Rohit Sharma And Virat Kohli Not Part Of World Cup 2027: ઓસ્ટ્રેલિયા પ્રવાસ માટે શુભમન ગિલ ભારતની ODI ટીમનો કેપ્ટન બનાવમાં આવ્યો છે. 26 વર્ષીય ખેલાડી આ સીરિઝમાં વિરાટ કોહલી અને રોહિત શર્મા જેવા ખેલાડીઓનું નેતૃત્વ કરશે. કેટલાક અનુભવી ખેલાડીઓએ સિલેક્ટર્સના નિર્ણય પર સવાલ ઉઠાવ્યા છે. કેટલાક ચાહકો માને છે કે આ બંને દિગ્ગજ ખેલાડીઓ માટે એક ભવ્ય યુગના અંતની શરૂઆત છે. જ્યારથી ગિલને 38 વર્ષીય રોહિત શર્માના સ્થાને કેપ્ટન તરીકે નિયુક્ત કરવામાં આવ્યા છે, ત્યારથી ક્રિકેટ જગતમાં ચર્ચા શરૂ થઈ છે. કેટલાક ચાહકોએ તો એવું પણ સૂચન કર્યું છે કે, વિરાટ કોહલી અને રોહિત શર્મા હવે 2027 વર્લ્ડ કપ યોજનાઓનો ભાગ નથી.
કૈફ સહિત કેટલાક પૂર્વ ક્રિકેટરોએ આ નિર્ણયને નાપસંદ કર્યો
શુભમન ગિલને ઇંગ્લેન્ડ પ્રવાસ માટે ભારતીય ટીમના કેપ્ટન તરીકે નિયુક્ત કરવામાં આવ્યા હતા, જ્યાં ભારતે પાંચ મેચની સીરિઝ 2-2 થી ડ્રો કરી હતી, ત્યારબાદ તેમને 2025 એશિયા કપ માટે ઉપ-કેપ્ટન તરીકે પસંદ કરવામાં આવ્યા હતા. હવે, શુભમન ગિલને ODI ટીમની જવાબદારી સોંપવાથી સંકેત મળે છે કે, હવે તેમને ODI ટીમની જવાબદારી સોંપવાથી ખબર પડે છે કે કદાચ બોર્ડ તેમને આગામી ODI વર્લ્ડ કપમાં કેપ્ટન તરીકે જુએ છે. પૂર્વ સ્ટાર ક્રિકેટર મોહમ્મદ કૈફ માને છે કે, ગિલને આ મહત્વપૂર્ણ જવાબદારી ખૂબ જ ઝડપથી સોંપવામાં આવી છે. તેમને ડર છે કે, આટલો અચાનક ફેરફાર નુકસાનકારક સાબિત થઈ શકે છે.
વેંગસરકરે પસંદગી પર જ સવાલ ઉઠાવ્યા હતા
સબા કરીમ રોહિત શર્માને ODI કેપ્ટનશીપમાંથી દૂર કરવા પર સવાલ ઉઠાવી રહ્યા છે, ત્યારે પૂર્વ કેપ્ટન દિલીપ વેંગસરકરે ઓસ્ટ્રેલિયા પ્રવાસ માટે કોહલી અને રોહિતની પસંદગી પર સવાલ ઉઠાવ્યા છે. વેંગસરકરે કહ્યું છે કે, આ ખેલાડીઓ લાંબા સમયથી રમતથી દૂર છે, જેના કારણે તેમના ફોર્મ અને ફિટનેસનું મૂલ્યાંકન કરવું ખૂબ મુશ્કેલ બની ગયું છે. જોકે, તેમણે સ્વીકાર્યું કે, રોહિત અને કોહલીને તેમના ઉત્તમ રેકોર્ડને કારણે ટીમમાં પસંદ કરવામાં આવ્યા હોવાની શક્યતા છે.
બંનેના રેકોર્ડ ખૂબ શાનદાર
રોહિત શર્માના ODI ફોર્મેટમાં પ્રદર્શનની વાત કરીએ તો, ત્રણ ડબલ સેંચુરી ફટકારનાર બેટ્સમેન, જેને 273 મેચોમાં 48.76 ની સરેરાશથી 11,168 રન બનાવ્યા છે, જેમાં 32 સેંચુરી અને 58 હાફ-સેંચુરીનો સમાવેશ થાય છે. અને 36 વર્ષીય વિરાટ કોહલીએ 302 ODI મેચોમાં 57.88 ની સરેરાશથી 14,181 રન બનાવ્યા છે, જેમાં 51 સેંચુરી અને 74 હાફ-સેંચુરીનો સમાવેશ થાય છે.
