Tara Sutaria In Movie Toxic: સાઉથ સુપરસ્ટાર યશની મોસ્ટ અવેઇટેડ ફિલ્મ 'Toxic' માંથી અભિનેત્રી તારા સુતારિયાનો ફર્સ્ટ લુક રિલીઝ થયો છે. તારા આ ફિલ્મમાં રેબેકાનું પાત્ર ભજવશે, જે એક રહસ્યમય, આકર્ષક અને નાજુક પરંતુ ખતરનાક કેરેક્ટર છે. પોસ્ટરમાં તારા બોલ્ડ અને ફિયર્સ અવતારમાં જોવા મળી રહી છે – હાથમાં ગન પકડીને, મેટાલિક આઉટફિટ અને લેસ ગ્લવ્ઝમાં તેનો લુક એકદમ પાવરફુલ અને ડાર્ક છે.
સોશિયલ મીડિયા પર આ પોસ્ટર શેર
યશ અને ફિલ્મના નિર્માતાઓએ સોશિયલ મીડિયા પર આ પોસ્ટર શેર કર્યું છે, જેમાં કેપ્શનમાં લખ્યું છે: "Introducing Tara Sutaria as REBECCA in - A Toxic Fairy Tale For Grown-Ups." આ પોસ્ટર જોતાં જ લાગે છે કે રેબેકા ફિલ્મમાં એક મજબૂત અને સર્વાઇવલ ઇન્સ્ટિંક્ટવાળું પાત્ર હશે.
આ ફિલ્મ યશની KGF પછીની મોટી કમબેક
તારા સુતારિયા પહેલાં ફિલ્મમાંથી કિયારા અડવાણી (નાદિયા), હુમા કુરેશી (એલિઝાબેથ) અને નયનતારા (ગંગા)ના લુક્સ રિલીઝ થયા હતા. દરેક અભિનેત્રીનો અવતાર અનોખો અને પાવરફુલ છે, જેનાથી લાગે છે કે ફિલ્મમાં મહિલા પાત્રો મુખ્ય ભૂમિકા ભજવશે.આ મેગા-બજેટ પીરિયડ ગેંગ્સ્ટર ડ્રામા ફિલ્મનું નિર્દેશન ગીતુ મોહનદાસે કર્યું છે. આ ફિલ્મ યશની KGF પછીની મોટી કમબેક છે અને તે 19 માર્ચ 2026ના રોજ સિનેમાઘરોમાં રિલીઝ થશે. યશના ચાહકો આ ફિલ્મની આતુરતાપૂર્વક રાહ જોઈ રહ્યા છે!
