Fire Therapy Information: ચીનમાં ફાયર થેરાપીનો ઉપયોગ વિવિધ બિમારીઓની સારવાર માટે પણ થાય છે. દર્દીની સારવાર કરનાર વ્યક્તિ તેના શરીર પર આલ્કોહોલ છાંટીને આગ લગાવી દે છે. ચીનમાં કેટલાક લોકો તેને એક ખાસ પ્રકારની સારવાર માને છે જે તણાવ, ડિપ્રેશન, અપચોથી લઈને કેન્સર સુધીની દરેક વસ્તુને મટાડે છે તેવું માનવામાં આવે છે.
ફાયર થેરાપી તરીકે ઓળખાતી, આ પદ્ધતિનો ઉપયોગ ચીનમાં 100 વર્ષથી વધુ સમયથી કરવામાં આવી રહ્યો છે. હાલમાં, તેને મીડિયામાં નોંધપાત્ર ધ્યાન મળ્યું છે. જોકે, ફાયર થેરપી ખરેખર અસરકારક હોવાના કોઈ પુરાવા નથી. ત્યાંનાં લોકો કહે છે કે, “અગ્નિ ઉપચાર એ માનવ ઇતિહાસમાં ચોથી મોટી ક્રાંતિ છે. તે ચીની અને પશ્ચિમી બંને સારવાર પદ્ધતિઓને પાછળ છોડી દીધી છે."
સારવાર કેવી રીતે કરવામાં આવે છે?
Zhang Fenghao, Beijing ના એક નાના એપાર્ટમેન્ટમાં લોકોની સારવાર કરે છે. તે દર્દીની પીઠ પર જડીબુટ્ટીઓથી બનેલી એક પેસ્ટ લગાવી, તેને ટુવાલથી ઢાંકી દીધી. પછી, તેના પર પાણી અને આલ્કોહોલ છાંટીને, તે કહે છે, "આ પદ્ધતિનો ઉપયોગ કરીને, લોકો સર્જરીથી બચી શકે છે." પછી Fenghao એ પોતાનું લાઇટરથી, દર્દીના કરોડરજ્જુ પર આગ લગાવી.
47 વર્ષીય દર્દીને હાલમાં મગજમાં હેમરેજ થયું હતું. ત્યારથી, તેમની યાદશક્તિ અને શારીરિક પ્રવૃત્તિ પર પણ અસર પડી છે. તે કહે છે કે, "આ પદ્ધતિમાં થોડીક ગરમી લાગે છે, તેનાથી દુખાવો થતો નથી." ગંભીર બીમારીઓની સારવાર માટે દરેક વ્યક્તિ માટે મોટી રકમ ખર્ચ કરવી શક્ય નથી. આવી સ્થિતિમાં, સસ્તી સારવારની ભારે માંગ છે. Zhang એ Jing ને કમરના ગંભીર દુખાવાની તકલીફ હતી. શરૂઆતમાં, તો તેને આ સારવાર વિશે જાણીને ખૂબ જ આશ્ચર્ય થયું. પણ હવે તે કહે છે, "બધું જાણ્યા પછી, મને હવે ડર નથી."
સારવારનો સિદ્ધાંત
આ સારવાર પદ્ધતિ પ્રાચીન ચીની માન્યતાઓ પર આધારિત છે જે શરીરમાં ગરમી અને ઠંડી વચ્ચે સંતુલન બનાવવા પર ભાર મૂકે છે. Fenghao ના અનુસાર, શરીરની ઉપરની સપાટીને ગરમ કરીને આંતરિક ઠંડી દૂર થાય છે. ફાયર થેરાપીથી થતી સારવાર હાલમાં ફરી એકવાર ચર્ચામાં આવી જ્યારે સારવાર દરમિયાન લેવાયેલા દર્દીનો ફોટો સોશિયલ મીડિયા પર વાયરલ થયા. ચીની મીડિયામાં ફાયર થેરાપી અંગે પણ ઘણા પ્રશ્નો ઉભા થયા છે, જેમાંથી સૌથી મહત્વપૂર્ણ એ છે કે, સારવાર આપનાર વ્યક્તિ પાસે પ્રમાણપત્ર છે કે નહીં. સારવાર દરમિયાન કોઈ અકસ્માત ન થાય તે માટે કેવા પ્રકારની સલામતી વ્યવસ્થા છે, વગેરે. Fenghao કહે છે, “ઘણી વખત લોકો ઘાયલ થયા છે, તો ક્યારેક દર્દીઓના ચહેરા અને શરીરના અન્ય ભાગોમાં દાઝી ગયા છે. પરંતુ આ યોગ્ય પદ્ધતિઓના અભાવને કારણે થયું છે." મેં હજારો લોકોને શીખવ્યું છે અને અમારો ક્યારેય અકસ્માત થયો નથી.
