Tata Motors has recently made a very special announcement: ટાટા મોટર્સે હાલમાં એક ખૂબ જ ખાસ જાહેરાત કરી છે. કંપનીએ 2025 વર્લ્ડ કપ જીતનાર ભારતીય મહિલા ક્રિકેટ ટીમના દરેક ખેલાડીને તેની આગામી નવી Tata Sierra SUV ભેટમાં આપવાનો નિર્ણય લીધો છે. મહિલા ખેલાડીઓનું દમદાર પર્ફોર્મન્સ અને તેમની ઐતિહાસિક જીતને ધ્યાનમાં રાખીને આ નિર્ણય લેવામાં આવ્યો છે. જાણો સંપૂર્ણ માહિતી.
નવી Tata Sierra 25 નવેમ્બરે લોન્ચ થશે.
ટાટા મોટર્સ 25 નવેમ્બરે તેની આઇકોનિક SUV, Sierra લોન્ચ કરી રહી છે. આ SUV કંપનીનું અત્યાર સુધીનું સૌથી અદ્યતન અને ફીચર્સઓથી ભરપૂર હશે. તેમાં વધુ સારી મોર્ડન ડિઝાઇન, પ્રીમિયમ ઇન્ટિરિયર અને લક્ઝરી ફીચર્સ હશે. નવી Sierra માં ત્રણ ડિજિટલ સ્ક્રીન, સારી બેઠક વ્યવસ્થા અને અસંખ્ય ફીચર્સ હશે જે ડ્રાઇવિંગને સરળ બનાવશે. ટાટા મોટર્સ કહે છે કે, આ SUV "કમ્ફર્ટ અને ફીચર્સ" બંનેને ધ્યાનમાં રાખીને ડિઝાઇન કરવામાં આવી છે.
લક્ઝરી લુક સાથે હાઇ-ટેક ફીચર
નવી Tata Sierra SUV અનેક પ્રીમિયમ અને અદ્યતન ફીચર્સ સાથે ડિઝાઇન કરવામાં આવી છે. આ SUV ફક્ત ડિઝાઇનની દ્રષ્ટિએ જ નહીં પરંતુ ફીચર્સની દ્રષ્ટિએ પણ અનોખી છે. Tata Sierra માં ત્રણ ડિસ્પ્લે સ્ક્રીન હશે - એક ડ્રાઇવરના ઇન્સ્ટ્રુમેન્ટ ક્લસ્ટર માટે, બીજી સેન્ટ્રલ ઇન્ફોટેનમેન્ટ સિસ્ટમ માટે અને ત્રીજી પેસેન્જર સ્ક્રીન માટે. વધુમાં, કારમાં પેનોરેમિક સનરૂફ, LED હેડલાઇટ્સ, JBL સાઉન્ડ સિસ્ટમ અને વેન્ટિલેટેડ સીટો જેવા ફીચર્સ હશે.
કનેક્ટિવિટી અને ટેકનોલોજી ફીચર્સ
આ SUV માં 540-ડિગ્રી સરાઉન્ડ કેમેરા વ્યૂ, વાયરલેસ એન્ડ્રોઇડ ઓટો અને એપલ કારપ્લે અને વાયરલેસ મોબાઇલ ચાર્જિંગ હશે. આ ફીચર ડ્રાઇવરોને વાયરની ઝંઝટ વગર સુધારેલી વિઝિબિલિટી અને વાયરલેસ સ્માર્ટફોન કનેક્ટિવિટી આપે છે. સેફટીની દ્રષ્ટિએ, Tata Sierra માં Level-2 ADAS (Advanced Driver Assistance System), ABS, EBD, ESC, હિલ આસિસ્ટ અને ISOFIX ચાઇલ્ડ સીટ એન્કરેજ જેવા અદ્યતન ફીચર્સ સામેલ હશે. ટાયર પ્રેશર મોનિટરિંગ સિસ્ટમ (TPMS) પણ આપવામાં આવી છે, જે મુસાફરી દરમિયાન સેફટીમાં વધારો કરે છે.
દરેક ખેલાડીઓને મળશે Sierra
વર્લ્ડ કપ વિજેતા ભારતીય મહિલા ક્રિકેટ ટીમના દરેક ખેલાડીને Tata Sierra નું ટોપ-એન્ડ વેરિઅન્ટ ભેટમાં આપવામાં આવશે. આ ટીમમાં કેપ્ટન હરમનપ્રીત કૌર, વાઇસ-કેપ્ટન સ્મૃતિ મંધાના, જેમિમાહ રોડ્રિગ્સ, શેફાલી વર્મા, દીપ્તિ શર્મા, સ્નેહ રાણા, રેણુકા સિંહ, રાધા યાદવ અને અન્ય ઘણા સ્ટાર ખેલાડીઓ સહિત 16 ખેલાડીઓનો સમાવેશ થાય છે. આ બધા ખેલાડીઓએ શાનદાર પ્રદર્શન કર્યું અને ફાઇનલમાં સાઉથ આફ્રિકાને હરાવીને ભારતને ગૌરવ અપાવ્યું. તેમની મહેનત અને ટીમ ભાવનાને ધ્યાનમાં રાખીને, ટાટા મોટર્સે આ ખાસ ભેટ આપવાનું નક્કી કર્યું.
ટાટા મોટર્સનું નિવેદન
ટાટા મોટર્સ પેસેન્જર વ્હીકલ્સ લિમિટેડના MD અને CEO શૈલેષ ચંદ્રાએ જણાવ્યું હતું કે, “ભારતીય મહિલા ક્રિકેટ ટીમે તેમના દમદાર પ્રદર્શનથી સમગ્ર દેશને ગૌરવ અપાવ્યું છે. અમને આ દિગ્ગજ ખેલાડીઓને અમારી નવી Tata Sierra SUV ભેટમાં આપતા ગર્વ થાય છે. આ સન્માન તેમની હિંમત, સમર્પણ અને સિદ્ધિઓને સલામ છે.”
