Team India will qualify for the World Cup semi-finals: ભારતે 2025 મહિલા વર્લ્ડ કપની શરૂઆત જીત સાથે કરી હતી, પહેલી મેચમાં શ્રીલંકાને અને બીજી મેચમાં પાકિસ્તાનને હરાવ્યું હતું. પરંતુ તે પછી, હરમનપ્રીત કૌર અને તેની ટીમ પહેલા સાઉથ આફ્રિકા, પછી ઓસ્ટ્રેલિયા અને રવિવારે, ઇંગ્લેન્ડે ટીમ ઇન્ડિયાને હરાવ્યું. ભારતને હરાવનારી ત્રણેય ટીમો વર્લ્ડ કપ સેમિફાઇનલમાં પોતાનું સ્થાન નિશ્ચિત કરી ચૂકી છે. હવે, ફક્ત એક જ ટીમ ક્વોલિફાય થઈ છે, તો ટીમ ઇન્ડિયાને ક્વોલિફાય થવા માટે શું કરવું પડશે? જાણો સંપૂર્ણ માહિતી.
ટીમ ઈન્ડિયા સેમિફાઇનલમાં કેવી રીતે પહોંચી શકે?
ઇંગ્લેન્ડ સામે હાર છતાં, ભારતીય ટીમ માટે સેમિફાઇનલમાં પહોચી શકે છે. જોકે, આ પરિસ્થિતિ કરો યા મરો જેવી રહેશે. ભારતે પાંચ મેચ રમી છે, જેમાં બે જીત અને ત્રણ હાર છે, અને હાલમાં તે ચાર પોઇન્ટ સાથે પોઇન્ટ ટેબલમાં ચોથા સ્થાને છે. ન્યુઝીલેન્ડના પણ ચાર પોઇન્ટ છે, જોકે તેનો નેટ રન રેટ ભારત કરતા ઓછો છે. ભારત હાલમાં અન્ય કોઈ ટીમ પર નિર્ભર નથી, કારણ કે ટીમ ઈન્ડિયા પાસે હજુ પણ બે મેચ બાકી છે. ભારતની આગામી બે મેચ ન્યુઝીલેન્ડ અને બાંગ્લાદેશ સામે છે. બાંગ્લાદેશ કોઈ મોટી સમસ્યા નથી, પરંતુ ન્યુઝીલેન્ડ એક મજબૂત ટીમ છે, અને ટીમ ઈન્ડિયાને હરાવી પણ શકે છે. આ બે મેચ જીતવાથી ભારત સેમિફાઇનલમાં સ્થાન મેળવી શકશે.
જો ટીમ ઈન્ડિયા એક મેચ હારી જાય તો શું?
પરંતુ પછી પ્રશ્ન એ ઊભો થાય છે કે, જો ભારત બે માંથી એક મેચ હારી જાય તો શું? જો ભારત એક મેચ હારી જાય, તો ભારતીય ટીમે ન્યુઝીલેન્ડના પર્ફોર્મન્સ પર આધાર રાખવો પડશે, અને ઇન્ડિયાએ તેની એક મેચ મોટા માર્જિનથી જીતવી પડશે.
જો ન્યુઝીલેન્ડ ઈંગ્લેન્ડ સામે જીતે તો શું થશે?
23 ઓક્ટોબર - ન્યુઝીલેન્ડ સામે
26 ઓક્ટોબર - બાંગ્લાદેશ સામે
જો ભારત ન્યુઝીલેન્ડ સામે હારી જાય છે, તો ભારતના 4 પોઈન્ટ રહેશે, જ્યારે ન્યુઝીલેન્ડના 6 પોઈન્ટ રહેશે. ન્યુઝીલેન્ડની છેલ્લી મેચ ઈંગ્લેન્ડ સામે છે. જો ન્યુઝીલેન્ડ તે મેચ જીતે છે, તો તેઓ સેમિફાઇનલમાં પહોંચશે, જ્યારે ભારત બહાર થઈ જશે. જોકે, જો ન્યુઝીલેન્ડ તે મેચ હારી જાય છે અને ભારત તેની આગામી મેચ જીતી જાય છે, તો નિર્ણય નેટ રન રેટના આધારે લેવામાં આવશે.
