TVS Star City Plus and Hero Splendor Plus: ભારત સરકારે ટુ-વ્હીલર પરનો GST 28% થી ઘટાડીને 18% કર્યો છે. પરિણામે, બાઇક અને સ્કૂટર ખરીદવાનું પહેલા કરતા સસ્તું થયું છે. Hero Splendor Plus ની હાલની એક્સ-શોરૂમ કિંમત ₹80,166 છે, જે GST ઘટાડા પછી લગભગ ₹74,359 થઈ છે. TVS Star City Plus ની એક્સ-શોરૂમ કિંમત ₹78,586 હતી. જે GST ઘટાડા પછી, આ કિંમત ₹69,500 ની આસપાસ છે. જાણો બંને બાઇકના એન્જિન, પર્ફોર્મન્સ અને ફીચર્સ વિશે વિગતવાર.
Hero Splendor Plus માઇલેજ અને એન્જિન
Hero Splendor Plus સૌથી વધુ માઇલેજ આપતી મોટરસાઇકલોમાંની એક છે. એર-કૂલ્ડ, 4-સ્ટ્રોક, સિંગલ-સિલિન્ડર, OHC એન્જિન દ્વારા સંચાલિત, Splendor Plus 8,000rpm પર 5.9kW પાવર અને 6,000rpm પર 8.05Nm ટોર્ક ઉત્પન્ન કરે છે. તે પ્રોગ્રામ કરેલ ફ્યુઅલ ઇન્જેક્શન સિસ્ટમ સાથે આવે છે. Hero Splendor Plus એક લિટર પેટ્રોલમાં આશરે 70-73 કિલોમીટર મુસાફરી કરી શકે છે. બાઇકની ફ્યુઅલ ટાંકી ક્ષમતા 9.8 લિટર છે, તેને એકવાર ફુલ કરવા પર આશરે 700 કિલોમીટર સુધીની મુસાફરી સરળતાથી કરી શકાય છે. ઓછી કિંમતે તેના હાઇ માઇલેજ માટે આ બાઇક ખૂબ જ માંગમાં છે.
TVS Star City Plus માઇલેજ અને એન્જિન
TVS બાઇકને ઘણીવાર તેમના સારા માઇલેજ માટે પસંદ કરવામાં આવે છે. TVS Star City Plus BS-6 એન્જિન આપવામાં આવ્યું છે. તેમાં 109cc એન્જિન અને 4-સ્પીડ મેન્યુઅલ ટ્રાન્સમિશન છે. માઇલેજની વાત કરીએ તો, આ બાઇક પ્રતિ લિટર 70 કિલોમીટરની માઇલેજ આપી શકે છે. તેનું એન્જિન 7,350rpm પર 8.08bhp નો મહત્તમ પાવર અને 4,500rpm પર 8.7Nm નો ટોર્ક જનરેટ કરે છે. તેનું એન્જિન 4-સ્પીડ ગિયરબોક્સથી સંકળાયેલ છે. તેમાં 17 ઇંચના વ્હીલ્સ છે, જે ટ્યુબલેસ ટાયર સાથે આવે છે.
