YouTube Earnings: આજકાલ, Youtube મનોરંજનની સાથે કમાણી માટેનું પ્લેટફોર્મ બની ગયું છે. ડોક્ટર હોય કે કોચ, દરેક ક્ષેત્રના લોકો યુટ્યુબ પર ચેનલો બનાવી રહ્યા છે અને કન્ટેન્ટ અપલોડ કરી રહ્યા છે. તેની પાછળનું એક કારણ એ છે કે, આ પ્લેટફોર્મ કમાણી કરવાની ઘણી તકો આપે છે. લોકો અહીં ફેમસ થવાની સાથે સારા પૈસા પણ કમાય છે. જો તમે પણ યુટ્યુબ ચેનલ બનાવવા ઈચ્છો છો, તો તે પહેલાં કમાણી કરવાની પદ્ધતિ જાણવી ખૂબ જ મહત્વપૂર્ણ છે. જાણો કે, જ્યારે યુટ્યુબ વિડિઓને 10 લાખ વ્યૂ મળે છે ત્યારે કેટલા રૂપિયા મળે છે?
10 લાખ વ્યૂઝ પર કમાણી
વીડિયો પર 10 લાખ વ્યૂઝ મેળવવાની કમાણી નિશ્ચિત નથી. તે વિડિયોના કન્ટેન્ટ, કેટેગરી અને પર્ફોર્મન્સ સહિત ઘણી બાબતો પર આધાર રાખે છે. તમને જણાવી દઈએ કે, યુટ્યુબ પર કમાણીનો મુખ્ય સ્ત્રોત જાહેરાતો છે. જ્યારે કોઈ દર્શક યુટ્યુબ વિડિઓ પર જાહેરાત જુએ છે, ત્યારે તેમાંથી કમાયેલા પૈસા યુટ્યુબરના ખિસ્સામાં જાય છે. આ ઉપરાંત, ક્રિએટર સ્પોન્સરશિપ, બ્રાન્ડ પ્રમોશન અને માર્કેટિંગ વગેરેમાંથી પણ રૂપિયા કમાઈ શકે છે.
આ બાબતોનો પ્રભાવ પડે છે
યુટ્યુબ વીડિયોમાંથી થતી કમાણી ઘણી બાબતો પર આધાર રાખે છે. આમાંથી એક છે Cost Per Mille (CPM). ક્રિએટર માટે, આનો અર્થ એ થાય કે, જાહેરાતકર્તા તેમના કન્ટેન્ટ પર 1,000 જાહેરાત માટે કેટલા પૈસા ચૂકવે છે. વિદેશની તુલનામાં ભારતમાં આ રકમ ઓછી છે. અહીં CPM લગભગ 42-170 રૂપિયા છે. આ ઉપરાંત, વિવિધ કેટેગરીઓ અનુસાર કમાણી વધતી કે ઘટતી રહે છે. ગેમિંગ અને ફિટનેસ જેવી કેટેગરીઓના વીડિયો વધુ કમાણી કરે છે. બીજી બાજુ, જો કોઈ ક્રિએટરના વીડિયો અમેરિકા, ઈંગ્લેન્ડ અને અન્ય વિકસિત દેશોના લોકો વધુ જુએ છે, તો તેઓ વધુ કમાણી કરે છે. તેવી જ રીતે, જો પ્રેક્ષકો કોઈ જાહેરાત સંપૂર્ણપણે જુએ છે અથવા તેના પર ક્લિક કરે છે, તો ક્રિએટરને વધુ રૂપિયા મળશે.
કેટલી છે એવરેજ કમાણી?
ભારતમાં, ક્રિએટર સામાન્ય રીતે 10 લાખ વ્યૂ માટે 10,000-50,000 રૂપિયા કમાઈ શકે છે. જોકે, કેટલાક પરિબળોને કારણે, આ વધુ કે ઓછું હોઈ શકે છે. ક્રિએટર ઉચ્ચ-ગુણવત્તાના કન્ટેન્ટ અને બ્રાન્ડ ભાગીદારી વગેરે દ્વારા પણ તેમની કમાણી વધારી શકે છે.
