Mirzapur: પ્રતીક્ષાનો અંત આવ્યો! પ્રાઇમ વિડિઓની સુપરહિટ વેબ સિરીઝ મિર્ઝાપુર હવે બિગ સ્ક્રીન પર આવી રહી છે. એમેઝોન એમજીએમ સ્ટુડિયોઝ અને એક્સેલ એન્ટરટેઈનમેન્ટે 'Mirzapur' ની રિલીઝ તારીખ જાહેર કરી છે – 4 સપ્ટેમ્બર, 2026.
જીપોનો કાફલો ધૂળ ઉડાવતો દેખાય
તાજેતરમાં રિલીઝ થયેલા ઇન્ટેન્સ પોસ્ટરમાં રણના ઉજ્જડ લેન્ડસ્કેપ વચ્ચે જીપોનો કાફલો ધૂળ ઉડાવતો દેખાય છે. સૌથી આકર્ષક અને શોકિંગ એલિમેન્ટ તરીકે એક શરીરને વાહન પાછળ ખેંચી જતું બતાવવામાં આવ્યું છે, જે રેતી પર લોહીના નિશાન છોડી દે છે – આ ફ્રેન્ચાઇઝીની ક્રૂર અને બેફામ હિંસાને સીધી રીતે દર્શાવે છે. પોસ્ટર સાથે કેપ્શન છે: "અબ દેખિયે ભૌકાલ બડે પર્દે પર!"
આ ફિલ્મ સિરીઝની સ્ટોરીને આગળ વધારે છે અને બિગ સ્ક્રીન પર વધુ સિનેમેટિક સ્કેલ સાથે રજૂ થશે. મુખ્ય કલાકારોમાં પંકજ ત્રિપાઠી (કાલીન ભૈયા), અલી ફઝલ (ગુડ્ડુ પંડિત), શ્વેતા ત્રિપાઠી (ગોલુ ગુપ્તા) અને અભિષેક બેનર્જી (કમ્પાઉન્ડર) પરત ફરી રહ્યા છે. સૌથી મોટો સરપ્રાઇઝ એ છે કે દિવ્યેન્દુ મુન્ના ભૈયા તરીકે પરત આવી રહ્યા છે – જો કે સીરીઝમાં તેમના પાત્રનું મૃત્યુ થયું હતું.
ફિલ્મનું નિર્દેશન ગુરમીત સિંહએ કર્યું
નવા ચહેરાઓમાં જીતેન્દ્ર કુમાર અને સોનલ ચૌહાણ પણ મિર્ઝાપુરની દુનિયામાં એન્ટ્રી કરશે. ફિલ્મનું નિર્દેશન ગુરમીત સિંહએ કર્યું છે, જેમણે ઓરિજિનલ સિરીઝના ઘણા એપિસોડ્સ ડાયરેક્ટ કર્યા હતા. નિર્માણ ફરહાન અખ્તર અને રિતેશ સિધવાની એક્સેલ એન્ટરટેઈનમેન્ટ બેનર હેઠળ થયું છે. શૂટિંગ ફેબ્રુઆરી ૨૦૨૬માં પૂર્ણ થઈ ગયું હતું. મિર્ઝાપુરના ફેન્સ માટે આ એક મોટું ગિફ્ટ છે – OTTથી થિયેટર્સ સુધીની આ યાત્રા ભૌકાલને નવી ઊંચાઈઓ આપશે!
