Jana Nayagan Trailer: થલાપતિ વિજયના ચાહકો માટે મોટા સમાચાર! તેમની 69મી અને અંતિમ ફિલ્મ 'Jana Nayagan' નું બહુપ્રતિક્ષિત ટ્રેલર 3 જાન્યુઆરી, 2026ના રોજ સાંજે 6:45 વાગ્યે રિલીઝ થશે. આ ટ્રેલર તમિલ, તેલુગુ (Jana Nayakudu) અને હિન્દી (Jan Neta) – ત્રણ ભાષાઓમાં એકસાથે લોન્ચ થશે.
નવું પોસ્ટર શેર
થલાપતિ વિજયે પોતે સોશિયલ મીડિયા પર નવું પોસ્ટર શેર કરીને આ તારીખ અને સમયની જાહેરાત કરી છે. પોસ્ટરમાં વિજય ગુસ્સાભેર બંદૂક પકડેલા જોવા મળે છે, જ્યારે બોબી દેઓલ અને મમિતા બૈજુના ગ્લિમ્પ્સ પણ દેખાય છે. પ્રોડક્શન હાઉસ KVN Productionsએ પણ આની સત્તાવાર પુષ્ટિ કરી છે.
ફિલ્મ વિશે મહત્વની માહિતી
દિગ્દર્શક: એચ. વિનોદ
મુખ્ય કલાકારો: થલાપતિ વિજય, પૂજા હેગડે, બોબી દેઓલ, મમિતા બૈજુ, પ્રિયામણી, ગૌતમ વાસુદેવ મેનન વગેરે.
સંગીત: અનિરુધ રવિચંદર
થિયેટ્રિકલ રિલીઝ: 9 જાન્યુઆરી, 2026 (પોંગલ પર)
આ ફિલ્મ વિજયની અભિનય કારકિર્દીની છેલ્લી ફિલ્મ છે, કારણ કે તેઓ રાજકારણમાં પૂર્ણ સમયે પ્રવેશ કરવાના છે. ફિલ્મ રાજકીય એક્શન ડ્રામા છે અને બોક્સ ઓફિસ પર રેકોર્ડ તોડવાની અપેક્ષા છે.
બોક્સ ઓફિસ પર મોટી ટક્કર
"Jana Nayagan "નો સામનો પ્રભાસની "ધ રાજા સાબ" સાથે થશે, જે પણ સંક્રાંતિ/પોંગલ 2026માં રિલીઝ થઈ રહી છે. ચાહકોની રાહ હવે ખતમ! 3 જાન્યુઆરીએ સાંજે 6:45 વાગ્યે ટ્રેલર જુઓ અને થલાપતિના આ અંતિમ માસને અનુભવો!
