Hero Glamour 125 and Honda Shine 125: જો તમે ગ્રામ્ય વિસ્તારોમાં ફરવા માટે વિશ્વસનીય 125cc બાઇક શોધી રહ્યા છો, તો તમારી પાસે બે ઉત્તમ વિકલ્પો છે - Hero Glamour 125 અને Honda Shine 125. બંને બાઇક તેમની વિશ્વસનીયતા, માઇલેજ અને સસ્તી જાળવણી માટે જાણીતી છે. પરંતુ પ્રશ્ન એ છે કે, ઉબડખાબડ રસ્તાઓ અને રોજિંદા ઉપયોગ માટે કઈ બાઇક વધુ સારી રહેશે? જાણો બંને બાઇક્સની કિંમત, એન્જિન, માઇલેજ અને ફીચર્સ વિશેની માહિતી. અને તમે જ નક્કી કરો કે, કઈ બાઇક તમારા માટે યોગ્ય છે.
કિંમત અને વેરિઅન્ટ
125cc સેગમેન્ટમાં બજેટ હંમેશા મુખ્ય વિચારણાનો વિષય રહે છે. Honda Shine થોડી સસ્તી છે, જ્યારે Hero Glamour તેની વધારાના ફીચર્સને કારણે "વેલ્યુ-ફોર-મની" ધરાવતી બાઇક બની જાય છે. Hero Glamour 125 ની કિંમત ₹82,000 થી ₹88,000 (એક્સ-શોરૂમ) ની વચ્ચે છે, જ્યારે Honda Shine ની કિંમત ₹79,800 થી ₹85,000 (એક્સ-શોરૂમ) ની વચ્ચે છે. Glamour ત્રણ વેરિઅન્ટમાં આવે છે: Drum, Disc અને Xtec. જ્યારે Shine બે વેરિઅન્ટમાં આવે છે: Drum અને Disc. ટોપ-સ્પેસિફિકેશન Hero Glamour વેરિઅન્ટ થોડું મોંઘું છે, પરંતુ તે બ્લૂટૂથ કનેક્ટિવિટી, ડિજિટલ કન્સોલ અને LED લાઇટિંગ જેવા ફીચર્સ આપે છે, જે Honda Shine માં નથી.
એન્જિન અને પર્ફોર્મન્સ
બન્ને બાઇક 125cc સિંગલ-સિલિન્ડર, ફ્યુઅલ-ઇન્જેક્ટેડ એન્જિન આપવામાં આવ્યું છે. Hero Glamour 125 નું એન્જિન વધુ શુદ્ધ અને સ્મૂધ છે, જે 10.7ps પાવર અને 10.4nm ટોર્ક જનરેટ કરે છે. તેમાં કંપનીની i3S ટેકનોલોજી (Idle Start-Stop System) પણ છે, જે સ્ટોપ-એન્ડ-ગો રસ્તાઓ પર ફ્યુલ બચાવવામાં મદદ કરે છે. બીજી તરફ, Honda Shine 125 પણ 10.5ps પાવર અને 11nm ટોર્ક પણ ઉત્પન્ન કરે છે. તેનું એન્જિન સારું લો-એન્ડ ટોર્ક પહોંચાડે છે, જે તેને ઉબડખાબડ રસ્તાઓ પર પણ સ્મૂધ બનાવે છે. જોકે, Glamour ગિયર શિફ્ટિંગ અને ઇંધણ કાર્યક્ષમતામાં થોડી આગળ છે.
માઇલેજ અને ઇંધણ કાર્યક્ષમતા
ગ્રામીણ સવારી માટે માઇલેજ એક મુખ્ય પરિબળ છે. Hero Glamour આ સંદર્ભમાં આગળ છે. કંપની 65kmpl સુધીની માઇલેજનો દાવો કરે છે, પરંતુ રિયલ-લાઇફમાં, તે એવરેજ 55-60kmpl છે. અને Honda Shine નો દાવો કરાયેલ માઇલેજ લગભગ 55kmpl છે, જેનો રિયલ-લાઇફમાં માઇલેજ 50-55kmpl છે. Glamour ની i3S ઇંધણ-બચત ટેકનોલોજી અને હળવા વજન તેને Shine કરતાં વધુ સારી બનાવે છે.
ફીચર્સ અને રાઈડ ક્વાલિટી
બંને બાઇકમાં બેઝિક ફીચર્સ છે, પરંતુ Hero Glamour માં ઘણા આધુનિક એડિશન આપવામાં આવ્યા છે, જે તેને Shine કરતાં આગળ લઈ જાય છે. Glamour માં LED હેડલેમ્પ, USB ચાર્જિંગ પોર્ટ, બ્લૂટૂથ કનેક્ટિવિટી, ડિજિટલ ઇન્સ્ટ્રુમેન્ટ કન્સોલ અને સાઇડ-સ્ટેન્ડ એન્જિન કટ-ઓફ જેવા ફીચર્સ છે. તેનું ગ્રાઉન્ડ ક્લિયરન્સ 170mm છે, અને 5-સ્ટેપ એડજસ્ટેબલ શોક એબ્ઝોર્બર્સ સ્મૂધ રાઇડિંગને સુનિશ્ચિત કરે છે. Honda Shine સાયલન્ટ સ્ટાર્ટ (ACG મોટર), CBS બ્રેકિંગ સિસ્ટમ અને USB ચાર્જિંગ (નવા વર્ઝનમાં) જેવી ફીચર્સ આપે છે. જોકે, Shine ની સરળતા અને વિશ્વસનીયતા તેને શહેરી મુસાફરી માટે વધુ સારી પસંદગી બનાવે છે.
