ભારતમાં ૨૦૨૬ની વિધાનસભા ચૂંટણીઓ પછી એવી અટકળો તેજ થઈ ગઈ છે કે આગામી દિવસોમાં પેટ્રોલ-ડીઝલ અને અન્ય ઉપયોગી ઈંધણોના ભાવમાં વધારો થઈ શકે છે. આનું મુખ્ય કારણ ઈરાન-અમેરિકા યુદ્ધને ગણાવવામાં આવી રહ્યું છે. જોકે આ અંગે હજુ સુધી કોઈ સત્તાવાર પુષ્ટિ થઈ નથી, પરંતુ વૈશ્વિક સ્તરે ભારત માટે ત્રણ એવી ચેતવણીઓ આવી છે જે સામાન્ય માણસના ખિસ્સા પર સીધી અસર કરી શકે છે.
UBS ના રિપોર્ટે ચિંતા વધારી
ભારતીય અર્થવ્યવસ્થાને લઈને આ ચેતવણીઓ સામે આવી છે. મીડિયા રિપોર્ટ્સ અનુસાર, સ્વિટ્ઝર્લેન્ડ સ્થિત ગ્લોબલ ફાઇનાન્શિયલ કંપની UBS દ્વારા ભારતના જીડીપી (GDP) ગ્રોથ અંગે ચેતવણી આપવામાં આવી છે. નોંધનીય છે કે ભારત અગાઉ જ જીડીપી ગ્રોથમાં ચોથા નંબરેથી લપસીને છઠ્ઠા નંબર પર પહોંચી ગયું છે.
તેલ સંકટની અસર
UBS ના રિપોર્ટ મુજબ, વિશ્વમાં ચાલી રહેલી હલચલ અને તેલ સંકટના કારણે ૨૦૨૭માં ભારતનો જીડીપી ગ્રોથ ધીમો પડી શકે છે. કંપનીએ પોતાના અંદાજમાં ભારતનો જીડીપી ગ્રોથ ઘટાડીને ૬.૨ ટકા કરી દીધો છે.
સામાન્ય માણસ પર સીધી અસર
રિપોર્ટમાં જણાવ્યા અનુસાર, મિડલ ઈસ્ટ (મધ્ય પૂર્વ) સંકટને કારણે ભારતમાં ઊર્જા સંકટ ઊભું થઈ શકે છે. સપ્લાય ચેઈન પ્રભાવિત થઈ શકે છે. મોંઘવારી વધી શકે છે. આ તમામ પરિબળોને કારણે આર્થિક વિકાસ દર ઘટશે, જેની સીધી અસર સામાન્ય જનતાની આર્થિક સ્થિતિ પર પડશે.
પૂરમાં લાપતા થયો શખ્સ : મગરના પેટમાંથી મળ્યો યુવકનો મૃતદેહ, સામે આવી કંપારી છૂટી જાય એવી હકીકત
શું છે એ ત્રણ મુખ્ય ચેતવણીઓ?
અર્થતંત્રની ગતિમાં અવરોધ
ગ્લોબલ બ્રોકરેજ ફર્મ UBS એ જણાવ્યું કે માર્ચ મહિનામાં ભારતની આર્થિક વૃદ્ધિની ગતિ ધીમી પડી છે. મેન્યુફેક્ચરિંગ પ્રવૃત્તિઓ નબળી પડી છે અને કોર સેક્ટરના ગ્રોથમાં પણ ઘટાડો નોંધાયો છે.
ખરાબ ચોમાસું અને મોંઘવારી
રિપોર્ટ મુજબ, ભારતની અર્થવ્યવસ્થાને હવામાનને કારણે પણ ફટકો પડી શકે છે. ભારતીય હવામાન વિભાગે ૨૦૨૬માં સામાન્ય કરતા ઓછો વરસાદ થવાની આગાહી કરી છે. જૂન થી સપ્ટેમ્બર દરમિયાન 'અલ નીનો' (El Nino)ની અસરો સ્થિતિને વધુ ગંભીર બનાવી શકે છે, જેનાથી ખાદ્ય પદાર્થોની મોંઘવારી વધી શકે છે.
બેરોજગારી અને વપરાશમાં ઘટાડો
ત્રીજી મોટી ચેતવણી વધતી મોંઘવારી, ઓછી આવક અને બેરોજગારીને લઈને છે. ભારતમાં ઘરેલું વપરાશ જીડીપીના ૫૬ ટકા છે, જેનો અર્થ છે કે એક મોટો વર્ગ (લગભગ ૪૪ ટકા જનતા) ખરીદી કરવા સક્ષમ નથી અથવા કરી રહ્યો નથી. આ ઉપરાંત, ડોલર સામે રૂપિયાના ઘટતા મૂલ્યને પણ ચિંતાજનક ગણાવ્યું છે.
