Happy Birthday Gautam Gambhir: ટીમ ઈન્ડિયાના હેડ કોચ અને પૂર્વ ક્રિકેટર ગૌતમ ગંભીર 14 ઓક્ટોબર, મંગળવારના રોજ 44 વર્ષના થયા. ગંભીરના કોચિંગ હેઠળ, ભારતીય ટીમ શાનદાર પ્રદર્શન કરી રહી છે. ગંભીરના નેતૃત્વમાં, ટીમ ઈન્ડિયાએ 2025 માં ICC ચેમ્પિયન્સ ટ્રોફી જીતી હતી. ત્યારબાદ 'Man in Blue' એશિયા કપ 2025 પણ જીત્યો હતો.
ગૌતમ ગંભીર વર્લ્ડ કપ અને T20I વર્લ્ડ કપ ફાઇનલનું પ્રદર્શન
ગૌતમ ગંભીર જુલાઈ 2024 માં ભારતીય ટીમના હેડ કોચ બન્યા. કોચ બન્યા પછી, ગંભીરે યુવા ખેલાડીઓ પર વિશ્વાસ વ્યક્ત કર્યો છે, જેઓ ટીમની અપેક્ષાઓ પર ખરા ઉતર્યા છે. ગંભીર એક સફળ કોચ સાબિત થયા છે અને તેમણે ક્રિકેટર તરીકે ભારત માટે જબરદસ્ત પ્રદર્શન પણ કર્યું છે. ગંભીર 2007 ના T20 વર્લ્ડ કપ ફાઇનલ અને 2011 ના ક્રિકેટ વર્લ્ડ કપ ફાઇનલમાં ભારત માટે સૌથી વધુ રન બનાવનાર ખેલાડી હતા. તેમણે અનુક્રમે 75 અને 97 રનની ઇનિંગ સાથે ભારતની ટાઇટલ જીતમાં મુખ્ય ભૂમિકા ભજવી હતી.
ગૌતમ ગંભીરનો ટેસ્ટ રેકોર્ડ, જે 12 વર્ષ પછી પણ અતૂટ
ગૌતમ ગંભીરે ટેસ્ટ ક્રિકેટમાં એક અનોખો રેકોર્ડ બનાવ્યો. તે સતત પાંચ ટેસ્ટ મેચમાં સેંચુરી ફટકારનાર પ્રથમ ભારતીય બેટ્સમેન છે. આ રેકોર્ડ 15 વર્ષ પછી પણ અતૂટ છે. ગંભીરે જાન્યુઆરી 2010 માં બાંગ્લાદેશ સામે ચિત્તાગોંગ ટેસ્ટમાં ભારતની બીજી ઇનિંગમાં 116 રન બનાવીને આ સિદ્ધિ મેળવી હતી.
ગંભીર બ્રેડમેનના રેકોર્ડની બરાબરી કરી શક્યા હોત
ગૌતમ ગંભીર સતત પાંચ ટેસ્ટ મેચમાં સદી ફટકારનાર વિશ્વનો ચોથો બેટ્સમેન છે. આ યાદીમાં ઓસ્ટ્રેલિયાના દિગ્ગજ ડોન બ્રેડમેન ટોચ પર છે, જેમણે સતત છ ટેસ્ટ મેચમાં સેંચુરી ફટકારી હતી. સાઉથ આફ્રિકાના જેક્સ કાલિસ અને પાકિસ્તાનના મોહમ્મદ યુસુફ પણ સતત પાંચ ટેસ્ટ મેચમાં સેંચુરી ફટકારવામાં સફળ રહ્યા હતા. ગંભીર પાસે બ્રેડમેનના રેકોર્ડની બરાબરી કરવાની તક હતી, પરંતુ જાન્યુઆરી 2010માં મીરપુર ટેસ્ટમાં તે 68 રન બનાવીને આઉટ થયો હતો.
ગૌતમ ગંભીરે સતત પાંચ ટેસ્ટ મેચમાં સેંચુરી ફટકારી
માર્ચ 2009: ન્યુઝીલેન્ડ સામે 16 અને 137, નેપિયર
એપ્રિલ 2009: ન્યુઝીલેન્ડ સામે 23 અને 167, વેલિંગ્ટન
નવેમ્બર 2009: શ્રીલંકા સામે 1 અને 114, અમદાવાદ
નવેમ્બર 2009: શ્રીલંકા સામે 167, કાનપુર
જાન્યુઆરી 2010: બાંગ્લાદેશ સામે 23 અને 116, ચિત્તાગોંગ
ગૌતમ ગંભીર ટેસ્ટ, વનડે અને T20I માં પર્ફોર્મન્સ
4 ડિસેમ્બર, 2018 ના રોજ, ગૌતમ ગંભીરે આંતરરાષ્ટ્રીય ક્રિકેટમાંથી રિટાયરમેન્ટની જાહેરાત કરી. ભારત માટે ગૌતમ ગંભીરે છેલ્લી ટેસ્ટ મેચ 2016 માં રાજકોટમાં ઇંગ્લેન્ડ સામે રમી હતી. ગંભીરે 58 ટેસ્ટ મેચમાં 4154 રન બનાવ્યા હતા, 41.95 ની એવરેજ સાથે અને નવ સેંચુરી ફટકારી હતી. વનડે ઇન્ટરનેશનલમાં, ગંભીરે 147 મેચ રમી હતી, 39.68 ની એવરેજથી 5238 રન બનાવ્યા હતા, જેમાં 11 સેંચુરીનો સમાવેશ થાય છે. ગંભીરે T20I માં પણ પોતાની છાપ છોડી. 37 T20I મેચમાં 932 રન બનાવ્યા, જેમાં 7 હાફ-સેંચુરીનો સમાવેશ થાય છે, અને આ ફોર્મેટમાં ગૌતમ ગંભીરની એવરેજ 27.41 ની હતી. ગૌતમ ગંભીરની કેપ્ટનશીપ હેઠળ, કોલકાતા નાઈટ રાઈડર્સ (KKR) એ 2 વાર (2012 અને 2014) માં ઈન્ડિયન પ્રીમિયર લીગ (IPL) જીતી હતી.