આ કારણે પસંદગી સમિતિએ આ નિર્ણય લીધો
વનડે ઇતિહાસમાં સૌથી વધુ રન બનાવનારા ખેલાડીઓની યાદીમાં વિરાટ કોહલી ત્રીજા ક્રમે છે, જ્યારે રોહિત શર્મા આ યાદીમાં 10 મા ક્રમે છે. BCCI ના મુખ્ય પસંદગીકાર અજિત અગરકરે સ્પષ્ટ કર્યું છે કે, ટીમ મેનેજમેન્ટ ગિલને લાંબા ગાળાની કેપ્ટનશીપ માટે તૈયાર કરવા માંગે છે જેથી તે 2027 ના ODI વર્લ્ડ કપ પહેલા સંપૂર્ણ રીતે સ્થાપિત થઈ શકે. જોકે, આ નિર્ણયથી રોહિત શર્માને કેપ્ટનશીપની ભૂમિકામાંથી સંપૂર્ણપણે દૂર કરવામાં આવ્યા છે.
કેપ્ટનને પૂરતો સમય આપવા જોઈએ
અજિત અગરકરે સ્પષ્ટ કર્યું છે કે, રોહિત અને વિરાટ કોહલી 2027 ના વર્લ્ડ કપમાં રમવા માટે પ્રતિબદ્ધ નથી. ટેસ્ટ પછી ગિલને ODI ટીમની કમાન સોંપતા, ચીફ સિલેક્ટર અજિત અગરકરે કહ્યું કે, ત્રણેય ફોર્મેટ માટે અલગ અલગ કેપ્ટન રાખવાનું વ્યવહારીક રીતે અશક્ય છે. તેમણે સ્પષ્ટપણે કહ્યું કે, ODI ક્રિકેટ હાલમાં ઓછી રમાતી ફોર્મેટ છે. તેથી, તેમનું ધ્યાન આગામી T20 વર્લ્ડ કપ 2026 પર છે. મેનેજમેન્ટ ગિલને એડજસ્ટ થવા માટે સમય આપવા માંગે છે.
રોહિત અને સિલેક્ટર્સ વચ્ચે મતભેદો
એવા અહેવાલો પણ સામે આવ્યા હતા કે, સિલેક્ટર્સ અને રોહિત શર્મા વચ્ચે મતભેદો હતા, અને "હિટમેન" ટીમ પર પોતાના વિચારો લગાવી રહ્યા હતા. હેડ કોચ ગૌતમ ગંભીરે લગભગ છ મહિના સુધી બધું પોતાની મરજી મુજબ ચાલવા દીધું, વ્યક્તિગત રીતે ટીમની દેખરેખ રાખી. આ સમયગાળા દરમિયાન, રોહિત એકમાત્ર નિર્ણય લેનાર હતો, પરંતુ જ્યારે ભારતને ન્યૂઝીલેન્ડ અને ઓસ્ટ્રેલિયા સામે હારનો સામનો કરવો પડ્યો, ત્યારે ગૌતમ ગંભીરે દખલ કરી હતી.
વર્લ્ડ કપ પસંદગીમાં વિચાર કરવામાં આવશે
આ પછી, રોહિતને ટેસ્ટ કેપ્ટનશીપ પરથી દૂર કરવામાં આવ્યો. તેના થોડા સમય પછી, તેણે નિવૃત્તિની જાહેરાત કરી. તેમને કહેવામાં આવ્યું હતું કે, કેપ્ટનશીપ છોડ્યા પછી તે ટીમમાં પોતાનું સ્થાન ગુમાવશે. રોહિત અને કોહલી હાલમાં ફક્ત ODI ક્રિકેટમાં સક્રિય છે. બંનેએ ટેસ્ટ અને T20I ક્રિકેટમાંથી નિવૃત્તિ લીધી છે. મીડિયા રિપોર્ટ્સ અનુસાર, 2027 વર્લ્ડ કપ માટે ખેલાડીઓની પસંદગી કરતી વખતે ઉંમર અને ફોર્મ ધ્યાનમાં લેવામાં આવશે.
હવે, બંને માટે આગળનો રસ્તો ખૂબ જ પડકારજનક છે
વિરાટ અને રોહિતને ODI ટીમમાંથી સંપૂર્ણપણે બાકાત રાખવાનું હજુ નિશ્ચિત નથી, પરંતુ તેમની ભવિષ્યની ભૂમિકાઓ અનિશ્ચિત બની ગઈ છે. હવે બંને ખેલાડીઓ માટે તેમનું કાયમી સ્થાન જાળવી રાખવું પડકારજનક બનશે. પરિણામે, કેટલાક ચાહકો માને છે કે, આ બંને અનુભવી ખેલાડીઓ આગામી ODI વર્લ્ડ કપ પહેલા ODI ફોર્મેટમાંથી નિવૃત્તિની જાહેરાત કરી શકે છે.
