ભારતીય ઓટો મોબાઈલના દિગ્ગજ ટાટા મોટર્સે દક્ષિણ આફ્રિકામાં ચાર નવા મોડલ- Harrier, Curvv, Punch અને Tiago લોન્ચ કર્યા છે. જોહાનિસબર્ગના સેન્ડટનમાં આયોજિત આ કાર્યક્રમમાં સ્પષ્ટ થયું કે, કંપની હવે ભારતની બહાર પણ તેની કાર બહારના દેશોમાં પણ પોતાની કાર્સ લોન્ચ કરી રહ્યા છે.
સ્થાનિક બજાર અનુસાર ડિઝાઇન
ટાટા મોટર્સે દક્ષિણ આફ્રિકાની સૌથી મોટી ઓટો મોબાઈલ વિતરણ કંપની, Motus Holdings સાથે ભાગીદારીમાં આ લોન્ચ કર્યું છે. આ વાહનો ખાસ કરીને ત્યાંના ગ્રાહકોની જરૂરિયાતો અને રસ્તાઓને ધ્યાનમાં રાખીને ડિઝાઇન કરવામાં આવ્યા છે. Harrier એક પ્રીમિયમ SUV છે, Curvv તેની સ્પોર્ટી ડિઝાઇન અને અદ્યતન સુવિધાઓથી આકર્ષાય છે, Punch એક કોમ્પેક્ટ અને સ્ટાઇલિશ SUV છે, જ્યારે Tiago શહેરો માટે એક સ્માર્ટ અને સસ્તી હેચબેક કાર છે.
વેચાણ અને ડીલરશીપનું મોટું લક્ષ્ય
છેલ્લા પાંચ વર્ષમાં, ભારતમાં ટાટા મોટર્સના વેચાણમાં 350% નો વધારો થયો છે. હવે કંપનીનું લક્ષ્ય દક્ષિણ આફ્રિકામાં પણ આવી જ સફળતા પ્રાપ્ત કરવાનું છે. હાલમાં, કંપની પાસે ત્યાં 40 ડીલરશીપ છે, જે 2026 સુધીમાં 60 સુધી વધારવાની યોજના ધરાવે છે. આનાથી ગ્રાહકો સુધી પહોંચવામાં સરળતા રહેશે અને તેમને વેચાણ પછીની સેવા વધુ સારી મળશે.
કંપની મેનેજમેન્ટનું વિઝન
ટાટા મોટર્સના મેનેજિંગ ડિરેક્ટર શૈલેષ ચંદ્રાએ જણાવ્યું હતું કે, દક્ષિણ આફ્રિકામાં આ લોન્ચ તેમની વૈશ્વિક યાત્રામાં એક મહત્વપૂર્ણ સીમાચિહ્નરૂપ છે. બીજી તરફ, Motus Holdings ના સીઈઓ Okkert Jans van Rensburg એ જણાવ્યું હતું કે, આ ભાગીદારી ફક્ત કાર વેચવા પૂરતી મર્યાદિત નથી, પરંતુ તે સ્થાનિક લોકો માટે વિશ્વાસ અને સારી ગતિશીલતાના ભવિષ્યના નિર્માણ તરફ એક પગલું છે. તમને જણાવી દઈએ કે, ટાટા મોટર્સ ફક્ત કાર વેચવા પર ધ્યાન કેન્દ્રિત કરશે નહીં, પરંતુ સ્થાનિક લોકો માટે રોજગાર, કૌશલ્ય વિકાસ અને તાલીમ કાર્યક્રમોમાં પણ રોકાણ કરશે. ઉપરાંત, ગ્રાહકોને આકર્ષવા માટે, કંપની સસ્તા ફાઇનાન્સિંગ વિકલ્પો પ્રદાન કરશે, જેથી વધુ લોકો સરળતાથી નવા વાહનો ખરીદી શકે.
_14a98e19-0e84-4c36-99a8-6e5cf1feab6e.jpg&w=384&q=75)
