Maruti Fronx CNG : ભારતીય ઓટોમોબાઈલ માર્કેટમાં અત્યારે SUV લુક ધરાવતી અને વધુ માઇલેજ આપતી કારોનો ક્રેઝ વધી રહ્યો છે. ખાસ કરીને મધ્યમ વર્ગના પરિવારો માટે મારુતિ સુઝુકીની કાર હંમેશા પ્રથમ પસંદગી રહી છે. મારુતિ ફ્રોન્ક્સ (Fronx) તેના પ્રીમિયમ લુક અને શાનદાર ફીચર્સને કારણે લોકપ્રિય છે. જો તમે પણ નવી કાર લેવાનું વિચારી રહ્યા છો, તો ફ્રોન્ક્સ CNG એક શ્રેષ્ઠ ઓપ્શન બની શકે છે. જાણો કે ₹17,000 ના હપ્તે આ કાર કેવી રીતે તમારી બની શકે છે.
કિંમત અને ડાઉન પેમેન્ટનું ગણિત
મારુતિ ફ્રોન્ક્સના સિગ્મા CNG વેરિઅન્ટની અમદાવાદમાં અંદાજિત ઓન-રોડ કિંમત ₹8.74 લાખ છે. જો તમારી પાસે એકસાથે આટલા પૈસા નથી, તો તમે ફાઇનાન્સનો ઓપ્શન પસંદ કરી શકો છો. જો તમે ₹2 લાખનું ડાઉન પેમેન્ટ ભરો છો, તો તમારે આશરે ₹6.74 લાખની લોન લેવી પડશે.
EMI અને લોનનો સમયગાળો
જો બેંક તમને 9.8% ના વ્યાજ દરે લોન આપે છે, તો અલગ-અલગ વર્ષ મુજબ તમારો માસિક હપ્તો (EMI) આ પ્રમાણે રહેશે:
4 વર્ષ માટે : તમારે દર મહિને આશરે ₹17,044 ચૂકવવા પડશે.
3 વર્ષ માટે : જો તમે જલ્દી લોન પૂરી કરવા માંગો છો, તો EMI ₹21,703 રહેશે.
2 વર્ષ માટે : ટૂંકા ગાળાની લોન માટે દર મહિને ₹31,066 નો હપ્તો આવી શકે છે.
એન્જિન અને પાવરફુલ પરફોર્મન્સ
આ કારમાં 1.2-લિટરનું પેટ્રોલ એન્જિન આપવામાં આવ્યું છે, જે CNG મોડમાં આશરે 76bhp નો પાવર અને 98.5nm નો ટોર્ક જનરેટ કરે છે. તેમાં 5-સ્પીડ મેન્યુઅલ ગિયરબોક્સ મળે છે, જે સિટી ડ્રાઇવિંગ અને હાઇવે બંને માટે આરામદાયક અનુભવ આપે છે.
માઇલેજમાં નંબર વન
પૈસાની બચત કરવા માંગતા લોકો માટે આ કાર વરદાન સમાન છે. કંપનીના દાવા મુજબ, મારુતિ ફ્રોન્ક્સ CNG પ્રતિ કિલોગ્રામ 28.51 કિલોમીટરની માઇલેજ આપે છે. આટલી શાનદાર માઇલેજને કારણે તે બજારમાં ઉપલબ્ધ અન્ય કારો કરતા વધુ આર્થિક સાબિત થાય છે.
