Citroen Basalt X Range: Citroen કંપનીની ભારતીય બજારમાં તેની આગામી કારની ઓફર માટે પ્રી-બુકિંગ શરૂ કરી દીધું છે. ગ્રાહકો આ કારને દેશભરના ડીલરશીપ નેટવર્ક અથવા કંપનીના ઓનલાઈન પ્લેટફોર્મ પરથી ફક્ત 11,000 રૂપિયા ચૂકવીને બુક કરાવી શકે છે. આ SUV કંપનીની નવી વ્યૂહરચના 'Citroen 2.0 – Shift Into the New' નો એક મહત્વપૂર્ણ ભાગ માનવામાં આવે છે.
ફીચર્સ અને ઇન્ટિરિયર
કંપની કહે છે કે, નવી Basalt X Range ને પહેલા કરતાં વધુ સ્માર્ટ અને વધુ પ્રીમિયમ બનાવવામાં આવી છે. તેમાં રિફ્રેશ્ડ ઇન્ટિરિયર, નવી સુવિધાઓ અને અદ્યતન ટેકનોલોજીનો સમાવેશ થાય છે જે ડ્રાઇવિંગને વધુ સરળ અને વધુ આરામદાયક બનાવશે. લોન્ચ પહેલા રિપોર્ટ્સ અનુસાર સ્પષ્ટ થાય છે કે, તેની ડિઝાઇન વર્તમાન મોડલ કરતાં વધુ આધુનિક અને પ્રીમિયમ ફીલ આપશે.
કંપનીની વ્યૂહરચના
Citroen ની આ કારને લોન્ચ દ્વારા ભારતીય બજારમાં મધ્યમ કદની SUV અને ક્રોસઓવર સેગમેન્ટમાં તેની પકડ મજબૂત કરવાનો છે. કંપનીએ હજુ સુધી તેના વેરિઅન્ટ અને કિંમત જાહેર કરી નથી, પરંતુ લોન્ચ સમયે સંપૂર્ણ વિગતો જાહેર કરવામાં આવશે. હાલમાં, ગ્રાહકો પાસે ઓનલાઈન અને ઓફલાઈન બંને માધ્યમો દ્વારા સરળ બુકિંગનો વિકલ્પ છે.
કંપનીનું નિવેદન
સ્ટેલેન્ટિસ ઇન્ડિયાના બિઝનેસ હેડ અને ડિરેક્ટર કુમાર પ્રિયેશે જણાવ્યું હતું કે, Basalt X Range કંપની માટે એક મોટું પગલું છે. તેમના મતે, આ SUV ગ્રાહકોને એક આરામદાયક અને આત્મવિશ્વાસપૂર્ણ ડ્રાઇવિંગનો અનુભવ આપશે. ઉપરાંત, આ લોન્ચિંગ Citroen ની 2.0 વ્યૂહરચનાને પણ મજબૂત બનાવશે, જે ગ્રાહક-કેન્દ્રિત ડિઝાઇન અને અદ્યતન ટેકનોલોજી પર ધ્યાન કેન્દ્રિત કરે છે. તમને જણાવી દઈએ કે, Citroen Basalt X Range ની પ્રી-બુકિંગે ભારતીય ઓટો માર્કેટમાં હલચલ કરી દીધી છે. ગ્રાહકો ફક્ત 11,000 રૂપિયામાં રિઝર્વેશનનો વિકલ્પ પસંદ કરી રહ્યા છે. હવે બધાની નજર લોન્ચ ઇવેન્ટ પર છે, જ્યાં તેના ફીચર્સ, વેરિઅન્ટ્સ અને કિંમત વિશે સંપૂર્ણ માહિતી જાહેર કરવામાં આવશે. જો તમે સ્ટાઇલિશ અને એડવાન્સ્ડ SUV ખરીદવાનું વિચારી રહ્યા છો, તો Basalt X તમારા માટે એક સારો વિકલ્પ સાબિત થઈ શકે છે.
