દિવાળીની મીઠી શરૂઆત કરો ઘરે બનાવો નરમ અને સ્પોન્જી રસગુલ્લા, મહેમાનો કરશે ગુણગાન! બજારની મી્ઠાઈઓમાં ભેળસેળનો ડર હોય છે, જે સ્વાસ્થ્ય માટે હાનિકારક હોઈ શકે છે. તેથી, આ તહેવારોમાં ઘરે જ બનાવો આ સરળ રેસીપી અને મહેમાનોના દિલ જીતી લો. ચાલો, નોંધી લો આ ખાસ રસગુલ્લા રેસીપી.
સામગ્રી
1 કિલો દૂધ
1 લીંબુ
500 ગ્રામ ખાંડ
4 કપ પાણી
બનાવવાની રીત
દૂધ ઉકાળો: એક પેનમાં દૂધ ગરમ કરો. ઉકળે પછી તેને થોડું ઠંડું થવા દો (લગભગ 20% ઠંડું).
લીંબુનું મિશ્રણ તૈયાર કરો: એક બાઉલમાં લીંબુનો રસ અને સમાન માત્રામાં પાણી મિક્સ કરો.
છેના બનાવો: ઠંડું થયેલું દૂધ હલાવો અને તેમાં લીંબુ-પાણીનું મિશ્રણ ધીમે-ધીમે ઉમેરો. દૂધ દહીં થઈ જાય એટલે તેને સુતરાઉ કાપડમાં ગાળી લો. છેનાને ઠંડા પાણીથી ધોઈને પાણી નિચોવી લો.
છેના તૈયાર કરો: છેનાને બાઉલમાં લઈ, તેને સારી રીતે મેશ કરો જેથી તે સ્મૂધ થાય. આ મિશ્રણમાંથી નાના ગોળ રસગુલ્લા બનાવો.
ચાસણી બનાવો: પ્રેશર કૂકરમાં 500 ગ્રામ ખાંડ અને 4 કપ પાણી નાખી, ખાંડ ઓગળે ત્યાં સુધી ઉકાળો.
રસગુલ્લા રાંધો: તૈયાર ચાસણીમાં રસગુલ્લા ઉમેરો. કૂકરનું ઢાંકણ બંધ કરો, એક સીટી થાય પછી ગેસ ધીમો કરો અને 5-7 મિનિટ રાંધો.
ઠંડા કરો: કૂકરનું પ્રેશર છૂટે પછી રસગુલ્લાને બાઉલમાં કાઢો, ચાસણી રેડો અને ઠંડા થવા દો.
સ્ટોરેજ ટિપ: આ રસગુલ્લાને રેફ્રિજરેટરમાં સ્ટોર કરો.
ઠંડા રસગુલ્લાનો સ્વાદ બાળકોથી લઈને મોટેરાં સુધી બધાને ભાવશે! આ દિવાળીએ આ સરળ રેસીપી અજમાવો અને તહેવારને બનાવો યાદગાર!
