મારુતિ ડિઝાયર અને હોન્ડા અમેઝ માંથી કઈ સેડાન છે સૌથી બેસ્ટ? : જાણો ઓછી EMI કઈ કારમાં આવશે

Maruti Dzire or Honda Amaze : ભારતીય ઓટોમોબાઈલ માર્કેટમાં હાલ ભલે SUV કારનો ક્રેઝ સતત વધ્યો રહ્યો હોય, પરંતુ સબ-4 મીટર સેડાન સેગમેન્ટમાં હજુ પણ કેટલીક કારોનો દબદબો જોવા મળી રહ્યો છે. ખાસ કરીને મારુતિ સુઝુકી ડિઝાયર (Maruti Suzuki Dzire) અને હોન્ડા અમેઝ (Honda Amaze) આ સેગમેન્ટની સૌથી લોકપ્રિય કાર છે. મધ્યમ વર્ગના પરિવારો અને ટેક્સીમાં પણ આ બંને કારની ભારે માંગ જોવા મળે છે. જો તમે પણ આ બેમાંથી કોઈ એક કાર ખરીદવાનું વિચારી રહ્યા છો, તો આ આર્ટિકલ તમને યોગ્ય નિર્ણય લેવામાં મદદ કરશે.

બજારમાં મજબૂત પકડ

ભારતીય રસ્તાઓ પર મારુતિ ડિઝાયર અને હોન્ડા અમેઝ વર્ષોથી જોવા મળે છે. SUV ના જમાનામાં પણ આ સેડાન કારો તેના કમ્ફર્ટ અને લુકને કારણે વેચાઈ રહી છે. આ બંને કાર ગ્રાહકોની સાથે બિઝનેસ મેન લોકો માટે પણ ઉપયોગની પ્રથમ પસંદગી છે.

નવા અપડેટ્સ અને પાવરફુલ એન્જિન

હાલમાં જ મારુતિ અને હોન્ડા બંનેએ પોતાની લોકપ્રિય સેડાનને નવા લુકમાં રજૂ કરી છે.

મારુતિ ડિઝાયર : કંપનીએ ડિઝાયરમાં નવું 1.2-લિટર, ત્રણ-સિલિન્ડર પેટ્રોલ એન્જિન આપ્યું છે. જે વધુ માઇલેજ અને સ્મૂધ ડ્રાઇવિંગનો એક્સપિરિયન્સ આપે છે.

હોન્ડા અમેઝ : આમાં 1.2-લિટર પેટ્રોલ એન્જિન મળે છે. હોન્ડાનું આ એન્જિન તેના લાંબા આયુષ્ય અને શાનદાર પરફોર્મન્સ માટે જાણીતું છે.

કિંમતની સરખામણી

જો તમારું બજેટ મર્યાદિત છે, તો આ બંને કારની કિંમતમાં મોટો તફાવત જોવા મળી રહ્યો છે. મારુતિ ડિઝાયરની એક્સ-શોરૂમ કિંમત લગભગ ₹6.25 લાખથી શરૂ થઈને ₹9.31 લાખ સુધી જાય છે. જ્યારે હોન્ડા અમેઝની એક્સ-શોરૂમ કિંમત ₹7.47 લાખથી શરૂ થઈ ₹9.99 લાખ સુધીની છે. આમ, કિંમતની દ્રષ્ટિએ ડિઝાયર થોડી સસ્તી સાબિત થાય છે.

ટોપ વેરિઅન્ટ અને EMI નું ગણિત

ઘણીવાર ગ્રાહકો ટોપ વેરિઅન્ટ ખરીદવાનું પસંદ કરતાં હોય છે. મારુતિ ડિઝાયરનું ટોપ વેરિઅન્ટ (ZXi Plus Petrol Automatic) હોન્ડા અમેઝના ટોપ મોડલ (ZX 1.2 Petrol CVT) કરતાં સસ્તું હોવાને કારણે તેની EMI પણ ઓછી રહે છે.

EMI નો અંદાજ

જો આપણે 9.5% વ્યાજ દર અને 24 થી 84 મહિનાની લોન અવધિ ગણીએ, તો અંદાજિત તફાવત નીચે મુજબ હોઈ શકે છે:

(નોંધ: વાસ્તવિક EMI બેંકના નિયમો અને ડાઉન પેમેન્ટ પર આધારિત રહેશે.)

કઈ કાર ખરીદવી જોઈએ?

જો તમે ઓછી કિંમત અને વધુ માઇલેજ વાળી કાર શોધી રહ્યા છો, તો મારુતિ ડિઝાયર એક શ્રેષ્ઠ ઓપ્શન છે. પરંતુ જો તમે હોન્ડાનો ભરોસો અને પ્રીમિયમ એક્સપિરિયન્સ ઈચ્છો છો, તો થોડી વધુ કિંમત ચૂકવીને હોન્ડા અમેઝ તરફ જઈ શકાય છે.