Maruti Suzuki e Vitara : વિશ્વસનીયતા અને લાંબી રેન્જ
Maruti Suzuki ની પહેલી ઇલેક્ટ્રિક SUV, E-Vitara ને લઈને ગ્રાહકોમાં ભારે ઉત્સાહ છે. તેની શરૂઆતની કિંમત ₹15.99 લાખ છે, જ્યારે BaaS મોડલ લગભગ ₹10.99 લાખથી શરૂ થાય છે. આ કારની સૌથી મોટી ખાસિયત તેની લાંબી રેન્જ અને મજબૂત સર્વિસ નેટવર્ક છે. E-Vitara 543 કિલોમીટર સુધીની રેન્જ ઓફર કરે છે. લાંબી મુસાફરી કરવા ઈચ્છતા લોકો માટે આ કાર બેસ્ટ સાબિત થઈ શકે છે.
VinFast VF7 : સ્ટાઇલ અને લક્ઝરીનું કોમ્બિનેશન
વિયેતનામી કંપની VinFast ની VF7 કાર તે લોકો માટે છે જેમને સ્ટાઇલ અને પ્રીમિયમ ફીચર્સ પસંદ છે. કંપની આ કારમાં અસંખ્ય ઑફર્સ, ડિસ્કાઉન્ટ અને ફ્રી ચાર્જિંગ જેવા ફીચર્સ આપી રહી છે. તેની શરૂઆતની કિંમત ₹21.89 લાખ છે. VF7 ની રેન્જ 438 થી 532 કિલોમીટરની વચ્ચે છે. તેની ડિઝાઇન અને પર્ફોમન્સ તેને અન્ય EVs થી અલગ પાડે છે.
Mahindra XEV 9S : કનોલોજી અને પાવરનું કોમ્બિનેશન
મહિન્દ્રાની આ ઇલેક્ટ્રિક SUV તેની વિશાળ કેબિન અને આધુનિક ટેકનોલોજી માટે જાણીતી છે. Mahindra XEV 9S ને એક મોટી અને વ્યવહારુ ઇલેક્ટ્રિક SUV પણ માનવામાં આવે છે. તેની શરૂઆતની કિંમત ₹19.95 લાખ છે. તે એક જગ્યા ધરાવતી કેબિન, મોડર્ન ફીચર્સ અને ટ્રિપલ-સ્ક્રીન સેટઅપ જેવી ટેકનોલોજી પ્રદાન કરે છે. આ ઇલેક્ટ્રિક SUV ની રેન્જ આશરે 521 કિમી થી 679 કિમી હોવાનો અંદાજ છે.
