Redmi A7 Pro 5G : Xiaomi એ ભારતીય બજારમાં પોતાનો નવો સસ્તો સ્માર્ટફોન, Redmi A7 Pro 5G લોન્ચ કર્યો છે. આ સ્માર્ટફોનમાં 32mp નો મુખ્ય કેમેરો અને 8mp નો ફ્રન્ટ કેમેરો આપવામાં આવ્યો છે. Redmi A7 Pro 5G માં 6.9-ઇંચની ડિસ્પ્લે અને 15W ફાસ્ટ ચાર્જિંગ સપોર્ટ સાથે 6,300mAh બેટરી છે. જાણો Redmi A7 Pro 5G ની કિંમત, ફીચર્સ, પ્રોસેસર અને કલર ઓપ્શન વિશેની સંપૂર્ણ માહિતી.
Redmi A7 Pro 5G ની કિંમત
Redmi A7 Pro 5G ના 4GB+64GB સ્ટોરેજ વેરિઅન્ટ ની કિંમત ₹12,499 અને 4GB+128GB સ્ટોરેજ વેરિઅન્ટ ની કિંમત ₹13,499 છે. ₹1,000 ની પ્રારંભિક ઓફર ડિસ્કાઉન્ટ કિંમત ઘટાડશે. Redmi A7 Pro 5G, Xiaomi ની સત્તાવાર વેબસાઇટ, ઈ-કોમર્સ સાઇટ એમેઝોન અને અગ્રણી રિટેલ સ્ટોર્સ પર ઉપલબ્ધ રહેશે. ગ્રાહકો ત્રણ મહિના સુધી નો-કોસ્ટ EMI ઓપ્શનનો પણ લાભ લઈ શકે છે. Redmi A7 Pro 5G માં Black, Mist Blue અને Sunset Orange જેવા પ્રીમિયમ કલર ઓપ્શન મળે છે અને 15 એપ્રિલ, 2026 થી આ સ્માર્ટફોનનું વેચાણ શરૂ થશે.
Redmi A7 Pro 5G ની ડિસ્પ્લે અને બેટરી
Redmi A7 Pro 5G માં HD+ રિઝોલ્યુશન સાથે 6.9-ઇંચની ડિસ્પ્લે, 120Hz રિફ્રેશ રેટ અને 800 nits પીક બ્રાઇટનેસ છે. ડિસ્પ્લે ટ્રિપલ TÜV રાઈનલેન્ડ આઇ કમ્ફર્ટ સર્ટિફિકેશન સાથે આવે છે. Redmi A7 Pro 5G માં 6300mAh બેટરી છે, જે 15W ફાસ્ટ ચાર્જિંગ અને 7.5W વાયર્ડ રિવર્સ ચાર્જિંગને સપોર્ટ કરે છે. ફોન 4GB+64GB, 4GB+128GB, અને 6GB+128GB સ્ટોરેજ ઓપ્શનમાં આવે છે, જેને MicroSD કાર્ડ દ્વારા 2TB સુધી વધારી શકાય છે. Redmi A7 Pro 5G, એન્ડ્રોઇડ 16 પર બેસ્ડ Xiaomi HyperOS 3.0 પર ચાલે છે. કંપની ચાર વર્ષ માટે એન્ડ્રોઇડ અપડેટ્સ અને પછી 6 વર્ષ માટે સુરક્ષા અપડેટ્સ ઓફર કરે છે.
આ પણ ખાસ વાંચો : Realme Narzo 100 Lite 5G ટૂંક સમયમાં થશે લોન્ચ! : 7000mAh બેટરી અને 144Hz ડિસ્પ્લે સાથે બજેટ સેગમેન્ટમાં 'ગેમ ચેન્જર' બનશે?
Redmi A7 Pro 5G નું કેમેરા સેટઅપ અને ફીચર્સ
કેમેરા સેટઅપ વિશે વાત કરીએ તો, Redmi A7 Pro 5G માં પાછળના ભાગમાં F2.0 અપર્ચર સાથે 32mp નો AI કેમેરો છે. સેલ્ફી અને વીડિયો કોલ માટે, F2.0 અપર્ચર સાથે 8mp નો ફ્રન્ટ કેમેરો છે. પરિમાણોની દ્રષ્ટિએ, ફોનની લંબાઈ 171.56 mm, પહોળાઈ 79.47 mm, જાડાઈ 8.15 mm અને વજન 210 ગ્રામ છે. કનેક્ટિવિટી ઓપ્શનમાં 5G, ડ્યુઅલ સિમ, બ્લૂટૂથ V5.4, 3.5mm હેડફોન જેક અને Wi-Fi સામેલ છે. સિક્યોરિટી માટે, સાઇડ-માઉન્ટેડ ફિંગરપ્રિન્ટ સેન્સર છે. Redmi A7 Pro 5G ને ધૂળ અને પાણી પ્રોટેક્શન આપવા માટે IP52 રેટેડ છે. Redmi A7 Pro 5G માં Octa-core T8300 5G પ્રોસેસર આપવામાં આવ્યું છે.
