સપ્તાહના અંતિમ ટ્રેડિંગ દિવસે ભારતીય શેરબજારમાં તેજી જોવા મળી છે. બોમ્બે સ્ટોક એક્સચેન્જ (BSE) નો સેન્સેક્સ 210 અંક એટલે કે 0.26% વધીને ખુલ્યો. તે જ સમયે નિફ્ટી 50 પણ 25,000ના સ્તર ઉપર પહોંચ્યો. ઇન્ફોસિસ જેવા પાવર શેરોમાં મજબૂત ખરીદારી જોવા મળી રહી છે.
બજારમાં તેજીના કારણો
જિયોજીત ફાઈનેન્શિયલ સર્વિસીઝના મુખ્ય રોકાણ સ્ટ્રેટેજીકાર ડૉ. વી.કે. વિજયકુમારે જણાવ્યું કે વૈશ્વિક બજાર મજબૂત છે અને ખાસ કરીને અમેરિકી બજારનું પ્રદર્શન તેજીને ટેકો આપી રહ્યું છે.
17 સપ્ટેમ્બરના રોજ યુએસ ફેડરલ રિઝર્વ વ્યાજદર અંગેનો નિર્ણય કરશે, જે અંગે રોકાણકારોમાં આશા છે કે માત્ર 25 બેસિસ પોઈન્ટ્સનો વધારોય થશે.
આ અપેક્ષાએ યુએસ બજારને મજબૂત બનાવ્યું છે અને એશિયન બજારમાં પણ તેજી જોવા મળી છે.
એશિયા બજારોમાં તેજી
હોંગકોંગ હેંગસેંગ – 1.65% ઉછળ્યો
જાપાન નિક્કેઈ – 0.56% વધ્યો
દક્ષિણ કોરિયા કોસ્પી – 1.15% વધ્યો
ચીન CSI 300 – 0.01% વધ્યો
અમેરિકી બજારમાં પણ ઉછાળો
ડાઉ જોન્સ – 1.36% ઉપર બંધ
S&P 500 – 0.85% વધ્યો
નેસ્ડેક – 0.72% ઉપર ચઢ્યો
એક્સપર્ટ્સ શું કહે છે?
જિયોજીત ઇન્વેસ્ટમેન્ટ્સ લિમિટેડના રિસર્ચ હેડ વિનોદ નાયરે કહ્યું કે તાજેતરમાં અમેરિકા તરફથી ભારત પર અચાનક 50% ટેરિફ લગાવવાથી બજારમાં એક વખત મોટો દબાવ આવ્યો હતો અને સેન્સેક્સ 24,400 સુધી લપસી ગયો હતો.
પરંતુ, અમેરિકા તરફથી ભારત સાથે ફરી ચર્ચા શરૂ કરવા માટે હકારાત્મક સંકેતો મળતા બજારમાં વિશ્વાસ પરત આવ્યો છે. રોકાણકારો હવે નવા પરિમાણ સાથે તેજીની અપેક્ષા રાખી રહ્યા છે.
