GST ઘટાડા પછી Nexon થી લઈને Thar સુધીની SUVs કારમાં લાખોની બચત! : જાણો કઈ કારમાં કેટલાનું ડિસ્કાઉન્ટ

GST on Nexon and Thar: નવા GST 2.0 એ ભારતીય કાર બજારમાં ગ્રાહકોને નોંધપાત્ર રાહત આપી છે. આ ટેક્સ ઘટાડાથી કોમ્પેક્ટ ડીઝલ SUV પહેલા કરતા વધુ સસ્તી બની છે. Kia, Tata અને Mahindra જેવી કંપનીઓના લોકપ્રિય મોડલોની કિંમતમાં 1.85 લાખ રૂપિયા સુધીનો ઘટાડો થયો છે. SUV ખરીદવાનું સ્વપ્ન જોનારા ગ્રાહકો માટે આ એક શ્રેષ્ઠ તક સાબિત થઈ શકે છે.

Kia SyrosKia Syros ડીઝલ કોમ્પેક્ટ SUV સેગમેન્ટમાં સૌથી વધુ ડિસ્કાઉન્ટવાળી કાર બની ગઈ છે. તેના HTX+ (O) AT વેરિઅન્ટની કિંમતમાં ₹1.86 લાખ સુધીનો ઘટાડો કરવામાં આવ્યો છે. આ ડિસ્કાઉન્ટ સાથે, Syros હવે સસ્તા ભાવે મળી રહે છે, જે પ્રીમિયમ ફીલ અને પાવરફૂલ એન્જિન ઓફર કરે છે. જો કે, લોન્ચ થયા પછી વેચાણ ધીમું રહ્યું છે.

Kia SonetKia Sonet હંમેશા તેની સ્ટાઇલ અને ફીચર્સ માટે પ્રિય રહી છે. હવે, તેના GTX Plus AT ડીઝલ વેરિઅન્ટની કિંમત ₹1.64 લાખ સુધી ઘટાડવામાં આવી છે, જે સોનેટને 4 મીટરથી ઓછી SUV સેગમેન્ટમાં સારો અને સસ્તો વિકલ્પ બનાવે છે.

Mahindra XUV 3XOMahindra XUV 3XO ના AX7L ડીઝલ વેરિઅન્ટની કિંમતમાં પણ નોંધપાત્ર ઘટાડો થયો છે. આ SUV, તેની મજબૂત ડિઝાઇન અને પ્રદર્શન સાથે, વધુ સસ્તી થઈ છે. ₹1.56 લાખ સુધીની બચત સાથે, આ કાર વધુ ગ્રાહકોને આકર્ષિત કરે તેવી શક્યતા છે અને સેગમેન્ટમાં તેની સ્થિતિ મજબૂત કરે તેવી શક્યતા છે.

Tata Nexonભારતની સૌથી વધુ વેચાતી કોમ્પેક્ટ SUV, Tata Nexon હવે વધુ સસ્તી બની ગઈ છે. તેના Fearless Plus PS DK વેરિઅન્ટની કિંમત ₹1.55 લાખ સુધી ઘટાડવામાં આવી છે. નેક્સન પહેલાથી જ તેની સલામતી અને ફીચર્સ માટે જાણીતી છે, અને ઓછી કિંમતણએ કારણે તેની બજારમાં માંગ વધી શકે છે.

Mahindra Tharઓફ-રોડના પ્રેમીઓ માટે Mahindra Thar હવે વધુ સસ્તી થઈ છે. તેના LX 2WD ડીઝલ વેરિઅન્ટની કિંમતમાં ₹1.35 લાખ સુધીનો ઘટાડો થયો છે. આ ડિસ્કાઉન્ટ સાથે, Thar હવે ઓફ-રોડ ડ્રાઇવિંગ માટે વધુ સારો વિકલ્પ બની ગઈ છે.