દિવાળી પહેલાં ખેડૂતોને સરકારની ભેટ

ભારત સરકારે 2026-27 માર્કેટિંગ વર્ષ માટે ઘઉં સહિત છ રવિ પાકોના લઘુત્તમ ટેકાના ભાવ (MSP)માં વધારો જાહેર કર્યો છે. બુધવારે વડા પ્રધાન નરેન્દ્ર મોદીની અધ્યક્ષતામાં યોજાયેલી કેબિનેટ બેઠકમાં આ નિર્ણય લેવાયો હતો.

માહિતી અને પ્રસારણ મંત્રી અશ્વિની વૈષ્ણવે જણાવ્યું કે આ વધારો કૃષિ ખર્ચ અને કિંમતો આયોગ (CACP) ની ભલામણોના આધારે કરવામાં આવ્યો છે.

MSPમાં કેટલો વધારો થયો?

કેસર: ₹600 પ્રતિ ક્વિન્ટલ વધારો (₹5,940 → ₹6,540)
મસૂર): ₹300 પ્રતિ ક્વિન્ટલ વધારો (₹6,700 → ₹7,000)
રાયડા/સરસવ: ₹250 પ્રતિ ક્વિન્ટલ વધારો (₹5,950 → ₹6,200)
ચણા: ₹225 પ્રતિ ક્વિન્ટલ વધારો (₹5,650 → ₹5,875)
જવ: ₹170 પ્રતિ ક્વિન્ટલ વધારો (₹1,980 → ₹2,150)
ઘઉં: ₹160 પ્રતિ ક્વિન્ટલ વધારો (₹2,425 → ₹2,585)

ઘઉંના MSPમાં 6.59%નો વધારો થયો છે.

ઘઉં ઉત્પાદન પર સરકારનું ધ્યાન

ઘઉં એક મુખ્ય રવિ પાક છે.
તેની વાવણી ઓક્ટોબરમાં શરૂ થાય છે અને લણણી માર્ચથી શરૂ થાય છે.
ઘઉંનું માર્કેટિંગ વર્ષ એપ્રિલથી જૂન વચ્ચે ચાલે છે.
સરકારએ 2025-26 પાક વર્ષ માટે 119 મિલિયન ટનનો રેકોર્ડ ઘઉં ઉત્પાદન લક્ષ્યાંક નક્કી કર્યો છે.