Tata Nexon : આજના સમયમાં દરેક વ્યક્તિ એક એવી કાર ઈચ્છે છે, જે સ્ટાઈલિશ પણ હોય અને ખિસ્સા પર ભારે પણ ન પડે. જો તમે પણ એક એવી SUV શોધી રહ્યા છો, જે રોજિંદા વપરાશમાં વધુ માઇલેજ આપે અને જેનો EMI પ્લાન તમારા બજેટમાં હોય, તો Tata Nexon CNG તમારા માટે શ્રેષ્ઠ ઓપ્શન સાબિત થઈ શકે છે. ટાટાની આ લોકપ્રિય SUV હવે CNG અવતારમાં ધૂમ મચાવી રહી છે.
કિંમત અને ફાઇનાન્સ પ્લાન
ટાટા નેક્સોન CNG ની એક્સ-શોરૂમ કિંમત ₹8.23 લાખથી શરૂ થાય છે. અમદાવાદમાં તેના 'સ્માર્ટ' વેરિઅન્ટની ઓન-રોડ કિંમત (RTO અને વીમા સાથે) આશરે ₹9.37 લાખ સુધી પહોંચે છે. જો તમારું બજેટ ઓછું છે, તો તમે માત્ર ₹1,13,908 નું ડાઉન પેમેન્ટ ભરીને આ શાનદાર ગાડી તમારા ઘરે લાવી શકો છો. આ કિસ્સામાં તમારે બાકીના ₹8.23 લાખની લોન લેવાની રહેશે.
માસિક EMI ની ગણતરી
ધારો કે બેંક તમને 9% ના વ્યાજ દરે 5 વર્ષ (60 મહિના) માટે લોન આપે છે, તો તમારે દર મહિને આશરે ₹17,092 નો હપ્તો (EMI) ચૂકવવો પડશે. જોકે, વ્યાજ દર અને ઓન-રોડ કિંમત અલગ-અલગ શહેરો અને બેંકો મુજબ બદલાઈ શકે છે, તેથી સચોટ માહિતી માટે નજીકની ટાટા ડીલરશીપનો સંપર્ક કરવો હિતાવહ છે.
દમદાર એન્જિન અને પાવર
Tata Nexon CNG માં 1.2-લિટર ટર્બોચાર્જ્ડ પેટ્રોલ એન્જિન આપવામાં આવ્યું છે. CNG મોડમાં આ એન્જિન 100bhp નો પાવર અને 170nm નો ટોર્ક જનરેટ કરે છે. આ ભારતની પહેલી એવી SUV છે જેમાં 'ટ્વીન-સિલિન્ડર' ટેકનોલોજીનો ઉપયોગ થયો છે. આ ટેકનોલોજીને કારણે CNG ટેન્ક હોવા છતાં બૂટ સ્પેસ (સામાન રાખવાની જગ્યા) માં કોઈ ઘટાડો થતો નથી. તેમાં 6-સ્પીડ મેન્યુઅલ ટ્રાન્સમિશન મળે છે જે ડ્રાઇવિંગને સ્મૂધ બનાવે છે.
માઇલેજ અને લાંબી રેન્જ
માઇલેજની વાત કરીએ તો, નેક્સોન CNG પેટ્રોલ અને CNG બંને મોડમાં પ્રતિ લિટર/કિલો દીઠ આશરે 17 કિલોમીટરની માઇલેજ આપે છે. આ કારમાં 44 લિટરની પેટ્રોલ ટાંકી અને 9 કિલોની ક્ષમતાનું CNG સિલિન્ડર છે. જો તમે બંને ટાંકી ફુલ કરાવો છો, તો આ SUV એકવારમાં 800 કિલોમીટરથી પણ વધુનું અંતર કાપી શકે છે. આ ફીચર તેને લાંબી મુસાફરી અને હાઈવે ડ્રાઈવિંગ માટે બેસ્ટ બનાવે છે.
