Dhurandhar 2: રણવીર સિંહ અભિનીત 'Dhurandhar 2' એ બોક્સ ઓફિસ પર ધમાલ મચાવી દીધી છે. ફિલ્મે પહેલા દિવસે જ ₹102.55 કરોડની નેટ કમાણી કરીને બોલિવૂડના તમામ રેકોર્ડ તોડી નાખ્યા હતા. બીજા દિવસે પણ તેણે અસાધારણ પ્રદર્શન કર્યું અને ₹80.72 કરોડની નેટ કમાણી કરી. આ સાથે ફિલ્મનું કુલ નેટ કલેક્શન ₹226.27 કરોડ પર પહોંચી ગયું છે, જેનાથી તે માત્ર બીજા દિવસે જ 200 કરોડ ક્લબમાં સામેલ થઈ ગઈ છે.
આ ફિલ્મ રણવીર સિંહની કરિયરની સૌથી મોટી હિટ સાબિત થઈ રહી છે. તેના ડાયરેક્ટર આદિત્ય ધરે આ સ્પાય થ્રિલરને એવી રીતે રજૂ કરી છે કે પ્રેક્ષકોમાં ભારે ક્રેઝ જોવા મળી રહ્યો છે.
પુષ્પા 2 અને જવાનના રેકોર્ડ તોડ્યા
'Dhurandhar 2'એ બીજા દિવસના કલેક્શનમાં અનેક મોટી ફિલ્મોને પાછળ છોડી દીધી છે. અલ્લુ અર્જુનની 'પુષ્પા 2'ના હિન્દી વર્ઝનના બીજા દિવસે ₹56.9 કરોડની કમાણી થઈ હતી, જ્યારે શાહરૂખ ખાનની 'જવાન'એ ₹46.23 કરોડ કમાયા હતા. પરંતુ 'Dhurandhar 2'એ આ બંનેને પાછળ છોડીને બમણીથી વધુ કમાણી કરી છે.
વિશ્વવ્યાપી કલેક્શનમાં ત્રીજા સ્થાને
વર્લ્ડવાઇડ કલેક્શનની વાત કરીએ તો 'Dhurandhar 2'એ ₹240 કરોડથી વધુની કમાણી કરી છે અને તે ત્રીજા સ્થાને પહોંચી ગઈ છે. તેણે આ વર્ષે રિલીઝ થયેલી પ્રભાસની 'રાજા સાહેબ' (₹208.38 કરોડ વર્લ્ડવાઇડ)ને પાછળ છોડી દીધી છે. હવે ફિલ્મની નજર 'બોર્ડર 2'ના વર્લ્ડવાઇડ કલેક્શન પર છે.
'ઉસ્તાદ ભગત સિંહ'નું પ્રદર્શન
પવન કલ્યાણની 'ઉસ્તાદ ભગત સિંહ' પણ એક જ દિવસે રિલીઝ થઈ હતી, પરંતુ તે 'ધૂરંધર 2'ના તોફાનમાં ફિક્કી પડી ગઈ. ફિલ્મે પહેલા દિવસે ₹34.75 કરોડ (અંદાજે ₹31-37 કરોડના વિવિધ અહેવાલો) કમાયા, પરંતુ બીજા દિવસે કલેક્શન ઘટીને માત્ર ₹9.25 કરોડ (અંદાજે ઓછું) રહ્યું. તેનું કુલ કલેક્શન હવે ₹44 કરોડ આસપાસ છે. 'Dhurandhar 2'ની આ સફળતા બોલિવૂડ માટે નવો બેન્ચમાર્ક સેટ કરી રહી છે અને વીકેન્ડમાં વધુ ધમાકો થવાની શક્યતા છે!
